საქართველოს თავისუფალი სტილით მოჭიდავეთა ნაკრებმა ბუქარესტში გამართულ ევროპის ერთა თასზე ისტორიულ წარმატებას მიაღწია. თავისუფლებმა დამაჯერებლად იჭიდავეს და ისტორიაში პირველ ერთა თასს დაეუფლნენ. რევაზ მინდორაშვილის, დავით პოღოსიანისა და არჩილ ქიტიაშვილის გაწვრთნილმა გუნდმა ჯგუფურ ეტაპზე ჯერ უკრაინის ნაკრები დაამარცხა 5:3; ნახევარფინალში დამაჯერებლად - 8:0 აჯობა რუმინეთის გუნდს. ფინალში კი, ტურნირის მთავარ ფავორიტსა და მოქმედ ჩემპიონს - რუსეთის ნაკრებს შანსი არ დაუტოვა და 6:2 გაიმარჯვა. #სპორტი
თელ-ავივში გამართულ ევროპის 23-წლამდელთა ჩემპიონატზე ოქროს მედალი მოიპოვა კობა მჭედლიშვილმა (81 კგ). მჭედლიშვილმა საწყის ეტაპებზე მოლდოველი ნიკონ ზაბოროსჩიუკი და შვეიცარიელი ფლორიან გირარდოზი იპონებით ჩამოიშორა. რუსეთის ნაკრების წევრ აბას აზიზოვს ოქროს დროში შესრულებული ვაზარით აჯობა. ჰოლანდიელ იესპერ სმინკს – ორი იუკოთი. ფინალში კი, იტალიელი ანტონიო ესპოზიტო ჯერ ვაზარიზე დასცა, ხოლო შემდეგ – მეოთხე წუთის დასაწყისში იპონზე დაანარცხა. #სპორტი
თელ ავივში დასრულებულ 23-წლამდელთა ევროპის ჩემპიონატზე გამოსვლა ჩვენმა ნაკრებმა 2 ოქროთი დაასრულა - ჩემპიონები კობა მჭედლიშვილი (81) და ბექა ღვინიაშვილი (90) გახდნენ. ბექა ღვინიაშვილი მეტოქეებზე რამდენიმე თავით მაღლა იდგა და 5-დან 4 შეხვედრაში წმინდად იმარჯვა. #სპორტი
საქართველოს ბერძნულ-რომაული სტილით მოჭიდავეთა ახალგაზრდული ნაკრების ტრიუმფით დასრულდა საფრანგეთის ქალაქ მაკონში გამართული მსოფლიოს ახალგაზრდული ჩემპიონატი. ზაზა სილაგაძის გაწვრთნილმა ნაკრებმა საოცარი შედეგი აჩვენა. ქართველმა ახალგაზრდებმა 4 ოქროსა და 1 ბრინჯაოს მედალი მოიპოვეს და გუნდურ ჩათვლაში პირველ ადგილზე გავიდნენ.