გამოიწერეთ გვერდი
გამოიწერეთ გვერდი
როგორ ამძიმებდა კრემლი „აგენტების კანონს“ განსხვავებული აზრის ჩასახშობად წლების განმავლობაში გამოიწერეთ გვერდი
#ახალიამბები . 83 მომხრე და 23 წინააღმდეგი - ხმაურისა და საზოგადოების მასშტაბური პროტესტის ფონზე, "ქართულმა ოცნებამ" ე.წ. რუსული კანონი მეორე მოსმენითაც მიიღო. კანონპროექტი მთელი დღის განმავლობაში ხმაურის და სიტყვიერი დაპირისპირებების ფონზე განიხილებოდა. შენიშვნები, რომელიც ოპოზიციონერი დეპუტატების მხრიდან სხდომათა დარბაზში ისმოდა, არ გათვალისწინებულა. „საცირკო წარმოდგენას არ დაგადგმევინებთ“- ასე პასუხობდა პარლამენტის თავმჯდომარე კრიტიკულ შენიშვნებსა და მოსაზრებებს, რომელიც ხელისუფლების ოპონენტებს ჰქონდათ. შალვა პაპუაშვილი კოლეგებს სიტყვით გამოთქმის საშუალებას არ აძლევდა და მათ მიკროფონებს უთიშავდა.
#ახალიამბები აგენტების კანონი და პროტესტის დაშლა | „საიას“ შეფასება
#ახალიამბები აგენტების კანონის წინააღმდეგ შეკრებილი საზოგადოება და გადამეტებული ძალით დაშლილი საპროტესტო აქცია. ნაცემი ხალხი, დაშავებული პოლიტიკოსები და ხელისუფლების მიმართ კიდევ უფრო გაბრაზებული ერი. როგორ აფასებენ მომხდარს ადგილობრივ დონეზე? თეო ფუტკარაძე გიამბობთ.
#ახალიამბები „არა რუსულ კანონს" - ბათუმის სახელმწიფო უნივერსიტეტთან სტუდენტებმა აქცია გამართეს. ორგანიზატორი სტუდენტური მოძრაობა "მარტიანელები“ არიან. ახალგაზრდები აპროტესტებენ "უცხოური გავლენის გამჭვირვალობის შესახებ" კანონპროექტს და გმობენ იმ ძალადობას, რომელიც ხელისუფლებამ აქციის მონაწილეების მიმართ გამოიყენა. აცხადებენ, რომ კანონპროექტი საფრთხეს უქმნის ქვეყნის ევროინტეგრაციას, ეწინააღმდეგება საქართველოს კონსტიტუციას და ქვეყნის დემოკრატიულ განვითარებას. მოგვიანებით, აქციის მონაწილეემ მსვლელობით ევროპის მოედანზე გადაინაცვლეს.
#ახალიამბები დედაქალაქში საპროტესტო მუხტი კვლავ მძლავრია. მოქალაქეები, სტუდენტები, სამოქალაქო სექტორისა და პოლიტიკური პარტიების წარმომადგენლები პარლამენტთან არიან შეკრებილები. გადაკეტილია რუსთაველის გამზირი. საკანონმდებლო ორგანოს წინ დამონტაჟებულია სცენა, საიდანაც ორგანიზატორები საზოგადოებას სიტყვით მიმართავენ. დღევანდელ აქციას შეუერთდნენ რეგიონებიდანაც. პარლამენტის შენობის ეზოში სპეცრაზმისა და პოლიციის განსაკუთებული მობილიზებაა. პოლიციის კორდონია განლაგებული 9 აპრილის ქუჩის მხარესაც, სადაც წყლის ჭავლის მანქანაც დგას. მიმდებარე ტერიტორიაზე მობილიზებულია სასწრაფო დახმარების რამდენიმე ეკიპაჟიც.
გამოიწერეთ გვერდი
#ახალიამბები ხმაურით დაწყებული ბათუმის საკრებულოს სხდომა და დღის წესრიგის განსახილველად მარტო დარჩენილი უმრავლესობა. ოპოზიციის წევრები წარმომადგენლობით ორგანოში ე.წ.რუსულ კანონს აპროტესტებდნენ, „ოცნების“ გუნდი კი კანონპროექტის ქართულობას ამტკიცებდა. დაპირისპირების ერთ-ერთი მიზეზი გუშინდელი კონტრაქცია და ბოლო დროს განვითარებული მოვლენები გახდა. პოლიტიკური განცხადებების შემდეგ ხელისუფლების წარმომადგენლები დარბაზში ოპონენტების გარეშე დარჩნენ და საკითხებს კენჭი დისკომფორტის გარეშე უყარეს.
#ახალიამბები „გვინდა რევოლუცია, ტვინებშიც გვინდა რევოლუცია, და ზოგადად ყველაფერში გვინდა რევოლუცია“ - ამის შესახებ გუშინ, ბათუმში გამართულ აქციაზე „ნაციონალური მოძრაობის“ წევრმა განაცხადა. რეზო ხარაზმა სიტყვით მიმართვისას, ხელისუფლების შეცვლის აუცილებლობაზე ისაუბრა. საკითხს დღეს განხილვა მოჰყვა ბათუმის საკრებულოში. მმართველი გუნდის დეპუტატების განცხადებით, „ნაცმოძრაობას“ ხალხის წარსულში დაბრუნება სურს.
#ახალიამბები ხმაურის და დაპირისპირებების გარეშე ჩაიარა დღეს საკრებულოს სხდომამ ხელვაჩაურში, რომელსაც პროტესტის ნიშნად „ერთიანი ნაციონალური მოძრაობის“ წევრები არ დაესწნენ. დეპუტატებმა დღის წესრიგით გათვალისწინებული ორი საკითხი განიხილეს, მათ შორის იყო მუნიციპალიტეტის 2024 წლის ბიუჯეტის შესრულების ანგარიში. ტარიელ ნაკაშიძის განცხადებით, მთავარი ფინანსური დოკუმენტი შემოსავლის ნაწილში 84%, ხარჯვით ნაწილში კი 83%-ით შესრულდა. საკრებულოს წევრებმა ასევე განიხილეს სარფში, კომერციულ ფართებზე საიჯარო საწყისი ქირის საფასურის დადგენის საკითხიც.
#ახალიამბები პოლიტიკაში მესამედ დაბრუნებული ბიძინა ივანიშვილი, რომელიც გუშინ კონტრაქციაზე შეკრებილებს ღია და სკანდალური გზავნილებით ესაუბრა. ყოფილმა პრემიერმა ხალხს „ქართული ოცნების“ საპატიო თავმჯდომარის რანგში რუსთაველის გამზირზე იმავე ადგილიდან მიმართა, სადაც, წინა დღით, „აგენტების კანონის“ მოწინააღმდეგეთა მასშტაბური აქცია გაიმართა. თუ კი 5 წლის წინ გამართულ კონტრაქციაზე ბიძინა ივანიშვილი, აქცენტებს საქართველოს ევროპულ მიზანსა და ისტორიულ ოჯახში დაბრუნების აუცილებლობაზე სვამდა, გუშინ მისი გამოსვლის შინაარსი რადიკალურად სხვა იყო. თქვა, რომ „აგენტების“ და „ლგბტ პროპაგანდის“ საწინააღმდეგო კანონპროექტების ინიციირებისთვის დრო „იდეალურადაა შერჩეული“ და ერთ-ერთი მიზანი - „აგენტურისთვის“ ძალების გამოცლაა, შემოდგომის არჩევნებისთვის.
#ახალიამბები „ქართული ოცნების“ მიერ ორგანიზებულ კონტრაქციაზე აჭარიდან მხარდამჭერების მობილიზების საკითხს გამოეხმაურნენ დღეს ბათუმის საკრებულოს სხდომაზე. ოპოზიციონერმა დეპუტატებმა განაცხადეს, რომ ხელისუფლებამ საჯარო მოხელეები დედაქალაქში იძულებით წაიყვანა. მათივე თქმით, მომიტინგეებს აქციებში ჩართვა ნების საწინააღმდეგოდ უწევთ, რადგან სამსახურების დაკარგვის შიში აქვთ. მმართველ გუნდში კი ოპოზიციის განცხადებებს „აბსურდი“ უწოდეს.