ვეტერანების დასაქმება, შესაძლოა, კონკურს გარეშე მოხდეს, მათი თანამდებობიდან გათავისუფლება კი, მხოლოდ უკიდურესი აუცილებლობის შემთხვევაში,- ასეთია საკანონმდებლო ცვლილებების პაკეტი, რომლის ავტორია აიპ "სამხედრო მოსამსახურეთა, ომისა და სამხედრო ძალების მოსამსახურეთა და ვეტერანთა სამართლებრივი მომსახურების ცენტრია". კანონპროექტი პარლამენტში უკვე შესულია. დასაქმების გარდა, ცვლილებათა პაკეტი ითვალისწინებს, უბინაო ვეტერანებისთვის საცხოვრებელი ბინების დაუყოვნებლივ გადაცემას. 10 წელში საქართველოში $2,3 მილიარდის პროექტები განხორციელდა. "თბილისის აბრეშუმის ფორუმზე" აზიის განვითარების ბანკის ვიცე-პრეზიდენტმა საქართველოში განხორციელებული პროექტები შეაფასა და მიღწევების შესახებ ისაუბრა. მისი თქმით, 2016 წლიდან საქართველო დიდ როლს ასრულებს იმ 11 ქვეყანასთან ერთად, ვისთანაც აზიის განვითარების ბანკი აქტიურად თანამშრომლობს. თბილისის ბალნეოლოგიური კურორტის შენობაში 100 ნომრიანი სასტუმრო მოეწყობა. ამ ეტაპზე კომპანია "იალონი" თბილისის მერიის არქიტექტურის სამსახურიდან მშენებლობის ნებართვის აღებას ელოდება. კომპანიის წარმომადგენელი აცხადებს, რომ სამშენებლო ტენდერი უკვე გამოცხადებულია და გადაწყვეტილების მიღების პროცესში არიან, თუ ვინ ააშენებს სასტუმროს. მშენებლობის ნებართვის მოპოვებისთანავე კომპანია სამუშაოებს დაიწყებს. ინდონეზიაში ყველაზე დიდი წყალზე მცურავი მზის ენერგიის სადგური აშენდება. სადგური 200 მეგავატიანი იქნება. თუ პროექტი წარმატებული აღმოჩნდება, მსგავსი მზის ელექტროსადგურები მთელს სამხრეთ აზიაში აშენდება. პროექტის მიხედვით, ახალი მზის სადგური ინდონეზიის პროვინცია იავას დასავლეთ ნაწილში წყალსაცავის ზედაპირს 225 ჰექტარს დაფარავს, რომელიც 6000 ჰექტარს მოიცავს და ჰიდროელექტროსადგურს 1 გეგავატის სიმძლავრის ენერგიას აწვდის.
თიბისი ჯგუფის პრეზიდენტის მამუკა ხაზარაძის განცხადებით, საპენსიო რეფორმაში დამსაქმებლების შენატანი, რომელიც ხელფასის 2%-ს შეადგენს, უფრო მეტი უნდა იყოს. ამის შესახებ მან საქმის კურსს განუცხადა. მისი თქმით, 2% არაფერი არ არის იმ ბენეფიტთან შედარებით, რასაც ეს რეფორმა მოიტანს დასაქმებულისთვის. ხაზარაძის შეფასებით, საპენსიო რეფორმა არის უმნიშვნელოვანესი ქართული ეკონომიკისთვის რადგან ქვეყანაში გრძელი ფული ჩნდება. საპარტნიორო ფონდი, შესაძლოა, მზისა და ქარის ენერგიის წარმოებაში შევიდეს. ფონდის ხელმძღვანელმა დავით საგანელიძემ „აბრეშუმის გზის ფორუმის“ ფარგლებში ხელი მოაწერა მემორანდუმს ჩინეთის ძიანგსის პროვინციის ერთ-ერთ უმსხვილეს ენერგეტიკულ კომპანიასთან - "წყლისა და ჰიდრორესურსების სამშენებლო კომპანიასთან". როგორც საგანელიძემ განმარტა, მემორანდუმის მიხედვით, უახლოესი თვეების განმავლობაში მოხდება საქართველოში ენერგეტიკის მიმართულებით პოტენციალის შესწავლა, თუ რა პროექტები შეიძლება იყოს შეთავაზებული ჩინური კომპანიისთვის. "ჯინო ველნეს გრუპი" ბაკურიანში დასასვენებელ-გამაჯანსაღებელი კომპლექსის მშენებლობას გაზაფხულიდან დაიწყებს. საქმის კურსს კომპანიის წარმომადგენელმა რამაზ მიქაძემ განუცხადა, რომ ამ ეტაპზე საპროექტო სამუშაოები მიმდინარეობს. ადგილზე მინიმუმ 4 მილიონ 200 ათასი ლარი უნდა ჩაიდოს. ეს არის ის საინვესტიციო ვალდებულება, რომლის სანაცვლოდაც კომპანიას 500 ათას ლარად მიწა გადაეცა. ევროკავშირმა რუსულ პროპაგანდასთან საბრძოლველად 3 მილიონ ევროზე მეტი გამოყო. ევროკავშირის გადაწყვეტილებით, სტრატეგიულ საკითხებზე მომუშავე ოპერატიული ჯგუფი მომდევნო 3 წლის განმავლობაში მილიარდ 100 მილიონ ევროს მიიღებს. 2018 წლიდან კი ევროკავშირი დამატებითი დაფინანსების გამოყოფას დაიწყებს. როგორც ცნობილი გახდა, თანხები რუსული მედიის მონიტორინგის გაუმჯობესებას მოხმარდება.
ქართული ღვინო რეკორდების წიგნში შეიტანეს. უახლესი კვლევების თანახმად, 8000 წლის წინ საქართველოს ტერიტორიაზე დაწურული ღვინო მსოფლიოში უძველესად აღიარეს. შესაბამისი ჩანაწერი გაკეთდა მსოფლიო გინესის რეკორდსმენების სიაშიც. "ჯინო გრინ სითის" პროექტი თბილისის ზღვაზე რკინიგზის მიყვანას ითვალისწინებს. ეკოლოგიურად სუფთა ქალაქის კონცეფცია "ჯინო ველნეს გრუპს" აქვს, რომელიც თბილისის გარეუბანში უკვე ფლობს "ჯინო ფერედაისის" აკვა პარკს. კომპანიის დამფუძნებელი ნოდარ გიორგაძე საქმის კურსთან აცხადებს, რომ უახლოეს დღეებში "ჯინო გრინ სითის" პროექტს განსახილველად თბილისის მერიაში შეიტანენ. პრიექტის მიხედვით, აეროპორტამდე მისული სარკინგზო ხაზი უნდა მივიდეს ასევე თბილისის ზღვაზე და აქედან ჩავიდეს თემქასა და ნახალოვკაში. ილიას სახელმწიფო უნივერსიტეტი მსოფლიო კვლევითი დაწესებულებების რანჟირების სისტემაში კავკასიის რეგიონში პირველ ადგილს იკავებს. რანჟირების სისტემა ავტომატურად აფასებს მსოფლიოში არსებულ ყველა აკადემიურ და კვლევითი პროფილის ინსტიტუციას და ეფუძნება მსოფლიოში ერთ-ერთ ყველაზე ავტორიტეტულ სამეცნიერო ბაზას. ილიას სახელმწიფო უნივერსიტეტს რეიტინგში მსოფლიოს მასშტაბით 5250 კვლევით ინსტიტუციას შორის – 656-ე ადგილი უჭირავს. ბაქო-თბილისი-ყარსის სარკინიგზო მაგისტრალით 28 ნოემბერს თურქეთიდან აზერბაიჯანში პირველი მატარებელი გაემგზავრა, - ამის შესახებ თურქეთის რესპუბლიკის ეროვნული სარკინიგზო გადამზიდავის განცხადებაში წერია. მატარებელი თურქეთის პროვინცია მერსინიდან აზერბაიჯანის მიმართულებით 32 კონტეინერით და 650 ტონა ტვირთით დაიძრა. ბაქო-თბილისი-ყარსის სარკინიგზო მაგისტრალზე პირველმა სატვირთო მატარებელმა მიმდინარე წლის 24 ოქტომბერს გაიარა.
ენგურჰესზე ატრაქციის მოწყობის სამუშაოები 2018 წელს დაიწყება,- ამის შესახებ საქმის კურსს სამეგრელო-ზემო სვანეთის გუბერნატორმა ლევან შონიამ განუცხადა. მისი თქმით, ენგურჰესის თაღოვან კაშხალზე პროექტი "ენგურჰესი მსოფლიო დონის ატრაქცია" უნიკალურია და მსგავსი ტიპის ატრაქციები ევროპაში არ ასრებობს. ენგურჰესის კაშხლის ტურისტული ინფრასტრუქტურა მოიცავს გადასახედ მოედნებს, საბაგირო გზას, სამეცნიერო და აღმოჩენათა ცენტრს, ღია საკონცერტო სივრცეს, მსოფლიოში არსებულ ყველაზე მაღალ ლიფტს კაშხალზე და ა.შ. თბილისში, ნიკოლაძის ქუჩაზე 60 ნომრიანი სასტუმროს მშენებლობა იგეგმება. პროექტი ითვალისწინებს ტერიტორიაზე არსებული ავარიული სახლების დემონტაჟს და მათ ადგილას 60 ნომრიან სასტუმროს განთავსებას. შენობა იყოფა ორ ბლოკად, ა ბლოკი, რომელიც გამოდის ნიკოლაძის ქუჩაზე 4 სართულიანია, ხოლო ბ ბლოკი, რომელიც გადის როდენის ქუჩაზე 7 სართულიანია. პროექტი თბილისის მერიაში განსახილველადაა შესული. მომავალი წლის ბოლოსთვის ნარჩენების გადამამუშავებელი ქარხანა ლილოში სატესტო რეჟიმში იმუშავებს,- ამის შესახებ საქმის კურსს პროექტის განმახორციელებელი კომპანიის "კა-დე-ვე ჯორჯიას" ხელმძღვანელმა განუცხადა. მისი ინფორმაციით, გაფორმდა ხელშეკრულება თბილისის მუნიციპალიტეტთან და კომპანიას მიწა გადაეცა. ამ ეტაპზე კომპანია ხელშეკრულების ლეგალიზებას ელოდება. ნარჩენების გადამამუშავებელი ქარხნის პროექტის ღირებულება 81 მილიონი დოლარია. ავღანეთში ოპიუმის წარმოება რეკორდულად იზრდება. 2017 წელს ავღანეთმა 9 000 ტონა ოპიუმი აწარმოა, რაც გასულ წლის ანალოგიურ მაჩვენებელთან შედარებით 87%-ით მეტია. ეს ნაწილობრივ ყაყაჩოს ნათესების ფართობის ზრდასთან არის დაკავშირებული, რომლებიც 328 000 ჰექტარს აღწევს. გასულ წელთან შედარებით, ნათესების ფართობი 63%-ით არის გაზრდილი. გარდა ამისა, თავად მოსავალიც გაიზარდა და ამჟამად ჰექტარზე დაახლოებით 27 კგ. ოპიუმი მოდის.
ლარში გაცემული სესხები იზრდება. ლარიზაციის დაწყებიდან 10 თვის შემდეგ ეროვნულ ვალუტაში გაცემულმა სესხებმა 8.78 მილიარდი ლარი შეადგინა. მიმდინარე წლის ოქტომბერში ეროვნული ვალუტით გაცემული სესხები 2.2 პროცენტით გაიზარდა. უცხოური ვალუტით გაცემული სესხების მოცულობა კი ოქტომბერში 42 მილიონი დოლარით (0.9 პროცენტით) გაიზარდა და 4.71 მილიარდი დოლარი შეადგინა. ახალი რეგულაციების ძალაში შესვლის შემდეგ ლიცენზია 30-მდე აფთიაქს გაუუქმდა. ჯანდაცვის სამინისტროს რეგულირების სააგენტომ 2016 წელს ლიცენზია 18 აფთიაქს გაუუქმა, მიმდინარე წლის 10 ნოემბრამდე გაუქმებული აფთიაქების რაოდენობა კი ცხრას შეადგენს. აფთიაქებს ლიცენზია მას შემდეგ უუქმდებათ, რაც ფსიქოტროპული და რეცეპტს დაქვემდებარებული მედიკამენტების უკანონოდ გაცემის რამდენიმე ფაქტი დაუფიქსირდებათ. ამასთან, ირკვევა, რომ პირველი ჯგუფის ფარმაცევტული პროდუქტის ლეგალური ბრუნვის წესების დარღვევის ფაქტები იზრდება. საპარტნიორო ფონდი ინვესტორს ეძებს. რესპუბლიკური საავადმყოფო, ონკოლოგიური ცენტრი და ბავშვთა ინფექციური საავადმყოფო ამ დროისთვის საპარტნიორო ფონდის მართვის ქვეშ იმყოფება. "საპარტნიორო ფონდის" ხელმძღვანელი "საქმის კურსთან" საუბრისას აცხადებს, რომ სამივე კლინიკა უმძიმეს სიტუაციაშია. შესაბამისად, ფონდი აღნიშნული კლინიკების განვითარების გეგმაზე მუშაობს. საგანელიძე ამბობს, რომ უნდა შეირჩეს შესაბამისი მენეჯმენტკომპანია. მადლიერების დღეს და "შავ პარასკევს" ამერიკის მოსახლეობამ ონლაინ ვაჭრობით რეკორდული თანხა 7.9 მილიარდი დოლარი დახარჯა. Reuters-ის ინფორმაციით, თანხა გასული წლის ანალოგიურ მაჩვენებელთან შდარებით 18%-ით გაზრდილია. "შავ პარასკევს" თითო მყიდველი საშუალოდ 122 დოლარს ხარჯავდა. როგორც საცალო ვაჭრობის ანალიტიკოსები და კონსულტანტები აღნიშნავენ ყველაზე ხშირად ლეპტოპები, ტელევიზორები და სათამაშოები გაიყიდა.
ახლოვდება ზამთრის სეზონი და როგოც გავარკვიეთ, წელს ზამთრის კურორტებზე დამსვენებელს არაერთი საიხლე დახვდება, მესტია-ჰაწვალის დამაკავშირებელი საბაგირო, რომელიც მიმდინარე წლის ბოლოს სრულდება, მნიშვნელოვანია ისიც, რომ სვანეთში კერძოდ კი: მაზერში, უშხვანარში, ეცერში, უშგულში და ლენტეხში შენდება მცირე ზომის საბაგიროები. ასევე პირველად, ბაკურიანის ისტორიაში გაკეთდა კოხტა-მიტარბის გადასასვლელი სათხილამურო გზა.
ბითფიური ჯგუფის საქმიანობა საქართველოში, ბლოკჩეინ ტექნოლოგიის დანერგვის პერსპექტივა საქართველოს კერძო და საჯარო სექტორში და ასევე კრიპტოვალუტის ზრდის პოტენციალი და უპირატესობები - ეს ის საკითხებია რაზეც ბითფიური ჯგუფის დამფუძნებელმა ვალერი ვავილოვმა საქმის კურსისთვის მიცემულ ინტერვიუში ისაუბრა.
თბილისის მერი შესაბამის სამსახურებს ნარჩენების გატანასთან დაკავშირებით სტრატეგიის შემუშავებას ავალებს. მათ სტრატეგია 2 კვირის ვადაში უნდა წარმოადგინონ. მომავალში შესაძლოა დასუფთავების მანქანებმა მხოლოდ ღამით ან დროის ისეთ მონაკვეთებში იარონ, როდესაც ნაკლები იქნება საცობების წარმოქმნის საფრთხე.
2017 წლის ოქტომბრისთვის ეკონომიკურმა ზრდამ 5,7 % შეადგინა, რაც რეგიონული მასშტაბით საუკეთესო შედეგია - ამის შესახებ განცხადება დღეს პრემიერ -მინისტმა გიორგი კვირიკაშვილმა გააკეთა, ის ასევე დღეს ბათუმში მომხდარ ტრაგედიას გამოეხმაურა.
როგორც ჩანს ყველაზე მეტი წინააღმდეგობა საკანონმდებლო ორგანოში გარემოს დაცვის სამინისტროს გაუქმებას მოჰყვება. პარლამენტის გარემოს დაცვისა და ბუნებრივი რესურსების კომიტეტმა მთავრობის რეორგანიზაციასთან დაკავშირებულ საკანონმდებლო პაკეტს მხარი არ დაუჭირა. კომიტეტის დასკვნაში აისახება უარყოფითი პოზიცია გარემოს დაცვის სამინისტროს სოფლის მეურნეობის სამინისტროსთან გაერთიანების თაობაზე. როგორც კომიტეტის თავმჯდომარემ კახა კუჭავამ კენჭისყრის წინ განაცხადა, მათ პოზიციას პარლამენტის ყველა სხვა კომიტეტი იზიარებს და მათ მთავრობის რეორგანიზაციის საკანონმდებლო პაკეტს გარემოს დაცვის სამინისტროს შენარჩუნების დათქმით დაუჭირეს მხარი.
საკანონმდებლო ცვლილებებით საბჭოთა სტილის “ოდეერის” ინსტიტუტი ბრუნდება და უპრეცენდენტოდ ძლიერდება - ასეთია 12 ასამათავრობო ორგანიზაციის დაკვნა. რომელებმაც პარლამენტს მიმართეს. “მოვუწოდებთ საქართველოს პარლამენტს, არ დაუჭიროს მხარი შემოთავაზებულ ცვლილებებს არსებული ფორმით და დაზვერვის სამსახურის კონტროლის მექანიზმები არ გაავრცელოს მთლიანად უსაფრთხოების სამსახურზე.”-ნათქვამია განცხადებაში. მე აქვე შეგახსენებთ, რომ სუს-ის თანამშრომელს, სამსახურის კუთვნილების გაუმჟღავნებლად, აღმასრულებელი ხელისუფლების ორგანოში და სხვადასხვა ორგანიზაციაში თანამდებობის დაკავების შესაძლებლობა ექნება.
მთავრობის სტრუქტურულ ცვლილებებთან დაკავშირებით კანონპროექტის განხილვა პარლამენტში გადაიდო. ამ საკითხზე წამყვანი იურიდიულ საკითხთა კომიტეტია, თუმცა დღეს კომიტეტის თავმჯდომარემ ეკა ბესელიამ განმარტა, რომ წარმოდგენილი კანონპროექტების პაკეტის განხილვისთვის მოსამზადებლად დეპუტატებს კიდევ რამდენიმე დღე სჭირდებათ, ამიტომ საკითხმა მომავალ კვირამდე გადაიწია. რაც შეეხება სხვა დანარჩენ კომიტეტებს, ისინი რეფორმაზე გუშინ გვიანობამდე მსჯელობდნენ.