2025 წელს მიკროსაფინანსო სექტორის ზრდის ტემპი დაჩქარდა. “კრისტალისა” და “ემბისის” მიკრობანკად გარდაქმნის შემდეგ, ბაზარზე გამოთავისუფლებული ნიშის ათვისებას, მიკროსაფინანსო სეგმენტში დარჩენილი სხვა ორგანიზაციები ცდილობენ, რომლებიც ძირითადად, ოქროს სალომბარდე და ავტოსესხების მიმართულებით მუშაობდნენ. ახლა კი, პორტფელის დივერსიფიკაცია და ბიზნეს სესხების მიმართულებით გააქტიურება დაიწყეს. დღეისთვის, ბაზარი 29 მიკროსაფინანსო ორგანიზაციაა წარმოდგენილი. ამ დროისთვის გამოქვეყნებული 9 თვის მონაცემებით, სექტორის წმინდა მოგებამ 109.4 მლნ ლარი, გაცემული სესხების მოცულობამ კი 1.771 მლრდ ლარი შეადგინა. ორი ორგანიზაციის მიკრობანკად გარდაქმნის ეფექტის გამოკლებით, წლის დასაწყისიდან სექტორი დაახლოებით 30%-იაა გაზრდილი. #ახალიამბები #BusinessMediaGeorgia
ნოემბერში იპოთეკური დაკრედიტება გაიზარდა. ეროვნული ბანკის სტატისტიკის თანახმად, გასულ თვეს საქართველოში 4458 ახალი იპოთეკური სესხი გაიცა, რაც რაოდენობრივად წლიურად 6%-ით გაზრდილი მაჩვენებელია. ეს კი იმ ფონზე, როდესაც ახალი იპოთეკური სესხების რაოდენობა სექტემბრამდე ძირითადად შემცირების ტენდენციას ატარებდა. საბანკო და დეველოპერული სექტორის ნაწილი ვარაუდობს, რომ იპოთეკური სესხების ტემპის ზრდა მათ შორის ეროვნული ბანკის მიერ დეველოპერული სექტორის დაკრედიტების გამარტივებას უკავშირდება. დეველოპერულ კომპანიებში მოლოდინი აქვთ, რომ ცვლილებებმა შიდა განვადებების გარკვეული ნაწილის იპოთეკური სესხებით ჩანაცვლება უნდა უზრუნველყოს. რა შეიცვალა დეველოპერული დაკრედიტების ნაწილში და როგორია მოლოდინები? #ახალიამბები #BusinessMediaGeorgia
პრემიერი სურსათის შემდეგ წამლების ფასსაც იწუნებს. ირაკლი კობახიძის თქმით, ცვლილებები სურსათის გარდა ფარმა სექტორშიც შესაძლებელია - რამდენით და როგორც წინა შემთხვევებისგან განსხვავებით კობახიძეს ამ ჯერზე ჯერ არ უსაუბრია. სიახლეების მოლოდინში ყოფილი პრემიერის დაანონსებული და ამოქმედებული რეფორმა მედიკამენტებზე როგორ შეიცვლის სახეს ამაზე სხვადასხვა მოსაზრება უკვე გაჟღერდა თუმცა მანამდე შესაფასებელია რა ეფექტი ჰქონდა ბოლო წლების განმავლობაში ფარმაცევტულ სექტორში გატარებულ რეფორმას და რატომ დგას ისევ დღის წესრიგში წამლების მაღალი ფასების საკითხი? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 26.12.2025 ✔️7 მიმდინარე, 2 ახალი დეველოპერული პროექტი - „2025 წელი გაყიდვებით „ბიოგრაფისთვის“ რეკორდული იყო“; ✔️„თბილისის ბულვარში“ წელს 142 ბინა გაიყიდა“; ✔️“რძის სექტორს პატრონი არ ჰყავს, ღმერთის გარდა ყველასგან დავიწყებულები ვართ”- მწარმოებელი; ✔️მშრალი ხილის საწარმო „კერკი“ 2026 წლიდან ასორტიმენტსა და გაყიდვების არხებს აფართოებს; #ახალიამბები #BusinessMediaGeorgia
რეფერენტული ფასების ამოქმედებიდან 3 წელი გავიდა, თუმცა ქართული ოცნება მედიკამენტებზე ისევ ისევ ჭარბ ფასნამატზე საუბრობს. ფასების რეგულირებას ამჯერად ირაკლი კობახიძე აპირებს. ამბობს, რომ მთავარია დადგინდეს სად იმატებს ფასი ჭარბად და სად არის შესაძლებელი ფასნამატის შემცირება. კობახიძემ არც ანტიმონოპოლიური ბერკეტების შემოღება გამორიცხა და სურსათის მსგავსადაც ამ სექტორშიც შესაძლო კარტელურ გარიგებებზე აღნიშნა. არც გუშინ და არც დღეს პრემიერს არაფერი უთქვამს რეფერენტულ ფასებზე, რომლითაც 2022 წლის დეკემბრიდან წლიდან სახელმწიფომ მედიკამენტებზე ფასების ზედა ჭერი განისაზღვრა და დღეს უკვე 7500-ზე მეტი დასახელების მედიკამენტზე ფასის ზედა ზღვარია განსაზღვრული. რა მოგვიტანა ამ რეფორმამ და შემცირდა თუ არა წამლის ფასი საქართველოში და რატომ ჩნდება კიდევ კითხვები ისე მედიკამენტების ჭარბ ფასნამატზე თუ ფასის ზედა ჭერს რამდენიმე წელია უკვე სახელმწიფო განსაზღვრავს. #ახალიამბები #BusinessMediaGeorgia
როგორ იბეგრება სურსათი საქართველოში სტუმარი: დავით პაპიაშვილი - “კრესტონ ჯორჯიას” მმართველი პარტნიორი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 25.12.2025 გამყვანი ტურიზმი აზიურ ტურებს ტესტავს; მომავალ წელს $100 მილიონამდე ინვესტიციის განხორციელებას ვაპირებთ - "მეტროპოლი"; ნოემბერში თბილისში 3.6 ათასი ბინა გაიყიდა. ზრდა 2%-ია - TBC Capital; „ჰილს კონსტრაქშენი“ ვაშლიჯვარში „კომფორტ ჰილსის“ პროექტს ახორციელებს - მხარდამჭერი საქართველოს ბანკია; #ახალიამბები #BusinessMediaGeorgia
გაზის ბაზრის ლიბერალიზაციის დაწყება კვლავ გვიანდება. საკანონმდებლო და ტექნიკური ცვლილებების დიდი ნაწილი 2026 წლამდეა გადავადებული. ბაზრის ლიბერალიზაცია და ევროპულ წესებთან შესაბამისობაში მოყვანის ვალდებულება საქართველოს ევროპის ენერგეტიკულ გაერთიანებასთან აქვს აღებული. თუმცა, საქართველო ვალდებულებებს არ ასრულებს, რის გამოც, ევროპის ენერგეტიკული გაერთიანების სამდივნო ქვეყნის შესაბამის უწყებებს მკაცრად აკრიტიკებს. ორგანიზაციის 2025 წლის იმპლემენტაციის ანგარიშში საქართველოს გაზის სექტორში არსებული მდგომარეობა ერთ-ერთ ყველაზე პრობლემურ მიმართულებად არის შეფასებული. მიუხედავად იმისა, რომ ქვეყანამ გარკვეულ საკანონმდებლო ცვლილებებს მიაღწია, ბაზრის რეალური ლიბერალიზაცია და ევროპულ წესებთან შესაბამისობა კვლავ მინიმალურ დონეზეა - გაზის სექტორის რეფორმის პროგრესი მხოლოდ 20%-ით შეფასდა. #ახალიამბები #BusinessMediaGeorgia
საქართველოში რძის იმპორტი მკვეთრად იზრდება, 2019 წლის 7,500 ტონიდან 2025 წლის 10 თვის მონაცემებით 16,000 ტონამდე, რაც ძირითადად პოლონეთიდან, საფრანგეთიდან, რუსეთიდან და ბელორუსიიდან იმპორტის ზრდით არის განპირობებული. ამის შესახებ TBC Capital-ის მიერ მომზადებულ კვლევაში წერია, რომელიც რძისა და რძის პროდუქტების სექტორს ეხება. კვლევაში ასევე წერია, რომ რძისა და რძის პროდუქტების იმპორტის სტაბილური ზრდა მიუთითებს, რომ შიდა მიწოდება ვერ ახერხებს მზარდი მოთხოვნის დაკმაყოფილებას. რატომ ვერ იზრდება რძის ადგილობრივი წარმოება ქვეყანაში, რა გამოწვევებზე საუბრობენ სექტორის წარმომადგენლები. #ახალიამბები #BusinessMediaGeorgia
საბანკო სექტორში დაკრედიტების ზრდის ტემპი შედარებით შენელებულ მაჩვენებელზე ნარჩუნდება. ნოემბერში კომერციული ბანკების საკრედიტო პორტფელის წლიურმა ზრდის ტემპმა 13.7% შეადგინა. თუმცა ზრდის ტემპი დაჩქარებულია თვიურ ჭრილში, ოქტომბერში სესხების ზრდის ტემპი 12.7 %-მდე იყო შენელებული. რაც შეეხება საპროცენტო განაკვეთებს, სესხებზე განაკვეთები შედარებით მაღალ ნიშნულზე ნარჩუნდება და გასულ თვეს ლარის სესხებზე საშუალო საპროცენტო განაკვეთი თითქმის 15%-ს აღემატებოდა. ეროვნულ ბანკში აცხადებენ, რომ ზრდის ტემპი ეკონომიკური ზრდის ტემპის ნორმალიზების შესაბამისია და წლიურ ჭრილში არსებული 12-13%-ის ფარგლებში შენარჩუნდება. როგორ ასრულებს საბანკო სექტორი მიმდინარე წელს და როგორია მოლოდინები. #ახალიამბები #BusinessMediaGeorgia
საქართველოში რძის იმპორტი მკვეთრად იზრდება, 2019 წლის 7,500 ტონიდან 2025 წლის 10 თვის მონაცემებით 16,000 ტონამდე, რაც ძირითადად პოლონეთიდან, საფრანგეთიდან, რუსეთიდან და ბელორუსიიდან იმპორტის ზრდით არის განპირობებული. ამის შესახებ TBC Capital-ის მიერ მომზადებულ კვლევაში წერია, რომელიც რძისა და რძის პროდუქტების სექტორს ეხება. კვლევაში ასევე წერია, რომ რძისა და რძის პროდუქტების იმპორტის სტაბილური ზრდა მიუთითებს, რომ შიდა მიწოდება ვერ ახერხებს მზარდი მოთხოვნის დაკმაყოფილებას. რატომ ვერ იზრდება რძის ადგილობრივი წარმოება ქვეყანაში, რა გამოწვევებზე საუბრობენ სექტორის წარმომადგენლები? #ახალიამბები #BusinessMediaGeorgia
როგორი იყო მიკრობანკების საქმიანობის პირველი წელი - 11 თვეში მიკრობანკებმა 21.5 მლნ ლარის წმინდა მოგებით დახურეს. მათ შორის, მიკრობანკი კრისტალის წმინდა მოგება 15.1 მლნ ლარს აღწევდა. ამ დროისათვის, მიკრობანკი კრისტალი 680 მლნ ლარის აქტივებს ფლობს. ბანკის საკრედიტო დაბანდებების მოცულობა ნოემბრის ბოლოსთვის 581 მლნ ლარს შეადგენდა. მიკრობანკში ამჟამად 28 მლნ 600 ათასამდე ლარის დეპოზიტებია განთავსებული. როგორი იყო საქმიანობის პირველი წელი, გაამართლა თუ არა მიკრობანკის სტატუსის მიღებამ და რა გეგმები აქვს კრისტალს 2026-ში? სტუმარი: ილია რევია - მიკრობანკი „კრისტალის“ გენერალური დირექტორი #ახალიამბები #BusinessMediaGeorgia
საბანკო სექტორში დაკრედიტების ზრდის ტემპი შედარებით შენელებულ მაჩვენებელზე ნარჩუნდება. ნოემბერში კომერციული ბანკების საკრედიტო პორტფელი წლიურად 13.7%-ით გაიზარდა, ოქტომბერში არსებული 12.7%-იანი მაჩვენებლის შემდეგ. მაღალ ნიშნულზე ნარჩუნდება საპროცენტო განაკვეთებიც. გასულ თვეში ლარის სესხებზე საშუალო საპროცენტო განაკვეთი თითქმის 16%-ს აღწევდა. ეროვნულ ბანკში აცხადებენ, რომ სესხების ზრდის ტემპი ეკონომიკური ზრდის ტემპის ნორმალიზების შესაბამისია და წლიურ ჭრილში არსებულ 12-13%-ის ფარგლებში შენარჩუნდება. როგორ ასრულებს საბანკო სექტორი მიმდინარე წელს და როგორია მოლოდინები? #ახალიამბები #BusinessMediaGeorgia
დაზღვევის ზედამხედველობის სახელმწიფო სამსახური სადაზღვევო სექტორში რისკზე დაფუძნებული გადახდისუნარიანობის სისტემის შემოღებას გეგმავს. სისტემა ეტაპობრივად უნდა დაინერგოს და სექტორში საზედამხედველო მიდგომების დანერგვას ითვალისწინებს. როგორც სამსახურში აცხადებენ, აღნიშნულ სისტემაზე გადასვლისთვის მნიშვნელოვანია, როგორც თანამშრომლების, ისე სადაზღვევო სექტორის წარმომადგენელთა სათანადო მომზადება. დაზღვევის ასოციაციაში აცხადებენ, რომ ეს პროცესი გარდაუვალია და ის ბიზნესის მომავლის უკეთ შეფასების საშუალებას მისცემს როგორც კომპანიებს, ისე მარეგულირებელს. ასოციაციის განმარტებით, ახალი რეგულაციების დანერგვა კომპანიებისთვის დამატებით ხარჯებთანაა დაკავშირებული. ძირითადი დანახარჯები გაციფრულებასა და კვალიფიციური კადრების მომზადებაზე მოდის. #ახალიამბები #BusinessMediaGeorgia
მზის სადგურების მშენებელ კომპანიებში აცხადებენ, რომ ახალი მიკროსიმძლავრის სადგურების მშენებლობაზე მოთხოვნა შემცირებულია, რისი მიზეზიც ნეტო დარიცხვის სისტემაზე გადასვლაა. კერძოდ, ახალი სქემით, 1 ოქტომბრიდან ნეტო დარიცხვის სქემაში, მიკროსიმძლავრის ელექტროსადგურის მფლობელი, ქსელში მიწოდებული კილოვატ საათების მოხმარებულ ელექტროენერგიასთან გაქვითვის ნაცვლად, მიწოდებულ თითოეულ კილოვატზე მიიღებს შესაბამის საფასურს. ბაზრის მონაწილეები კი ამბობენ, რომ დადგენილი ტარიფები დაბალია, რამაც ქვეყანაში ახალი მიკროსიმძლავრის სადგურების მშენებლობის მიმართ ინტერესი შეამცირა. როგორ მუშაობს ნეტო დარიცხვის სისტემა და განიხილავს თუ არა მარეგულირებელი კომისია ახალ სქემაში ცვლილებებს. #ახალიამბები #BusinessMediaGeorgia
ქართული ოცნების მთავრობაში 11 თვის მონაცემებით 4.8% ინფლაციის პირობებში სურსათის ფასების პრემიერი უკმაყოფილოა და მის რეგულირებაზე საუბრობს. ირაკლი კობახიძე ამბობს რომ საქართველოში სურსათის ფასები ევროპის ქვეყნებთან შედარებით მნიშვნელოვნად მაღალია და სამართალდამცავ უწყებებს მოუწოდა, გამოიკვლიონ ხომ არ არის ფასნამატებში დანაშაულის ნიშნები. პრემიერმა პარლამენტს საგამოძიებო კომისიის შექმნისკენაც მოუწოდა და დასტური პარლამენტის თავმჯდომარისგან დილით გამოქვეყნებულ ვიდეო მიმართვაზე მალევე მიიღო. რამდენად რეალურია ის რიცხვები რომელიც პროდუქციის ფასნამატებთან და სექტორის მოგების მარჟებთან დაკავშირებით ირაკლი კობახიძემ გააჟღერა და რა აძვირებს რეალურად პროდუქციას? #ახალიამბები #BusinessMediaGeorgia
დღეს უკვე ბრალდებული ირაკლი ღარიბაშვილის შემდეგ, სასურსათო ფასების რეგულირებას პრემიერის პოსტზე მისი მემკვიდრე ირაკლი კობახიძეც გეგმავს, რომელმაც საქართველოში კონკრეტულ პროდუქტებზე სურსათის ფასები ევროპის ქვეყნებს შეადარა და სადისტრიბუციო კომპანიებისა და საცალო ქსელების მაღალი ფასნამატზე ისაუბრა და სამართალდამცავ უწყებებს მოუწოდა, გამოიკვლიონ ხომ არ არის ფასნამატებში დანაშაულის ნიშნები. ირაკლი კობახიძე არ გამორიცხავს, რომ სექტორში ანტიმონოპოლიური ბერკეტებიც გამოიყენოს. როგორ გაიგო სექტორმა კობახიძის ვიდეო მიმართვა და რა აძვირებს რეალურად პროდუქციას? #ახალიამბები #BusinessMediaGeorgia
უკრაინა არ არის ერთადერთი რომელიც აზერბაიჯანული გაზის ახალი მომხმარებელი ხდება. წელს 1 დეკემბრიდან აზერბაიჯანმა გაზის მიწოდება დაიწყო ჩრდილოეთ მაკედონიაში კერძო და სამრეწველო მომხმარებლებისთვის. 2026 წლის 1 იანვრიდან კი, ძალაში შედის შეთანხმება, უნგრეთისთვის 800 მლნ კუბ, მეტრი გაზის მიწოდებაზე. მთლიანობაში TAP-ის გამტარუნარიანობა 2026 წლიდან წელიწადში 1.2 მილიარდი კუბური მეტრით გაიზრდება. ამ მოცულობიდან წელიწადში 1 მილიარდი 40 მლნ კუბური მეტრი იტალიაში მიწოდებისთვისაა დაჯავშნილი, ხოლო 160 მლნ კუბ. მეტრი ალბანეთში მიწოდებისთვის. ამასთან 2022 წელს აზერბაიჯანსა და ევროკომისიას შორის გაფორმებული მემორანდუმით, 2027 წლისთვის სამხრეთის გაზის დერეფნის გამტარუნარიანობა 10-დან 20 მილიარდ კუბურ მეტრამდე უნდა გაიზარდოს. რა არის საჭირო ამ რიცხვების მისაღწევად და რა სარგებელი შეიძლება მიიღოს საქართველომ, რომელიც დერეფნის ერთ-ერთი მნიშვნელოვანი მონაწილეა? სტუმარი: არჩილ მამათელაშვილი - ენერგეტიკოსი #ახალიამბები #BusinessMediaGeorgia
განახლებადი ენერგოპროექტების ინვესტორებისთვის ერთ-ერთ მთავარ პრობლემად, კვლავ ქსელთან მიერთება რჩება. განუვითარებელი ინფრასტრუქტურის გამო დეველოპერები ენერგეტიკული პროექტების დროულად დასრულებას და ექსპლუატაციაში შეყვანას ვერ ახერხებენ. მთავრობის მიერ გამოცხადებული 1 მლრდ ლარის ჯარიმების ჩამოწერაში, ისეთი ენერგოპროექტებიც იგულისხმება, რომელთაც ქვესადგურების არარსებობის გამო, ქსელთან მიერთება დაუგვიანდათ. ენერგეტიკოსების განმარტებით, საქართველოში არსებული ქვესადგურების უდიდესი ნაწილი ინვესტიციებს საჭიროებს, ასევე, მნიშვნელოვანი ინვესტიციებია განსახორციელებელი გადამცემი ხაზების მშენებლობაშიც. რა ვითარებაა სექტორში და როგორ აფერხებს ინფრასტრუქტურული სირთულეები ენერგეტიკაში ინვესტიციებს? #ახალიამბები #BusinessMediaGeorgia
ყოფილი თანაგუნდელებისთვის ბრალის წარდგენის პარალელურად კახა კალაძემ დედაქალაქის საკრებულოში მომავალი წლის ბიუჯეტის პროექტი წარადგინა. თბილისის საკრებულომ დედაქალაქის 2026 წლის ბიუჯეტი დაამტკიცა - ბიუჯეტის მოცულობა 2 მილიარდ 193 მილიონ ლარს აღემატება. წარმოდგენილი ბიუჯეტის მოცულობა გასული წლის დამტკიცებულ ბიუჯეტს 210 მილიონით აღემატება, ხოლო გასული წლის დაზუსტებულ ბიუჯეტთან შედარებით თითქმის 160 მილიონით ნაკლებია. 2026 წელს სატრანსპორტო ინფრასტრუქტურის აღდგენა/განვითარებაში 696 მილიონი ლარი დაიხარჯება. სატრანსპორტო მიმართულებით ერთ-ერთი მსხვილი პროექტი ტრამვაის ხაზის გაყვანაა, რაშიც მომდევნო წელს 30 მილიონი ლარია გამოყოფილი. სატრანსპორტო მიმართულებით იგეგმება სამგორი ვაზისუბნის საბაგიროს მშენებლობაც, ბიუჯეტში ამ პროექტზე 10 მილიონი ლარია გამოყოფილი. როგორ ჩამოყალიბდა 2026 წლის თბილისის ბიუჯეტი და რა თანხები დაიხარჯება სატრანსპორტო და ინფრასტრუქტურის მიმართულებაზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.12.2025 "2025 წელს მნიშვნელოვანი შედეგები გვქონდა პროექტის განვითარების თვალსაზრისით" - ამბასადორი აილენდ ბათუმი; 11 თვეში დაახლოებით 25% ზრდა გვქონდა, რაც უცნაურია - “რითეილ გრუპ ჯორჯია”; საქართველომ ნოემბერში 3.6 მილიონი კვერცხი იყიდა - შარშან იმპორტი ნულოვანი იყო; საქართველოში მობილური ტელეფონების იმპორტი $301 მილიონამდე გაიზარდა - საიდან ვყიდულობთ; #ახალიამბები #BusinessMediaGeorgia
განახლებადი ენერგოპროექტების ინვესტორებისთვის ერთ-ერთ მთავარ პრობლემად, კვლავ ქსელთან მიერთება რჩება. განუვითარებელი ინფრასტრუქტურის გამო დეველოპერები ენერგეტიკული პროექტების დროულად დასრულებას და ექსპლუატაციაში შეყვანას ვერ ახერხებენ. მთავრობის მიერ გამოცხადებული 1 მლრდ ლარის ჯარიმების ჩამოწერაში, ისეთი ენერგოპროექტებიც იგულისხმება, რომელთაც ქვესადგურების არარსებობის გამო, ქსელთან მიერთება დაუგვიანდათ. ენერგეტიკოსების განმარტებით, საქართველოში არსებული ქვესადგურების უდიდესი ნაწილი ინვესტიციებს საჭიროებს, ასევე, მნიშვნელოვანი ინვესტიციებია განსახორციელებელი გადამცემი ხაზების მშენებლობაშიც. რა ვითარებაა სექტორში და როგორ აფერხებს ინფრასტრუქტურული სირთულეები ენერგეტიკაში ინვესტიციებს? #ახალიამბები #BusinessMediaGeorgia
"კლინიკები ნოზოკომიური ინფექციების პრობლემას მალავენ, ჯანდაცვის სექტორში დანახარჯების მკვეთრ ზრდას იწვევს - სამედიცინო ასოციაციები მიიჩნევენ, რომ საავადმყოფოს შიდა ინფექციები ქართული ჯანდაცვის სისტემის ერთ-ერთ მთავარ გამოწვევად რჩება. ასოციაციების შეხვედრაზე, სადაც ამ გამოწვევაზე იმსჯელეს, ითქვა, რომ სხვადასხვა შიდა კვლევებითა და ემპირიული შეფასებით ნოზოკომიური ინფექციების წილი საერთო ინფექციებში, ოპტიმისტური პროგნოზითაც კი 25% ს აღემატება. ზოგ კლინიკაში კი შესაძლოა ის 50 % საც აღემატებოდეს. მაშინ როცა აშშ ში ეს მაჩვენებელი 3-5 %, ხოლო ევროკავშირში 7%-მდეა. რატომ მალავენ კლინიკები პრობლემას, როგორ შეიძლება იმართოს საავადმყოფოს შიდა ინფექციის გავრცელების რისკები და რას ამბობს სახელმწიფო, რომელიც სამედიცინო სერვისების ერთ-ერთი მთავარი დამკვეთია? სტუმრები: არჩილ მორჩილაძე - სამედიცინო ასოციაციების გაერთიანების აღმასრულებელი მდივანი დავით ჯიქია - საქართველოს მუხაძის სახელობის ქირურგთა ასოციაციის პრეზიდენტი; პროფესორი #ახალიამბები #BusinessMediaGeorgia
თბილისის საკრებულომ 2026 წლის ბიუჯეტი დაამტკიცა - ბიუჯეტის მოცულობა 2.19 მილიარდ ლარია. წარმოდგენილი ბიუჯეტის მოცულობა გასული წლის დამტკიცებულ ბიუჯეტს 210 მილიონით აღემატება, ხოლო გასული წლის დაზუსტებულ ბიუჯეტთან შედარებით თითქმის 160 მილიონით ნაკლებია. 2026 წელს სატრანსპორტო ინფრასტრუქტურის აღდგენა/განვითარებაში 696 მილიონი ლარი დაიხარჯება, კლება 2025 წელთან 64 მილიონი ლარი. თბილისის წარმომადგენლობითი და აღმასრულებელი ორგანოების თვის 258 მილიონი ლარია გამოყოფილი, ზრდა ამ შემთხვევაში 2025 წელთან 25 მილიონი ლარია. ბიუჯეტის საბოლოო ვერსია საკრებულოში დღეს განიხილეს- როგორ დაიგეგმება მომავალი წლის თბილისი ბიუჯეტი და რა პროექტების 2026 წელს დაგეგმილი? #ახალიამბები #BusinessMediaGeorgia
ამანათების ბაზარზე ფასების ზრდა ფიქსირდება. საქართველოს ფოსტამ საზღვარგარეთ ამანათების გაგზავნის ტარიფები გაზარდა, გზავნილების ტრანსპორტირების ტარიფები დააკორექტირა საფოსტო-საკურიერო კერძო კომპანიების ნაწილმაც, რასაც ბიზნესი გლობალური ტენდენციებიც ხსნის. კომპანიებში აცხადებენ, რომ წელი მზარდი ტენდენციით ხასიათდება, მათ შორის გააქტიურებული ელექტრონული კომერციის ფონზე. ოფიციალური სტატისტიკა აჩვენებს, რომ წელს 9 თვეში საქართველოს ელ.კომერციის ბაზარი წლიურად 35%-ითაა გაზრდილი. #ახალიამბები #BusinessMediaGeorgia
საქართველოს დერეფანში სატვირთო ავტომობილების მიერ გადახდილი თანხა 9 მილიონით შემცირდა. სახელმწიფო ხაზინის მონაცემებით, წელს 11 თვეში ბიუჯეტში გზათსარგებლობიდან 155.4 მლნ ლარი შევიდა, 5.5%-ით ნაკლები ვიდრე შარშან. ამასთან, წელს ნოემბერში საქართველოს დერეფანი 38 875 სატვირთომ გამოიყენა, საიდანაც გადასახადის სახით ბიუჯეტში 13.6 მლნ ლარი შევიდა. მთლიანობაში წელს საქართველოს გზები ტვირთის გადასატანად 444 071 სატვირთომ გამოიყენა. გადამზიდავების ასოციაცია კლებას რამდენიმე მიზეზს უკავშირებს. მათ შორის, დერეფანში არსებული ინფრასტრუქტურული პრობლემები და ყაზახეთის მიერ მიღებული ახალი კანონია. როგორია საქართველოზე გამავალი სატრანზიტო დერეფნის კონკურენტულობა და რატომ მცირდება სახმელეთო ტვირთები? #ახალიამბები #BusinessMediaGeorgia
ამანათების ბაზარზე ფასების ზრდა ფიქსირდება. საქართველოს ფოსტამ საზღვარგარეთ ამანათების გაგზავნის ტარიფები გაზარდა, გზავნილების ტრანსპორტირების ტარიფები დააკორექტირა საფოსტო-საკურიერო კერძო კომპანიების ნაწილმაც, რასაც ბიზნესი გლობალური ტენდენციებიც ხსნის. კომპანიებში აცხადებენ, რომ წელი მზარდი ტენდენციით ხასიათდება, მათ შორის გააქტიურებული ელექტრონული კომერციის ფონზე. ოფიციალური სტატისტიკა აჩვენებს, რომ წელს 9 თვეში საქართველოს ელ.კომერციის ბაზარი წლიურად 35%-ითაა გაზრდილი. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 22.12.2025 ✔️“ჩვენი მოლოდინით 2025 წელი ტრანზაქციების 13-15%-იანი, ხოლო ფასების 4-5%-იანი ზრდით დაიხურება”- GREA; ✔️“წინა წელთან შედარებით გაყიდვები მნიშვნელოვნად, დაახლოებით, 30%-ით გაიზარდა”- მონოლითი; ✔️მოლოდინი გვაქვს, რომ წელს 11%-იანი ზრდით დავხურავთ - ზარაფხანა; ✔️შარშანდელი კრიზისის შემდეგ, წინასაახალწლო პერიოდი გაუმჯობესებულია - „შოკოჰოლიკის“ მოლოდინები; #ახალიამბები #BusinessMediaGeorgia
თუკი ხელისუფლება პრობლემებს არ მოაგვარებს. საბოლოოდ, საქართველომ შეიძლება სრულიად დაკარგოს უვიზო რეჟიმი და მოხვდეს იმ მესამე ქვეყნების სიაში, რომელთათვისაც ევროკავშირში სამოგზაუროდ ვიზა სავალდებულოა - ამის შესახებ ევროკომისიის მიერ გამოქვეყნებულ ვიზალიბერალიზაციის შეჩერების მექანიზმის მე-8 ანგარიშში წერია. 19 დეკემბერს გამოქვეყნებულ დოკუმენტში წერია, რომ ევროკომისია შეშფოთებულია ადამიანის ფუნდამენტური უფლებების სერიოზული დარღვევით და არაერთხელ მოუწოდა საქართველოს ხელისუფლებას მიიღოს მყისიერი ზომები პრობლემების აღმოსაფხვრელად და შეასრულოს კომისიის რეკომენდაციები. ანგარიშში მითითებულია, რომ საქართველომ დაარღვია ვიზალიბერალიზაციის დიალოგის ფარგლებში აღებული არაერთი ვალდებულება და ვერ შეასრულა ვიზის შეჩერების მექანიზმის მე-7 ანგარიშში მოცემული რეკომენდაციები. ამას გარდა, დოკუმენტში აღნიშნულია, რომ საქართველომ ასევე უკუსვლა განიცადა სავიზო პოლიტიკის ევროკავშირთან დაახლოების ნაწილშიც. რა გამოწვევას უქმნის პროცესი საქართველოს მოქალაქეებს, ტურიზმის და ავიასექტორებს, სადაც ზრდის კარგი მაჩვენებლები კარგ მათ შორის, ევროპის მიმართულებით მრავალფეროვან ავიარეისებსაც უკავშირდება? სტუმარი: სოფო დარბაიძე - Milky Way Travel, დამფუძნებელი #ახალიამბები #BusinessMediaGeorgia
საქართველოს დერეფანში ტრაილერების მიერ გადახდილი თანხა 9 მილიონით შემცირდა. სახელმწიფო ხაზინის მონაცემებით, წელს 11 თვეში ბიუჯეტში გზათსარგებლობიდან 155.4 მლნ ლარი შევიდა, 5.5%-ით ნაკლები ვიდრე შარშან. ამასთან, წელს ნოემბერში საქართველოს დერეფანი 38 875 ტრაილერმა გამოიყენა, საიდანაც გადასახადის სახით ბიუჯეტში 13.6 მლნ ლარი შევიდა. მთლიანობაში წელს საქართველოს გზები ტვირთის გადასატანად 444 071 სატვირთომ გამოიყენა. გადამზიდავები რამდენიმე მიზეზზე საუბრობენ. რა ტენდენციებია წლის ბოლოს გადაზიდვების სექტორში? #ახალიამბები #BusinessMediaGeorgia
400 ახალი სადგური ქსელის გასაუმჯობესებლად - ქართულმა მობილურმა ოპერატორმა სელფი მობაილმა, რომელიც საქართველოში 1.42 მილიონ მომხმარებელს ემსახურება, ხელი მოაწერა შეთანხმებას Nokia -სთან 400 ახალი საბაზო სადგურის განთავსებაზე. მოლოდინია, რომ მასშტაბური პროექტი არსებითად გაზრდის სელფის ქსელის ხარისხსა და გამტარუნარიანობას. რა შეიცვლება სელფის მომხმარებლებისთვის და როგორ გაუმჯობესდება ხარისხი? #ახალიამბები #BusinessMediaGeorgia
ნოემბერში თბილისის უძრავი ქონების ბაზარზე აქტივობა წინა თვეებთან შედარებით შენელდა. კოლიერს ჯორჯიას მონაცემებით, გასულ თვეში ბაზარზე 3778 ტრანზაქცია დარეგისტრირდა. მცირედით მეტი ვიდრე შარშან. როგორია საქართველოს ერთ-ერთი ყველაზე მსხვილი სექტორისთვის 2025 წლის ბოლო კვარტალი, როგორ აჯამებენ წელს დარგის წარმომადგენლები და რას უნდა ველოდოთ ფასების მხრივ მომავალ წელს? #ახალიამბები #BusinessMediaGeorgia
წელს 11 თვეში საქართველოს ექსპორტი წლიურად 10%-ით გაიზარდა. ზრდა რეკორდულია და 6.6 მილიარდ დოლარს აღწევს. საქსტატის ცნობით, ექსპორტის ზრდაზე ყველაზე დიდი გავლენა მოახდინა მსუბუქი ავტომობილების რეექსპორტის მაჩვენებლებმა, რომელიც წელს 18%-ით, 2.6 მილიარდ დოლარამდე გაიზარდა. მსოფლიო ბაზარზე ოქროს გაძვირების ფონზე, მეორე პოზიციას ძვირფასი ლითონების მადნები იკავებს - ქვეყანამ ექსპორტზე 340 მლნ დოლარის ოქრო და ძვირფასი ლითონები გაიტანა. ხოლო შემდეგ პოზიციებს სპირტიანი სასმელები და ღვინოები ინარჩუნებს, სადაც 5-7%-იანი შემცირებაა, თუმცა, ამ სექტორებმა 11 თვეში ჯამურად 501 მილიონი დოლარის ღირებულების პროდუქცია გაყიდეს ექსპორტზე. ეკონომისტების შეფასებით, საქართველოს საგარეო ვაჭრობის ბოლოდროინდელი დინამიკა კვლავ ბოლო 3-4 წლის ტენდენციებს იმეორებს. ხოლო მიმდინარე ეკონომიკური სარგებელი, რომელიც საგარეო ფაქტორებით არის განპირობებული, დროებითია. როგორია მზარდი ექსპორტის სტრუქტურა და რეალური სარგებელი? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 19.12.2025
ნოემბერში თბილისის უძრავი ქონების ბაზარზე აქტივობა წინა თვეებთან შედარებით შენელდა. კოლიერს ჯორჯიას მონაცემებით, გასულ თვეში ბაზარზე 3778 ტრანზაქცია დარეგისტრირდა. მცირედით მეტი ვიდრე შარშან. როგორია საქართველოს ერთ-ერთი ყველაზე მსხვილი სექტორისთვის 2025 წლის ბოლო კვარტალი, როგორ აჯამებენ წელს დარგის წარმომადგენლები და რას უნდა ველოდოთ ფასების მხრივ მომავალ წელს? #ახალიამბები #BusinessMediaGeorgia
ახალი წლიდან ელექტროენერგიის ტარიფი გაიზრდება, მოსალოდნელია რომ „მცირედით“ დაკორექტირდება გაზის გადასახადიც - ის რომ სამომხმარებლო ტარიფების გარკვეული ცვლილება მოხდება ადასტურებს სემეკის თავმჯდომარეც. მარეგულირებელი კომისია ახლა ითვლის, რამდენი თეთრით მოხდება დენის გაძვირება და საბოლოო გადაწყვეტილებას 29 დეკემბერს გამოაქვეყნებს. დღისათვის საქართველოში საფეხურებრივი ტარიფი მოქმედებს. ახლა თქვენს ეკრანზეც ჩანს, რომ თბილისში, იმ მომხმარებლებისთვის ვინც 101 კვ.სთ-მდე ელექტროენერგიას მოიხმარს 15 თეთრია, 101 კვტ.სთ-დან 301 კვტ.სთ-ის ჩათვლით დაახლოებით 19 თეთრი, 301 კვტ.სთ-დან 23.5 თეთრი. მცირე საწარმოებისთვის კი დაახლოებით 30 თეთრი. რეგიონებში ტარიფები 14.7 თეთრიდან იწყება და 27.9 თეთრამდე ადის. მცირე საწარმოებისთვის ტარიფი 28.9 თეთრია. ტარიფების დადგენამდე კომისიასთან შეთანხმდა ის ინვესტიციებიც, რაც მომდევნო 5 წელიწადში როგორც ბუნებრივი გაზის , ასევე ელექტროენერგიის მიმწოდებელმა კომპანიებმა უნდა განახორციელონ. შეთანხმებული 5 წლიანი გეგმით, ბუნებრივი გაზის გამანაწილებელი კომპანიები 307 მლნ ლარზე მეტის ინვესტიციას განახორციელებენ, ელექტრო- მომარაგების გაუმჯობესებისთვის თითქმის 2 მილიარდის ინვესტირების ვალდებულებას იღებენ კომპანიები. რა ფაქტორები მოქმედებს დღეს ტარიფებზე და რა არის ის არგუმენტები, რაზე დაყრდნობითაც სემეკი ტარიფების ზრდას განიხილავს? სტუმარი: დავით ნარმანია - სემეკის თავმჯდომარე #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 18.12.2025 ✔️“11%-ით გადავაჭარბეთ შარშანდელ შავ პარასკევს, რაც არც თუ ისე დამაკმაყოფილებელია”- KOTON; ✔️მომხმარებლების დღიური რაოდენობა დაახლოებით 20 000-22 000-მდეა გაზრდილი - "გალერია თბილისი"; ✔️მაღალ მხარჯველუნარიანი ქართველი მოგზაურების წილი მნიშვნელოვნად გაიზარდა - Check-In Travel; ✔️ახალი საგანმანათლებლო პლატფორმა Dabudu.com - რას სთავაზობს მომხმარებლებს? #ახალიამბები #BusinessMediaGeorgia
ხორცის ფასი იზრდება და მოსალოდნელია, რომ პროდუქტი გაზაფხულზე კიდევ უფრო გაძვირდება. მიზეზი ქვეყნიდან ცოცხალი მსხვილფეხა რქოსანი პირუტყვის მასიური იმპორტია, რამაც დეფიციტი წარმოშვა. ხორცის გაძვირება მოქმედებს ინფლაციაზეც. ნოემბერში სურსათის ფასები 10.3%-ით გაძვირდა, მათ შორის, ხორცის და ხორცპროდუქტების ფასი 6.5%-ით არის გაზრდილი. ამ დროისთვის, ბაზარზე ცოცხალი წონის ფასი 12-13 ლარის ფარგლებშია. ხოლო, სასაკლაოს ფასი 23-24 ლარის ფარგლებში მერყეობს. რა ვითარებაა ხორცის ბაზარზე და როგორია ფასების დინამიკა? #ახალიამბები #BusinessMediaGeorgia
ძვირფასი მეტალების ბაზარზე აღმასვლის ტენდენცია ფიქსირდება. ოქროს ფასი მზარდია და ბოლო ერთ კვირაში თითქმის 4%-იან გაძვირებას აჩვენებს. საერთაშორისო ბირჟებზე უნცია მეტალის ღირებულება ამჟამად 4 ათას 330 დოლარის ფარგლებშია. ოქრო მკვეთრადაა გაძვირებული წლიურ ჭრილშიც. ბოლო ერთ წელში ფასის 67%-იანი ზრდა ფიქსირდება. საერთაშორისო ბაზარზე ფასების ზრდა აისახება ადგილობრივ ბაზარზეც. ბოლო რამდენიმე თვეა ფასი იზრდება ოქროს ნაკეთობებზე ქართულ ბირჟაზეც. რა ფაქტორები მოქმედებს ოქროს ფასზე და როგორ შეიცვალა საქართველოში ოქროს ნაკეთობების ღირებულება? #ახალიამბები #BusinessMediaGeorgia
ხორცის ფასი იზრდება. ბაზარზე ელიან, რომ პროდუქტი გაზაფხულზე კიდევ უფრო გაძვირდება. მიზეზი ქვეყნიდან ცოცხალი მსხვილფეხა რქოსანი პირუტყვის მასიური ექსპორტია, რამაც დეფიციტი წარმოშვა. ხორცის გაძვირება აისახა ინფლაციის ჯამურ მაჩვენებელში - ნოემბერში სურსათის ჯგუფში ფასები 10 %-ზე მეტად გაიზარდა, მათ შორის ხორცსა და ხორცპროდუქტებზე ფასები 6.5%-ითაა მომატებული. ამ დროისთვის, ბაზარზე ცოცხალი წონის ფასი 12-13 ლარის ფარგლებშია. ხოლო, სასაკლაოს ფასი 23-24 ლარის ფარგლებში მერყეობს. რა ვითარებაა ხორცის ბაზარზე და როგორია ფასების დინამიკა? #ახალიამბები #BusinessMediaGeorgia
ეროვნული ბანკი ფრთხილ მონეტარულ პოლიტიკას ინარჩუნებს - უკვე მეცამეტე სხდომაა სებ-ის მთავარი განაკვეთი 8%-ზე ნარჩუნდება, რის მიზეზად მარეგულირებელი გაზრდილ გაურკვევლობას ასახელებს. ეროვნული ბანკის მონეტარული პოლიტიკის კომიტეტმა გუშინდელი სხდომის შემდეგ განაცხადა, რომ მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები უფრო გამოკვეთილია, თუმცა ასევე, კვლავ ნარჩუნდება შემცირების მიმართულებით მოქმედი რისკებიც. ამასთან, სებ-ის ცენტრალური სცენარის დაშვებით მიზნობრივთან შედარებით მაღალი ინფლაცია შემცირებას 2026 წლის მეორე კვარტლიდან დაიწყებს. რა ტენდენციებია ეკონომიკაში, რა ფაქტორები ახდენს ზეწოლას ფასების საერთო დონეზე და რა ვადაში მოიაზრება რეფინანსირების განაკვეთის ნეიტრალურ 7.5%-მდე შემცირება? სტუმარი: თამთა სოფრომაძე - სებ-ის მაკროეკონომიკისა და სტატისტიკის დეპარტამენტის უფროსი #ახალიამბები #BusinessMediaGeorgia
ძვირფასი მეტალების ბაზარზე აღმასვლის ტენდენცია ფიქსირდება. ოქროს ფასი მზარდია და ბოლო ერთ კვირაში თითქმის 4%-იან გაძვირებას აჩვენებს. საერთაშორისო ბირჟებზე უნცია მეტალის ღირებულება ამჟამად 4 ათას 320 დოლარის ფარგლებშია. ოქრო მკვეთრადაა გაძვირებული წლიურ ჭრილშიც. ბოლო ერთ წელში ფასის თითქმის 68%-იანი ზრდა ფიქსირდება. საერთაშორისო ბაზარზე ფასების ზრდა აისახება ადგილობრივ ბაზარზეც. ბოლო რამდენიმე თვეა ფასი იზრდება ოქროს ნაკეთობებზე ქართულ ბირჟაზეც. რა ფაქტორები მოქმედებს ოქროს ფასზე და როგორ შეიცვალა საქართველოში ოქროს ნაკეთობების ღირებულება? #ახალიამბები #BusinessMediaGeorgia
მიკროსაფინანსო ორგანიზაცია რიკო ექსპრესი სტატუსის შეცვლას და მიკრობანკის ლიცენზიის მიღებას არ გეგმავს- ამის შესახებ BMG-სთან „რიკო ექსპრესის“ სამეთვალყურეო საბჭოს თავმჯდომარემ განაცხადა. ლაშა ნიკოლაიშვილი ამბობს, რომ მიზანია რიკო იყოს ძლიერი მოთამაშე მიკროსაფინანსო სექტორში. ლაშა ნიკოლაიშვილის თქმით, 2025 ლის ზრდა იყო უპრეცედენტო „რიკოს“ ისტორიაში. მიკროსაფინანსო ორგანიზაციის პორტფელი 300 მილიონზე მეტად გაიზარდა. პორტფელის აგრესიულ ზრდაში კი წვლილი შეიტანა ოქროს გაძვირება. „რიკო ექსპრესის“ სამეთვალყურეო საბჭოს თავმჯდომარე ამბობს, რომ 2025 წელი გამორჩეულია სავალუტო ნაკადების შემოდინებიდან. #ახალიამბები #BusinessMediaGeorgia
„ფორსაითის“ მხარდაჭერით, „რიკო ექსპრესმა“ 200 მლნ ლარის ობლიგაციები გამოუშვა. ემისიის მიზნობრიობას 2023 წელს გამოშვებული 130 მილიონი ლარის ობლიგაციების რეფინანსირება და პორტფელის ზრდა წარმოადგენს. ემისია ეროვნული ბანკის მიერ ლიცენზირებული საბროკერო კომპანია „ფორსაით ბროკერსის“ და სააგენტო „აწარმოე საქართველოში“ კაპიტალის ბაზრის მხარდაჭერის სახელმწიფო პროგრამის ფარგლებში განხორციელდა. რიკო ექსპრესი, ემისიით, დაფინანსების წყაროების დივერისიფიკაციას და პორტფელის შემდგომ ზრდას უზრუნველყოფს. მოზიდული 200 მილიონი ლარიდან ნაწილი 2023 წლის ობლიგაციების რეფინანსირებას მოხმარდება, ხოლო 70 მილიონი ლარი - ბიზნესის გაფართოებას. რიკო ექსპრესის ბონდები 80%-ით უზრუნველყოფილია საკრედიტო პორტფელით და მისი ვადიანობა 5 წელია. #ახალიამბები #BusinessMediaGeorgia
2025 წლის დეკემბერი რითეილერებისთვის გაყიდვების თვალსაზრისით ზრდით დაიწყო, თუმცა წლის დასაწყისში არსებული პოლიტიკური რყევების ეფექტის გადასაფარად აქტიური პერიოდი საკმარისი იქნება თუ არა მოვაჭრეების უმეტესობას ამ კუთხით პროგნოზის გაკეთება უჭირს. როგორია დატვირთულობა სავაჭრო მოლებში, როგორ ივაჭრეს ობიექტებმა 2025 წლის შავ პარასკევს და რა მოლოდინები არსებობს წლის შემაჯამებელ მონაცემებთან დაკავშირებით? #ახალიამბები #BusinessMediaGeorgia
ეროვნული ბანკი ზომიერად მკაცრ მონეტარული პოლიტიკას ინარჩუნებს. დღეს სებ-მა რეფინანსირების განაკვეთი კვლავ 8%-ზე დატოვა და აღნიშნა, რომ მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები უფრო გამოკვეთილია, თუმცა ასევე, ნარჩუნდება შემცირებაზე მოქმედი ფაქტორებიც. სებ-ი ელის, რომ 2025 წელს ინფლაცია საშუალოდ 4 პროცენტი იქნება, ხოლო 2026 წლის მეორე კვარტალიდან მიზნობრივ მაჩვენებელს დაუახლოვდება. ანალიტიკურ ორგანიზაციებში კი ვარაუდობენ, რომ მარეგულირებელს მონეტარული პოლიტიკის შერბილების საშუალება მხოლოდ მომავალი წლის მეორე ნახევრიდან ექნება. თუმცა სპეციალისტები არ გამორიცხავენ იმასაც, რომ მომავალი წლიდან ინფლაციის მაჩვენებელზე გავლენა ჰქონდეს სხვადასხვა ერთჯერად ფაქტორებსაც, მათ შორის ელექტროენერგიის შესაძლო გაძვირებას. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 17.12.2025
2025 წლის დეკემბერი რითეილერებისთვის გაყიდვების ზრდით დაიწყო, თუმცა წლის დასაწყისში არსებული პოლიტიკური რყევების ეფექტის გადასაფარად აქტიური პერიოდი საკმარისი იქნება თუ არა მოვაჭრეების უმეტესობას ამ კუთხით პროგნოზის გაკეთება უჭირს. როგორია დატვირთულობა სავაჭრო მოლებში, როგორ ივაჭრეს ობიექტებმა 2025 წლის შავ პარასკევს და როგორია მოლოდინი? #ახალიამბები #BusinessMediaGeorgia
ფორსაითის მხარდაჭერით მიკროსაფინანსო ორგანიზაცია რიკო ექსპრესმა 200 მლნ ლარის ობლიგაციები გამოუშვა, რომელიც ლარში დენომინირებული ერთ-ერთი ყველაზე მასშტაბური ემისიაა საქართველოს კაპიტალის ბაზარზე. ემისიის ფარგლებში 2023 წელს გამოშვებული 130 მლნ ლარის ობლიგაციების რეფინანსირება და პორტფელის ზრდა მოხდა. 5 წლიანი ბონდების 80% კი, საკრედიტო პორტფელით არის უზრუნველყოფილი. საპროცენტო განაკვეთად განსაზღვრულია TIBR+3%. აღსანიშნავია, რომ რიკო ექსპრესის 200 მილიონი ლარის გამოშვება პირველი ემისიაა, რომელიც კომერციული ბანკებისგან დამოუკიდებელი საფინანსო ინსტიტუტის მიერ განხორციელდა. ფორსაით ბროკერსის განმარტებით, მთავარი ინვესტორები კომერციული ბანკები და საპენსიო ფონდია, თუმცა მათი მიზანია საცალო სეგმენტის და ფიზიკური პირების დაინტერესებაც. #ახალიამბები #BusinessMediaGeorgia
კრიპტო ბაზარზე რეგულირება მკაცრდება - ვირტუალური აქტივების მომსახურების პროვაიდერები ეროვნული ბანკის ზედამხედველობას დაექვემდებარნენ. კანონით რომელიც ძალაში 9 დეკემბერს შევიდა, სებს VASP-ების საქმიანობის უფრო ყოვლისმომცველი რეგულირება შეეძლება. ახალი კანონით, ეროვნული ბანკი უფლებამოსილი იქნება ზედამხედველობის ფარგლებში მოითხოვოს და მიიღოს ნებისმიერი ინფორმაცია კრიპტოვალუტის მომსახურების მიმწოდებელი ბიზნესისაგან ადგილზე ან დისტანციურად, დაადგინოს მათთვის საზედამხედველო წესები და მოთხოვნები, მათ შორის, მინიმალური საზედამხედველო კაპიტალის ოდენობა და მისი გაანგარიშება, დაადგინოს კაპიტალის აქტივებისა და რისკების მართვის სტანდარტები, განსაზღვროს რისკების ჩარჩო და შემოიღოს სხვა დამატებითი მოთხოვნები. ასევე, ეროვნულ ბანკს ენიჭება უფლებამოსილება მათთვის დაადგინოს მომხმარებელთა უფლებების დაცვასთან დაკავშირებული წესები. არის თუ არა საქართველოს ბაზრის ზომისთვის პროპორციული მარეგულირებელი ჩარჩო და ხომ არ შეფერხდება სექტორის განვითარება? სტუმარი: ნიკოლოზ კანდელაკი - Clarsen-ის დამფუძნებელი #ახალიამბები #BusinessMediaGeorgia