მედიაჰოლდინგი „კვირა“

#ახალიამბები

#ახალიამბები

#ახალიამბებიუახლოეს დღეებში ვაპირებ, ჩავიდე კიევში და შევხვდე მიხეილ სააკაშვილს და ვისაუბროთ ჩვენი ქვეყნის სვე-ბედზე, - ამის შესახებ ოპოზიციონერმა პოლიტიკოსმა, გუბაზ სანიკიძემ გადაცემაში "მთავარი აქცენტები" განაცხადა. “ყველა ერთის წინააღმდეგ” - ესაა გუბაზ სანიკიძის ფორმულა ბიძინა ივანიშვილის წინააღმდეგ. ის ამბობს, რომ აპირებს “ბევრი ტაბუ დაარღვიოს”. ნიკა გვარამიას კითხვაზე, მხოლოდ საუბრით შემოიფარგლება თუ არა ეს ყველაფერი, ის ამბობს: “ვნახოთ. ბევრი შეკითხვაა იქიდანაც, აქედანაც”.

ნათია თოდუა ბერლინის მეტროში სიმღერას "Feeling good" ასრულებს

#ახალიამბებითბილისში, ორთაჭალის ჰესთან ავტოსაგზაო შემთხვევა მოხდა. შემთხვევის შედეგად არავინ დაშავებულა.

#ახალიამბებიცხინვალის ე.წ. წინასწარ დაკავების იზოლატორში პატიმრებს ფიზიკურად უსწორდებიან, შესაბამისი ფაქტის ამსახველი ვიდეო კადრები სოციალურ ქსელში გავრცელდა. აღსანიშნავია, რომ ეს სწორედ ის იზოლატორია, სადაც საოკუპაციო რეჟიმის ე.წ. წარმომადგენლებს დაკავებული საქართველოს მოქალაქეები გადაჰყავთ. გავრცელებული კადრები კი, 2 ოქტომბერს არის გადაღებული, სადაც „ომონის“ თანამშრომლები პატიმარს სასტიკად გაუსწორდნენ და საკვების მიღება აიძულეს.

გარდაბანში სკოლის მასწავლებელმა თავისი მოსწავლის მოტაცების ფაქტი გაასაჯაროვა და ადრეულ ასაკში ქორწინება გააპროტესტა. ამ ქმედების გამო, მასწავლებელს სოფლის ცენტრში ბოდიში მოახდევინეს და კადრები სოციალურ ქსელში გაავრცელეს. ამის შემდეგ ახალგაზრდებმა ჰამიდ სადიკოვის მხარდასაჭერი ვიდეო გადაიღეს, სადაც ისინი აღნიშნულ ფაქტს ეხმიანებიან და აცხადებენ, რომ ისინიც ეწინააღმდეგებიან ნაადრევ ქორწინებას და ჰამიდი მარტო არ არის.

#ახალიამბები

ლიბანში, საპროტესტო აქციის მონაწილეებმა ბავშვს ცნობილი სიმღერა Baby Shark უმღერეს. ბავშვი დედასთან ერთად მომიტინგეებით გარშემორტყმულ მანქანაში იმყოფებოდა რა დროსაც ხმაურმა და არეულობამ პატარა შეაშინა. დედამ მომიტინგეებს უთხრა, რომ ბავშვს ეშინოდა მათი ყვირილის. ამის შემდეგ მომიტინგეებმა, ბავშვის გასართობად, მანქანას შემოუარეს და პატარებისთვის საყვარელი სიმღერა დაიწყეს.

#ახალიამბებიკომპანია Trammo-ს ვიცეპრეზიდენტი და მთავარი ფინანსური ოფიცერი უილიამ მარკშტეინი ბათუმში ლოგისტიკური ჰაბის შექმნის პერსპექტივაზე საუბრობს. კერძოდ, ამის შესახებ მან "თბილისის აბრეშუმის გზის ფორუმის" ფარგლებში ჩატარებულ საინვესტიციო პანელზე „საქართველოს განვითარება - მიზნობრივი ინვესტიციების ხელშეწყობა" ისაუბრა. როგორც უილიამ მარკშტეინმა განმარტა, საუბარი შეეხება ცენტრალური აზიიდან ტვირთების ტრანსპორტირებას - ბაქოს გავლით და რკინიგზით ბათუმში. ბიზნესმენის განცხადებით, პროექტზე მუშაობა უკვე მიმდინარეობს და ის დარწმუნებულია, რომ ეს მარშრუტი სტაბილური იქნება. "ეს ძალიან კარგი პროექტია. მოგეხსენებათ, პოლიტიკური სიტუაცია ირანსა და არასტაბილურ ქვეყნებში რთულია და დარწმუნებულები ვართ, რომ ეს მარშრუტი სტაბილური იქნება", - აღნიშნა უილიამ მარკშტეინმა. უილიამ მარკშტეინის განცხადებით, საქართველოს სტრატეგიული ადგილმდებარეობა მას საინვესტიციო თვალსაზრისით ძალიან საინტერესოს და პერსპექტიულს ხდის, განსაკუთრებით აზია-ევროპის სატრანზიტო მარშრუტებისთვის. ამასთან, მისი ინფორმაციით, უკვე არსებობს ორი ახალი ქარხნის პროექტი უზბეკეთსა და თურქმნეთში. "ხუთი მილიონი ტონა დაახლოებით შვიდ მილიონ ტონამდე გაიზრდება და ეს ტვირთი გლობალურ ბაზარზე გასასვლელს ელის - კასპიის ზღვისა და საქართველოს გავლით. რკინიგზის სისტემის თვალსაზრისით, ინფრასტრუქტურა საკმაოდ კარგია. ვიცით, რომ ძალიან სანდო იქნება ჩვენი პროექტისთვის, რომ შეიქმნას ლოგისტიკური ჰაბი - გვინდა, შევქმნათ ბაქოსა და ბათუმში. ასევე, მინდა აღვნიშნო, რომ ეს არის სტაბილური და ეფექტიანი სავაჭრო მარშრუტი, შეგიძლია დაეყრდნო, რომ მომწოდებლებმა მუდმივად გააგრძელონ პროდუქტების ტრანსპორტირება წარმოების შემდეგ - ეს არის ძალიან მნიშვნელოვანი საინვესტიციო ფაქტორი ჩვენთვის", - განაცხადა უილიამ მარკშტეინმა. კომპანია Trammo-ს ვიცეპრეზიდენტმა ასევე მაღალი შეფასება მისცა საქართველოში არსებულ ბიზნესკლიმატს. "კიდევ ერთი საკითხი, ეს არის ზოგადად ბიზნესკლიმატი - მე საინვესტიცო კომიტეტის თავმჯდომარე ვარ და ჩვენი მმართველობის კითხვა არის ყოველთვის შემდეგში: რა მდგომარეობაა საქართველოში კორუფციისა და სტაბილურობის თვალსაზრისით? რა თქმა უნდა, მნიშვნელოვან

საზოგადოებას  შესაძლებლობა აქვს ნახოს პირველი ქართული ინტერაქციული კინოს, არენას ოფიციალური მუსიკალური რგოლი. მომღერალმა და კომპოზიტორმა სტეფანე მღებრიშვილმა adjarabet.com-ის ფილმისთვის სიმღერა "ძველი ტანგო" გააცოცხლა და მსმენელს სრულიად ახლებური ვერსია შესთავაზა. "პირველად როცა ვნახე კლიპი ვიფიქრე, რომ ღმერთო ჩემო, ვერ დაიჯერებენ რომ ეს საქართველოში ხდება და ეს კადრები ჰოლივუდიდან არაა ამოჭრილი და აქაა გადაღებული", — თქვა სტეფანე მღებრიშვილმა.

პრემიერ მინისტრმა მოხსენების დროს სიცილისგან თავი ვერ შეიკავა და სხდომაზე მყოფი პარლამენტარებიც აიყოლია.

ჰოლივუდის ვარსკვლავმა, ალეკ ბოლდუინმა, პირდაპირ ეთერში შარვალი ჩაიხადა. მსახიობი ჯიმი ფელონის შოუში იყო მიწვეული. ამ ქმედებით ბოლდუინმა ქმედებით გაამახვილა ყურადღება იმაზე, თუ რამდენად იყო წონაში დაკლებული.  

#ახალიამბები“მე მინდა რომ გამოვიდე ექიმი, რათა დიდი რომ გავიზრდები ჩემი სოფლის მაცხოვრებლებს დავეხმარო. ჩვენ არ გვყავს სოფლებში ექიმი და მე დავეხმარებოდი მათ. ქართულის სწავლა მიყვარს ძალიან და ოლიმპიადაზეც ვიყავი გასული,სადაც დიპლომი ავიღე,”– ამბობს მარიამი.

იურიდიულ საკითხთა კომიტეტის სხდომაზე დეპუტატები ერთმანეთს დაუპირისპირდნენ. სიტუაცია მას შემდეგ დაიძაბა, როდესაც დეპუტატები კამათობდნენ მიეცათ თუ არა საკრებულოს წევრ ვახტანგ შაქარაშვილისთვის მოსამართლეობის კანდიდატ გიორგი მიქაუტაძისთვის კითხვის დასმის უფლება.

#ახალიამბებიმუსიკოსი ბერა ივანიშვილი ამაზონის დამწვარი ტყის აღსადგენად მილიონ ასი ათას დოლარს გადარიცხავს. ამის შესახებ მან ვიდეომიმართვაში ისაუბრა, რომელიც ბრაზილიელი ხალხისთვის ჩაწერა. მან საზოგადოებას ამაზონის ტყეების გადასარჩენად მოქმედებისკენ მოუწოდა. "გამარჯობა ბრაზილია, მე მაქვს გზავნილი თქვენთვის და ყველასთვის, ვინც ბუნების მომავალზე ფიქრობს", - წერს ბერა ივანიშვილი "ფეისბუქის" გვერდზე.

#ახალიამბებიმაგ სიტყვების გამო რა დაგემართება, განახებ, რამის თავი მაინც გქონდეს, - ამ სიტყვებით დამოუკიდებელმა დეპუტატმა, ლევან გოგიჩაიშვილმა საპარლამენტო უმრავლესობის წევრს, ირაკლი ბერაიას იურიდიულ საკითხთა კომიტეტის სხდომაზე მიმართა, სადაც უზენაესი სასამართლოს მოსამართლეობის კანდიდატს, გიორგი მიქაუტაძეს უსმენენ. დეპუტატებს შორის სიტყვიერი დაპირისპირება გამოიწვია საკითხმა, მიეცათ თუ არა საკრებულოს წევრ ვახტანგ შაქარაშვილისთვის მოსამართლეობის კანდიდატ გიორგი მიქაუტაძისთვის კითხვის დასმის უფლება. ლევან გოგიჩაიშვილის თქმით, მიქაუტაძის დარბაზში ჯდომა სწორედ ბერაიას სირცხვილია. "აქ რომ ეს ზის, არის შენი სირცხვილი. ამ ზონდერს საშუალება რომ მიეცით, აქ იჯდეს," - მიმართა გოგოჩაიშვილმა ირაკლი ბერაიას. ბერაიამ გოგიჩაიშვილს წესიერად ლაპარაკისკენ მოუწოდა და აღნიშნა, რომ არაფრის რცხვენია. ლევან გოგიჩაიშვილმა ბერაიას ჩირგვებში დამალული ადამიანი უწოდა, რის შემდეგაც უმრავლესობის წევრმა მას უცენზუროდ მიმართა.

#ახალიამბებითქვენ ჩვეულებრივი შანტაჟისტები იყავით, - ასე მიმართა უზენაესი სასამართლოს მოსამართლეობის კანდიდატს, გიორგი მიქაუტაძეს პარლამენტის დამოუკიდებელმა დეპუტატმა, გედევან ფოფხაძემ. "ვინ გაგირიგდათ თქვენ, რომ იყოთ მოსამართლე იმის შემდეგ რაც იყავით სააკაშვილის რეჟიმის მსახური და დღეს, რატომ უნდა გახდეთ მოსამართლე. მოსამართლეობის უფლება საიდან გაქვთ? თქვენ ჩვეულებრივი შანტაჟისტები იყავით, რომელთაც თქვენი თანამდებობების გარდა არაფერი გაინტერესებდათ. თქვენ მორალურ კითხვებზე პასუხის გაცემას არ აპირებთ, რადგან თქვენი მორალური სახე ისედაც ნათელია", - განაცხადა ფოფხაძემ. პარლამენტში დღეს უზენაესი სასამართლოს მოსამართლეობის კანდიდატს, გიორგი მიქაუტაძეს უსმენენ.

#ახალიამბები

#ახალიამბებითავდაცვის სამინისტროს პროექტი „ჩვენი ჯარი“ დღეიდან განახლდა, მეოთხე ეტაპის პირველი შეხვედრა თბილისის 75-ე საჯარო სკოლაში გაიმართა. საჯარო სკოლაში საქართველოს თავდაცვის მინისტრის მოადგილე რატი ბრეგაძე და თავდაცვის ძალების მეთაურის მოადგილე, გენერალ-მაიორ შალვა ჯაბახიძე იმყოფებოდნენ. მათ სკოლის მოსწავლეებს პროექტის მნიშვნელობა გააცნეს და ბავშვებს სამხედრო განათლებაზე, კარიერული წინსვლის შესაძლებლობებზე, ნატო-საქართველოს ურთიერთობებზე, ასევე საერთაშორისო მისიებსა და მრავალეროვნულ სწავლებებზე ესაუბრნენ. ამჯერად „ჩვენი ჯარი“ საქართველოს მასშტაბით 427 სკოლას მოიცავს და მიზნად საქართველოს თავდაცვის ძალების შესახებ ახალგზარდა თაობაში ცნობიერების ამაღლებასა და პატრიოტული სულისკვეთების გაღრმავებას ისახავს. პროექტის ფარგლებში სამხედრო მოსამსახურეები მოსწავლეებს საქართველოს სამხედრო ისტორიის, ჯარისკაცის პროფესიის, საქართველოს თავდაცვის ძალების პრიორიტეტებისა და მიზნების, თანამედროვე გამოწვევების შესახებ მნიშვნელოვან ინფორმაციას აწვდიან.

#ახალიამბებისოციალურ ქსელში დეპუტატ ენზელ მკოიანის ძმისშვილის ქორწილში გადაღებული ვიდეოკადრები გავრცელდა, სადაც ფრაქცია “ქართული ოცნების” თავმჯდომარე მამუკა მდინარაძე “თბილისოს“ მღერის. მდინარაძეს პარლამენტარი ბექა ოდიშარიაც შეუერთდა. ერევანში, დეპუტატ ენზელ მკოიანის ძმისშვილის ქორწილში “ქართული ოცნების” სხვა ლიდერებიც იმყოფებოდნენ, მათ შორის, ირაკლი კობახიძე.

#ახალიამბებიკახეთის ერთ-ერთ გამორჩეულ და ტურისტულად მიმზიდველ ქალაქს, სიღნაღს, რომელიც გალავნითაა გარშემორტყმული, სახელმწიფოს მხრიდან ყურადღება სჭირდება. ეროვნული მნიშვნელობის გალავანი, რომელსაც სტატუსი 2006 წელს მიენიჭა, ნგრევის პირასაა. სიღნაღში მცხოვრები, ნანა თოდაძე, რომლის საცხოვრებელ სახლსაც გალავანი საზღვრავს, აცხადებს, რომ გალავანი სიცოცხლისთვის საფრთხეს წარმოადგენს და მისი რეკონსტრუქცია აუცილებელია. გალავანზე არსებული ბურჯები, რომლებიც ერთ დროს ქართველებს მტრისგან იცავდა, ახლა დაბზარულია და ნაპრალებიდან დიდი ზომის ქვები ცვივა. ნანა თოდაძე „რეგიონულ კვირასთან“ იმ ფაქტსაც იხსენებს, როცა მეზობლის ბავშვი თამაშის დროს გალავნიდან ჩამოვარდნილი ქვისგან სასწაულებრივად გადარჩა.

#ახალიამბები

#ახალიამბები"ევროპული საქართველოს" ლიდერის გიგა ბოკერიას ლექციას "ქართული ოცნებიდან" წასული დეპუტატის, ვანო ზარდიაშვილის მიერ დაარსებული არასამთავრობო ორგანიზაცია "ინიციატორის" შეკრებაზე ინციდენტი მოჰყვა. შეკრებაზე ერთ-ერთმა დამსწრემ გიგა ბოკერიას იქ ყოფნა გააპროტესტა. "ბოკერიას მოყვანა აქ სირცხვილი არ არის, ახალგაზრდების წინაშე? ვანო, შენ კი გრცხვენოდეს", - განაცხადა დამსწრე ქალბატონმა. ფაქტმა საზოგადოებაშიც დიდი ვნებათაღელვა გამოიწვია და ბევრი უარყოფითი კომრნტარი მოჰყვა. " ეგენი, ეტყობა, დიდი ხანია ერთად არიან და ახლა გამოაშკარავეს ეს ამბავი." "ზარდიაშვილმა რა არასამთავრობო შექმნა, ეს ვერ გავიგე???? ეგ არაადამიანი კიდევ სადმე ფართხალებს, საქართველოდან გასაძევებელია და ბოკერიაც ზედ უნდა მიაყოლო." არასამთავრობო ორგანიზაცია "ინიციატორი" ისნის მაჟორიტარის ნინო ლაცაბიძისა და ვანო ზარდიაშვილის ხელშეწყობით შეიქმნა.

დედაენის ბაღში "გირჩის" ორგანიზებით Tbilisi CannaExpo 2019 იმართება. ღონისძიებაზე  კანაფთან დაკავშირებული პროდუქტებია წარმოდგენილი. გამოფენაზე კონტრაქციის წარმომადგენლები მივიდნენ, რომლებიც "გირჩის" ლიდერს, ზურაბ ჯაფარიძეს "ქართული ოცნების" ინტერესების გატარებაში ადანაშაულებენ, რადგან კანაფის ლეგალიზაციას ითხოვენ.  "ძვლებში ხართ დასამტვრევი",- ამ სიტყვებით დაემუქრა ერთ-ერთი კონტრაქციის მონაწილე ზურაბ ჯაფარიძეს. 

ორეგონის შტატის ერთ-ერთი სკოლა მოსალოდნელი საფრთხისგან  მწვრთნელმა იხსნა. აღნიშნული სკოლის მოსწავლე სკოლაში შეიარაღებული მივიდა და როდესაც მას სროლა უნდა დაეწყო წინ ამერიკულ ფეხბურთში ადგილობრივი გუნდის მწვრთნელი, კინონ ლოუ გადაეღობა ჩაეხუტა, დაამშვიდა და იარაღი  ჩამოართვა.

სოცილაურ ქსელში გავრცელდა ვიდეო, რომელიც კანადაში ერთ-ერთი როკ-ჯგუფის კონცერტზეა გადაღებული. კადრებში ჩანს გოგონა, რომელიც სიმღერას ჟესტებით გადმოსცემს. როგრც ვიდეოს აღწერიდან ირკვევა, გოგონა სმენადაქვეითებულ მამას სიმღერის ტექსტს ჟესტების ენით უხსნიდა. ვიდეოს 20 მილიონზე მეტი ნახვა და უამრავი კომენტარი აქვს.

17 დეკემბერს ბანგკოკში „მის სამყარო 2018“-ის ფინალი გაიმართა. კონკურსში გამარჯვება ფილიპინების წარმომადგენელმა კატრიონა გრეიმ მოპოვა. მეორე ადგილი ვენესუელელმა სტეფანი გუტიერესმა დაიკავა. კონკურსის ფინალში მსოფლიოს 20 ქვეყნის წარმომადგენლები გავიდნენ. აღსანიშნავია, რომ კატრიონა გრეი მეოთხე ფილიპინელი ქალია, რომელმაც „მის სამყაროს“ კონკურსში გაიმარჯვა. როგორც ცნობილია, ის ავსტრალიაში დაიბადა. მისი დედა ფილიპინელია, მამა კი ავსტრალიელი. როდესაც კატრიონა 18 წლის გახდა, ის საცხოვრებლად ფილიპინებზე გადავიდა. მან პირველად სილამაზის კონკურსში 5 წლის ასაკში მიიღო მონაწილეობა და პატარა „მის ფილიპინები“ გახდა. 16 წლის ასაკში პირველად მიიღო მონაწილეობა სარეკლამო რგოლში. მან მუსიკის თეორიის განხრით მაგისტრის ხარისხი მიიღო ბოსტონში, ბერკლის კოლეჯში სწავლის შედეგად.

საფრანგეთის დედაქალაქში „ყვითელი ჟილეტების“ მოძრაობის დემონსტრაცია კვლავ მიმდინარეობს. აქციის მონაწილეები საფრანგეთის პრეზიდენტის, ემანუელ მაკრონის გადადგომას ითხოვენ. ადგილობრივი მედიის ინფორმაციით, ამ დროისთვის, პარიზის ცენტრალურ ნაწილში ორი ათასზე მეტი აქტივისტია შეკრებილი, რაც გასულ კვირას ჩატარებული მასშტაბური დემონსტრაციის დილის საათების მაჩვენებელს საგრძნობლად ჩამოუვარდება. ადგილობრივი მედიის ინფორმაციით, ამ დროისათვის 50-მდე აქტივისტია დაკავებული. უსაფრთხოების მიზნით, სამართალდამცველებმა ელისეის სასახლესთან მისასვლელი გზები გადაკეტეს. დახურულია მეტროს 40-მდე სადგური და ქალაქის ცენტრალური ნაწილში არსებული საავტომობილო გზების ნაწილი. ცნობისათვის, საფრანგეთში საპროტესტო აქციები 17 ნოემბერს დაიწყო და ამ დრომდე გრძელდება. მასობრივი აქციები ხუთი კვირის განმავლობაში, ყოველ შაბათ-კვირას იმართება.

102 წლის ბებო, აირონ ო‘ში, ყველაზე ხნიერი პიროვნება აღმოჩნდა, ვინც თვითმფრინავიდან პარაშუტით გადმოხტა. მან პირველი ნახტომი 100 წლის ასაკში განახორციელა. ​ამჟამად კი ავსტრალიელმა ბებომ 12 ათასი დოლარი გამოიმუშავა, რომელიც ერთ-ერთ საქველმოქმედო ფონდში ჩარიცხა, სადაც ნეიროდეგენერაციული დაავადების მქონე ადამიანებს ეხმარებიან. აღსანიშნავია ის ფაქტიც, რომ აირონ ო‘შის ქალიშვილიც სწორედ ამ დაავადებით გარდაიცვალა.

29 წლის ბრიტანელმა ადამ ტორპმა ქაბაბი და კარტოფილი უსახლკარო მამაკაცს ესროლა, მისი მეგობრები კი ამას ტელეფონით იღებდნენ. ძალიან მალე ადამმა ინანა რაც გააკეთა, რადგან ვიდეო ვირუსული გახდა, „ხუმარას“ მისამართით კი უამრავი მუქარა წამოვიდა. კადრებში, რომლებიც სოციალური ქსელით მთელ მსოფლიოში გავრცელდა, ჩანს, რომ ადამ ტორპი უსახლკაროს ჯერ საჭმელს სთავაზობს, შემდეგ კი სახეში ესვრის. ვიდეომ „ფეისბუქსა“ და სხვა სოციალურ ქსელებში უამრავი გაზიარება მოაგროვა, საზოგადოება დიდ აღშფოთებას გამოხატავს, ახალგაზრდის მიმართ კი მუქარები და შეურაცხყოფა ისმის. ახლა ბრიტანელი მამაკაცი ირწმუნება, რომ ნანობს იმის გამო რაც ჩაიდინა. მისი თქმით, ეს საქციელი მისთვის არატიპურია, მაგრამ ის ალკოჰოლური ზემოქმედების ქვეშ იმყოფებოდა. ამას გარდა, ის ამბობს, რომ ეგონა მის წინ მდგარი ადამიანი იტყუებოდა იმის შესახებ, რომ უსახლკარო იყო.

ჩინეთში სილამაზის კონკურსი “Miss World – 2018” დასრულდა. გამარჯვებული 26 წლის მექსიკელი ვანესა პონსი გახდა. მას გვირგვინი წინა წლის “მის მსოფლიომ” ინდოელმა მანუჩუ შილმა გადასცა. ვანესა პონსი მექსიკაში დაიბადა. მან სამოდელო კარიერა 14 წლის ასაკში დაიწყო და ოთხი წლის შემდეგ კი მექსიკაში ყველაზე ლამაზი გოგონას ტიტული მოიგო. მოდელი ქველმოქმედებით არის დაკავებული, ასევე უყვარს მოგზაურობა და ცეკვა.

სოციალურ ქსელში 1987 წელს ეთერში გასული გამოშვების ფრაგმენტი ვრცელდება. გადაცემის წამყვანი თემურ ჩხიკვაძე მაყურებელს რეიდის დროს გახსნილი ნარკოდანაშაულის და ოთხი დაკავებულის შესახებ ამცნობს. როგორც ირკვევა მილიციამ ისინი ნარკოტიკული საშუალებების დამზადებისას დააკავა. დაკითხვის ამსახველი ვიდეოდან ჩანს, რომ დაკავებულებს შორის ორი ქალია. გავრცელებულმა ვიდეომ, წამყვანის ტექსტმა, მილიციელების კითხვებმა და დაკავებულებების ჩვენებებმა 21-ე საუკუნის საზოგადეობაში დიდი მხიარულება გამოწვია.

ჩინეთის სამხრეთ-დასავლეთით უცნაური ფერით შეფერილი თოვლი მოვიდა. უცნაური ბუნებრივი მოვლენის ახსნა ძალიან ადვილია, მისი მიზეზი მტვრის დიდი ოდენობაა, რომელიც უდაბნოდან ძლიერი ქარის გამო მოვიდა.

არგენტინელი ლეგენდა დიეგო მარადონა ისევ ყურადღების ცენტრშია. მექსიკური გუნდის „დორადოს“-ის მთავარმა მწვრთნელმა წაგების შემდეგ გულშემატკივრებთან ხელჩართული ჩხუბი და გარჩევა გამართა. გუნდი უმაღლეს ლიგაში ვერ გავიდა. ამის გამო გულშემატკივრებმა არგენტინელ მწვრთნელი უსიამოვნო შეძახილებით შეამკეს, მარადონამ კი ეს ვერ აიტანა და მათ თავს დაესხა. „დორადოსის“ დაცვის წევრებმა გამძვინვარებული მარადონას შეკავება და სიტუაციის დეესკალაცია შეძლეს.

ლეგენდარული “ჟიგული”, რომელიც დიღმის მასივში, ერთ-ერთი კორპუსის აივანზე მეპატრონეს 20 წელზე მეტ ხანს ეყენა, მიწას “დაუბრუნდა”.

ნიუ-იორკში, როკფელერის ცენტრში საახალწლო ნაძვის ხე გაანათეს. უზარმაზარი ნაძვის ხის მორთვას დაახლოებით 7 კილომეტრის სიგრძის ლედ-განათება დასჭირდა და თავზე სვაროვსკის ვარსკვლავი ადგას. ამ მნიშვნელოვან მოვლენაში მონაწილეობა ნიუ-იორკის ახლადარჩეულმა მერმა, ბილ დე ბლაზიომაც მიიღო. ​აღსანიშნავია, რომ საახალწლო ნაძვის ხის განათების ცერემონიალი როკფელერის ცენტრში 1931 წლიდან იმართება.

“ჩვენი დამკვირვებლების მეშვეობით ყველგან ვამოწმებთ,გადასატან ყუთებზე არსებულ სიებს, პირადად მირანდა მესხის სისხლის სამართლის პასუხსიმგებლობა უნდა დადგეს, რადგან ის ტენის ამ სიებში ჯანმრთელ ადამიანებს.რის გადამოწმებას ცდილობდა ჩვენი 70 წლის დამკვივებელი და მას ამის უფლება არ მისცეს, ახლა კი სამარცხვინოდ გამოკითხვაზე ყავთ წაყვანილი”, -უთხრა “კვირას” ანა წითლიძემ. ზუგდიდის საოლქო კომისიის თავმჯდომარის მირანდა მესხის განცხადებით კი, ოპოზიციის წარმომადგენელი ნასვამ მდგომარეობაში იმყოფებოდა. „ნაციონალური მოძრაობის წარმომადგენელი იმყოფებოდა მთვრალ მდგომარეობაში. მან ვერ გაიგო ის განმარტება, თუ რატომ იყო გაზრდილი უბანზე გადასატანი ყუთის სიაში ამომრჩეველთა რაოდენობა. არსებობს ოლქის გადაწყვეტილება, თუ რის საფუძველზეც არის გაზრდილი ამომრჩეველთა რაოდენობა გადასატანი ყუთის სიაში“, – განაცხადა მირანდა მესხმა. შსს- ინფორმაციით, მათ მიიღეს შეტყობინება, რომ ვ.ხ უბანზე მთვრალ მდგომარეობაში მივიდა, ის არღვევდა საზოგადოებრივ წესრიგს და სიტყვიერ შეურაცხყოფას აყენებდა იქ მყოფ პირებს. უწყების ინფორმაციით,აღნიშნული პირი ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმან ხულიგნობას გულისხმობს.

აშშ-ის კოსმოსური სააგენტოს ხომალდი Insight მარსზე დაეშვა. პლანეტის ატმოსფეროში შესვლიდან ზედაპირთან შეხებამდე ხომალდს 7 წუთი დასჭირდა, დაშვება წარმატებულად განხორციელდა. "ინსაითის" მი­ზა­ნი მარ­სის წი­ა­ღი­სა და სე­ის­მუ­რი აქ­ტი­ვო­ბის შეს­წავ­ლაა. დე­და­მი­წის შემ­დეგ წი­თე­ლი პლა­ნე­ტა იქნე­ბა პირ­ვე­ლი, რომ­ლის წი­აღ­საც ადა­მი­ა­ნე­ბი გა­მო­იკ­ვლე­ვენ. სიგ­ნალ­თან ერ­თად NASA-მ Insight-ის მიერ გა­და­ღე­ბუ­ლი პირ­ვე­ლი ფო­ტოც მი­ი­ღო. ხო­მალ­დი მარ­სის ეკვატორ­თან ახ­ლოს და­ეშ­ვა. "ინსაითი" უზუს­ტე­სი სე­ის­მო­მეტ­რე­ბით არის აღ­ჭურ­ვი­ლი, მას ასე­ვე აქვს ზონ­დი, რო­მე­ლიც პლა­ნე­ტის წი­აღ­ში ჩავა და ტემ­პე­რა­ტუ­რას გა­ზო­მავს. სხვა ხო­მალ­დე­ბის­გან გან­სხვა­ვე­ბით, ის პლა­ნე­ტის ზე­და­პირ­ზე არ გა­და­ად­გილ­დე­ბა. სა­გენ­ტოს მთა­ვა­რი ად­მი­ნის­ტრა­ტო­რი ჯე­იმს ბრა­ი­დენსტა­ი­ნი ამ დღეს „არაჩ­ვე­უ­ლებ­რი­ვ დღედ" აფასებს და ამბობს, რომ ეს უპრეცედენტო შემთხვევაა. მან მი­ლოც­ვა პრე­ზი­დენტ ტრამ­პის­გა­ნაც მი­ი­ღო. NASA-ს ინჟინრები დაშვების პროცესს დაძაბულები და სუნთქვაშეკრულები ადევნებდნენ თვალს, მათი რეაქცია მსოფლიომ პირდაპირ ეთერში იხილა. ხომალდის მარსის ზედაპირზე დაშვებას ინჟინრები დიდი ოვაციებით შეხვდნენ.

ფეისბუქ მომხმარებელი ვიდეოს აქვეყნებს, რომელიც კეკელიძის ქუჩაზეა გადაღებული. კადრებში ჩანს ძიძა, რომელსაც ბავშვი საბავშვო ეტლით  მიჰყავს, როგორც ვიდეოს ავტორი წერს ძიძამ ბავშვი "კალიასკაში" უხეშად ჩასვა და ხელები ამოუტრიალა. "სასწრაფოდ გააზიარეთ!!! კეკელიძის ქუჩაზე ძიძამ ჩაახეთქა კალიასკაში ბავშვი რომელიც გასკდა ტირილით იქნებ დედამ კალიასკა იცნოს! ხელები ამოუტრიალა ისე ცემდა ბავშვს! ბავშვი ბიჭია 1 წლამდე! რუსულენოვანი ასაკოვანი ქალია ძიძა! გააზიარეთ გთხოვთ დედამდე მივიდეს!" - წერს მომხმარებელი.

გორში ლომბარდების მეპატრონეები კატეგორიულად უარყოფენ ერთ-ერთი სატელევიზიო გადაცემის ეთერით გასულ ინფორმაციას იმის შესახებ, თითქოს სამხედრო მოსამსახურეები ბოლო პერიოდში, საკუთარ სახელფასო ბარათებს ინტენსიურად ალომბარდებენ. მათი თქმით, არაერთი მსგავსი შემთხვევა მართლაც იყო, თუმცა ინფორმაცია იმის შესახებ, რომ ამან ბოლო წლებში, სისტემატიური ხასიათი მიიღო, არასწორია.

ბაირონ ქემბელი ტეხასის შტატ დალასიდან, დილით სამსახურში წასასვლელად ემზადებოდა, როდესაც მეზობელი სახლის სახურავზე ცეცხლი შენიშნა. მამაკაცმა მაშინვე გამოიძახა სახანძრო-სამაშველო სამსახური და მეზობლებთან ერთად ხალხის დახმარება დაიწყო, რომლებიც ცეცხლმოკიდებულ სახლში იმყოფებოდნენ და ვერ გამოდიოდნენ. ბაირონის თქმით, რამდენიმე წუთში მან მესამე სართულზე ცეცხლმოკიდებული ბინის ფანჯარაში პატარა ბავშვით ხელში ქალი დაინახა. “ვუყვირე, რომ ბავშვი გადმოეგდო, თავიდან ის ყოყმანობდა, მაგრამ შევპირდი, რომ ბავშვს დავიჭერდი. ბოლოს ის მენდო და ბავშვი გადმოაგდო. ეს ნამდვილი სიგიჟე იყო. მე ის დავიჭირე”,- ყვება ბაირონი. სხვა მოსახლეობის დახმარება, უკვე სახანძრო სამსახურმა შეძლო და ხანძარს მსხვერპლი არ მოჰყოლია.