ახალი წელი მოგვიახლოვდა და ეს ის პერიოდია, როდესაც განსაკუთრებით გვახარებს ჩვენი საყვარელი ადამიანებისთვის თუ საკუთარი თავისთვის საჩუქრების გაკეთება. ამ მხრივ მრავალფეროვანი არჩევანი, არჩევანთან ერთად კი არაერთი შეთავაზებაა სააფთიაქო ქსელ ავერსში, კომპანიაში რომელსაც ვიცით, რომ ძალიან უყვარს ყველა დღესასწაულის მომხმარებელთან ერთად გაზიარება და აღნიშვნა. ცხადია არც ახალი წელი იქნება გამონაკლისი და ამაზე ოდნავ მოგვიანებით, თუმცა მანამდე გეტყვით, რომ ავერსი მიმდინარე წელს 31 წლის გახდა. 1994 წელს დაფუძნებული მედიკამენტების იმპორტიორი კომპანია, წლების განმავლობაში, თანაბარზომიერი განვითარებით, სამედიცინო სფეროში არამხოლოდ მედიკამენტების იმპორტისა და დისტრიბუციის მიმართულებით, არამედ ადგილობრივად ჯენერიკული დასახელების მედიკამენტების მწარმოებელ და სამედიცინო სერვისების მიმწოდებელ ერთ-ერთ მსხვილ ჯგუფად იქცა. დღეს, როცა უკვე კომპანიის გამოცდილება სამ ათწლეულს ითვლის, არ იცვლება ტემპი განვითარების, ზრდის და რაც ყველაზე მთავარია მომხმარებელზე ზრუნვის. სტუმარი: ლალი ბრეგვაძე - “ავერსი”, საზოგადოებასთან ურთიერთობის სამსახურის უფროსი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყვავილების მაღაზია, ფლორისტების სკოლა, ღონისძიებების მართვა და გაფორმება - ეს კომპანია ამელის შედეგებია, კომპანიის რომლის მთავარი იდეა ყვავილების სიყვარულს უკავშირდებოდა, თუმცა ბიზნესად ქცევის დღიდან მუდმივი განვითარება პროცესის ნაწილია. 2025 წელი საკმაოდ აქტიური და დატვირთული აღმოჩნდა ამელისთვის. სტუმარი: ნუკა-ბარბარე ჩოხელი - "ამელი", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
უკანასკნელი ათწლეულის განმავლობაში ქალთა ლიდერობა გლობალურ ტენდენციად იქცა, თუმცა არის სფეროები, სადაც ეს კვლავ იშვიათი გამონაკლისია. სამთომოპოვებითი მრეწველობა სწორედ ის ინდუსტრიაა, სადაც ადა ნანიკაშვილმა, რაც არ უნდა ბანალურად ჟღერდეს სტერეოტიპები დაამსხვრია. 2014 წლიდან ის კომპანია „აიემსის“ უდგას სათავეში, რომელიც გარდაბანში ინერტული მასალების მოპოვება-გადამუშავების მსხვილი მოთამაშეა. სტუმარი: ადა ნანიკაშვილი - IMC - დამფუძნებელი და მმართველი პარტნიორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ბამო" არის ქართული წარმოება, რომელიც ხის დეკორებსა და მცირე ზომის ავეჯს აწარმოებს, ძირითადი კონცეფცია - არტ-დეკორი, საბავშვო სათამაშოები და მცირე ზომის ავეჯია. ბამო" საოჯახო ბიზნესია, რომელიც 2020 წელს დაფუძნდა და მას შემდეგ წარმატებით ოპერირებს. სტუმარი: თეკა ჯამაკაშვილი - "ბამო", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სოციალური საწარმოს "ბაბალე" არის ორგანიზაცია, რომელიც თითქმის ათი წელია, დაუნის სინდრომის მქონე ბავშვებისთვის ქმნის სივრცეს, სადაც მათ ხატვის, კერამიკაზე და ქსოვილებზე მუშაობის სწავლა შეუძლიათ. ყველა ამ აქტივობით კი ეს ადამიანები პროფესიას იძენენ, შედეგად დასაქმების ბაზარზე თავის დამკვიდრებას ცდილობენ. ბაბალეს შემოქმედების მიერ შექმნილი პროდუქცია, როგორც ონლაინ ასევე შოურუმში იყიდება, ბაბალეს არაერთი წარმატებული გაყიდვა აქვს საერთაშორისო ბაზრებზეც. სტუმარი: ლია ტაბატაძე - "საქართველოს დაუნის სინდრომის ასოციაცია" , "ბაბალე" , დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალ წლამდე ზუსტად 1 კვირა გვაშორებს და ეს არის პერიოდი როდესაც წინასაახალწლო, სასაჩუქრე შესყიდვები განსაკუთრებით აქტიურდება. ქართული კომპანია - ბლუ ტაბლა ის ერთ-ერთი კომპანიაა, რომლის პროდუქციაზე მოთხოვნა, ამ პერიოდში კიდევ უფრო იზრდება. კომპანია, სუფრებს, ჭურჭელს, რანერებს და სხვა მსგავს პროდუქციას აწარმოებს. სტუმარი: ნინი ტყემალაძე - BlueTabla, მარკეტინგის მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
18 დეკემბერს, ახალგაზრდა მხატვრის, ნათია ლობჟანიძის ფერწერული გამოფენა გაიხსნა. გამოფენა, რომელიც “ფემილი არტ გალერეაში” წარმოდგენილი, დამთვალიერებლებს 15 იანვრამდე უმასპინძლებს. მხატვრის ნამუშევრებში - კლასიკური ესთეტიკა თანამედროვე ემოციით ცოცხლდება და მაყურებელს შთაბეჭდილების მიღმა, განცდაში ამყოფებს. სტუმარი: ნათია ლობჟანიძე - მხატვარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია Airbag.ge 2015 წელს დაარსდა და ავტომობილის უსაფრთხოების ბალიშების სრული სერვის აერთიანებს. კონკრეტულად ეს არის სერვისი, რომელიც ინსპექტირებას, დიაგნოსტიკას, აღდგენასა და პროგრამირებას მოიცავს. როგორც კომპანიაში ამბობენ, მთელ ამ პროცესში მხოლოდ ორიგინალ კომპონენტებს იყენებენ და ზრუნავენ რომ თითოეული მომხმარებლის ავტომობილი სრულიად გამართული იყოს. სტუმარი: გვანცა ჯოხარიძე -Airbag.ge, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
TechproDC უახლესი საინფორმაციო ტექნოლოგიების პროდუქტების, გადაწყვეტილებებისა და სერვისების მიმწოდებელია ამიერკავკასიასა და ცენტრალურ აზიაში. როგორც კომპანიაში აცხადებენ, ეს არის რეგიონში ლიდერი კომპანია სისტემური ინტეგრაციის, კიბერუსაფრთხოების, მონაცემთა ცენტრების აპარატურის, ქსელური გადაწყვეტილებების და პროგრამული უზრუნველყოფის, ასევე IT საკონსულტაციო და აუთსორსინგის სერვისებში.სამომავლო გეგმებიც განვითარებას და ინოვაციას უკავშირდება. კომპანიის მიზანი ქართულ ბაზარზე კიდევ უფრო მეტი ტექნოლოგიებში ლიდერი კომპანიის შემოყვანა და ინფორმაციული ტექნოლოგიების სრული სპექტრის დაფარვაა. სტუმარი: რუსუდან ანდღულაძე - TechproDC ბიზნესის განვითარების დირექტორი საქართველოში #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ევროკომისიის უახლესი ანგარიშის თანახმად, საქართველოში არსებული „სისტემური და მიზანმიმართული დემოკრატიული უკუსვლის“ გამო, ქვეყანას ევროკავშირთან უვიზო მიმოსვლის შეჩერება ემუქრება. „რადიო თავისუფლების“ ინფორმაციით, ბრიუსელი მზადაა გამოიყენოს ახალი რეგულაციები, რომლებიც ძალაში 2025 წლის 30 დეკემბრიდან შედის. ანგარიშის მიხედვით, შეზღუდვები, შესაძლოა, ეტაპობრივად დაწესდეს: პირველ ეტაპზე: შეზღუდვა შეეხებათ დიპლომატიური და სამსახურებრივი პასპორტების მფლობელებს. შემდგომ ეტაპზე: უვიზო რეჟიმი სრულად გაუუქმდება ქვეყნის მთელ მოსახლეობას.ევროკომისია ხაზს უსვამს, რომ საქართველომ მნიშვნელოვნად გადაუხვია ევროპულ კურსს, უგულებელყო ბრიუსელის არაერთი რეკომენდაცია და მისი სავიზო პოლიტიკა მკვეთრად აცდა ევროკავშირის სტანდარტებს. პროცესის შეჩერება მხოლოდ იმ შემთხვევაშია შესაძლებელი, თუ ხელისუფლება არსებულ პრობლემებს ოპერატიულად აღმოფხვრის. უვიზო რეჟიმის გაუქმება მთელ მოსახლეობაზე აისახება, გამონაკლისი არც ბიზნესი იქნება და ცხადია ტურიზმი ის ერთ-ერთი პირველი სფერო იქნება, რომელიც გავლენას მაშინვე იგრძნობს - რა შედეგებს მოუტანს უვიზო რეჟიმის დაკარგვა ტურიზმის ინდუსტრიას? სტუმარი: ლაშა ბერეკაშვილი - ტუროპერატორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ამერიკის შეერთებული შტატების პრეზიდენტმა, დონალდ ტრამპმა “მწვანე ბარათების” პროგრამა შეაჩერა. გავრცელებული ინფორმაციით, გადაწყვეტილება უკავშირდება ბრაუნის უნივერსიტეტში მომხდარი სროლისა და MIT-ის პროფესორის მკვლელობაში ეჭვმიტანილი პირის ვინაობის დადგენას, რომელიც შტატებში წლების წინ სწორედ “მწვანე ბარათის” მოპოვების შედეგად მოხვდა. “მწვანე ბარათის” პროგრამის დაპაუზების პარალელურად, ამერიკის საშინაო უსაფრთხოების დეპარტამენტის ხელმძღვანელმა, კრისტი ნოემმა პრეზიდენტისაგან ოფიციალურად მიიღო განკარგულება, რომ შემდგომი მითითების მიღებამდე სრულად შეზღუდოს იმიგრანტთა ავტორიზაციის პროცესიც. როგორც ტრამპის გუნდში განმარტავენ, გადაწყვეტილების მიზანი ქვეყნის შიდა უსაფრთხოების მეტი უზრუნველყოფაა. ცნობისთვის, “მწვანე ბარათის” ლატარია, რომელიც ყოველწლიურად ტარდება, შტატებში ცხოვრების უფლებას 50,000-მდე ადამიანს აძლევს. აღსანიშნავია, რომ 2025 წელს ამ პროგრამაში მონაწილეობისთვის განაცხადი 20 მილიონზე მეტმა ადამიანმა შეავსო. სტუმარი: თინათინ გოგუაძე - e-Consul-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
10 დეკემბერს, ადამიანის უფლებათა დაცვის საერთაშორისო დღეს, ჰააგის მშვიდობის სასახლეში მსოფლიო ყურადღების ცენტრში საქართველო მოექცა. 500-ზე მეტი დელეგატის წინაშე, კონფერენციაზე „ქალები და მშვიდობა“, 2025 წლის ბერტა ფონ ზუტნერის მშვიდობის პრემიის ლაურეატი გამოცხადდა. ეს საპატიო ჯილდო, რომელიც მშვიდობისმყოფელ ქალებს გადაეცემათ, წელს ქართველი უფლებადამცველის ხელში აღმოჩნდა. სტუმარი: ელენე რუსეცკაია - „ქალთა საინფორმაციო ცენტრი“, გამგეობის თავმჯდომარე #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Infinite Language Space, ენების სასწავლო ონლაინ ცენტრი, რომელიც ონლაინფორმატიდან გამომდინარე განათლებაზე ხელმისაწვდომობას ზრდის. Infinite Language Space-ი არის ყველასათვის, მიუხედავად ადგილმდებარეობისა. ანუ ის თანაბრად ხელმისაწვდომია როგორც დედაქალაქში, ასევე რეგიონებსა თუ საქართველოს ფარგლებს გარეთ მცხოვრები ადამიანებისთვის. თავდაპირველად ცენტრი მხოლოდ ინგლისური ენის სწავლებაზე იყო ორიენტირებული, თუმცა ეტაპობრივად სხვადასხვა ენა, მათ შორის აზიური ენები დაემატა. Infinite Language Space მაქსიმალურად ერგება ენის შესწავლის მსურველების მოთხოვნებს და კონკურენტულ ბაზარზე თავის ადგილს იმკვიდრეს. სტუმრები: ნინო ბადალაშვილი - Infinite Language Space, თანადამფუძნებელი ანანო აბრამიშვილი - Infinite Language Space, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„20 დეკემბერს წყნეთის ტყის ბანაკი სადღესასწაულო და, საქმიან ეპიცენტრად იქცევა. „სიმონიკა - ჩხეიძეების ღვინო“ მასპინძლობს საშობაო ბაზრობას, რომელიც ღვინის, გასტრონომიისა და არტ-პროდუქციის სინერგიას შექმნის. ეს ღონისძიება ქართველი მეღვინეებისთვის , მცირე მადნებისთვის 2025 წლის ერთგვარი ფინალური აკორდია და სანამ წყნეთის ტყეში ერთად შეაჯამებენ მონაგარს და ვიზიტორებსაც გაუზიარებენ შედეგებს. რამდენად წარმატებული იყო წელი „სიმონიკა - ჩხეიძეების ღვინისთვის “ და რა სტრატეგიული მნიშვნელობა აქვს მსგავსი ბაზრობების ორგანიზებას ბრენდის ცნობადობისა და გაყიდვებისთვის? სტუმარი: ნინი ჩხეიძე - „სიმონიკა - ჩხეიძეების ღვინო“, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორ უნდა აქციო ერთი კონკრეტული ადგილი მთელი ქვეყნის სავიზიტო ბარათად? „არაგვისპირის მარანმა“ სწორედ ამის პრეცედენტი შექმნა. ეს არის ერთ სივრცეში მოქცეული პატარა საქართველო, სადაც ისტორიას თავად ღვინო და საგანგებოდ შერჩეული გასტრონომია ჰყვება. როგორც არაგვისპირის მარანში აღნიშნავენ სტუმრებს სრულად და ბოლომდე ავთენტურ ადგილობრივი გამოცდილება სთავაზობენ. იქაური სტუმარ-მასპინძლობა იტევს როგორც ტურებს, ისე მასტერკლასებსა და ქართული ტრადიციების თანამედროვე ხედვას. როგორც აღნიშნავენ, სწორედ ის კომპონენტები ქმნიან იმ უნიკალურ ემოციას, რაც ბრენდის მთავარი კაპიტალია. როგორ გარდაქმნის ბრენდი ლოკალურ რესურსს გლობალურ ტურისტულ პროდუქტად? სტუმარი: ეკა ჩიკვაიძე - გასტრონომიული სივრცე “არაგვისპირის მარანში” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
განათლება საზღვრების გარეშე - ეს ფრაზა ხშირად გვესმის, თუმცა სამხრეთ კავკასიის რეგიონში რეალური ხელმისაწვდომობა ჯერ კიდევ გამოწვევად რჩება.სწორედ ამ ბარიერის გარღვევას ემსახურება Dabudu.com - პლატფორმა, რომელიც რეგიონს ახალი ცოდნისთვის აერთიანებს. შედეგი უკვე ხელშესახებია: ყოველთვიურად 100-ზე მეტი ახალი მომხმარებელი, რომელიც განვითარებას ირჩევს. როგორია ქართული სტარტაპის რეგიონალური ამბიცია და განვითარების გეგმები? სტუმარი: ქრისტინე ჩიქოვანი - პლატფორმა Dabudu.com, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
300 გადარჩენილი სიცოცხლე - ეს არა უბრალოდ სტატისტიკა, არამედ 300 ქალის რეალური ისტორიაა, რომელიც ტრაგედიით შეიძლებოდა დასრულებულიყო, რომ არა ერთი ღილაკი მობილურ ტელეფონში. ტექნოლოგიები დღეს უკვე ფიზიკურ გადარჩენაზე ზრუნავს და ამას ადასტურებს Safe YOU - უფასო აპლიკაცია, რომელიც ზუსტად გეუბნება, რა უნდა გააკეთო მაშინ, როცა საფრთხეს გრძნობ. როგორ მუშაობს სისტემა, რომელიც თქვენს პირად მცველად შეიძლება იქცეს და როგორ შეიქმნა პლატფორმა, რომელმაც უკვე ასეულობით ქალს უსაფრთხოების განცდა დაუბრუნა? სტუმარი: ნათია კუპრაშვილი - JRC • ჟურნალისტიკის რესურსცენტრი, თავმჯდომარე ➡️ #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
025 წლის დეკემბერში მსოფლიო ტურისტული ინდუსტრია აჯამებს წელს, რომელიც ოფიციალური სტატისტიკით ისტორიაში შევა როგორც გლობალური მობილობის სრული რესტავრაციის პერიოდი, სადაც საერთაშორისო ტურისტულმა ნაკადებმა და გენერირებულმა შემოსავლებმა პირველად დამაჯერებლად გადააჭარბა პანდემიამდელ, 2019 წლის ნიშნულს. თუმცა, ციფრული რეკორდების მიღმა იმალება ფუნდამენტურად შეცვლილი ეკონომიკური რეალობა: გლობალური ინფლაციისა და საავიაციო საწვავზე ფასების სტაბილურად მაღალი ნიშნულის გამო, მოგზაურობა მსოფლიო მასშტაბით მნიშვნელოვნად გაძვირდა, რამაც მომხმარებლის ქცევაში რადიკალური ცვლილება გამოიწვია - რაოდენობრივი ტურიზმი ჩაანაცვლა ხარისხობრივმა მოთხოვნამ. რამდენად ვრცელდება ანალოგიური ტრენდი ქართველ მოგზაურებზეც და რას აჩვენებს რიცხვები? სტუმარი: ლევან ოსეფაიშვილი - Check-In Travel, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თქვენი სანდო პარტნიორი მშენებლობის პროცესში - ასე პოზიციონირდა ქართულ ბაზარზე კომპანია CQM, რომელსაც, დღეს სრულად და ბოლომდე გაგაცნობთ საქმიანებს. ეს არის კომპანია, რომელიც სამშენებლო პროცესებს იდეიდან, მის საბოლოოდ სისრულეში მოყვანამდე, მთელი ციკლის ფარგლებში მართავს. CQM-ის პროფესიონალთა გუნდი, როგორც კომპანიაში აღნიშნავენ, მომხმარებელს სამშენებლო პროექტის სრულ მენეჯმენტს სთავაზობს, რომლის პირობებშიც ეფექტიანი კომუნიკაციის, დროული შესრულებისა და ბიუჯეტის სწორად დაგეგმვის საფუძველზე, პროექტის წარმატებით განხორციელებას უზრუნველყოფს. სტუმარი: ნათია ჭუმბურიძე - CQM, აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს ადვოკატთა ასოციაციის თავმჯდომარის გამოსავლენად მეორე ტურის გამართვა გახდა საჭირო, სადაც ერთმანეთს ირაკლი ჩომახაშვილი და ირაკლი ყანდაშვილი დაუპირისპირდებიან. მიუხედავად იმისა, რომ ახლადარჩეულ აღმასრულებელ საბჭოში მანდატების უმრავლესობა ყანდაშვილის გუნდმა მოიპოვა, თუმცა აქვე ისიც უნდა აღვნიშნოთ, რომ ჩომახაშვილის პოზიციებს მისდამი მესამე ადგილზე გასული კანდიდატის, მუხრან ღურწკაიას ღია მხარდაჭერა ამყარებს. მომდევნო ორი კვირის განმავლობაში, ასოციაცია ფაქტობრივად საარჩევნო რეჟიმში რჩება, სადაც საბოლოო გამარჯვებულს ადვოკატთა ხმების უბრალო უმრავლესობა გამოავლენს, საბჭოში კი ძალთა ბალანსი უკვე გადანაწილებულია, სადაც ირაკლი ჩომახაშვილის გუნდიდან სამი წევრი: გიორგი ფანცულაია, ზაქრო გვიშიანი და ნინო ლიპარტია შევიდნენ. სტუმარი: ნინო ლიპარტია - "საქართველოს ადვოკატთა ასოციაცია", აღმასრულებელი საბჭოს წევრი, ადვოკატი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
21 დეკემბერს, საქართველოს ფერმერთა ასოციაცია „ძველ აგრობაზარში“ მასშტაბურ გამოფენა-გაყიდვას გამართავს, რომლის მთავარი მიზანი ადგილობრივი აგროსექტორის სტიმულირება და ფერმერსა და მომხმარებელს შორის პირდაპირი სავაჭრო კავშირების დამყარებაა. ღონისძიება, რომელიც 12:00 საათზე დაიწყება, მწარმოებლებს სარეალიზაციო არხების დივერსიფიკაციისა და ცნობადობის გაზრდის შესაძლებლობას მისცემს, ხოლო ვიზიტორებს შესთავაზებს წვდომას მაღალი სტანდარტის, მათ შორის „გეოგაპით“ სერტიფიცირებულ, მიკვლევად და უვნებელ აგროპროდუქციაზე, რაც ხელს უწყობს ქართულ ბაზარზე ხარისხის კონტროლისა და სანდოობის ამაღლებას. სტუმარი: თამთა მამულაიძე - "საქართველოს ფერმერთა ასოციაცია" აგრიტექისა და ინოვაციების დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„შოკოლადი ბევრისთვის უბრალოდ ტკბილეულია, თუმცა არსებობენ ადამიანები, ვინც მას ხელოვნებად და ემოციად აქცევს. სწორედ ასეთია „შოკოჰოლიკი“ - ბრენდი, რომელიც მომხმარებელს სთავაზობს არა მხოლოდ არტიზანულ შოკოლადებს, ტრიუფელებსა და ნუგას, არამედ გემოს, რომელიც განსაკუთრებულ მოგონებებთან ასოცირდება. როგორი იყო 2025 წელი ამ ტკბილი ბიზნესისთვის, რას ითხოვს მომხმარებელი წინასაახალწლოდ და რა გეგმები აქვს კომპანიას 2026 წლისთვის გაწერილი? სტუმარი: თეა ედიშერაშვილი - “შოკოჰოლიკი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ზუსტად 4 წლის წინ, 10 დეკემბერს, როდესაც „საქართველოს ცელიაკიის ასოციაცია“ დაფუძნდა, გლუტენის აუტანლობა ჩვენს საზოგადოებაში ჯერ კიდევ ბუნდოვან და ნაკლებად გააზრებულ პრობლემად რჩებოდა. ქვეყანაში, სადაც პურისა და ცომეულის კულტია, ცელიაკიის მქონე ადამიანებისთვის უგლუტენო პროდუქტების მოძიება ყოველდღიური გამოწვევა იყო. დღეს, მართალია ოფიციალური სტატისტიკა ჯერ კიდევ არ გვაქვს, თუმცა ბაზარი თავად გვკარნახობს რეალობას - ბიზნეს სექტორის გააქტიურება და დახლებზე სპეციალიზებული პროდუქციის მრავალფეროვნება პირდაპირი ინდიკატორია იმისა, რომ მოთხოვნა მზარდია. რა გზა გაიარა ასოციაციამ დაფუძნებიდან დღემდე, როგორ შეცვალა 2025 წელმა ცელიაკიის მქონე ადამიანების ცხოვრების ხარისხი და როგორ პასუხობს ბიზნესი ამ გამოწვევას? სტუმარი: ქეთი ტაბატაძე - “საქართველოს ცელიაკიის ასოციაცია", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
30 ნოემბერს სასტუმრო შერატონ მეტეხი პალასში სიდიჯი სინდრომისა და აუტიზმის ფონდის პრეზენტაცია გაიმართა. აქვე გეტყვით, რომ ეს სინდრომი იშვიათი გენეტიკური დაავადებაა, რომელიც ცნობილია, როგორც გლიკოზილირების თანდაყოლილ დარღვევად. რაც შეეხება ფონდს მისი მიზანი სიდიჯი სინდრომის, სხვა იშვიათი დაავადებების და აუტიზმის მქონე ბავშვებისა და მათი ოჯახის წევრების, როგორც ფინანსური ასევე სოციალური მხარდაჭერაა. ამ პროცესში მნიშვნელოვანია ისიც, რომ CDG სინდრომის, სხვა იშვიათი დაავადებების და აუტიზმის შესახებ ცნობიერება ამაღლდე, ფონდის ერთ-ერთი მთავარი საზრუნავიც სწორედ ეს იქნება. სტუმარი: თათა ცინცაძე - “CDG სინდრომისა და აუტიზმის ფონდი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
"ძველი სუფრა" - ქართული ტრადიციული ლურჯი სუფრის შთაგონებით შექმნილი საწარმო - თეკლა ერკვანიძე ქალების ნარატივში #ახალიამბები #BusinessMediaGeorgia
შოკოლადი, ყველა დროის, ყველა სეზონის საყვარელი ტკბილეულია და მასზე მოთხოვნა არასდროს მცირდება. თუმცა სადღესასწაულო პერიოდი ამ ტკბილეულის მიმართ მოთხოვნას კიდევ უფრო ზრდის და ახალი წელი გვიახლოვდება, შესაბამისად, სასაჩუქრედ თუ განწყობის ასამაღლებლად სფეის ბოქსი ერთ-ერთი კარგი არჩევანია. სფეის ბოქსი ეს არის შოკოლადის ბოქსების მწარმოებელი ქართული კომპანია რომელიც მომხმარებელს ცხრა დიზაინის ბოქსს სთავაზობს. როგორც კომპანიაში ამბობენ,წლევანდელი საახალწლო სეზონი მოთხოვნის მკვეთრი ზრდით დაიწყო და უკვე ფიქსირდება როგორც კორპორაციული, ისე საცალო მომხმარებლების წინასწარი ჯავშნები. გაზრდილი ინტერესის საპასუხოდ კომპანიამ ბაზარზე ორი ახალი ბოქსი წარადგინა. სტუმარი: ანუკა კაკაბაძე - SPACEBOX-ის თანადამფუძნებელი, #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალი წელი არის ყველასთვის, დღესასწაული, რომლის დროსაც ყველა ადამიანი, განსაკუთრებით ბავშვები აუცილებლად ბედნიერები უნდა იყვნენ. თუმცა სხვადასხვა სოციალური პრობლემების გამო ხშირად ეს ასე არ ხდება და ხშირად ბავშვები საჩუქრების გარეშე რჩებიან, მშობლებამდე მიტანილი საახალწლო სურვილების სია კი შეუსრულებელი რჩება. ამ დროს კეთილი ადამიანების პასუხისმგებლობა ჩნდება, მათი ვინც ყოველ წელს მზად არის, თუნდაც ერთი ბავშვის “თოვლის ბაბუობა” საკუთარ თავზე აიღოს. ამ კეთილი საქმის ორგანიზებას და პროცესში ადამიანების ჩართვას ყოველ წელს საქველმოქმედო ფონდი - სიცოცხლე სიკეთისთვის უზრუნველყოფს. “წერილები თოვლის ბაბუას” - ასე ჰქვია ფონდის კამპანიას, რომლის მიზანია სოციალურად დაუცველი ოჯახების, თავშესაფარში მცხოვრები მოხუცებისა და ბავშვების დახმარება. Რა გახდა "სიცოცხლე სიკეთისთვის" დაარსების მიზეზი? ვის შეუძლია აღნიშნულ პროექტში მონაწილეობის მიღება? სტუმარი: სოფი მეიშვილი - ფონდი "სიცოცხლე სიკეთისთვის" , დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალ წლამდე სულ რამდენიმე კვირა გვაშორებს და ეს ის პერიოდია, როდესაც სახლები, ოფისები, თუ გარე სივრცეები განსაკუთრებულ სიმყუდროვეს იძენს, რადგან ადამიანები სივრცეების გაფორმებას, სადღესასწაულო დეკორაციებით მორთვას იწყებენ. ამ პერიოდში მოთხოვნა იზრდება ნაძვის ხეებზე, ნაძვის ხეებთან ერთად კი ყველა სხვა დანარჩენ დეკორაციაზე. გლობალური ტრენდების გათვალისწინებით მოთხოვნები და იდეები უფრო მრავალფეროვანი ხდება, ყველა საჭირო სურვილს კი შესაბამისად - Winter time-ში პასუხობენ. ეს არის კომპანია, რომელიც მომხმარებელს პრემიუმ ხარისხის ნაძვის ხეებს სთავაზობს, ამასთან ერთად კი ყველა სხვა სადღესასწაულო დეკორაციას. იმპორტირებულ ნაძვის ხეებთან ერთად ვინთერ თაიმი უკვე მომხმარებელს საკუთარი დიზაინით შექმნილს ხეებსაც სთავაზობს. რა სიახლეები აქვს ვინთერ თაიმს წელს და როგორია მოთხოვნა? სტუმრები: ნინო შენგელია - Winter Time, დამფუძნებელი შაკო ბაბილუა - Winter Time, დამფუძნებელი #ახალიამბები #BusinessMediaGeorgia
მოგვიახლოვდა ზამთრის ტურისტულად აქტიური სეზონი და ბიზნესიც განსაკუთრებულ სამზადისშია. განსხვავებით ზაფხულისა, როდესაც ტურისტული სექტორი სეზონით კმაყოფილი იყო, ზამთარს გამოწვევებით ხვდება. პრობლემები ზამთრის კურორტებზე მეტად შესამჩნევია. მაგალითად, სვანეთში მდებარე ბიზნესის წარმომადგენლები ამბობენ, რომ წელსაც მთავარი გამოწვევა ელექტროენერგიის მომარაგება იქნება. პრობლემებს შორისაა მზარდი ინფლაციაც, რომელიც სექტორს ხარჯებს უზრდის. რა ვითარებაა სვანეთში კერძოდ მესტიაში? სტუმარი: თათია თეთრაშვილი - “ვილა ჩელოს” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნოემბერში საქართველოში სასტუმროებში განთავსება გაიაფდა. ამის შესახებ PMC კვლევითი ცენტრის სასტუმროს ფასების ინდექსის განახლებული მიმოხილვაშია აღნიშნული. ნოემბერში საქართველოს სასტუმროს ფასების ინდექსი წინა თვესთან შედარებით 5.9%-ით შემცირდა. თვიურ ჭრილში ყველაზე დიდი კლება გურიაში, თბილისსა და სამცხე-ჯავახეთში დაფიქსირდა. წლიურად კი ინდექსი 4.2%-ით არის შემცირებული და ყველაზე დიდი კლება იმერეთში, კახეთსა და სამეგრელო-ზემო სვანეთში ფიქსირდება. ამის პარალელურად სასტუმრო ბიზნესი და ზოგადად ტურისტული სექტორის ზამთრის სეზონისთვის ემზადება და შესაბამისად საინტერესოა რამდენად აქტიურ ზამთრის პერიოდს უნდა ველოდოთ ტურისტულად? სტუმარი: მაია მახათაძე - Radar-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
"დასტა" 2014 წელს ქართული ბაზრისთვის უპრეცედენტო სერვისით დაფუძნდა, როგორც დოკუმენტების პროფესიონალური მართვის პიონერი კომპანია. ამაში კი დოკუმენტების როგორც შენახვა, ასევე გაციფრულება და მათ შორის განადგურება იგულისხმება. ბოლო სამი წლის განმავლობაში, კომპანიამ სტრატეგიული დივერსიფიკაცია მოახდინა და „დასტა 3PL“-ის მეშვეობით, ბიზნესის ოპერაციული ეფექტიანობის მრავალმხრივ პარტნიორად იქცა. კომპანია მომხმარებელს მესამე მხარის ლოგისტიკური მომსახურების სრულ ციკლს სთავაზობს. როდის და რატომ გადაწყდა საარქივო სერვისიდან მასშტაბურ ლოგისტიკურ მომსახურებაზე გაფართოება? 2014 წელს ქართული ბაზრისთვის უპრეცედენტო სერვისით დაფუძნდა, როგორც დოკუმენტების პროფესიონალური მართვის პიონერი კომპანია. ამაში კი დოკუმენტების როგორც შენახვა, ასევე გაციფრულება და მათ შორის განადგურება იგულისხმება. ბოლო სამი წლის განმავლობაში, კომპანიამ სტრატეგიული დივერსიფიკაცია მოახდინა და „დასტა 3PL“-ის მეშვეობით, ბიზნესის ოპერაციული ეფექტიანობის მრავალმხრივ პარტნიორად იქცა. კომპანია მომხმარებელს მესამე მხარის ლოგისტიკური მომსახურების სრულ ციკლს სთავაზობს. როდის და რატომ გადაწყდა საარქივო სერვისიდან მასშტაბურ ლოგისტიკურ მომსახურებაზე გაფართოება? სტუმარი: ნინო კუხიანიძე - “დასტა”, გენერალური დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საგარეჯოში, ულამაზეს სოფელ ხაშმში, უკვე 2017 წლიდან წარმატებით ოპერირებს მეღვინეობა „პონგინო ვაინი“. ეს არის ადგილი, სადაც იბადება პრემიუმ კლასის ადგილწარმოშობის ღვინოები – ხაშმის საფერავი, ქისი, მუსკატი და რქაწითელი. თუმცა, „პონგინო ვაინი“ მხოლოდ ღვინით არ შემოიფარგლება.კომპანიას მასშტაბური გეგმები აქვს, მათ შორის, 2026 წლიდან კოტეჯების მშენებლობის დაწყება, რაც ღვინის ტურიზმის განვითარებისკენ გადადგმული კიდევ ერთი მნიშვნელოვანი ნაბიჯია. სტუმარი: გულნარა რომანაძე - "პონგინო ვაინი", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოს იურიდიული ფირმების ასოციაციის ადვოკატები საქართველოს ადვოკატთა ასოციაციის არჩევნებში ერთვება. 19-მა ადვოკატმა არჩევნებში მონაწილეობისათვის რეგისტრაცია უკვე გაიარა. კერძოდ, სიფა აყენებს კანდიდატებს საქართველოს ადვოკატთა ასოციაციის აღმასრულებელ საბჭოში, ეთიკის კომისიასა და სარევიზიო კომისიაში, თუმცა მას არ დაუყენებია ადვოკატთა ასოციაციის თავმჯდომარეობის კანდიდატურა. რატომ არ აყენებს სიფა თავის კანდიდატურას ამ თანამდებობაზე და რა მისიით და მიზნით ერთვება ორგანიზაცია არჩევნებში სტუმარი: ანა ლორია - ადვოკატი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
პირადი ფინანსების მენეჯმენტი 360° - ასე ჰქვია ფინანსისტისა და ფინანსური კონსულტანტის, სალომე ახვლედიანის საავტორო კურსს, რომელიც ამ ეტაპზე, წარმოადგენს საქართველოში პირველ სრულყოფილ კურსს პირადი ფინანსების მართვისა და ფინანსური წიგნიერების მიმართულებით. კურსი ყველა დაინტერესებულ პირს შესაძლებლობას აძლევს შეისწავლონ, პირადი ბიუჯეტის მიზნობრივად დაგეგმვა და მართვა, ისევე როგორც დაზოგვის სტრატეგიები, ასევე გიუმჯობესონ ფინანსური მდგომარეობა და მიღწიონ გრძელვადიან ფინანსურ მიზნებსა და სტაბილურობას. ეს კიდევ არასრული ჩამონათვალია იმ მიმართულებების, რასაც ეს კურსი ფარავს და აერთიანებს, ისევე როგორც მისი შემქმნელის პირადი, საქმიანი პორტფელიც. სალომე ახვლედიანი ერთდროულად არის CFO, მრავალწლიანი გამოცდილებით, ისევე როგორც ფინანსური მენეჯერი, ფინანსური ანალიტიკოსი და ლექტორი. სტუმარი: სალომე ახვლედიანი - ფინანსისტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სკოლებში მობილური ტელეფონების აკრძალვა, I-VI კლასებში სავალდებულო სასკოლო ფორმების დაბრუნება, „რეპეტიტორიუმი“ XI კლასში და არჩევითი XII კლასი, - „ქართული ოცნების“ მთავრობა სასკოლო რეფორმას აანონსებს. ერთ-ერთი ძირითადი ცვლილებებით, ყველა საჯარო სკოლაში შევა განათლების სამინისტროს დაწერილი სახელმძღვანელოები. ყველა სკოლასა და კლასებში სამინისტროს მომზადებულ ერთსა და იმავე სახელმძღვანელოებს გამოიყენებენ. რეფორმა ეფუძნება „ქართული ოცნების“ მიერ 2024 წელს მიღებულ "ზოგადი განათლების ეროვნულ მიზნებს". ამ დოკუმენტმა შეცვალა 2004 წელს მიღებული კონცეფცია, რომელიც, როგორც გივი მიქანაძემ განაცხადა, „გაჯერებული იყო ლიბერალური ღირებულებებით“ - რა ღირებულებებით ჩაანაცვლებს ქართული ოცნება ლიბერალიზმს ეს სხვა საკითხია და კითხვის დასმის შემთხვევაში ამაზე არც პასუხის პოვნა გაჭირდება. სტუმარი: მარიამ რამინაშვილი - განათლების ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ოცნება განათლების რეფორმას იწყებს, რომლის კონცეფციაც მიმდინარე კვირას მთავრობის სხდომაზე დაამტკიცეს. განათლების მინისტრი არსებულ სტუდენტებს ჰპირდება, რომ სწავლას იმ უნივერსიტეტებში დაასრულებენ სადაც დღეს სწავლობენ, თუმცა ერთი ქალაქი ერთი უნივერსიტეტის კონცეფციის თანახმად უმაღლეს სასწავლებლებს ჩამორთმეულ ფაკულტეტებზე ახალი სტუდენტების მიღება აღარ შეეძლებათ. დაანონსებულ რეფორმაში შესული ცვლილებით, მომავალი წლიდან მეორე საფეხურის საგანმანათლებლო პროცესი 3+1 მოდელის ნაცვლად, 3+1+1 სისტემით წარიმართება. ფაკულტეტებზე კი ადგილების რაოდენობა ბაზრის კვლევების მიხედვით განისაზღვრება. ამ რეფორმით რამდენად მოგვარებადია განათლების სისტემაში არსებული პრობლემები თუ ამის მხოლოდ ილუზორულ წარმოდგენას ქმნის ქართული ოცნება? სტუმარი: ქეთი ცოტნიაშვილი - უმაღლესი განათლების ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რაჭაში არსებული რეწვის რეწვის სახელოსნო "ედენა" ოპერირებს 10-წლიან პერიოდს ითვლის და რეწვის მრავალფეროვან სპექტრს აერთიანებს, მუშაობენ თექაზე, მინანქარზე, ისევე როგორც აბრეშუმის ხატვისა და ჯვარედინი ქარგვის მიმართულებით იმყარებენ პოზიციებს. როგორ ვითარდება ბიზნესი და რა მონაგარით ხურავს 2025 წელს? სტუმარი: ლილიანა მაისურაძე - "ედენა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქველმოქმედო ფონდი „სიცილის თერაპია“, რომლის ერთ-ერთი დამფუძნებელი, ჩვენთვის ყველასთვის საამაყო, გამორჩეული მოქალაქე და მსახიობი ანდრო ჭიჭინაძეა, ჯანმრთელობის მსოფლიო ორგანიზაციის პარტნიორი გახდა. ანდრო რომ უსამართლო ტყვეობაშიც არ ჩერდება და ახალ-ახალ მწვერვალებს იპყრობს პროფესიაში და მის მიღმა საქმიან ცხოვრებაშიც, ამაში არაერთხელ დავრწმუნდით, თუმცა ამ შემთხვევაში, ფონდის წარმატებასა და მის საერთაშორისო აღიარებაზე ვკონცენტრირდებით. „სიცილის თერაპია“ ანდრო ჭიჭინაძემ, ნინო ბოლქვაძემ და ნათელა ფოცხვერიამ 2022 წელს დააფუძნეს. ფონდს ჰყავს ექიმი-ჯამბაზები და არტ-თერაპევტები, რომლებსაც სპეციალური სწავლება აქვთ გავლილი. ფონდ ეხმარება ონკოლოგიურ და პალიატიურ პაციენტ ბავშვებს ფსიქო-ემოციური მდგომარეობის გაუმჯობესებაში დაავადებასთან ბრძოლის დროს. როგორ აგრძელებს ფონდი მისიის შესრულებას და საქმიანობას ახლა უკვე ჯანდაცვის მსოფლიო ორგანიზაციის წევრის სტატუსით? სტუმარი: ნინო ბოლქვაძე - "სიცილით თერაპია", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ბრენდი "ზეზეწარზი" ქართულ ბაზარზე ოპერირების 4-წლიან ისტორიის ითვლის. კომპანიის მონაგარი თვალსაჩინოა როგორც რიცხვებში ისე, პროდუქციის გაფართოებულ ასორტიმენტშიც, რომელიც საწოლის თეთრეულის მიღმა, პირსახოცებს, საღამურებს, მაგიდის გადასაფარებლებსა და ტექსტილის ყველა იმ სახეობას აერთიანებს, რაც მყუდრო და კომფორტული ცხოვრებისთვის არის მნიშვნელოვანი. როგორ ხურავს ზეზეწარი 2025 წელს და რა გეგმებით ხვდება 2026-ს? სტუმარი: მარიკელა ახვლედიანი - "ზეზეწარი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თბილისის გეშტალტ ინსტიტუტი ოპერირების 12-წლიან ისტორიის ითვლის. როგორც მისი წარმომადგენლები განმარტავენ, გეშტალტ ინსტიტუტის სასწავლო პროგრამა სრულად და ბოლომდე შეესაბამება საერთაშორისო სტანდარტებს და კურსდამთავრებულებს ეძლევათ შესაძლებლობა ევროპაში აკრედიტირებული ფსიქოთერაპევტები აგხდნენ. აღსანიშნავია ისიც, რომ თბილისის გეშტალტ ინსტიტუტმა 2024 წლიდან სუპერვიზიის კურსი დანერგა, 2026 წლიდან კი სტარტს ფსიქოლოგიის ზოგადი პროგრამაც აიღებს. სტუმარი: მაკა ისაკაძე - “თბილისის გეშტალტ ინსტიტუტი” , დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ციფრული ტექნოლოგიები და ხელოვნური ინტელექტი ლიდერებისათვის - ამ სახელწოდებით ამ უქმეებზე Bewise Georgia-მ ღონისძიება გამართა, რომელიც მიზნად ისახავდა ლიდერების მიერ ციფრული ტექნოლოგიების და AI-ის ეფექტური გამოყენების გაღრმავებას. პროგრამა მოიცავდა ისეთ პრაქტიკულ და თეორიულ სექციებს, რომლებიც როგორც Bewise Georgia-ში აღნიშნავენ, ხელს შეუწყობს მონაწილეების ცოდნის გაფართოებას და უნარების განვითარებას.- რა შედეგებით დასრულდა ტრენინგი, ისევე როგორც სრულდება წელი BeWise Georgia-სთვის? სტუმარი: ია ნადირაშვილი - BeWise Georgia, მმართველი პარტნიორი, რითეილ ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Pave Bank-ის მარკეტინგის მიმართულებას ნანა გოგუაძე ჩაუდგა სათავეში სტუმარი: ნანა გოგუაძე - Pave Bank, მარკეტინგის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
2025 წლის 12-15 ნოემბერს, დუბაიში (გაერთიანებულ საამიროებში) გაიმართა მუზეუმების საერთაშორისო საბჭოს რიგით 27-ე გენერალური კონფერენცია თემით „მუზეუმების მომავალი სწრაფად ცვალებად საზოგადოებებში“. კონფერენციის დასასრულს კი ჩატარდა ICOM-ის (იკომის) ეთიკურ დილემათა საერთაშორისო კომიტეტის IC Ethics-ის ბორდის არჩევნები, სადაც დასახელებულ კანდიდატებს შორის არჩეულ იქნა სოფიო დუღაშვილი 3 წლის უფლებამოსილების ვადით, რომელიც ამ პოზიციას საქართველოს ისტორიაში პირველი ქართველი წევრის სტატუსით დაიკავებს. სტუმარი: სოფიო დუღაშვილი - IC Ethics, ბორდის წევრი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნინო კაკულია — ლიდერი ქალი ერთ-ერთ სპეციფიკურ და ტექნოლოგიურად რთულ სფეროში, ქიმიურ მრეწველობაში. ის რუსთავის აზოტი ინდორამას უფროსი აღმასრულებელია, რომელიც მუშაობს კომპანიის კორპორატიული სოციალური პასუხისმგებლობის (CSR), სტრატეგიული კომუნიკაციისა და საზოგადოებრივი პროექტების მიმართულებით. მისი პროფესიული გზა მოიცავს როგორც კერძო სექტორში, ასევე მნიშვნელოვან საჯარო სტრუქტურებში მუშაობის გამოცდილებას, მათ შორის „აწარმოე საქართველოში“ საინვესტიციო მიმართულებით. ნინო არის ჩივნინგის სტიპენდიატი, ბრიტანეთის მთავრობისა და საქართველოს ბანკის ერთობლივი დაფინანსებით სწავლობდა გლაზგოს უნივერსიტეტის ეკონომიკის განვითარების სამაგისტრო პროგრამაზე და დღეს აქტიურად მონაწილეობს რუსთავის აზოტი ინდორამას კორპორატიული სოციალური პასუხისმგებლობის მიდგომებისა და ინიციატივების შემუშავებაში. სტუმარი: ნინო კაკულია - "რუსთავის აზოტი ინდორამა", Senior Executive #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რა ვითარებაა ბაზარზე, რამდენად იზრდება ქართულ პროდუქციაზე იმპორტის ზრდის პარალელურად მოთხოვნა, ყველა ამ დეტალს რძის პროდუქტების საწარმო „მარიტას” დამფუძნებელთან მიმოვიხილავთ, მანამდე გეტყვით, რომ მარიტას ფერმა წალკაში მდებარეობს და ბაზარზე დაახლოებით 6 წელია ოპერირებს. დღეის მდგომარეობით, ფერმაში 60-მდე პირუტყვი ჰყავთ და 11 სახის პროდუქტს აწარმოებენ. საწარმოში დღიურად ზამთარში 1.5 ტონამდე, ხოლო ზაფხულში 4 ტონამდე რძეს გადაამუშავებენ, საიდანაც 30% მათი ნედლეულია, ხოლო დანარჩენს ადგილობრივი, მსხვილი რძის მეურნეობებიდან ყიდულობენ. ამასთან, საგულისხმოა, რომ საწარმოში რძის პროდუქტები ყველა სტანდარტის დაცვით იწარმოება და 2018 წლიდან HACCP-ის სტანდარტის ლიცენზიასაც ფლობს. სტუმარი: ქეთი ბოლქვაძე - "მარიტა", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2025 წელს ყველის და ხაჭოს იმპორტი გაიზარდა. ოფიციალური მონაცემებით, მიმდინარე წლის იანვარ-სექტემბერში საქართველოში ხაჭოსა და ყველის იმპორტმა $29.3 მილიონი შეადგინა, იმპორტირებული პროდუქციის რაოდენობა გასული წლის ანალოგიურ პერიოდთან შედარებით 18.9%-ით გაიზარდა და 5 301 ტონას მიაღწია, მაშინ როდესაც წინა წელს, ანალოგიურ საანგარიშო პერიოდში – 4 456 ტონა იყო. აღნიშნული პროდუქტის იმპორტს საქართველო რამდენიმე ქვეყნიდან ახორციელებს, მათ შორის ტოპ იმპორტიორია გერმანია, საიდანაც მიმდინარე წლის 9 თვეში 5 მილიონი დოლარის ხაჭო და ყველი შემოვიტანეთ. სამეულშია მეზობელი თურქეთი და რუსეთი. საქართველო ხაჭოსა და რძის ექსპორტსაც ახორციელებს. მიმდინარე წელს ქვეყნიდან, საერთაშორისო ბაზარზე, $1.3 მილიონის, 175 ტონა ყველი და ხაჭო გაიყიდა, მაშინ როდესაც გასული წლის ანალოგიურ პერიოდში მოცულობა, 124 ტონას შეადგენდა. რა ვითარებაა ძირს პროდუქტების თვალსაზრისით ბაზარზე? სტუმარი: ნონა ანსიანი - “შვანრე”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კანადაში, ანნა აბესაძის თანაავტორობით გამოიცა წიგნი „Begin It Now “, რომლის გაყიდვებიდან შემოსული ჰონორარი მოხმარდება გოგონებისთვის განათლების ხელმისაწვდომობის გაუმჯობესებას. ეს ანნას თანაავტორობით გამოცემული მესამე წიგნია - პირველი ორი ნიუ-იორკსა და ლონდონში დაიბეჭდა. „Begin It Now“ არის ქალთა გაძლიერების მიზნით შექმნილი კრებული, რომელიც მკითხველს მოუწოდებს დაუყოვნებლივ მოქმედებისკენ და გვახსენებს, რომ დაწყებისთვის იდეალური მომენტი არ არსებობს. წიგნი მალე ხელმისაწვდომი იქნება სხვადასხვა პლატფორმაზე, მათ შორის Amazon-ზე — ბეჭდური, აუდიო და Kindle ფორმატებით. სტუმარი: ანნა აბესაძე - წიგნი „Begin It Now “, თანაავტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Helio AI-მ საერთაშორისო ფონდებისგან $1-მილიონიანი ინვესტიცია მოიზიდა, რომელიც კომპანიის გლობალურ ბაზრებზე აქტიურ ზრდას და მსოფლიოს მასშტაბით რეკრუტინგის პროცესების სრულიად გარდაქმნას მოხმარდება. ჰელიო AI ქართული სტარტაპია, რომელიც კომპანიებს თანამშრომლების შერჩევის პროცესების ავტომატიზაციაში ეხმარება. პლატფორმა სულ რაღაც 2 წლისაა და მას უკვე 400-ზე მეტი ბრენდი 7 ქვეყნიდან იყენებს. სტუმარი: ნინი მოსიაშვილი - Helio AI, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia