მედიაჰოლდინგი „კვირა“

#ახალიამბები

#ახალიამბები

#ახალიამბები

#ახალიამბებიპერმში, სასტუმრო „კარამელში“, ცხელი წყლის მილი გასკდა, რომლის შედეგად, ხუთი ადამიანი დაიღუპა, სამი მრავლობითი დამწრობით საავადმყოფოშია გადაყვანილი. დაღუპულთა ცხედრები შენობიდან წყლის ამოტუმბვის შემდეგ იპოვეს. გამოძიებამ დაადგინა, რომ გვიან ღამით, შენობაში ცხელი წყლის მილი გასკდა, რამაც სასტუმროს დატბორვა გამოიწვია. დაწყებულია გამოძიება.

#ახალიამბებითბილისში, ბელიაშვილის ქუჩაზე ე.წ მიონის შენობას ხანძარი გაუჩნდა. ღია ცეცხლის კერა შენობის მე-6 სართულზე იყო გავრცელებული. როგორც "კვირას" საგანგებო სიტუაციების მართვის სამსახურში" განუცხადეს, ადგილზე შესულ სახანძრო ჯგუფს ერთი, შუა ხნის მამაკაცი გარდაცვლილი დახვდა. ადგილზე 7 სახანძრო ჯგუფი მუშაობდა, " საგანგებო სიტუაციების მართვის სამსახურის" ინფორმაციით ხანძარი ამ დროისთვის ლიკვიდირებულია. ხანძრის გამოწვევი მიზეზი ამ დროისთვის უცნობია.

#ახალიამბებისოციალურ ქსელში გავრცელდა ვიდეო სადაც ჩანს ხანში შესული მამაკაცი, რომელიც ციგაობს. როგორც ვიდეოდან ირკვევა ის გასულ  წელსაა გადაღებული. ვიდეოს გმირი  82 წლის ვლადიმერ  ფევაძეა, რომელიც მაღალმთიან აჭარაში  შუახევის რაიონის სოფელ ტბეთში ცხოვრობს.  ზემოთ ხსენებულ ვიდეოს კი მისი შვილიშვილი ნანა ფევაძე ავრცელებს.

#ახალიამბებიძაღლი ადამიანის საუკეთესო მეგობარია – ვიდეო, რომელიც რამდენიმე საათის წინ გავრცელდა, უკვე ინტერნეტ–ჰიტად იქცა. აღნიშნული ბათუმში ხდება – ძაღლი ზებრა გადასასვლელზე ავტომობილებს აჩერებს და ბავშვებს გზის გადაკვეთაში ეხმარება.

#ახალიამბები სურამში ქმრის მიერ მოკლული ქალი 26 წლის ბეტა ნაჭყებიაა, რომელიც წარმოშობით ხობიდანაა, თუმცა სურამში 5 წლის შვილთან ერთად ყოფილი ქმრის ბებიის მოსანახულებლად იყო ჩასული. როგორც სურამელები “რეგიონულ კვირასთან” საუბარში აღნიშნავენ, ცოლ-ქმარი უკვე რამდენიმე თვეა ცალ-ცალკე ცხოვრობს.

#ახალიამბები

#ახალიამბები

#ახალიამბებიტელეკომპანია “იმედის” ჟურნალისტმა ვარლამ წიკლაურმა საცოლეს სიურპრიზი მოუწყო და ხელი აეროპორტში სთხოვა.

#ახალიამბები აჭარის მთავრობის თავმჯდომარემ, შუახევის მუნიციპალიტეტში, თანამედროვე ტექნოლოგიებით აღჭურვილი სანერგეები, საჩითილე მეურნეობა და ვეტერინარული კლინიკა გახსნა.

#ახალიამბები

#ახალიამბებისახელმწიფო ინსპექტორმა, ლონდა თოლორაიამ, ცენტრალური საარჩევნო კომისიის თავმჯდომარესთან თამარ ჟვანიასთან სამუშაო შეხვედრა გამართა. შეხვედრის მიზანი საარჩევნო პროცესების მიმდინარეობისას მოქალაქეთა პერსონალური მონაცემების დაცვა იყო. სახელმწიფო ინსპექტორის ინფორმაციით, უწყებების ხელმძღვანელებმა 2020 წლის საპარლამენტო არჩევნებსა და წინასაარჩევნო პერიოდში თანამშრომლობის გეგმები შეაჯერეს. "სახელმწიფო ინსპექტორის სამსახური, მოქალაქეთა პერსონალური მონაცემების დაცვის უზრუნველსაყოფად საარჩევნო კომისიის შესაბამისი თანამშრომლებისთვის ტრენინგებს და საინფორმაციო ხასიათის შეხვედრებს გამართავს. ცესკოს თანამშრომლებისთვის, ასევე, ამოქმედდება ცხელი ხაზი, რომლის მეშვეობით ისინი უწყვეტ რეჟიმში შეძლებენ კონსულტაციების მიღებას. უწყებები ითანამშრომლებენ საინფორმაციო კამპანიის ფარგლებშიც, პერსონალური მონაცემების დარღვევის პრევენციის მიზნით. შეხვედრაზე სახელმწიფო ინსპექტორმა და ცენტრალური საარჩევნო კომისიის თავმჯდომარემ სამსახურის საგამოძიებო ფუნქციაზეც ისაუბრეს და დანაშაულის შესაძლო ნიშნების შემთხვევაში, შეტყობინების დროულად მოწოდების უზრუნველყოფის მიზნით განსახორციელებელი ღონისძიებები დაგეგმეს",-ნათქვამია სახელმწიფო ინსპექტორის მიერ გავრცელებულ ინფორმაციაში.

#ახალიამბები

#ახალიამბები

#ახალიამბებისაქართველოში აშშ-ის ელჩის მოვალეობის შემსრულებელმა, ელიზაბეთ რუდმა კალანდობა გურიაში აღნიშნა და ადგილობრივებთან ერთად ქართული სიმღერებიც იმღერა

#ახალიამბები

#ახალიამბებილოს-ანჯელესთან ავიაკომპანია Delta Air Lines-ის კუთვნილმა თვითმფრინავმა, რომელიც რეისს შანჰაის მიმართულებით ასრულებდა, საწვავი დაღვარა. აღნიშნული მას შემდეგ მოხდა, რაც ეკიპაჟმა დისპეტჩერებს განგაშის სიგნალი გაუგზავნა. ადგილობრივი მედიის ინფორმაციით, საწვავის სკოლების ტერიტორიებზე დაღვრის შედეგად, 60 ადამიანი დაშავდა, მათ შორის 20 ბავშვია. მათ სამედიცინო დახმარება ადგილზე გაუწიეს. როგორც კომპანიაში განმარტეს, საწვავის დაღვრა საგანგებო სიტუაციის გამო გახდა საჭირო, რათა ლაინერის მასა შემცირებულიყო და დაშვების დროს თვითმფრინავის უსაფრთხოება დაცული ყოფილიყო. Boeing 777-ის ბორტზე 288 მგზავრი იმყოფებოდა. მომხდარ ინციდენტს აშშ-ის ფედერალური საავიაციო სამსახური შეისწავლის.

#ახალიამბები

#ახალიამბები

#ახალიამბებისაქართველოში აშშ-ის ელჩის მოვალეობის შემსრულებელმა, ელიზაბეთ რუდმა გურიაში კალანდობის აღსანიშნავად გამართულ ღონისძიებებში მიიღო მონაწილეობა. გურიაში სტუმრობისას, მან ანზორ ერქომაიშვილთან და ადგილობრივებთან ერთად სიმღერა „მივალ გურიაში, მარა“ იმღერა. ვიდეო სოციალურ ქსელში გავრცელდა.

#ახალიამბებიმე გამოვდივარ ინიციატივით, რომ ჩვენ ჩიჩილაკი და საერთოდ გურული კალანდობა შევიტანოთ ჩვენს არამატერიალური მემკვიდრეობის სიაში,- ამის შესახებ საქართველოს პრეზიდენტმა სალომე ზურაბიშვილმა ოზურგეთში, ეთნოგრაფიულ მუზეუმში განაცხადა, სადაც "კალანდა 2020"-ს დაესწრო. მისივე თქმით, ჩიჩილაკი და გურული კალანდობა მსოფლიო არამატერიალური მემკვიდრეობის სიაში უნდა შევიდეს. "მე გამოვდივარ ინიციატივით, რომ ჩვენ ჩიჩილაკი და საერთოდ გურული კალანდობა შევიტანოთ ჩვენს არამატერიალური მემკვიდრეობის სიაში და შემდეგ ვთხოვო მემკვიდრეობის სააგენტოს, რომ ჩვენ ეს გავიტანოთ იუნესკოში, რომ ეს მსოფლიო არამატერიალურ სიაში შევიდეს და ამაში მეც ჩემს წვლილს მივიღებ", - განაცხადა ზურაბიშვილმა.

#ახალიამბებიშერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, ოფიციალური თბილისისათვის მნიშვნელოვანია, რომ არ მოხდეს ვითარების ესკალაცია და მოსახლეობის უსაფრთხოებისთვის არ შეიქმნას რისკები. მისი თქმით, საქართველოს სახელმწიფო განაგრძობს ისეთი ნაბიჯების გადადგმას, რომელიც მიმართულია მოსახლეობის მდგომარეობის გაუმჯობესებისა და ნდობის მშენებლობისაკენ. „როგორც ჩანს, მიმდინარე მოვლენები ცოტა უფრო გრძელვადიან პროცესად იქცა. ჩვენთვის, რა თქმა უნდა, მნიშვნელოვანია ის, რომ ვითარების ესკალაცია არ მოხდეს და რაიმე რისკები არ იყოს მოსახლეობისათვის. რა თქმა უნდა, ჩვენ ვერ ვისაუბრებთ ამ პოლიტიკური პროცესების რაიმე ტიპის ლეგიტიმაციაზე, მაგრამ თავის თავად განვითარება საყურადღებოა სამშვიდობო პროცესისათვის და, განსაკუთრებით ორი მიმართულებით. პირველი სწორედ მოსახლეობის მდგომარეობას და უფლებრივ მდგომარეობას ეხება. განსაკუთრებით გამოვყოფდი გალის მოსახლეობას, რომელიც ყველაზე უფრო მოწყვლადია და არაერთხელ გამხდარა, განსაკუთრებით ბოლო წლების განმავლობაში, სწორედ ამ ე.წ. შიდაპოლიტიკური დღის წესრიგის ნაწილი და მათი უფლებრივი მდგომარეობა გაუარესებულა. ამიტომ, ჩვენი ინტერესი არის, რომ ადამიანის უფლებები, ზოგადად რეგიონში და განსაკუთრებით გალის რაიონში იყოს დაცული და მათი მდგომარეობა გაუმჯობესებული. მეორე გახლავთ, ასევე სამშვიდობო პროცესებისათვის, ნდობის მშენებლობისათვის და ჩართულობის მიმართულობისათვის განვითარებული მოვლენები. თუმცა, ჩვენი კურსი არ იცვლება. მშვიდობას და შერიგებას ქართულ და აფხაზურ საზოგადოებებს შორის არ აქვს არანაირი ალტერნატივა. ალბათ თუ რაღაც ძალიან ცხადად აჩვენა ამ პროცესებმა, არის ის, რომ დღეს არსებული ვითარება და წლების განმავლობაში მოუგვარებელი კონფლიქტის და მიმდინარე ოკუპაციის პირობებში შექმნილი ვითარება არანაირად არ ეპასუხება აფხაზური საზოგადოების საჭიროებებს, ინტერესებს. დაწყებული მათი იდენტობიდან და დასრულებული სოციალურ - ეკონომიკური მდგომარეობით“, - განაცხადა ციხელაშვილმა და დასძინა, რომ ჩართულობის პოლიტიკა გაგრძელდება. მისივე თქმით, სწორედ ამიტომ, ბოლო პერიოდში, ბევრი ახალი სამშვიდობო ინიციატივა განვახორციელეთ.

#ახალიამბებიირანის რამდენიმე მსხვილ ქალაქში, როგორებიც არის შირაზი, ისპაანი, ჰამადანი და ორუმია, ანტისამთავრობო აქციები გაიმართა. ამის მიზეზი 11 იანვარს, ირანის აღიარება გახდა, რომ 8 იანვარს თეირანის საერთაშორისო აეროპორტში უკრაინის ავიახაზების კუთვნილი თვითმფრინავის კატასტროფის მიზეზი, შეცდომით განხორციელებული სარაკეტო იერიში გახდა, რომლის შედეგად 176 ადამიანი დაიღუპა. მანამდე ოფიციალური თეირანი ბრალდებას უარყოფდა. მედია თვითმხილველებზე დაყრდნობით წერს, რომ აქციის მონაწილეთა წინაღმდეგ ცეცხლი იქნა გახსნილი. ადგილობრივი მედიის მიერ გავრცელებულ ფოტოებში დასისხლიანებული, დაღუპული ქალი ჩანს. კიდევ ერთ კადრში, მამაკაცია, რომელიც ადგილს იარაღით ხელში ტოვებს. აქციის მონაწილეებმა აიათოლა ჰამენეის და ლიკვიდირებული ყასემ სოლეიმანის ფოტოები დაწვეს და სკანდირებდნენ „სიკვდილი ჰამენეის“. ამ დროს, ძალოვანებმა რეზინის ტყვიები და ცრემლსადენი გაზი გამოიყენეს.

#ახალიამბებიასტროლოგი მიხეილ ცაგარელი კვირის პროგნოზზე „იმედის დილასთან“ საუბრობს. მისი თქმით, დღეს ღამით ზოდიაქოს ნიშნებს ექნებათ საშუალება ჩაიფიქრონ სურვილები და ისინი აუცილებლად ასრულდება.

#ახალიამბებითელავში, ერეკლე მეფის სასახლის ეზოში, საქართველოს ეროვნული გვარდიის 20-ე კადრირებული ბრიგადის საწყისი საბრძოლო მომზადების კურსის 62 სამხედრო მოსამსახურის ფიცის დადების საზეიმო ცერემონია გაიმართა. ფიცის დადების საზეიმო ცერემონიის დასრულების შემდეგ კი ერთ-ერთმა რიგითმა თავის რჩეულს ხელი სთხოვა.

#ახალიამბებიბოსტონელმა კინორეჟისორმა ლი ლოხლერმა თავის რჩეულს ხელი ძალიან ორიგინალურად სთხოვა, მას ამაში მძინარე მზეთუნახავი და მისი პრინცი დაეხმარნენ. კინოში მულტფილმის სანახავად მისული წყვილი, ჩაბნელებულ დარბაზში ახლობლებისა და მეგობრების გარემოცვაში იყვნენ. ლის რჩეულმა კი ეს არ იცოდა და მისთვის ყოველივე ძალიან მოულოდნელი აღმოჩნდა.

#ახალიამბები

#ახალიამბებისაქართველოს თავდაცვის ძალებს 12 ახალი სატრანსპორტო საშუალება შეემატა, რომელიც ქართული მხარისთვის გერმანიის ფედერაციულმა რესპუბლიკამ შეიძინა. ავტოტექნიკის გადაცემის ოფიციალურ ცერემონიალზე მოწვეულ სტუმრებს სიტყვით მიმართა საქართველოს თავდაცვის მინისტრმა ირაკლი ღარიბაშვილმა და გერმანულ მხარეს გაწეული დახმარებისთვის მადლობა გადაუხადა. „გერმანულმა მხარემ, „შესაძლებლობების გაფართოებისა და გაძლიერების ინიციატივის“ ფარგლებში, თანამედროვე ტექნიკური საშუალებები გადმოგვცა, რაც თავდაცვის ძალების ლოგისტიკურ შესაძლებლობებს მნიშვნელოვნად გააუმჯობესებს,"- განაცხადა ირაკლი ღარიბაშვილმა. ირაკლი ღარიბაშვილმა საქართველოსა და გერმანიას შორის მჭიდრო მეგობრულ ურთიერთობებზე გაამახვილა ყურადღება. „გერმანია არის საქართველოს სუვერენიტეტისა და ტერიტორიული მთლიანობის აქტიური მხარდამჭერი. ჩვენ განსაკუთრებულ მნიშვნელობას ვანიჭებთ გერმანიასთან არსებულ წარმატებულ თანამშრომლობას ქვეყნის დემოკრატიული განვითარების, მოდერნიზებისა და ევროატლანტიკურ სტრუქტურებში ინტეგრაციის პროცესში“, - განაცხადა მინისტრმა. გერმანიის ფედერაციული რესპუბლიკის ელჩმა საქართველოში ჰუბერტ კნირშმა კი, სიტყვით გამოსვლისას საქართველოსა და გერმანიას შორის თავდაცვის სფეროში ორმხრივი თანამშრომლობის მნიშვნელობას გაუსვა ხაზი. საქართველოს თავდაცვის ძალების სატვირთო ავტომობილების პარკის განახლების მიზნით, გერმანიის ფედერაციული რესპუბლიკის თავდაცვის სამინისტროს შუამდგომლობით, გერმანიის ფედერაციული რესპუბლიკის საგარეო საქმეთა სამინისტროს „შესაძლებლობების გაფართოებისა და გაძლიერების ინიციატივის“ ფარგლებში 1.5 მილიონი ევრო გამოიყო. გრანტის ფარგლებში 8 ერთეული წყალმზიდისა და 4 ერთეული კონტეინერმზიდის შესყიდვა განხორციელდა. სატრანსპორტო საშუალებების გადაცემის ოფიციალურ ღონისძიებას გერმანიის სამხედრო ატაშე ვიცეპოლკოვნიკი უვე უკერვიცი და საქართველოს თავდაცვის ძალების წარმომადგენლები დაესწრნენ.

#ახალიამბებიირანში უკრაინული ბოინგის ჩამოვარდნის კადრები Gardian–მა გაავრცელა სათაურით – „ვიდეო სადაც ჩანს როგორ ეჯახება რაკეტა უკრაინულ თვითმფრინავს“ ვარაუდი აღნიშნულის შესახებ გუშინ გავრცელდა. თუმცა, ვარაუდობენ, რომ თვითმფრინავს რაკეტა შემთხვევით მოხვდა. პენტაგონი ოფიციალურ განცხადებას ჯერჯერობით არ აკეთებს – უკავშირდება თუ არა მომხდარი აშშ–სა და ირანს შორის დაწყებულ სამხედრო დაპირისპირებას. შეგახსენებთ, რომ 8 იანვარს თეირანში უკრაინული ბოინგი ჩამოვარდა, ბორტზე მყოფი 176 მგზავრი და ეკიპაჟიც ცხრავე წევრი დაიღუპა. ირანი უკრაინისთვის შავი ყუთის გადაცემაზე უარს აცხადებს და მომხდარს თვითმფრინავის ტექნიკურ გაუმართაობას აბრალებს.

#ახალიამბებილევან ჩხაიძის ინიციატივითა და ორგანიზებით, მიუსაფარი ცხოველებისთვის ბათუმის სხვადასხვა ადგილზე საცხოვრებელი ქოხები დაიდგა. სრულად იხილეთ ვიდეო მიმართვაში.

#ახალიამბები

#ახალიამბები8 იანვარს, ირანში უკრაინული ბოინგის ჩამოვარდნის შედეგად 176 მგზავრი და ეკიპაჟის ცხრავე წევრი გარდაიცვალა. სოციალურ ქსელში ვრცელდება ინფორმაცია იმის შესახებ, რომ გარდაცვლილთა შორის სავარუდოდ ფერეიდნელი ქართველიც არის

#ახალიამბებიThe New York Times თეირანის აეროპორტში უკრაინული თვითმფრინავის ავიაკატსტროფის ამსახველ ვიდეოკადრებს ავრცელებს, რომელზეც ჩანს, რომ საჰაერო ხომალდს რაკეტა ეჯახება. ვიდეოკადრები ირანის სამოქალაქო ავიაციის მიერ, 9 იანვარს გავრცელებულ ინფორმაციას ეწინააღმდეგება, რომ სამგზავრო თვიფრინავის ჩამოვარდნის მიზეზი ტექნიკური გაუმართაობა, კერძოდ, კი ძრავაში გაჩენილი ცეცხლი გახდა. გავრცელებულ ინფორმაციას ირანში გამოეხმაურნენ და აღნიშნეს, რომ „ის სიცრუეა“, შესაბამისად, „დიდ ტყუილზე“ პასუხისმგებლობას საკუთარ თავზე არ აიღებენ. თეირანმა კატასტროფის მიზეზის დასადგენად აშშ და კანადა მიიწვია. ამის პარალელურად გამომძიებელთა საერთაშორისო ჯგუფ Bellingcat-ში განაცხადეს, რომ Boeing-ში რაკეტის მოხვედრის ვიდეო დასახლებულ პუნქტ პარანდთან არის გადაღებული, რომელიც აეროპორტთან ახლოს მდებარეობს. ორგანიზაციის ვარაუდით, რაკეტის გაშვება, შესაძლოა, ირანის საიდუმლო ბაზიდან IRSG-დან მომხდარიყო. როგორც გამომძიებელმა კრისტო გროზევმა განაცხადა, „რაკეტის გაშვების შესაძლო ადგილის გამოთვლა ვცადე. რაკეტის მოძრაობის სიჩქარის ვიზუალური სქემის გამოყენებით, ტრაექტორიის კუთხის გამოთვლა მოვახერხე. გაშვების მანძილი 6,5 კმ შეადგენდა. ამიტომ, ამ შემთხვევაში მხოლოდ ერთი კანდიდატია: საიდუმლო ბაზა IRSG“. 8 იანვარს მომხდარი ავიაკასტროფის შედეგად 176 ადამიანი დაიღუპა, მათ შორის ეკიპაჟი 9 წევრია.

#ახალიამბები

#ახალიამბებიოკუპირებული აფხაზეთის დე ფაქტო პრეზიდენტმა, მიმდინარე მოვლენების ფონზე, ე.წ. უშიშროების საბჭოს საგანგებო სხდომა მოიწვია. ამის შესახებ „რია ნოვოსტის“ ე.წ. პარლამენტის ვიცე-სპიკერმა განუცხადა. ამასთან, ე.წ პარლამენტის დეპუტატი რაულ ლოლუა ინიციატივით გამოვიდა, პარლამენტის სესიის საგანგებო სხდომის ჩატარებასთან დაკავშირებით, რომელზეც რაულ ხაჯიმბასთვის უნდობლობის ვოტუმის გამოცხადება მოხდება. აქციის მონაწილეები, რომლებიც დღეს, ე.წ. ადმინისტრაციის შენობაში შეიჭრნენ, ადგილზე რჩებიან და ე.წ. სპიკერს ვალერი კვარჩიას ელოდებიან. მანამდე შენობა დე ფაქტო პრეზიდენტმა რაულ ხაჯიმბამ დატოვა, თუმცა მედიას განუცხადა, რომ „მიმალვას არ აპირებს, რჩება სამუშაო ადგილზე ერთ-ერთი სახელმწიფო ორგანოს შენობაშია“. აქციის მონაწილეები ხაჯიმბას გადადგომას და „ვადამდელი საპრეზიდენტო არჩევნების დანიშვნას ითხოვენ“. ისინი, "რესპუბლიკაში ჩატარებულ საპრეზიდენტო არჩევნების შედეგებს არ ცნობენ".

#ახალიამბებისოხუმში დე ფაქტო პრეზიდენტის ე.წ. ადმინისტრაციაში მომიტენგეთა შეჭრის შედეგად, რამდენიმე ადამიანი დაშავდა, ისინი საავადმყოფოში არიან გადაყვანილი. რუსული მედიის ინფორმაციით, აქციის მონაწილეები სამართალდამცველებთან შეტაკების დროს დაშავდნენ. შენობაში აქციის ერთ-ერთი ორგანიზატორი ახრა ავიძბა იმყოფება. ამის პარალელურად, პარტია „აითაირა“ დე ფაქტო პრეზიდენტს, რაულ ხაჯიმბას, გადადგომის მოთხოვნით მიმართავს. „იმის გათვალისწინებით, რომ ქვეყანაში საზოგადოებრივ-პოლიტიკური ვითარება კრიტიკულ ნიშნულამდე დაიძაბა და საფრთხის შემცვლელია არამხოლოდ ჩვენი მოქალაქეებისთვის, არამედ აფხაზეთის რესპუბლიკის არსებობისთვისაც, პარტია მიმართავს რაულ ჯუმკოვიჩ ხაჯიმბას, რომ ის თანამდებობიდან გადადგეს. მხოლოდ ამის შემდეგ იქნება შესაძლებელი უარესი სცენარის არიდება. წინააღმდეგ შემთხვევაში, მომხდარზე პასუხისმგებლობა მხოლოდ თქვენ დაგეკისრებათ“,-ნათქვამია მიმართვაში.

#ახალიამბები

#ახალიამბები

#ახალიამბებისოხუმში არეულობაა, აქციის მონაწილეები დე ფაქტო პრეზიდენტის ე.წ.ადმინისტრაციასთან შეიკრიბნენ და შენობის შესასვლელი კარი შეამტვრიეს. დღეს, ე.წ პრეზიდენტობის ყოფილი კანდიდატის ალხან კვიწინიას სარჩელს, ე.წ. უზენაესი სასამართლოს საკასაციო ინსტანცია განიხილავს. კვიწინია ე.წ. არჩევნების შედეგის გაუქმებას ითხოვს. შეკრებილებს და ე.წ. ადმინისტრაციის დაცვას შორის შეტაკებაც მოხდა. აქციის მონაწილეები სასამართლოს გადაწყვეტილებას ქუჩაში დაელოდებიან. აღსანიშნავია, რომ ე.წ.სასამართლოს საკასაციო ინსტანციის გადაწყვეტილება ძალაში მიღებისთანავე შედის, თუმცა ის შესაძლოა ე.წ. რესპუბლიკის უზენაესი სასამართლოს პრეზიდიუმში გასაჩივრდეს. ოკუპირებულ აფხაზეთში 2019 წლის 8 სექტემბერს ე.წ. საპრეზიდენტო არჩევნების მეორე ტური გაიმართა. ე.წ. ცესკოს მონაცემით, გამარჯვება მოქმედმა დე ფაქტო პრეზიდენტმა რაულ ხაჯიმბამ მოიპოვა. თუმცა ე.წ. არჩევნებში ხაჯიმბას ოპონენტმა კვიწინიამ 11 სექტემბერს ე.წ. სასამართლოში ცესკოს წინააღმდეგ სარჩელი შეიტანა. 20 სექტემბერს კვიწინიას სარჩელი არ დაკმაყოფილდა. 7 ოქტომბერს, კვიწინიამ ე.წ. უზენაესი სასამართლოს გადაწყვეტილება საკასაციო ინსტანციაში გაასაჩივრა, ამ წუთებში კი, სწორედ ამ სარჩელის განხილვა მიმდინარეობს.

#ახალიამბები 34 წლის მეღვინე გიორგი ნათენაძე უკვე წლებია, ძირძველი, მესხური ვაზის ჯიშების მოძიებით, მისი გახარებითა და ღვინის წარმოებითაა დაკავებული.

#ახალიამბები ზუგდიდის ბოტანიკური ბაღი დამთვალიერებლებს გასული წლის 29 დეკემბრიდან განახლებული ინფრასტრუქტურით მასპინძლობს.

#ახალიამბები

#ახალიამბებიირანში, თეირანის საერთაშორისო აეროპორტში, უკრაინის ავიახაზების კუთვნილმა თვითმფრინავმა ბოინგ 737-მა კატასტროფა განიცადა. უკრაინის საგარეო საქმეთა სამინისტროს ინფორმაციით, თვითმფრინავის ბორტზე მყოფი 167 მგზავრი და ეკიპაჟის 9 წევრი, დაღუპულია. როგორც ირანის სააგენტო IRNA-ს თეირანის საერთაშორისო აეროპორტის ოფიციალურმა წარმომადგენელმა განუცხადა, თვითმფრინავის ჩამოვარდნის მიზეზი ძრავაში გაჩენილი ცეცხლი გახდა. „თვითმფრინავი აეროპორტიდან კიევის მიმართულებით გაფრინდა, თუმცა ძრავაში გაჩენილი ცეცხლის გამო, ის აეროპორტთან ახლოს ჩამოვარდა“, - განაცხადა აეროპორტის წარმომადგენელმა. თეირანის გადაუდებელი სამედიცინო დახმარების ხელმძღვანელმა განაცხადა, რომ დაღუპულთა ცხედრების იდენტიფიცირება გართულდება.

#ახალიამბებითომა ჩაგელიშვილი სოციალურ ქსელში ავრცელებს ვიდეოს, სადაც ჩანს, თუ როგორ ცდილობს პოლიცია თბილისის ზოოპარკიდან გაქცეული მაჩვზღარბას დაჭერას. ზოოპარკიდან გაქცეული მაჩვზღარბა თბილისის ქუჩებში დაახლოებით ერთი საათის განმავლობაში დასეირნობდა. ამ დროისთვის კი უკვე თავის საცხოვრებელში დააბრუნეს.

#ახალიამბებიმართლმადიდებელი სამყარო 7 იანვარს მაცხოვრის, იესო ქრისტეს შობის ბრწყინვალე დღესასწაულს აღნიშნავს. თავდაცვის სამინისტროს ინფორმაციით, საშობაო ლიტურგიას უწყების მინისტრი ირაკლი ღარიბაშვილი, საქართველოს პრემიერ-მინისტრთან გიორგი გახარიასთან ერთად, სამების საკათედრო ტაძარში დაესწრო. ​მაცხოვრის შობის დღესასწაულთან დაკავშირებით საზეიმო ღვთისმსახურება სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ აღავლინა. წირვას საქართველოს საკანონმდებლო და აღმასრულებელი ხელისუფლების წარმომადგენლებიც დაესწრნენ. ლიტურგიის დაწყებამდე ტაძარში შეკრებილმა მრევლმა და ხელისუფლების წარმომადგენლებმა პატრიარქის საშობაო ეპისტოლე მოისმინეს.

#ახალიამბებიმდინარე თერგმა ფერი იცვალა. ამის ამსახველი ვიდეოკადრები "კვირა+"-ის ჟურნალისტმა ყაზბეგში გადაიღო. სავარაუდოდ, თერგის სტაფილოსფერი შეფერილობა, ქანების ჩამოშლას უკავშირდება.

#ახალიამბებისაქართველოს პრემიერ-მინისტრმა მთის კურორტებზე წყალმომარაგების შეფერხების უმოკლეს ვადებში აღმოსაფხვრელად საკოორდინაციო ჯგუფის საგანგებო შეხვედრა გამართა. მთავრობის მეთაურთან წყალმომარაგების კუთხით შექმნილი პრობლემის გამომწვევი მიზეზები და ის ნაბიჯები განიხილეს, რომელსაც შესაბამისი უწყებების წარმომადგენლები პრობლემის დაფიქსირების პირველივე წუთებიდან დგამენ. სამუშაო შეხვედრაზე აღინიშნა, რომ წყალი შეფერხებით გუდაურში მხოლოდ „რედკოს“ კომპლექსს, ხოლო ბაკურიანის დაახლოებით 10%-ს მიეწოდება, რის აღმოსაფხვრელადაც მუშაობა ინტენსიურად, 24-საათიან რეჟიმში მიმდინარეობს.

#ახალიამბებიირანში აშშ–ს მიერ 3 იანვარს ბაღდადში მოკლული ქვეყნის გუშაგთა კორპუსის ქვედანაყოფის „ალ-ქუდსის“ მეთაურს ყასემ სოლეიმანს ემშვიდობებიან. ცერემონიას ქვეყნის სულიერი ლიდერი ალი ჰამენეი უძღვება, რომელშიც ასევე, პრეზიდენტი ჰასან როუჰანი მონაწილეობს. სამგლოვიარო ცერემონიაზე მოკლულის ქალიშვილმა ზეინაბ სოლეიმანმა განაცხადა, რომ აშშ-ის „შავი დღეები ელოდება“. „გიჟო ტრამპი, არ იფიქრო, რომ მამაჩემის სიკვდილით ყველაფერი დასრულდა. აშშ-ს და მათ მოკავშირე ისრაელს „შავი დღეები“ ელოდება“, - განაცხადა ზეინაბ სოლეიმანმა. ბაღდადში მოკლული გენერლის ცხედარი სამშობლოში 5 იანვარს ჩაასვენეს. ტელერადიოკომპანია IRIB-მა ვიდეოკადრები გაავრცელა, სადაც ჩანს, რომ თვითმფრინავიდან ცხედრის გადმოსვენება ორკესტრის თანხლებით მოხდა, გენერლის ცხედარი ირანის დროშაში გაახვიეს. ყასემ სოლეიმანს 7 იანვარს დაკრძალავენ.