#ავიაციისსიახლეები: I კვარტალში ქუთაისის აეროპორტში მგზავრთნაკადი 61%-ით გაიზარდა; რამდენით გაიზარდა თბილისისა და ბათუმის აეროპორტების მგზავრთნაკადი მარტში? ახალი ქართული ავიაკომპანია AIR IVERIA ოპერირებას 2024 წლიდან დაიწყებს; ავიაკომპანია „ჯეოსქაი“ საქართველოს ბიზნეს ასოციაციის წევრი გახდა; Eurocontrol-ის პროგნოზით ევროპის ავიაცია პრეპანდემიურ დონეს 2025 წელს დაუბრუნდება; სტამბოლის აეროპორტი ყველაზე დატვირთული აეროპორტების რეიტინგში მეშვიდე ადგილზეა; airBaltic რეკორდული რაოდენობის ფრენებს ამატებს. #ახალიამბები #BusinessMediaGeorgia
ორთაჭალა ჰილსიში ტრადიციას არც სააღდგომოდ არღვევენ და სეზონზე გამორჩეულ დღესთან დაკავშირებით საგანგებოდ მომავალ მობინადრეებს განსაკუთრებულ შეთავაზებას უკეთებენ. კომპანიაში ამბობენ, რომ სააღდგომოდ მომხმარებელი შენაძენის გაკეთებისას 12 500 ლარამდე თანხას დაზოგავს. სტუმარი: თამარ კანთელაძე - "ორთაჭალა ჰილსის" გაყიდვების სამსახურის ხელმძღვანელი #ახალიამბები #BusinessMediaGeorgia
კომპანია თეთრი კვადრატი კორპორაციული სოციალური პასუხისმგებლობის ფარგლებში პროექტების განხორციელებას აგრძელებს. კომპანიამ ამჯერად რაჭის ქალაქი ონი შეარჩია. „თეთრმა კვადრატმა“ ონის პირველ საჯარო სკოლას ბიბლიოთეკა და კომპიუტერული ოთახი მოუწყო. ბიბლიოთეკა მოსწავლეებისთვის საჭირო და საინტერესო ლიტერატურით აღიჭურვა. რაც შეეხება კომპიუტერულ ოთახს, აქ 20 კომპიუტერი, პრინტერი და სხვა საჭირო ტექნიკა განთავსდა. თეთრმა კვადრატმა განახლებული სივრცეები სკოლას საზეიმოდ გადასცა. ღონისძიებას კომპანიის წარმომადგენლები, ონის მერია, სკოლის მასწავლებლები და მოსწავლეები ესწრებოდნენ. „თეთრი კვადრატი“ არის ბიქეი ჰოლდინგში შემავალი დეველოპერული კომპანია.ინფორმაციისთვის: თეთრი კვადრატი ბიქეი ჰოლდინგში შემავალი დეველოპერული კომპანია, ჰოლდინგის სოციალური პასუხისმგებლობის ერთ-ერთი მთავარი მიმართულება კი სწორედ განათლებაა. #ახალიამბები #BusinessMediaGeorgia
გასული კვირის მიწურულს, 7 აპრილის ვაჭრობის შედეგად ქართული ეროვნული ვალუტა აშშ დოლართან მიმართებაში კიდევ გამყარდა. დოლარის მიმართ კურსის ცვლილებამ 0.45 თეთრი შეადგინა, რის შემდეგაც დოლარის ოფიციალური ღირებულება 2.5330 ლარი გახდა. საქართველოს ეროვნული ბანკის ინფორმაციით, ეროვნული ვალუტა ევროსთან მიმართებაში 0.06 თეთრით გამყარდა, რის შედეგადაც ერთი ევროს ოფიციალური ღირებულება 2.7655 ლარი გახდა. 1.02 თეთრით გამყარდა ლარი ბრიტანულ ფუნტ სტერლინგთან (GBP), რომლის ფასი 3.1513 ლარი გახდა. თურქული ლირას კურსმა 13.15 თეთრი ლარი შეადგინა. ლარი ყოველდღიურად გამყარების ახალ რეკორდებს ხსნის, რაც ერთი მხრივ შესაძლოა კარგია, თუმცა კურსის გამყარება ექსპორტიორ კომპანიებზე გავლენას დადებით ვერ ახდენს. ბიზნესის წარმომადგენლები, რომლებიც პროდუქტს ქვეყნის ფარგლებს გარეთ ყიდიან ბოლო კვირებია აქტიურად და ღიად საუბრობენ პრობლემაზე რომელიც მათ გამყარებულმა ვალუტამ შეუქმნა. ამბობენ, ლარის ასეთი გამყარების ფონზე ექსპორტი უკვე ნაკლებად აკომპენსირებს შიდა დანახარჯებს, მათ შორის ენერგომატარებლებზე გაზრდილ ფასებს. ხოლო იმ შემთხვევაში თუ გამყარების ტენდენცია დიდხანს შენარჩუნდება მათ ფასების კორექტირებაც მოუწევთ. სტუმარი: ანა ბერიშვილი - “წყალი მარგებელის” მარკეტინგის დეპარტამენტის ხელმძღვანელი; #ახალიამბები #BusinessMediaGeorgia
გახშირებული შემოწმებები საგადასახადო ორგანოს მხრიდან სტუმარი: გიგა ფაიქიძე - SMEDA-ს აღმასრულებელი დირექტორი და დამფუძნებელი; თეონა კუნჭულია - აუდიტორული და საკონსულტაციო კომპანია Loialte-ს პარტნიორი საგადასახადო მიმართულებით. #ახალიამბები #BusinessMediaGeorgia
,,თეგეტა ჰოლდინგში“ შემავალი ორგანიზაცია Tegeta Green Planet-ი დედაქალაქის შემოვლით გზაზე გადაყრილ საბურავებს გადამამუშავებელ საწარმოს ჩააბარებს- პროცესი დაიწყო, თუმცა იმ მასშტაბიდან გამომდინარე რა რაოდენობითაც საბურავებია დაგროვილი მას რამდენიმე დღე დასჭირდება. რა ხდებოდა თბილისის შემოვლით გზაზე არსებული სიტუაციის ამსახველი ფოტომასალა ფოტოგრაფმა ბილი ბილიხოძემ გაავრცელა, შეფასება და გამოხმაურება ბევრი იყო და მალევე მოყვა სიტყვა საქმეს ,,თეგეტა ჰოლდინგი“-ს მ იერ გავრცელებული განცხადებით, Tegeta Green Planet-მა აქცია. კომპანია საავტომობილო ნარჩენებს გაიტანს და გადასამუშავებლად პარტნიორ საწარმოებს ჩააბარებს. #ახალიამბები #BusinessMediaGeorgia
EY Georgia-ს სახელფასო და საკომპენსაციო კვლევა; საშუალო ხელფასი საქართველოში; მედიანური ხელფასი საქართველოში; რატომ კარგავენ კადრებს საქართველოში? როგორ ინარჩუნებს კადრებს “ეფეს საქართველო”? ხელფასები სექტორების მიხედვით; ხელფასები გენდერულ ჭრილში; სახელმწიფო უცხოეთში დასაქმების საშუამავლო კომპანიების კონტროლს იწყებს. #BMG #ბიზნესმედია #საქმიანები #ახალიამბები #BusinessMediaGeorgia
მცენარეთა დაცვის საშუალებების რეალიზატორმა კომპანიამ, "აგორსიმამ", აგროსფეროს წარმომადგენლებს საკუთარი პროდუქცია გააცნო. კომპანია მცენარეთა დაცვის საშუალებების იმპორტს იტალიიდან, ესპანეთიდან და ასევე აშშ-დან ახორციელებს და ფერმერებს 37 დასახელების როგორც ქიმიურ, ასევე ბიო პესტიციდებსა და აგროქიმიკატებს სთავაზობს. მათ შორის: სათესლე მასალებს, ჰერბიციდებს, ნიადაგის სასუქებსა თუ მცენარეთა კვების საშუალებებს. როგორც კომპანიის დამფუძნებლები განმარტავენ, „აგროსიმაში" წარმოდგენილი ყველა პესტიციდი ევროპული სტანდარტების სრული დაცვითაა დამზადებული და საერთაშორისო სერტიფიკატს ფლობს. #ახალიამბები #BusinessMediaGeorgia
გაიაფდა თუ არა პროდუქცია ბაზარში? #ახალიამბები #BusinessMediaGeorgia
#საქმიანიდილა - 10 აპრილი - პროლოგი #ახალიამბები #BusinessMediaGeorgia
როგორ მივიღოთ საინვესტიციო გადაწყვეტილება? რატი მორჩილაძე - Foresight Investment Group-ის საინვესტიციო ოფიცერი; #ახალიამბები #BusinessMediaGeorgia
საქართველოს კონკურენციის ეროვნულმა სააგენტომ, კომპანია „ელ.ბილეთების“ საჩივრის საფუძველზე ხუთი ეკონომიკური აგენტის მიმართ მოკვლევის პროცესი დაიწყო. საკითხი შეეხება კინოთეატრების ბილეთების ონლაინ რეალიზაციის ბაზარზე სავარაუდო კონკურენციის საწინააღმდეგო ქმედებებს. სტუმარი: გიორგი ჩხიკვიშვილი - biletebi.ge-ის თანადამფუძნებელი და ტექნიკური დირექტორი #ახალიამბები #BusinessMediaGeorgia
როგორ ცვლის ერთი საფეხბურთო მატჩი ქალაქის ან თუნდაც რეგიონის ცხოვრებას. ფეხბურთის ეკონომიკური და სოციალური გავლენა აჭარაში, კონკრეტულად კი ქალაქ ბათუმში 28 მარტს, მაშინ როცა საქართველოს ეროვნული ნაკრები ნორვეგიას დაუპირისპირდა, ყველაზე კარგად იგრძნობოდა. ბექა ბაციკაძე იმყოფებოდა ბათუმში, რომელმაც სასტუმრო ბიზნესები გამოჰკითხა, მიმდინარე მდგომარეობაზე და ასევე როგორ ემზადებიან ევროპის 21 წლამდელთა ჩემპიონატისთვის ფეხბურთში, რომლის ერთ-ერთი მთავარი მასპინძელიც ბათუმი იქნება... #ახალიამბები #BusinessMediaGeorgia
კორუფცია სასამართლოში - იმპლიკაციები სტუმრები: ნინო ევგენიძე - EPRC-ის აღმასრულებელი დირექტორი; ნინო დოლიძე - ISFED-ის აღმასრულებელი დირექტორი. #ახალიამბები #BusinessMediaGeorgia
ინტერვიუ არუნ ვენკატარამანთან - აქცენტი სანქციებზე; არუნ ვენკატარამანი, აშშ-ის ვაჭრობის დეპარტამენტის მდივნის მოადგილე; სანქციების პრეცედენტი - იმპლიკაციები; სტუმარი: ნაზი ჯანეზაშვილი - "სასამართლოს გუშაგის" დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
„რუსეთში ექსპორტით დაინტერესებული ადამიანები, ჩადიან სოფლებში და ყოველგვარი ხარისხის სერტიფიკატის გარეშე, წინასწარ უხდიან ფულს ფერმერებს, ეს არის რუსული პროპაგანდა, რომელიც უნდა დავასრულოთ“ - ეს საქართველოს ფერმერთა ასოციაციის თავმჯდომარის შეფასებაა, რომელსაც რუსეთის ბაზარზე დამოკიდებულების შემცირების გზებზე ვკითხეთ. ნინო ზამბახიძე ფიქრობს, რომ სახელმწიფომ ფინანსები ლოგისტიკური ცენტების მოწყობაზე და მარკეტინგულ მიმართულებაზე უნდა დახარჯოს, ქაოტური სუბსიდიები კი შედეგს არ მოგვცემს. BMGDRIVE-ის მგზავრი: ნინო ზამბახიძე - საქართველოს ფერმერთა ასოციაციის თავმჯდომარე; ავტორები: ბექა ბაციკაძე, გურამ ხუნდაძე, რევაზ ნასიძე #ახალიამბები #BusinessMediaGeorgia
Libertypayments.ge „ლიბერთის“ ახალი ვებგვერდია, რომელიც ბიზნესისთვის მნიშვნელოვან გადახდის ყველა საშუალებას აერთიანებს. ვებგვერდზე ერთადაა თავმოყრილი ბანკის სხვადასხვა მომსახურება, რომელზეც მოთხოვნის დაფიქსირება ბიზნესს დისტანციურად შეუძლია. სტუმარი: დავით მესხიძე - ლიბერთის ციფრული პლატფორმებისა და არხების განვითარების ხელმძღვანელი; #ახალიამბები #BusinessMediaGeorgia
2023 წლის შემოდგომაზე საქართველო – რუმინეთს შორის საბორნე ხაზი გაიხსნება და ამ საზღვაო გზით საქართველო ევროკავშირის კიდევ ერთ წევრ ქვეყანას დაუკავშირდება. ამ შედეგამდე მისასვლელად რამდენიმე წლიანი მოლაპარაკებები იყო საჭირო, საქართველოსა და რუმინეთს შორის საბორნე მიმოსვლის დაწყების იდეა 2017 წელს გაჩნდა. მოლაპარაკებები 2018 წელს დაიწყო და წელს კონსტანცას პორტისკენ ტვირთები პირველმა ბორანმა უკვე უნდა გადაზიდოს. სტუმარი: პაატა დაიაური - „პონტოს მერითაიმის“ ხელმძღვანელი; #ახალიამბები #BusinessMediaGeorgia
კვირის დასაწყისში OPEC+-მა საერთაშორისო ბაზრისთვის ნედლი ნავთობის მიწოდების მკვეთრად 1.16 მილიონი ბარელით შემცირების გადაწყვეტილება მიიღო , ეს ერთგვარი გზავნილი და ნიშანი იყო რომ OPEC-ის ხელმძღვანელობის დამოკიდებულება შეიცვალა. არგუმენტი რომლითაც ეს გადაწყვეტილება აიხსნა მსოფლიო მასშტაბით გაუარესებული მაკროეკონომიკური მდგომარეობით და რეცესიის რისკებით აიხსნა რაც თავის მხრივ ნავთობის მოთხოვნის შემცირებაზე ახდენს გავლენას. შავი ოქროს ფასი მიმდინარე კვირაში ზრდისკენ წავიდა, მათ შორის 60 დოლარიან ნიშნულს გადააჭარბა ურალსის ფასმაც? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
მიმდინარე კვირის დასაწყისში საქართველოს ბანკის მხარდაჭერით მცირე და საშუალო მეწარმეობის განვითარების ასოციაციის (SMEDA) ბიზნეს ფორუმი გაიმართა, რომელზეც მოხსენებით საქართველოს ბანკის წარმომადგენლები წარდგნენ და რომლებიც ბუღალტერიის განვითარების პროგრამასა და დაფინანსების ალტერნატიულ წყაროებზე - ფაქტორინგზე საუბრობდნენ. რატომ არის ეს შეხვედრები მნიშვნელოვანი და ვისთვის არის? სტუმრები: რუსუდან ბარათაშვილი - საქართველოს ბანკის მცირე და საშუალო ბიზნესის Value Added სერვისების განვითარების დეპარტამენტის დირექტორი; გიგა ფაიქიძე -SMEDA-ს ხელმძღვანელი; #ახალიამბები #BusinessMediaGeorgia
წელს, 3-დან 9 აპრილის ჩათვლით, მთელს მსოფლიოში და მათ შორის საქართველოშიც „ვენების კვირეული“ აღინიშნება, რომლის მთავარ მიზანს მოსახლეობაში ვენურ-ლიმფური დაავადებების შესახებ ცნობიერების ამაღლება წარმოადგენს. პირველი საერთაშორისო ფარმაცევტული კომპანია საქართველოში - GM PHARMA - ყოველწლიურად მონაწილეობს „ვენების კვირეულის“ აღნიშვნაში, აქტიურადაა ჩართული ვენურ-ლიმფური დაავადებების შესახებ ცნობიერების ამაღლების კამპანიაში, ამავე დროს, საზოგადოებას საინტერესო სააფთიაქო აქციებსაც სთავაზობს. #ახალიამბები #BusinessMediaGeorgia
SafePRO - ასე ჰქვია პირველ ქართულ პროგრამულ უზრუნველყოფის სისტემას, რომელიც ორგანიზაციებში შრომის უსაფრთხოების მართვის სისტემის ეფექტურობის გაუმჯობესების საშუალებას იძლევა. პროგრამა საკონსულტაციო კომპანია SafCo-მ შექმნა, რომელსაც შრომის უსაფრთხოების სფეროში მუშაობის 10 წლიანი გამოცდილება აქვს. რა ტიპის გადაწყვეტებს სთავაზობს კომპანიებს პროგრამული უზრუნველყოფა? #ახალიამბები #BusinessMediaGeorgia
გერმანია 2030 წლისთვის ენერგიის მოხმარებას მნიშვნელოვნად შეამცირებს. ქვეყანამ ენერგიის მოხმარების შემცირების ზომები მას შემდეგ შემოიღო, რაც რუსეთის მიმართ დაწესებული სანქციების გამო ევროპა ენერგეტიკული კრიზისის წინაშე დადგა. Გერმანიის მთავრობამ მოქალაქეებს ზამთრის პერიოდიდან ელექტრო ენერგიის დაზოგვის კუთხით გარკვეული რეგულაციებიც დაუწესა, მათ შორის ერთ-ერთი იყო ის, რომ მაგალითად კერძო სახლის მფლობელებს აუზის გათბობის უფლება აღარ ჰქონდათ. რას გეგმავს ქვეყანა ელექტროენერგიის მოხმარების შემცირებისთვის? #ახალიამბები #BusinessMediaGeorgia
#საქმიანიდილა - 7 აპრილი - პროლოგი #ახალიამბები #BusinessMediaGeorgia
შაომიმ წარმოადგინა ჰუმანოიდი რობოტის პროტოტიპი. ის 177 სანტიმეტრის სიმაღლისაა, და 52 კგ იწონის.რომელიც ადამიანის 45 მდე ემოციას ცნობს და ასევე, აქვს აღქმა 85 მდე ხმოვანი ბგერის, მუსიკის თუ სხვა ხმოვანი გარემოსი. სრულად, ლედის ტიპის მუზარადით აღჭურვილი ჰუმანოიდი. რობოტს საათში შეუძლია 3 ნახევარი კილომეტრი გაიაროს. #ახალიამბები #BusinessMediaGeorgia
ბზობის დღესასწაულთან დაკავშირებით, გარემოს დაცვისა და სოფლის მეურნეობის სამინისტრო ბზის მოჭრაზე კონტროლს ამკაცრებს. ტყეში ბზის მოჭრა, ამოძირკვა ან ტოტების დაზიანება დასჯადი ქმედებაა რომელიც ითვალისწინებს როგორც ადმინისტრაციულ, ასევე სისხლის სამართლის პასუხისმგებლობის ზომებს. საჯარიმო სანქციების ოდენობა 500-დან 1000 ლარამდეა, ხოლო, თუ გარემოსათვის მიყენებული ზიანი აჭარბებს 1000 ლარს და აღიძვრება სისხლის სამართლის საქმე. ბზა შესაძლებელია მოპოვებული იყოს მხოლოდ კერძო საკუთრებაში არსებულ სანერგეებიდან, ხელოვნურად გაშენებული პლანტაციებიდან - ადგილობრივი თვითმმართველობის ორგანოს მიერ გაცემული შესაბამისი ადგილ წარმოშობს ცნობის საფუძველზე. სტუმარი: ნათია იორდანიშვილი - ეროვნული სატყეო სააგენტოს უფროსის მოადგილე; #ახალიამბები #BusinessMediaGeorgia
უნებართვო გარე ვაჭრობისთვის პარლამენტი ჯარიმებს ამკაცრებს სტუმარი: გიორგი შარაშიძ - თბილისის საკრებულოს წევრი, ფრაქცია „თბილისი საქართველოსთვის“; #ახალიამბები #BusinessMediaGeorgia
საქართველოს პარლამენტი განიხილავს მთავრობის მიერ ინიციირებულ კანონპროექტს, რომლითაც უნებართვო გარე ვაჭრობისთვის ჯარიმების გამკაცრებაა გადაწყვეტილი. "ადმინისტრაციულ სამართალდარღვევათა კოდექსში" შესატან ამ ცვლილებებს პარლამენტმა პირველი მოსმენით მხარი გუშინ დაუჭირა. გარე ვაჭრობის წესების დარღვევისთვის უცვლელი რჩება ზოგიერთი სახის ჯარიმა: უნებართვო გარე ვაჭრობისთვის ჯარიმა 20-დან 50 ლარამდეა;უნებართვო გარე ვაჭრობასთან დაკავშირებით უფლებამოსილი პირის დაუმორჩილებლობისთვის გათვალისწინებულია 50-დან 100 ლარამდე ჯარიმა ან 7 დღემდე პატიმრობა. კანონის მიღების შემდეგ: განმეორებით უნებართვო ვაჭრობისთვის ჯარიმა იქნება 100-დან 200 ლარამდე; სატრანსპორტო საშუალებით გარე ვაჭრობა 500 ლარით დაჯარიმდება; იგივე სამართალდარღვევების დროს უფლებამოსილი პირის დაუმორჩილებლობისთვის 1000-ლარიანი ჯარიმა ან 7 დღემდე პატიმრობა იქნება გათვალისწინებული. დოკუმენტში დაკონკრეტებულია, რომ სიტყვიერი გაფრთხილების შემთხვევაშიც კი გარე მოვაჭრეს გასაყიდ ნივთებს ჩამოართმევენ. კანონპროექტის მისაღებად აუცილებელია პარლამენტმა მას მხარი სამი მოსმენით დაუჭიროს, შემდეგ კი პრეზიდენტმა მოაწეროს ხელი. ეს ცვლილებები, მიღების შემთხვევაში, ამოქმედდება მესამე მოსმენიდან 15 დღეში. სტუმარი: ანა ნაცვლიშვილი - "ლელო" დეპუტატი #ახალიამბები #BusinessMediaGeorgia
გაეროს სურსათისა და სოფლის მეურნეობის ორგანიზაციის ბოლო ანგარიშის მიხედვით, ზედიზედ 11 თვეა საკვები პროდუქტების საერთაშორისო ფასების საორიენტაციო ინდექსი მცირდება. FAO-ს სურსათის ფასების ინდექსი თებერვალში საშუალოდ 129.8 პუნქტს შეადგენდა, რაც 0,6 პროცენტით ნაკლებია 2023 წლის იანვართან შედარებით და 18.7%-ითაა შემცირებული 2022 წლის მარტის შემდეგ. ფაო საქართველოში ამბობენ, რომ გასული წლის ანალოგიურ პერიოდის შემდეგ გლობალურად ფასები ყოველთვიურად მცირდება როგორც მარცვლეულის, ისე ზეთის, რძისა თუ ხორცპროდუქტების შემთხვევაში. გამოშვების ნაწილში პოზიტიური მოლოდინია მიმდინარე წლისთვისაც. რა პერიოდი სჭირდება პროდუქტებზე ფასების გაიაფებას საქართველოში და რას უნდა ელოდოს მომხმარებელი? სტუმარი: დავით კეშელავა - ISET-ის მაკროეკონომიკური პოლიტიკის კვლევითი ცენტრის ხელმძღვანელის მოადგილე; #ახალიამბები #BusinessMediaGeorgia
საქართველოს ბანკის, USAID-ის ეკონომიკური უსაფრთხოების პროგრამის, „ჯეპრას» და „ქუდოს ჯორჯიას“ ერთობლივი მხარდაჭერით 27 აპრილს, მცირე და საშუალო მეწარმეებისთვის B2B ფორუმი გაიმართება. ფორუმის მიზანს საქართველოში მცირე და საშუალო ზომის ბიზნესის მხარდაჭერა და წახალისება წარმოადგენს. B2B ფორუმში მეწარმეების გარდა მონაწილეობას მიიღებენ ტურიზმის, მსუბუქი მრეწველობის, ინტელექტუალური მომსახურების, კრეატიული ინდუსტრიებისა და მყარი ნარჩენების მართვის სექტორის შემსყიდველი კომპანიები. სტუმრები: ოლიკო ნაკაშიძე- საქართველოს ბანკის დამატებითი ღირებულების სერვისების განვითარების პროექტის მენეჯერი; რატი ანჯაფარიძე - USAID-ის ეკონომიკური უსაფრთხოების პროგრამა, ბიზნესის განვითარების სერვისების ლიდი. #ახალიამბები #BusinessMediaGeorgia
კახა შენგელიას ბიოგრაფიული ტრაექტორია კახა შენგელია - კავკასიის უნივერსიტეტის დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
2017 წელს დაარსებული "ჯეო სქაი" საქართველოს ბიზნეს ასოციაციის წევრი გახდა. სტუმრები: აკაკი საღირაშვილი - "საქართველოს ბიზნეს ასოციაციის" აღმასრულებელი დირექტორის პირველი მოადგილე; შალვა კიკნაძე, ,,ჯეო სქაი”, ვიცე-პრეზიდენტი #ახალიამბები #BusinessMediaGeorgia
10 წლიანი გამოცდილება ბაზარზე და პორტფელი, რომელიც 11 დასრულებულ და 2 მიმდინარე პროექტს აერთიანებს - “აპექს ლისი” და “აპექს ნუცუბიძე”-ს კომპანიის მიმდინარე პროექტებს მალე “აპექს ისანი” დაემატება. სტუმარი: გიორგი ბაქრაძე - Apex Development-ის კომერციული დირექტორი; ნინა ნიქაბაძე - Apex Development-ის მარკეტინგის დეპარტამენტის უფროსი. #ახალიამბები #BusinessMediaGeorgia
საქართველოში, პროფესიონალური სადეზინფექციო, სარეცხი და ჰიგიენური საშუალებების მწარმოებელი კომპანია "კლინტექი" . კომპანია 2009 წლიდან აწარმოებს ფართო სპექტრის ჰიგიენურ ქაღალდს, ხოლო 2019 წლიდან სარეცხ-სადეზინფექციო პროფესიონალურ ხსნარებს. "კლინტექი" დისტრიბუტორთა ბიზნეს ასოციაციის წევრი გახდა. სტუმრები: ივა ჭყონია - საქართველოს დისტრიბუტორთა ასოციაციის პრეზიდენტი; ვლადიმერ ჭელიძე - “კლინტექის” დამფუძნებელი, დირექტორი #ახალიამბები #BusinessMediaGeorgia
ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას (DCFTA) საქართველომ ხელი 2014 წელს მოაწერა, თუმცა 8 წლის თავზე, სავაჭრო ბრუნვის მაჩვენებლები არც თუ ისე სახარბიელოა. ამავეს მოწმობს სტატისტიკური მონაცემები, სადაც ნათლად ჩანს, რომ 2014 წლიდან ადგილობრივი ექსპორტი ან მცირედით იზრდებოდა, ან ზოგიერთ წელს, წინა წელთან შედარებით, პირიქით იკლებდა. თუმცა, საერთო ჯამში, 2022 წელს, 2014 წელთან შედარებით ადგილობრივი ექსპორტი ევროკავშირში 81%-ით არის გაზრდილი. რა არის მიზეზი იმის, რომ ადგილობრივი ექსპორტით საქართველომ ჯერ კიდევ ვერ დადო ის შედეგი, რა მოლოდინიც DCFTA-ს ამოქმედებისას იყო. #ახალიამბები #BusinessMediaGeorgia
USAID-ის მხარდაჭერით, შვეიცარიული აგრარული სკოლა კავკასია, დმანისის მუნიციპალიტეტის სოფელ სარკინეთში ახალ სასოფლო სამეურნეო ტრენინგ ცენტრის აფუძნებს. ტრენინგ ცენტრის სასწავლო კურსები სტუდენტებს ცხოველთა მოვლის, კვებისა და ჯანმრთელობის დაცვის, ასევე რძის გადამუშავების; მემცენარეობა- აგრომექანიზაციის, საძოვრების მართვისა და საკვების კონსერვაციის შესახებ დეტალური ინფორმაციის მიღების შესაძლებლობას მისცემს. სასწავლო კურსების გავლა ჯამში 170-მდე დაინტერესებულ პირს შეეძლება, რომლებსაც მოქნილი სასწავლო გრაფიკით, საერთო საცხოვრებლითა სარგებლობისა და დისტანციური სწავლების შესაძლებლობა ექნებათ. USAID -ისა და შვეიცარიული აგრარული სკოლა კავკასიის პარტნიორობა, მიზნად ისახავს ფერმერებსა და რძის გადამამუშავებლებისთვის თეორიული ცოდნის გაღრმავებასა და მათი პრაქტიკული უნარების გაუმჯობესების. #ახალიამბები #BusinessMediaGeorgia
#საქმიანიდილა - 6 აპრილი - პროლოგი #ახალიამბები #BusinessMediaGeorgia
,,ოლ-პი ჯგუფი“ უზბეკეთის ბაზარზე გავიდა. “ოლ-პი ჯგუფი“ ქართული სამშენებლო სექტორის ერთ-ერთი ყველაზე მასშტაბური წარმომადგენლის ,,ელემენტ ჰოლდინგის“ შვილობილი კომპანიაა. ოლ-პი უზბეკეთი“ ადგილობრივ კომპანიასთან ,,ბელტერა ჰოლდინგი“ პარტნიორობით დაფუძნდა. #ახალიამბები #BusinessMediaGeorgia
კომპანია Making Science Sweeft-ს სხვადასხვა ქვეყნების ლოკაციების კონსულტანტები ესტუმრნენ. საერთაშორისო სტუმრები საქართველოში "აწარმოე საქართველოში" ორგანიზებით იმყოფებიან და ქვეყნის საინვესტიციო პოტენციალს ეცნობიან. Making Science Sweeft-თვის კი ეს დამატებით შესაძლებლობაა, რათა საერთაშორისო ბაზარზე უფრო მეტად შეძლონ გაფართოება.აღსანიშნავია, რომ კომპანიას საერთაშორისო კონსულტანტები უკვე მეორედ სტუმრობდნენ. #ახალიამბები #BusinessMediaGeorgia
GMP სტანდარტის ძალაში შესვლიდან 1 წლის თავზე, ბაზარზე მოქმედი 50 ფარმაცევტული საწარმოდან მოთხოვნილ სტანდარტს მხოლოდ 3 კომპანია აკმაყოფილებს. საუბარია ავერსი რაციონალზე, ჯი ემ ფარმაზე და ანტიბიოტიკების მწარმოებელ აბიფარმზე, სტანდარტის მისაღებად პროცედურებს გადის ასევე ფაგების მწარმოებელი კომპაბია ბიოქიმფარმი. იმ კომპანიებს, რომელთაც მოთხოვნილი სტანდარტი ვერ დააკმაყოფილეს, ადგილობრივ ბაზარზე ფარმაცევტული პროდუქტების რეალიზაცია აეკრძალათ. აღნიშნული შეზღუდვა არ ვრცელდება იმ კომპანიებზე, რომლებიც ექსპორტს ახორციელებენ. მათ GMP სტანდარტზე გადასვლისთვის დრო 2025 წლამდე აქვთ. რა ბედი ეწიათ იმ კომპანიებს, რომლებმაც ჯიემპი სტანდარტი ვერ დააკმაყოფილეს? სტუმარი: ლევან გოგიბერიძე - საქართველოს ფარმაცევტთა ასოციაციის პრეზიდენტი; #ახალიამბები #BusinessMediaGeorgia
ტურიზმის აღდგენამ დღის წესრიგში დააბრუნა სექტორში წლების განმავლობაში დაგროვილი პრობლემები, მათ შორის, ბაზარზე კიდევ უფრო აქტიურად გამოჩნდნენ უცხოელები, რომლებიც ტურისტულ ბიზნესს საქართველოში აწარმოებენ. როგორც კერძო სექტორში განმარტავენ, უმეტეს შემთხვევაში აღნიშნული ბიზნესი ჩრდილოვანია. ქართულ ტურისტულ კომპანიებს და გიდებს, რომლებსაც ფაქტია მიგრანტები შემოსავლებს ართმევენ, ვერც კანონი იცავს, რადგან ნებისმიერ პირს, მათ შორის უცხოელს ყოველგვარი შეზღუდვების გარეშე შეუძლია დღეს საქართველოში ტურისტული საქმიანობა დაიწყოს. რამდენად მოხსნის ამ პრობლემას ტურიზმის შესახებ ახალი კანონი, რაზეც წლებია მუშაობა მიდის, ჯერ ამის თქმა რთულია, თუმცა კანონპროექტის არსებულ რედაქციაში ნამდვილად არის მუხლი, რომელიც ტურისტულ ბიზნესში მოქმედი კომპანიების ეკონომიკურ საქმიანობათა რეესტრში რეგისტრაციას და გიდების სერტიფიცირებას ითვალისწინებს. რაში ხედავს ტურისტული სექტორი გამოსავალს და რა ეტაპზეა ტურიზმის შესახებ ახალ კანონპროექტზე მუშაობის პროცესი? სტუმრები: ნატალია ბახტაძე, საქართველოს ეკოტურიზმის ასოციაციის თანადამფუძნებელი; ვანო ვაშაყმაძე, ტურიზმის ექსპერტი #ახალიამბები #BusinessMediaGeorgia
სარკინიგზო სექტორს ახალი ზედამხედველი ეყოლება. მთავრობა ახალ სსიპ-ს , სარკინიგზო ტრანსპორტის სააგენტოს ქმნის, რომელიც ეკონომიკის სამინისტროს ქოლგის ქვეშ იმუშავებს და სარკინიგზო სექტორს ზედამხედველობას და მონიტორინგს გაუწევს. სარკინიგზო კოდექსში ცვლილებების განმარტებით ბარათში წერია, რომ საქართველოში სარკინიგზო ტრანსპორტი თითქმის სრულად დაურეგულირებელ დარგს წარმოადგენს, „საქართველოს რკინიგზას კი აქვს ფუნქციები“, რომელიც თავისი შინაარსით სახელმწიფოს ვალდებულებას წარმოადგენს და კომპანიას თავისი კომერციული ინტერესების სრულად რეალიზებაში ხელს უშლის. გარდა იმისა, რომ დღეს სარკინიგზო ტრანსპორტის დარგის რეგულირებასა და ზედამხედველობაზე პასუხისმგებელი სუბიექტი არ არის განსაზღვრული, მემანქანეთა მართვის მოწმობების გაცემა და სერტიფიცირებაც საქართველოს რკინიგზის მიერ ხორციელდება. ეკონომიკის მინისტრის მოადგილის გურამ გურამიშვილის განმარტებით, ამ მიმართულებას ახალი სააგენტო სრულად დაფარავს. სარკინიგზო კოდექსში ცვლილებებში მნიშვნელოვანია გარემოებაა ისიც, რომ სარკინიგზო ტრანსპორტის სააგენტოს სარკინიგზო სუბიექტების შემოწმება მოსამართლის ბრძანების გარეშე შეეძლება. კანონპროექტის თანახმად, სააგენტო ფუნქციონირებას დაახლოებით 1,5 წელიწადში დაიწყებს. ამ ეტაპზე სააგენტოში 12 საშტატო ერთეულია გაწერილი. მომდევნო რამდენიმე წლის განმავლობაში სააგენტოს ბიუჯეტი 1,5 მილიონი ლარი იქნება. ეკონომიკის სამინისტრო, რომელიც წარმოდგენილი კანონპროექტის ავტორია, განმარტავს, რომ ცვლილებები ევროკავშირთან ასოცირების შეთანხმების დღის წესრიგს წარმოადგენს. ჯამში 8 ევროდირექტივა არსებობს სარკინიგზო მიმართულებით, საიდანაც სამი უკვე შესრულებულია. სტუმარი: პაატა ცაგარეიშვილი, სატრანსპორტო დერეფნის კვლევის ცენტრის ხელმძღვანელი #ახალიამბები #BusinessMediaGeorgia
CNBC-ის ინფორმაციით, ბაზარზე ახალი მედიკამენტები გამოჩნდა, რომლებიც ჭარბწონიანებს წონის კლებაში ეხმარება, თანაც იმაზე ეფექტურად, ვიდრე აქამდე არსებული სხვა პრეპარატები. საერთაშორისო მედიების ინფორმაციით, ეს პრეპარატები უამრავ კითხვის ნიშანს აჩენს, თუმცა ამის მიუხედავად, ისინი ზოგიერთ ქვეყანაში უკვე ნებადართულია. ერთ-ერთი ასეთი პრეპარატი wegovy-ია, რომელსაც აქტიურად იყენებენ აშშ-სა და დიდ ბრიტანეთში. ფარმაცევტული ინდუსტრიის წარმომადგენლები ამბობენ, რომ ეს მედიკამენტი ყველა სხვა წონის კლების საშუალებას ჩაანაცვლებს. #ახალიამბები #BusinessMediaGeorgia
ვიდრე ჯანდაცვის მინისტრი პირობას შეასრულებს და სამუშაო კვირის ბოლოს რესპუბლიკური საავადმყოფოს თანამშრომლებს შეხვდება პროტესტში მონაწილეებს მისი მოადგილე ილია ღუდუშაური და „რესპუბლიკური საავადმყოფოს“ დირექტორი, ზაზა ავალიანი შეხვდნენ. კონკრეტული შედეგები არ არის. „რესპუბლიკური საავადმყოფოს“ მედიკოსები შენობის დემონტაჟს აპროტესტებენ. ისინი უნდობლობას უცხადებენ ჯანდაცვის სამინისტროს და აღნიშნავენ, რომ კლინიკა დემონტაჟს არ საჭიროებს. რას ითხოვენ და რას ელიან სამინისტროსგან რესპუბლიკური საავადმყოფოს თანამშრომლები? სტუმარი: გიორგი დუნდუა - რესპუბლიკური საავადმყოფოს ინტენსიური თერაპიის განყოფილების ხელმძღვანელი; #ახალიამბები #BusinessMediaGeorgia
მსოფლიოს მასშტაბით თითქმის ყველა ქვეყანაში იმ მუშახელს, რომელიც კვირაში საშუალოდ 40 საათი მუშაობს ანაზღაურებადი შვებულების გამოყენების უფლება აქვს. რა თქმა უნდა, შვებულების დღეების რაოდენობა თითოეულ ქვეყანაში განსხვავებულია და ეს სხვადასხვა ფაქტორზეა დამოკიდებული. რომელ ქვეყნებში სარგებლობენ ყველაზე ხანგრძლივი ანაზღაურებადი შვებულებით, ამასთან რომელ სახელმწიფოებს აქვთ დღესასწაულებთან დაკავშირებული ყველაზე მეტი უქმე დღე? #ახალიამბები #BusinessMediaGeorgia
Euromoney, თიბისი პირველად საქართველოში საუკეთესო პერსონალური საბანკო მომსახურებისთვის დააჯილდოვა. Euromoney მსოფლიოს ერთ-ერთი წამყვანი გამოცემაა, რომელიც 50 წელია საერთაშორისო ფინანსურ მიმოხილვებს აქვეყნებს. დაჯილდოება, რომელიც 1992 წლიდან იმართება, ერთ-ერთი ყველაზე ავტორიტეტული ღონისძიებაა საბანკო-საფინანსო ინდუსტრიაში. პერსონალურ საბანკო მომსახურებასა და დაგროვილი კაპიტალი მართვის მიმართულებით, Euromoney უკვე 20 წელია საერთაშორისო საბანკო სექტორს იკვლევს. Euromoney-ის ჯილდო ისეთ კომპანიებსა და ადამიანებს გადაეცემათ, რომლებიც ლიდერობითა და ინოვაციური მიდგომებით გამოირჩევიან. სტუმარი: ნატა ხურციძე - თიბისის პერსონალური საბანკო მომსახურების ხელმძღვანელი #ახალიამბები #BusinessMediaGeorgia
GeParts-ის ახალი პროდუქტი - chatbot-ის მომსახურება სტუმარი: პაატა ბერიაშვილი - GeParts-ის დამფუძნებელი და დირექტორი; #ახალიამბები #BusinessMediaGeorgia
საგაზაფხულო მიღება კონსტრუქტ2-ში და ახალი ფილიალი კახეთში სტუმარი: შოთა ბერეკაშვილი - "ბიქეი ჰოლდინგის" მმართველი პარტნიორი; თამარ ზაქარაშვილი - სამშენებლო კოლეჯ „კონსტრუქტ2“-ის დირექტორი. #ახალიამბები #BusinessMediaGeorgia
ფინეთი უკვე ოფიციალურად ნატო-ს 31-ე წევრი სახელმწიფოა. ფინეთის საგარეო საქმეთა მინისტრმა, პეკა ჰავისტომ გაწევრიანების ოფიციალური პროცესი გუშინ შედგა. დროშა აღმართული, ბრიუსელში ახლა 31 სახელმწიფოს დროშა ფრიალებს. ალიანსში გაწევრიანება „ფინეთს უფრო უსაფრთხოს და ნატო-ს უფრო ძლიერს გახდის“- ასეთი იყო მისასალმებელი სიტყვა ნატო-ს გენერალური მდივნის იენს სტოლტენბერგის. მისი თქმით, რუსეთის პრეზიდენტს, ვლადიმერ პუტინს უკრაინაში შეჭრის გაცხადებული მიზანი ჰქონდა - “მიეღო ნაკლები ნატო მის საზღვრებთან, მაგრამ ის ზუსტად საპირისპიროს იღებს“.ფინეთი რუსეთთან 1340 კმ სიგრძის აღმოსავლეთ საზღვარს იზიარებს, რაც ნიშნავს, რომ ფინეთის ალიანში გაწევრიანებით, ნატოს წევრ სახელმწიფოებთან რუსეთის საზღვრის სიგრძე გაორმაგდა. ფინეთმა, შვედეთთან ერთად, ნატოში გაწევრიანების განაცხადი გასული წლის მაისში, რუსეთის მიერ უკრაინაში ომის დაწყების გამო, განაცხადა და ამ ნაბიჯით უარი თქვა, მრავალწლიან პოზიციაზე, რომლის მიხედვითაც, სამხედრო ალიანსის გარეთ ყოფნა რუსეთისგან საფრთხეების თავიდან არიდების საუკეთესო გზად განიხილებოდა. უკრაინაში განვითარებული მოვლენების შემდეგ, მათ არჩიეს ნატოს მეხუთე მუხლის დაცვა, რომელიც ამბობს, რომ ერთ წევრზე თავდასხმა არის თავდასხმა ყველაზე. ფაქტობრივად, ეს ნიშნავს, რომ თუ ფინეთს თავს დაესხნენ, ნატოს ყველა წევრი, მათ შორის აშშ, მას დაეხმარება. ფინეთს მისალოცი აქვს და ეს პირველი ეტაპია ქვეყნის ახალი რეალობისთვის. რუსეთისთვის ნაკლებად. #ახალიამბები #BusinessMediaGeorgia
Visual Capitalist-ი საერთაშორისო სავალუტო ფონდის განახლებულ მონაცემებზე დაყრდნობით, მსოფლიოს უმდიდრესი ქვეყნების რეიტინგს აქვეყნებს. ის, მოსახლეობის ცხოვრების პირობების შესახებ სრულყოფილი სურათის წარმოსადგენად ითვლის მთლიან შიდა პროდუქტს ერთ სულ მოსახლეზე, განსაზღვრავს თუ როგორ ცხოვრობს ხალხი, როგორია სავალუტო რყევები, რა ღირებულება აქვს ისეთ აუცილებელ ნივთებს, როგორიცაა საკვები და ტანსაცმელი. რომელია მსოფლიოში ყველაზე მდიდარი ქვეყნები ერთ მოსახლეზე მთლიანი შიდა პროდუქტის რაოდენობის მიხედვით? #ახალიამბები #BusinessMediaGeorgia