4GB ელექტრონული მუსიკის ფესტივალია, თუმცა მისი მთავარი ამოცანა არც მოგების ნახვაა და არც ხალხის გართობა. 4GB პირველ რიგში გიო ბაქანიძის მემორიალია. ნიკო ელაპარაკა გიოს მეგობრებსა და ფესტივალის ორგანიზატორებს: ლევან ღვინიანიძეს, ლელი ჭელიძეს და ნიკა ჯაფარიძეს, ასევე ამ ღონისძიების მუდმივ ჰედლაინერს: მაიკლ მაიერს. #რადიოთავისუფლება
ჯიმი და ნიკო - განკითხვის დღე ჯიმის და ნიკოს განკითხვის დღე ყოველ ხუთშაბათს გადის პირდაპირ ეთერში - 20:00-ზე #რადიოთავისუფლება
ერთი წლის წინ, საბჭოთა წარსულის კვლევის ლაბორატორიამ ნიკო და გიორგი ნიკოლაძეებისა და ვახტანგ და ჟორჟეტა ღამბაშიძეების ერთ-ერთი შთამომავლისაგან მათი უნიკალური ფოტო-მემკვიდრეობის ნაწილი შეიძინეს ასობით ფოტოსა და მინის სტერეო-ნეგატივებს შორის აღმოჩნდა 1918-1921 წლების აქამდე უცნობი ფოტოები - მათ შორის, საქართველოს დამოუკიდებლობის დღის, 26 მაისის სახალხო ზეიმი 1919 ან 1920 წელს, ამჟამინდელი ვაკის პარკის ტერიტორიაზე, დღევანდელი ლოკომოტივის სტადიონის მიდამოებში ასევე, იმ დროის თბილისის უნიკალური კადრები, სურათები ოჯახის ყოველდღიური ცხოვრებიდან, ფოტოები ალპინისტური ექსპედიციებიდან, გორის მიწისძვრის დროინდელი ფოტოქრონიკა და სხვა მრავალი ფოტომასალა, რომელმაც მეოცე საუკუნის ათიანი წლებიდან მოყოლებული, 1930-იან წლებამდე ცხოვრების უამრავი წამი შემოინახა #რადიოთავისუფლება
ბიჭი სინანულით იხსენებს წარსულში მომხდარ საგზაო შემთხვევას, რომელიც მისმა უყურადღებობამ გამოიწვია და პატარა გოგოს სიცოცხლე იმსხვერპლა. მისი სინანული იმდენად ძლიერია რომ ის საგზაო შემთხვევიდან დიდი ხნის შემდეგ, ხანდახან ხედავს ზუსტად იმგვარ წითელ ბუშტებს, როგორიც გოგოს ხელში ეჭირა. მოკლე ფილმების კონკურსის მიზანია საზოგადოებრივი ცნობიერების ამაღლება საგზაო-სატრანსპორტო შემთხვევებით გამოწვეული სოციალური შედეგების შესახებ. ავტორი: რევაზ ჯანყარაშვილი #რადიოთავისუფლება
ოქეიფე ნასვამი მეგობრები სხდებიან მანქანაში და ლხინს გზაზე აგრძელებენ მოკლე ფილმების კონკურსის მიზანია საზოგადოებრივი ცნობიერების ამაღლება საგზაო-სატრანსპორტო შემთხვევებით გამოწვეული სოციალური შედეგების შესახებ. ავტორი: დავით შეყრილაძე #რადიოთავისუფლება
სულის მისტიური მოგზაურობა, განსაწმენდელიდან ჯოჯოხეთამდე მენავე ქარონთან ერთად. ოთხი მეგობრიდან ერთმა უნდა გადაწყვიტოს, ყველა ერთად დარჩება სულეთში თუ... მოკლე ფილმების კონკურსის მიზანია საზოგადოებრივი ცნობიერების ამაღლება საგზაო-სატრანსპორტო შემთხვევებით გამოწვეული სოციალური შედეგების შესახებ. ავტორი: გაბრიელ ხოტივარი #რადიოთავისუფლება
ლაგოდეხში სტიქიისგან მიყენებულ ზარალს ითვლიან - ძლიერმა ქარმა ასწლოვანი ხეები მოგლიჯა, რომლებიც სახლებსა და მანქანებს დაეცა #რადიოთავისუფლება
მოკლე ფილმების კონკურსის მიზანია საზოგადოებრივი ცნობიერების ამაღლება საგზაო-სატრანსპორტო შემთხვევებით გამოწვეული სოციალური შედეგების შესახებ. ფილმის ავტორი: სანდრო ნავერიანი #რადიოთავისუფლება
რას ავღნიშნავთ ხოლმე ქვეყნის დამოუკიდებლობის დღეს? ფიცი, სიტყვა, მილოცვა, დაჯილდოება, გმირები, ტურისტები, მუსიკა, სპორტი, გართობა და ცოტა ღვინოც. #რადიოთავისუფლება
როგორ ჩამოაშორეს პროფესიონალთა გუნდი მცხეთის ჯვრისა და სვეტიცხოვლის სარესტავრაციო სამუშაოებს და რა კითხვები არსებობს იმ კომპანიების მიმართ, რომელთაც სამუშაოები ჩაიბარეს მძიმე მდგომარეობაში მყოფი კულტურული მემკვიდრეობა, რომელზედაც ძეგლთა დაცვის სისტემა სათანადოდ ვერ ზრუნავს ნახეთ "თავისუფლების მონიტორის" ახალი ჟურნალისტური გამოძიება #რადიოთავისუფლება
6 წლის ალექსანდრე ქუმსიაშვილი მეთუნეა თელავიდან, რომელიც თითქმის 70 წელია ამ საქმეს მისდევს - „მეთიხე“, როგორც თავის თავს უწოდებს. ალბათ, ბოლო ვარ, მეღა დავრჩიო, ამბობს. დრო იყო, თელავის სახელოსნოების უბანი, „მაწანწარა“, ძველი თაობის მეჭურჭლეებით იყო სავსე. კერამიკის ძველი საწარმო, სადაც ალექსანდრე ქუმსიაშვილი წლების განმავლობაში მუშაობდა, ახლა დაკეტილია, ღუმელი გაჩერებული. მაგრამ საშა ქუმსიაშვილს თიხაზე მუშაობის გარეშე სიცოცხლე ვერ წარმოუდგენია და სახლში, თავის პატარა სახელოსნოში, მაინც ჩართავს ხოლმე ჩარხს და შედარებით პატარა ნივთებს ძერწავს. კარგად ვერ ვხედავო, თან ჩივის, მაგრამ თავისი გამოცდილი ხელების იმედი აქვს - თუ მისი დამზადებული თიხის ჭურჭლის მსურველი გამოჩნდება, ეს ამბავი ორმაგად ახარებს. მაგრამ თან დარდობს, ბოლო დროს ამ ხელობის სწავლის მსურველებმაც იკლო და თუ ასე გაგრძელდა, ეს ცოდნაც გაქრებაო. თუ დღეს თელავის სახელოსნოების ცნობილ ქუჩაზე გაივლით, ის ნახევრად დანგრეული სახლები დაგხვდებათ. საშა ქუმსიაშვილს ახსოვს ამ სახლების ფანჯრებში გასაყიდად გამოწყობილი თიხის ჭურჭელი და, რაც მთავარია, თავად ცნობილი მეჭურჭლეები. #რადიოთავისუფლება
როგორ გახდა ნოდარ ახალკაცი ფეხბურთის ფედერაციის პირველი პრეზიდენტი? მოულოდნელი გამარჯვება თუ წინასწარ შექმნილი მოლოდინები? როგორ დაიბადა დამოუკიდებელი ქართული ფეხბურთი და რა გავლენა ჰქონდა პროცესებზე ეროვნულ მოძრაობას? #რადიოთავისუფლება
21 მაისს კავკასიის ომის მსხვერპლთა ხსოვნის დღე აღინიშნება. საქართველოს, რომელმაც 12 წლის წინ ჩერქეზი ხალხის გენოციდი აღიარა, მალე შესაძლოა უკრაინა შეუერთდეს. „ჩერქეზთა ოცნება – საკუთარ სამშობ #რადიოთავისუფლება
ნამდვილი ცხოვრების დაწყება თბილისის როკფესტივალზე მომხდარი სკანდალის შემდეგ; შეხვედრები დევიდ ბოუისთან და მიხეილ სააკაშვილთან; პირველი იმედგაცრუება დედამიწით და ტოლკინის „სახელმძღვანელო“ - როგორ მოვიქცეთ რთულ ვითარებაში ვინ და რა გაიხსენა ბორის გრებენშჩიკოვმა, როდესაც მას ძველი ფოტოები ვაჩვენეთ? #რადიოთავისუფლება
რადიო თავისუფლების „წიგნები“ და მისი რუბრიკა „ქართული“ გთავაზობთ საუბარს ქართული პოეზიის შესანიშნავ წარმომადგენელზე, დახვეწილ, სათუთ და დიდოსტატ პოეტზე, ანა კალანდაძეზე რუბრიკა „ქართულს“ გაუჩნდა ქვერუბრიკა „მთაწმინდელები“. ანა კალანდაძე ოცდამეერთე საუკუნის დიდი მთაწმინდელია. იგი ერთადერთი ქალი პოეტია ჩვენს უკვდავ მთაწმინდელებს შორის. ანა კალანდაძე უაღრესად მოკრძალებული პიროვნება იყო, მთელი ცხოვრება ენათმეცნიერების ინსტიტუტის უფროს მეცნიერ-თანამშრომლად გაატარა, ერთოთახიან ბინაში ცხოვრობდა. ეს, ალბათ, მსოფლიოს ერთადერთი აკადემიკოსი იყო, ერთოთახიან ბინაში რომ ცხოვრობდა ამავე დროს, ანა კალანდაძე, როგორც პოეტი, აბსოლუტურად არ იყო მოკრძალებული; ის იყო სადა, დახვეწილი, სათუთი, მაგრამ, ამავე დროს, თამამი და მის პოეზიას დაჰკრავდა ძველი ქართული ენის ოდნავ შესამჩნევი სიო… #რადიოთავისუფლება
რადიო თავისუფლების პოდკასტი „წიგნები“ რუბრიკით „ქართული“ აგრძელებს საუბრებს დიდ მთაწმინდელებზე, იმ დიდ ადამიანებზე, რომელთაც ქართველმა ხალხმა სამუდამო განსასვენებლის ადგილად ქართული პოეზიის პარნასოსი, მთაწმინდა დაუწესა. დღევანდელი ჩვენი გმირია დიდი პოეტი, დრამატურგი, სცენარისტი, რომანისტი, მთარგმნელი, პუბლიცისტი, 1998 წლის ნობელის პრემიის ნომინანტი, ოთარ ჭილაძე, რომელმაც ოცდამეერთე საუკუნეში, 2009 წლის ოქტომბერში დაიკავა თავისი ადგილი მამადავითზე. პირველი ლექსი გამოაქვეყნ ასახელგანთქმულ ალმანახ „პირველ სხივში“ 1952 წელს. უფაქიზესი პოეტი, გალაკტიონის მემკვიდრე, უდიდესი ქართველი რომანისტიცაა. მისი რომანი „გზაზე ერთი კაცი მიდიოდა“ თანამედროვე მითოსის ქმნადობის ბრწყინვალე ნიმუშია, რომელიც ეროვნული არაცნობიერის ძიების უჩვეულოდ წარმატებული პროექტია… #რადიოთავისუფლება
2013 წლის 17 მაისიდან 10 წელი გავიდა - ამ დღეს, როცა ლგბტქ ადამიანები და მათი გულშემატკივრები ჰომოფობიისა და ტრანსფობიის საწინააღმდეგო მსოფლიო დღის აღნიშვნას გეგმავდნენ, რუსთაველის გამზირზე შეკრებილმა კონტრაქციის ათასობით მონაწილემ, მათ შორის, სამღვდელოების წევრებმა, მათ შეკრების უფლება არ მისცეს და აქციის მცირერიცხოვან მონაწილეებზე იძალადეს. მაგდა კალანდაძე ერთ-ერთია, ვინც თავის ქვიარ მეგობრებთან ერთად იმ ყვითელ ავტობუსში აღმოჩნდა, რომელსაც კონტრაქციის მონაწილეები ესხმოდნენ თავს, შიგნით შეღწევას ცდილობდნენ და ფანჯრებს ლეწავდნენ. ათი წლის შემდეგ, აქტივიზმიდან წამოსული მაგდა იხსენებს იმ დღეს, მომდევნო 17 მაისებს, გვიყვება იმაზე, თუ სად წაიყვანა იმ ყვითელმა ავტობუსმა მისი ცხოვრება და რატომ გადაწყვიტა, რომ იმ ბრძოლას ჩამოშორებოდა. #რადიოთავისუფლება
ლიტერატორი ლევან ბერძენიშვილი თითქმის ერთი წელია, აქტიური სიძულვილის კამპანიის სამიზნედ იქცა - თვითონ ჯერ კიდევ მაშინ ამბობდა, სინამდვილეში ბიძინა ივანიშვილის კრიტიკისთვის მსჯიანო, როცა განხილვის საგნად იქცა მისი საჯაროდ გამოთქმული მოსაზრებები ერეკლე მეორეზე. იმ დროიდან დღემდე ლევან ბერძენიშვილს ჩაუშალეს საჯარო ლექციები, მიუძღვნეს სიმღერები, დახვდნენ ქუჩაში შეურაცხყოფის მისაყენებლად და მის შესახებ დამამცირებელი განცხადებები გააკეთეს პოლიტიკოსებმა სხვადასხვა ტრიბუნიდან. დღეს უკვე თავად მმართველი ძალის წარმომადგენელი პოლიტიკოსებიც აღარ უარყოფენ, რომ არ მოსწონთ, როცა ის მათ ლიდერს ნეგატიურ კონტექსტში იხსენიებს. მაგალითად, “ქართული ოცნების” თავმჯდომარემ, ირაკლი კობახიძემ ბერძენიშვილს 16 მაისს “საცოდავი კაცი” უწოდა მინიშნებით მის ფსიქიკურ ჯანმრთელობაზე. რადიო თავისუფლებას ლევან ბერძენიშვილი სწორედ მის წინააღმდეგ წარმოებულ სიძულვილის კამპანიაზე და “ქართულ ოცნებასთან” კოალიციაში ყოფნის წლებზე ელაპარაკა. #რადიოთავისუფლება
გურჯაანის მუნიციპალიტეტის სოფელ კოლაგში მცხოვრები მეყვავილე კაკო ჯეირანაშვილი წელს კლიმატურმა პირობებმა დააზარალა. ამბობს, რომ სიცივეების შემდეგ უეცრად ჰაერის ტემპერატურა 27 გრადუსამდე გაიზარდა, რამაც მისი ტიტები თითქმის მთლიანად გაანადგურა. ყვავილს გარშემო შავი ზოლები გაუჩნდა, რაც მისი გაყიდვის ალბათობას ამცირებს. კაკო ჯეირანაშვილის შესახებ რადიო თავისუფლებამ პირველად გასული წლის აპრილში გიამბოთ. მაშინ მეყვავილე ტიტებს კორონავირუსის პანდემიის გამო დაწესებული შეზღუდვების შემდეგ ვეღარ ყიდდა. #რადიოთავისუფლება
17:00 საათზე stopcov.ge-მ გამოაქვეყნა კორონავირუსით ინფიცირების კიდევ ერთი შემთხვევა. ვიდეოში მოხსენიებულ 24 დადასტურებულ შემთხვევას ემატება კიდევ ერთი, თუმცა ინფიცირების კვალი ჯერ ისევ არ დაკარგულა, რადგან ბოლო, 25-ე შემთხვევაც იტალიას უკავშირდება. რადიო თავისუფლება გთავაზობთ კორონავირუსის გავრცელების სქემას, რომელიც ეყრდნობა დაავადებათა კონტროლის ცენტრის დირექტორისა და ინფექციური საავადმყოფოს მიერ გავრცელებულ საჯარო განცხადებებსა და მონაცემებს.
თბილისი, 12 მარტი, 2020 წელი
იტალიის ქალაქ ბარიში კარანტინში მყოფი ქართველები მღერიან კორონავირუსის შესახებ.
ნეტავ მცოდნოდა, რა უნდა მეთქვა ჩემი თავისთვის, როდესაც ცხოვრებას ვიწყებდი - შვიდი ქალის რჩევა ქალთა საერთაშორისო დღეს, 8 მარტს. საუბრობენ ქალები სხვადასხვა ქვეყნიდან - საქართველო, ირანი, მონტენეგრო, უკრაინა, ბელორუსი, რუსეთი, ტაჯიკეთი.
რას რჩევას მივცემდი ჩემს თავს, კარიერას რომ ვიწყებდე? 5 ქართველი ქალი საკუთარ რჩევებს სხვებსაც უზიარებს. ბევრ ქალს დღესაც „შუშის ჭერი“ აფერხებს სამუშაო ადგილზე კარიერულ წინსვლაში. 8 მარტი ქალთა საერთაშორისო დღეა. ქალთა უფლებებისთვის ბრძოლის დღე.
როგორი შინაარსის ანდაზები იქმნებოდა საქართველოში ქალებზე, რაზე მეტყველებს ეს ისტორიული მეხსიერება და როგორ იკითხება დღეს ამ ანდაზების „სიბრძნე“. რადიო თავისუფლების რესპონდენტები ქალებზე დაწერილ ანდაზებს კითხულობენ.
2017 წელს პარტია “გირჩმა” - რომელიც დაარსებისთანავე სამხედრო სავალდებულო სამსახურის გაუქმებისთვის იბრძვის - რელიგიური ორგანიზაცია, “საქართველოს ქრისტიანული, ევანგელისტური, პროტესტანტული ეკლესია - ბიბლიური თავისუფლება” დააარსა. კანონი ნებისმიერი კონფესიის მღვდელთმსახურებს სამხედრო სამსახურისგან ათავისუფლებს. ამ საკანონდებლო “ხვრელის” წყალობით პარტია წვევამდელებს სასულიერო პირებად აკურთხებს და შესაბამის ცნობებს გასცემს.
ტენესის შტატში ტორნადოს შედეგად მინიმუმ 25 ადამიანი დაიღუპა. სტიქიამ დაანგრია 50 სახლი, სხვადასხვა სახის დაზიანება მიიღო 150 ადამიანმა. გრძელდება დაკარგული მოქალაქეების ძებნა.
სომხეთის პრემიერ-მინისტრის, ნიკოლ ფაშინიანის თქმით, საქართველოში მცხოვრები სომხებისთვის საქართველო სამშობლოა და მათთვის საამაყო უნდა იყოს საქართველოს მოქალაქეობა. ამ შინაარსის განცხადება ფაშინიანმა გააკეთა 3 მარტს, თბილისში, რუსთაველის თეატრში, დიასპორის წარმომადგენლებთან შეხვედრის დროს.
სტალინი საბჭოთა ხალხისთვის ღმერთი იყო, მაგრამ გათენდა 1953 წლის 5 მარტი და მსოფლიომ ამხანაგ სტალინის გარდაცვალების ამბავი შეიტყო. რა ხდებოდა მარტის იმ დღეებში საქართველოში? როგორ დაიტირეს ბელადი ბავშვებმა, მოხუცებმა ... როგორ დაიტირეს ბელადი თბილისში, ბათუმში, გორში, ქუთაისში.
16 წლის ზუგდიდელი ნინი ჩილაჩავა ამერიკელ მომღერალ ემინემის მიერ გამოცხადებული კონკურსის მონაწილეა, რომელიც გამოცემა Southpawer-მა საკუთარ ფავორიტად დაასახელა. გამოცემა წერს, რომ ზუგდიდელი გოგოს ვიდეო ინსტაგრამგვერდზე 100 ათასამდე ადამიანმა ნახა.
რატომ გაჩნდა კორონავირუსი ჩინეთში და რა არის ის, რაც ამ ვირუსის შესახებ უნდა ვიცოდეთ? იცით, რომ ის ბულბულებსაც კი აქვთ? რას აზიანებს ეს ვირუსი? მართლა ასეთი გამძლეა? რა არის ის ორი გზა, რომლითაც კორონა გავრცელდა? რატომ არის მთავარი რეკომენდაცია მაინც და მაინც ხელების დაბანა? ეს კითხვები რადიო თავისუფლებამ დაუსვა ვირუსოლოგ ალექსანდრე ანჯაფარიძეს, მედიცინის მეცნიერებათა დოქტორს, რომელიც 25 წლის განმავლობაში მუშაობდა ჯანდაცვის მსოფლიო ორგანიზაციაში და მას თავად აქვს აღმოჩენილი ორი ვირუსი - ადამიანის ჰეპატიტის E ვირუსი და მაიმუნების ჰეპატიტის A ვირუსი. ალექსანდრე ანჯაფარიძე 1984 წლიდან არის ჯანმო-ს ექსპერტ-კონსულტანტი ვირუსოლოგიაში. 1990-2000 წლებში იყო ჯანმო-ს სამხრეთ-აღმოსავლეთ აზიის რეგიონისმრჩეველი გადამდები დაავადებების საკიტხებში, 2000-2008 ელებში ჯანმო-ს მისიის ხელმძღვანელი ტიმორში, 2008-2010 წლებში ჯანმო-ს მისიის ხელმძღვანელი ნეპალში. 2011-2013 წლებში კი ჯანმო-ს სამხრეთ-აღმოსავლეთ აზიის რეგიონული დირექტორის უფროსი მრჩეველი.
ავღანეთის დედაქალაქის ერთ რესტორანში სტუმრებს ემსახურება უნიკალური ოფიციანტი. ქაბულის რესტორან "ტაიმში" მიმტანი რობოტია, რომელსაც სამი ენა ესმის.
▪️ მემორიალურ დაფებს საქართველოში ისე სწრაფად განათავსებდნენ, როგორც ხსნიდნენ. თბილისის პრესტიჟული სახლების კედლები დაფებით გაივსო. ზოგან ადგილიც აღარ არის. ▪️ ვინ ამზადებს მემორიალურ დაფებს? ვინ ინახავს მემორიალურ დაფებს? ვინ ქმნის ახალ გმირებს და ვინ იხსენებს დავიწყებულ, წაშლილ სახეებს?
საიდუმლო, ვიდეოს ყურება თუ გეზარებათ, ისაა, რომ არავითარი საიდუმლო არ არსებობდა. აბა, რაზე გადაირია ყველა? აი, მაგისთვის კი ვიდეო უნდა ნახო.
სტელა ხალათიანი 13 წელია მეტროს სადგურ „ახმეტელის თეატრში“ კონტროლიორად მუშაობს. მიწის ქვეშ მას თითო მორიგეობაზე 12 საათის გატარება უწევს. ჯიხური, საიდანაც ის ესკალატორს აკონტროლებს, ერთ კვადრატულზე ცოტა მეტია. მისი საქმიანობა მგზავრთა უსაფრთხოების უზრუნველყოფაა.
ახლო აღმოსავლეთში, მიუხედავად მისი სიჭრელისა, ეთნიკური და რელიგიური განსხვავებულობისა, ცხოვრობს ხალხი, რომელთანაც ბევრი რამ გვაქვს საერთო. რა მოხდა ერაყში, რა მოხდება და რას უნდა ელოდოს საქართველო?
პრეზიდენტ ტრამპის პირდაპირი მიმართვის დროს არ ეძინა აშშ-ს, ირანს და ვირტუალურ საქართველოს, რომელიც ისეთი ინტენსივობით პოსტავდა სახელმწიფო დეპარტამენტისა და თეთრი სახლის ფეისბუკის გვერდებზე, რომ ამის არშემჩნევა შეუძლებელი იყო. ჩვენ, ვირტუალური ქართველები სამყაროს დავღუპავდით უთუოდ, ვირტუალურები რომ არ ვიყოთ!
ისინი თბილისში სულ შვიდნი დარჩნენ. ქიშო, ჟორა, მიშა, რაფიკა, სერგო, ანზორი და თემური - ფეხსაცმლის უკანასკნელი მწმენდავები, რომლებმაც ეს ხელობა მამებისა და ბაბუებისგან ისწავლეს და ზოგიერთ მათგანს ძველი ჯაგრისები რელიკვიასავით აქვს დღემდე შემონახული. ხელოსნების უმრავლესობა საქართველოში საუკუნეზე მეტი ხნის წინ ჩამოსახლებული ასურელების შთამომავლები არიან - უკვე ასაკში შესულები, ამბობენ, რომ ცოტაც და თბილისიდან ფეხსაცმელების ბოლო მწმენდავებიც გაქრებიან: ახალ თაობას ეს საქმე აღარ აინტერესებს.
32 წლის გიორგი ფხალაძე პროფესიონალი გიტარისტია. გიტარის შესწავლა და ინსტრუმენტების დამზადება ერთდროულად დაიწყო. კლასიკური გიტარა თინეიჯერობისას, რუსთაველზე სეირნობისას აღმოაჩინა. გიორგიმ და მისმა ძმამ ქაშვეთის ეკლესიის მიწისქვეშა გადასასვლელში გაიცნეს კაცი, რომელმაც მათ კლასიკური გიტარა შეასწავლა. სწორედ მან ასწავლა გიორგის ინსტრუმენტების კეთებაც. კლასიკური გიტარის შესწავლა გიორგიმ კონსერვატორიაში გააგრძელა. კონსერვატორიის დასრულების შემდეგ კი გიორგის ერთ-ერთ მთავარ საქმიანობად სიმებიანი საკრავების დამზადება იქცა. ინსტრუმენტების დამზადების პარალელურად, გიორგი კლუბში უკრავს. რამდენიმეწლიანი პაუზის შემდეგ, გიორგიმ კვლავ სწავლის გაგრძელება გადაწყვიტა და კონსერვატორიაში, მაგისტრატურაზე ჩააბარა.
#რადიოთავისუფლება
ვეცდებით ვუპასუხოთ კითხვებზე: ვინ მოიფიქრა „ლურჯი ვეშაპი“? რატომ შეიქმნა? როგორ გავრცელდა? საქართველოში როგორ მოხვდა? რაც მთავარია - მართლა ისეთი საშიშია, როგორც ამბობენ?