საქართველო ნეტო-ბილინგის სისტემის დასანერგად ემზადება. ნეტო ბილინგის ანუ ნეტო ანგარიშსწორების სისტემა არსებული მოდელის სრულ ცვლილებას გულისხმობს, შედეგად მოხდება არა მოხმარებული, თუ მიწოდებული კილოვატების გაქვითვა, არამედ ოპერაციებში ფინანსური კომპონენტი საწყის ეტაპზევე გათვალისწინებული - ანუ თავადაც იხდის მოხმარებული ელექტროენერგიის საფასურს და იღებს ანაზღაურებასაც მიწოდებული ელექტროენერგიიდან... საქართველოში ნეტო აღრიცხვის პროგრამა 2016 წელს ამოქმედდა. 8 წლიან პერიოდში სქემაში 1491 მიკროსიმძლავრის ელექტროსადგურია ჩართული, რომელთა ჯამური სიმძლავრე 103 მეგავატია. დღეს მოქმედი სქემით რევერსულად აღირიცხება ნებისმიერი პირის მიკროსიმძლავრის ელექტროსადგურის ქსელში მიწოდებული და მოხმარებული ელექტროენერგია, რა დროსაც წარმოებული და მოხმარებული ელექტროენერგია ერთმანეთს ქვითავს, სიჭარბის შემთხვევაში კი სემეკის დადგენილი ტარიფით ხდება ანაზღაურება. რატომ დადგა დღის წესრიგში ნეტო ბილინგის სისტემის დანერგვა და რა იქნება იმ მომხმარებლის სარგებელი, რომელიც ფლობს მიკრო მზის თუ ქარის სადგურს?

სტუმარი: დავით ნარმანია - სემეკის თავმჯდომარე


#ახალიამბები #BusinessMediaGeorgia