უკვე ოთხი სათია ეროსი კიწმარიშვილის ოჯახის წევრები და ადვოკატები პროკურატურაში იმყოფებიან. შეხვედრა კიწმარიშვილის გარდაცვალების საქმეზე მომუშავე საგამოძიებო ჯგუფის წარმომადგენლებთან მიმდინარეობს. დაღუპულის მხარე იმ ახალ მასალებს ეცნობა, რომლებიც საგამოძიებო ჯგუფმა მოიპოვა. ადვოკატის ინფორმაციით, საუბარია საგამოძიებო მოქმედებების შედეგებზე, რომელმაც უნდა დაადგინოს გარკვეულ პირთა მონაწილეობა აღნიშნულ საქმეში. ეროსი კიწმარიშვილი გასული წლის 15 ივლისს გარდაიცვალა.
უკრაინამ ქართულ მხარეს ზურაბ ადეიშვილის ექსტრადირებაზე უარი უთხრა. მიხეილ სააკაშვილთან დაკავშირებით კი ოფიციალურ თბილისს ჯერჯერობით პასუხი არ მიუღია. მთავარმა პროკურატურამ კიევში უკვე მეორედ გადააგზავნა იმავე შინაარსის მოთხოვნა და ისევ ელოდება პასუხს. დღეს პროკურორის პირველმა მოადგილემ განაცხადა, რომ უკრაინის პროკურატურა არ თანამშრომლობს ქართულ მხარესთან. განცხადებები თბილისში მიმდინარე საერთაშორისო სემინარზე გაკეთდა, რომელიც ექსტრადიციის საკითხებს ეძღვნება და რომელსაც სხვადასხვა ევროპული
ახალი დეტალები იური ვაზაგაშვილის მკვლელობის საქმეში - გამოძიებას აქვს ვერსია, რომ შესაძლოა დანაშაულში რამდენიმე პირი მონაწილეობდა. მთავარი პროკურატურის ინფორმაციით, ადგილზე აღმოჩენილია ახალი დეენემის კვალი, ამიტომ გია სოსანაშვილი შესაძლოა არ აღმოჩნდეს ერთადერთი ბრალდებული. დეტალები არ ხმაურდება. მთავარი პროკურორის მოადგილე ამბობს, რომ ახალ გარემოებებს გამოძიება სწავლობს. პროკურორის მოადგილემ დღესვე მკვლელობის ბრალდებით დაკავებული პოლიციელის ოჯახის წევრებსაც უპასუხა, რომლებიც ეჭვობენ, რომ ს
ზურაბ აბაშიძის განცხადება ისევ კრიტიკისა და შეფასებების თემაა პოლიტიკურ სპექტრში. პრემიერის სპეციალურ წარმომადგენელს თავადაც მოუხდა ახსნა-განმარტების გაკეთება იმ კომენტარის გამო, რომელშიც მან აღნიშნა, რომ ნატო-სთან თანამშრომლობა მიმართული არ არის საქართველოში ნატო-ს ინფრასტრუქტურის განთავსებისკენ. აბაშიძემ განაცხადა, რომ ასეთი გეგმა არ არსებობს. როგორ ახსნა თავად აბაშიძემ დღის პირველ ნახევარში გაკეთებული განცხადება, რომელიც ოპოზიციამ საქართველოს საგარეო პოლიტიკური კურსის ცვლილებად შეაფასა - ქე
ხმაურით მოქალაქეების შეწუხება დასჯადი ხდება. აღნიშნულ ქმედებაზე ჯარიმა დაწესდება. ამ წუთებში საკრებულოში ახალი საკანონმდებლო ინიციატივის განხილვა მიმდინარეობს, რომლის მიხედვითაც, თუ ხმა 30 დეციბალს გადააჭარბებს, იურიდიულ და ფიზიკურ პირებს ჯარიმები დაეკისრებათ. ჯარიმა მათთვის განსხვავებული იქნება. საჯარიმო თანხის ოდენობა განსხვავებული იქნება დღისა და ღამის პერიოდში.
ლარის კურსის მოკლე ვადაში დასტაბილურების მიზნით, საქართველოს მთავრობა სავალუტო ფონდის მისიისგან დამატებით თანხას ითხოვს. როგორც ეკონომიკის მინისტრმა გიორგი კვირიკაშვილმა განაცხადა, მთავრობა დამატებით თანხას კაპიტალური დანახარჯების მიზნით მოითხოვს, რათა დამატებითი ინვესტიციები ინფრასტრუქტურულ პროექტებში განახორციელოს. კვირიკაშვილი ფიქრობს, რომ სწორედ ეს არის ის პირველადი ზომები, რაც ამ შემთხვევაში შექმნილი სიტუაციის ადეკვატურია.
მთავრობის გადაწყვეტილებით, გადასახადებისგან გათავისუფლდებიან სამშენებლო ობიექტები, რომელთა მშენებლობაც 2008 წლის აგვისტომდე დაიწყო და დღემდე არ დასრულებულა. კერძოდ, კომპანიები არ გადაიხდიან დღგ-სა და K2 მოსაკრებლის გადასახადს. ამის შესახებ პრემიერმინისტრმა მთავრობის სხდომაზე განაცხადა. პრემიერმინისტრმა კიდევ ერთი სიახლის შესახებ ისაუბრა. მთავრობის გადაწყვეტილებით, ბინის გაქირავებიდან მიღებული შემოსავალი, 20 %-ის ნაცვლად, 5 %-ით დაიბეგრება.
„თავისუფალი ზონის“ დაშლის მოთხოვნით, არასამთავრობო ორგანიზაცია „თავისუფალმა თაობამ“ მორიგი აქცია გამართა. ისინი „თავისუფალი ზონის“ ოფისთან შეიკრიბნენ. აქციის მონაწილეებმა ოფისის გვერდით მცხოვრებ მოსახლეობას გადასცეს განცხადება და სთხოვეს, ხელი მოაწერონ „თავისუფალი ზონის“ დაშლის მოთხოვნას.
ბუნებრივ აირზე მომუშავე ავტომობილების რიცხვი მცირდება. გაზგასამართი სადგურები გაზის მონტაჟზე მოთხოვნის მკვეთრ შემცირებას უჩივიან, ასევე იკლო თავად საწვავის რეალიზაციამ. მიზეზად საწვავზე ფასების კლება და შედეგად ბენზინის და ბუნებრივი აირის ფასებს შორის სხვაობის მინიმუმამდე შემცირება სახელდება. ეკონომიის მიზნით, ავტომობილის ბუნებრივ აირზე გადაყვანა აქტუალური სწორედ ნავთობპროდუქტებზე მაღალი ფასების გამო იყო. დღეს გაზგასამართ სადგურებში აცხადებენ, რომ მუშაობა თითქმის აღარ აქვთ, ნაწილმა კი ეს ბიზნ
იაპონიის ავარიულ ატომურ სადგურ ფუკუშიმაზე რადიოაქტიური წყლის გაჟონვა მოხდა. ინფორმაციას ატომური სადგურის მმართველი კომპანია „ტოკიო ელექტრიკ პაუერი“ ავრცელებს. ავარია მეექვსე რეაქტორის გამაგრილებელი სისტემის ერთ-ერთ მილში მოხდა. ლიკვიდატორებმა უკვე მოახერხეს და რეაქტორის მუშაობა შეაჩერეს. მასზე ახლა სარემონტო სამუშაოები მიმდინარეობს. ავარიის გამომწვევ მიზეზებზე „ტეპკოში“ არ საუბრობენ.
"პეჟო" შემოსავლების ზრდას ელოდება. 2014 წელს ჩინეთისა და ევროპის ბაზარზე გაყიდვების მატება, ფრანგულ ავტომწარმოებელს საფუძველს აძლევს, ივარაუდოს, რომ 2017 წლისთვის მისი საოპერაციო შემოსავალი 4 მილიარად ევროს გადააჭარბებს, ხოლო 2018 წლისთვის ნავარაუდევი პროგნოზი სულ მცირე გაორმაგდება. გასულ წელს კომპანია ისევ მოგებაზე გავიდა მას შემდეგ, რაც მისი გაყიდვები 1 პროცენტით გაიზარდა და 53 ნახევარ მილიარდ ევროზე მეტი შეადგინა. "პეჟოს" გაყიდვების 60 პროცენტი ევროპის ბაზარზეა დამოკიდებ
კომპანია "სონი" სამ წელიწადში მოგების 25-ჯერად ზრდას ელოდება. როგორც კომპანიის აღმასრულებელმა დირექტორმა დღეს განაცხადა, მოგების მატებას კომპანია, ძირითადად, გამოსახულების სენსორების, ვიდეოთამაშებისა და გასართობი ბიზნესის მიმართულების ხარჯზე ელოდება. "სონი" ბოლო ხუთი წელია, წაგებაზე გადის და 2014-2015 ფინანსურ წელსაც, რომელიც მარტში სრულდება, კომპანია დიდი ალბათობით, წაგებით დაასრულებს. "სონის" ხელმძღვანელის განცხადებით, ზრდის უზურუნველსაყოფად კომპანიამ სტრატეგი
ლარი ისევ დაეცა. ოფიციალური კურსის მიხედვით, ხვალიდან ერთი დოლარი ორი ლარი და 8 თეთრი ეღირება, რაც ბოლო თვეებში რეკორდული მაჩვენებელია. როგორც ჩანს, ეროვნული ბანკის მიერ მონეტარული პოლიტიკის გამკაცრება კურსის გამყარებაზე გავლენას ვერ ახდენს. შექმნილ სიტუაციაში საპარლამენტო ოპოზიცია მთავრობის ეკონომიკურ გუნდთან ითხოვს შეხვედრას. თუმცა მოთხოვნას უმრავლესობის დეპუტატები არ იზიარებენ. გიორგი ფუტკარაძე ადევნებს თვალს სავალუტო ბაზარზე მიმდინარე რყევებს, ის ახლა ნოემბრიდან ეროვნული ვალუტის გაუფასურების
გადადებულია ასობით რეისი. ადგილობრივი მედიის ინფორმაციით, "თურქიშ ეარლაინსმა" დღის განმავლობაში დაგეგმილი 300 რეისი ვერ შეასრულა. ფრენები გადადო ავაიკომპანია "პეგასუსმაც". პრობლემებია მთავარ მაგისტრალებზეც. უამინდობის გამო ჩაიკეტა ბოსფორის სრუტეც. ქვეყანაში მეორე დღეა, გადაუღებლად თოვს.
დავით ყიფიანის სახელობის თასის გათამაშებაზე მეოთხედფინალური ეტაპის მატჩები გაიმართა. ცენტრალური შეხვედრა გორში "დილასა" და "დინამო თბილისს" შორის გატანილი გოლების გარეშე 0:0 დასრულდა. ასევე უგოლო მატჩი ჩატარდა რუსთავში, ადგილობრივ "მეტალურგსა" და საჩხერის "ჩიხურას" შორის. დღის ყველაზე უხვგოლიანი მატჩი "ცხინვალსა" და "ვიტ ჯორჯიას" შორის შედგა. მატჩი "ვიტ ჯორჯიას" ფეხბურთელებმა 5:4 მოიგეს. "სამტრედიამ" საკუთარ მოედანზე
ქართველი სპორტსმენების წარმატება კვიპროსზე. ნიქოზიაში გამართულ საერთაშორისო ტურნირზე ახალგაზრდა და ჭაბუკ ძიუდოისტებს შორის ქართველებმა 5 ოქროს 2 ვერცხლისა და 2 ბრინჯაოს მედალი მოიპოვეს. ჩემპიონატში 9 ქვეყანა მონაწილეობდა, მათ შორის საქართველოს სახელით ათმა სპორტსმენმა იასპარეზა. გამარჯვებული ძიუდოისტები თბილისში დღეს დაბრუნდნენ.
2014 წელს ამერიკის მოქალაქეობაზე უარი 3 415-მა ადამიანმა თქვა. შეიძლება ითქვას, რომ ეს რეკორდულად დიდი რაოდენობაა. 2013 წელს შეერთებული შტატების მოქალაქეობაზე უარი 2999-მა ადამიანმა თქვა, 2012 წელს კი 932-მა. ექსპერტების აზრით, მოქალაქეობაზე უარის თქმის მთავარი მიზეზი გადასახადების რთული სისტემაა. ამერიკის კანონმდებლობის მიხედვით, ამერიკის მოქალაქეები ვალდებულები არიან, ყოველწლიურად ჩააბარონ ანგარიში შემოსავლის შესახებ, იმ შემთხვევაშიც კი, თუ ისინი საზღვარგარეთ ცხოვრობენ.
კიბერმძარცველებმა ბანკებს 1 მილიარდი დოლარი მოპარეს. თავდამსხმელების სამიზნეში დაახლოებით 100 ბანკი და საფინანსო ინსტიტუტი მოხვდა – ინფორმაციას კომპანია "კასპერსკი" თავის ანგარიშში იტყობინება. "კასპერსკის" გათვლით, საფინანსო ინსტიტუტებმა დაახლოებით 1 მილიარდი დოლარი დაკარგეს კიბერძარცვის შედეგად, რომელიც 2013 წელს დაიწყო და კვლავ გრძელდება. აღნიშნული დანაშაულის ჩამდენი კიბერდამნაშავეთა ჯგუფი რუსეთიდან, უკრაინიდან და ჩინეთიდანაა, - აღნიშნავს "კასპერსკი", რომელიც
საქართველოსა და რუსეთს შორის საჰაერო მიმოსვლის თაობაზე სატელეფონო კონსულტაციები ამ დრომდე გრძელდება. ფრენების სიხშირეებთან დაკავშირებით, მხარეები ამ დღეებში უნდა შეთანხმდნენ. სიხშირეების შემცირებას რუსული მხარე არ თანხმდება, სამოქალაქო ავიაციის სააგენტოში კი არ აკონკრეტებენ, რას ითხოვს სანაცვლოდ რუსეთის საავიაციო ხელისუფლება და აპირებს თუ არა ქართული მხარე დათმობებზე წასვლას. ქართულ და რუსულ კომპანიებს თბილისი - მოსკოვი - თბილისის მიმართულებით ამ დრომდე კვირაში 18-18 რეისის შესრულების უფლება
სტიქიის მძიმე კვალი შავი ზღვის სანაპიროზე. განთავსებიდან ხუთი წლის შემდეგ ალი და ნინოს მოძრავ სკულპტურას, შესაძლოა, ადგილი შეუცვალონ. შტორმის გამო ბათუმის სანაპირო ზოლი იმდენად დაზიანდა, რომ სკულპტურას ფუნდამენტი ეცლება. საჭიროა ნაპირის გამაგრება, ან ალტერნატიული ადგილის შერჩევა. საფრთხის ქვეშაა სატუმბი სადგურიც, საიდანაც ბათუმის დელფინარიუმს ზღვის წყლით ამარაგებენ. აჭარის ხელმძღვანელობა ნაპირსამაგრი სამუშაოების დაწყებას ზაფხულში გეგმავს. თუმცა, კითხვის ნიშნის ქვეშაა, გაუძლებს თუ არა სკულპტუ
ინგლისში ასოციაციის თასის მეხუთე რაუნდის შეხვედრები გაიმართა. ინგლისში რანგით მესამე ლიგის წარმომადგენელი "ბრედფორდი", მეოთხედფინალში ითამაშებს. ლიგა ერთის ჩემპიონატში, მეცხრე ადგილზე მოასპარეზე კლუბმა პრემიერლიგის "სანდრელენდი" 2:0 დაამარცხა. მასპინძლები თამაშის საწყის წუთებში ო'შის ავტოგოლით დაწინაურდნენ. 61-ე წუთზე ჯონ სტიდმა სხვაობა ორამდე გაზარდა და შეხვედრის საბოლოო ანგარიში დააფიქსირა. "ბრედფორდის" მსგავსად, ასოციაციის თასის გათამაშების შემდეგ ეტაპზე
საფეხბურთო კლუბ "ბარსელონას" ზედიზედ მეთერთმეტე გამარჯვება და მესის მორიგი ჰეთრიკი პრიმერადივიზიონში. 23-ე ტურის შეხვედრაში ბარსელონამ “ნოუ კამპზე” "ლევანტე" 5:0 გაანადგურა. ანგარიში მე-17 წუთზე ნეიმარმა გახსნა, რასაც მესის ჰეთთრიკი მოჰყვა. არგენტინელმა პირველი ტაიმის მიწურულს ორამდე გაზარდა სხვაობა, 59-ე წუთზე კი პედროს პასის შემდეგ დუბლი შეასრულა, 65-ე წუთზე კი ნეიმარის წაქცევისთვის დანიშნული თერთმეტმეტრიანი ზუსტად გამოიყენა. მატჩის საბოლოო ანგარიში 73-ე წუთზე სუარესმა და
■ შსს-ს საპატრულო პოლიციის დეპარტამენტის აჭარის მთავარი სამმართველოს თანამშრომლებმა 1961 წელს დაბადებული, თურქეთის რესპუბლიკის მოქალაქე იუსუფ ო. დიდი ოდენობით ნარკოტიკული საშუალების უკანონო შეძენა-შენახვის და საქართველოში შემოტანის ან ტრანზიტით საერთაშორისო გადაზიდვის ბრალდებით სარფის საბაჟო გამშვებ პუნქტში დააკავეს. სამართალდამცველებმა დაკავებულის კუთვნილი სატვირთო ავტომანქანის ჩხრეკისას 9600 აბი ნარკოტიკული საშუალება „ტრამადოლი“ ამოიღეს, რომელიც ექსპერტიზის დასკვნით, 480 გრ ნარკოტიკულ ნივთიერება ტრამადოლს შეიცავს. გამოძიებამ დაადგინა, რომ აღნიშნული სატვირთო ავტომანქანა ტრანზიტული მარშრუტით სომხეთის რესპუბლიკაში მიდიოდა. გამოძიება დიდი ოდენობით ნარკოტიკული საშუალების უკანონო შეძენა-შენახვის და დიდი ოდენობით ნარკოტიკული საშუალების საქართველოში შემოტანის ან ტრანზიტით საერთაშორისო გადაზიდვის ფაქტზე მიმდინარეობს (საქართველოს სსკ-ის 260-ე მუხლის მე-2 ნაწილის „ა“ ქვეპუნქტით და 262-ე მუხლის მე-2 ნაწილის „ა“ ქვეპუნქტით).
დაიწყება თუ არა 12 თებერვალს მინსკში მიღწეული შეთანხმების იმპლემენტაციის პროცესი, ამას უახლოეს საათებში განვითარებული მოვლენები აჩვენებს. ზავის ამოქმედებაამდე ცნობილი ხდება, რომ დონეცკის თვითგამოცხადებული რესპუბლიკის სახალხო საბჭოს დეპუტატებმა მინსკში 12 თებერვალს ხელმოწერილი დოკუმენტი დაამტკიცეს. მის განსახორციელებლად სპეციალური სამუშაო ჯგუფი შეიქმნა. პრეზიდენტი პეტრო პოროშენკო კი შიშობს, რომ მინსკის შეთანხმება ინტენსიური საბრძოლო მოქმედებების გამო საფრთხის ქვეშაა.
ბრალდების ინფორმაციით, ადამიანი ვისგანაც ჯოკია ბოდოკიამ ქრთამი აიღო სამათლებრივი პასუხისმგებლობისგან გათავისუფლებულია. საქმის პროკურორმა ეს შემდეგი გარემოებით ახსნა: მთავარმა მოწმემ გამოძიებასთან თანამშრომლობა იქამდე დაიწყო, ვიდრე ბოდოკია მას სასტუმროს მშენებბლობისთვის აუცილებელი ნებართვების მისაღებად ფულს მოსთხოვდა. დეტალებით თამარ გოგესაშვილი.
სოფელ ცხუნკურის მოსახლეობა დახმარებას ითხოვს. ათეულობით ოჯახი დასახლებაში გაჩენილ ორმოებს უჩივის, რომლებიც, ერთ-ერთი ვერსიით, შესაძლოა კასტრული მღვიმეები იყოს. ადგილობრივები ნაპრალების შევსებას საკუთარი ძალებით ცდილობენ, არაც არასაკმარისია: რამდენიმე სახლში ცხოვრება დღითიდღე სულ უფრო საშიში ხდება.
საქართველოს მორაგბეთა ნაკრებმა სეზონში ზედიზედ მეორე გამარჯვება მოიპოვეს. "ბორჯღალოსნებმა" მიხეილ მესხის სახელობის სტადიონზე, პორტუგალია 20:15 დაამარცხეს. მილტონ ჰეიგის გუნდმა ანგარიში პირველივე წუთზე, დავით კაჭარავას ლელოთი გახსნა. 6 ჯარიმა ზუსტად მერაბ კვირიკაშვილმა შესასრულა. პორტუგალიელელთა ანგარიშზე კი 5 ზუსტი ჯარიმაა. საქართველოს ნაკრები რაგბი-ევროპის ჩემპიონატზე მორიგ შეხვედრას 28 თებერვალს, ესპანეთის წინააღმდეგ გამართავს.
სალომე სონიშვილის სიუჟეტი.
სადაო კრიტერიუმები, დაპირისპირება მმართველ გუნდში და უმრავლესობის გადაწყვეტილება, რომელიც ამავე უმრავლესობის წევრებმა პოსტფაქტუმ გაიგეს, განხილვის მთავარი თემა იყო დღეს პარტია "ქართული ოცნების" ცენტრალურ ოფისში. დახურულ კარს მიღმა, დეპუტატები დაახლოვებით 3 საათი მსჯელობდნენ. რა შედეგით დასრულდა მმართველი გუნდის სხდომა? გია ვოლსკი, ფრაქცია "ქართული ოცნების" თავმჯდომარე გვიერთდება პირდაპირ ეთერში.
■ ბათუმის შუქურაზე სამშენებლო სამუშაოები მიმდინარეობს. კულტურული მემკვიდრეობის ძეგლს 28 კვადრატული მეტრის შენობა-ნაგებობა რამდენიმე დღის წინ მიუშენეს. შუქურასთან მიმდინარე სამუშაოებს უკვე მოყვა გამოხმაურებები. „ნაციონალური მოძრაობის“ წევრები ხელისუფლებას მოუწოდებენ, შეწყდეს ბათუმში მსგავსი უსახური ნაგეგბობის მშენებლობა და გასაჯაროვდეს, რის საფუძველზე გასცა მერიამ აღნიშნული ნებართა. მშენებლობის ნებართვა მერიამ ნოემბერში გასცა. როგორც მერიაში აცხადებენ, ბათუმის შუქურამ კულტურული მემკვიდრეობის ძეგლის სტატუსი ნებართვის გაცემის შემდეგ დეკემბერში მიიღო. მშენებლობის დამკვეთი კი „ჰიდროგრაფიული სამსახური საქართველოა“. ნაგებობა სავარაუდოდ ტექნიკური პერსონალისთვისაა გათვალისწინებული.
■ იური ვაზაგაშვილის ცხედარი კასპის რაიონის სოფელ ყარაფილაში, შვილების გვერდით, იმ სასაფლაოზე დაკრძალეს, სადაც 20 იანვარს ის გარდაცვლილი ნახეს. დაკრძალვას პრემიერ-მინისტრი, მინისტრთა კაბინეტის წარმომადგენლებთან ერთად დაესწრო. ყარაფილაში იმყოფეოდნენ ოპოზიციის წარმომადგენლები, უფლებადამცველები და საზოგადოებისთვის ცნობილი სახეები. ე.წ. კორტებთან განხორციელებული სპეცოპერაციისას მოკლული ზურა ვაზაგაშვილის მამა იური ვაზაგაშვილი სოფელ ყარაფილაში შვილის საფლავზე აფეთქების შედეგად დაიღუპა. მომხდართან დაკავშირებით პროკურატურა საქმეს სისხლის სამართლის კოდექსის 109-ე მუხლით იძიებს, რაც დამამძიმებელ გარემოებებში ჩადენილ განზრახ მკვლელობას გულისხმობს. ავტორები: ანა შანიძე, ელენე ცინცაძე, დავით საჯაია
■ იური ვაზაგაშვილის ცხედარი კასპის რაიონის სოფელ ყარაფილაში გადაასვენეს, სადაც ის გარდაიცვალა. იური ვაზაგაშვილი 16:00 საათზე საზოგადოებრივ დარბაზ „ჯაზუდან“ სამების საკათედრო ტაძარში გადაასვენეს, სადაც სამოქალქო პანაშვიდი გაიმართა. ოჯახს პოლიტიკოსებმაც მიუსამძიმრეს. სამების საკათედრო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ იური ვაზაგაშვილის სულის მოსახსენიებელი პანაშვიდი აღავლინა, საიდანაც ვაზაგაშვილის ცხედარი ყარაფილაში გადაასვენეს. გზად, სამგლოვიარო პროცესია იუსტიციის სახლის წინ მდებარე პოლიტიკური რეჟიმის მსხვერპლთა ხსოვნის მემორიალთან შეჩერდა. მემორიალი, რომელიც ე.წ. კორტების სპეცოპერაციის ადგილზე დგას, ყვავილებით შეამკეს. „ის აქ საბოლოოდ გამოეთხოვება თავის შვილს“ - განაცხადეს მემორიალთან შეკრებილმა ვაზაგაშვილების ახლობლებმა. 25 იანვარს, 14:00 საათზე იური ვაზაგაშვილს შვილების გვერდით, სოფელ ყარაფილას სასაფლაოზე დაკრძალავენ. იური ვაზაგაშვილი კასპის რაიონის სოფელ ყარაფილაში სასაფლაოზე აფეთქების შედეგად 20 იანვარს დაიღუპა. ავტორები: ეკა მელიქიძე, ელენე ცინცაძე, გიგა ჩოკოლაშვილი
■ საქართველოს ყოფილი პრემიერმინისტრი ბიძინა ივანიშვილი იური ვაზაგაშვილთან შეხვედრას ადასტურებს. ყოფილი პრემიერის თქმით, ისინი კიდევ აპირებდნენ შეხვედრას. ბიძინა ივანიშვილმა ამის შესახებ საზოგადოებრივ დარბაზ „ჯაზუში“ ჟურნალისტებთან საუბრისას განაცხადა, სადაც იური ვაზაგაშვილის სამოქალაქო პანაშვიდზე მეუღლესთან ერთად მივიდა.
■ ბათუმში ღამით შუახნის ქალი დაჭრეს. შემთხვევა ინასარიძის ქუჩაზე მოხდა. თვითმხილველების განცხადებით, მას ჭრილობები ხელისა და ზურგის არეში აქვს მიყენებული. მათი თქმით, ქალი ერთ-ერთი კერძო აფთიაქის თანამშრომელია. გავრცელებული ინფორმაციით, მან აფთიაქი დაკეტა და სახლში ბრუნდებოდა, როდესაც ორი პირი თავს დაესხა. დაჭრილი რეფერალურ საავადმყოფოშია გადაყვანილი, მისი მდგომარეობა სტაბილურია. დამნაშავე მიიმალა. ბათუმში მომხდარ დანაშაულთან დაკავშირებით შინაგან საქმეთა სამინისტრომ გამოძიება სსკ-ის 179-ე მუხლით დაიწყო, რაც ყაჩაღობას გულისხმობს.
■ საქართველოს პრემიერმინისტრმა ირაკლი ღარიბაშვილმა ალექსანდრე ჭიკაიძის განცხადებასთან დაკავშირებით კომენტარი დავოსში გააკეთა. ჭიკაიძე თანამდებობას ტოვებს. მან შესაბამისი თხოვნით პრემიერს დღეს მიმართა.
■ ე.წ. კორტების სპეცოპერაციისას დაღუპული ზურაბ ვაზაგაშვილის სახელობის საზოგადოებრივ დარბაზ „ჯაზუში“ იური ვაზაგაშვილის სამოქალაქო პანაშვიდი მიმდინარეობს. პანაშვიდზე საპარლამენტო უმრავლესობის წარმომადგენლები მივიდნენ და გარდაცვლილის ოჯახის წევრებს მიუსამძიმრეს. „ჯაზუში“ საპარლამენტო უმრავლესობის დეპუტატები - ეკა ბესელია, გედევან ფოფხაძე, გია ვოლსკი, ირაკლი სესიაშვილი და პარლამენტის ვიცე-სპიკერი მანანა კობახიძე იმყოფებოდნენ. მათ ადგილი უკომენტაროდ დატოვეს. როგორც გაირკვა, იური ვაზაგაშვილს შაბათს, 24 იანვარს, სამების საკათედრო ტაძარში დაასვენებენ, დღის ბოლოს კი, ცხედრის კასპის რაიონის სოფელ ყარაფილაში გადასვენება იგეგმება. 24 იანვარს, ვაზაგაშვილის ცხედარს „ჯაზუ“-დან 14:00 საათზე სამების ტაძრისკენ წაასვენებენ, სადაც მისი სამოქალაქო პანაშვიდი გაიმართება. დღის ბოლოს, 19:00 საათის შემდეგ ცხედარს ყარაფილაში წასვენებენ, ხოლო დაკრძალვა კვირას 25 ნოემბერსაა დაგეგმილი. იური ვაზაგაშვილი გუშინ კასპის რაიონის სოფელ ყარაფილაში შვილის, ზურაბ ვაზაგაშვილის საფლავზე აფეთქების შედეგად დაიღუპა.
■ ისანში, სამხედრო ჰოსპიტალის ძველ შენობაში გაჩენილი ხანძრის შედეგად გარდაცვლილი 7 წლის გიორგი ცინცაძის მშობლებს მომხდარ ტრაგედიაზე საუბარი უჭირთ. სახლს ხანძრის კვალი კვლავ ეტყობა. 6 თებერვალს გიორგის გარდაცვალებიდან 40 დღე გადის, ოჯახს კი სასაფლაოზე ქვის გაკეთების საშუალებაც არ აქვს. ცინცაძეების მრავალშვილიანი ოჯახი სოციალურად დაუცველთა კატეგორიას განეკუთვნება. უკვე სამი წელია, ყოფილი სამხედრო ჰოსპიტალის ტერიოტორიაზე, უწყლოდ და გაზის გარეშე, მძიმე პირობებში ცხოვრობენ. ოჯახს შეშის ყიდვის საშუალებაც არ აქვს. მცირეწლოვანი ბავშვების გამოკვება ცინცაძეების ოჯახის კიდევ ერთი პრობლემაა. ავტორები: ელენე ცინცაძე, ნინო ჭანია, ეკა მელიქიძე, გიორგი ხაჩიძე
■ სოფელი ყარაფილა იური ვაზაგაშვილის დაკრძალვისთვის ემზადება. 2006 წელს კორტების სპეცოპერაციის დროს მოკლული ზურა ვაზაგაშვილის მამას იური ვაზაგაშვილს კვირას, სოფელ ყარაფილაში შვილების გვერდით იმ სასაფლაოზე დაკრძალვენ, სადაც ის ორი დღის წინ აფეთქდა. სოფელი თითქმის დაცლილია, მისი მოსახლეობა თბილისში იური ვაზაგაშვილის პანაშვიდებს ესწრება. ყარაფილაში ამბობენ, რომ სოფელი ერთადერთი დამხმარეს გარეშე დარჩა - იური ვაზაგაშვილი ადგილობრივ მოსახლეობას ყველაფერში ეხმარებოდა. „სოფლის მარჩენალი კაცი დავკარგეთ“, - ამბობენ სოფელში. იური ვაზაგაშვილი კასპის რაიონის სოფელ ყარაფილაში შვილის, ზურაბ ვაზაგაშვილის საფლავზე აფეთქების შედეგად დაიღუპა. ვაზაგაშვილების ოჯახის ადვოკატები მის აფეთქებას ზურაბ ვაზაგაშვილის გამოძიების აქტიურ ფაზაში შესვლას უკავშირებენ. მათი ინფორმაციით, კორტების სპეცოპერაციის საქმე გახსნილად რამდნეიმე დღეში უნდა გამოცხადდეს. მათივე თქმით, დაკითხულია ადამიანი, რომელიც აღნიშნულ საქმეზე მთავარი მოწმეა. ავტორები: ეკა მელიქიძე, ელენე ცინცაძე, ნინო ჭანია, გიორგი ხაჩიძე
შინაგან საქმეთა მინისტრი ალექსანდრე ჭიკაიძე თანამდებობიდან გადადგა.განცხადება უწყების ოფიციალურ ვებ-გვერდზე განთავსებული. "მინდა მივმართო საქართველოს პრემიერ-მინისტრს გადადგომის მოთხოვნით. ჩემი ეს გადაწყვეტილება განაპირობა ბოლო დროს გაჟღერებულმა ბრალდებებმა, თითქოს მე ხელს ვაფარებ ზურაბ ვაზაგაშვილის მკვლელობაში მონაწილე პირებს. მიუხედავად იმისა, რომ ეს ბრალდება არ შეესაბამება სიმართლეს, მე ვგრძნობ მორალურ პასუხისმგებლობას და ვტოვებ დაკავებულ თანამდებობას. იმ შემთხვევაში, თუ მოხდებოდა ცხელ
■ ნორვეგიელი იუნიორი მარტინ ედეგორი მადრიდის რეალში წელიწადში 2,25 მილიონ ევროს მიიღებს. ამის შესახებ ინტერნეტ-გამოცემა "შპიგელი" იტყობინება. ამჟამად 16 წლის ფეხბურთელი ნორვეგიულ "სტრემსგოდსეტში" გამოდის. მადრიდულ კლუბთან ის კონტრაქტს უახლოეს ხანებში გააფორმებს.
■ გიუმრიში ავეტისიანების ოჯახის ყველაზე მცირეწლოვანი წევრი სერიოჟა დაკრძალეს. ის მშობლების, დის, დეიდისა და ბებია-ბაბუის გვერდით დაასაფლავეს. ცერემონიას ათასობით ადამიანი ესწრებოდა. ადგილობრივი მედიის ცნობით, ერთ-ერთ გვირგვინზე, რომელიც სასაფლაოზე მიიტანეს, იყო წარწერა - «პატარა ანგელოზს». შემზარავი ტრაგედია გიუმრში 12 იანვარს დატრიალდა. სამხედრო ბაზიდან გაქცეული რუსი სამხედრო მოსამსახურე ვალერი პერმიაკოვი ავეტისიანების სახლში შეიპარა და ოჯახის 6 წევრი დახოცა. ოჯახის ერთადერთი გადარჩენილი წევრი, მძიმედ დაჭრილი 6 თვის ბავშვი საავადმყოფოში ორშაბათს გარდაიცვალა.
■ ე.წ კორტების სპეცოპერაციის დროს მოკლული ზურაბ ვაზაგაშვილის მამა, იური ვაზაგაშვილი საზოგადოებრივ დარბაზ „ჯაზუში“ მიასვენეს. იგი სამხარულის სახელობის ექსპერტიზის ბიუროში იყო გადასვენებული, სადაც ექსპერტიზა უტარდებოდა. დარბაზში ოჯახის ახლობლები არიან შეკრებილი. სპეცოპერაციის დროს გარდაცვლილი ამირან რობაქიძის მამა, სოსო რობაქიძე აცხადებს, რომ იური ვაზაგაშვილი ოთხი დღის წინ ყოფილ პრემიერს ბიძინა ივანიშვილს შეხვდა. „მე არ ვამბობ, რომ რაც მოხდა ივანიშვილის ბრალია, ამას ვერავინ იტყვის და არამგონია, პირიქით ვფიქრობ, რომ ეს გაკეთდა ხელისუფლების წინააღმდეგ. იმ ხალხის მიერ, რომლებიც ჯერ კიდევ თანამდებობებზე არიან“, - განაცხადა რობაქიძემ. მისივე თქმით, იური ვაზაგაშვილი ბოლო მსხვერპლი არ იქნება და პრაქტიკულად ,,ყველა განწირულია“. ,,ჩვენ სხვა გზა არდაგვრჩა. მე პირადად გულზე ხელებს ვერ დავიწყობ, თუ საქმე ისე წავა, რომ უნდა დაგვხოცონ ჩვენც რაღაცას ვიზამთ. კანონიერად ვერაფერს ვაკეთებთ და ჩვენ გამოვხშირავთ ამ ხალხს ნელ-ნელა, რადგან ამ ქვეყანაში თავს ვერანაირად ვეღარ ვიცავთ. შვილის საფლავთან ვერ მივსულვართ,რომ ვიტიროთ“, - განაცხადა რობაქიძემ. იური ვაზაგაშვილი გუშინ კასპის რაიონის სოფელ ყარაფილას სასაფლაოზე, საკუთარი შვილის, ზურაბ ვაზაგაშვილის საფლავზე, აფეთქების შედეგად გარდაიცვალა. მთავარმა პროკურატურამ აღნიშნულ ფაქტზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.