საქართველო-ჩინეთის სავაჭრო - ეკონომიკური ურთიერთობები რიცხვებში და არსებული ტენდენცია.
კონკურენციის სააგენტომ „სიტროენ ჯორჯიას“ საჩივარი ნაწილობრივ დააკმაყოფილა. ნოდარ ხადურის უწყება მიუთითებს, რომ მოკვლევის დაწყების საფუძველი არ არსებობს და საჩივარი დაუშვებლად უნდა იქნეს ცნობილი, „კონკურენციის შესახებ“ საქართველოს კანონის მე-10 მუხლის ნაწილში. ასევე, კონკურენციის სააგენტომ მიიღო გადაწყვეტილება დაიწყოს მოკვლევა მოპასუხეების, „სტრადა მოტორსის“, „იბერია ავტოს“, „ჰიუნდაი ავტო საქართველოს“, „კია მოტორს ჯორჯიას“, „ჯი-თი მოტორსის“ და „ფრანს ავტოს“ მიერ „კონკურენციის შესახებ“ საქართველოს კანონის მე-7 მუხლის შესაძლო დარღვევის ფაქტთან დაკავშირებით, რაც შეთანხმებულ მოქმედებებს გულისმობს.
აჭარის რეგიონში საკალმახეების რაოდენობა ბოლო წლების განმავლობაში მინიმუმამდეა შემცირებული, - ამის შესახებ საუბარია არასამთავრობო ორგანიზაცია „ფორეჯის“ კვლევაში, რომლის თანახმად, რეგიონში ამჟამად 27 საკალმახე მეურნეობა ფუნქციონირებს. სტუმარი: სოფო დიასამიძე - არასამთავრობო ორგანიზაცია „ფორეჯის“ დამფუძნებელი
გაზაფხულიდან საქართველოში განბაჟების დროებითი სისტემა, „ATA წიგნაკი“ ამოქმედდება. რაც იმას ნიშნავს, რომ საქართველოდან გარკვეული სპეციფიკაციის საქონელი დროებითი გატანის შემთხვევაში საბაჟო გადასახადისგან გათავისუფლდება. ახალი სერვისს სავაჭრო სამრეწველო პალატა ამუშავებს. სტუმარი: გრიგოლ ბაიბურთი - სავაჭრო-სამრეწველო პალატის რეგიონული განვითარებისა და მომსახურების დეპარტამენტის დირექტორი
ჩინეთსა და საქართველოს შორის თავისუფალი ვაჭრობის ამოქმედებამდე, ერთ-ერთი პროდუქტი, რომელმაც ჩინეთის ბაზარზე ადგილის დამკვიდრება სცადა, ღვინოა. წლიდან წლამდე იზრდება იმ კომპანიების რაოდენობა, რომლებიც მილიარდ 400 მილიონით დასახლებულ ქვეყანაში ღვინის გაყიდვას ცდილობს. მათ შორის არის კომპანია ბოლერო, რომლმაც 2017 წელს 200 ათასი ბოთლი გაყიდა, წელს კი ამ მაჩვენებლის გაორმაგებას აპირებს. რა გზა გაიარა ქართულმა ღვინომ პეკინამდე.
როგორც ცნობილია, 5-10 ნოემბერს ჩინეთის ქალაქ შანხაიში იმპორტის საერთაშორისო გამოფენა „China International Import Expo“ იმართება, სადაც საქართველო გამოფენაზე მიწვეულია, როგორც სტუმარი ქვეყანა. რამდენიმე დღის წინ ვიცე პრემიერმა დიმიტრი ქუმსიშვილმა ბიზნესგაერთიანებების ხელმძღვანელებს შესახებ ინფორმაცია მიაწოდა. სტუმარი: გენადი არველაძე - საქართველოს ეკონომიკისა და მდგრადი განვითარების მინისტრის მოადგილე
თავისუფალი ვაჭრობის შესახებ შეთანხმებით ხელში ჩინეთში ჩასულ ქართველ ექსპორტიორებს შეძლებისდაგვარად, საქართველოს საელჩოც დაეხმარება. დიპლომატიურ წარმომადგენლობას წელს კომერციული ატაშეც შეუერთდება, თუ მისი შერჩევა ისევ არ გაჭიანურდა, რადგან ამ ინსტიტუტის ამოქმედებას 2017 წელს ველოდით. ეს საკითხები, ასევე ორმხრივი სავაჭრო-ეკონომიკური თანამშრომლობის პერსპექტივები იყო დავით ჯალაღონიას ინტერვიუს მთავარი თემა ჩინეთში საქართველოს ელჩთან დავით აფციაურთან.
პარლამენტარები, რომლებსაც 1 წლის განმავლობაში საპარლამენტო ტრიბუნა ერთხელაც არ გამოუყენებიათ. დეპუტატების ერთ წლიანი საქმიანობის შეჯამება.
მედიაცია როგორც დავის ალტერნატიული მოგვარების მეთოდი. სპეციალისტების შეფასებით, განვითარება მნიშვნელოვანია სასამართლოების განტვირთვისა და მართლმსაჯულების ხელმისაწვდომობის გაუმჯობესებისათვის. მედიაცია მართლმსაჯულების სისტემის რეფორმის ნაწილიც არის და საქართველოს ევროკავშირთან ასოცირების შესახებ შეთანხმების ერთ-ერთი მოთხოვნა გახლავთ. თბილისის საქალაქო სასამართლოს მედიაციის ცენტრის ინფორმაციით, მედიაციაზე მოთხოვნა ბოლო წლებში საგრძნობლად გაიზარდა. თუ 2013-2015 წლებში მედიაციის ცენტრმა 43 საქმე განიხილა, 2016-2017 წლებში საქმეების რაოდენობამ 73-ს მიაღწია. სწორედ აღნიშნულმა მზარდმა სტატისტიკამ გამოიწვია ახალი მედიატორების მომზადება მოთხოვნის დაკმაყოფილებისთვის. სტუმრები: ალექსანდრე წულაძე - სამართლის დოქტორი; სოფო დუღაშვილი - მედიატორი.
წლიდან წლამდე მზარდ ტურისტულ ნაკადებს თბილისი და ზოგადად მთელი ქვეყანა მომზადებული უნდა დახვდეს, მათ შორის სასტუმროების და საცხოვრებელი ფართების კომპონენტშიც. სტუმარი: ნიკოლოზ ქევხიშვილი - Colliers International Georgia-ს შეფასებისა და კვლევის დეპარტამენტის დირექტორი
„მთელი რიგი ნაბიჯებია გადასადგმელი იმისთვის, რომ ღამის ეკონომიკა განვავითაროთ, ხელი შევუწყოთ მეწარმეებს, მცირე და საშუალო ბიზნესის განვითარებას, შევქმნათ სამუშაო ადგილები და ა. შ. ასე რომ, თებერვლის ბოლოს გავაკეთებთ პრეზენტაციას ამასთან დაკავშირებით“, - ეს განცხადება თბილისის მერმა რამდენიმე დღის წინ გააკეთა. ღამის თბილისის განვითარება კახა კალაძის წანასაარჩევნო დაპირებაც იყო. სტუმარი: შალვა ალავერდაშვილი - სასტუმროების და რესტორნების მენეჯერი
ქართლის ქარის ელექტროსადგურმა წელს 87 მილიონ კილოვატ საათზე მეტი ელექტროენერგია გამოიმუშავა, რაც საპროგნოზო ბალანსს მცირედით ჩამორჩება. ეს სადგური ერთ-ერთია, რაზეც ენერგეტიკის განვითარების ფონდმა იმუშავა. გეგმაშია განახლებადი ენერგიების სხვა სადგურების მშენებლობა. საინტერესოა, მათ შორის იქნება თუ არა მზის ელექტროსადგურიც, რაც ჯერ საქართველოსთვის ისევ უცხო ხილია.
2017 წელს ელექტროენერგიის გამომუშავება მცირედით შემცირდა, იმპორტი კი მნიშვნელოვნად გაიზარდა. გაზრდილია აფხაზეთის რეგიონის მოხმარებაც.
კაზინოების, ონლაინ კაზინოების და ტოტალიზატორების ინდუსტრია ბიზნესომბუდსმენის მხარდაჭერას ითხოვს. ამის შესახებ „საქმის კურსისთვის“ გახდა ცნობილი. საქმე იმაშია, რომ ფინანსთა სამინისტროს მიერ მომზადებული საკანონმდებლო პაკეტის მიხედვით, „ლატარიების, აზარტული და მომგებიანი თამაშობების მოწყობის შესახებ“ კანონში შედის ცვლილებები, რომლის თანახმად, 21 წლამდე საქართველოს მოქალაქეებს აზარტული თამაშები აეკრძალებათ და ასევე, შეიქმნება სისტემურ-ელექტრონული ფორმით მოთამაშეთა ერთიანი რეესტრი და თამაშზე დამოკიდებულ პირთა სია, რომლის ადმინისტრირებას შემოსავლების სამსახური განახორციელებს.
ამერიკის შეერთებული შტატები ე.წ Shutdown-ის პროცესშია, შვედურ კომპანია Spotify-ს კი ბრალს არალიცენზირებული სიმღერების გამოყენებაში სდებენ.
სავაჭრო ცენტრი, ბაზრობა, სასტუმრო, ავტოგასამართი და აირგასამართი სადგურები - ეს იმ ობიექტების ჩამონათვალია, რომლისთვისაც მესამე პირის დაზღვევა სავალდებულო ხდება. რა დაუჯდება ახალი რეგულაცია ბიზნესს, როგორია კერძო სექტორის პოზიცია და რა არგუმენტები აქვს რეგულატორს.
თხილის ექსპორტიორებისთვის HACCP-ის სისტემის დანერგვა სავალდებულო გახდა, რაც იმას ნიშნავს, რომ ბიზნესოპერატორი, რომელიც ექსპორტისთვის განკუთვნილი გადამუშავებული თხილის გულის დამზადებას ახორციელებს, ვალდებულია საფრთხის ანალიზისა და კრიტიკული საკონტროლო წერტილების პრინციპებზე დაფუძნებული სისტემა დანერგოს.
1 მილიარდ 355 მლნ ლარი - ეს ის თანხაა, რომელიც რეგიონული განვითარების და ინფრასტრუქტურის სამინისტრომ 2017 წელს დახარჯა, რაც გეგმის 102.4%-ია და 2016 წლის ხარჯვით მაჩვენებელს თითქმის 40%-ით აღემატება. სტუმარი: ზურაბ ალავიძე , ინფრასტრუქტურის მინისტრი
რა გამოწვევების წინაშე დგას ქართული ექსპორტი, როგორ შეიძლება გაიზარდოს საექსპორტო ჯგუფები, რა უნდა გააკეთოს სახელმწიფომ და კერძო სექტორმა მეტი კონკურენტუნარიანი პროდუქციის წარმოებისთვის. სტუმარი: გიორგი კაჭარავა - ევროკავშირი-საქართველოს ბიზნეს საბჭოს ხელმძღვანელის მოადგილე
თხილის ექსპორტიორებისთვის HACCP-ის სისტემის დანერგვა სავალდებულო გახდა, რაც იმას ნიშნავს, რომ ბიზნესოპერატორი, რომელიც ექსპორტისთვის განკუთვნილი გადამუშავებული თხილის გულის დამზადებას ახორციელებს, ვალდებულია საფრთხის ანალიზისა და კრიტიკული საკონტროლო წერტილების პრინციპებზე დაფუძნებული სისტემა დანერგოს. სტუმარი: თენგიზ კალანდაძე - საქართველოს სოფლის მეურნეობის სამინისტროს სოფლის მეურნეობის და სურსათის დეპარტამენტის უფროსი
მასობრივი თავშეყრის ობიექტებისათვის მესამე პირის დაზღვევა სავალდებულო ხდება. მთავრობამ უკვე დაადგინა იმ ობიექტების ნუსხა, რომელთაც მესამე პირის დაზღვევის ვალდებულება ექნებათ. ესენია: სავაჭრო ცენტრი, ბაზრობა, სასტუმრო, ავტოგასამართი და აირგასამართი სადგურები.
თბილისის მერიამ მარშალ გელოვანისა და სარაჯიშვილის ქუჩების კვეთაზე ესტაკადის მშენებლობის მიზნით ტენდერი გამოაცხადა. სამუშაოებზე, სავარაუდოდ, 4,3 მილიონი ლარი უნდა დაიხარჯოს. დაინტერესებულ კომპანიებს სატენდერო წინადადებების წარდგენა 3 თებერვლიდან შეეძლებათ, პროცესი 5 დღეს გასტანს და 8 თებერვალს დასრულდება. ტენდერის პირობების მიხედვით, სამუშაოები წერილობითი დავალების მიცემიდან 180 დღეში უნდა დასრულდეს. "საქართველოში რეგისტრირებულ კომპანიებს ჩინეთიდან საქართველოში ტურისტების ჩამოყვანა გაუადვილდებათ“, - ამის შესახებ ეკონომიკის მინისტრმა საქართველოს ბიზნეს გაერთიანებების ხელმძღვანელებთან შეხვედრაზე განაცხადა. დიმიტრი ქუმსიშვილის განცხადებით, ქართულმა მხარემ ჩინეთთან მიაღწია უპრეცედენტო შეთანხმებას. კერძოდ, ქართული ტურისტული სააგენტოები და ტურ-ოპერატორები, რომლებიც ერთობლივ საწარმოს დაარეგისტრირებენ ჩინეთში, შეძლებენ ჩინეთის ყველა პროვინციიდან ტურისტების გაყვანას. საგარეო საქმეთა მინისტრის მიხეილ ჯანელიძის განცხადებით, კომერციული ატაშეები საქართველოს საელჩოებში, სავარაუდოდ, წლის მეორე ნახევარში დაინიშნებიან. მისი თქმით, ეკონომიკური დიპლომატია არის ქვეყნის პრიორიტეტი წელსაც და დარჩება მომავალშიც. ეკონომიკური ატაშეები საზღვარგარეთ საქაღტველოს საელჩოებში დაინიშნებიან და მათი მიზანი ინვესტიციების მოზიდვა და ეკონომიკური ურთიერთობების გამყარება იქნება. OECD-ის ქვეყნებში მოსახლეობის 5,6%-ს კვირაში 60-საათიანი სამუშაო გრაფიკი აქვს. ეკონომიკური თანამშრომლობისა და განვითარების ორგანიზაცია აღნიშნავს, რომ 60-საათიანი სამუშაო გრაფიკი მოსახლეობის ყველაზე დიდ რაოდენობას 23%-ზე მეტს აქვს თურქეთში. დღეში 12-საათზე მეტს მუშაობს კორეაში დასაქმებულთა 22%. კვირაში 60-საათიანი გრაფიკი აქვთ ასევე კოლუმბიაში დასაქმებულების 19%-ს და კოსტარიკაში დაახლოებით 17%-ს. ევროპაში ყველაზე მაღალი მაჩვენებელი ამ მიმართულებით საბერძნეთშია. დასაქმებულთა 11,2% კვირაში 60 საათს ან მეტს მუშაობს.
ინტელექტუალური საკუთრების მფლობელები საკუთრების უფლებას ამიერიდან უფრო მარტივად დაიცავენ. კანონმდებლობაში ცვლილებები შევიდა და ახალი რედაქციით ამოქმედდა. სხვადასხვა კანონში შესული ცვლილებებით, ინტელექტუალური საკუთრების უფლებების დარღვევისას, მფლობელს ენიჭება უფლებამოსილება მოითხოვოს ობიექტების, რომლებიც არღვევს მის განსაკუთრებულ უფლებებს, ბრუნვიდან ამოღება, ინტერნეტში განთავსებული მასალის წაშლა. ამავე ცვლილებებით მესაკუთრეს შეეძლება კომპენსაცია მოითხოვოს. ბათუმის საფეხბურთო სტადიონის მშენებლობა 21 იანვარს დაიწყება. როგორც ბათუმის ”დინამოს” ვებ გვერდზე გავრცელებულ ინფორმაციაშია აღნიშნული, 20 ათას მაყურებელზე გათვლილი სტადიონის სამშენებლო მოედნის მომზადების პროცესი უკვე რამდენიმე დღეა მიმდინარეობს, სამშენებლო სამუშაოები კი იანვრიდან დაიწყება. მშენებლობას შპს "ანაგი" აწარმოებს, რომელსაც სტადიონის ასაშენებლად 34 თვის ვადა აქვს მიცემული. 2017 წელს 2007 წელთან შედარებით ლარი ამერიკულ დოლართან მიმართებით 50%-ით, ევროსთან მიმართებით კი 24% -ით გაუფასურდა,-ამის შესახებ ნათქვამია PMCG-ს მიმოხილვაში, რომელიც 2007-2017 წლებს მოიცავს. რაც შეეხება საქართველოს მეზობელი ქვეყნების ვალუტებს, აქ მიმოხილვის მიხედვით, განსხვავებული სურათია და ლარის პოზიციები გამყარებულია. კერძოდ ლარი 10 წლის განმავლობაში თურქულ ლირასთან მიმართებაში 46%-ით, აზერბაიჯანულ მანათთან მიმართებაში 25%-ით, სომხურ დრამთან მიმართებაში 6%-ით, ხოლო რუსულ რუბლთან მიმართებაში კი 34%-ით გამყარდა. BMW Tesla Model 3-ის პირდაპირი კონკურენტის გამოსაშვებად ემზადება. ცნობილი გერმანული ავტოკონცერნი BMW ელექტროსატრანსპორტო საშუალებებისგან ვითარებაში აქტიურად ერთვება და უკვე მთელი რიგი მოდელების წარმოება აქვს დაგეგმილი. მათ შორის არის iNext-ი, რომელიც შესაძლოა Tesla-ს კონკურენტი გახდეს. როგორც BMW -ში აცხადებენ, ელექტრონული ავტომობილები ისეთი ელემენტებით აღიჭურვებიან, რომლებიც საშუალებას მისცემენ ავტომობილს ერთ დამუხტვაზე 450-500 კმ დაფარონ. ხოლო iNext-ის შემთხვევაში აღნიშნული მაჩვენებელი 700 კმ იქნება.
სურსათის ეროვნულმა სააგენტომ ზამთრის კურორტებზე 46 კვების ობიექტი დააჯარიმა. უწყება ქვეყნის მასშტაბით, ზამთრის კურორტებზე საზოგადოებრივი კვების ობიექტებს ამოწმებს. სააგენტოს ინფორმაციით, შემოწმების პარალელურად, გადამოწმდა რეგისტრირებული ბიზნეს ოპერატორების ბაზაც. სახელმწიფო კონტროლი განხორციელდა 74 ობიექტზე, საიდანაც გამოვლენილი დარღვევების გამო 46 მათგანი დაჯარიმდა. ბიზნეს ოპერატორებს, კანონმდებლობით გათვალისწინებულ სურსათის უვნებლობის მოთხოვნებთან დაკავშირებით, სააგენტოს წარმომადგენლების მიერ, მიეცათ შესაბამისი რეკომენდაციები. 41-ნომრიანი სასტუმრო კახეთში, ახაშენში მარტში გაიხსნება. ეკონომიკის სამინისტროს სახელმწიფო პროგრამის „აწარმოე საქართველოში“ სასტუმრო ინდუსტრიის განვითარების კომპონენტის ამოქმედების ან დღემდე პროგრამას 38 ბენეფიციარი ჰყავს. სამინისტროს ცნობით, ახალი სასტუმრო მიზნად ისახავს საქართველოში ღვინის გზის მიმართულებით ტურიზმის განვითარებას და წარმოებული პროდუქციის ცნობადობის ამაღლებას. აღნიშნული პროექტის ინვესტიციის ჯამური მოცულობა 5,5 მილიონ ლარს შეადგენს. საერთაშორისო ბრენდული სასტუმროების მშენებლობა საქართველოში გრაფიკს ჩამორჩება. გალთ ენდ ტაგართის, ცნობით, 27 საერთაშორისობრენდულისასტუმროდან, რომელიც2016-18 წლისდაგეგმილიპროექტებისსიაშიიყო,მხოლოდოთხიდასრულდა, სამიპროექტიკიგაუქმდა. დარჩენილი 20 პროექტიდან, დაგეგმილვადებშიმხოლოდოთხისდასრულებაამოსალოდნელი. დაგვიანებულიპროექტებიდანნაწილი თბილისში, ნაწილი კი ბათუმშია განლაგებული. პოლონეთმა ეროვნული კრიპტოვალუტის განვითარება დაიწყო. აღნიშნული საქმე ჯგუფს Polish Blockchain Technology-ის გადაეცა. კრიპტოვალუტის სახელწოდება „ციფრული ზლოტი“ იქნება. ჯგუფმა ძირითადი სამუშაო ვერსია უკვე შექმნა და ამჟამად კოდის გაფართოებულ ვერსიაზე მუშაობს. პროგრამული უზრუნველყოფის ტესტირების ეტაპი ორი კვირის განმავლობაში დაიწყება. 100 პოლონური კრიპტოვალუტის ფასი 100 ზლოტს გაუტოლდება. თუმცა, ასეთი სქემის განსახორციელებლად მთავრობის მხარდაჭერაა აუცილებელი.
,,ჰუმანითი ჯორჯიამ“ 11 მილიონი დოლარის სასესხო დავალიანება, რომელიც კომპანიას საპარტნიორო ფონდისგან წამლების იმპორტის მიზნით ჰქონდა აღებული უკვე დაფარა. BMG-ის ინფორმაციით კომპანიას, ყოფილი თანამშრომლებისათვის სახელფასო დავალიანება დღემდე არ გადაუხდია. ჩანიშულია სასამართლოც და თანამშორომელთა სარჩელის არსებითი განხილვა პირველ ინსტანციაში 1 თებერვალს დაიწყება. კომპანიის წინააღმდეგ სარჩელი სულ 34 თანამშრომელს აქვს შეტანილი და მათ მიმართ დავალიანება ჯამში 326 ათასი ლარია. ====- აუდიტის სამსახური 112-ს შეამოწმებს- მიზანი ორგანიზაციის მიერ მიღებული შემოსავლების განკარგვის მართლზომიერების გარკვევაა. ამის თაობაზე სამსახურის 2018 წლის სამუშაო გეგმაშია საუბარი. საქმე ეხება თანხებს, რომელსაც 112 ტელეფონზე სააბონენტო გადასახადის სახით მოქალაქეებისგან იღებს.“მნიშვნელოვანია იმის შესწავლა: (ა) რამდენად მიზნობრივად და რაციონალურად იხარჯება აღნიშნული რესურსი და (ბ) რამდენად არის ორიენტირებული ამ რესურსის დახარჯვა სსიპ-ის განვითარებაზე“-ვკითხულობთ აუდიტის სამსახურის გეგმაში. ===- საოკუპაციო ხაზთან ახალი ხეხილის ბაღი გაშენდა.პროექტის „დანერგე მომავალი“ ბენეფიციარმა,ამირან ხოდელმა12 ჰა-ზე ვაშლის ინტენსიური ბაღი გააშენა.ხეხილის ბაღი გორის რაიონის სოფელ ბერშუეთში მდებარეობს. ბენეფიციარი პროგრამაში 2016 წელს ჩაერთო. ბაღის გაშენებისა და სარწყავი სისტემების მოწყობისთვის 94 ათასილარის ოდენობის სახელმწიფო დაფინანსება მიიღო, აქედან, 67 ათასილარი ნერგებისთვის, ხოლო 27 ათასი ლარი - წვეთოვანი სისტემებისთვის. ====- 17 Apple-ი მზადაა $38 მლრდ-იანი ერთჯერადი გადასახადით დაიბეგროს მოგებაზე, რომლის აშშ-ში დაბრუნებასაც აპირებს. გარდა ამისა, კომპანიას უახლოესი 5 წლის განმავლობაში $30 მლრდ-ის მოცულობის კაპიტალ დაბანდება აქვს დაგეგმილი, რითაც 20 000 ახალ სამუშაო ადგილს შექმნის. Apple-ის განცხადების თანახმად, ამ თანხის გადახდა დეკემბერში მიღებული საგადასახადო რეფორმის კანონის შედეგია. კანონი ამერიკულ კომპანიებს საშუალებას აძლევს, მოგების გადასახადის სახით 15,5% გადაიხადონ იმ ლიკვიდურ აქტივებზე, რომლებიც აშშ-ის საზღვრებს გარეთ აქვთ განლაგებული და ეს კაპიტალი სამშობლოში დააბრუნონ.
2017 წელს საქართველოში საქონლით საგარეო სავაჭრო ბრუნვამ 10 მილიარდ 700 მილიონი დოლარი შეადგინა, რაც წინა წლის შესაბამისი პერიოდის მაჩვენებელზე 13.8 პროცენტით მეტია. საქსტატის წინაწარი მონაცემებით, აქედან, ექსპორტი 2, 7 მილიარდი დოლარიიყო (29 პროცენტით მეტი), ხოლო იმპორტი 7,9 მილიარდი დოლარი (9.4 პროცენტით მეტი). მიმდინარე წელს აზიურ ფაროსანასთან საბრძოლველად 50 მილიონამდე ლარია გამოყოფილი, - ამის შესახებ სოფლის მეურნეობის მინისტრის მოადგილე აცხადებს. გელა ხანიშვილის თქმით, ღონისძიებები სამ ეტაპად განხორციელდება. რაც შეეხება ბიუჯეტის განკარგვას, მოხდება შესაწამლი ტექნიკის შესყიდვა,წამლის შეძენა და ასევე საწვავის შეძენა, მომსახურე პერსონალის დაქირავება და ა.შ. ხანიშვილის ინფორმაციით, დაგეგმილია საინფორმაციო კამპანიაც. საგარეო საქმეთა სამინისტროსა და ევროინტეგრაციის სამინისტროს შერწყმის პროცესი პირველ აპრილამდე დასრულდება. ამის შესახებ საგარეო საქმეთა მინისტრმა, მიხეილ ჯანელიძემ, მთავრობის სხდომის დასრულების შემდეგ განაცხადა. მისი თქმით, რეორგანიზაციის პროცესი დაწყებულია, რომლის დასრულების შემდეგ გახდება ცნობილი რა ადამიანური რესურსით განახორციელებს ფუნქციონირებას უწყება. ჩინური მედიის მიერ გავრცელებული ინფორმაციით, ჩინეთში ელექტრონული კომერციის ყველაზე მსხვილმა პლატფორმამ Alibaba კრიპტოვალუტის მოპოვების პლატფორმა აამოქმედა, თუმცა, კომპანიის წარმომადგენლებმა ეს ინფორმაცია უარყვეს. სერვისი კონტენტის გადაცემის ქსელი აღმოჩნდა. ჩინურმა ინტერნეტ-გიგანტმა ისიც დასძინა, რომ კრიპტოვალუტის გამოშვებას არ გეგმავს და მაინინგით არასდროს დაკავდება.
თბილისში, კვირის გარკვეულ დღეებში საზოგადოებრივი ტრანსპორტი ღამის საათებშიც იმოძრავებს - ამის შესახებ თბილისის მერმა განაცხადა. მისივე ინფორმაციით, დედაქალაქის მერია ღამის თბილისის განვითარების კონცეფციაზე მუშაობს, რომელსაც თებერვლის ბოლოს წარადგენს. ღამის თბილისის განვითარება კახა კალაძის წანასაარჩევნო დაპირება იყო და ღამის ეკონომიკის განვითარების კონცეფციაში შედიოდა. სახელმწიფო პროგრამა "აწარმოე საქართველოში" ფარგლებში კომპანია „ევრო დიზაინი“ თბილისში სამშენებლო მასალების მწარმოებელ საწარმოს ააშენებს. საწარმოს ასაშენებლად კომპანიას 6 ათასი კვ.მ. უძრავი ქონება გადაეცა. სახელმწიფო ქონების ეროვნული სააგენტოს ინფორმაციით, ინვესტიციის მოცულობა 2 მილიონი ლარი იქნება და ადგილზე 43 ადამიანი დასაქმდება. "მაგთიკომმა" ინტერნეტის გაძვირება დროებით შეაჩერა. შესაბამისი თხოვნით კომუნიკაციების მარეგულირებელმა ეროვნულმა კომისიამ "მაგთიკომს" მიმართა. კომისიის წერილში აღნიშნულია, რომ დაიწყო საკითხის შესწავლა, შესაბამისად, დროებით უნდა შეჩერდეს ფასის გაზრდის პროცესი. კომისიაში აცხადებენ, რომ მაგთის მიერ დასახელებული ტარიფის გაძვირების მიზეზები არარელევანტურია, ამიტომ იკვლევენ მაღალი ტარიფით კომპანია სხვა მიმართულებების სუბსიდირებას ხომ არ ახდენს. PANASONIC ამერიკაში "ჭკვიან ქალაქს" ააშენებს. პროექტი კოლორადოს შტატის ქალაქ დენვერის საერთაშორისო აეროპორტთან ახლოს განხორციელდება. ამჟამად 162 ჰექტარი ფართის მიწის ნაკვეთზე უფასო Wi-Fi-ისა და გარე დიოდური განათებისთვის მოწყობილობები, ჰაერის ხარისხის საზომი სენსორები, მზის პანელები და უსაფრთხოების კამერები უკვე განთავსებულია. "ჭკვიანი ქალაქის" ფუნქციონირებაში მნიშვნელოვან როლს უპილოტო ტრანსპორტი შეასრულებს.
ჯანდაცვის სამინისტრომ ახალგაზრდების დასაქმების სუბსიდირება დაიწყო. პროგრამა 6 თვიანია და ახალგაზრდა კადრების დასაქმებისთვის ხელშეწყობას ისახავს მიზნად. პროგრამის ბიუჯეტი 700 ათასი ლარით განისაზღვრა. სახელმწიფო პროგრამაში ჩართვა 16 დან-29 წლამდე ახალგაზრდებს შეეძლებათ. წესები კი ასეთია: ერთ ვაკანტურ სამუშაოა დგილზე 3 ან 4 სამსახურის მაძიებელი ახალგაზრდის დარეგისტრირება შეიძლება. თითოეულ მათგანს სახელმწიფო სტიპენდიის სახით ყოველთვიურად 200 ლარს გადაუხდის. დამსაქმებელს საშუალება მიეცემა, მათ შორის საუკეთესო აირჩიოს. საქართველოს მოქალაქეები ქარის ელექტორსადგურის აქციების შეძენას შემოდგომიდან შეძლებენ. სწორედ ამ პერიოდში გეგმავს ხელისუფლება ელექტოსადგურის აქციების საფონდო ბირჟაზე განთავსებას. "ქართლის ქარის ელექტროსადგურის" დირექტორთა საბჭოს თავმჯდომარის განცხადებით, ჯერ ცნობილი არ არის, რა მოცულობის აქციები გავა ბირჟაზე და რა იქნება თითოეულის ნომინალური ღირებულება. თორნიკე ყაზარაშვილის თქმით, ამ ეტაპზე ევროპის რეკონსტრუქციისა და განვითარების ბანკთან სამართლებრივ საკითხებზე მოლაპარაკებები მიმდინარეობს. რადგან ქარის ელექტროსადგური EBRD-ის 22 მილიონიანი სესხით აშენდა. არასამთავრობო ორგანიზაცია HUB Georgia საქართველოს საავიაციო ხელისუფლებას საბიუჯეტო სახსრების არამიზნობრივ გამოყენებაში ადანაშაულებს. ორგანიზაციაში აცხადებენ, რომ "საქართველოს აეროპორტების გაერთიანებამ" ორჯერ დაარღვია საერთაშორისო კონვენცია, რომელიც ეროვნული ინტერესებიდან გამომდინარე ქვეყნებს უფლებას ანიჭებს შიდა ფრენების განხორციელებაზე ლიცენზია უცხოურ ავიაკომპანიებზე არ გასცენ. არასამთავრობო ორგანიზაციის ინფორმაციით, ასეთი ფაქტი ორჯერ დაფიქსირდა. პირველად, 2016 წელს, როცა აეროპორტების გაერთიანების ტენდერში ხელშეკრულება ყაზახურ ავიაკომპანიასთან გაფორმდა. ვასო ურუშაძის თქმით, ერთი წლის თავზე, 2017 წელს, ისტორია კვლავ განმეორდა. ისტორიაში ერთ-ერთი ყველაზე დიდი ბრილიანტი აღამოაჩინეს. Bloomberg-ის ინფორმაციით, ძვირფასი ქვა სამხრეთ აფრიკაში, ლესოტოშია აღმოჩენილი. კომპანია „ჯემ დაიმონდსმა“ 910-კარატიანი - დააახლოებით 2 გოლფის ბურთის ზომის - ქვა აღმოაჩინა.
დარღვევების გამო დედაქალაქში 54 ობიექტის მშენებლობა შეჩერდა. თბილისის მერის განცხადებით, დედაქალაქის მასშტაბით სამშენებლო სამართალდარღვევების სტატისტიკა შემაშფოთებელია. კახა კალაძემ მოიყვანა სტატისტიკა, რომელიც 2017 წლის 20 ნოემბრიდან 17 იანვრის ჩათვლით სამართალდარღვევებს აღნუსხავს. მისი თქმით, მერიის ზედამხედველობის სამსახურმა სამშენებლო საკითხების მოწესრიგებაზე ზეპირსიტყვიერი გაფრთილხება მისცა 200-ზე მეტ ობიექტს, 126-ის შემთხვევაში დაიწყო სამართალწარმოება, ხოლო 54 ობიექტზე სამშენებლო სამუშაოები შეჩერდა. ზამთრის საკურორტო ზონებში ფრენების ნებართვა ორ კომპანიას მიენიჭა. სამოქალაქო ავიაციის სააგენტომ ფრენის ნებართვა მიანიჭა „ვიუჰერ ჰელიქოფთერს“და კომპანია„ჰელიქოფთერ თრეველ მიუნიჰს“. სააგენტოში შეტანილი განაცხადის მიხედვით, ავსტრიული კომპანია 15 იანვრიდან 15 აპრილამდე გუდაურისა და მესტიის ზონაში იფრენს. იგივე დანიშნულებით იფრენს გერმანული კომპანია. ფრენები დაიშვება ხელსაყრელ მეტეოროლოგიურ პირობებში, ვიზუალური ფრენის წესებით. ეკონომიკისა და მდგრადი განვითარების მინისტრის მოადგილედ ეკატერინე მიქაბაძე დაინიშნა, რომელიც მანამდე ფინანსთა სამინისტროს მაკროეკონომიკური ანალიზისა და ფისკალური პოლიტიკის დაგეგმვის დეპარტამენტს ხელმძღვანელობდა. ეკატერინე მიქაბაძე ასევე მუშაობდა საქართველოს ეროვნულ ბანკსა და სტატისტიკის სახელმწიფო სამსახურში. გარდა ამისა, ის ეწევა სამეცნიერო-პედაგოგიურ საქმიანობას. ეკატერინე მიქაბაძეს ეკონომიკურ მეცნიერებათა მაგისტრის ხარისხი იაპონიაში, ტოკიოს საერთაშორისო უნივერსიტეტში მიენიჭა. ჟურნალმა Global Finance მსოფლიოს ყველაზე მდიდარი ქვეყნების სია შეადგინა. გამოცემამ ქვეყნების სიმდიდრე ერთ სულ მოსახლეზე მთლიანი შიდა პროდუქტის და ფულის მსყიდველობითი უნარის მიხედვით გამოითვალა. მსოფლიოში ყველაზე მდიდარი ქვეყნების სია შემდეგია: კატარი - ერთ სულ მოსახლეზე შემოსავალი $129 ათასი დოლარი. ლუქსემბურგი 100 ათასიანი შემოსავლით ერთ სულ მოსახლეზე. შემდეგ მოდიან მაკაო, სინგაპური, ბრუნეი, ქუვეითი, ირლანდია, ნორვეგია, არაბთა გაერთიანებული საემიროები და სან-მარინო.
თბილისის მერიაში სტრუქტურული რეფორმა იწყება. ცვლილება სხვადასხვა მიმართულებებს ეხება. დედაქალაქის მერის განცხადებით, უქმდება ეკოლოგიისა და გამწვანების სამსახური და იქმნება ახალი გარემოსდაცვის საქალაქო სამსახური. არქიტექტურულ სამსახურს გამოეყოფა ურბანული განვითარების სამსახური. არქიტექტურა დარჩება ცალკე და იქნება სერვისებზე ორიენტირებული, ხოლო პოლიტიკას წარმართავს ქალაქის ურბანული განვითარების საქალაქო სამსახური. კულტურის, განათლებისა და სპორტისა და ახალგაზრდობის საქმეთა სამსახურები ერთი უწყების ქვეშ გაერთიანდება. კეთილმოწყობის სამსახური კი ფორმირდება ინფრასტრუქტურის განვითარების საქალაქო სამსახურად. 2017 წლის განმავლობაში ქართულმა ავიაკომპანია "ჯორჯიან ეარვეისმა" 308 ათასი მგზავრი გადაიყვანა. კომპანიის წლიურ ანგარიშში აღნიშნულია, რომკომპანიამ 2017 წელს პირდაპირი ფრენები დაიწყო თბილისიდან ლონდონისა და პრაღის, ასევე, ბათუმის მიმართულებით. რაც შეეხება 2018 წლის გეგმებს, 25 მარტიდან ავიაკომპანია პირდაპირ ფრენებს იწყებს: პარიზის, ბოლონიის, სალონიკის, ბარსელონის, ბერლინის და კიდევ რამდენიმე ახალი მიმართულებით. თებერვლიდან ბაზარზე„ალუტექ ჯორჯიას“ წარმოებული ალუმინის პროფილი და მზაკარ-ფანჯრები გამოვა. სახელმწიფოს მხარდაჭერილი კომპანია უახლესი ტექნოლოგიის დანადგარებს შეიძენს, რაც მას საშუალებას მისცემს, რომ მომხმარებელს ენერგოეფექტური ტექნოლოგიით დამზადებული პროდუქცია მიაწოდოს. წლიურად 4,3 მილიონი ლარის პროდუქციის წარმოებაა დაგეგმილი. თურქეთის ხელისუფლება ქვეყნის ისტორიაში ყველაზე მასშტაბური პროექტის განხორციელებისთვის ემზადება – ბოსფორის სრუტის ალტერნატივის გაყვანა. თურქული მედიის ცნობით, ახალი სრუტე შავ და მარმარილოს ზღვებს სტამბოლის რაიონის გავლით დააკავშირებს. თურქეთის ხელისუფლებამ ახალ სრუტეს სახელიც შეურჩია – „სტამბოლი“. პროექტის ღირებულების დასახელება ვერ ხერხდება. ხელისუფლების განმატებით, თურქეთში ყველაზე მასშტაბური პროექტი სტამბოლის მესამე აეროპორტის მშენებლობაა, რომლის ღირებულება 10,5 მლრდ ევროს შეადგენს. თუმცა, არხის „სტამბოლი“ მშენებლობა გაცილებით მასშტაბური იქნება“.
ბარიერები თურქულ ბაზარზე ღვინის ქართველი ექსპორტიორებისთვის. საქმე და კვლევა, რომელიც ეკონომიკის სამინისტროს ინიციატივით ჩატარდა, არასატარიფო ბარიერებს ეხება. ერთ-ერთი მთავარი მიზეზი თურქული ბაზრის არამიმდიველობისა ქართველი ექსპორტიორებისათვის, იქ არსებული კანონმდებლობაა.
ვენესუელურმა ბოლივერმა გაუფასურების რეკორდი დაამყარა, ამერიკაში კი ყველაზე მეტი პატენტის მქონე კომპანიების სია გამოქვეყნდა.
რა პრობლემები აქვს უცხოელ სტუდენტბს ვიზების მიღებისას და რატომ დააყენა ეს საკითხი, საქართველო ამერიკის სავაჭრო პალატის პრეზიდენტმა? სტუმარი: მაიქელ ქოუგილი, ამერიკის სავაჭრო პალატის პრეზიდენტი
თურქეთში ღვინისა და ასევე უალკოჰოლო გაზიანი სასმელების ექსპორტისას არსებული არასატარიფო ბარიერები ეკონომიკის სამინისტროში განიხილეს. კვლევები საქართველოს ეკონომიკისა და მდგრადი განვითარების სამინისტროს ინიციატივით და USAID „მმართველობა განვითარებისთვის“ პროექტის მხარდაჭერით საკონსულტაციო კომპანიამ „TBSC კონსალტინგმა“ მოამზადა. სტუმარი: სალომე თვალოძე, TBSC კონსალტინგი კონსულტანტი
“ჩვენი მოსაზრებაა, რომ ვლადიმერ კაკაბაძე კორუმპირებული მოსამართლეა და ვერაფერი შეგვაცვლევინებს ამ აზრს ” - ეს გნაცხადება გუშინ საერთაშორისო სავაჭრო პალატის პრეზიდენტმა, ფადი ასლიმა გააკეთა. საქმის კურსის კამერასთან განცახადებები ვალდიმერ კაკაბაძის ადვოკატმა კობა ბოჭორიშვილმაც გააკეთა. მისი თქმით , ეს განცხადებები პატივის და ღირსების შემლახავია. ამასთან ბოჭორიშვილის თქმით, მოსამართლემ წესით გადაწყვეტილება ძალაში უნდა დატოვოს. სტუმარი: ფადი ასლი, საერთაშორისო სავაჭრო პალატის ხელძღვანელი
2017 წლის იანვარ-დეკემბერში მიღებული სახელმწიფო ბიუჯეტის შემოსავლებმა 9 მილიარდ 750 მილიონ 327 ათასი ლარი შეადგინა, რაც წლიური გეგმის საპროგნოზო მოცულობის 100.6% ია; გადასახადების წლიური გეგმის საპროგნოზო მოცულობამ შეადგინა 8 მილიარდ 980 მილიონი ლარი, ფაქტიურად მიღებულია 8 მილიარდ 991 მილიონზე მეტი, ანუ საპროგნოზო მოცულობის 100.1%; სტუმარი:ცოტნე ყავლაშვილი, ფინანსთა მინისტრის მოადგილე
მშენებლობებზე უბედური შემთხვევები, პირველ რიგში, სახელმწიფოს პასუხისმგებლობაა და არა კომპანიების - ეს განცხადება დღეს პროფკავშირების თავმჯოდმარე ირაკლი პეტრიაშვილმა გააკეთა. მისი თქმით, ის საკანონმდებლო სივრცე, რომელიც მშენებლობაზე უსაფრთოების მხრივ ქვეყანაში არსებობს, „ბიზნესმენების მონათმფლობელურ“ დამოკიდებულებას ვერ არეგულირებს. მისივე თქმით, აუცილებელია ქვეყანაში შრომითი ინსპექცია დროულად შეიქმნას. სტუმარი:ელზა ჯგერნაია, ჯანდაცვის სამინისტროს შრომისა და დასაქმების სამსახურის ხელმძღვანელი
NBA-ის ერთ-ერთი გუნდის, დალას მავერიკსის მფლობელის განცხადებით, მომავალი სეზონიდან მისი გუნდი ბილეთებს კრიპტოვალუტაშიც გაყიდის. ამის შესახებ მან Bloomberg-ს განუცხადა და მოგვიანებით ტვიტერის გვერდზეც დაადასტურა. დალას მავერიკსი ბილეთების გაყიდვას ბიტკოინსა და ეთირიუმში გეგმავს. ნებისმიერ მსურველს, რომელიც მავერიკსის თამაშზე დასწრებას გადაწყვეტს, ონლაინ რეჟიმში შეეძლება ბილეთების ყიდვა. ამას გარდა, გაყიდვები იგეგმება სეზონურ აბონიმენტზეც.
კომპანია Apple-მა გადაწყვიტა გადასახადების გადახდა კვლავ ამერიკაში გააგრძელოს, ჩინეთმა კი მხოლოდ 2017 წელს რამდენიმე მილიონი სამუშაო ადგილი შექმნა.
#BMG-ის სდაწყებული თემა, რომელიც სავარაუდოდ სიცოცხლისთვის საშიში ვაქცინების გახარჯვას ეხებოდა, გამოხმაურება დღესაც მოჰყვა, ამჯერად დამატებით განმარტებებს ჯანდაცვის მინისტრი აკეთებს.
ფადი ასლის საქმე. სააპელაციო სასამართლოში დღეს საერთაშორისო სავაჭრო პალატის თავმჯდომარის ფადი ასლის საქმის განხილვა მიმდინარეობდა.
"საქართველოში რეგისტრირებულ კომპანიებს ჩინეთიდან საქართველოში ტურისტების ჩამოყვანა გაუადვილდებათ“, - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა საქართველოს ბიზნეს გაერთიანებების ხელმძღვანელებთან შეხვედრაზე. პირველი ვიცე-პრემიერის განცხადებით, ქართულმა მხარემ ჩინეთთან, მიაღწია უპრეცედენტო შეთანხმებას. კერძოდ, ქართული ტურისტული სააგენტოები და ტურ-ოპერატორები, რომლებიც ერთობლივ საწარმოს დაარეგისტრირებენ პეკინში, შანხაისა და ტიანძინის საპილოტე თავისუფალ სავაჭრო ზონებში, შეძლებენ ჩინეთის ყველა პროვინციიდან ტურისტების გაყვანას არა მხოლოდ საქართველოში, არამედ სხვა ქვეყნებშიც. რა სარგებელი შეიძლება ნახოს სექტორმა, ია თაბაგარი და მაია სიდამონიძე არიან ჩვენი სტუმრები
საპენსიო რეფორმის თემით განვაგრძობთ გადაცემას. რამდენიმე დღის წინ, ჩვენ მოგაწოდეთ ინფორმაცია, რომ “დაგროვებითი პენსიის შესახებ” კანონპროექტის განხილვა საგაზაფხულო სესიებზე იგეგმება. ასევე, ბუნებაში არსებობს “რია”, რეგულირების გავლენის შეფასების დოკუმენტი, თუმცა ის ამეტაპზე საზოგადოებისთვის ხელმიუწვდომელია. მოკლედ, ამ მასშტაბური და მნიშვნელოვანი რეფორმის მიღმა დარჩენა არ სურთ სადაზღვევო კომპანიებს, რომლებსაც კონკრეტული შეთავაზებები და ხედვა აქვთ, სადაზღვევო ასოციაციის გამგეობის თავჯდომარე, დევი ხეჩინაშვილი ჩაგვაყენებს საქმის კურსში
ბინათმესაკუთრეთა ამხანაგობები პროექტების განხორციელებისას, ტენდერის ფასის მიხედვით 10%-ს შეაგროვებენ და თავად გადაწყვეტენ, რა ტიპის ინფრასტრუქტურული და ეკონომიკური განვითარების პროექტებზე მოიხმარენ ამ 10%-ს. ელენე გოგბერაშვილი გვიერთდება პირდაპირ ეთერში, თემის დეტალებით
დარღვევების გამო დედაქალაქში 54 ობიექტის მშენებლობა შეჩერდა. თბილისის მერის განცხადებით, დედაქალაქის მასშტაბით სამშენებლო სამართალდარღვევების სტატისტიკა შემაშფოთებელია. მერიის ზედამხედველობის სამსახურმა სამშენებლო საკითხების მოწესრიგებაზე ზეპირსიტყვიერი გაფრთილხება მისცა 200-ზე მეტ ობიექტს, 126-ის შემთხვევაში დაიწყო სამართალწარმოება, ხოლო 54 ობიექტზე სამშენებლო სამუშაოები შეჩერდა. კალაძის თქმით, მთლიანობაში ამ მიმართულებით საჯარიმო თანხის ოდენობა შეადგენს 627 ათას ლარს. რა დარღვევებზეა საუბარი, რა მასშტაბის იყო შემოწმება, ამ და სხვა კითხვებზე პასუხებს, გიორგი ბაგრატიონისგან, ზედამხედველობის საქალაქო სამსახურის უფროსისგან მოვისმენთ
საქართველოს მთავრობამ სამკურნალო საშუალებების ხარისხის სახელმწიფო კონტროლის 2018 წლის პროგრამა დაამტკიცა. პროგრამის განსახორციელებლად ბიუჯეტიდან 100 000 ლარი გამოიყოფა. პროგრამის მიხედვით, მაკონტროლებელი ორგანო შერჩევითი მეთოდით, რეალიზატორისგან სამკურნალო საშუალებების ნიმუშს შეისყიდის და შეფუთვა-მარკირების ვარგისიანობის შესაბამისობას შეისწავლის. თემაზე საუბარს უკვე ფარმაცევტული საქმიანობის დეპარტამენტის. ინსპექტირების სამმართველოს უფროსთან, ნანა შაშიაშვილთან ერთად განვაგრძობთ
ღვინის ეროვნული სააგენტოს თავმჯდომარემ გიორგი სამანიშვილმა ღვინის კომპანიების წარმომადგენლებს ყურძნისეული წარმოშობის ალკოჰოლური სასმელების სერტიფიცირების წესში დაგეგმილი ცვლილებები გააცნო. ცვლილებების მიზანი ქართული ღვინის ხარისხის კონტროლის სისტემის სრულყოფა და ამასთან ერთად სერთიფიცირების პროცედურების გამარტივებაა. შეხვედრაზე რომელიც ინდუსტრიის წარმომადგენლებთან შედგა, საუბარი სხვა სიახლეებსაც შეეხო, გიორგი სამანიშვილი, ღვინის ეროვნული სააგენტოს ხელმძღვანელია ჩვენი სტუმარი