ლადო ხინჩეგაშვილმა ოლიმპიურ ოქროს გემო გაუსინჯა #სპორტისაზოგადოებრივზე #rio2016
ელიზბარ ოდიკაძემ ბრინჯაოსთვის იჭიდავა, მაგრამ რიოს ოლიმპიადაზე გამოსულმა ბოლო ქართველმა სამწუხაროდ რუმინელ ალბერტ სარიტოვს ვერაფერი დაუპირისპირა და მედლის გარეშე დარჩა #სპორტისაზოგადოებრივზე #rio2016
გენო პეტრიაშვილი ოქროს უმიზნებდა, თუმცა მიზნამდე ცოტა დააკლდა. საბოლოოდ კი ბრინჯაო ხელიდან არ გაუშვა #სპორტისაზოგადოებრივზე #rio2016
შმაგი ბოლქვაძე ბერძნულ-რომაული სტილით მოჭიდავე ერათდერთი ქართველი აღმჩოჩნდა, რომელმაც რიოს ოლიმპიური მედლის მოპოვება შეძლო #სპორტისაზოგადოებრივზე #rio2016
ამერიკელი კაილ ფრედრიკ სნაიდერის წინააღმდეგ, პირველ წამებზე კარგი გდებით 4:0 დაწინაურების მიუხედავად, ელიზბარ ოდიკაძეს გამარჯვებისათვის ფიზიკური მომზადება არ ეყო და ამერიკელმა მეორე ტაიმში ქართველი ფალავანის დამარცხება შეძლო #სპორტისაზოგადოებრივზე #rio2016
ელიზბარ ოდიკაძეს მეოთხედფინალში ყაზახი მამედ იბრაგიმოვი დაუპირისპირდა, თუმცა ქართველმა ფალავანმა მეტოქეს შანსი არ დაუტოვა და ადვილად მოუგო #სპორტისაზოგადოებრივზე #rio2016
ზურაბ იაკობიშვილმა მსოფლიოს და ევროპის ჩემპიონის - იტალიელი ფრენკ კამიზოს წინააღმდეგ კარგად იჭიდავა და შეხვედრის დასრულებამდე 40 წამით ადრე 3:0-საც იგებდა, თუმცა ბოლო წამებზე, მეტოქის გამოცდილებამ და ოსტატობამ თავისი ქნა და ზურა ბრინჯაოს მედლის იმედად დატოვა #სპორტისაზოგადოებრივზე #rio2016
97 კგ-ში მოჭიდავე ელიზბარ ოდიკაძემ, მერვედფინალში სომხეთის სახელით მოასპარეზე გიორგი კეტოევს ადვილად სძლია და მეოთხედფინალში გავიდა #სპორტისაზოგადოებრივზე #rio2016
65 კგ. წონით კატეგორიის მერვედფინალში, ზურაბ იაკობიშვილმა ნიგერიელ ამას დანიელს სძლია და მეოთხედფინალის საგზური მოიპოვა #სპორტისაზოგადოებრივზე #rio2016
გენო პეტრიაშვილს ბრინჯაოს მედლისთვის ამერიკელ ტერველ ივაილოვ დლაგნევთან მოუწია ჭიდაობა და 31 წამში დიდი უპირატესობით იმარჯვა
გენო პეტრიაშვილმა რეპეშაჟში კანადელ კორი ჯარვისს იოლად სძლია და ბრინჯაოს მედლისთვის ამერიკელ ტერველ ივაილოვ დლაგნევს ეჭიდავება #rio2016 #სპორტისაზოგადოებრივზე
...ის რაც ეთერში არ გასულა. საზოგადოებრივი მაუწყებლის გადამღებმა ჯგუფმა, ტანმოვარჯიშე - სალომე ფაჟავასთან ექსკლუზიური ინტერვიუ ჩაწერა. ტრავმის მიუხედავად, სალომე ფაჟავამ რიოში ოთხი ვარჯიში შეასრულა და ჯამში 69.015 ქულა დააგროვა. რის ფასად უჯდებათ ოლიმპიელებს ტურნირში მონაწილეობა, ამას თავად სალომე მოგიყვებათ #rio2016 #სპორტისაზოგადოებრივზე
საზოგადოებრივი მაუწყებლის გადამღები ჯგუფის მიერ რიოში, ფინალის შემდეგ ჩაწერილი ვრცელი ინტერვიუ ოლიმპიურ ჩემპიონ ლადო ხინჩეგაშვილთან. #Rio2016 #სპორტისაზოგადოებრივზე
გენო პეტრიაშვილმა მეოთხედფინალში ირანელ კომეილ ნემატ ღასიმთან დასანანი მარცხი იწვნია და ბრინჯაოს მედლის მოგების შანსიღა დარჩა. ღასიმმა ნახევარფინალში ამერიკელ ტერველ ივაილოვ დლაგნევს ადვილად მოუგო, რისი წყალობითაც ქართველმა მოჭიდავემ რეპეშაჟში ასპარეზობის უფლება მოიპოვა #სპორტისაზოგადოებრივზე #rio2016
გენო პეტრიაშვილი მერვედფინალში უკრაინის სახელით მოასპარეზე ალან ზასეევს შეხვდა და დაძაბულ ბრძოლაში სძლია. ჭიდაობამ გენოს უპირატესობით ჩაიარა, თუმცა უკრაინელმა ერთ მომენტში ქულებით მასთან მიახლოვება მოახერხა. საბოლოო ანგარიში 11:6 #სპორტისაზოგადოებრივზე #rio2016
სანდრო ამინაშვილი (86 კგ) ოლიმპიურ ტურნირში მერვედფინალიდან ჩაერთო და სამწუხაროდ პირველი ბრძოლა დათმო. პოლონელ მეტოქე - ზბიგნევ მატეუშ ბარანოვსკისთან ჭიდაობა მან 2:2 დაასრულა, თუმცა პოლონელს ორქულიანი ილეთი ჰქონდა გაკეთებული, სანდროს კი - არა. შედეგად გამარჯვება ბარანოვსკის დარჩა #სპორტისაზოგადოებრივზე #რიო2016
საკვალიფიკაციო ეტაპზე გენო პეტრიაშვილმა (125 კგ) ბულგარელ მეტოქეს - დიმიტარ ანგელოვ კუმჩევს დიდი უპირატესობით აჯობა და ჭიდაობა დროზე ადრე დაამთავრა, რისი წყალობითაც მერვედფინალის საგზური მოიპოვა #სპორტისაზოგადოებრივზე #rio2016
ლადო ხინჩეგაშვილი ოლიმპიური ჩემპიონია. ქართველმა ფალავანმა იაპონელ რეი ჰიგუჩის დაძაბულ ბრძოლაში აჯობა და ქართულ დელეგაციას კიდევ ერთი ოქროს მედალი შემატა. #სპორტისაზოგადოებრივზე #rio2016
სალომე ფაჟავამ საკვალიფიკაციო ეტაპზე გამოსვლა გურზებით დაასრულა. რაჭულის ფონზე შესრულებული ვარჯიში მსაჯებმა ქართველ ტანმოვარჯიშეს 17.433 ქულით შეუფასეს. 4 ვარჯიშის ჯამში სალომემ 69.015 ქულა მოაგროვა #სპორტისაზოგადოებრივზე #rio2016
სალომე ფაჟავამ საკვალიფიკაციო ეტაპზე ბაფთით ვარჯიშიც შეასრულა და მსაჯებისგან 16.666 ქულა მიიღო. #სპორტისაზოგადოებრივზე #რიო2016
კანოეთი 200 მეტრზე სპრინტში, ოლიმპიადის მეხუთეადგილოსანმა ზაზა ნადირაძემ, რიო დე ჟანეიროში საზოგადოებრივ მაუწყებელს ვრცელი ინტერვიუ მისცა #სპორტისაზოგადოებრივზე #rio2016
სალომე ფაჟავამ რგოლით ვარჯიშში 17.233 ქულა დაიმსახურა და ორი ვარჯიშის შემდეგ, ჯამში 35.016 ქულა დაუგროვდა #სპორტისაზოგადოებრივზე #rio2016
სალომე ფაჟავამ ოლიმპიადა ბურთით ვარჯიშით დაიწყო და მსაჯებისგან 17.783 ქულა დაიმსახურა #სპორტისაზოგადოებრივზე #rio2016
ლადო ხინჩეგაშვილმა ნახევარფინალში ბულგარელი ვლადიმირ დუბოვი დაამარცხა და ოქროსთვის იბრძოლებს. მისი მეტოქე, იაპონელი რეი ჰიგუჩი იქნება, რომელმაც ფინალის საგზური ირანელ ჰასან საბზალი რაჰიმის მოუგო. #სპორტისაზოგადოებრივზე #rio2016
იაკობ მაქარაშვილმა აზერბაიჯანელ ჯაბრაილ ჰასანოვს მეოთხედფინალში ვერაფერი დაუპირისპირა. ნახევარფინალში ჰასანოვის მარცხის შედეგად, მაქარაშვილმა ბრინჯაოს მედლისთვის ბრძოლის შანსიც დაკარგა #სპორტისაზოგადოებრივზე #rio2016
ლადო ხინჩეგაშვილმა მეორე ბრძოლაც წარმატებით დაასრულა და აზერბაიჯანელ ჰაჯი ალიევს ნახევარფინალის საგზური მოუგო #სპორტისაზოგადოებრივზე #რიო2016
ლადო ხინჩეგაშვილმა (57 კგ) მერვედფინალში ყაზახ ნურისლამ სანაიევს დაძაბულ ბრძოლაში სძლია და მეოთხედფინალში გავიდა, სადაც მისი მეტოქე ბულგარელი ჰაჯი ალიევი იქნება #სპორტისაზოგადოებრივზე #რიო2016
იაკობ მაქარაშვილი (74 კგ) მერვედფინალში ბულგარელ გეორგი ივანოვს დაუპირისპირდა და თავდაპირველი ჩამორჩენის მიუხედავად, საბოლოოდ მეტოქე იოლად დაამარცხა. #სპორტისაზოგადოებრივზე #რიო2016
ქართველმა ნიჩბოსანმა ზაზა ნადირაძემ კანოეთი 200 მეტრიან სპრინტში ასპარეზობა მეხუთე ადგილზე დაასრულა. დისტანცია მან 39.817 წამში დაფარა და საპრიზო ადგილებზე გასულებს სულ მცირედით ჩამორჩა. ნადირაძე ბოლომდე ინარჩუნებდა მედლის შანსს, თუმცა ფინიშთან ახლოს პოზიცია დათმო. ფინალში მონაწილეობა საუკეთესო 8 სპორტსმენმა მიიღო. ჩემპიონი უკრაინელი იური ჩებანი გახდა. #სპორტისაზოგადოებრივზე #Rio2016
ქართველი ნიჩბოსანი ზაზა ნადირაძე ფინალშია. 200 მეტრზე ერთადგილიანი კანოეთი შეჯიბრში მან საკვალიფიკაციო ეტაპი 41.42 წამში წარმატებით დაფარა. ნახევარფინალში კი ტიტულოვანი მეტოქეები ჩამოიტოვა და ჯამში მეოთხე შედეგი აჩვენა. ნადირაძე გადამწყვეტ ეტაპზე იასპარეზებს, რომელშიც მედლებისთვის 8 საუკეთესო სპორტსმენი იბრძოლებს. ფინალი ხვალ, 18 აგვისტოს, 16 საათსა და 25 წუთზე დაიწყება. #Rio2016 #სპორტისაზოგადოებრივზე
საზოგადოებრივი მაუწყებლის გადამღები ჯგუფის მიერ რიოში მომზადებული რეპორტაჟი ქართველებისათვის ყველაზე წარმატებული დღის შესახებ. #სპორტისაზოგადოებრივზე #Rio2016
ლაშა ტალახაძემ რიოს ოლიმპიურ თამაშებზე საქართველოს პირველი ოქროს მედალი მოუტანა. 22 წლის საჩხერელმა მძიმეწონოსანმა ორჭიდში 473 კილოგრამი დასძლია და ჩემპიონობასთან ერთად მსოფლიოს რეკორდიც დაამყარა. ამავე წონაში ბრინჯაოს მედალი (448 კგ) ირაკლი თურმანიძეს ერგო. #Rio2016 #სპორტისაზოგადოებრივზე
შმაგი ბოლქვაძემ მეოთხედფინალში აქტიურად იჭიდავა და ირანელ ოლიმპიურ ჩემპიონს, ომიდ ჰაჯი ნორუზს 2 გაფრთხილება მიაღებინა. ქართველი ფალავანი ნახევარფინალში იჭიდავებს #სპორტისაზოგადოებრივზე #rio2016
შმაგი ბოლქვაძემ ნახევარფინალში სერბ დავორ სტეფანეკთან წააგო და ბრინჯაოს მედლისთვის იბრძოლებს. მესამე ადგილისთვის ჭიდაობა 00:00 სთ-დან დაიწყება #სპორტისაზოგადოებრივზე #რიო2016 #rio2016
66კგ. წონით კატეგორიაში, ბერძნულ-რომაული სტილით მოჭიდავე შმაგი ბოლქვაძემ მერვედფინალში ფინელ ტერო სეპო ვაელიმაეკის 3:0 სძლია და მეოთხედფინალში გავიდა, სადაც ირანელ ომიდ ჰაჯი ნორუზის დაუპირისპირდება #Rio2016 #სპორტისაზოგადოებრივზე
შმაგი ბოლქვაძემ საქართველოს რიოს ოლიმპიადის მესამე მედალი მოუტანა. 66კგ-ში ბერძნულ-რომაული სტილით მოჭიდავე ქართველმა ფალავანმა, მესამე ადგილისთვის ბრძოლაში იაპონელი ტომოჰირო ინუე დაამარცხა. #სპორტისაზოგადოებრივზე #rio2016
ბერძნულ-რომაული სტილით მოჭიდავე რევაზ ნადარეიშვილი (98 კგ), მერვედფინალში მსოფლიოს ბულგარელ მსოფლიოს ჩემპიონ - ელის გურისთან დაძაბულ ბრძოლაში, 2:3 დამარცხდა. მედლისთვის ბრძოლას რეპეშაჟში ნადარეიშვილი ბულგარელი სპორტსმენის წარმატების შემთხვევაში განაგრძობს #სპორტისაზოგადოებრივზე #Rio2016
ოლიმპიურ თამაშებზე ქართველ სპორტსმენთა ემოციები - კადრები, რომლებიც ხშირად რეპორტაჟებს მიღმა რჩება. საზოგადოებრივი მაუწყებლის გადამღები ჯგუფის მიერ მომზადებული ვიდეო. მუსიკა: მიშა ჩიკვილაძე და გია კობახიძე - ორწო ხეებში #Rio2016 #სპორტისაზოგადოებრივზე
უსეინ ბოლტმა რიოს ოლიმპიურ თამაშებზე 100 მეტრზე სირბილში ოქროს მედალი მოიგო. იამაიკელმა სპრინტერმა ამ დისციპლინაში ზედიზედ მესამედ გაიმარჯვა. ბოლტმა დისტანცია 9.81 წამში დაფარა, ვერცხლის მედალი ამერიკელმა ჯასთინ გატლინმა მოიპოვა 9.89 წამში, ხოლო ბრინჯაო კანადელმა ანდრე დე გრასმა 9.91 წამში. იამაიკელს რიოში კიდევ ორი ოქროს მედლის მოპოვების შანსი აქვს - 200 მეტრზე გარბენში და 4X100 მეტრზე ესტაფეტაში. #სპორტისაზოგადოებრივზე #Rio2016
იაკობ ქაჯაიამ (130 კგ) მეოთხედფინალური შეხვედრა დათმო. რუს სერგეი სემიონოვთან დაპირისპირება ანგარიშით 0:5 დასრულდა. ქართველ მოჭიდავეს რეპეშაჟში გადასვლის შანსი ჰქონდა იმ შემთხვევაში, თუ სემიონოვი ფინალში გავიდოდა. რუსი სპორტსმენი ნახევარფინალში დამარცხდა და ქაჯაიაც ავტომატურად გამოეთიშა ასპარეზობას. #სპორტისაზოგადოებრივზე #Rio2016
იაკობ ქაჯაიამ (130) პირველი ორი შეხვერდა წარმატებით დაასრულა და მეოთხედფინალში ასპარეზობის უფლება მოიპოვა. ბერძნულ-რომაული სტილით მოჭიდავემ სასტარტო შეხვედრაში ბრაზილიელ ედუარდ სოგომონიანს პირველსავე პერიოდში 8:0 სძლია. მერვედფინალში ის უკრაინელ ალექსანდრ ჩერნეცკის დაუპირისპირდა და მეტოქე სუფთად დაამარცხა. #სპორტისაზოგადოებრივზე #Rio2016
მაიკლ ფელპსმა 23 ოქროთი და 28 ოლიმპიური მედლით კარიერა დაასრულა. 4X100 მეტრზე კომპლექსურის ფინალში ფელპსი მესამე ეტაპზე ბატერფლაის ცურავდა და როცა ესტაფეტა ჩაიბარა, ამერიკა ბრიტანეთთან აგებდა. მაიკლმა ყველაფერი გააკეთა იმისთვის, რომ ბოლო 100 მეტრზე ნათან ედრიენი ლიდერად წასულიყო. ამის შემდეგ, ედრიენს არ გაჭირვებია პირველი ადგილის შენარჩუნება. ამერიკელთა კვარტეტმა, რომლის რიგებშიც ასევე რაიან მერფი და კოდი მილერი ცურავდნენ, ახალი ოლიმპიური რეკორდით გაიმარჯვა. მაიკლ ფელპსი რიოს ოლიმპიადის მთავარი გმირი გახდა, ასპარეზობა მან ხუთი ოქროთი დაასრულა გამოსვლა. #Rio2016 #სპორტისაზოგადოებრივზე
კობლიაშვილმა პირველი შეხვედრა მოიგო ბერძნულ-რომაული სტილით ჭიდაობაში იასპარეზა რობერტ კობლიაშვილმა (85 კგ), რომელმაც საკვალიფიკაციო ეტაპზე მექსიკელ ალფონსო ანტინიო ლეივა იეპესს მოუგო. ქართველმა ფალავანმა 5:0 გაიმარჯვა. #სპორტისაზოგადოებრივზე #Rio2016
100 მეტრზე ბატერფლაის სტილით ცურვაში მხოლოდ ვერცხლის მედალს დასჯერდა მაიკლ ფელპსი. მორიგი ოლიმპიური ოქროს მოპოვებაში მას ხელი სინგაპურელმა ჯოზეფ სქულინგმა შეუშალა. აზიელმა დისტანცია 50,39 წამში დაფარა და ახალი ოლიმპიური რეკორდი დაამყარა. მაიკლ ფელპსის დრო- 51,14 წამი იყო. ასეთივე შედეგი ჰქონდა სამხრეთაფრიკელ ჩად ლე კლოს და ამ ორმა მოცურავემ ვერცხლის მედლები გაიყო. 21 წლის ჯოზეფ სქულინგმა ოლიმპიური ჩემპიონის ტიტული პირველად მოიპოვა. მან ეს წარმატება საკუთარ მშობლებს მიუძღვნა, რომლებიც სიმსივნით არიან დაავადებულნი. აღსანიშნავია, რომ ეს არის ოლიმპიადების ისტორიაში პირველი შემთხვევა, როდესაც სინგაპურელმა მოცურავემ მედალი მოიპოვა. ეს ორი სპორტსმენი ერთმანეთს პირველად 2008 წელს შეხვდა, როცა ასაკტ უმცროსმა სქულინგმა მისთვის მისაბაძ სპორტსმენს სამახსოვრო ფოტოს გადაღება სთხოვა. #Rio2016 #სპორტისაზოგადოებრივზე
ოლიმპიურ თამაშებზე საქართველოს დელეგაციამ მეორე მედალი მოიპოვა. ვარლამ ლიპარტელიანი ფინალურ ორთაბრძოლაში განცდილი დასანანი მარცხის შემდეგ ვერცხლის მედლის მფლობელი გახდა. #Rio2016 #სპორტისაზოგადოებრივზე
ქართველმა მოჭიდავემ ოლიმპიური თამაშებზე პირველივე ორთაბრძოლა წააგო. ზურაბ დათუნაშვილის (75) მოწინააღმდეგე ყაზახი დეჟან კარტიკოვი იყო, რომელთანაც იგი ანგარიშით 0:2 დამარცხდა. იმ შემთხვევაში თუ ყაზახი მოჭიდავე ფინალში გავა, დათუნაშვილი ბრძოლას რეპეშაჟში გააგრძელებს. #Rio2016 #სპორტისაზოგადოებრივზე
რაფაელ ნადალი ბრინჯაოსთვის იბრძოლებს. არგენტინელ ხუან მარტინ დელ პოტროსთან ნახევარფინალური დაპირისპირება ესპანელმა ჩოგბურთელმა სამ სეტში წააგო. 5:7, 6:4, 7:6. ოქროს მედლის ბრძოლაში დელ პოტრო, ენდი მარის შეხვედება, რომელმაც თავის მხრივ საკმაოდ იოლად, ორ სეტში 6:1, 6:4 იაპონელ კეი ნიშიკორის სძლია. საჩოგბურთო პირველობის ფინალს საზოგადოებრივი მაუწყებელი პირდაპირ ეთერში, 22 საათიდან შემოგთავაზებთ. #Rio2016 #სპორტისაზოგადოებრივზე
რიოს ოლიმპიადაზე რაფაელ ნადალმა ოქროს მედალი მოიგო. წყვილთა თანრიგში, ნადალისა და ფელიციანო ლოპესის წყვილმა ასპარეზობა წარმატებით დაასრულა. ესპანელმა ჩოგბურთელებმა ფინალური დაპირისპირება რუმინულ დუეტს მოუგეს. 6-2 3-6 6-4. #Rio2016 #სპორტისაზოგადოებრივზე