ინგლისის ქალაქ მანჩესტერში, სტადიონზე აფეთქება მოხდა, რომლის შედეგადაც, 19 ადამიანი გარდაიცვალა, ხოლო 50-ზე მეტი დაშავდა. BBC-ის ინფორმაციით, სამართალდამცველებს ამ ფაქტისთვის ტერაქტის კვალიფიკაცია ჯერ არ მიუნიჭებიათ, თუმცა მომხდარი სავარაუდოდ, ტერორისტული აქტი იყო. ვრელდება ინფორმაცია, რომ პოლიცია თვითმკვლელი ტერორისტი მამაკაცის ვერსიაზე მუშაობს. აფეთქება კონცერტის დასრულების შემდეგ, ფოიეში მოხდა, მაშინ როდესაც, ხალხი ამერიკელი პოპ ვარსკვლავის, არიანა გრანდეს კონცერტიდან გამოდიოდა. ამჟამად, სამართალდამცველებს მანჩესტერის ვიქტორიას სადგურსა და ლონდონში უსაფრთხოების ზომები გაძლიერებული აქვთ. სოციალური ქსელებით კი, თვითმხილველები აფეთქების შედეგად გამოწვეული პანიკის ამსახველ კადრებს ავრცელებენ.
„X ფაქტორში” ხვიჩა კვარაცხელიას შესრულებამ მისი მენტორის, სოფო ნიჟარაძის მოწონება დაიმსახურა.
გორის რამდენიმე სოფელში ძლიერი ჭექა-ქუხილი დაფიქსირდა. აღნიშნული ფაქტის ამსახველი ფოტო და ვიდეომასალა სოფელ ვარიანში მცხოვრებმა თემო კერესელიძემ გადაიღო, რომელსაც საინფორმაციო ცენტრი qartli.ge ავრცელებს. ნალექს ძლიერი ქარი უძღოდა წინ. ჭექა-ქუხილის გამო, გორში გარეგანათება რამდენიმე ადგილას გამოირთო.
#ინფო9 #NEWS #info9 გადაცემის „პორტრეტი ჩარჩოს გარეშე“ წამყვანი, თეა ჩეჩელაშვილი ქუთაისში და ზოგადად, იმერეთის რეგიონში წარმატებულია. ის მკერდის გარშემოწერილობის სიდიდით გამოირჩევა.
დუშეთის მუნიციპალიტეტის სოფელ ხანდოსხევთან აქცია პოლიციასთან დაპირისპირებაში გადაიზარდა. მდგომარეობა მას შემდეგ დაიძაბა, რაც ადგილზე მობილიზებული სამშენებლო ტექნიკის სხვა ადგილზე გაყვანას ცდილობდნენ. ერთ-ერთმა ადგილობრივმა ტრაქტორს ქვა ესროლა და შუშა ჩაამტვრია, რის შემდეგაც, სამართალდამცველებმა აქციის რამდენიმე მონაწილე დააკავეს. აქციის მონაწილეები ცდილობდნენ, რომ პოლიციის მანქანებისთვის გასვლის საშუალება არ მიეცათ, თუმცა მათ დაკავებულთა გაყვანა მაინც შეძლეს. ფიზიკური დაპირისპირების დროს, ერთი ადგილობრივი დაშავდა. სოფელ ხანდოსხევში საპროტესტო აქცია დაპირისპირების ფონზე დილიდან მიმდინარეობს. ისინი ელექტოგადამცემი ხაზის სამშენებლო სამუშაოებს აპროტესტებენ. აქციის მონაწილეები აცხადებენ, რომ ტერიტორია მეწყერსაშიშია და სამუშაოები, რომელიც ენერგეტიკის სამინისტროს დაკვეთით სრულდება, სოფლებს განადგურების საშიშროებას უქმნის. ამავე თემაზე: ხანდოს ხეობაში საპროტესტო აქცია დაპირისპირების ფონზე მიმდინარეობს
ტყიბულის ერთ-ერთ შახტაში მომხდარი შემთხვევის შესახებ ადგილობრივები საუბრობენ. ვიდეომასალას შემთხვევის ადგილიდან „რუსთავი 2“ ავრცელებს.
Tamara Gachechiladze/Keep The Faith - First Semi-Final of 2017ESC Tamara Gachechiladze - Georgian participant of 2017 Eurovision Song Contest (ESC) performed in the First Semi-Final of the contest at Kyiv's International Exhibition Centre, tonight. 18 countries will compete for 10 places in the Grand Final. The running order of the First Semi-Final contenders: 1.Sweden 2.Georgia 3.Australia 4.Albania 5.Belgium 6.Montenegro 7.Finland 8.Azerbaijan 9.Portugal 10.Greece 11.Poland 12.Moldova 1
დაჯგუფება „ისლამურმა სახელმწიფომ“ ვიდეომასალა გამოაქვეყნა, რომელშიც მათი მტკიცებით, სირიაში ტყვედ აყვანილ რუს პოლკოვნიკს სიკვდილით სჯიან. 12 წუთიანი ვიდეომასალა რუსულ ენაზეა ჩაწერილი და მძიმე კადრებს შეიცავს. „როიტერის“ ინფორმაციით, ვიდეო ფაშიზმზე გამარჯვების 72-ე წლისთავთან დაკავშირებით არის ჩაწერილი, სადაც მუხლებზე დაჩოქილი მამაკაცი სირიაში, რუს სამხედროებს ჩაბარებისკენ მოუწოდებს. ჩანაწერში ასევე ნათქვამია, რომ „პოლკოვნიკი ევგენი პეტრენკო“ 2016 წლიდან სირიასა და ერაყში მსახურობდა. „ამ იდიოტს საკუთარი სახელმწიფოს დანაპირები სჯეროდა, რომ თუ ტყვედ აიყვანდნენ, მას არავინ მიატოვებდა“, - ნათქვამია ვიდეომასალაში, რომლის შემდეგაც, „ისლამური სახელმწიფოს“ წევრმა მამაკაცს ყელი გამოჭრა. ვიდეოს ავთენტურობა და მოკლულის ვინაობა ჯერჯერობით დადგენილი არ არის. ასევე უცნობია, მკვლელობის დრო.
#ინფო9 #NEWS #info9 ალგეთის ეროვნულ პარკში ისტორიაში პირველად, წავების წყვილი დაფიქსირდა. ინფორმაციას და ვიდეომასალას დაცული ტერიტორიების სააგენტო ავრცელებს.
ქართველი გოგონას ოცნება მუსულმან მამაკაცზე გათხოვება იყო. მას სურვილი აუხდა და ირანელ მუჰამედზე დაქორწინდა. ნინოსა და მუჰამედის წყვილი „ნანუკა ჟორჟოლიანის შოუს“ ესტუმრა. როგორც თავად აღნიშნავს, ნინოს მუსულმანობასთან ერთად, ოცნების მამაკაცის სხვა კრიტერიუმებიც ჰქონდა. „ბავშვობიდან ჩემი ოცნება იყო, რომ მუსულმანი ქმარი მყოლოდა. უნდა ყოფილიყო შავგრემანი, ჭაღარა, არ უნდა მოეწია, უნდა ყოფილიყო რომანტიკოსი, ოჯახის მოყვარული, სასმელი არ უნდა დაელია და რაც მთავარია, ვაჟიშვილი უნდა ყოფილიყო“, - აღნიშნავს ნინო.
ტეხასის შტატში ავტომრბოლელებმა მანქანიდან მცირეწლოვანი ბავშვები გამოიყვანეს, რომელიც ადიდებულ მდინარეს მიჰქონდა. უცხოურ მედიაში გავრცელებულ ვიდეოში ჩანს, თუ როგორ ცდილობენ ავტომრბოლელები ადიდებულ მდინარეში ამოყირავებული მანქანის კარის გაღებას და იქიდან მცირეწლოვანი ბავშვების გამოყვანას. ფილიპ ოჩელტრი, ოჯახთან ერთად იმ ტერიტორიის დატოვებას ცდილობდა, რომელიც ტორნადომ გაანადგურა, თუმცა ამ დროს, მისი ავტომანქანა მოცურდა და გზის სავალი ნაწილიდან გადავიდა. მას თან ორი მცირეწლოვანი ბავშვი ახლდა. „ისუნთქე, ისუნთქე“, - ისმის შემთხვევის ადგილზე გადაღებულ ვიდეოში, რომელსაც მანქანიდან ამოყვანილ ბავშვს ეუბნებიან. სოციალურ ქსელ „ფეისბუქის“ საკუთარ გვერდზე ფილიპ ოჩელტრიმ დაწერა, რომ მისი ვაჟი მარშალი საავადმყოფოშია მოთავსებული და თავს კარგად გრძნობს, მისი ორი წლის ქალიშვილის - ედის ჯანმრთელობის მდგომარეობა კი, სტაბილურია.
კანადის ქალაქ ტორონტოში ძლიერი აფეთქება მოხდა. ქალაქის ცენტრში სავარაუდოდ, ძლიერი ელექტროტრანსფორმატორი აფეთქდა. სახანძრო სამსახურის უფროსის ინფორმაციით, აფეთქების შედეგად საკანალიზაციო ჭებიდან ძლიერი კვამლი ამოიფრქვა. შემთხვევა კინგისა და ბეის ქუჩებს შორის, ტორონტოს მთავარ ფინანსურ უბანში მოხდა. ამართალდამცველებმა მიმდებარე ტერიტორია გადაკეტეს და მოქალაქეების ევაკუაცია განახორციელეს. ადგილობრივი მედია წერს, რომ ინციდენტის შედეგად, არავინ დაშავებულა.
მეცნიერებმა ბატკნები სპეციალური მასალისგან მომზადებულ ხელოვნურ საშვილოსნოში მოათავსეს, სადაც მილებით სისხლი, სითხე და ჟანგბადი მიეწოდებოდათ. ოთხ კვირაში შეამჩნიეს, რომ მომწიფდა ბატკნის ტვინი და ფილტვები, გაეზარდათ მატყლიც, დაიწყეს მოძრაობა, თვალების გახელა და სითხის ყლაპვა. ფილადელფიელი ექიმი და ხელოვნური საშვილოსნოს ერთ-ერთი ავტორი ალან ფლეიკი ამბობს, რომ მეთოდმა, რომელიც სამეცნიერო ფანტასტიკის სფეროს განეკუთვნებოდა, გაამართლა. მისი თქმით, მსოფლიოში გახშირდა ნაადრევი მშობიარობები, ნაყოფის დაღუპვა და მეთოდის დახვეწის შემთხვევაში, შესაძლოა, სრულიად შესაძლებელი იყოს, ემბრიონის „ხელოვნურ საშვილოსნოში“ გაზრდა. ამ მოწყობილობის გამოცდას დღენაკლულ ბავშვებზე, მეცნიერები 3-5 წელიწადში გეგმავენ.
სოციალურ ქსელში გავრცელებული სახალისო ვიდეოს რეალური ისტორია, რომელშიც მფრინავ დრონზე გამობმული ჰამაკი და მასში წამოწოლილი მანეკენი იყო დაფიქსირებული, ცნობილია.იდეის ავტორებმა გაამხილეს, რომ ხაშურის თავზე მფრინავ ჰამაკში ადამიანის ნაცვლად, მანეკენი იყო მოთავსებული, რომელიც ლუდს „მიირთმევდა“. როგორც აღმოჩნდა, „მფრინავი ჰამაკი“ ახალი მსუბუქი ლუდის - „ნატახტარი ლაითის“ რეკლამაა, რომელიც ქართულ ბაზარზე უახლოეს მომავალში გამოჩნდება. ამავე თემაზე: ხაშურის თავზე მფრინავი ჰამაკის ვიდეო მსოფლიო მედიის ყურადღების ცენტრშია
რუსთავის N3 საჯარო სკოლაში ევაკუაცია გამოცხადდა. შენობაში ასაფეთქებელ მოწყობილობას ეძებენ. სკოლის დირექტორის განცხადებით, შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112“-ში ანონიმური შეტყობინება შევიდა, რის გამოც, სკოლის შენობა მთლიანად დაცალეს. ადგილზე საპატრულო პოლიციაა მობილიზებული
თბილისში, თემქის დასახლებაში 13 წლის მოზარდი ფანჯრიდან გადმოვარდა. აღნიშნულ ინფორმაციას საზოგადოებრივი მაუწყებელი ავრცელებს. ბავშვი მეექვსე სართულიდან გადავარდა და მესამე სართულზე თოკებს დაეცა. მაშველებმა მოზარდის ჩამოყვანა უვნებლად შეძლეს. ადგილზე საპატრულო ეკიპაჟი და სასწრაფო-სამედიცინო დახმარების ბრიგადა იყო მობილიზებული. მოზარდი იაშვილის კლინიკაშია გადაყვანილი.
#ინფო9 #NEWS #info9 #ინდოეთი #მსოფლიო
#ინფო9 #NEWS #info9 #ავტომოტო #ავარია #რუსთავი რუსთავი-ლილოს ავტომაგისტრალზე, ერთმანეთს ექვსი ავტომომანქანა შეეჯახა. ადგილზე საპატრულო პოლიცია და სასწრაფო-სამედიცინო დახმარების ბრიგადაა მობილიზებული. შემთხვევის შედეგად დაშავებული ოთხი მოქალაქე რუსთავის საავადმყოფოში გადაიყვანეს. მომხდარს მსხვერპლი არ მოჰყოლია. თვითმხილველების განცხადებით, მიცვალებულს თბილისში დასაკრძალად მიასვენებდნენ, რა დროსაც, საპირისპირო მხრიდან დიდი სიჩქარით მოძრავი ავტომობილი შეეჯახათ.
#ინფო9 #NEWS #info9 #პოლიტიკა #უკრაინა #სააკაშვილი
#ინფო9 #NEWS #info9 #აფეთქება #მსოფლიო #მსხვერპლი სანკტ-პეტერბურგის მეტროში აფეთქება მოხდა. აფეთქების შედეგად, სულ მცირე ათი ადამიანი გარდაიცვალა, ხოლო 50 დაშავდა. უცხოური მედიის ინფორმაციით, აფეთქება მატარებლის ვაგონში მოხდა. ქალაქის მეტროს ყველა ცენტრალური სადგურიდან ხალხი ევაკუირებულია. უცხოურ მედიაში ასევე, ვრცელდება ინფორმაცია, რომ კიდევ ერთ მეტროსადგურში საეჭვო ნივთი იპოვეს. რუსეთის პრეზიდენტი ვლადიმერ პუტინი, რომელიც სანტ-პეტერბურგში იმყოფება, მომხდართან დაკავშირებით, უკვე ინფორმირებულია. დღეს სანკტ-პეტერბურგში რუსეთისა და ბელორუსის პრეზიდენტების შეხვედრა უნდა გაიმართოს.
#ინფო9 #NEWS #info9 #თბილისი #დასუფთავება #ნაგავი „თბილსერვის ჯგუფის“ წარმომადგენლებმა თბილისის ქუჩებში მწეველებს ორიგინალური საფერფლეები და საინფორმაციო ბუკლეტები დაურიგეს და მათ ნარჩენების დაყრასთან დაკავშირებით, ინფორმაცია მიაწოდეს. "თბილსერვის ჯგუფის" თანამშრომლებმა მწეველებს მოუწოდეს, იმ შემთხვევაში, თუ მათ სიახლოვეს ნაგვის ურნა არ არის, ორიგინალური ფორმის საფერფლით ისარგებლონ. დედაქალაქში დღეიდან, "თბილსერვის ჯგუფის" ქვეითი ინსპექტორები გამოჩნდებიან, რომლებიც მოქალაქეებს საყოფაცხოვრებო, ან სხვა სახის ნარჩენების დაყრისთვის დააჯარიმებენ. ინსპექტორები სპეციალური აღჭურვილობით იმოძრავებენ და საწყის ეტაპზე, თბილისის ცენტრალურ უბნებს გააკონტროლებენ. სანქციები 50 ლარიდან დაიწყება. პირველი ორი კვირის განმავლობაში, ინსპექტორების გამოჩენას მხოლოდ ინფორმაციული სახე ექნება. ისინი მოქალაქეებს მომავალ სანქციებთან დაკავშირებით გააფრთხილებენ. ამავე თემაზე: ძაღლის ან სხვა შინაური ცხოველის ფეკალური მასით ტერიტორიის დაბინძურება 50 ლარით დაისჯება
#ინფო9 #NEWS #info9 #გარემოვაჭრეები #აქცია #სახელმწიფო - გარემოვაჭრეების აქციას მეტროსადგურ „მარჯანიშვილის“ მიმდებარე ტერიტორიაზე ხმაური მოჰყვა. გარემოვაჭრეები ითხოვენ, რომ დედაქალაქის მერიამ მათ ვაჭრობის საშუალება კვლავ მისცეს, რადგან ეს მათთვის შემოსავლის ერთადერთი წყაროა. „ხელისუფლებამ სახელმწიფო დაამსგავსოს სახელმწიფოს და მერე მოსთხოვოს ამ ხალხს დასუფთავებული მარჯანიშვილი“, - განაცხადა აქციის ერთ-ერთმა მონაწილემ. აქციას არასამთავრობო ორგანიზაციების წარმომადგენლებიც შეუერთდნენ. „ევროპაში გარევაჭრობას აქვს ცივილიზებული სახე, იმიტომ, რომ არსებობს წესები, თუ როგორ უნდა განხორციელდეს ეს საქმიანობა. ჩვენც მოვითხოვთ ამას, რომ პარლამენტმა გარევაჭრობის რეგულირების შესახებ კანონპროექტის მიღების სამი წლის განმავლობაში გაწელილი პროცესი სასწრაფო წესით დაასრულოს. ამისთვის დღემდე ან არ მოიცალეს, ან შეგნებულად არ მიიღეს“, - განაცხადა არასამთავრობო ორგანიზაცია „დემოკრატიის ინსტიტუტის“ დამფუძნებელმა ლაშა ჩხარტიშვილმა. გარემოვაჭრეები მეტროსადგურ „მარჯანიშვილის“ მიმდებარე ტერიტორიიდან 19 მარტს გაიყვანეს. ამავე თემაზე: თბილისის მერია: კონკრეტული პირები გარემოვაჭრეების თემით სპეკულირებას ცდილობენ და მეწარმეებს უკანონო ქმედების ჩადენისკენ მოუწოდებენ
#ინფო9 #NEWS #info9 #ბათუმი #ხანძარი #დაზარალებული
#ინფო9 #NEWS #info9 #თუშეთი #შენაქო ომალოში კვირაში ერთხელ ვერტმფრენი იფრენს. ამის შესახებ პრემიერ-მინისტრმა გიორგი კვირიკაშვილმა მთავრობის სხდომაზე განაცხადა. მან შინაგან საქმეთა სამინისტროს დაავალა, რომ გზის გახსნამდე და თოვლის დადნობამდე, კვირაში ერთხელ სასაზღვრო ვერტმფრენმა იფრინოს. „მინდა, დავავალო შსს-ს, რომ სანამ გზა გაიხსნება, ანუ თოვლის დადნობამდე და სახმელეთო გზის სრულად ამოქმედებამდე, კვირაში ერთი ფრენა განახორციელონ სასაზღვრო ვერტმფრენით იმისთვის, რომ არა მარტო მესაზღვრეებმა, არამედ იქ დარჩენილმა ადამიანებმა იგრძნონ კავშირი დანარჩენ საქართველოსთან. ეს არის ძალიან რთული რეგიონი. აქვე ვიტყვი, რომ მესაზღვრეებს ნამდვილად არ აკლიათ ყურადღება, არ მინდა ვინმემ ჩათვალოს, რომ არის რაღაც კუთხით შენიშვნა. იქ საკმაოდ კარგი მატერიალურ-ტექნიკური ბაზაა, თუმცა დამატებით საჭიროა კავშირის განხორციელება ვერტმფრენით”, - განაცხადა პრემიერმა. გიორგი კვირიკაშვილმა დღევანდელ სხდომაზე ომალოში ვერტმფრენის კვირაში ერთხელ ფრენასთან დაკავშირებით, დავალებები ფინანსთა და ინფრასტრუქტურის სამინისტროებსაც მისცა. „ფინანსთა სამინისტროს მინდა დავავალო, რომ მოიძიოს ამისთვის სახსრები, ეს შესაძლებელია. ასევე მინდა, ინფრასტრუქტურის სამინისტროს დავავალო, რომ ამ მიმართულებით განსაკუთრებული ყურადღება გამოიჩინოს და იმ რეგიონის მაცხოვრებლებს, რომელთაც ზამთარში აქვთ სხვადასხვა საჭიროებები, ვერტმფრენის მეშვეობით ამ კუთხითაც დავეხმაროთ. კვირაში ერთი ფრენა ომალოში აუცილებელი წესით უნდა განხორციელდეს. ეს იქნება სასაზღვრო ვერტმფრენი, რომელიც მოემსახურება, როგორც მესაზღვრეებს, ასევე იქ მცხოვრებ ადამიანებს", განაცხადა პრემიერ-მინისტრმა. ამასთან, კვირიკაშვილმა მესაზღვრეებს პროფესიული დღე კიდევ ერთხელ მიულოცა. "რამდენიმე დღის წინ აღვნიშნეთ მესაზღვრის დღე. კიდევ ერთხელ მინდა მივულოცო ჩვენს მესაზღვრეებს ეს დღესასწაული. მესაზღვრეები არიან ადამიანები, რომლებიც ერთ-ერთ ყველაზე საპატიო პროფესიას ემსახურებიან - საქართველოს ყველა მოქალაქის უსაფრთხოების დაცვას. მათ ძალიან რთულ პირობებში უწევთ სამსახური. მე გახლდით ომალოს სასაზღვრო პუნქტზე, სადაც მივულოცე მესაზღვრეებს პროფესიული დღე“, - აღნიშნა პრემიერმა.
#ინფო9 #NEWS #info9 #გაბუნია #რუსთავი2 #შოუ ჟურნალისტმა გიორგი გაბუნიამ "ნანუკა ჟორჟოლიანის შოუში" ცხვირის ფორმა შეიცვალა. კერძოდ, ე.წ. ფილერით ცხვირი აიპრიხა.
#შსს შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს განსაკუთრებით მნიშვნელოვან საქმეთა სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, დიდი ოდენობით ქონების მიღების მიზნით გამოძალვის, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით, 1974 წელს დაბადებული გ.ა. თბილისში, დავით გურამიშვილის გამზირზე დააკავეს. გამოძიებით დადგინდა, რომ ბრალდებული 1969 წელს დაბადებულ დ. ბ.-ს, მისი და მისი ოჯახის წევრების სიცოცხლის მოსპობის მუქარით, 200 000 აშშ დოლარს სძალავდა. სამართალდამცველებმა გ.ა. მანამდე დააკავეს, ვიდრე დაზარალებული მას მოთხოვნილ თანხას გადასცემდა. პოლიციამ, დაკავებულის საცხოვრებელი ბინის ჩხრეკისას, „GOLD STAR-2002“-ის და „WOLTRA PROFESSIONAL Mod. 92“-ის მოდელების 2 არარეგირტრირებული პისტოლეტი, 50 საბრძოლო ვაზნა და მობილური ტელეფონები, რომლებითაც გ.ა. მუქარას ახორციელებდა, ნივთმტკიცებად ამოიღო. ბრალდებული ჩადენილ დანაშაულს აღიარებს. გამოძიება დიდი ოდენობით ქონების მიღების მიზნით გამოძალვის, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტებზე მიმდინარეობს (საქართველოს სსკ-ს 181-ე მუხლის მე-2 ნაწილის „გ“ ქვეპუნქტით და 236-ე მუხლის მე-2 ნაწილით).
#ინფო9 #NEWS #info9 #შსს #ნარკოტიკი #დაკავება შსს-ს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, დიდი ოდენობით და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1966 წელს დაბადებული, წარსულში ნასამართლევი გ.შ. თბილისში, თამარაშვილის ქუჩაზე დააკავეს. სამართალდამცველებმა, ბრალდებულის პირადი ჩხრეკისას, სხვადასხვა სახის ნარკოტიკული საშუალება ამოიღეს: 0,47122 გრამი ბუპრენორფინის შემცველი 57 აბი, 0,276942 გრამი მეტადონის შემცველი 7 აბი და 56,3 გრამი ფხვიერი მასა, რომელიც 6,619844 გრამ ჰეროინს შეიცავს. დაკავებული ჩადენილ დანაშაულს აღიარებს. გამოძიება დიდი ოდენობით და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-3 ნაწილის „ა“ ქვეპუნქტით და მე-6 ნაწილის „ა“ ქვეპუნქტით).
#ინფო9 #NEWS #info9 #გაბუნია #რუსთავი2 #შოუ ჟურნალისტ გიორგი გაბუნიას თქმით, მისი ახალგაზრდული გარეგნობის ძირითადი მიზეზი, გენეტიკაა. როგორც „ნანუკა ჟორჟოლიანის შოუში“ ტელეწამყვანმა აღნიშნა, თავს უვლის და სისტემატიურად ვარჯიშობს.
#საპატრულო #პოლიცია #მობილიზაცია საბურთალოზე, ზურაბ ჟვანიას მოედანთან, ჩინური რესტორნის წინ საპატრულო და სასწრაფო მანქანებია მობილიზებული. „ქრონიკის“ ინფორმაციით, კანდელაკის ქუჩის 2-ში მდებარე, რესტორან Samson-ში ურთიერთშელაპარაკების ნიადაგზე ჩხუბის დროს მამას და შვილს სცემეს. მამა სასწრაფო დახმარების ექიმებმა საავადმყოფოში გადაიყვანეს. სავარაუდოდ, ჩხუბის დროს ერთი ადამიანი ხელში დაჭერეს, რომელიც ასევე ჰოსპიტალიზებულია. ადგილზე კრიმინალისტები მუშაობენ. ამ დრომდე საგამოძიებო მოქმედებები მიმდინარეობს რესტორანში, საიდანაც არავის უშვებენ. პოლიციას ტერიტორია გადაკეტილი აქვს. თვითმხილველის თქმით, პატრულმა რამდენიმე ადამიანი დააკავა. შსს-ში ჯერ კომენტარს არ აკეთებენ.
#ინფო9 #NEWS #info9 #სასაცილო #ტელევიზია სოციალურ ქსელებში ვრცელდება ვიდეო, რომელშიც ბავშვის ფანჯრიდან გადმოსვლის პროცესია ასახული. აღნიშნული კადრი კამერამ შემთხვევით დააფიქსირა, როდესაც ინტერვიუს ჩაწერის პროცესი მიმდინარეობდა.
#ინფო9 #NEWS #info9 #ქართველი #ექიმი #სენსაცია რუსეთში, 24 წლის ახალგაზრდას ღორის გულის სარქველი გადაუნერგეს. ადგილობრივი მედიის ინფორმაციით, ოპერაცია რუსეთში მცხოვრებმა ქართველმა და საავადმყოფოს მთავარმა კარდიოქირურგმა ლეო ბოკერიამ ჩაატარა. ქართველმა ქირურგმა პაციენტს არა ხელოვნური, არამედ ღორის ბიოლოგიური მასალისგან შექმნილი გულის სარქველი გადაუნერგა. ამ ტიპის ოპერაცია მსოფლიოში პირველად ჩატარდა. ღორის გულის სარქველი ფიზიოლოგიურად, ადამიანის ბიოლოგიურ სარქველთან ყველაზე ახლოსაა. შესაბამისად, მისი გამოყენება გადაწყდა.
#ინფო9 #NEWS #info9 #შსს #ნარკოტიკი #დაკავება
#პოლიტიკა #ევროპა #დაცვა ევროპარლამენტმა პოლონელი პოლიტიკოსის იანუშ კორვინ-მიკკეს წინააღმდეგ, სიძულვილის ენის გამოყენების ფაქტზე, გამოძიება დაიწყო. ევროპარლამენტარმა სიტყვით გამოსვლისას განაცხადა, რომ „ქალი მამაკაცზე ნაკლებს უნდა გამოიმუშავებდეს, რადგან ის უფრო სუსტი, პატარა და ნაკლებად ინტელექტუალია“. მიკკეს გამოსვლას ესპანელმა დეპუტატმა ქალმა ირატი გარსია პერეზმა უპასუხა. „თქვენი თეორიის მიხედვით, მე არ უნდა მქონდეს უფლება, რომ აქ ვიდგე, როგორც პარლამენტის წევრი. ვიცი ძალიან გაწუხებთ, რომ ქალებს დღეს შეუძლიათ ისხდნენ ამ შენობაში და ევროპის მოქალაქეებს წარმოადგენდნენ, სარგებლობდნენ იმავე უფლებებით, რომლებითაც თქვენ სარგებლობთ. აქ ვდგავარ იმიტომ, რომ ყველა ევროპელი ქალი დავიცვა თქვენნაირი კაცებისგან“, - განაცხადა პერეზმა. იანუშ კორვინ-მიკკე ევროპის პარლამენტის დამოუკიდებელი წევრია, რომელმაც მემარჯვენე პოლიტიკური პარტია 2015 წელს დააარსა.
#ინფო9 #NEWS #info9 #ნარმანია #პოლიტიკა #მერია თბილისის საკრებულოს ოპოზიციონერი დეპუტატები მერიაში, მთავრობის სხდომაზე დაცვის სამსახურმა არ შეუშვა. საბურთალოს მაჟორიტარი დეპუტატის ალეკო ელისაშვილის განცხადებით, მას თბილისის მერ დავით ნარმანიასთან კითხვები აქვს, რომელმაც დედაქალაქის მოსახლეობას ბიუჯეტიდან მილიონი ლარი მოპარა. „თბილისის მერი თვიდან ფეხებამდე მილიონიან კორუფციულ სქემაში არის ჩართული. თბილისის მოსახლეობას ნარმანიამ მილიონი ლარი მოპარა და ვიღაც „ტიპს“ ჩაუდო ჯიბეში. ეს იმ დროს, როცა მოსახლეობას დახმარების 100 და 200 ლარზე არბენინებენ წინ და უკან გამგეობებში. ჩვენ გვინდა, მას ვკითხოთ ამასთან დაკავშირებით“, - განაცხადა ალეკო ელისაშვილმა. „რესპუბლიკური პარტიის“ თავმჯდომარე ხათუნა სამნიძის განცხადებით კი, მერს ოპოზიციასთან შეხვედრის ეშინია, რადგან მის მიმართ ბევრი კითხვები არსებობს. „მერს როგორც იმის ეშინია, რომ საკრებულოში მოვიდეს და გველაპარაკოს, ეშინია, რომ დაგვითმოს ერთი საათი და გვესაუბროს. რადგან ის ვერ მოდის, ჩვენ მოვედით, მაგრამ აქაც კანონს არღვევს. გაცემულია თურმე სპეციალური კანონი და დაცვის სამსახური შენობაში არ გვიშვებს“, - განაცხადა სამნიძემ. მერიაში თბილისის მთავრობის სხდომა მიმდინარეობს.
#ინფო9 #NEWS #info9 #ვიზალიბერალიზაცია - ევროპარლამენტში, საქართველოს მოქალაქეებისთვის უვიზო მიმოსვლის შემოღებასთან დაკავშირებულ რეგულაციას ხელი მოეწერა. ისტორიულ დოკუმენტს ევროპარლამენტის პრეზიდენტმა ანტონიო ტაიანმა და ევროკავშირის თავმჯდომარე ქვეყნის - მალტის საპარლამენტო მდივანმა კრის აგიუსმა მოაწერეს ხელი. ხელმოწერის ცერემონიას პრემიერ-მინისტრ გიორგი კვირიკაშვილის ხელმძღვანელობით, საქართველოს დელეგაცია ესწრებოდა. საბოლოო ცვლილება რეგულაციაში, რომელიც საქართველოს მოქალაქეებისთვის ევროკავშირის/შენგენის წევრ ქვეყნებში უვიზო მიმოსვლის შემოღებას ითვალისწინებს, ევროკავშირის საბჭომ 27 თებერვალს დაამტკიცა. განახლებული რეგულაცია რამდენიმე დღეში ოფიციალურ ჟურნალში გამოქვეყნდება. გამოქვეყნებიდან 20 დღის ვადაში კი, საქართველოს მოქალაქეები ევროკავშირის/შენგენის წევრ ქვეყნებში მოკლევადიანი ვიზიტით უვიზოდ გამგზავრებას შეძლებენ. საქართველოსთვის უვიზო მიმოსვლა სავარაუდოდ, 29 მარტიდან ამოქმედდება.
#ინფო9 #NEWS #info9 #ირანი #ტელევიზია #ოსკარი ირანულმა ტელევიზიამ მსახიობ შარლიზ ტერონს ეთერში სხეულის მოშიშვლებული ნაწილები დაუფარა. „ოსკარის“ 89-ე დაჯილდოებაზე „საუკეთესო უცხოენოვანი ფილმის“ გამარჯვებულის გამოცხადება შარლიზ ტერონსა და შირლი მაკლეინს მოუწია. უცხოურ მედიაში გავრცელებულ ვიდეოში ჩანს, რომ ირანულმა ტელეარხმა შარლიზ ტერონის მოშიშვლებულ ხელებსა და გულ-მკერდს შავი ფერი დაადო, ხოლო ანსარის სხეულის მცირე ნაწილი დააცენზურა. საუკეთესო უცხოენოვანი ფილმის ნომინაციაში ირანელი რეჟისორის ასღარ ფარჰადის ფილმმა - The Salesman-მა გაიმარჯვა, თუმცა რეჟისორმა ტრამპის ახალი საიმიგრაციო შეზღუდვების გამო, ცერემონიას ბოიკოტი გამოუცხადა. კინოაკადემიის 89-ე დაჯილდოვების ცერემონიაზე ასღარ ფაჰიდის სიტყვა მისმა წარმომადგენელმა წაიკითხა, რასაც „დოლბის“ თეატრის დარბაზში დიდი ოვაციები მოჰყვა.
#ინფო9 #NEWS #info9 #მარნეული #შსს #დაკავება შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, 1979 წელს დაბადებული ნ.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულის რაიონის სოფელ ყიზილაჯლოში დააკავეს. სამართალდამცველებმა, დაკავებულის საცხოვრებელი სახლის ჩხრეკისას, ორ შეკვრად დაფასოებული 27,16 გრამი ნარკოტიკული ნივთიერება ამოიღეს, რომელიც, ექსპერტიზის დასკვნით, 2,57 გრამ ჰეროინს შეიცავს. ნარკოლოგიური შემოწმებისას დადგინდა, რომ ბრალდებული ნარკოტიკული ნივთიერების ზემოქმედების ქვეშ იმყოფებოდა. დაკავებული ჩადენილ დანაშაულს აღიარებს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, სისხლის სამართლის კოდექსის 260-ე მუხლის მე-6 ნაწილის „ა“ ქვეპუნქტით მიმდინარეობს.
#ინფო9 #NEWS #info9 ქართულმა დოკუმენტურმა ფილმმა „ღვინის ნულოვანი მერიდიანი“ ჰოლივუდის კინოფესტივალზე ხუთ ნომინაციაში გაიმარჯვა. საქართველოს სომელიეთა ასოციაციისა და თბილისის ღვინის სკოლის ინფორმაციით, აღნიშნულმა ფილმმა გამარჯვება ჰოლივუდის დამოუკიდებელი დოკუმენტური ფილმების საერთაშორისო ფესტივალზე HOLLYWOOD INTERNATIONAL INDEPENDENT DOCUMENTARY AWARDS მოიპოვა. ნომინაციაში „საუკეთესო პროდუსერის“ პრიზი შალვა ხეცურიანმა აიღო, „საუკეთესო სცენარის ავტორი“ თამარ ბართაია გახდა. „საუკეთესო რეჟისორის“ პრიზი ნანა ჯორჯაძეს, „საუკეთესო დამდგმელი ოპერატორის - მიხეილ კვირიკაძეს, ხოლო „როლის საუკეთესო შემსრულებელის“ პრიზი რევაზ ხეცურიანს ერგო. „ღვინის ნულოვან მერიდიანს“ უკვე რამდენიმე ჯილდო აქვს მოპოვებული: ესპანეთში გამართულ ღვინის საერთაშორისო კინოფესტივალზე MOST 2016 წლის საუკეთესო საერთაშორისო ფილმის ტიტული მოიპოვა. საფრანგეთში გამართულ ONEVIDEO-ს ღვინის კინოფესტივალზე სპეციალური პრიზი, როგორც წლის საუკეთესო ენოლოგიური ფილმისთვის მიიღო. ფილმის ჩვენება ეინდჰოვების კინოფესტივალზე DOCfeed გაიმართა. ფილმი დაფინანსებულია „მარანი ხეცურიანის“ მიერ, სოფლის მეურნეობის სამინისტროს ღვინის ეროვნული სააგენტოს მხარდაჭერით.
#ინფო9 #NEWS #info9 #დელტა #სამხედრო #სამინისტრო თავდაცვის მინისტრის ლევან იზორიას განცხადებით, შეიარაღებული ძალების აღჭურვა ძირითადად „დელტას“ მიერ წარმოებული პროდუქციით მოხდება. ამის შესახებ მინისტრმა სახელმწიფო სამხედრო სამეცნიერო-ტექნიკურ ცენტრ„დელტაში“ სტუმრობისას ისაუბრა. „შეიარაღებული ძალების მომარაგება, მისი აღჭურვა, ძირითადად, „დელტას” მიერ წარმოებული პროდუქციით განისაზღვრება. ორიენტირი და შედეგი - პროდუქტი, რომელსაც „დელტა” აწარმოებს, მომავალში სწორედ შეიარაღებული ძალების აღჭურვაზე ორიენტირებული იქნება“, - აღნიშნა ლევან იზორიამ. მისი განცხადებით, “დელტას“ მიერ წარმოებულ პროდუქციას საერთაშორისო ბაზარზე საკმაოდ კარგი აღიარება აქვს და ამ მიმართულებით წარმოებას უწყებისგან ხელშეწყობა ექნება. “განსაკუთრებულ აქცენტს გავაკეთებთ ახალ მაღალტექნოლოგიური პროდუქციის წარმოებაზე, რათა ის უფრო მოთხოვნადი იყოს საერთაშორისო ბაზარზე“, - განმარტა თავდაცვის მინისტრმა. სახელმწიფო სამხედრო სამეცნიერო-ტექნიკურ ცენტრში ლევან იზორიამ ქართული წარმოების სამხედრო ტექნიკა, ინდივიდუალური შეიარაღებისა და ეკიპირების ნიმუშები, სეტყვის საწინააღმდეგო სისტემის მართვის ცენტრი, ასევე „დელტას” ინფრასტრუქტურა დაათვალიერა. მას მასპინძლობა „დელტას“ გენერალური დირექტორის მოვალეობის შემსრულებელმა, შოთა კვარაცხელიამ და ცენტრის თანამშრომლება გაუწიეს. „დელტაში“ შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია, მისი მოადგილეები, პოლკოვნიკები შალვა ჯაბახიძე და ზაზა ჩხაიძე, ასევე თავდაცვის მინისტრის მოადგილე გიორგი ბუთხუზი იმყოფებოდნენ.
#ინფო9 #NEWS #info9 #ინაშვილი #პოლიტიკა ფრაქცია "საქართველოს პატრიოტები" მიმდინარე კვირას დაგეგმილ რიგგარეშე სხდომას პროტესტის ნიშნად არ დაესწრება. ვიცე-სპიკერმა ირმა ინაშვილმა საკუთარი გუნდის გადაწყვეტილების პოლიტიკური მოტივები ბიუროს დღევანდელ სხდომაზე განმარტა. მისი თქმით, "ქართულ ოცნებასა" და ყოფილ და ამჟამინდელ "ნაციონალურ მოძრაობას" შორის "ახალი კოაბიტაცია" - ახალი მუტანტი გაჩნდა. ინაშვილმა საპარლამენტო უმრავლესობა მკაცრად გააკრიტიკა და აღნიშნა, რომ "ქართულ ოცნებას" ისეთი ოპოზიცია სჭირდება, როგორიც "ნაციონალური მოძრაობაა". ინაშვილის თქმით, მისი გაღიზიანების მიზეზია ის, რომ ნდობის ჯგუფი ამ დრომდე არ იქმნება და ამ პროცესის გაჭიანურების მიზეზი "ნაციონალური მოძრაობის" სურვილია - ჯგუფში კვოტა აითვისოს.
#ინფო9 #NEWS #info9 #პოლიტიკა პარლამენტის ადამიანის უფლებათა დაცვის კომიტეტის სხდომა ცხარე კამათის ფონზე მიმდინარეობს. სხდომაზე მთავარი პროკურატურის წამრომადგენლების გამოსვლის შემდეგ, ოპოზიციონერი დეპუტატი გიორგი ტუღუში ყოფილი დეპუტატის გივი თარგამაძის ავტომობილის აფეთქების საქმის მიმდინარეობით დაინტერესდა და საგამოძიებო უწყება გააკრიტიკა. კომიტეტის თავმჯდომარე სოფო კილაძემ საპარლამენტო უმცირესობის წევრებს მოუწოდა, აღნიშნულ თემაზე მსჯელობა არ გაეგრძელებინათ, რადგან კომიტეტი სხვადასხვა უწყებების წარმომადგენლებს სახალხო დამცველის მიერ გაცემული რეკომენდაციების შესრულების შესახებ ინფორმაციას ისმენს. დეპუტატების კამათში მთავარი პროკურორის მოადგილე გიორგი გოგაძე ჩაერთო და დეპუტატებს შეახსენა, რომ მისი გამოსვლა სახალხო დამცველის რეკომენდაციებს ეხებოდა. „თუ შოუს მოწყობა გინდათ, ეს თქვენი ნებაა. მე მასში არ ჩავერთვები“, - მიმართა გოგაძემ საპარლამენტო უმცირესობის წევრებს. თავის მხრივ, დეპუტატებს კამათის შეწყვეტისა და კანონის დაცვისკენ კომიტეტის თავმჯდომარემაც მოუწოდა.
ისტორიულ-ბიოგრაფიული ფილმის „ექვთიმე ღვთისკაცის“ რეჟისორი ნიკოლოზ ხომასურიძე კინოსურათის დასრულებისთვის ფინანსურ დახმარებას ითხოვს.„ექვთიმეს ლაშქარი ვიწყებთ კიდევ რამდენიმე ახალი სცენის გადაღებას პარიზსა და ლევილში ექვთიმე თაყაიშვილისა და ქართული საგანძურის ისტორიიდან. შემოგვიერთდით და თქვენც გახდით ქველმოქმედი შემოქმედი და ერთად გავაცოცხლოთ ქართული ისტორიული კინო, რომელიც ასე ძალიან გვჭირდება. ეს ფილმი გახდება დიდი მაგალითი, თუ რა შეუძლია ერთი მიზნისკენ მიმავალი უტეხი სულის მქონე ხალხის ერთობას, რომელსაც აუცილებლად უნდა მიექცეს სათანადო ყურადღება სახელმწიფოსა და ბიზნესისგან“, - წერს რეჟისორი „ფეისბუქის“ გვერდზე. „ექვთიმე ღვთისკაცის“ დიდი ნაწილი უკვე გადაღებულია. გადაღებები ამჯერად პარიზში გრძელდება. კინოსურათში ექვთიმე თაყაიშვილის როლს გერმანიაში მცხოვრები ქართველი მსახიობი რეზო ჩხიკვიშვილი ასრულებს. მთავარი როლის შემსრულებელი და სცენარისტები ფილმში ჰონორარს არ იღებენ.„ექვთიმე ღვთისკაცი“ ისტორიულ-ბიოგრაფიული ფილმია ქართველ პედაგოგ, ისტორიკოსსა და არქეოლოგ ექვთიმე თაყაიშვილზე, რომელმაც საფრანგეთში მისი 24-წლიანი ემიგრაციის განმავლობაში დიდი ბრძოლისა და გაჭირვების ფასად, ქართული საგანძური და არტეფაქტები უდანაკარგოდ დაიცვა და შეინარჩუნა.
#ინფო9 #NEWS #info9 #ქათამაძე #ნინო #მუსიკა სოციალურ ქსელში ვრცელდება ვიდეო, რომელშიც ნინო ქათამაძე და ანსამბლი „შვიდკაცა“ „კახეთო, ჩემო კახეთოს“ ასრულებენ. ვიდეო ერთ-ერთ რესტორანშია გადაღებული.
#ინფო9 #NEWS #info9 #პოლიტიკა #პარლამენტი #დაპირისპირება „ევროპულმა საქართველომ“ პარლამენტის პლენარული სხდომა დატოვა, სადაც ფარულ მოსმენა-მიყურადებასთან დაკავშირებით მომზადებულ საკანონმდებლო პაკეტზე მეორე მოსმენის რეჟიმში მსჯელობენ. როგორც საპარლამენტო უმცირესობის წარმომადგენლებმა განმარტეს, საპარლამენტო უმრავლესობა და კანონპროექტთა პაკეტის მუხლობრივ განხილვაზე უარს ამბობს. „ე.წ. მოსმენების კანონპროექტთა პაკეტთან დაკავშირებით, საპარლამენტო უმრავლესობა პოზიციის დათმობას არ აპირებს და უარს ამბობს კანონპროექტთა პაკეტის მუხლობრივ განხილვაზე. ჩვენ ამ ფარსში მონაწილეობას არ ვაპირებთ, რადგან ეს არის ბიძინა ივანიშვილის დაცვის უფროსის მიერ მომზადებული კანონპროექტი. სხდომას პროტესტის ნიშნად ვტოვებთ“, - განაცხადა ოთარ კახიძემ, რის შემდეგაც, „ევროპულმა საქართველოს“ წარმომადგენლებმა სხდომათა დარბაზი დატოვეს.
#ინფო9 #NEWS #info9 #შსს #ქურდობა #დაკავება შინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის სამმართველოს პოლიციის მეოთხე განყოფილებაში შევიდა შეტყობინება, რომ სავაჭრო ცენტრ „პასაჟი 2000“-ის მიმდებარე ტერიტორიაზე იმყოფებოდნენ პირები, რომლებიც ნაქურდალი მობილური ტელეფონების რეალიზაციას ახორციელებდნენ. სამართალდამცველებმა ადგილზე ოპერატიულ-საგამოძიებო ღონისძიებები ჩაატარეს, რა დროსაც 1976 წელს დაბადებული ზ.გ., 1976 წელს დაბადებული ო.გ., 1968 წელს დაბადებული თ.პ., 1985 წელს დაბადებული მ. ჯ., 1989 წელს დაბადებული ი.ქ., 1983 წელს დაბადებული გ.ბ., 1979 წელს დაბადებული შ.თ. და 1954 წელს დაბადებული ზ. კ. მოწმის სახით დაკითხეს. აღნიშნულმა პირებმა ნებაყოფლობით წარმოადგინეს Iphone-ის, Samsung-ის, HTC-ის, Nokia-ს, Lenovo-ს და Huawei-ს ფირმის 14 მობილური ტელეფონი და „პინდაქსისის“ ფირმის ფოტოაპარატი. გამოძიება ნაქურდალი ნივთის შეძენა-შენახვის ფაქტზე, სისხლის სამართლის კოდექსის 186-ე მუხლის პირველი ნაწილით მიმდინარეობს.
#ინფო9 #NEWS #info9 #საპატრიარქო საპატრიარქოს პრესცენტრის ხელმძღვანელმა, დეკანოზმა დავით შარაშენიძემ, პატრიარქის დაცვის უფროსის, სოსო ოხანაშვილის განცხადებას არასწორი, ცილისმწამებლური და სიცრუით სავსე უწოდა. შარაშენიძის თქმით, ეს საპატრიარქოს პოზიციაა. დავით შარაშენიძის განცხადებით, პატრიარქის მდივანს არ უთქვამს, დატოვა თანამდებობა თუ არა პატრიარქის დაცვის უფროსმა. მამა მიქაელ ბოტკოველმა მხოლოდ ის თქვა, რომ მას არ უნახავს ოხანაშვილი. „მისი განცხადება იყო არასწორი, ცილისმწამებლური, სიცრუით სავსე. ამ დღეების განმავლობაში მამა მიქაელი იმყოფებოდა პატრიარქის გვერდით და შესაძლოა, სოსოც იმყოფებოდა საპატრიარქოს შენობაში, მაგრამ არ მოხდა მათი შეხვედრა და აქედან გამომდინარე, სიცრუეში ბრალის დადება არის არაკორექტული და არის აშკარა ცილისწამება“, - განაცხადა საპატრიარქოს პრესცენტრის ხელმძღვანელმა. დღეს, მამა მიქაელ ბოტკოველი პატრიარქის დაცვის უფროსმა სოსო ოხანაშვილმა სიცრუში დაადანაშაულა, რადგანაც მამა მიქაელმა დღეს განაცხადა, რომ გერმანიიდან პატრიარქის დაბრუნების შემდეგ, სოსო ოხანაშვილი საპატრიარქოში არ გამოჩენილა. საპატრიარქოს პრესმდივნის აღნიშნული განცხადება თავად ოხანაშვილმა უარყო და განაცხადა, რომ საქმესთან დაკავშირებით, უახლოეს დღეებში სპეციალურ ბრიფინგს გამართავს. თავად მამა მიქაელ ბოტკოველმა კი, აღნიშნული განცხადებების შემდეგ, თანამდებობა პროტესტის ნიშნად დატოვა.
#ინფო9 #NEWS #info9 საფრანგეთში 700-ზე მეტმა მოთხილამურემ, მთაზე გიგანტური გულის ანთებაში მიიღო მონაწილეობა. აქციის ადრესატი საერთაშორისო კოსმოსურ ხომალდზე მყოფი ფრანგი ასტრონავტი ტომას პესკე იყო.
#ინფო9 #NEWS #info9 პარლამენტის იურიდიულ საკითხთა კომიტეტის თავმჯდომარე ეკა ბესელიასა და ოპოზიციონერ დეპუტატ თინათინ ბოკუჩავას შორის სიტყვიერი დაპირისპირება მოხდა. პარლამენტის პლენალურ სხდომაზე, სადაც ფარულ-მოსმენა მიყურადებასთან დაკავშირებულ საკანონმდებლო პაკეტზე მსჯელობენ, ბესელიას გაღიზიანება ბოკუჩავას რეპლიკამ გამოიწვია. საპარლამენტო უმცირესობის წევრმა სხდომათა დარბაზში ეკა ბესელიას გამოსვლა უტიფრობად შეაფასა. „თქვენ ცხადად ხართ ჩამოთვლილი, როგორც კანონპროექტის ინიციატორი და ძალიან მიკვირს, რომ ამას უარყოფთ, მაგრამ არ უნდა გამიკვირდეს იმიტომ, რომ თვალში ნაცარს აყრით მთელ საზოგადოებას, როცა ატყუებთ, რომ ამ უწყებით რაიმეს ცვლით. რეალურად კი, არაფერი იცვლება. არ შემეძლო თქვენი უტიფარობა უპასუხოდ დამეტოვა“, - მიმართა ბოკუჩავამ ბესელიას. უმრავლესობის წევრმა კი საპასუხოდ, უმცირესობის წევრს უვიცი უწოდა. „უტიფარიც ხარ და უვიციც, ყველაფერთან ერთად. ყველაზე უვიცი ადამიანი ხარ, ვინც ამ დარბაზში ზის“, - მიმართა ბესელიამ ბოკუჩავას.
#ინფო9 #NEWS #info9 #მეცნიერება NASA-ს ასტრონომებმა სპიცერის ტელესკოპის საშუალებით, მზის სისტემის გარეთ, ვარსკვლავის ირგვლივ მბრუნავი შვიდი პლანეტა აღმოაჩინეს. მათგან სამზე შესაძლოა, სიცოცხლე არსებობდეს, რადგან ისინი ვარსკვლავიდან სიცოცხლისთვის ხელსაყრელ დისტანციაზე მდებარეობენ. საბოლოო დასკვნის გაკეთებამდე, მკვლევარებმა ჯერ პლანეტები უნდა შეისწავლონ, თუმცა მეცნიერების აზრით, აღნიშნული სამი პლანეტიდან ერთზე, კლდოვანი ზედაპირია და სავარაუდოდ, წყლისთვის საჭირო ტემპერატურაცაა. პლანეტების სისტემა დედამიწიდან 40 სინათლის წლის დაშორებითაა ნაპოვნი.
#ინფო9 #NEWS #info9 მამა სერაფიმეს თქმით, მის მიერ საეკლესიო ცხოვრების დაწყება რამდენიმე ფაქტმა განაპირობა. როგორც მამა სერაფიმემ „ნანუკას შოუში“ აღნიშნა, 22 წლის ასაკში მეუღლე უკვდებოდა, მამა გაბრიელ ბერის საფლავზე ავიდა და მას სთხოვა, თუ მისი მეუღლე გადარჩებოდა, ბერი გახდებოდა. „ჩემი მეუღლე კვდებოდა, ფეხმძიმედ იყო და დილით რომ, გავიღვიძეთ ვერ ვიცანი, იმდენად გასიებული იყო. ექიმებმა ვერაფერი გაუგეს, დამეწყო პანიკური ისტერიკები, რომ შეიძლება ის დავკარგო, მე ის სიგიჟემდე მიყვარდა და დღესაც მიყვარს. მამა გაბრიელის საფლავზე ავედით და მას ვთხოვე, მამაო გაბრიელ, თუ გეხვეწები, ევედრე ღმერთს მშვიდობით მოილოგინოს ჩემმა მეუღლემ-თქო. მეორე დილით იქ ქრისტინა დამხვდა, რომელიც მანამდე იყო", - განაცხადა მამა სერაფიმემ. ბერ-დიაკვანი სერაფიმე ცნობილი არამეულ ენაზე შესრულებული გალობით გახდა.