რადიო თავისუფლება

შოვის სტიქიის ეპიცენტრთან ახლოს, სოფელ გლოლაში, მოხალისეთა რამდენიმე ჯგუფს შეხვდებით, რომლებიც ადგილობრივ მოსახლეობას, მაშველებს, ჯარისკაცებს, პოლიციას და ყველას, ვისაც დასჭირდება, საკვებს, წამალს და სხვა საჭირო ნივთებს უგროვებენ და ურიგებენ. რაჭის გარდა, აქ მოხალისეები სვანეთიდან, სამეგრელოდან, იმერეთიდან და სხვა კუთხეებიდანაც ჩავიდნენ. ერთ-ერთი მათგანი, მთის გიდი ვიკა ფილფანი აქ სვანეთიდან ჩამოვიდა. #რადიოთავისუფლება

ექიმების ბრიგადები შოვში, სტიქიის ზონაში მუდმივად დგანან და მორიგეობენ. დღეს, 6 აგვისტოს იქ ონელი ექიმების ბრიგადა დაგვხვდა, რომელთათვისაც შოვი არ იყო მხოლოდ კურორტი. როგორც ერთ-ერთმა გვითხრა, ეს მათი გამქრალი ახალგაზრდობაა, მათი შვილების გამქრალი ბავშვობა. როგორი იქნება ხეობა კურორტ შოვის გარეშე? როგორი იქნება აქაურებისთვის ცხოვრება სტიქიის შემდეგ? ამ ვიდეოში ისინი გვიყვებიან თავიანთ განცდებზე, საქმეზე და ყველაზე მძიმე მოლოდინზე, რაც ღვარცოფში დაკარგული ადამიანების ძებნას თან ახლავს ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

აბელ ბაზაშვილი მჟავე წყალთან თაფლს ხდიდა, როცა შოვში სტიქია დაიწყო. მასთან ახლოს კიდევ თერთმეტი ადამიანი იყო. ხმაური რომ გაიგეს და მტვერი ავარდა, სულ რამდენიმე წუთი ჰქონდათ ტყეში, შემაღლებულ ადგილზე რომ შეესწროთ. ხედავდა, როგორ მიჰქონდა ნიაღვარს ხიდი, მანქანები. გადარჩენილი მეფუტკრე და კიდევ ერთი ადგილობრივი ზურაბ გავაშელი სტიქიის წუთებს იხსენებენ. #რადიოთავისუფლება

ლევან ფოფხაძე მოხალისეა რუსთავიდან, რომელიც შოვის სტიქიის დროს დაკარგულ ნათესავებს და მეგობრებს ეძებს უკვე ორი დღეა, ის თავის მეგობრებთან ერთად მაშველების გვერდით დგას და ცდილობს, შოვის განადგურებული კურორტის ტერიტორიაზე დაკარგული ადამიანები იპოვოს ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

ნახეთ, როგორ გამოიყურება სტიქიის ზონა დღეს, 6 აგვისტოს დრონით გადაღებულ კადრებში ბოლო მონაცემებით, ნაპოვნია 18 ადამიანის ცხედარი. მაშველები ეძებენ კიდევ 17 ადამიანს, რომელთა შორის არიან ბავშვები. რაჭაში, ონის მუნიციპალიტეტის კურორტ შოვში მეწყერი 3 აგვისტოს ჩამოწვა ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

დავით ჯელაძე და მისი ოჯახის ცხრა წევრი 3 აგვისტოს სოფელ ურავიდან შოვში გასასეირნებლად წავიდნენ. მზიანი დღე იყო, უნალექო. შოვში ფოტოებსა და ვიდეოებს იღებდნენ და ინტერნეტში დებდნენ. მოულოდნელად ხიდზე შემდგარებს ჯერ უცნაური ხმაური მოესმათ, მერე კი მათკენ წამოსული მეწყრის უზარმაზარი მასა დაინახეს… ოჯახის წევრები მეწყერმა ერთმანეთს დააშორა. დათო და მისი ექვსი წლის დისშვილი მაშო სრულიად მარტო აღმოჩნდნენ წელამდე ტალახში. თითქმის ოთხსაათიანი ბრძოლის შემდეგ დათომ მაშო სამშვიდობოს გაიყვანა და მერე ოჯახის სხვა წევრების საშველად წავიდა. ათივენი გადარჩნენ. ამ გადარჩენის ამბავს გვიყვება დათო ჯელაძე, ბიჭი ლურჯი მაისურით და ზურგზე მოკიდებული ბავშვით, რომლის ფოტოც ინტერნეტში გავრცელდა #რადიოთავისუფლება

ნახეთ, როგორ გამოიყურება სტიქიის ზონა დღეს, 5 აგვისტოს დრონით გადაღებულ კადრებში მესამე დღეა, დამეწყრილ შოვში სამძებრო სამუშაოები მიმდინარეობს. მაშველებთან ერთად მოხალისეებიც მუშაობენ, ჩართულია მძიმე ტექნიკაც ბოლო მონაცემებით, ევაკუირებულია 200-ზე მეტი ადამიანი, ნაპოვნია 16 ცხედარი, ამ დრომდე ეძებენ 20-მდე ადამიანს რაჭაში, ონის მუნიციპალიტეტის კურორტ შოვში მეწყერი 3 აგვისტოს ჩამოწვა ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ-https://www.radiotavisupleba.ge/a/325... #რადიოთავისუფლება

ნახეთ, როგორ გამოიყურება სტიქიის ზონა დრონით გადაღებულ კადრებში შოვში სამძებრო სამუშაოებში ჯარი ჩაერთვება ბოლო ინფორმაციით, 11 დაღუპული იპოვეს, ეძებენ 25 ადამიანს ორშაბათი, 7 აგვისტო საქართველოში გლოვის დღედ გამოცხადდება მეორე დღეა, უწყვეტი რეჟიმით გრძელდება სამძებრო სამუშაოები, რომელშიც ჩართულია 400-მდე მეხანძრე-მაშველი და შინაგან საქმეთა სამინისტროს სხვადასხვა დანაყოფის თანამშრომლები და მობილიზებულია შესაბამისი ტექნიკა. რაჭაში, ონის მუნიციპალიტეტის კურორტ შოვში მეწყერი 3 აგვისტოს ჩამოწვა. ყველა ინფორმაცია სტიქიური პროცესების გააქტიურებიდან ამ დრომდე ნახეთ აქ - https://www.radiotavisupleba.ge/a/325... #რადიოთავისუფლება

ბათუმის პორტი უკვე მეორედ დატოვა სოჭიდან (თურქეთის გავლით) ჩასულმა საკრუიზო ლაინერმა Astoria Grande-მ. ლაინერის 250 კაციანი ეკიპაჟი, თითქმის, მთლიანად რუსეთის მოქალაქეებით არის დაკომპლექტებული და გემსაც რუსეთი მართავს. საკრუიზო ლაინერის ოფიციალური გვერდი ინტერნეტში მხოლოდ რუსულ ენაზეა. #რადიოთავისუფლება

პერწო ის ადამიანია, ვინც თავისი მოპედით დღეში ოც ადგილას შეიძლება მივიდეს. სულ სადღაც გარბის, რაღაცას აგვარებს, სულ რაღაცისთვის იბრძვის და როგორც ამბობს, ასეა ბავშვობიდან ახლა 22 წლისაა. მისი სახელი და გვარი გვანცა პერტიაა, მაგრამ ყველა პერწოს ეძახის. თავის თავს არაბინარულ ადამიანად მოიაზრებს. უყვარს ცხოველები, მოპედები და მარიამი ამბობს, სულ უსამართლობას აპროტესტებს, თანასწორობისთვის იბრძვის, ანტირუსულ აქციებზე დგას პერწო იყო ერთ-ერთი მათ შორის, ვინც 2023 წლის 8 ივლისს, ჰომოფობიური ჯგუფების მიერ დარბეული პრაიდფესტივალის ღონისძიებიდან პოლიციამ გაიყვანა. ჩაშლილ ფესტივალზე გულისწყვეტა და ბრაზი დღემდე მოჰყვება. მაგრამ პერწო ამბობს: I am not a quitter – მე არასოდეს დავნებდები #რადიოთავისუფლება

რადიო „თავისუფლების“ პოდკასტი „წიგნები“ რუბრიკით „ქართული“ გთავაზობთ საუბარს ქართული ხალხური პოეზიის შედევრზე, ბალადაზე „ლექსი ვეფხისა და მოყმისა“, რომელიც პირველად დავით ხიზანიშვილმა ჩაიწერა 1887 წელს, ხოლო სრულად – ვახტანგ კოტეტიშვილმა 1927 წელს ბალადა ორი ნაწილისგან შედგება, პირველში ნადირობა და სასიკვდილო შეტაკებაა, მეორეში – დედის დატირება და მტრის დედის ძიება. როგორც აგამემნონმა მოკლა არტემისის ღვთიური ირემი, ისე პირშიშველმა ყმამ მოკლა ღვთაებრივი ბერხენი ჯიხვი, რამაც საბოლოოდ ვეფხვთან დაპირისპირება გამოიწვია ვისი შვილია ადამიანი – დედისა თუ ბუნებისა, რატომ იბრძვიან „ხთის“ თვალებიანი ვეფხი და „არაჭკვიანი“ მოყმე და რატომ მიუწევს შვილმკვდარ დედას გული ვეფხის დედისკენ, რატომაა ვაჟკაცობა მშვიდობაზე მნიშვნელოვანი, – ამაზე ვისაუბრებთ გადაცემაში #რადიოთავისუფლება

∆ საქართველოში, ერთ-ერთ მდელოზე, ტყესთან და მდინარესთან ახლოს, ძველი ხის ქოხი დგას. ≤≥ აქ მოგზაურები მთელი მსოფლიოდან იკრიბებიან, ერთმანეთს ნანახს უზიარებენ და განვლილ გზაზე ფიქრობენ. ∫ ზოგიერთ მათგანს თავი ქუჩის მუსიკოსობით გააქვს, ზოგი მუსიკალურ ინსტრუმენტებს აკეთებს, ზოგიც სამკაულებს და ასე აგროვებენ ფულს შემდეგი მოგზაურობებისთვის. #რადიოთავისუფლება

უკრაინის შეიარაღებული ძალების კონტრშეტევას, რომელიც ივნისში დაიწყო, რამდენიმე ფაქტორი, მათ შორის წინასწარ დანაღმული ველები აბრკოლებს. ასეთ ვითარებაში, უკრაინის სარდლობა დიდ ყურადღებას უთმობს ინჟინერ-გამნაღმველების მომზადებას. ერთი წლის წინ უკრაინაში, „კავკასიური ლეგიონის“ შემადგენლობაში შეიქმნა ინჟინერ-გამნაღმველთა ჯგუფი, რომელსაც პროფესიონალი სამხედრო, მალხაზ ქავთარაძე ხელმძღვანელობს. კობა ლიკლიკაძესთან ინტერვიუში ის საუბრობს იმ სირთულეებზე და საფრთხეზე, რასაც გამნაღმველები ფრონტის ხაზზე აწყდებიან. #რადიოთავისუფლება

რადიო თავისუფლების პოდკასტი „წიგნები“ რუბრიკით „ნორვეგიული წიგნის კლუბი“ გთავაზობთ საუბარს უდიდეს ესპანელ პოეტზე, მუსიკოსსა და მხატვარზე, ფალანგისტების მიერ მოკლულ გმირზე, ფედერიკო გარსია ლორკაზე დავით წერედიანს ნათქვამი აქვს: „არაერთისაგან მსმენია: ლორკა მიყვარს, ოღონდ „ბოშური რომანსეროს“ გამოკლებით. ადვილი მისახვედრია, სიტყვა „ბოშური“ და სიტყვა „რომანსი“ აფრთხობთ, რუსულ „ციგანშჩინაში“ ერევათ, რომელიც ძალიან მაღალი გემოვნების გამოხატულებადაც არ არის მიჩნეული ეს პატარა წიგნი ესპანურენოვან ტრადიციაში ბალადური წყობის ხალხურ ან ხალხურთან მიახლოებულ ლექსებს მოიცავს. თვითონ პოეტის სიტყვით, კრებულის მთავარი პერსონაჟი ანდალუზიური ნაღველია. რაში მდგომარეობს ანდალუზიური ნაღვლის სპეციფიკა, ძნელი მისახვედრია, მით უფრო უცხოელისათვის, მაგრამ მთელი წიგნი უჩვეულოდ გადამდები ნაღვლით რომ არის განმსჭვალული, ეს ცხადზე უცხადესია ლორკას პოეტური ბიოგრაფია ავანგარდიზმისკენ განუწყვეტელი სწრაფვაა. ვერც კი წარმოუდგენია, ჩვეულებრივი კარგი ლექსი დაწეროს. მაგრამ ის ამავე დროს სისხლითა და ხორცით ესპანელია, ზეპირსიტყვიერებაზე შეყვარებული და გონგორასეული ტრადიციით გაჟღენთილი

ქართველები განიხილებოდნენ როგორც მნიშვნელობით ნომერ მეორე ერად საბჭოთა ცნობიერებაში ჩხეიძეს წასვლა მოუწია და სუფრიდან ამდგარს ვიღაცამ ხუმრობით დაადევნა რეპლიკა: „ბეჟალი რობკიე გრუზინი“. ჩხეიძემ კი დაუყოვნებლივ უპასუხა: „პრაშაი, ნემიტაია რასია“ ჩავედი საქართველოში და ჩინებულად მიმასპინძლეს - დიდებული ღვინით და მწვადით და ა.შ. ჰოდა რა გვაქვს საჩხუბარი? საქართველოს ყოველთვის ზემოდან გადმოხედავენ - არასდროს აღიარებენ მათ თანასწორად. - ამბობს ოქსფორდის უნივერსიტეტის პროფესორი, ისტორიკოსი ანდრეი ზორინი. მასთან ვაჟა თავბერიძის ინტერვიუს სრულ ტექსტურ ვერსიას წაიკითხავთ 25 ივლისს რადიო თავისუფლების ინტერნეტპლატფორმებზე.

სტეფანე მღებრიშვილი ყვება 90-იანების მიწურულის მუსიკალურ სცენაზე, პროდიუსერულ საქმიანობაზე, ტრიუმფალურ დაბრუნებაზე და მომავლის გეგმებზე... #რადიოთავისუფლება

ნესტან ხორხომელიძე 2009 წლიდან დუშეთის მუნიციპალიტეტის სოფელ შუაფხოს საჯარო სკოლაში გეოგრაფიას ასწავლის შუაფხოს საჯარო სკოლაში ახლა სულ 13 ბავშვი სწავლობს. ნესტან მასწავლებლის მსგავსად, ბევრ მის მოსწავლესაც გეოგრაფობა უნდა #რადიოთავისუფლება

2023 წლის 4 ივლისს, ქუთაისის საქალაქო სასამართლოს მოსამართლე მანანა ნიკაჭაძემ ქალთა საფეხბურთო კლუბი „მართვე“ და მისი მწვრთნელი პაატა დოგრაშვილი პასუხისმგებლად ცნო ამავე კლუბის 9 ქალი ფეხბურთელის მიმართ სექსუალურ შევიწროებაში. მათ ფეხბურთელებისთვის მორალური ზიანის ანაზღაურება - 36 000 ლარის გადახდა დააკისრა - ცხრიდან ხუთი ფეხბურთელი გოგო, რადიო თავისუფლებასთან ინტერვიუში ღიად ლაპარაკობს ჯერ კიდევ მათი არასრულწლოვნობის პერიოდში, როგორც საკუთარ თავზე განცდილ, ისე მათი მეგობრების თავს გადახდენილ სექსუალური შევიწროებისა და ფსიქოლოგიური ძალადობის ამბებზე. ვრცლად: https://bit.ly/3pQ8bFg #რადიოთავისუფლება

რადიო „თავისუფლება“ პოდკასტი „წიგნები“ რუბრიკით „ქართული“ და ქვერუბრიკით „მთაწმინდელები“ გთავაზობთ საუბარს XIX საუკუნის ქართველ ვარსკვლავზე, ყველა დროის ერთ-ერთ უდიდეს ქართველზე, დიმიტრი ყიფიანზე. ლევან ბერძენიშვილი, ამ პოდკასტის ავტორი, საუბრობს დიმიტრი ყიფიანზე, რომელიც იყო: სახელმწიფო და საზოგადო მოღვაწე, პუბლიცისტი, მთარგმნელი, თფილისის გუბერნიის თავადაზნაურობის წინამძღოლი, სამეგრელოს მთავრისქონება-მამულის მეურვე, თფილისის ქალაქის თავი, ქართველთა შორის წერა-კითხვის გამავრცელებელი საზოგადოების თავმჯდომარე, ქუთაისის თავადაზნაურობის წინამძღოლი, 1832 წლის შეთქმულების მონაწილე, ორგზის პოლიტიკური პატიმარი, პირველი ქართული ბიბლიოთეკის დამაარსებელი, ეროვნული ხსნის პროგრამის შემქმნელი, ქართული პროფესიული თეატრის ერთ-ერთი დამაარსებელი, სათავადაზნაურო ბანკის შექმნის იდეის ავტორი, ინიციატორი და მოამაგე, ბოლოს და ბოლოს ნამდვილი ეროვნული გმირი, რომელმაც ქართველი ერის მაწყევარ ეგზარხოსს თავისი არაქრისტიანული საქციელი არ შეარჩინა და ჩვენი ერის ღირსება დაიცვა. სწორედ ამის გამო მუხანათურად მოკლეს სტავროპოლში გადასახლებული ძილში საქართველოს დაუძინებელმა მტრებმა. უსულო ცარიზმის სისხლიან ისტორიაშიც კი ეს ტერაქტი ერთ-ერთი ყველაზე ამაზრზენია. დიმიტრი ყიფიანი საქართველოს ეკლესიის წმინდანია, ისაა კაცი, რომელიც ათასწლეულში ერთხელ იბადება… #რადიოთავისუფლება

ქუთაისში გასართობი სივრცე არ არის ბევრი, მაგრამ ბევრია ურთიერთობა. სიყვარულის ბაღი, ფეხბურთი, მეგობრის დღიური და ლაპარაკი ადამიანების არსებობაზე, ცენტრისგან პერიფერიად აღქმულ ქალაქში. პერიფერია - ქვიარ სივრცე ქუთაისში, რომელიც ყველასთვის ღიაა. #რადიოთავისუფლება

რადიო თავისუფლების პოდკასტი „წიგნები“ ქმნის ახალ რუბრიკას, რომელსაც ეწოდება „სოლიდარობა“. ამჟამად „წიგნები“ სოლიდარობას უცხადებს „ბაკურ სულაკაურის გამომცემლობას“, რომელსაც თავს დაესხა შავრაზმელების არმია საქართველოს ე.წ. პრემიერის ირაკლი (დაწერილობა სწორია!) ღარიბაშვილის მეთაურობით. ლევან ბერძენიშვილი, ამ პოდკასტის ავტორი და წამყვანი გამომცემლობას უდასტურებს ძველ მეგობრობას, სიყვარულსა და პატივისცემას და სოლიდარობის არეალში შემოჰყავს უმეცარი ადამიანების მიერ დაწუნებული დიდი ფრანგი ავტორი, კლასიციზმის ეპოქის პოეტი, ხელოვნების თეორეტიკოსი, საფრანგეთის აკადემიის წევრი, დიდი მეზღაპრე შარლ პერო. შემთხვევითი არ არის, ამ ნამდვილ აკადემიკოსს რომ კინაღამ აკადემიკოსი შეეჯახა. შარლ პერომ ხალხური ზღაპარი პირველმა აქცია „მაღალ“ ლიტერატურად. პეროს „ზღაპრებმა“ ხელი შეუწყო ლიტერატურის დემოკრატიზაციას და ბიძგი მისცა მსოფლიო საზღაპრო ტრადიციის განვითარებას (ძმები გრიმები, ტიკი, ანდერსენი). პეროს ზღაპრების სიუჟეტებზე შექმნილია როსინის ოპერა „კონკია“, ბარტოკის ოპერა-ბუფი „ლურჯწვერა ჰერცოგის ციხესიმაგრე“, ოფენბახის „ლურჯწვერა“, ჩაიკოვსკის ბალეტი „მძინარე მზეთუნახავი“, პროკოფიევის „კონკია“. ქართველი უწიგნურების ორგანიზებული არმია გვთავაზობს ამ ყველაფერზე უარი ვთქვათ პეროს „ვირის ტყავის“ გამო. გადაცემაში წამყვანი გასცემს პასუხს ამ „ვირისტყაოსნებს“. პოდკასტში გამოთქმული მოსაზრებები ეკუთვნის ავტორს და შეიძლება ყოველთვის არ ემთხვეოდეს რედაქციის პოზიციას. #რადიოთავისუფლება

რადიო თავისუფლებასთან ინტერვიუში უკრაინის საგარეო საქმეთა მინისტრი ამბობს, რომ ნატოს სამიტმა "შერეული განცდები" დაუტოვა ერთი მხრივ, უკრაინას აღარ დასჭირდება MAP-ი, (ნატოში გაწევრიანების სამოქმედო გეგმა), მეორე მხრივ კი ალიანსი ჯიუტად არ აკონკრეტებს, როდის იქნება მზად კიევის მისაღებად. ამის მიუხედავად, დმიტრო კულება გვეუბნება, რომ "ბოლოს ყველაფერი კარგად იქნება" რადიო თავისუფლება #რადიოთავისუფლება

გელა გოგიშვილი და ჰაოიან სიუი - გეიწყვილია, რომლებსაც რუსეთის დატოვება მოუხდათ. ახლა ბლოგერები საქართველოში ცხოვრობენ, მაგრამ "პრაიდის ფესტივალზე" მოხვედრა ვერ შეძლეს. ჰაოიან სიუი რუსეთში ჩინეთიდან რუსული ენის სასწავლად ჩავიდა. ის ყაზანის უნივერსიტეტში, ფილოლოგიის ფაკულტეტზე სწავლობდა, როცა გელა გოგიშვილი გაიცნო - რუსეთის მოქალაქე ქართველი ფარმაცევტი მოსკოვიდან. ახალგაზრდებს ერთმანეთი შეუყვარდათ. TikTok-სა და Youtube-ზე მათი ურთიერთობის ამსახველი ვიდეობლოგები ჰომოფობებს მოხვდათ თვალში და წყვილი “გეი პროპაგანდის გავრცელებისთვის” დაასმინეს. გელა და ჰაოიანი იძულებული გახდნენ რუსეთი დაეტოვებინათ. #რადიოთავისუფლება

ჯიმი და ნიკო - განკითხვის დღე ჯიმის და ნიკოს განკითხვის დღე ყოველ ხუთშაბათს გადის პირდაპირ ეთერში - 20:00-ზე #რადიოთავისუფლება

რადიო თავისუფლების პოდკასტი „წიგნები“ რუბრიკით „ქართული“ გთავაზობთ საუბრის გაგრძელებას თემაზე „მთაწმინდელები“. ამჟამად ვისაუბრებთ მთაწმინდის პანთეონის მკვიდრზე 2013 წლიდან, ჭაბუა ამირეჯიბზე – დიდ მწერალსა და ელვარე ბიოგრაფიის კაცზე. ჭაბუა ამირეჯიბი 21 წლის ბიჭი იყო, როდესაც ჯერ 25 წელი მიუსაჯეს და, პროკურორის მიერ „მსუბუქი“ სასჯელის გაპროტესტების შემდეგ, მოსამართლემ ეს წლები დახვრეტით შეუცვალა. სამი თვე ელოდა დახვრეტას, როგორც დოსტოევსკი; ვიონზე ფიქრობდა ამ დროს... სამოცდაათიან წლებში ქართული რომანის ბუმი „დათა თუთაშხიათი“ დაიწყო. „ცისკრის“ რედაქტორმა, ჯანსუღ ჩარკვიანმა, გმირობა გამოიჩინა და დაბეჭდა. ხელისუფლებამ გადაწყვიტა, არ დაპირისპირებოდა, თუკი თავად ავტორი არ გამოთქვამდა დისიდენტობის სურვილს. ესაა წიგნი ინსა და იანზე, თავისუფლებასა და წესრიგზე, დათა თუთაშხიასა და მუშნი ზარანდიაზე. დათა თუთაშხია, აბრაგი, პოეტი და ფილოსოფოსი, ქართული ლიტერატურის ერთ-ერთი უმდიდრესი სახეა. მის უკან ისტორიული გუძა შელიაც დგას, ჩვენი მაცხოვარიცა და მთელი ქართული წარმართული პანთეონიც. #რადიოთავისუფლება

ვალერია შაშენოკი 21 წლისაა. ის უკრაინის ქალაქ ჩერნიგოვიდანაა. ახლა ლონდონში ცხოვრობს და იქიდან ცდილობს გააგონოს უკრაინელი ხალხის ხმა მსოფლიოს. უკრაინელი ფოტოგრაფი მსოფლიომ ჯერ კიდევ ერთი წლის წინ, მაშინ გაიცნო, როდესაც უკრაინაში რუსეთი შეიჭრა და ვალერიამ გადაწყვიტა, რომ რუსეთი და ომი, რომელიც მას, მის ოჯახს, მეგობრებს, მეზობლებს და მთელ უკრაინას დაატყდა თავს, სოციალურ მედიაში - ტიკ-ტოკზე, ინსტაგრამზე გადაეტანა და ასე ეჩვენებინა დანარჩენი ცივილიზებული სამყაროსთვის, რა ხდებოდა მის ქვეყანაში. თავდაპირველად, სარკასტული ვლოგების გადაღება დაიწყო. მაგალითად, როგორ უნდა მოამზადო ბომბსაფარში ბორში, როგორ უნდა მიიღო შხაპი, როგორ მოადუღო ყავა. ბომბსაფრიდან ამოსული ვალერია ჩერნიგოვში, რუსული ჭურვებისგან განადგურებულ შენობებს უღებდა ფოტოებს, მათ ფონზე წერდა ვიდეოებს და ვლოგებს სოციალურ მედიაში ათავსებდა. ძალიან მალე, ვალერიას ვლოგებმა ათეულობით მილიონი ნახვა და მოწონება მოაგროვა. 2022 წლის გაზაფხულზე ვალერიას უკრაინის დატოვება მოუხდა. ის ჯერ იტალიაში წავიდა, შემდეგ კი ლონდონში. ავსტრიულმა გამომცემლობამ ვალერიას შესახებ გასულ წელს წიგნი გამოსცა: “24 თებერვალი: და ცა აღარ იყო ცისფერი”. წიგნი ინგლისურ და იტალიურ ენებზეც ითარგმნა. ვალერია ორჯერ იყო მიწვეული ევროპარლამენტში. რამდენიმე დღის წინ, ვალერია თბილისში ჩამოვიდა. საქართველოს პრეზიდენტის, სალომე ზურაბიშვილის მოწვევით მან ქალთა საერთაშორისო კონფერენციაში „ქალები მშვიდობისთვის“ მიიღო მონაწილეობა. #რადიოთავისუფლება

რადიო თავისუფლების პოდკასტი „წიგნები“ რუბრიკით „ნორვეგიული წიგნის კლუბი“ გთავაზობთ საუბარს დიდი ინგლისელი მწერლის, ჯოზეფ კონრადის, შედევრზე „ნოსტრომო“ ჯოზეფ კონრადი (ნამდვილი სახელი: იუზეფ თეოდორ კონრად კორჟენევსკი) პოლონური წარმოშობის ინგლისელი მწერალია. იგი რუსეთის იმპერიაში, უკრაინაში, ბერდიჩევში დაიბადა პოლონეთის თავისუფლებისთვის მებრძოლი და გადასახლებული პოლონელი არისტოკრატის, აპოლო კორჟენევსკის ოჯახში იუზეფი ადრე დაობლდა და მისი აღზრდა ბიძამ ითავა. ასე აღმოჩნდა ოდესაში და პირველად ნახა თავისი მთავარი სტიქია: ზღვა. გაიარა ყველა საფეხური იუნგიდან გემის კაპიტნობამდე, მიიღო ინგლისის მოქალაქეობა და დაიწყო წერა. თავიდან ეგონათ, სათავგადასავლო რომანებს წერსო (ზოგს ახლაც ჰგონია). ოღონდ თავგადასავლისა და ზღვის გარდა მისი რომანები სავსეა ნეორომანტიზმითა და მოდერნიზმით, რაც მთავარია, ყველანაირი ადამიანებით „ნოსტრომოში“ მოქმედება სამხრეთ ამერიკის გამოგონილ კოსტაგუანას რესპუბლიკაში იწყება. მთავარ მოქმედ გმირს, ჯან ბატისტა ფიდანცას მეტსახელით იცნობენ. მეტსახელია „ნოსტრომო“ (სიტყვა-სიტყვით „ჩვენი კაცი“), ასე ბოცმანებს უწოდებენ იტალიურ გემებზე. ნოსტრომო პატიოსანი კაცია. და სად გადის პატიოსნების საზღვარი?.. #რადიოთავისუფლება

Tbilisi Open Air - საქართველოში ყველაზე მასშტაბური მუსიკალური ფესტივალი, 2009 წლიდან იმართება თბილისში. ამ ვლოგში მოგიყვებით, თუ როგორი იყო წელს ფესტივალის სამი დღე, ვინ როგორ ატარებდა დროს და როგორი შთაბეჭდილებებით ელოდებიან შემდეგ Open Air-ს. #რადიოთავისუფლება

სტუდენტების ფსიქიკური ჯანმრთელობა, გარემო პირობები, შფოთვა, დეპრესია ... სამყაროსთან ადაპტაცია და გზა დამოუკიდებელი ცხოვრებისკენ - სერვისები, რომლებიც სტუდენტებს და ახალგაზრდებს აკლიათ. როგორია სტუდენტის ემოციური მდგომარეობა თანამედროვე საქართველოში? #რადიოთავისუფლება

2 ივლის თბილისი პრაიდის კვირეული გაიხსნა. გახსნას სხვადსხვა ქვეყნის ელჩები და დიპლომატები დაესწრნენ. უსაფრთხოების მიზნით მობილიზებული იყო პოლიციაც. შეკრებილებს მიმართა ევროპის საბჭოს ადამიანის უფლებათა კომისარმა დუნია მიატოვიჩმა. #რადიოთავისუფლება

ჯერ 40 წლისაც არაა, მაგრამ ცხოვრებისეული გამოცდილებით შეუძლია იამაყოს - ქართული თეატრისა და კინოს პოპულარულმა მსახიობმა კახა კინწურაშვილმა აფხაზეთიდან დევნილის დამღაც დაძლია და იაფფასიანი სატელევიზიო შოუებიდანაც შეძლო წასვლა. რაც მთავარია, შეეჭიდა შექსპირის, ევრიპიდეს, იბსენის, სოფოკლეს ტექსტებს. „შვილის“ მორიგი სერიის გმირი გვიამბობს, როგორ გადალახა წინააღმდეგობები, როგორ მუშაობს როლებზე და მადლობას უხდის მშობლებს, რომლებიც დაეხმარნენ „შეექმნა თავისი ისტორია“. ▶ 3 ივლისს - დაელოდეთ „შვილის“ ახალ ეპიზოდს ჩვენს Youtube არხზე. #რადიოთავისუფლება

რადიო თავისუფლების პოდკასტი „წიგნები“ და მისი რუბრიკა „ნორვეგიული წიგნის კლუბი“ გთავაზობთ საუბარს ინგლისური ლიტერატურის შედევრზე, მეთოთხმეტე საუკუნის დიდი პოეტის, ინგლისური პოეზიისა და ლიტერატურის ფუძემდებლის, ჯეფრი ჩოსერის „კენტერბერიულ მოთხრობებზე.“ ეს ნაწარმოები ე.წ. ჩარჩოიანი თხზულებაა, რომელშიც მოთხრობები რითმიანი ლექსითაა გადმოცემული (მხოლოდ ორი მოთხრობაა პროზად). ჩვენ მხოლოდ ერთ პოემას განვიხილავთ, რომელიც რაინდის გადმოცემულია. ესაა სიყვარულის ისტორია, სავსე ანტიკურობით, თესევსის ამბისა და კრეონის ამბის შეზავებით, ამორძალებით, ემილიათი და ა.შ... #რადიოთავისუფლება

ეს პროექტის „რუსები და ქართველები პირისპირ“ ბოლო ეპიზოდია. ამ ეპიზოდის გმირები ვახო და დარია არიან. თებერვალში მათ, პროექტის სხვა მონაწილეებთან ერთად, ჩვენ მიერ დასმულ 14 შეკითხვას უპასუხეს - ჩვენ გვინდოდა გაგვეგო რა იციან რუსებმა და ქართველებმა ერთმანეთზე და რამდენად კარგად ესმით ერთმანეთის. ინტერვიუს შემდეგ პროექტის მონაწილეებს პირისპირ შეხვედრა შევთავაზეთ #რადიოთავისუფლება

ეს ჟურნალისტური გამოძიება ორი ნაწილისგან შედგება - ერთი ნუშის ბაღების მილიონიან დავას ეხება, მეორე კი ქვემო ქართლის ყოფილი გუბერნატორის, ლევან მამალაძის, იმავე ლევ მოგილევსკის ლუგანსკელ სეპარატისტებთან კავშირს მალე გიორგი მგელაძის ჟურნალისტური გამოძიება: ორი გვარი, ორი რელიგია - ლევან მამალაძის სეპარატისტებისა და ნუშის ბაღების მილიონიანი დავის ამბები #რადიოთავისუფლება

ბუნება, რომელიც ადამიანის არასწორ განვითარებას ებრძვის და ფერმერი, რომელიც ადაპტაციის გარეშე ვერ გადარჩება - სრულად ნახეთ კომენტარებში მითითებულ ბმულზე #რადიოთავისუფლება

აჭარის რეგიონში საზღვაო ტურისტული სეზონი ოფიციალურად ივნისში გაიხსნა. ადგილობრივი მთავრობის პროგნოზით, წელს 4 მილიონზე მეტ დამსვენებელს და ტურისტს ელოდებიან. ძირითადი დატვირთვა, როგორც ყოველთვის, ბათუმზეა. სეზონის დასაწყისში ბათუმელების ნაწილი სტუმრების სიმცირეს უჩივის, მეორე ნაწილი კი ამბობს, რომ პრობლემა არა ტურისტების ნაკლებობა, არამედ უკრაინაში ომის დაწყების შემდეგ რუსეთიდან, უკრაინიდან და ბელარუსიდან ჩამოსულების საქმიანობით გამოწვეული კონკურენციაა. ბათუმში, ტურიზმის სფეროში დასაქმებულთათვის ვითარება ბოლო წელიწად-ნახევარში მნიშვნელოვნად შეიცვალა. წაიკითხეთ აქ - https://shorturl.at/qyBSW #რადიოთავისუფლება

მეათე დღეა კინოცენტრში პროტესტი არ წყდება. კინოსექტორი 11 ივნისიდან ითხოვს კინოცენტრში რეორგანიზაციის პროცესის შეჩერებას და ცენტრის ახალ ხელმძღვანელთან შეხვედრას. 20 ივნისს, საღამოს 6 საათზე ამოიწურა მინისტრის მიერ დროებით დირექტორის მოვალეობის შემსრულებლისთვის მიცემული ვადა, დანიშნულიყო შეხვედრა კინემატოგრაფისტებთან - ამ დროს კინოცენტრთან შეკრებილი რეჟისორები გულშემატკივრებს იმ საფრთხეების შესახებ ელაპარაკებოდნენ, რაც დამოუკიდებელ ქართულ კინოს ემუქრება სამინისტროს ხისტი პოლიტიკით და ცენზურის მცდელობით. #რადიოთავისუფლება

მაღაროელების პროტესტი ჭიათურას გასცდა და ამიერიდან თბილისშიც გაგრძელდება, სანამ “ჯორჯიან მანგანეზი” მათ მოთხოვნებს დააკმაყოფილებს. დასაქმებულებისთვის საკვანძო საკითხი ხელფასის ზრდაა. დამსაქმებელი ამბობს, რომ ზარალზე მუშაობს. #რადიოთავისუფლება

ძლიერი წვიმისა და წყალდიდობის გამო ავტომობილებით გადაადგილება აიკრძალა წნორი-სიღნაღის გზაზე #რადიოთავისუფლება

ბუნება, რომელიც ადამიანის არასწორ განვითარებას ებრძვის და ფერმერი, რომელიც ადაპტაციის გარეშე ვერ გადარჩება. ტემპერატურის ცვლილება, უხვი ნალექები, გვალვა, ქარები და გაუდაბნოება. მშრომელი ადამიანის მდგრადი განვითარება, ბუნების პირისპირ - გლობალური დათბობა დედოფლისწყაროს და მარნეულის მაგალითზე. #რადიოთავისუფლება

თბილისში ისტორიული უბნები და შენობები გაქრობის პირასაა. ამ პრობლემას მეტი ყურადღება რომ მიექცეს, არასამთავრობო ორგანიზაცია „საქართველოს ეროვნულმა ფონდმა“ თბილისში დანგრეულ შენობებთან ღონისძიებები მოაწყო. არტისტებმა მარტინ იანიჩეკიმა და გეილ საგმანმა მეტეხის უბანში, მუშთაიდის პარკთან და სურბ გევორქის ეკლესიასთან მუსიკალური პერფორმანსი ჩაატარეს. პროექტის „მომღერალი შენობების“ ფარგლებში არტისტები ამ უბნებში ძველ ნივთებს პოულობენ და მათგან ინსტრუმენტებს ამზადებენ. #რადიოთავისუფლება

პროდუსერი, „ნუში ფილმის“ დამფუძნებელი, თეკლა მაჭავარიანი ერთ-ერთია კინოსექტორის იმ წარმომადგენლებს შორის, ვინც თვლის, რომ სახელმწიფო კინოცენტრის დამოუკიდებლობის შეზღუდვას და კინემატოგრაფების შემოქმედებითი თავისუფლების წინააღმდეგ გალაშქრებას გეგმავს. კოლეგებთან ერთად ის ითხოვს, კინოცენტრის ხელმძღვანელი მინისტრის ბრძანებით დანიშნული ადამიანის ნაცვლად არჩევნების გზით არჩეული კანდიდატი გახდეს, რომლის ხედვაც და გეგმებიც ცნობილი იქნება სექტორის წარმომადგენლებისთვის „იმაზე ვსაუბრობთ, რაც გვაწუხებს და ამის გაჩერება ძალიან რთულია. ჩვენ ჩვენს მაყურებელზე ვყვებით ისტორიებს არა მარტო დოკუმენტურ კინოში და როცა რეალობაზე ვყვებით, ვაჩვენებთ იმ პრობლემებს რომლის წინაშეც ვდგავართ. ეს თუ შეწყდა, სრულიად გაითიშება კრიტიკული აზროვნება" - უთხრა რადიო თავისუფლებას თეკლა მაჭავარიანმა კინოს სფეროში მომუშავე პროფესიონალებისთვის 10 ივნისს გახდა ცნობილი, რომ კინოცენტრში რეორგანიზაცია ცხადდებოდა და ამ პროცესს მინისტრის მიერ დანიშნული ფინანსისტი, კობა ხუბუნაია უხელმძღვანელებდა. ხუბუნაია არც ცენტრის თანამშრომლებს და არც სექტორის წარმომადგენლებს ამ დრომდე არ შეხვედრია - უცნობია მისი ხედვაც საზოგადოებისთვის ქართული კინოს მომავალზე #რადიოთავისუფლება

რუსეთიდან შემოსული მილიონობით დოლარი ხელოვნების სფეროს დასაპყრობად. “თავისუფლების მონიტორმა” გერას ხელმძღვანელის, ალექსანდრე გვარიშვილის ევრაზიული კავშირის გენერალურ მდივანთან და აიპიჩეინის პრეზიდენტთან - ანდრეი კრიჩევსკისთან ბიზნეს კავშირების დამადასტურებელი დოკუმენტები მოიპოვა. ასევე დავადგინეთ კრიჩევსკის საქართველოში ყოფნისა და მისი ბიზნესსაქმიანობის ფაქტები ნახეთ, მტკიცებულება, რომლითაც დასტურდება, რომ ლაშა ნაცვლიშვილი საქართველოს საავტორო უფლებათა ასოციაციის წინააღმდეგ პროცესებს მართავს. ამ ორგანიზაციის წინააღმდეგ მიმართულ კამპანიაში ჩართულია ხელისუფლების სხვადასხვა შტო. ნახეთ,,თავისუფლების მონიტორის'' ახალი ჟურნალისტური გამოძიება. #რადიოთავისუფლება

ბიჭი სინანულით იხსენებს წარსულში მომხდარ საგზაო შემთხვევას, რომელიც მისმა უყურადღებობამ გამოიწვია და პატარა გოგოს სიცოცხლე იმსხვერპლა. მისი სინანული იმდენად ძლიერია რომ ის საგზაო შემთხვევიდან დიდი ხნის შემდეგ, ხანდახან ხედავს ზუსტად იმგვარ წითელ ბუშტებს, როგორიც გოგოს ხელში ეჭირა. მოკლე ფილმების კონკურსის მიზანია საზოგადოებრივი ცნობიერების ამაღლება საგზაო-სატრანსპორტო შემთხვევებით გამოწვეული სოციალური შედეგების შესახებ. ავტორი: რევაზ ჯანყარაშვილი #რადიოთავისუფლება

რადიო თავისუფლების პოდკასტი „წიგნები“ და მისი რუბრიკა „ნორვეგიული წიგნის კლუბი“ გთავაზობთ საუბარს გერმანული ლიტერატურის შედევრზე, თომას მანის „ბუდენბროკებზე“. ამ რომანს ქვესათაურად აქვს „ერთი ოჯახის დაცემის ისტორია“ ყველაფერი 1835 წელს იწყება. ბუდენბროკების ოჯახს ხელმძღვანელობს იოჰან ბუდენბროკი ფირმა „იოჰან ბუდენბროკის“ ხელმძღვანელი. ჰყავს მეუღლე, ვაჟი ასევე იოჰანი (ჟან), რძალი ელიზაბეთი (ბეტსი) და შვილიშვილები: თომასი, ანტონია (ტონი) და ქრისტიანი. სულ ბოლოს გაჩნდება ბოლო იოჰანი (ჰანო), რომელიც თხუთმეტი წლის ასაკში წავა და დაასრულებს ბუდენბროკების ისტორიას წიგნი მსხვერპლშეწირვაზეა: მამონას შეეწირება ყველაფერი – სიყვარული, სიცოცხლე, არაკომერციული ინტერესი, მაგრალითად, მუსიკისადმი მიდრეკილება და ა.შ... #რადიოთავისუფლება

მახარე მერებაშვილი ერთ-ერთია ათობით საჯარო მოხელეს შორის, რომელიც უკანონოდ გაათავისუფლეს იუსტიციის სამინისტროდან 2014 წელს. 8 წელი და სამი ინსტანციის სასამართლო დასჭირდა მახარეს თავისი სიმართლის დასამტკიცებლად და სათანადო კომპენსაციის მისაღებად. საერთო ჯამში, სასამართლომ იუსტიციის სამინისტროს ყოფილი საჯარო მოხელეებისთვის, კომპენსაციის სახით, 500 000 ლარზე მეტის გადახდა დააკისრა ვიდეო-სერიები „პროცესი” მოგიყვებათ ადამიანებზე, რომელთა პრობლემის გადაჭრისთვის ერთადერთი გზა სასამართლო აღმოჩნდა - • პროცესი ვიდეო მომზადდა რადიო თავისუფლების მიერ, USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ‐დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ვიდეოს შინაარსზე სრულად პასუხისმგებელია რადიო თავისუფლება და მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებებს ]#რადიოთავისუფლება

''არა რუსულ ოცნებას“ - შშმ ბავშვის დედამ პარლამენტში პროტესტი გამოთქვა პარლამენტის თავმჯდომარემ შალვა პაპუაშვილმა მოქალაქეს „არაადეკვატური“ და „რადიკალური“ უწოდა შშმ პირები პლენარულ სხდომას შეზღუდული შესაძლებლობის მქონე პირთა დღესთან დაკავშირებით ესწრებოდნენ #რადიოთავისუფლება

„ის [პუტინი] ისტორიას პეტრე დიდის ნაცვლად ნიკოლოზ I-ის მსგავს ფიგურად შემორჩება. ნიკოლოზ I ისტორიას შემორჩა როგორც მეცხრამეტე საუკუნის ყველაზე უვარგისი რუსი ცარი და ვფიქრობ, პუტინი, უფრო და უფრო უახლოვდება მსგავს ბედისწერას, ნაცვლად იმისა, რომ ძეგლი დაუდგან“. ინტერვიუ ორლანდო ფაიჯესთან სრულად: https://bit.ly/3N2j6mQ #რადიოთავისუფლება

"პუტინს სტალინისთვის მადლობა აქვს სათქმელი..." - ცნობილი ისტორიკოსი ორლანდო ფაიჯესი პუტინსა და სტალინს შორის პარალელებზე. ინტერვიუ ორლანდო ფაიჯესთან სრულად: https://bit.ly/3N2j6mQ #რადიოთავისუფლება