უკრაინაში რუსეთის ომის პარალელურად მნიშვნელოვანი განცხადება გაკეთდა დნესტრისპირეთში. მოლდოვის ამ სეპარატისტულმა რეგიონმა მოსკოვს დახმარების თხოვნით მიმართა. განაცხადეს, რომ ამის მიზეზია მოლდოვიდან მომდინარე მზარდი საფრთხე. ამ ფაქტს მალევე გამოეხმაურა რუსეთის საგარეო საქმეთა სამინისტროს სპიკერი მარია ზახაროვა, რომელმაც აღნიშნა, რომ რეგიონში ვითარების ესკალაცია ჩრდილოატლანტიკური ალიანსის ინტერესებში შედის. კომენტარი გააკეთეს თეთრ სახლშიც, სადაც განაცხადეს, რომ ამერიკის შეერთებული შტატები ყურადღებით აკვირდება მოლდოვაში მიმდინარე მოვლენებს… ამასთან, კიდევ ერთხელ დაუჭირეს მხარი მოლდოვის სუვერენიტეტსა და ტერიტორიულ მთლიანობას… დნესტრისპირეთში ჯერ კიდევ 2006 წელს ჩატარდა ე.წ. რეფერენდუმი, სადაც მოსახლეობის 97%-მა მხარი დაუჭირა რუსეთთან ინტეგრაციას. რაც შეეხება, მოკლე, ზოგად ინფორმაციას დნესტრისპირეთის შესახებ: ტერიტორიის ფართობია 4163 კვადრატული კილომეტრი; დედაქალაქი – ტირასპოლი; მოსახლეობა 2015 წლის მონაცემებით: რუსი – 29.1% მოლდოველი – 28.6% უკრაინელი – 22.9% შეიარაღებული კონფლიქტი 1992 წელს დაიწყო დნესტრისპირეთში და შედეგად 1000-ზე მეტი ადამიანი დაიღუპა, 100 000-ზე მეტმა მოქალაქემ კი საცხოვრებელი დაკარგა. ამ კონფლიქტის შემდეგ დნესტრისპირეთში დღემდე რუსული სამხედრო შენაერთები იმყოფებიან. მექანიზებული ფორმირების სახელია „ოპერატიული ჯგუფი“. ეს ფორმირება მე-14 რუსული არმიის ბაზაზეა შექმნილი. პოლონური კვლევითი ორგანიზაციის „ახალი ევროპის ინსტიტუტი“ მონაცემებით, ეს ჯგუფი დაახლოებით 1500-ამდე სამხედრო მოსამსახურეს გულისხმობს. მათ განკარგულებაშია დაახლოებით 150 ერთეული ჯავშანტექნიკა – ქვეითთა საბრძოლო მანქანები, ჯავშანტრანსპორტიორები და ტანკები. ასე რომ, საჭიროების შემთხვევაში რუსეთს შეუძლია უმოკლეს დროში 2-3 ბატალიონის დონის ტაქტიკური ჯგუფი შექმნას. განსხვავებულია უკრაინული მონაცემები. კიევის ცნობით, დნესტრისპირეთში დაახლოებით 3500 რუსი სამხედრო მოსამსახურეა.
კორონავირუსის შემთხვევები იზრდება მსოფლიო მასშტაბით. ახლა სხვადასხვა ქვეყანაში ვირუსის ერთ-ერთი ვარიანტის ომიკრონის ორი ქვეშტამია გავრცელებული. ჯანდაცვის მსოფლიო ორგანიზაციის თანახმად, ახალი შტამები გავრცელდა მინიმუმ 41 ქვეყანაში. თავდაპირველად კი ის აშშ აღმოაჩინეს. #ახალიამბები #euronewsgeorgia
“რუსეთში ყველას გვინდა ოლივიე გვქონდეს საახალწლო სუფრაზე” წელს, რუსეთის მოქალაქეებს საყვარელი კერძის მომზადება უჩვეულოდ ძვირი უჯდებათ - კვერცხის ფასის ზრდაზე ვლადიმერ პუტინმაც ისაუბრა. #ახალიამბები #euronewsgeorgia
ადგილობრივი ხელისუფლების წარმომადგენლები აცხადებენ, რომ ქალაქი ფიზიკურად ვეღარ დაიტევს დამატებით დამსვენებლებს. სტრასბურგის გადატვირთულობა დისკომფორტს უქმნის ადგილობრივ მოსახლეობასაც. #ახალიამბები #euronewsgeorgia
ისლანდიის ეროვნულ მეტეოროლოგიურ სააგენტოში აცხადებენ, რომ ჯერ ნაადრევია საუბარი ვულკანის აქტივობის დასრულებაზე. ამავდროულად, დასრულდა მიწის ბარიერების მოწყობა, რომელმაც საჭიროების შემთხვევაში ლავის ნაკადი უნდა შეაჩეროს ან მიმართულება შეუცვალოს მას. #ახალიამბები #euronewsgeorgia
უკვე წლებია საქართველოში სიღარიბე ერთ-ერთ მთავარ და გადაუჭრელ პრობლემად ითვლება – ამას არაერთი საზოგადოებრივი კვლევა და სტატისტიკის ეროვნული სამსახურის მონაცემებიც ადასტურებს. “სოციალური სამართლიანობის ცენტრმა” შეისწავლა საარსებო შემწეობის მიზნები და გამოწვევები. ავტორები ამბობენ, რომ ძალიან ბევრია შემწეობის მიმღები პირი, რაც სიდუხჭირითაა განპირობებული. “აბსოლუტური სიღარიბის ზღვარს მიღმა საქართველოს მოსახლეობის 15%-ზე მეტი იმყოფება, საარსებო შემწეობის მიმღები კი 600 000-ზე მეტი პირია, მათ შორის 245 000-ზე მეტი ბავშვი იღებს საარსებო შემწეობას, რაც ბავშვების საერთო რაოდენობის 27%-ია. ამ სისტემას, ამ პროგრამას არ აქვს სიღარიბიდან ამოყვანის შესაძლებლობა, აქედან გამომდინარე, მნიშვნელოვანი პროცენტული მაჩვენებლები და რაოდენობა იმ ადამიანებისა, რომლებიც საარსებო შემწეობას იღებენ, სისტემაში წლების განმავლობაში რჩებიან, მაგალითისთვის არსებობენ ოჯახები, დაახლოებით 11 000-ზე მეტი ადამიანი, რომლებიც 11 წელსა და 15 წელზე მეტი ხნის განმავლობაშიც იღებენ ამ შემწეობას”, – ამბობს მარიამ ჯანიაშვილი, “სოციალური სამართლიანობის ცენტრის” იურისტი. სისტემის ყურადღების მიღმა ხშირად უსახლკაროებიც რჩებიან. კვლევის ავტორები ამბობენ, რომ საცხოვრისის არარსებობისა და სახელმწიფოს უმოქმედობის გამო, უსახლკარო პირები არაერთი უფლებისა და თავისუფლების დარღვევის წინაშე დგებიან. #ახალიამბები #euronewsgeorgia
“ტყვეების საკითხზე მოლაპარაკებას აზრი არ აქვს მანამ, სანამ ისრაელის აგრესია გრძელდება”. "ჰამასი" უარს აცხადებს ისრაელთან მოლაპარაკებებზე. ისრაელის თავდაცვის ძალები კი ღაზის სექტორში საბრძოლო მოქმედებების არეალს აფართოებენ. #ახალიამბები #euronewsgeorgia
2022 წლის მონაცემებით, 2400-ამდე მიგრანტი დაიღუპა, ან გაუჩინარდა ზღვაში. ეს მონაცემები სრულად ვერ ასახავს უმძიმეს რეალობას, რადგან დაღუპულთა უმეტესი ნაწილი აღურიცხავი რჩება. #ახალიამბები #euronewsgeorgia
„რუსეთის ამჟამინდელმა ხელისუფლებამ საკუთარ ხალხს მოჰპარა შესაძლებლობები და მომავალი”… უკრაინის შეიარაღებული ძალების ციმბირის ბატალიონში რუსი მოხალისეები ირიცხებიან. ისინი უკრაინის თავისუფლების დასაცავად გამართულ ბრძოლაში მონაწილეობენ. #ახალიამბები #euronewsgeorgia
ისრაელსა და ,,ჰამასს" შორის ომი გრძელდება. ისრაელი კიდევ უფრო აფართოებს სამხედრო ინტერვენციას ღაზაში და შეჩერებას არ აპირებს. ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა. #ახალიამბები #euronewsgeorgia
მთის საერთაშორისო დღესთან დაკავშირებით “კავკასიის მდგრადი განვითარების ქსელმა” და “ილიას სახელმწიფო უნივერსიტეტმა” მოსწავლეებისა და პედაგოგებისთვის შეხვედრა გამართეს. შეხვედრაზე გარემოსდაცვით ექსპერტებთან ერთად განიხილეს მთის ეკოსისტემის დაცვისა და აღდგენის საკითხები. ასევე მოეწყო კავკასიის ფაუნის ფოტოებისა და მთის პროდუქტების გამოფენა. #ახალიამბები #euronewsgeorgia
ევროპული საბჭოს დღევანდელი სამიტის დიდი ნაწილი დაეთმობა უკრაინის წინააღმდეგ რუსეთის აგრესიული ომის უახლეს მოვლენებსა და უკრაინისადმი მხარდაჭერას. რაც შეეხება უკრაინისადმი ფინანსურ დახმარებას, ამ მხრივ მეტ-ნაკლებად კონსენსუსია ევროპელ ლიდერებს შორის. მათი დიდი ნაწილი მიიჩნევს, რომ ამ საკითხის გარშემო ბლოკის ერთიანობა ევროპის უსაფრთხოებისთვის უმნიშვნელოვანესია. #ახალიამბები #euronewsgeorgia
გაერთიანებული ერების ორგანიზაციის გენერალურმა ასამბლეამ დიდი უმრავლესობით მიიღო რეზოლუცია, რომლის თანახმად საერთაშორისო საზოგადოება ახლო აღმოსავლეთში ცეცხლის დაუყონებლივ შეწყვეტას ითხოვს. #ახალიამბები #euronewsgeorgia
ანტარქტიკაზე ყინული ახლა უფრო სწრაფად დნება ვიდრე ოდესმე. ეს კი ადამიანების ქცევით გამოწველი კლიმატის ცვლილების შედეგია, რომელიც მთელ დედამიწაზე მოახდენს გავლენას. “რაც ხდება ანტარქტიკაში, არ რჩება მხოლოდ ანტარქტიკაში. დღეს უკვე ყველა ვაცნობიერებთ, თუ სად შეიძლება მიგვიყვანოს ყინულის საფარის დნობამ. მაგალითად, ეს პროცესი გამოიწვევს ზღვის დონის მატებას არა მხოლოდ აქ, ანტარქტიდის სანაპიროებთან, არამედ მთელი მსოფლიოს მასშტაბით. იქნება რეგიონები, რომლებიც ძალიან დაზარალდება, მათ შორის წყნარი ოკეანის კუნძულები“, -ამბობს ცეზარ კადენასი, ჩილეს “ანტარქტიკის ინსტიტუტის” მკვლევარი. ყინულის კონტინენტი უდიდეს როლს თამაშობს დედამიწის კლიმატისთვის. ის მზის სხივებს ირეკლავს და ოკეანის დინებებს კვებავს. ოქტომბერში გამოქვეყნებული კვლევის თანახმად, ყინულის საფარის დნობა უკვე შეუქცევადია, მიუხედავად იმისა, თუ რამდენად შეამცირებს კაცობრიობა ნახშირორჟანგის ემისიებს. „ყველაფერი ერთმანეთთანაა კავშირში. ანტარქტიკა გავლენას ახდენს ატმოსფეროზე და ცვლის კლიმატს, მას უდიდესი როლი აქვს წყალქვეშა დინებებისთვისაც. ჟანგბადით მდიდარი ყინულოვანი წყალი ოკეანის სიღრმეში იძირება და შემდეგ მთელ პლანეტაზე ნაწილდება. თუ ეს ციკლი ირღვევა, ირღვევა მთელი მსოფლიო ოკეანის პროდუქტიულობა“, – ამბობს ცეზარ კარდენასი. ეს პროცესები კი გადაშენების საფრთხის წინაშე აყენებს მთელ რიგ სახეობებს. სპეციალისტები ამბობენ, რომ ყინულის დნობასთან ერთად რამდენიმე ათწლეულში საიმპერატორო პინგვინების კოლონებიც გაქრება… #ახალიამბები #euronewsgeorgia
ახლო აღმოსავლეთში რამდენიმე ათწლეულის განმავლობაში ყველაზე სისხლიანი ომი გრძელდება. ისრაელსა და "ჰამასს" შორის დროებითი ზავის გაფორმებაში მონაწილე მხარეთა წარმომადგენელთა მიერ გავრცელებული ინფორმაციის თანახმად, დროებითი ზავის განმეორებით დადების შანსები მცირეა. "ჰამასის" სამხედრო მეთაურობის თქმით, ისრაელი ტყვედ ჩავარდნილი მოქალაქეების გათავისუფლებას სამხედრო გზით ვერ მოახერხებს. ისრაელის პრემიერ-მინისტრის განცხადებით, ომი მორჩება მაშინ, როდესაც "ჰამასი" ბოლომდე განადგურდება. #ახალიამბები #euronewsgeorgia
იმ დღეს დარბაზში დაჭრილი მებრძოლები შეიკრიბნენ. ისინი, ვინც უდიდესი სულიერი და ფიზიკური ტრავმა მიიღო სამშობლოს ტერიტორიული მთლიანობისა და უკეთესი მომავლისათვის ბრძოლაში. ისინი, ვინც საქართველოს წარმოაჩენდა, პარტნიორებთან ერთად გვერდიგვერდ ბრძოლაში. იმ დღეს, ისინი „დაჭრილ მებრძოლთა თანადგომის ფონდმა“ კიდევ ერთხელ შეკრიბა, რათა მადლობა ეთქვა. ეთქვა ის, რომ თუ საქართველო ევროატლანტიკურ სტრუქტურებში ინტეგრირდება, ამაში ლომის წილი სწორედ ამ მებრძოლებს მიუძღვით. Transcript #ახალიამბები #euronewsgeorgia
ეკოსოფელი ბუკელი ნიდერლანდების ყველაზე მდგარად ორგანიზაციად დასახელდა 2021 წელს. თავისი ეკოლოგიური ბაღჩა-ბაღითა და მზის ენერგიაზე დაფუძნებული გათბობის სისტემით ეს ევროპული პროექტი უფრო ეკოლოგიური ცხოვრების წესს ამკვიდრებს. #ახალიამბები #euronewsgeorgia
“ისტორიული შანსი რეგიონში მშვიდობის მისაღწევად” - ბაქოსა და ერევანს შორის შესაძლოა, ცოტა ხანში სამშვიდობო ხელშეკრულება გაფორმდეს. მხარეები ტყვეების გაცვლასა და დიალოგის განახლებაზე უკვე შეთანხმდნენ. #ახალიამბები #euronewsgeorgia
გრძელდება შეტაკებები ისრაელელ სამხედროებსა და „ჰამასის“ მებრძოლებს შორის. პარალელურად, გაეროში მხარეებს ცეცხლის დაუყოვნებლივ შეწყვეტისკენ მოუწოდებენ და ღაზის სექტორში ჰუმანიტარული კრიზისის შესახებ საუბრობენ. #ახალიამბები #euronewsgeorgia
უკრაინის მიერ გათავისუფლებულ ტერიტორიებზე და არამარტო, მოსახლეობა ბრძოლების შედეგად დაზიანებული სახლების შეკეთებას ცდილობს, რომ ზამთრის ცივი დღეები გადაიტანოს. ზამთრისთვის ემზადებიან სამხედროებიც #ახალიამბები #euronewsgeorgia
ისრაელსა და "ჰამასს" შორის ომი გრძელდება. ორ მხარეს შორის დროებითი ზავის შედეგად 100-ზე მეტი ისრაელელი დაუბრუნდა ოჯახს, ისრაელმა კი სანაცვლოდ 240 პალესტინელი გაათავისუფლა. ისრაელის თავდაცვის ძალების გენერალური შტაბის უფროსის თქმით, იერუსალიმმა სამხედრო ოპერაციის მესამე ფაზა წამოიწყო. 7 ოქტომბერს დაწყებული ომის შემდეგ ღაზის სექტორში 16 ათასზე მეტი ადამიანია დაღუპული, მათი უმრავლესობა არასრულწლოვანი და ქალია, 40 ათასზე მეტი კი დაჭრილია, ეს ინფორმაცია ღაზის სექტორის ჯანდაცვის სამინისტრომ გაავრცელა. #ახალიამბები #euronewsgeorgia
ისრაელელი სამხედროები მშვიდობიან მოსახლეობას მოუწოდებენ, მათივე უსაფრთხობის მიზნით დატოვონ ქალაქი. ორგანიზაცია წითელ ჯვარში აცხადებენ, რომ ღაზის სექტორის საავადმყოფოებში ქაოსური ვითარებაა. #ახალიამბები #euronewsgeorgia
ისრაელი ღაზის სამხრეთით სახმელეთო ოპერაციას აფართოებს. ამის შესახებ ისრაელის თავდაცვის ძალები ავრცელებენ ინფორმაციას. მათივე ცნობით, გამოცხადებულია ევაკუაცია და მშვიდობიან მოსახლეობას ხალხმრავალი ადგილების დატოვებისკენ მოუწოდებენ. #ახალიამბები #euronewsgeorgia
საბჭოთა კავშირის დაშლის შემდეგ, პირველად გაჩნდა რეალური პერსპექტივა, რომ სომხეთსა და აზერბაიჯანს შორის გრძელვადიანი მშვიდობა დამყარდება. მიუხედავად იმისა, რომ ბაქო და ერევანი გარკვეულ საკითხებზე ვერ თანხმდებიან, მაგიდაზე უკვე დევს დოკუმენტი სამშვიდობო შეთანხმების შესახებ. ეს შეთანხმება ბევრ რამეს შეცვლის რეგიონში და შესაძლოა, საქართველოშიც. #ახალიამბები #euronewsgeorgia
უკრაინის პრეზიდენტი ვოლოდიმირ ზელენსკი ხარკივის ჩრდილო-აღმოსავლეთ ნაწილში, კუპიანსკში, ფრონტის ხაზზე ჩავიდა. ადგილზე იგი რეგიონულ მეთაურებს შეხვდა და ხუთი ჯარისკაცი მედლებით დააჯილდოვა. შეხვედრას უკრაინის ჯარების სარდალი, გენერალი ალექსანდრ სირსკიც, ესწრებოდა. #ახალიამბები #euronewsgeorgia
ისრაელსა და „ჰამასს“ შორის გრძელდება შეთანხმება ოთხდღიანი ცეცხლის შეწყვეტის თაობაზე, რომლის ფარგლებშიც „ჰამასის“ მიერ 7 ოქტომბერს გატაცებულ მოქალაქეებს ეტაპობრივად ათავისუფლებენ. 39-ამდე პალესტინელი პატიმარი დასავლეთ სანაპიროზე ბრუნდება. ისინი ისრაელმა „ჰამასთან“ მიღწეული ოთხდღიანი ცეცხლის შეწყვეტის ფარგლებში გაათავისუფლა. „ჰამასის“ მებრძოლებს შეთანხმების გახანგრძლივება სურთ, თუმცა, როგორც ვარაუდობენ, მანამდე მათ მოუწევთ იმ ათეულობით მძევლის ადგილსამყოფელის დადგენა, რომლებიც სხვადასხვა ჯგუფს, მათ შორის პალესტინის ჯიჰადს“ ჰყავს დატყვევებული. გასულ კვირას „ჰამასმა“ 17 მძევალი გაათავისუფლა, მათ შორის 9 ბავშვი და 4 უცხო ქვეყნის მოქალაქე. გათავისუფლებულებს შორისაა ამერიკის შეერთებული შტატების მოქალაქე, 4 წლის გოგონა, რომელსაც ისრაელისა და ამერიკის ორმაგი მოქალაქეობა აქვს. მძევლების ოჯახებთან დაბრუნების ამსახველი კადრები მთელ მსოფლიოში ვრცელდება. ავიდგორების ოჯახისთვის ემოციური იყო „ჰამასის“ ტყვეობიდან გათავისუფლებული დედა-შვილის ნახვა. #ახალიამბები #euronewsgeorgia
უკრაინის პოზიციები რუსეთის საზღვრიდან დაახლოებით სამ კილომეტრშია. ორივე მხარე ყოველდღიურად ხსნის ცეცხლს. კრაინელი ჯარისკაცები ემზადებიან ზამთრისთვის და აგრძელებენ ფრონტზე პოზიციების დაცვას. უკრაინაში რუსეთის შეჭრიდან თითქმის ორი წელი გადის. ომში ჩართული ორივე მხარე ცდილობს, სამხედრო პოზიციები გაამაგროს. უკრაინის პოზიციები რუსეთის საზღვრიდან დაახლოებით სამ კილომეტრშია. ორივე მხარე ყოველდღიურად ხსნის ცეცხლს. უკრაინის მესაზღვრეები, უპირველეს ყოვლისა, აკონტროლებენ რუსეთის პოზიციებს და თვალყურს ადევნებენ პოტენციურ რუს დივერსანტებს, რომლებიც ცდილობენ საზღვრის გადაკვეთას. რუსეთის რეგულარული საჰაერო თავდასხმების დროს უკრაინელ ჯარისკაცებს ევალებათ „შაჰედის“ დრონების ან შემომავალი რაკეტების განადგურება. ზამთრის მოახლოებასთან ერთად ამ ჯარისკაცების უმრავლესობა სიცივესა და თოვლს უკვე მეორე წელია უძლებს. #ახალიამბები #euronewsgeorgia
უკრაინული მხარის მტკიცებით, მათ გასულ უქმეებზე რუსების მიერ უკრაინისკენ გაშვებული 75 უპილოტო საფრენი აპარატიდან 71-ის ჩამოგდება მოახერხეს. საჰაერო განგაში ისმოდა რუსეთის რეგიონებსა და ანექსირებულ ყირიმშიც. #ახალიამბები #euronewsgeorgia
უკრაინის შეიარაღებული ძალების გენერალური შტაბის მონაცემებით, ერთ დღეში საბრძოლო მოქმედებების შედეგად რუსმა ოკუპანტებმა 1100 ჯარისკაცი დაკარგეს, განადგურდა 30 რუსული ტანკი, 32 საბრძოლო ჯავშანმანქანა, 31 საარტილერიო სისტემა. ევრონიუს ჯორჯიას ეთერში ფრონტის ხაზზე აქტიურ საბრძოლო ზონებსა და ფლანგებზე არსებულ ვითარებაზე საუბრობს სამხედრო მიმომხილველი გიგა ინაშვილი. #ახალიამბები #euronewsgeorgia
უკრაინაში ზამთრისთვის ემზადებიან - ხანგრძლივი ყინვები ბრძოლის ველზეც გაართულებს საქმეს, თუმცა მებრძოლები ამბობენ, რომ ამ ყველაფერს შეძლებისდაგვარად, მომზადებულები ხვდებიან. იმასაც ამბობენ, რომ ზოგიერთი დავალების შესრულება თოვლში, უკეთესი ხედვის გამო შესაძლოა, უფრო მარტივიც აღმოჩნდეს. #ახალიამბები #euronewsgeorgia
"ჰამასსა" და ისრაელს შორის დადებული დროებითი ზავის თანახმად შეთანხმებული ტყვეთა გაცვლის პროცესი დაწყებულია. #ახალიამბები #euronewsgeorgia
როგორც ისრაელელმა ჯარისკაცებმა მედიის წარმომადგენლებთან განაცხადებს, ეს აღმოჩენა უტყუარი მტკიცებულებაა იმისა, თუ როგორ იყენებენ ,,ჰამასის" მებრძოლები მშვიდობიანი მოქალაქეებისთვის განკუთვნილ ადგილებს, სტრატეგიულ სამეთაურო ცენტრებად. #ახალიამბები #euronewsgeorgia
ისრაელელმა ჯარისკაცებმა ღაზის რამდენიმე საავადმყოფოში იარაღის საწყობები აღმოაჩინეს. ამ დროისთვის ქალაქ ღაზის უდიდეს ნაწილს ისრაელის თავდაცვის ძალები აკონტროლებენ. #ახალიამბები #euronewsgeorgia
ღაზის სექტორის ჩრდილოეთ მიდამოებში და ქალაქ ღაზაში ისრაელის თავდაცვის ძალებსა და "ჰამასის" ტერორისტებს შორის დაუნდობელი შეტაკებები გრძელდება. #ახალიამბები #euronewsgeorgia
უკვე მეექვსე კვირა დაიწყო, რაც ახლო აღმოსავლეთში ომი მიმდინარეობს. ღაზის სექტორში გრძელდება შეტაკებები ისრაელის არმიასა და „ჰამისის“ მებრძოლებს შორის. ამასთანავე არ წყდება ავიაიერიშებიც. ჯანდაცვის მსოფლიო ორგანიზაციაში აცხადებენ, რომ კავშირი გაწყდა ღაზის მთავარ საავადმყოფოსთან, ალ-შიფასთან #ახალიამბები #euronewsgeorgia
სოციალური ქსელში კვლავ ვრცელდება დეზინფორმაცია ისრაელსა და „ჰამასს“ შორის მიმდინარე მოვლენების თაობაზე. განსაკუთრებით გააქტიურებულია ყალბი ამბები, რომელთა შემქმნელები ხელოვნურ ინტელექტს იყენებენ. #ახალიამბები #euronewsgeorgia
„ევროკომისიის რეკომენდაციაა, საქართველოს მიენიჭოს კანდიდატის სტატუსი იმ დათქმით, რომ მთავრობა გადადგამს მნიშვნელოვან ნაბიჯებს რეფორმების კუთხით“. #ახალიამბები #euronewsgeorgia
ისრაელის თავდაცვის მინისტრის განცხადებით, ისრაელის ჯარები ქალაქ ღაზის ცენტრში იმყოფებიან. #ახალიამბები #euronewsgeorgia
შვეიცარიელი და ფრანგი მკვლევრებისგან შემდგარმა ჯგუფმა ზურგის ტვინში ელექტროდები ჩაუნერგეს 63 წლის მამაკაცს, რომელიც პარკინსონის დაავადების გამო ვერ გადაადგილდებოდა. შედეგად, პაციენტმა კვლავ შეძლო გავლა. #ახალიამბები #euronewsgeorgia
„ბალადა მგალობელ ჩიტებსა და გველებზე“ - ასე ჰქვია "შიმშილის თამაშების" ახალ ფილმს, რომლის მსოფლიო პრემიერაც 17 ნოემბერს არის დაგეგმილი. ფილმის დახურული ჩვენება ბერლინში უკვე გაიმართა. #ახალიამბები #euronewsgeorgia
ისრაელის მოსახლეობაში მატულობს აღშფოთება და ბრაზი „ჰამასის“ მიერ 7 ოქტომბერს გატაცებული მძევლების მდგომარეობასთან დაკავშირებით. ასობით ადამიანი ისრაელის პარლამენტის წინ შეიკრიბა და საპროტესტო აქცია გამართა მძევლების უსაფრთხოდ დაბრუნების მოთხოვნით. #ახალიამბები #euronewsgeorgia
„ჩვენ ომში ვართ! არავითარი ოპერაცია, არავითარი მორიგი რაუნდი. ეს ომია“, - ასე გამოეხმაურა ისრაელის პრემიერ-მინისტრი ბენიამინ ნეთანიაჰუ იმ მასობრივ ხოცვა-ჟლეტას, რომელიც ტერორისტული დაჯგუფება „ჰამასის“ წევრებმა ისრაელის ტერიტორიაზე მოაწყვეს. #ახალიამბები #euronewsgeorgia
„ჩვენი პასუხი არის ერთი და მხოლოდ ერთი: ეს არის ევროპა, მშვიდობა, მშვიდობა ევროპაში! სხვა პერსპექტივას არც ვუყურებთ და სხვა პერსპექტივის არც გვჯერა“, - საქართველოს პრეზიდენტმა ბრიფინგი გამართა, სადაც სოფელ კირბალთან მომხდარ მოვლენებზე ისაუბრა. #ახალიამბები #euronewsgeorgia
ორი დღე რჩება იქამდე, ვიდრე გაფართოების პირველი ანგარიში გამოქვეყნდება. ეს აჩვენებს იმას, სად მიაღწია საქართველომ პროგრესს და სად არის საჭირო ცვლილებები. იქამდე კი ქართულ პოლიტიკურ წრეებში მოლოდინებზე საუბრობენ. #ახალიამბები #euronewsgeorgia
რუსეთის თავდაცვის სამინისტროში აცხადებენ, რომ მათი სამხედროები აგრძელებენ იერიშს დასახლება ავდიივკაზე, რომელსაც სტრატეგიული მნიშვნელობა აქვს. ამასთან, ისინი ზამთრის მოახლოების ფონზე აძლიერებენ დრონებით თავდასხმებს უკრაინის ენერგოინფრასტრუქტურაზე. #ახალიამბები #euronewsgeorgia
ინტენსიური ბრძოლები მიმდინარეობს ღაზის ჩრდილოეთით. ქალაქი ღაზა ალყაშია. ისრაელის თავდაცვის ძალებში აცხადებენ, რომ ღაზის ჩრდილოეთით მცხოვრებ პალესტინელებს სამხრეთით გადადგილების საშუალებას მისცემენ. #ახალიამბები #euronewsgeorgia
"ჰამასსა" და ისრაელს შორის ომის 28-ე დღეს ისრაელის თავდაცვის ძალების წარმომადგენელთა განცხადებით, ღაზის სექტორის ჩრდილოეთ ნაწილი ალყაშია. პრესმდივან დანიელ ჰაგარის თქმით, ღაზის სექტორი ალყაშია ჰაერიდან, ციდან, ხმელეთიდან. ამერიკის შეერთებული შტატების სახელმწიფო დეპარტამენტის მდივანი ენტონი ბლინკენი ისრაელშია, წარმომადგენელთა პალატამ კი ისრაელისთვის თითქმის 15 მილიარდი ამერიკული დოლარის მოცულობის ფინანსური დახმარება დაამტკიცა.
„ჰეზბოლას“ ლიდერმა ჰასან ნასრალამ მოსახლეობას სიტყვით მიმართა და თქვა, რომ ნებისმიერი სცენარისთვის მზად არის, მათ შორის რეგიონული ომისთვის. ჰასან ნასრალამ ასევე განაცხადა, რომ ხმელთაშუა ზღვაში დისლოცირებული ამერიკული სამხედრო ფლოტის არ ეშინია.
ღაზის სექტორში პალესტინელი ჟურნალისტის, მუჰამედ აბუ ჰათაბის გარდაცვალებას გლოვობენ. ისრაელის საჰაერო თავდასხმის დროს მოკლული რეპორტიორის ოჯახის წევრები ამბობენ, რომ ჰათაბი მისი პროფესიული საქმიანობის გამო მოკლეს.
უკრაინაში ავდიივკისა და რობოტინოს ფლანგებზე ასობით რუსული ჯავშანტექნიკა ნადგურდება. რას წარმოადგენს უკრაინის თავდაცვისთვის რუსული წინაღობები, ე.წ. „სუროვიკინის ხაზი“ და რა ტიპის სამხედრო დაპირისპირებებია დონეცკის ჩრდილოეთით. #ახალიამბები #euronewsgeorgia