www.Qartli.gE / შიდა ქართლის საინფორმაციო ცენტრი
www.Qartli.ge / შიდა ქართლის საინფორმაციო ცენტრი
● გვესტუმრეთ: http://www.qartli.ge/ ● შემოგვიერთდით: https://www.facebook.com/Qartli.ge/ ● © შიდა ქართლის საინფორმაციო ცენტრი ᴴᴰ ● #QartliGe #ახალიამბები
მიხეილ და ლევან ქერდიყოშვილებმა ძველი ,,ჟიგულის" მარკის ავტომანქანა იყიდეს, რადგან მართვის სისტემა წყალსაქაჩად გამოეყენებინათ. ახალი ,,სარწყავი სისტემა", ამჟამად, ნადარბაზევის ტბის მიმდებარე ტერიტორიაზეა დამონტაჟებული. მანქანის მოტორის მუშაობის წყალობით აქაჩული წყალი დაახლოებით 300 მეტრ მანძილზე მდებარე მიწის ნაკვეთამდე მიჰყავთ. ამ მიწის ნაკვეთში კი, წვეთოვანი სისტემაა გაკეთებული.
გუშინ, დილით, ხვიჩა სადაღაშვილს ფური ნახევრად შეჭმული დახვდა. სავარაუდოდ, რამდენიმე მგელი, ფერმაში შევიდა და საქონელი გაანადგურა. მრავალშვილიანი ხვიჩა სადაღაშვილი, რამდენიმე მწყემსთან ერთად, მინდორში თანასოფლელებისგან მიბარებულ საქონელს ინახავს. საქონლის ანაზღაურება მას მოუწევს. მგლები კი, ე.წ. საპატარასა და მლაშეთხევის ტერიტორიაზე თავისუფლად მოძრაობს.
ოლია დოლიძემ პატრული გამოიძახა. ქუჩაზე კი, საკანალიზაციო ჭების თავსახურები საკუთარი ხელით ახადა და ქუჩაზე მიმავალ მანქანებს მოძრაობის შეწყვეტა სთხოვა. უკვე მერამენდედ მის სახლში ფეკალური მასები გროვდება. ახალდაგებულ ასფალტის ქვეშ რამდენიმე ოჯახიდან და ტოტალიზატორიდან გასული ფეკალური მასები იჭედება. ,,წყალმომარაგების კომპანიაში დავრეკე და ესე მითხრეს, ფული გადაიხადეთ და მოვალთო" - ამბობდა ოლია დოლიძე.
გიორგი ფოლადაშვილი 12 წლისაა. ის ერთადერთი ვაჟი მოსწავლეა, რომელიც სოფელ ქვემო ჭალის საჯარო სკოლაში პანტიანიდან დადის. ამავე სკოლაში, პანტიანიდან, კიდევ, ორი გოგონა დადის. სოფელი გამყოფი ხაზის სიახლოვეს მდებარეობს კასპის რაიონში.