პოტენციური სანქციების შიშით დასავლელი პარტნიორები ქართველ ექსპორტიორებთან ახალი ხელშეკრულებების გაფორმებისგან თავს იკავებენ - ამის შესახებ BMG -სთან ექსპორტის განვითარების ასოციაციაში განუცხადეს. როგორც ასოციაციის გამგეობის წევრი, გვანცა მელაძე აღნიშნავს, დასავლელ პარტნიორებში კითხვები გააჩინა ე.წ "რუსული კანონის" მიღებამ და საქართველოს მთავრობის ანტიდასავლურმა განცხადებებმა. მისი თქმით, პარტნიორები შიშობენ ხელშეკრულების დადება პოტენციურ სანქცირებულ პირებთან არ მოუწიოთ. განცხადებას პრემიერ-მინისტრიც გამოეხმაურა. ირაკლი კობახიძემ ტრადიცია არ დაარღვია და ექსპორტის განვითარების ასოციაციას კოლექტიური ნაცმოძრაობის დანამატი უწოდა. მისი თქმით ექსპორტ-იმპორტში ფუნდამენტური ზრდაა და ამ დანამატის განცხადებას არავითარი ფასი არა აქვს. როგორია დღეს ქართველ და ევროპელ ბიზნესმენებს შორის ურთიერთობები და რა კითხვები აქვთ პარტნიორებს?

სტუმარი: ზვიად ჭუმბურიძე - ევროკავშირი-საქართველოს ბიზნეს საბჭოს გენერალური მდივანი;


#ახალიამბები #BusinessMediaGeorgia