ჰაერის ხარისხის გაუმჯობესების მიზნით, მთავრობის გადაწყვეტილებით საქართველოდან კატალიზატორების ექსპორტი აიკრძალება. შეზღუდვა მომდევნო დღეებში ამოქმედდება, როდესაც შესაბამის დადგენილებას ხელი მოეწერება. მთავრობის განცხადებით, შეზღუდვა სამი წლით იმოქმედებს. პრემიერის თქმით, ჰაერის დაბინძურების მიმართულებით ქვეყანაში კატალიზატორების გარეშე მოძრავი ავტომობილები მთავარ პრობლემას ქმნიან. კატალიზური კონვერტერის დანიშნულება შიგა წვის პროცესის მიერ გამოყოფილი გამონაბოლქვი აირების განეიტრალებაა, ამით ავტომობილის ემისიების და გარემოს დაბინძურების შემცირება ხდება. შემოსავლების სამსახურის ინფორმაციით, ყოველწლიურად ქვეყნიდან 15 მილიონ დოლარზე მეტი ღირებულების კატალიზატორების ექსპორტი ხორციელდებოდა. ბოლო 9 წლის განმავლობაში საქართველოდან უცხოეთში 98 მილიონი დოლარის კატალიზატორები გავიდა ექსპორტზე. შემოსავლების სამსახურის ინფორმაციით, წლების მიხედვით, საქართველოდან ყველაზე მეტი კატალიზატორი 2021 წელს გავიდა, რამაც 31 მილიონი დოლარი შეადგინა, მეორე ადგილზეა 2020 წელი - 16.9 მილიონი დოლარის ექსპორტით. კატალიზატორების ძირითადი წყარო ქვეყანაში შემოსული მეორადი ავტომობილებია, რომლებსაც მეპატრონეები/რეალიზატორები დამატებითი შემოსავლების მისაღებად კატალიზატორებს ხსნიან. კატალიზური კონვერტერების ღირებულებას მასში შემავალი ფერადი ლითონები განაპირობებს. რას შეცვლის კატალიზატორების ექსპორტის შეზღუდვა? სტუმარი: გიორგი ჯაფარიძე - მოძრაობა "ჩემი ქალაქი მკლავს" დამფუძნებელი. #ახალიამბები #BusinessMediaGeorgia
ჯანდაცვის შესახებ კანონში ცვლილებებზე ვისაუბრებთ და ამჯერად კლინიკების პოზიციას მოვისმენთ. როგორც იცით, პარლამენტმა უკვე დაიწყო განხილვა “ჯანმრთელობის დაცვის შესახებ” კანონპროექტის, რომლის მიხედვითაც ჯანდაცვის სამინისტროს რეგულირების სააგენტოს ენიჭება როგორც კლინიკების, ისე ფარმაცევტული კომპანიების ნებისმიერ დროს, სასამართლოს გადაწყვეტილების გარეშე შესვლის უფლებამოსილება. იზრდება საჯარიმო სანქციებიც, რაც დაუყოვნებლივ აღსრულებას დაექვემდებარება. რეგულირების სააგენტოს ინსპექტორებს ასევე შეეძლებათ დაწესებულების გაჩერების გადაწყვეტილებაც მიიღონ, თუმცა პარლამენტში საკომიტეტო განხილვისას სამინისტროს წარმომადგენლებმა დააზუსტეს, რომ ამ გადაწყვეტილების აღსრულებას სასამართლოს დადასტურება დასჭირდება. ჯანდაცვის სამინისტრო ცვლილებების მიღების საჭიროებას პაციენტების ინტერესების დაცვით ხსნის. რატომ არის კლინიკებისთვის მიუღებელი ის ცვლილებები, რომელსაც კანონპროექტი ითვალისწინებს? სტუმარი: ნიკოლოზ ფრუიძე - "კონსილიუმ მედულას" დირექტორი #ახალიამბები #BusinessMediaGeorgia
მთავრობა კიდევ ერთ კანონპროექტს ამზადებს. კერძოდ, მედიცინის დახმარებით რეპროდუქცია, როგორც სუროგაციის გზით, ისე ინვიტრო განაყოფიერებით, მხოლოდ საქართველოს მოქალაქეებისთვის იქნება დასაშვები. ჯანდაცვის მინისტრის განცხადებით, გამომდინარე იქიდან, რომ დაურეგულირებელი იყო სფერო, არ არსებობდა მიდევნების საშუალება, სად მიდიოდნენ სუროგაციის გზით გაჩენილი ბავშვები, იკვეთებოდა ტრეფიკინგის რისკებიც. აღნიშნული გადაწყვეტილებით კი, ხდება ყველა შესაძლო დანაშაულის გადაზღვევა, რაც შესაძლოა პროცესს თან ახლდეს. ჯანდაცვის მინისტრის თქმითვე, განისაზღვრება სამედიცინო დაწესებულების არაკეთილსინდისიერი, არაეთიკური თუ უკანონო საქმიანობის კონტროლის მექანიზმებიც. „არსებობს ინფორმაციები, შეიძლება ერთსქესიან წყვილებს გაჰყავთ აქ დაბადებული ბავშვები და უამრავი პრობლემა შეიძლება იყოს“- ასე ახსნა პრემიერმა სფეროს რეგულირების საჭიროება. ჯანდაცვის მინისტრის ინფორმაციით, 5 წლის წინ თუ სუროგაციის და დონორობის გზით დაბადებული 1000 შემთხვევა ფიქსირდებოდა, დღეს წლიურად უკვე 2000-ზე მეტი შემთხვევაა, საიდანაც უმრავლესობა უცხოელები არიან. რას შეცვლის დარგში უცხო ქვეყნის მოქალაქეებისთვის სუროგაციისა და ინ ვიტრო განაყოფიერების სერვისების შეზღუდვა? სტუმარი: ნინო მუსერიძე - ქართულ-გერმანული რეპროდუქციული ცენტრის (GGRC) დამფუძნებელი და კლინიკური დირექტორი; #ახალიამბები #BusinessMediaGeorgia
კანონპროექტი, რომელიც 2020 წელს, საკმაოდ ხმაურიანი განხილვების შემდეგ კენჭისყრიდან ჩაიხსნა, პარლამენტის დღის წესრიგს 3 წლის შემდეგ დაუბრუნდა. “ჯანმრთელობის დაცვის შესახებ” კანონპროექტით, ჯანდაცვის სამინისტროს რეგულირების სააგენტოს ენიჭება სახელმწიფო კონტროლს დაქვემდებარებულ ობიექტებზე ნებისმიერ დროს, სასამართლოს გადაწყვეტილების გარეშე შესვლის უფლებამოსილება. იზრდება საჯარიმო სანქციებიც, რაც დაუყოვნებლივ აღსრულებას დაექვემდებარება. ამჯერად, სააგენტოს სასამართლოს ნებართვის გარეშე არამხოლოდ კლინიკების, არამედ ფარმაცევტული კომპანიების შემოწმების უფლებაც ექნება. სამინისტროს მესვეურებმა განმარტეს, რომ საქმე ეხება რეფერენტულ ფასებთან დაკავშირებული შემოწმების შესაძლებლობას კომპანიების წინასწარი გაფრთხილების გარეშე. როგორც 2020 წელს, ამჯერადაც ჯანდაცვის სამინისტრო ცვლილებების დაჩქარებული წესით განხილვას ითხოვდა, თუმცა პარლამენტის ადამიანის უფლებების დაცვის კომიტეტზე მიღებული გადაწყვეტილებით, კანონპროექტის განხილვა სტანდარტული წესით გაგრძელდება. როგორც კლინიკები, ისე ფარმაცევტული კომპანიები არ ეთანხმებიან რეგულირების სააგენტოსთვის სასამართლო სისტემის უგულებელყოფის გზით უფლებამოსილების გაზრდას. სექტორს მიაჩნია, რომ მეწარმე დარჩება მხოლოდ მაკონტროლებელი ორგანოს პირისპირ და დამოკიდებული იქნება მხოლოდ მის კეთილსინდისიერებასა და კეთილგანწყობაზე. სტუმარი: ილონა კოკიაშვილი - "ფარმაცევტული კომპანიების ასოციაციის" აღმასრულებელი დირექტორი. #ახალიამბები #BusinessMediaGeorgia
ორბი ჯგუფის და ბლოკის 300 მლნ აშშ დოლარის ღირებულების სამშენებლო პროექტს „ცენტრალ პარკ თაუერს“ რისკების მართვისა და სადაზღვევო კომპანია "გლობალ ბენეფიტს ჯორჯია" დააზღვევს. "გლობალ ბენეფიტს ჯორჯიას" სადაზღვევო პაკეტის ჯამური პრემია 1 მლნ ლარია და ის მსხვილი სამშენებლო რისკების დაზღვევას მოიცავს. დაზღვეულია მშენებლობის პროცესის სრული ციკლი ყველა დამდგარი რისკისგან, რომელიც მოიაზრებს, როგორც მშენებლობის პროცესში, ასევე მშენებლობის დასრულების შემდგომ არსებული ხარვეზების გამოვლენას და მის ანაზღაურებას მშენებლობის დასრულებიდან შემდგომი 2 წლის განმავლობაში. სტუმრები: ნინა კობახიძე - სადაზღვევო კომპანია „გლობალ ბენეფიტს ჯორჯია“ - სამეთვალყურეო საბჭოს თავმჯდომარის მოადგილე; ირაკლი კვერღელიძე - "ორბი ჯგუფის" გენერალური დირექტორი; #ახალიამბები #BusinessMediaGeorgia
2011 წელს დაფუძნებული ციტადელი ფართოვდება. წლების განმავლობაში კომპანიისა და საერთაშორისო თანამშრომლობის ზრდასთან ერთად მნიშვნელოვნად გაიზარდა და გაფართოვდა პროდუქციის ჩამონათვალი რომელიც თბილისში, ქუთაისსა და ბათუმში 6 სავაჭრო სივრცეშია ხელმისაწვდომი ფართოვდება. კომპანიის პირველი საქმიანობა B2B მიმართულება იყო, თუმცა 2020 წლიდან Retail-ის განვითარება აქტიურად დაიწყეს შემდეგი გაჩერება ბათუმში განახლებული მაღაზიის გახსნა იქნება. სტუმარი: ლევან გახელაძე - "ციტადელის" კომერციული დირექტორი. #ახალიამბები #BusinessMediaGeorgia
საყოფაცხოვრებო ნარჩენების მართვის ინოვაციური სტარტაპი ციფრული ტექნოლოგიების დახმარებით, ადამიანებს დროის დაზოგვასა და კომფორტს ჰპირდება და Pickup-ის აპლიკაციით მომხმარებელს საშუალება ეძლევა, სახლიდან გაუსვლელად, თავიდან აირიდოს ნარჩენების გატანასთან დაკავშირებული უსიამოვნებები. არადა ნარჩენების სწორად მართვა თანამედროვეობაში მნიშვნელოვანი და აუცილებლად გადასაჭრელი პრობლემაა. მსოფლიო ბანკის მონაცემებით, თუ არსებული ტენდენციები შენარჩუნდება, 2050 წლისთვის დედამიწაზე ნარჩენების რაოდენობა 70%-ით გაიზრდება და 3.4 მილიარდ ტონას მიაღწევს. ეს კი გარემოზე, ადამიანების ჯანმრთელობასა და კეთილდღეობაზე განსაკუთრებულად მავნე ზემოქმედებას მოახდენს. სტუმარი: ამირან ანანიაშვილი - Pickup-ის დამფუძნებელი #ახალიამბები #BusinessMediaGeorgia
„ჯანმრთელობის დაცვის შესახებ“ კანონში დაგეგმილ ცვლილებებს პარლამენტი დაჩქარებული წესით აღარ განიხილავს. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მიხეილ სარჯველაძის ინფორმაციით, პროექტის განხილვა სტანდარტული წესით გაგრძელდება, მისივე განმარტებით ამის მიზეზი რიგი საკითხების სიღრმისეულად გაანალიზების საჭიროებაა. რაც შეეხება კანონში ცვლილებებს, რომლის განხილვის ვადებიც შეიცვალა, ეს უკავშირდება მთავრობის საკანონმდებლო პაკეტის საფუძველზე სამედიცინო და ფარმაცევტული საქმიანობის რეგულირების სააგენტოს უფლებამოსილებების გაზრდას და ფუნქციების გაძლიერებას. "ჯანმრთელობის დაცვის შესახებ“ კანონში დაგეგმილი ცვლილებების მიხედვით, მაკონტროლებელ ორგანოს სახელმწიფო კონტროლს დაქვემდებარებულ ობიექტებზე თავისუფლად, წინასწარი შეტყობინების გარეშე, ნებისმიერ დროს შესვლის, მასალის, ნივთის და ა.შ. გამოთხოვის შესაძლებლობა, ასევე საზედამხედველო ობიექტის დათვალიერების, ხელშეუხებლობის მოთხოვნის, დალუქვის და ამოღების უფლებამოსილებები ენიჭება. ასევე, ადმინისტრაციულ სამართალდარღვევების საქმეების წარმოების მოდერნიზაციის მიზნით, მაკონტროლებელ ორგანოს ეძლევა უფლებამოსილება, გამოიყენოს ელექტრონული საჯარიმო ქვითარი. ცვლილებების შემთხვევაში რეგულირების სააგენტოს შეეძლება შეუჩეროს საქმიანობის უფლება მაღალი რისკის შემცველი სამედიცინო საქმიანობის მიმწოდებელს. მოქმედი კანონმდებლობით კი, ამის გაკეთება რეგულირების სააგენტოს სასამართლოს გადაწყვეტილების გარეშე არ შეუძლია. ჯანდაცვის მინისტრის განმარტებით, კლინიკის საქმიანობის შეჩერების შესახებ გადაწყვეტილებას იღებს სასამართლო, მიმართვიდან 72 საათის ვადაში. „ლიცენზიებისა და ნებართვების“ შესახებ კანონში ცვლილებების პროექტშია აღნიშნულია, რომ ცვლილებებით, უფრო მოქნილი და ეფექტიანი გახდება სამედიცინო დაწესებულებების კონტროლის მექანიზმი. რა აქვს საქართველოს პარლამენტს დასაზუსტებელი და რას ელის სექტორი? სტუმარი: ლევან გოგიბერიძე - საქართველოს ფარმაცევტთა ასოციაციის პრეზიდენტი; #ახალიამბები #BusinessMediaGeorgia
ანგარიშსწორების საერთაშორისო ბანკის უახლესი მონაცემების მიხედვით, საცხოვრებელი ბინების ფასები ბოლო 3 წელია, ყოველწლიურად საშუალოდ 6%-ით იზრდება. 2022 წლის მეოთხე კვარტლის მონაცემებით, საცხოვრებლის ფასები 57 ქვეყანაში შეიცვალა და ქვეყნების უმეტეს ნაწილში ეს ცვლილება ფასების ზრდითაა გამოხატული. მსოფლიოს მასშტაბით, სად გაძვირდა ყველაზე მეტად საცხოვრებელი უძრავი ქონება? ლიკა მეგუთნიშვილი - BMG-ის რეპორტიორი; #ახალიამბები #BusinessMediaGeorgia
თამარ გაბუნიას ამერიკული ბიზნეს-გეგმები თამარ გაბუნია - „მედვიზიტ გლობალის“ დამფუძნებელი; ავტორები: ნინი ლონგურაშვილი, ლაშა-გიორგი მახარაძე, რევაზ ნასიძე #ახალიამბები #BusinessMediaGeorgia
საქართველოში ელექტრომობილების იმპორტი ისტორიულ მაქსიმუმზეა. 2023 წლის 4 თვეში, ქვეყანაში 15.9 მილიონი დოლარის ღირებულების 545 ერთეული ელექტრო ძრავაზე მომუშავე ავტომობილი შემოვიდა, რაც წელიწადის ამ დროისთვის დაფიქსირებული ისტორიული მაქსიმუმია. საიმპორტო ღირებულება წინა წლის მაჩვენებელს, 4.97 მილიონ დოლარს, 220%-ით აღემატება. რაოდენობა კი 2022 წლის 177 ერთეულიდან 208%-ითაა გაზრდილი. როგორც ვნახეთ, ამ ეტაპზე ინფრასტრუქტურის ნაწილი ამ ეტაპზე კომპანიებისთვისაც და ელექტრომობილების მფლობელებისთვისაც, მთავარ პრობლემად რჩება. ელექტრომობილების მძღოლებს დამტენი სადგურების არარსებობის შემთხვევაში განსაკუთრებით რეგიონის მასშტაბით ტრანსპორტის დამუხტვა უჭირთ. #ახალიამბები #BusinessMediaGeorgia
თბილისის ზოოპარკი ვერეს წყალდიდობიდან 9 წლის შემდეგ #ახალიამბები #BusinessMediaGeorgia
#საქმიანიდილა - 14 ივნისი - პროლოგი #ახალიამბები #BusinessMediaGeorgia
14 ივნისის კალენდარი: 14 ივნისი - კომუნისტური რეჟიმის მსხვერპლის დღე ბალტიის ქვეყნებში; 14 ივნისი - საემიგრაციო სამსახურის მუშაკის დღე რუსეთში; 14 ივნისი - მშვიდობის დღე პარაგვაიში; 14 ივნისი - დროშის დღე აშშ-ში; 14 ივნისი - მულტფილმის “ბემბი” პრემიერის დღე; 14 ივნისი - პირველი კომპიუტერის „UNIVAC 1“-ის სადებიუტო გაყიდვები; 14 ივნისი - გერმანიის ფაშისტური რეჟიმის ჯარის მიერ პარიზის აღების დღე; 14 ივნისი - „შენგენის ხელშეკრულების“ გაფორმების დღე; 14 ივნისი - ირანში კერძო ბანკის გახსნის დღე; ვინ დაიბადა 14 ივნისს? #ახალიამბები #BusinessMediaGeorgia
ყველაზე პატიოსანი ტაქსისტი მსოფლიოში #ახალიამბები #BusinessMediaGeorgia
როგორი ზაფხული გველოდება 2023-ში? ეს ის პერიოდია, როცა უნდა დავიწყოთ ფიქრი, რა მიმართულებით გვირჩევნია დასვენება. სტუმარი: ნიკა გოგოლაძე - Turebi.ge-ის დამფუძნებელი. #ახალიამბები #BusinessMediaGeorgia
10 ქართული სტარტაპი და 25 მდე საექსპორტო პროდუქტი ერთ საგამოფენო სივრცეში Globalize-ის გუნდის დახმარებით მსოფლიოს დედაქალაქში კიდევ ერთი შანსის გამოყენებისთვის შეიკრიბა. სილიკონის ველი, პარიზი, ლონდონი და ახლა უკვე ნიუ იორკი - დიდი ხმაურიანი ქალაქები Globalize-ის ხმაურიანი იდეების რეალობად ქცევისთვის ბაზარზე დაკვირვების კარგი შესაძლებლობა და მომავალში კიდევ უფრო ამბიციური მიზნების მისაღწევად კარგი სამუშაო მასალა აღმოჩნდა. ტრადიციულად, Globalize-ის მიზნებს და იდეებს BMG-იც აქტიურად მიყვება და ჩვენი იქ ყოფნაც, თქვენთვის კარგი ამბების გაზიარების შესაძლებლობად გვექცა. როგორი იყო ამერიკული კონფერენცია? სტუმრები: სალომე კუკავა - Globalize-ის დამფუძნებელი; ქეთი მგელიაშვილი - Globalize-ის ექსპორტის მიმართულების ხელმძღვანელი. #ახალიამბები #BusinessMediaGeorgia
2024 წლის პირველი იანვრიდან საქართველოში 2013 წლამდე გამოშვებული ავტომობილების იმპორტი აიკრძალება, - ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა. პრემიერმა მთავრობის ეს გადაწყვეტილება მათ შორის ჰაერის დაბინძურების მაღალი ხარისხით ახსნა. პრემიერის განმარტებით, აღნიშნული თარიღებიდან ქვეყანაში ვეღარ დარეგისტრირდება ევრო 5-ის სტანდარტზე ნაკლები ავტომობილი. ეს რეგულაცია მსუბუქი ავტომობილებისთვის 2024 წლის პირველი იანვრიდან შედის, ხოლო ავტობუსების და სატვირთო ავტომანქანებისთვის 2025 წლის პირველი იანვრიდან. სტუმარი: ალექსი ნონიაძე - “საქართველოს ავტოიმპორტიორთა ასოციაციის” დამფუძნებელი. #ახალიამბები #BusinessMediaGeorgia
საავტორო უფლებების ასოციაციამ გუშინ ბრიფინგი გამართა, სადაც კომპანია "გერას" რუსული გავლენების შესახებ ისაუბრეს. როგორც გიგა კობალაძე ამბობს, "გერა" არის კომპანია, რომელიც რუსეთის ფედერაციას სანქციებისგან თავის არიდებაში ეხმარება. საუბარია, რომ საავტორო და მომიჯნავე უფლებების შესახებ კანონში შესაძლოა ცვლილებები შევიდეს. ახალი რეგულაციის მიხედვით კი, კანონი საქართველოს საავტორო ბაზარზე ახალი კომპანიის, "გერას" ფუნქციონირებას დაუშვებს, რომელსაც საქართველოს საავტორო საზოგადოება რუსეთთან მჭიდრო კავშირებში ადანაშაულებს. ასევე საავტორო უფლებების დასრულების შემდეგ, გუშინვე, პარლამენტის კულტურის კომიტეტმა პირველი მოსმენით განიხილა და მხარი დაუჭირა „საავტორო და მომიჯნავე უფლებების შესახებ“ კანონში შესატან ცვლილებებს. ცვლილებებთან მიმართებით ქართველი ავტორ/შემსრულებლების მოსაზრებები გაყოფილია. Მათი ნაწილი ბაზრის რეგულაციის აუცილებლობაზე საუბრობს, ამბობენ, რომ მესამე პირების მიერ საავტორო უფლებების გამოყენებისთვის გადახდილი თანხებიდან საკმარისი ოდენობის ჰონორარს ვერ იღებენ. ეს კანონპროექტი კი, ბაზარზე არსებული გამოწვევებს გამოასწორებს. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი; #ახალიამბები #BusinessMediaGeorgia
ხელოვნური ინტელექტი როგორც ინტერნეტი ეპოქის გადატრიალების მსგავსი ახალი ეტაპი თანამედროვეობაში - ერთი მხრივ სამუშაო ძალის, პროცესების დაჩქარების, მეტი შესაძლებლობის და კიდევ უფრო მეტი ცოდნის სწრაფად მართვის შესაძლებლობა გარდა თანამედროვეობის ცვლილებისა რეალურად ცვლის საერთაშორისო ბაზრებსაც. სინამდვილეში ტერმინი ხელოვნური ინტელექტი 5 ათწლეულზე მეტია არსებობს, მხოლოდ 2 ათწლეულია, რაც მსოფლიომ დაიწყო მისი უზარმაზარი პოტენციალის რეალიზება. ხელოვნურ ინტელექტს აქვს უამრავი აპლიკაცია ისეთ სფეროებში, როგორიცაა ბუნებრივი ენის დამუშავება, სიმულაციები, რობოტიკა და მეტყველების ამოცნობა და რაც უფრო აქტიურად გამოვიყენებთ მას მით მეტად ჭკვიანდება და მით მეტად იზრდება მოთხოვნაც. მოთხოვნას მიწოდება მოჰყვება და სულ უფრო მეტი კომპანია ჩნდება ბზარზე, ზოგ შემთხვევაში ვიწრო პროფილური, ზოგ შემთხვევაში უფრო მასშტაბური. სტუმარი: გიგი ცქიტიშვილი - Galt&Taggart;-ის კაპიტალის ბაზრების ანალიტიკოსი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2023 წლის I კვარტალში $496.6 მლნ. შეადგინა, რაც 2022 წლის I კვარტალის წინასწარ მონაცემებზე 13.7 %-ით ნაკლებია, ხოლო 2022 წლის IV კვარტალის მონაცემებს 53.3 %-ით აღემატება. გასულ კვირაში განახლებული საქსტატის მონაცემებით, მაისში სამომხმარებლო ფასების ჰარმონიზებულმა ინდექსმა, წინა წლის იმავე პერიოდთან შედარებით, 1.3% შეადგინა. სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
იაპონური ბრენდის ახალი განაცხადი - Mazda CX60 საქართველოშია ნოდარ ჭირაქაძე - „მაზდა ცენტრი თეგეტას“ ბრენდ დირექტორი #ახალიამბები #BusinessMediaGeorgia
რა პროექტებს ახორციელებს "ტოპლაინი”? სტუმარი: ვასილ თამაზაშვილი - "ტოპლაინის" დირექტორი. #ახალიამბები #BusinessMediaGeorgia
„თეგეტა ჰოლდინგის“ შვილობილმა კომპანია „თეგეტა აკადემიამ“ მძიმე ტექნიკის ოპერატორების გადამზადების პროგრამის ძირითადი ეტაპის პრეზენტაცია გამართა. კურსის მთავარი სიახლე უმაღლესი ხარისხისა და ფუნქციონალის მქონე სპეცტექნიკის სიმულატორი იქნება, რომელიც „თეგეტა აკადემიამ“ USAID-ის პროგრამის ფარგლებში შეიძინა. ღონისძიებაზე USAID-ის წარმომადგენლებს საშუალება ჰქონდათ ადგილზე ენახათ სპეციალური დანიშნულების ტექნიკის სიმულატორი, თავად გამოეცადათ მისი შესაძლებლობები და ფუნქციები. მძიმე ტექნიკის ოპერატორების გადამზადების პროგრამა ივლისში დაიწყება და თეორიული სწავლების პროცესში მსმენელები დაეუფლებიან აღჭურვილობების საბაზისო სტრუქტურას, მოვლისა და ექსპლუატაციის წესებს, ჯანდაცვისა და უსაფრთხოების სტანდარტებს. „თეგეტა აკადემიის“ მიერ შეძენილი მძიმე ტექნიკის სიმულატორის საშუალებით კი მსმენელები სრულყოფილ და სიღრმისეულ კომპეტენციას შეიძენენ. მძიმე ტექნიკის ოპერატორების მომზადება/გადამზადების პროგრამის შემუშავება „თეგეტა აკადემიამ“ 2022 წელს დაიწყო. პროექტი აშშ-ს საერთაშორისო განვითარების სააგენტოს (USAID) ხუთწლიანი პროგრამის - „დამსაქმებლები პროფესიული განათლებისთვის“ ($24 მილიონი აშშ დოლარი) ფარგლებში ხორციელდება. „თეგეტა აკადემიაში“ მძიმე ტექნიკის ოპერატორების გადამზადების პროგრამის ფარგლებში, ჯამში, 165 პირი გადამზადდება. #ახალიამბები #BusinessMediaGeorgia
USAID-ის სოფლის მეურნეობის პროგრამა, სააგენტოს "აწარმოე საქართველოში და სოფლის განვითარების სააგენტოსთან ერთად, ქართული აგრობიზნესების ხელშეწყობის მიზნით სხვადასხვა ღონისძიებებს კვლავ აქტიურად ატარებს. პროექტის ფარგლებში, ამჯერად მათ საქართველოში საერთაშორისო წამყვანი მედიასაშუალებების ჟურნალისტები ჩამოიყვანეს, რომლებიც რამდენიმე დღის განმავლობაში ქვეყნის მასშტაბით სხვადასხვა საწარმოს ესტუმრებიან და ქართულ პროდუქციას გაეცნობიან. რა მიზანს ემსახურება ჟურნალისტების საქართველოში ვიზიტი და ზოგადად, როგორ მიმდინარეობს ექსპორტის საბაზრო კავშირების გენერირების პროგრამა? ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
პლატფორმა სიმილარვები იმ საიტების რეიტინგს აქვეყნებს, რომლებსაც ყველაზე მეტი მომხმარებელი ჰყავს. რეიტინგი 2023 წლის აპრილის თვის მონაცემებს მოიცავს. სიაში ლიდერობს ვებსაიტი google-ი, რომელსაც მიმდინარე წელს 83 მილიარდზე მეტი მომხმარებელი ჰყავდა. გარდა ვებსაიტებისა 2023 წელს openai-ს მომხმარებელთა რიცხვიც საგრძნობლად გაიზარდა და 1 მილიარდს გადააჭარბა. #ახალიამბები #BusinessMediaGeorgia
ღია საცურაო აუზების უმრავლესობამ ზაფხულის სეზონი უკვე დაიწყო და მომხმარებლებსაც აქტიურად მასპინძლობს. “საქმიან დილასთან” საუბრისას აუზების მენეჯერები სეზონის დასაწყისს წარმატებულად აფასებენ. ზოგიერთ საცურაო აუზზე ინფლაციის და გაძვირებული აუზის და წყლის მოვლის იმპორტირებული საშუალებების ფონზე, ფასების კორექტირება მოუხდათ, მაგალითად, თუ ერთთვიანი ულიმიტო აბონიმენტი ამ დრომდე 350 ლარი ღირდა, ახლა 420 ლარი ღირს. 12 ვიზიტიანი აბონიმენტის ფასი 300 ლარის ნაცვლად 370 ლარია. აუზების მენეჯერებს ცხელ სეზონზე, აგვისტოში, ვიზიტორების ზრდის უფრო დიდი მოლოდინი აქვთ და მათი მასპინძლობისთვისაც აქტიურად ემზადებიან. #ახალიამბები #BusinessMediaGeorgia
#საქმიანიდილა - 13 ივნისი - პროლოგი #ახალიამბები #BusinessMediaGeorgia
საქართველოს კერძო სექტორის მოწყვლად ნაწილს, რომელიც მცირე და საშუალო საწარმოებისგან შედგება, თანამედროვე ტექნოლოგიებზე წვდომა შეზღუდული აქვს. ასეთი კი საწარმოების 99,7%-ია სადაც დასაქმებულთა რაოდენობა 59.3%-ია. ხოლო იმის გათვალისწინებით, რომ აღნიშნული საწარმოების წილი ეკონომიკური ზრდის მაჩვენებელში 2020 წელს 58%-ს შეადგენდა მონაცემები საკმაოდ შემაშფოთებლად გამოიყურება. მცირე და საშუალო საწარმოებში ციფრული ტექნოლოგიების დანერგვას მნიშვნელოვნად განაპირობებს ეკონომიკაში ციფრული უნარები. საქართველოს მოსახლეობაში ციფრული უნარების დონე კი ცხადყოფს, რომ ზოგადი სურათი არც თუ ისე სახარბიელოა. 2019 წელს საქართველოში ბიზნეს ლიდერების მიერ ციფრული უნარების მაჩვენებელი 1-დან 7-მდე სკალაზე 3,66 ქულით შეფასდა. საქართველოში მცირე და საშუალო საწარმოების გაციფრულებაზე მიმოხილვა ISET-მა მოამზადა. სტუმარი: გიორგი პაპავა - ISET-ის წამყვანი ეკონომისტი; #ახალიამბები #BusinessMediaGeorgia
საქართველოში ბოლო წლებში გაშენებული მაყვლის ბაღების 80% გაჩეხეს ან მიატოვეს. კენკრის მწარმოებელთა ასოციაციაში ამბობენ, რომ ბაღების გაჩეხის ძირითადი მიზეზი ფერმერების მხრიდან გაკეთებული არასწორი გათვლები იყო, მოლოდინი გასაყიდ ფასსა და მოვლის ხარჯებთან მიმართებით არარეალური აღმოჩნდა, რამაც ბაღების მასობრივი გაჩეხვა გამოიწვია. როგორია წლევანდელი მოსავალი და გასაღების ბაზრები? სტუმარი: იზოლდა ქიტესაშვილი - კენკრის მწარმოებელთა ასოციაციის თავმჯდომარე. #ახალიამბები #BusinessMediaGeorgia
პარლამენტი, დაჩქარებული წესით დღეიდან დაიწყებს მთავრობის საკანონმდებლო პაკეტის განხილვას, რომლის საფუძველზეც სამედიცინო და ფარმაცევტული საქმიანობის რეგულირების სააგენტოს უფლებამოსილებების გაზრდა და ფუნქციების გაძლიერება იგეგმება. "ჯანმრთელობის დაცვის შესახებ“ კანონში დაგეგმილი ცვლილებების მიხედვით, მაკონტროლებელ ორგანოს სახელმწიფო კონტროლს დაქვემდებარებულ ობიექტებზე წინასწარი შეტყობინების გარეშე, ნებისმიერ დროს შესვლის, მასალის, ნივთის და ა.შ. გამოთხოვის შესაძლებლობა, ასევე საზედამხედველო ობიექტის დათვალიერების, ხელშეუხებლობის მოთხოვნის, დალუქვის და ამოღების უფლებამოსილებები ენიჭება. მაკონტროლებელ ორგანოს უფლებამოსილება ეძლევა, ელექტრონული საჯარიმო ქვითარი გამოიყენოს, რომლის ფორმას, შევსებისა და წარდგენის წესს ჯანდაცვის მინისტრი დაამტკიცებს. სამედიცინო და ფარმაცევტული საქმიანობის რეგულირების სააგენტოს შეეძლება მაღალი რისკის შემცველი სამედიცინო საქმიანობის მიმწოდებელს საქმიანობის უფლება შეუჩეროს. კანონის პროექტის თანახმად, სამედიცინო და ფარმაცევტული საქმიანობის სფეროში სახელმწიფო კონტროლისა და ზედამხედველობის ეტაპზე სამინისტროს შესაბამისი კომპეტენტური ორგანოს მიერ მიღებული გადაწყვეტილება დაუყოვნებლივ აღსასრულებლად მიექცევა და მათ აღსრულებას გასაჩივრება არ გააჩერებს, თუ სასამართლომ სხვაგვარად არ დაადგინა. ამავე პროექტით, სამედიცინო და ფარმაცევტულ სფეროში მოქმედი საჯარიმო სანქციები იზრდება. სანქციების ზრდის გარდა, ცვლილების მიხედვით, სამედიცინო და ფარმაცევტული საქმიანობის რეგულირების სააგენტოს, სასამართლოსთან ერთად, მოცემულ სამართალდარღვევის საქმეებზე როგორც ოქმის შედგენის, ისე საქმის განხილვის შესაძლებლობა ენიჭება. ასევე, სააგენტოს მიერ ადმინისტრაციულ სამართალდარღვევის საქმეების განხილვისას ელექტრონული დაჯარიმების შესაძლებლობა შემოდის. რას შეცვლის რეგულირების სააგენტოსთვის უფლებების გაზრდა და როგორია სექტორის პოზიცია ჯანდაცვის სამინისტროს მიერ მომზადებულ კანონის პროექტზე? სტუმარი: მაია მახარაშვილი - “სიმონ ხეჩინაშვილის სახელობის საუნივერსიტეტო კლინიკის” დირექტორი #ახალიამბები #BusinessMediaGeorgia
#ავიაციისსიახლეები: თბილისიდან მოლდოვური ბიუჯეტური ავიაკომპანია იფრენს; თეა ზაქარაძე: “TAV-ი პირველ რიგში არის ინვესტორი”; TAV-ი 29 ქვეყანაში 108 აეროპორტში ოპერირებს ქუთაისის აეროპორტის შედეგები - მაისი; ქუთაისის საერთაშორისო აეროპორტში პერიმეტრული ღობის განათების სამუშაოები დასრულდა; Wizz air-ი წელს მოგების ზრდას ელოდება; IATA გლობალური ავიაკომპანიების მოგების პროგნოზს ზრდის; კანადა Ruslan-ს რუსეთს ჩამოართმევს და უკრაინას გადასცემს; „სკანდინავიურმა ავიახაზებმა“ Mondelez-ი უკრაინის ომის სპონსორობის გამო დაბლოკა. #ახალიამბები #BusinessMediaGeorgia
გალერია თბილისმა ახალი პროდუქტი ლოიალობის აპლიკაცია დანერგა, რომელიც მომხმარებელს სავაჭრო ცენტრის გამოყენების ახალ გამოცდილებას სთავაზობს. სისტემა მომხმარებელს გარდა გადახდების მართვისას ქულების დაგროვების საშუალებას აძლევს რაც თავის მხრივ დამატებითი სარგებლის მიღების შესაძლებლობაა. გარდა ვაჭრობისა და გასართობის სივრცეებში აპლიკაციის გამოყენებისა აპლიკაცია პარკინგის გამოყენების დროსაც დამატებით ინფორმაციას და გადახდის შესაძლებლობას იძლევა. სტუმარი: ნიკა ცინცაძე - "გალერია თბილისის" დირექტორი #ახალიამბები #BusinessMediaGeorgia
ზაფხულის სეზონზე ქვეყნის ფარგლებს გარეთ მოგზაურობა ქართველი ტურისტებისთვის, სულ უფრო აქტუალური თემა ხდება. საქართველოში მოქმედი წამყვანი ტუროპერატორები, რომლებიც ჩვენს ქვეყანაში ტურისტული პროდუქტის ფორმირებას და რეალიზაციას ახორციელებენ, აღნიშნავენ, რომ მაღალ სეზონზე ძირითადი მომართვიანობა ზღვისპირა ქალაქებზე მოდის. ტურისტების მეტი კომფორტისთვის, ტუროპერატორები სხვადასხვა სამოგზაურო პაკეტებთან ერთად მომხმარებლებს სამოგზაურო დაზღვევასაც სთავაზობენ. BMG იმ ტუროპერატორებს ესაუბრა, ვინც “ჯიპიაი ჰოლდინგის” სამოგზაურო დაზღვევას უკვე წლებია მიმართავს. ისინი აღნიშნავენ, რომ კომპანიის სამოგზაურო დაზღვევა ხელმისაწვდომი და მოქნილია მომხმარებლებისთვის, ასევე “ჯიპიაი ჰოლდინგი” მათ სხვადასხვა მრავალფეროვან სერვისს სთავაზობს. ტუროპერატორებისთვის განსაკუთრებით კომფორტული “ჯიპიაი ჰოლდინგის” მოქნილი და გამართული ონლაინ სისტემაა. თავად ტუროპერატორები განმარტავენ, რომ ხშირია ისეთი გაუთვალისწინებელი შემთხვევები, როგორიცაა დამწვრობა ზღვისპირა ქალაქებში, ან ბარგის დაკარგვა, რისგანაც “ჯიპიაი ჰოლდინგი” დაზღვეულებს იცავს. სტუმარი: ირინა ნაცვლიშვილი - "ჯიპიაი ჰოლდინგის" კორპორაციული არხების განყოფილების უფროსი; #ახალიამბები #BusinessMediaGeorgia
საქართველოს ეკონომიკური წიგნიერების ინიციატივა ეკონომიკურ ოლიმპიადას მართავს, რომლის ეკონომიკის ეროვნული რაუნდის გუშინ ჩატარდა. თავის მხრივ ეკონომიკის ოლიმპიადა (EO) არის პროექტი, რომლის მიზანიც არის ეკონომიკური განათლებისა და ფინანსური წიგნიერების დონის გაუმჯობესება. იგი დაარსდა ეკონომიკური განათლების ინსტიტუტის მიერ ჩეხეთის რესპუბლიკაში 2016 წელს, 2017 წლიდან კი გახდა საერთაშორისო პროექტი. INEV უკვე ატარებს ოლიმპიადებს მსოფლიოს 10-მდე ქვეყანაში, რომელშიც ყოველწლიურად ჩართულია 100 000 მოსწავლე და 3 500-მდე მასწავლებელი და ეს მონაცემები მზარდია. სტუმარი: ლევან ფავლენიშვილი - GELi- ის დირექტორი. #ახალიამბები #BusinessMediaGeorgia
ნორიოს პოლიგონის მიმდებარედ, კომპანია გალფის CSR პლატფორმის - "მოუარე საქართველოს" პრეზენტაცია გაიმართა. ღონისძიებაზე გალფის მენეჯმენტმა კომპანიის ეკოლოგიასა და გარემოზე ზრუნვის პოლიტიკა შეაჯამა, სამომავლო გეგმებზეც ისაუბრეს და არტ-ინსტალაცია "პოლიეთილენის ტყე" წარადგინეს. ამ ტყის მასივი უკიდურესად დაბინძურებული ზონაა. შესაბამისად შეხვედრაზე დაანონსდა აღნიშნული ტერიტორიის დალაგება და საყოფაცხოვრებო ნარჩენებისგან სრულად გაწმენდა. მასშტაბური დასუფთავების პროექტი განხორციელდება კომპანია გალფის და მოხალისეების მიერ და რამდენიმე დღე გაგრძელდება. #ახალიამბები #BusinessMediaGeorgia
პლანეტის 2,000 უმსხვილესი კომპანია - Forbes-ის რეიტინგი; ემიგრანტებისთვის ყველაზე ძვირადღირებული ქალაქების რეიტინგი. #ახალიამბები #BusinessMediaGeorgia
უძრავი ქონების ქართველი ბროკერი აშშ-ში - ინტერვიუ გიორგი პაპიაშვილთან გიორგი პაპიაშვილი - უძრავი ქონების აგენტი; #ახალიამბები #BusinessMediaGeorgia
მოგზაურობისას ბევრი საკითხის გათვალისწინებაა საჭირო, მათ დროს ერთ-ერთი უსაფრთხოებაა, როდესაც ადამიანები სამოგზაუროდ ლოკაციას ირჩევენ, ცხადია, ამ დროს იმასაც ამოწმებენ, რამდენად უსაფრთხოა ესა თუ ის ქალაქი, რამდენად გამართულად მუშაობს პოლიცია და ასე შემდეგ. ჩვენი სიუჟეტიდან ამჯერად სწორედ იმ ქალაქებს წარმოგიდგენთ, რომლებიც ევროპის ყველაზე უსაფრთხო ქალაქების ხუთეულში მოხვდნენ. #ახალიამბები #BusinessMediaGeorgia
#საქმიანიდილა - 12 ივნისი - პროლოგი #ახალიამბები #BusinessMediaGeorgia
კვირის ბოლოს თუშეთის ტურისტული სეზონი იხსნება, 10 ივნისს ტურისტულ სეზონს მხარე „თუშური კულტურის დღით" ხვდება, რომლის მიზანი თუშეთის ტურისტული სეზონის ხელშეწყობა, დაცული ტერიტორიების ადმინისტრაციების მხარდაჭერა, მდგრადი ტურიზმის განვითარების ხელშეწყობა, თუშური ტრადიციული სამზარეულოსა და ადგილობრივი ხელსაქმის პოპულარიზაცია. როგორ ხვდება მთა ზაფხულის ტურისტული სეზონის გახსნას ? სტუმარი: ნანი არშაულიძე - საოჯახო სასტუმრო "კესელოს" მფლობელი #ახალიამბები #BusinessMediaGeorgia
„ჩვენ გვყავს ფეხბურთელების თაობა, რომლებმაც ევროპულ ჩემპიონატებში კვალის დატოვება დაიწყეს“; „თუ ნაპოლიმ იპოვა ხვიჩა კვარაცხელია ბათუმში, იგივეს გაკეთება შეუძლია ლაციოს, რომას და ა.შ“; ფეხბურთი - ეკონომიკა და ბიზნესი; „მსოფლიო საფეხბურთო საზოგადოება ასეთ ტურნირებზე ეცნობა ვარსკვლავებს“ – EURO U21; #BMGDRIVE-ის მგზავრი: ნიკოლოზ ტაბატაძე - სპორტული ჟურნალისტი; ავტორები: ბექა ბაციკაძე, გურამ ხუნდაძე, რევაზ ნასიძე #Jeep #JeepGeorgia #ბიზნესმედია #საქმიანები #სტრადამოტორსი
საჯარო ინფორმაციის ხელმისაწვდომობაზე კანონის დარღვევები სისტემურად გრძელდება - IDFI-ს მიერ განხორციელებული საჯარო ინფორმაციის ხელმისაწვდომობის უწყვეტი მონიტორინგის შედეგები აჩვენებს, რომ 2023 წელს კვლავ აქტიურად გრძელდება საქართველოს სამინისტროების და მათი დაქვემდებარებული უწყებების თვითნებობა, რაც საჯარო ინფორმაციის მოთხოვნების უპასუხოდ დატოვებაში და საქართველოს კანონმდებლობის მიზანმიმართულ დარღვევაში გამოიხატება. არასამთავრობო ორგანიზაციაში ეჭვობენ, რომ 2022 წლიდან სამინისტროების და მათი დაქვემდებარებული უწყებების მიერ საჯარო ინფორმაციის მოთხოვნების სრული იგნორირების დამკვიდრებული პრაქტიკა დაკავშირებულია პოლიტიკურ გადაწყვეტილებასთან შეიზღუდოს ქვეყანაში ინფორმაციის თავისუფლება. სტუმარი: გოგა თუშურაშვილი - IDFI-ის კვლევითი მიმართულების ხელმძღვანელი; #ახალიამბები #BusinessMediaGeorgia
შტატების მთავრობის შეთანხმების და სავალო ლიმიტის გაზრდის შემდეგ Goldman Sachs-მა მომავალი 12 თვის განმავლობაში რეცესიის ალბათობა შეამცირა. იყო თუ არა კონგრესში განხილვები და გადაწყვეტილებები მთავარი ფაქტორი განწყობების ცვლილებისათვის და რა მიზეზები დგას ამგვარი მოლოდინების უკან? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
ტერაბანკმა Visa-სთან პარტნიორობით, Visa B2B Connect პლატფორმა დანერგა და ბიზნესკლიენტებს სწრაფი, მოქნილი და უსაფრთხო საერთაშორისო ანგარიშსწორების სერვისი შესთავაზა. 15 მაისიდან კი დაიწყო სპეციალური აქციაც, რომელიც ტერაბანკის ბიზნესკლიენტებს საშუალებას აძლევს, მსოფლიოს 107 ქვეყანაში დოლარის გადარიცხვა უფასოდ შეასრულონ. სტუმრები: კოტე მაქაცარია - "ტერაბანკის" მიკრო, მცირე და საშუალო ბიზნესის მართვის განყოფილების უფროსი; ნათია გავარდაშვილი - Visa-ს ბიზნეს განვითარების დირექტორი კავკასიაში. #ახალიამბები #BusinessMediaGeorgia
პირველი ფესტივალია ევროპაში, რომელიც მაღალი ხარისხის მრავალფეროვანი და უნიკალური ღვინოების აღმოჩენასა და პოპულარიზაციას ემსახურება. ფესტივალში მონაწილე სხვადასხვა ქვეყნების მეღვინეობები და მათ მიერ წარმოდგენილი მაღალი ხარისხის ღვინოები ამ ღირებულებების დასტურია. 2022 წელს მერანოს ღვინის ფესტივალი პირველად გასცდა იტალიის საზღვრებს და შატო მუხრანისა და ასოციაცია „ქართული ღვინო“-ს ორგანიზებით, საქართველოში ჩატარდა. წელს ფესტივალი მეორედ შატო მუხრანის სასახლესა და ახალ აშენებულ ღონისძიებების სივრცე „ორანჟერეაში“ გაიმართება, სადაც ქართველი და უცხოელი მწარმოებლები მიიღებენ მონაწილეობას, როგორც დიდი, ასევე საშუალო და მცირე მარნების სახით. ეს საუკეთესო შესაძლებლობაა, მეღვინეებთან პირადად შესახვედრად და მათთან ერთად განსაკუთრებული ქართული, იტალიური და თურქული ღვინოების დასაგემოვნებლად. ქართულ კომპანიებთან ერთად, ფესტივალზე წარმომადგენელი იქნებიან ღვინის იტალიელი და თურქი მწარმოებლებიც. ღვინის ფესტივალის განუყოფელი ნაწილია გასტრონომიაც. ღონისძიებაზე შესაძლებელია ქართული, თურქული, იტალიური გასტრონომიული პროდუქტებისა და ინგრედიენტების დაგემოვნება და შეძენა. #ახალიამბები #BusinessMediaGeorgia
აუდიტორულმა და ბიზნეს საკონსულტაციო კომპანია BDO Digital-მა უკრაინულ კომპანია ABM Cloud-თან ერთად, რითეილ და დისტრიბუციის ციფრული ტრანსფორმაციის შესახებ კონფერენციას უმასპინძლა. კომპანიებმა ბიზნეს სექტორის წარმომადგენლებს ყველა ის ტექნოლოგიური გადაწყვეტა გააცნეს, რაც ციფრული ტრანსფორმაციის ეფექტიანად დანერგვისთვის მნიშვნელოვანია. გარდა ამისა, კონფერენციის ფარგლებში BDO დიჯითალმა საზოგადოებას თავისი ახალი, ინოვაციური სტარტაპი - მარლინი წარუდგა, რომელიც დისტრიბუტორებსა და სავაჭრო ქსელებს შორის ურთიერთობის გაციფრულებისა და პროცესების მეტად გამარტივების მიზნით შეიქმნა. #ახალიამბები #BusinessMediaGeorgia
საკონფერენციო სივრცეებზე მოთხოვნა გაიზარდა. კომპანიებში აცხადებენ, რომ ხშირია შემთხვევა როდესაც დამკვეთისთვის უარის თქმა უწევთ, რადგან მოთხოვნა მიწოდებას აჭარბებს. ძირითადი დამკვეთები ბიზნეს სექტორის წარმომადგენლები არიან. კომპანიები მოთხოვნის გაზრდას პანდემიის დასრულებას და ბაზარზე ახალი კომპანიების გამოჩენას უკავშირებენ. კომპანიებში გვითხრეს ისიც, რომ ეს პერიოდი საკონფერენციო სივრცეებისთვის ერთ-ერთი ყველაზე დატვირთულია, ხოლო მაღალ სეზონზე,მოთხოვნა სხვა პერიოდებთან შედარებით მცირდება. #ახალიამბები #BusinessMediaGeorgia
რა როლს ასრულებს ლარის კურსი ფასების კორექტირებაში? #ახალიამბები #BusinessMediaGeorgia