როგორია მომხმარებლის დანახარჯების დინამიკა ქართულ ტანსაცმელზე? სტუმარი: ნინო უგრეხელიძე - CO.MODE-ის დამფუძნებელი. #ახალიამბები #BusinessMediaGeorgia
თიბისი კაპიტალმა ტანსაცმელსა და აქსესუარებზე მომხმარებლის დანახარჯების დინამიკა გამოაქვეყნა. 1-7 თებერვლის პერიოდში, უნაღდო დანახარჯების წლიური ზრდა ტანსაცმელსა და აქსესუარებზე, თიბისი ბანკის არხებით, გაუმჯობესდა და ზრდის ტემპმა 41% შეადგინა, ხოლო ტრანზაქციის საშუალო ღირებულება შემცირდა და 91 ლარს შეადგენს. სხვა საცალო მაღაზიებში უნაღდო დანახარჯების მოცულობა, თიბისი ბანკის არხებით, გაიზარდა და წლიურმა ზრდამ 21% შეადგინა. #ახალიამბები #BusinessMediaGeorgia
MSZ Georgia-ს ისტორია 2011 წლიდან იწყება. კომპანია ამ დროის განმავლობაში პრიორიტეტს არ იცვლის და მთელი ამ დროის განმავლობაში იყო როგორც მაღალი ხარისხის სერვისის მიწოდება მომხმარებლისთვის, ასევე მუდმივი სწრაფვა განვითარებისკენ. სტუმარი: ნათია ბედინეიშვილი - შპს MSZ GEORGIA-ს აღმასრულებელი დირექტორი; ზვიად სურმანიძე - შპს "ქართული ჰოლდინგის" თანადამფუძნებელი და აღმასრულებელი დირექტორი. #ახალიამბები #BusinessMediaGeorgia
საქართველოში ონლაინ კომპიუტერული თამაშების შექმნა და მისი საზღვრებს გარეთ გატანა დროთა განმავლობაში სულ უფრო მომგებიანი ბიზნესი ხდება. კომპანიების დამფუძნებლები აღნიშნავენ, რომ ამ სფეროს წარმატებულ ბიზნესად ქცევა შესაძლებელია და ის მათ მოგებასაც მოუტანს. ონლაინ კომპიუტერული და მობაილ თამაშების დამფუძნებლები ამბობენ, რომ საქართველოს უცხოეთის ბაზარზე დამკვიდრებისთვის საჭირო პოტენციალი აქვს და ამისთვის ბაზარზე მეტი პროფესიონალი კადრის არსებობაა საჭირო. #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით რატი მესხიშვილი სტუმარი: რატი მესხიშვილი - Galt&Taggart;-ის უფროსი ასოცირებული ბროკერი; #ახალიამბები #BusinessMediaGeorgia
საქართველოს ეკონომიკის მიმოხილვა Galt&Taggart;-ისგან - ლაშა ქავთარაძე სტუმარი: ლაშა ქავთარაძე, Galt&Taggart;-ის ეკონომისტი #ახალიამბები #BusinessMediaGeorgia
Audi TT-ს 25-წლიანი წარმოების ისტორიას სრულდება; რუსეთში საავტომობილო სექტორზე დაწესებული სანქციების გამო მეორადი მანქანების გაყიდვები იზრდება; Tesla აშშ-ში 362,000 ავტომობილს უკან გაიწვევს; VinFast-მა 2,800 ელექტრომობილი უკან გაიწვია; Ford-ი ევროპაში 3,800 თანამშრომელს გაათავისუფლებს; GRIP - ტოიოტას ელექტრომობილი "კიბორჩხალას რეჟიმით" #ახალიამბები #BusinessMediaGeorgia
„საერთაშორისო გამჭვირვალობა - საქართველო” -მ აჭარაში თანამდებობის პირების კუთვნილ მიწის ნაკვეთებზე მიმდინარე და დასრულებული მშენებლობების კანონიერების შესწავლის შედეგების მორიგი ანგარიში წარმოადგინა. საერთაშორისო გამჭვირვალობა საქართველო რამდენიმე კონკრეტულ ამბავზე საეჭვო გარემოებებს ადგენს და შესაბამისად დასკვნებში მიუთითებს, რომ კითხვები თანამდებობის პირების კუთვნილ მშენებლობებთან დაკავშირებით არის. რის საფუძველზეა არასამთავრობო ორგანიზაციის დასკვნები გაკეთებული? სტუმარი: მალხაზ ჭკადუა - "საერთაშორისო გამჭვირვალობა-საქართველოს" ბათუმის ოფისის ხელმძღვანელი და სამოქალაქო საბჭოების კოორდინატორი; #ახალიამბები #BusinessMediaGeorgia
პლასტიკური ქირურგია თანამედროვე მედიცინის ერთ-ერთი ყველაზე სწრაფად განვითარებად, წარმატებულ მიმართულებად ითვლება, რომლის პოპულარობა საქართველოშიც მზარდია. ადგილობრივ ბაზარზე პლასტიკური ქირურგიით დაინტერესებულებისთვის იმის კომფორტი, რომ პლასტიკურ ქირურგიაში ხარისხიანი სერვისი მიიღოს ცალსახად აქვთ, ამას მათ შორის უცხოელი პაციენტების მცირედით, მაგრამ მზარდი ტენდენცია ადასტურებს. როგორ ვითარდება ეს ბიზნესი საქართველოში და რამდენად მზარდია მომხმარებელთა რაოდენობა? #ახალიამბები #BusinessMediaGeorgia
რა განიხილა გუშინ მინისტრთა კაბინეტმა? #ახალიამბები #BusinessMediaGeorgia
აშშ-ის პრეზიდენტის მოულოდნელი ვიზიტი კიევში #ახალიამბები #BusinessMediaGeorgia
გასულ 2022 წელს სატვირთო გადაზიდვებში 19%-იანი შემცირება დაფიქსირდა. ინფორმაციას ამის შესახებ სამოქალაქო ავიაციის სააგენტო ავრცელებს. სააგენტომ იმ კომპანიების ჩამონათვალიც გამოაქვეყნა, რომლებმაც ყველაზე მეტი მოცულობის ტვირთი გადაზიდეს. BMG-იმ საჰაერო გზით ტვირთების გადამზიდავ კომპანიებში გასული 2022 წელი და გადაზიდვების შემცირების მიზეზები მოიკითხა. #ახალიამბები #BusinessMediaGeorgia
რუსეთი საქართველოს მთავარი სავაჭრო პარტნიორია #ახალიამბები #BusinessMediaGeorgia
#საქმიანიდილა - 21 თებერვალი - პროლოგი #ახალიამბები #BusinessMediaGeorgia
ჯეიმს კამერონის რეჟისორობით გადაღებული ფილმის, Avatar: The Way of Water-ის ბილეთების გაყიდვით მიღებულმა შემოსავალმა $2.244 მილიარდს გადააჭარბა. შედეგად, მან 1997 წელს გამოსულ Titanic-ს გადაუსწრო და ყველა დროის ყველაზე შემოსავლიანი ფილმების რეიტინგში მე-3 ადგილზე გადაინაცვლა. ცნობისთვის, Titanic-ს, რომლის რეჟისორიც ასევე ჯეიმს კამერონია, გლობალურად ბილეთების გაყიდვით $2.243 მილიარდი აქვს შეგროვებული. აქვე გეტყვით, რომ ყველაზე შემოსავლიანი ფილმების რეიტინგში ლიდერის პოზიცია კამერონის Avatar-ის პირველ ნაწილს უჭირავს, $2.923-მილიარდიანი შემოსავლით. კინოსურათი 2009 წელს გამოვიდა. #ახალიამბები #BusinessMediaGeorgia
“საქართველოს ეროვნული ბანკის კანონში ცვლილების შეტანის მიზნით გადადგმული ბოლოდროინდელი ნაბიჯები, რომელიც ცვლის საქართველოს ეროვნული ბანკის მართვის სტრუქტურას, თავდაუზოგავი შრომით მოპოვებული სანდოობის დაკარგვის რისკს ქმნის,”- ნათქვამია საერთაშორისო სავალუტო ფონდის მისიის ხელმძღვანელის, ჯეიმს ჯონის განცხადებაში. IMF-ის მისია საქართველოში 13-17 თებერვლის მონაკვეთში იმყოფებოდა. ორგანიზაცია კრიტიკულად აფასებს ეროვნული ბანკის კანონში დაჩქარებული წესით შეტანილ ცვლილებებს, რომელიც სებ-ის პირველი ვიცე-პრეზიდენტის პოსტს ამკვიდრებს. ინფორმაციისთვის, საქართველოს პარლამენტმა ეროვნული ბანკის შესახებ კანონი დაჩქარებული წესით 9 თებერვალს მიიღო. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
საქართველოს მთავრობა ქვეყანაში არსებული ავტოსადგურების რეგულირებას და მათ ლიცენზირებას გეგმავს. კანონპროექტის მიხედვით, რომლის განხილვასაც პარლამენტი საგაზაფხულო სესიაზე აპირებს, მოხდება ავტოსადგურების დიფერენცირება 3 კლასად, სანებართვო საქმიანობის სახეები კი შემდეგნაირად განისაზღვრება - საავტომობილო-სამგზავრო გადაყვანა და საერთაშორისო საავტომობილო-სატვირთო გადაზიდვა. სამგზავრო გადაყვანების თანამედროვე მოთხოვნებთან შესაბამისობაში მოყვანის მიზნით, დადგინდება სანებართვო პირობები, წარმოსადგენი დამატებითი დოკუმენტების ნუსხა, მოქმედების ვადები, როგორც ქვეყნის შიდა რეგულარული სამგზავრო გადაყვანის, ისე საერთაშორისო სამგზავრო გადაყვანის და საერთაშორისო საავტომობილო სატვირთო გადაზიდვის შემთხვევაში. თემა გარკვეული პერიოდულობით აქტიურდება, თუმცა წლების წინ განცხადებული დანაპირების მიუხედავად ავტოსადგურების პრობლემის მოგვარება ვერცერთ ჯერზე ვერ მოხერხდა. რა ხდება დღეს, რამდენად რეალისტურია დაგეგმილი ცვლილებები და რა იცის თემაზე ბიზნესმა? სტუმარი: ნესტორ მიქატაძე - „დიდუბის ავტოსადგურის“ ხელმძღვანელი; #ახალიამბები #BusinessMediaGeorgia
#ამერიკისხმა: ჩიკაგოს ავტოგამოფენა - უახლესი ტექნოლოგიები ავტოინდუსტრიიდან #ახალიამბები #BusinessMediaGeorgia
„ქვეყანაში გვაქვს ძალიან ბევრი აფთიაქი, იმაზე დაახლოებით 3-ჯერ მეტი ვიდრე გვჭირდება“ - ეს განცხადება გასული კვირის ბოლოს ჯანდაცვის მინისტრმა ზურაბ აზარაშვილმა პარლამენტში გამოსვლისას გააკეთა, სადაც დეპუტატმა რეფერენტული ფასების შემოღების შემდეგ წამლებზე შესაძლო დეფიციტის შესახებ დაუსვა კითხვა. მინისტრი ამბობს, რომ აფთიაქების ნაწილში სხვადასხვა მედიკამენტებზე დეფიციტი ხელოვნურად იქმნება და სამინისტროს ამისთვის სხვადასხვა კონტროლის მექანიზმები აქვს. მისივე თქმით, რეფერენტული ფასის ამოქმედების პირველივე დღეს პანიკა იყო, განსაკუთრებით კი ეს თურქულ მედიკამენტებს ეხებოდა. ინფორმაციისთვის, 15 თებერვლიდან ყველა კომპანია, იმპორტიორი, დისტრიბუტორი თუ საცალო მოვაჭრე ვალდებულია, რომ მედიკამენტებზე მაქსიმალური ზედა ზღვარი განსაზღვრული რეფერენტული ფასის მიხედვით დაადგინოს. ფარმაცევტულ კომპანიებს 31 იანვრამდე ჰქონდათ ვადა, რომ ჯანდაცვის სამინისტროსთვის უკვე განსაზღვრულ რეფერენტულ ფასებზე შენიშვნები გადაეგზავნათ. ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ მთავრობის დადგენილებაში ჩამოთვლილია რეფერენტული ქვეყნები – ესენია: ლატვიის რესპუბლიკა, მონტენეგრო, ბულგარეთის რესპუბლიკა და ჩრდილოეთ მაკედონიის რესპუბლიკა. სტუმარი: ირაკლი მარგველაშვილი - "ფარმაცევტული კომპანიების წარმომადგენელთა ასოციაციის" დირექტორი; #ახალიამბები #BusinessMediaGeorgia
ბაღდათის მუნიციპალიტეტში, კომპანია „საირმე მინერალ ვოთერსის“ ქარხნის ტერიტორიაზე დასაქმებულთა პროტესტი გრძელდება. აგრომეურნეობის, ვაჭრობისა და მრეწველობის პროფკავშირის ორგანიზებული გაფიცვის მე-8 დღეს, გაფიცულები კომპანიის მხრიდან შრომითი უფლებების მათი შეფასებით მინიმალური სტანდარტების დაკმაყოფილებას ითხოვენ, რომელშიც მოიაზრება შრომითი ანაზღაურების დარიცხვას ყოველი თვის 15 რიცხვამდე, საქსტატის მიერ გამოქვეყნებული ინფლაციის მიხედვით ხელფასების ინდექსაცია; ზეგანაკვეთური შრომის ანაზღაურება; მე-13 ხელფასი; ღამის ცვლაში მუშაობის ორმაგი ანაზღაურება; კვების დანამატი; შრომით ხელშეკრულება მძღოლებისთვის; საპენსიო შენატანის გადახდა დამსაქმებლის მიერ; საწარმოსთან მისასვლელი გზის შეკეთება, შენობის გათბობით უზრუნველყოფა და მენეჯმენტში ცვლილება. პროფკავშირებში აცხადებენ, რომ გაფიცულთა რაოდენობა იზრდება და მათ კომპანიის თანამშრომლების გარდა სხვა ორგანიზაციის წარმომადგენლებიც უერთდებიან. როგორია ვითარება ადგილზე პროტესტიდან 8 დღის შემდეგ? სტუმარი: გიორგი დიასამიძე - აგრომეურნეობის, ვაჭრობისა და მრეწველობის პროფკავშირის ხელმძღვანელი; #ახალიამბები #BusinessMediaGeorgia
#ავიაციისსიახლეები: ალმათი - ახალი მიმართულება ქუთაისის საერთაშორისო აეროპორტიდან; Air France თბილისის აეროპორტიდან სიხშირეს ამატებს; იანვარში ქუთაისის აეროპორტში მგზავრების რაოდენობა 53%-ით გაიზარდა; თბილისის აეროპორტში ბარგის შესამოწმებლად უახლესი აპარატები დამონტაჟდება; „ტავ ჯორჯია“ ტერმინალში დაგეგმილ სამუშაოებზე წელს 24 მილიონ ლარზე მეტს დახარჯავს; შიდა ფრენების 2 ახალი მიმართულება - Service Air ახალი ტენდერის მოლოდინშია; Service Air რეგიონის ქვეყნებში ფრენების შესრულებას გეგმავს. #ახალიამბები #BusinessMediaGeorgia
კომპანია „ელთიბი“ შეღებილი ფასადების სრულ კოლექციაზე 35%-იან ფასდაკლებას იწყებს დღეიდან კოლექციის განახლებამდე კომპანია მომხმარებელს შეღებილი ფასადების სრულ ასორტიმენტზე 35%-იან ფასდაკლებას სთავაზობს. სტუმარი: მარიამ აბდუშელიშვილი - "ელითიბის" მარკეტინგის მენეჯერი; #ახალიამბები #BusinessMediaGeorgia
როგორ ვითარდება კერძო სკოლების ბიზნესი საქართველოში? სტუმარი: სიკო ჯანაშია “გივი ზალდასტანიშვილის სახელობის ამერიკული აკადემია თბილისში”, ინსტიტუტის მენეჯერი; #ახალიამბები #BusinessMediaGeorgia
StrategEast-მა საქართველოში IT HUB -ის პროგრამა დაიწყო, რაც გულისხმობს IT ტრენინგებს სხვადასხვა მიმართულებით და რომელიც თავის მხრივ რომელიც მოიცავს თეორიული და პრაქტიკულ ცოდნას. პროექტი მოამზადებს 100 ქართველ ახალგაზრდას და 100 საქართველოში მცხოვრებ უკრაინელს. ჯამში 200 ახალგაზრდა. ტრენინგების შემდგომ წარმატებულ კურსდამთავრებულებს დავეხმარებით დასაქმებაში. 2020 წელს უკვე განხორციელდა მსგავსი პროექტი, რომლის ფარგლებშიც 40 ახალგაზრდა გადამზადდა და დღემდე დასაქმებულები არიან. სტუმარი: ლიკა მერაბიშვილი - "სთრათეჯისთის" კავკასიის რეგიონალური დირექტორი; #ახალიამბები #BusinessMediaGeorgia
2023 წლის 1 იანვრიდან, ბიზნესისთვის შიდა ბაზარზე რეალიზაციისთვის განკუთვნილი ალკოჰოლური სასმელების სერტიფიცირება სავალდებულო გახდა. აღმოჩნდა, რომ ამან ზოგიერთ ღვინის მწარმოებელ კომპანიას პრობლემა შეუქმნა. კერძოდ, სავაჭრო ქსელებიდან დახლზე განთავსებული ღვინოები აიღეს და ახლა ბოთლზე ეტიკეტირება ხელახლა უნდა მოხდეს, რაც ბიზნესისთვის დაკარგული დრო და დამატებითი ხარჯია. თუმცა, საბოლოო ჯამში ბიზნესი სიახლეს დადებითად აფასებს, რადგან მიიჩნევენ, რომ ეს ქვეყანაში ღვინის ხარისხის გაუმჯობესებას ხელს შეუწყოს. #ახალიამბები #BusinessMediaGeorgia
საქართველოს პრემიერი მიუნხენის უსაფრთხოების კონფერენციაზე #ახალიამბები #BusinessMediaGeorgia
2023 წლის ბაკურიანის ჩემპიონატი ოფიციალურად გახსნილია. ჩემპიონატის გახსნის ოფიციალური ღონისძიება 18 თებერვალს იყო და პირველი ფინალებიც დაისტარტა. შეჯიბრებაში მონაწილეობას 700-ზე მეტი სპორტსმენი იღებს და ის 5 მარტამდე გაგრძელდება. მთავარი ლოკაციები დიდველისა და კოხტას მთებია. სწორედ აქ შეიკრიბება ასობით სპორტსმენი 42 ქვეყნიდან 7 სახეობაში საასპარეზოდ. მათ შორის გამოვლენ ქართველი ათლეტები სქი-ქროსის და ფრისტაილის კატეგორიაში. #ახალიამბები #BusinessMediaGeorgia
#საქმიანიდილა - 20 თებერვალი - პროლოგი #ახალიამბები #BusinessMediaGeorgia
Inter Rao–ს საარბიტრაჟო დავა – რომან გოცირიძის შეფასება სტუმარი: რომან გოცირიძე - პარლამენტარი; #ახალიამბები #BusinessMediaGeorgia
სანამ საქართველოს პრემიერმინისტრი ბიზნესომბუდსმენად ოთარ დანელიას დანიშნავდა, მანამდე – ჯერ კიდევ ბიზნესომბუდსმენის კანდიდატურის ძიების პროცესში, მსხვილ ბიზნესთან გამართულ შეხვედრაზე პრემიერმა კერძო სექტორს შესაფერისი კანდიდატურის დასახელება სთხოვა. მაშინ ბიზნესი მიიჩნევდა, რომ ბიზნესომბუდსმენის კანდიდატი ასოციაციებიდან უნდა შერჩეულიყო და ბიზნესგაერთიანებებს საკუთარი კანდიდატები დროულად უნდა წარედგინათ. თემურ ჭყონიამ მაშინ თქვა, რომ რესტორატორთა ასოციაციის ხელმძღვანელის შოთა ბურჯანაძის კანდიდატურა ცუდი ვარიანტი არ იყო. შოთა ბურჯანაძეს მაშინ ასეთი პოზიცია ეჭირა – “გააჩნია, რა პირობები იქნება. მე საქმეს ახლაც ვაკეთებ. ის რაც ბიზნესს უჭირს, ეს სიტყვა იქამდე მიმაქვს. ეს თუ იქნება შესაძლებლობა, რომ უკეთესად გაკეთდეს საქმე, ამ შემთხვევაში განიხილება. თუმცა თუ იგივე იქნება, რა თქმა უნდა, არ განვიხილავ. ჩემი სფერო საჯარო სფერო არ არის”. სტუმარი: შოთა ბურჯანაძე - "რესტორატორთა ასოციაციის" დამფუძნებელი; #ახალიამბები #BusinessMediaGeorgia
სახელმწიფო აუდიტის სამსახურმა ბიზნესომბუდსმენის საქმიანობის ეფექტიანობის ანგარიში გამოაქვეყნა. დოკუმენტი 2018-2021 წლებში აუდიტის სამსახურის საქმიანობას აფასებს. დოკუმენტის მიხედვით, ბიზნესომბუდსმენის აპარატს თავად ამ უწყების საქმიანობის ცნობადობის ამაღლებისთვის შესაბამისი ნაბიჯები არ გადაუდგამს. “2018-2021 წლებში ბიზნესომბუდსმენის აპარატის მიერ არ განხორციელებულა საკმარისი ღონისძიებები მისი საქმიანობის ცნობადობის ამაღლების მიზნით, რაც გავლენას ახდენს ბიზნესომბუდსმენის საქმიანობის ეფექტიანობაზე,” - ნათქვამია დოკუმენტში. აუდიტის სამსახური ყურადღებას ამახვილებს იმ ფაქტზეც, რომ ბიზნესომბუდსმენის აპარატს დღემდე არ აქვს განსაზღვრული სამსახურის დებულება. “კანონის შესაბამისად, ბიზნესომბუდსმენის უფლებამოსილების განხორციელების უზრუნველსაყოფად, იქმნება ბიზნესომბუდსმენის აპარატი, რომლის სტრუქტურა და საქმიანობის წესი განისაზღვრება აპარატის დებულებით. როგორც წესი, დებულებაში ასახული უნდა იყოს სტრუქტურული ერთეულების ფუნქციები, მოვალეობები, ანგარიშვალდებულება, მუშაობის ზოგადი პრინციპები. ასევე, აპარატის ძირითადი ამოცანაა ბიზნესომბუდსმენის საქმიანობის ანალიტიკური, ორგანიზაციული, იურიდიული, დოკუმენტური, საინფორმაციო, საფინანსო და მატერიალურ-ტექნიკური უზრუნველყოფა. 2015 წლის 5 ივნისიდან საგადასახადო ომბუდსმენის ინსტიტუტმა საქმიანობა განაგრძო განახლებული სახელწოდებით და ფუნქციებით. მიუხედავად კანონმდებლობის მოთხოვნისა, დღემდე არ არის დამტკიცებული დებულება, რომლითაც უნდა განსაზღვრულიყო აპარატის სტრუქტურა და საქმიანობის წესი", - ნათქვამია აუდიტის სამსახურის მიერ მომზადებულ ანგარიშში. გარდა ამისა, აუდიტის შედეგად გამოვლინდა შემდეგი მიგნებები: ბიზნესსუბიექტების განცხადებებზე რეაგირების ნაკლოვანებები; განცხადებების მიღების ელექტრონული პორტალის ტექნიკური ხარვეზები; დოკუმენტურად დაუდასტურებელი გაცემული რეკომენდაციები და შუამდგომლობები; რეკომენდაციების შესრულების მონიტორინგის ნაკლოვანებები და საინფორმაციო-საკონსულტაციო საქმიანობის ნაკლოვანებები. სტუმარი: რაულ აგიკიანი - "აი.ელ.სი"-ს დირექტორი; #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს რამდენი ელექტრომობილის დამტენი სჭირდება საქართველოს? რა ღირს ელექტრომობილის დამუხტვა? „საქართველოს პარლამენტის ავტოპარკის 10%, იქნება ელექტრო“ BMGDRIVE-ის მგზავრი: დავით იოსავა - e-space-ის აღმასრულებელი დირექტორი; ავტორები: ბექა ბაციკაძე, ედგარ ყაზახაშვილი, ლადო ცხადაია. #ელექტრომობილი #Jeep #JeepGeorgia #სტრადამოტორსი #ბიზნესმედია
საქართველოს ეროვნულმა ბანკმა ინფლაციური მოლოდინების შესახებ მორიგი კვლევა გამოაქვეყნა, რომლის მიხედვითაც, ბიზნესები ქვეყანაში ინფლაციის შემცირების ტრენდის გაგრძელებას მოელიან. იანვრის მაჩვენებლების მიხედვით, ინფლაციის შემცირება უფრო ნელი ტემპით მოხდება, ვიდრე ეს დეკემბრის პროგნოზში იყო ასახული. გამოკითხულთა აზრით, საკუთარ პროდუქციაზე/მომსახურებაზე ფასების ცვლილების მოლოდინი 1 წლიან პერიოდში გაზრდილია. კერძოდ, დეკემბერთან შედარებით მომატებულია იმ რესპონდენტთა რაოდენობა, რომლებიც ფასების მატებას 6%-8%-იან ინტერვალსა და 8%-ზე მეტად მოიაზრებენ. მეორე მხრივ, დაიკლო იმ რესპონდენტთა რაოდენობამ, რომლებიც ფასების ცვლილებას 0%-2%-თან ახლოს ინტერვალში ფიქრობენ. სტუმარი: თამთა სოფრომაძე - სებ-ის მონეტარული პოლიტიკის განყოფილების უფროსი; #ახალიამბები #BusinessMediaGeorgia
თიბისი კაპიტალის სტუდენტური პროგრამის - „კემპის“ მე-4 ნაკადის გამარჯვებულების ვინაობა ცნობილია. პროექტმა წელს, მთელი საქართველოს მასშტაბით, 20 უნივერსიტეტი და III-IV კურსის 170 სტუდენტი გააერთიანა. სტუდენტებმა, პროექტის სხვადასხვა ეტაპზე, ინდივიდუალურ და ჯგუფურ დავალებებზე იმუშავეს. ფინალური ეტაპზე კი, ფინალისტებმა, თიბისი კაპიტალის გუნდის წევრებისგან დაკომპლექტებული ჟიურის წინაშე, ჯგუფური პროექტები წარადგინეს. სტუმრები: ნინო რეხვიაშვილი - თიბისი კაპიტალის საინვესტიციო საბანკო მომსახურების ვიცე-პრეზიდენტი; თორნიკე მჭედლიშვილი - თიბისი კაპიტალის საბროკერო მიმართულების ვიცე-პრეზიდენტი; ანი მიქაძე - თიბისი კაპიტალის სტუდენტური პროგრამის „კემპის“ გამარჯვებული; მარიამ წოწონავა - თიბისი კაპიტალის სტუდენტური პროგრამის „კემპის“ გამარჯვებული #ახალიამბები #BusinessMediaGeorgia
საქართველომ რუსულ ენერგოგიგანტთან, Inter Rao-სთან ორი პარალელური საარბიტრაჟო დავა წააგო. მსოფლიო ბანკთან არსებულმა საინვესტიციო დავების მოგვარების საერთაშორისო ცენტრმა საქართველოს $76 მილიონი დოლარის კომპენსაციის გადახდა დააკისრა. ამავდროულად, სტოკჰოლმის საარბიტრაჟო ტრიბუნალმა საქართველოს ანალოგიურ დავაში $112 მილიონი დოლარის გადახდა დაეკისრა. თუმცა, არსებული მდგომარეობით უცნობია ამ ორი განაჩენიდან უშუალოდ რომლის გადახდა მოუწევს საქართველოს, რადგანაც წინასწარი ინფორმაციით, ორივე მათგანის სრული აღსრულება არ მოხდება.დაკისრებული სანქცია, რაც ამჟამინდელი კურსით 201 მილიონი ლარია საქართველოს ხაზინამ უნდა გადაიხადოს. 2023 წლის ბიუჯეტის ფისკალური რისკების ანალიზში ნათქვამია, რომ მომდევნო წლებში სასამართლო დავებში დაკისრებული სანქციების მოცულობის ზრდა არის მოსალოდნელი. ამავე დოკუმენტის მიხედვით, უმსხვილეს საარბიტრაჟო საქმეებში მოთხოვნილი კომპენსაციის ჯამური ოდენობა 2.8 მილიარდი დოლარია. რომელია ის ყველაზე მსხვილი საარბიტრაჟო დავები, რომელშიც დღეს საქართველოს მთავრობა მონაწილეობს, რა არის თითოეულ მათგანში მომჩივანი მხარის მიერ მოთხოვნილი კომპენსაცია და არ გვიჯდება იმ იურიდიული კომპანიების მომსახურება, რომლებიც ამ დავებში საქართველოს ინტერესებს იცავენ? #ახალიამბები #BusinessMediaGeorgia
რა შეიცვალა სამშენებლო ობიექტებზე შრომის უსაფრთხოების მიმართულებით? #ახალიამბები #BusinessMediaGeorgia
ვირტუალური რეალობა & ხელოვნური ინტელექტი გიორგი თოლორდავა, “საქმიანი საღამოს” წამყვანი; გიორგი არონია, “საქმიანი საღამოს” წამყვანი; სტუმარი: ნინო კოვზირიძე - ბრიტანული კომპანია VirtualSpeech-ის ბაზრებზე განვითარების ხელმძღვანელი; #ახალიამბები #BusinessMediaGeorgia
პოპულარული ქართული სტრიმინგ-პლატფორმების Adjaranet-ისა და iMovies-ის გათიშვიდან და ამის პარალელურად, ინტერნეტსივრცეში ლიცენზირებული ონლაინკინოთეატრი, Cavea+ - ის გამოჩენიდან ზუსტად 6 თვე გავიდა. მიუხედავად იმისა, რომ კინომოყვარულების მხრიდან ორი ყველაზე ძლიერი ვებ-გვერდის გათიშვას ვნებათაღელვა მოჰყვა, დღეს ეს საიტები მაინც ხელმისაწვდომია. BMG დაინტერესდა cavea + -ის 6 თვის შედეგებით და იმ გამოწვევებით, რაც მეკობრული ვებ-გვერდების მუშაობას ახლავს თან. #ახალიამბები #BusinessMediaGeorgia
ფოთში Lion Terminal Poti-ს ტერმინალი ოფიციალურად გაიხსნა. Lion Terminal Poti საერთაშორისო ლოჯისტიკურმა კომპანია Lion Trans -მა გახსნა. გახსნის ცერემონიალს კომპანიის ბიზნეს პარტნიორები, ცენტრალური და ადგილობრივი ხელისუფლების, ასევე მედიის წარმომადგენლები ესწრებოდნენ. Lion Terminal Poti უკვე ერთი წელია ფუნქციონირებს და კომპანია წლის განმავლობაში დაახლოებით 16 500-მდე კონტეინერის ტრანსპორტირებას შეძლებს. ტერმინალი ჯერჯერობით მხოლოდ ავტომობილების გადაზიდვით არის დაკავებული თუმცა Lion Terminal Poti გაფართოებას და სხვა ტვირთების ტრანსპორტირებასაც გეგმავს. Lion Trans-ი საერთაშორისო სატრანსპორტო კომპანიაა, რომელიც მომხმარებელს ლოჯისტიკური მომსახურების ფართო სპექტრს სთავაზობს და ახორციელებს როგორც სახმელეთო, ისე საზღვაო და საჰაერო გადაზიდვებს ამერიკიდან მსოფლიოს ყველა მიმართულებით. კომპანია ამავდროულად ერთ-ერთი ყველაზე დიდი ავტოიმპორტიორია ევროპასა და ახლო აღმოსავლეთში. #ახალიამბები #BusinessMediaGeorgia
საქართველოს ეკონომიკური წიგნიერების ინიციატივის გუნდი საქართველოში პირველად ეკონომიკის ოლიმპიადას სკოლის მოსწავლეებისთვის გამართავს, რომელიც ყოველწლიურად ჩეხური ორგანიზაცია INEV-ის მოდელით ჩატარდება. ასევე მნიშვნელოვანი ინფორმაციაა, რომ ხვალ, 17 თებერვალს, სკოლებისთვის რეგისტრაცია სრულდება, ამიტომ ვისაც აქვს სურვილი ოლიმპიადაში მონაწილეობის მიღების დარეგისტრირება უნდა იჩქარონ. პირველ ეკონომიკურ ოლიმპიადაზე მონაწილეობას მე-10, მე-11 და მე-12 კლასის მოსწავლეები შეძლებენ. ოლიმპიადა ადგილობრივ დონეზე ორი რაუნდისგან შედგება: სკოლის ტური, რომელიც წერითი ტესტირების სახით ჩატარდება და ეროვნული რაუნდი, რომელიც პანელურ დისკუსიებთან ერთად, წერით და ზეპირ ტესტირებას მოიცავს. რაც შეეხება მომდევნო, საერთაშორისო რაუნდს – ის სლოვაკეთში ჩატარდება და მონაწილეობას ეროვნულ ტურში შერჩეული 5 მონაწილე მიიღებს. #ახალიამბები #BusinessMediaGeorgia
2019 წლის შემდეგ სტუმარმასპინძლობის სექტორში ხელფასები გაზრდილია. როგორც bm.ge-ს რესტორატორთა ასოციაციის ხელმძღვანელმა განუცხადა, ბოლო პერიოდში სექტორში ხელფასების 50-დან 200%-მდე ზრდა ფიქსირდება. ხელფასების ზრდაზე საუბრობენ თავად რესტორატორებიც, თუმცა აღნიშნავენ, რომ კადრების შესანარჩუნებლად ანაზღაურების მატება კიდევ საჭიროა, მაგრამ ამაში ბიზნესს ხელს გაძვირებული ხარჯები უშლის. #ახალიამბები #BusinessMediaGeorgia
#საქმიანიდილა - 17 თებერვალი - პროლოგი #ახალიამბები #BusinessMediaGeorgia
ტყის ახალი კოდექსის ეფექტიანი აღსრულების ხელშეწყობის, მოსახლეობისა და კერძო სექტორის მერქნულ რესურსზე ხელმისაწვდომობის გამარტივებისა და სატყეო მეურნეობის განვითარების მიზნით, გარემოს დაცვისა და სოფლის მეურნეობის სამინისტროს ინიციატივით ქვეყნის მასშტაბით, თითქმის ყველა რეგიონში 39 „საქმიანი ეზო“ მოეწყო, რაც ტყესთან დაკავშირებული ყველა ინფორმაციისა და მომსახურების მიწოდების გამარტივებას უზრუნველყოფს. რას სთავაზობს ეროვნული სატყეო სააგენტო „სოციალური ჭრის“ გაუქმების სანაცვლოდ მოსახლეობას და რა პრინციპით ფუნქციონირებს საქმიანი ეზოები? სტუმარი: დავით დამენია- ეროვნული სატყეო სააგენტოს იურიდიული სამსახურის უფროსი; #ახალიამბები #BusinessMediaGeorgia
დაავადებათა კონტროლის ეროვნული ცენტრის 2021 წლის მონაცემებით, ქვეყანაში ფსიქიკური და ქცევითი აშლილობის მქონე 84 142 ადამიანია რეგისტრირებული, რაც 2020 წელთან შედარებით, თითქმის 3000-ით მეტია. 1990-იან წლების მიწურულში დაწყებული რეფორმებისა და მოგვიანებით, დიდი ფსიქიატრიული დაწესებულებების დახურვის შემდეგ, დღეს ფსიქიკური ჯანმრთელობის მქონე პაციენტებისთვის, საქართველოს მასშტაბით სულ 1394 საწოლია გამოყოფილი რაც დაახლოებით 50%-იან შემცირებას ნიშნავს. მათი ნაწილი, დაახლოებით 30% უკავიათ პაციენტებს, რომლებიც არ საჭიროებენ სტაციონარულ მკურნალობას და მცირე ტიპის საცხოვრისებში გადაყვანას საჭიროებენ. ქვეყნის მასშტაბით, ფსიქიკური ჯანმრთელობის პრობლემების მქონე პაციენტების სტაციონარული მკურნალობა 10 დაწესებულებასა და ფსიქიატრიულ განყოფილებაშია შესაძლებელი. მათ შორის, სამი დაწესებულება და განყოფილება თბილისშია, დანარჩენი, რეგიონებში. ის, რომ ქვეყანაში ფსიქიატრიული პაციენტებისათვის განკუთვნილი საწოლები რეალურად მცირეა, ამას რადიო თავისუფლებასთან არასამთავრობო ორგანიზაცია „საქართველოს ფსიქიკური ჯანმრთელობის ასოციაციის“ წევრებიც ადასტურებენ. ასოციაციის ხელმძღვანელი მანანა შარაშიძე ამბობს, რომ სიტუაცია კიდევ უფრო გართულდა მას შემდეგ, რაც ბოლო ხუთ წელში, თბილისში ორი ფსიქიატრიული განყოფილება დაიხურა და საწოლების რაოდენობა დაახლოებით 80-ით შემცირდა. კიდევ ერთი მიზეზი, რის გამოც ბოლო პერიოდი, ქვეყანაში ფსიქიატრიული საწოლების დეფიციტზე ალაპარაკდნენ ფსიქიკური ჯანმრთელობის პრობლემების მქონე პაციენტების ოჯახის წევრები, უკავშირდება სტაციონარული კლინიკების დაფინანსების ახალ მოდელს, რომელიც კლინიკების ხელმძღვანელებს უბიძგებს, რომ სტაციონარებში საწოლების რაოდენობა მუდმივად შევსებული იყო. რას გულისხმობს დაფინანსების ახალი მოდელი და როგორ ხდება საჭიროების შემთხვევაში ამა თუ იმ დარღვევის მქონე პაციენტისთვის დახმარების გაწევა? სტუმარი: ნანა ზავრადაშვილი - საქართველოს ფსიქიატრთა ასოციაციის გამგეობის წევრი, პროფესორი; #ახალიამბები #BusinessMediaGeorgia
მიმდინარე წელი დასაქმებულების მხრიდან პროტესტით დაიწყო. ქვეყანაში მომუშავე სხვადასხვა კომპანიების წარმომადგენლები დამსაქმებლისგან საქსტატის მიერ გამოქვეყნებული ინფლაციის მიხედვით ხელფასების მატებას, ზოგ შემთხვევაში მე-13 ხელფასს, ღამის ცვლაში მუშაობის ორმაგ ანაზღაურებას და სხვადასხვა მიმართულებით სამუშაო პირობების გაუმჯობესებას ითხოვენ. ყველაზე მასშტაბურია ვოლტის კურიერების პროტესტი, რომებმაც სამუშაო პირობების გაუმჯობესების მოთხოვნით აქცია გუშინაც გამართეს. როგორი უნდა იყოს დამსაქმებლების პოლიტიკა და რის საშუალებას იძლევა დღეს არსებული ეკონომიკური ფონი დასაქმებულებთან მიმართებაში? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
დედაქალაქში უსაფრთხო გადაადგილების მიზნით ტრანსპორტის საკითხებზე მომუშავე ორგანიზაციების ნაწილი თბილისის ცენტრალურ ქუჩებში მაქსიმალური სიჩქარის 30-40 კმ/სთ-ით განსაზღვრას და პარალელურად ორივე სანაპიროზე დაშვებული სიჩქარის (70 კმ/სთ) ლიმიტის შემცირებას ითხოვს. ორგანიზაცია "საქართველოს ალიანსი უსაფრთხო გზებისთვის” ფიქრობენ, რომ უმნიშვნელოვანესია სიჩქარის ლიმიტების შემცირება ქალაქში, განსაკუთრებით მჭიდროდ დასახლებულ პუნქტებსა და სკოლის ზონებში. მეორეს მხრივ კი თემაზე მომუშავე რესპონდენტების ნაწილი აქცენტს გზების გამტარუნარიანობაზე აკეთებს და აცხადებენ, რომ თუკი ახალი ინიციატივა ძალაში შევა შესაძლოა, ამან არა მხოლოდ საცობებზე იმოქმედოს უარყოფითად, არამედ ჰაერის ხარისხიც მკვეთრად გააუარესოს. რამდენად რეალურია ინიციატივის კანონად ქცევა და რა ეფექტი შეიძლება მას მოჰყვეს? სტუმარი: ირაკლი იზორია - "საქართველოს ალიანსი უსაფრთხო გზებისთვის” დირექტორი; #ახალიამბები #BusinessMediaGeorgia
საქართველოს ბიზნეს ასოციაციის წევრი სამშენებლო პროექტების მართვის მრავალწლიანი გამოცდილების მქონე კომპანია LSG Solutions-ი გახდა, რომლის პროფესიონალთა გუნდი LSG Solutions-ის ბრენდის ქვეშ გაერთიანდა და კომპანიამ საქართველოს ბაზარზე ოპერირება 2020 წელს დაიწყო. კომპანია, რომელიც დამკვეთს სთავაზობს მშენებლობის მენეჯმენტის სრულს სერვისს, რაც გულისხმობს როგორც საკონსულტაციო მომსახურებას, ასევე პროექტების პროცესის მართვას. კომპანიის საქმიანობის ძირითადი მიმართულებებია პროექტის განვითარების გეგმის შედგენა, ბიუჯეტის განსაზღვრა და ხარჯების დაგეგმარება, ასევე სატენდერო პროცესის მართვა და პროექტის ვადების, დანახარჯებისა და ხარისხის კონტროლი. კომპანია დამკვეთს ასევე პროექტირების სერვისსაც სთავაზობს არქიტექტურული, კონსტრუქციული და საინჟინრო მიმართულებებით. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; სოსო ბერიძე - LSG Solutions-ის აღმასრულებელი დირექტორი. #ახალიამბები #BusinessMediaGeorgia
ეროვნული ბანკის ახალი პრეზიდენტი დაიცავს იმ პოზიციას, რომლის ქვეყნის ეკონომიკის განვითარებას სჭირდება. - ეს იყო წლების წინ , 2016 წლის 17 მარტს, როცა მაშინდელ პრეზიდენტთან გიორგი მარგველაშვილთან ეროვნული ბანკის ჯერ ისევ მოქმედი პრეზიდენტის შეხვედრა შედგა და წლების შემდეგ სამშობლოში დაბრუნებული კობა გვენეტაძისთვის ეროვნული ბანკის პრეზიდენტობის ვადის ათვლა დაიწყო. მაშინ გიორგი მარგველაშვილმა თქვა, რომ გვენეტაძისგან ეროვნულ ვალუტასთან დაკავშირებით ინფორმაცია მიიღო. ადვილი მისახვედრია საქართველოსა და მის ფარგლებს გარეთ სამუშაო გამოცდილების და მდიდარი ბიოგრაფიის სებ-ის ახალი პრეზიდენტის მთავარ დაკვეთად ერთიანად გაუფასურებისკენ წასული ლარის დაჭერა წარმოადგენდა. 2016 წელს კობა გვენეტაძემ ნდობისთვის და მხარდაჭერისთვის ყველას მადლობა გადაუხადა და მის ცხოვრებასა და კარიერაში ალბათ ერთ ერთი ყველაზე გამოწვევებით სავსე პერიოდი დაიწყო. ლარის გამყარების წასვლა წასვლისას უფრო შესამჩნევი გახდა, მიზეზები თავისი ჰქონდა ამას. კობა გვენეტაძე - "საქართველოს ეროვნული ბანკის" პრეზიდენტი; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
კომპანია „ანაბეჭდი“ სამტრედიაში სამკერვალო საწარმოს ხსნის, რომელიც საწყის ეტაპზე 500-მდე ადამიანს დაასაქმებს. „ანაბეჭდის“ გენერალური მენეჯერის, გიორგი ბარნაბიშვილის ინფორმაციით, პროექტის საწყისი ინვესტიცია 10 მლნ ლარია. ახალი ობიექტი მიმდინარე წლის გაზაფხულზე გაიხსნება. სტუმარი: გიორგი ბარნაბიშვილი - "ანაბეჭდი", გენერალური მენეჯერი; #ახალიამბები #BusinessMediaGeorgia
საქართველოს მთავრობის დადგენილებით, სპეციფიკური სამუშაოების ნუსხა შემცირდა. ახალი რეგულაციების მიხედვით, 48-საათიან სამუშაო გრაფიკს, მხოლოდ ის დარგები დაექვემდებარება, რომელთათვისაც აუცილებელია მუშაობის უწყვეტი ციკლი და ემსახურება საზოგადო სიკეთეს. სხვა ნებისმიერ შემთხვევაში, სამუშაო დრო, არ უნდა აღემატებოდეს კვირაში 40 საათს, რაც საერთაშორისოდ აღიარებული, ევროპული პრაქტიკაა. 40 საათზე მეტი ნამუშევარი საათები კი მთავრობის დადგენილებით ზეგანაკვეთურად ითვლება, რაც შესაბამისი წესით ანაზღაურებას ითვალისწინებს. - კონსულტაციების მიუხედავად ბიზნესს გადაწყვეტილების ამოქმედებიდან 4 დღით ადრე მათთვის შეთავაზებული ცვლილებებზე მორგება ამ დრომდე უჭირს. სტუმარი: ნიკოლოზ აბუთიძე - "დამსაქმებელთა ასოციაციის" იურიდიული დეპარტამენტის ხელმძღვანელი; #ახალიამბები #BusinessMediaGeorgia