დღეს საქართველოში კოვიდინფიცირების 903 ახალი შემთხვევა დაფიქსირდა. გარდაიცვალა 24 ადამიანი
ქართველ ექს-ოძეკის ლევან გორგაძეს, წლის პირველი სუპერტურნირის დასრულებამდე 3 დღით ადრე 9 მარცხი დაუგროვდა. ტურნირის 12 დღის შემდეგ ტოჩინოშინის ბალანსი 3-9-ზეა და მას შემდეგ ბაშოზე რანგის დაქვეითება ელის.
ძიუდოს საერთაშორისო ფედერაციამ მსოფლიოს მასტერსზე შესრულებული ულამაზესი გდებების ხუთეული დაასახელა და რჩეულთა შორის პირველი ადგილი ბექა ღვინიაშვილის ილეთს მიაკუთვნა. საქართველოს ნაკრების წევრი მეოთხედფინალში გერმანელ ედუარდ ტრიპელთან ვაზარით აგებდა და შეხვედრა ბრწყინვალე იპონით დაასრულა.
2021 წლის პირველი სუპერტურნირის მე-11 დღეს ლევან გორგაძეს უარყოფითი ბალანსი აქვს .ტოჩინოშინს ბაშოს დასრულებამდე კიდევ 4 შეხვედრა აქვს გასამართი
ალეკო ელისაშვილი პარლამენტში შესვლის საკითხზე გადაწყვეტილებას რამდენიმე დღეში გამოაცხადებს. გადაწყვეტილების საფუძველი „ქართულ ოცნებასთან“ მოლაპარაკების შედეგი გახდება
იაპონიის მთავრობა 2021 წელს ტოკიოში ოლიმპიური თამაშების ჩატარებას ისე გეგმავს, რომ არ გამოაცხადებს აუცილებელ პირობად სპორტსმენებისთვის კორონავირუსზე ვაქცინაციას. ამასთან, ოლიმპიადის ორგანიზატორები ითხოვენ, რაც შეიძლება მეტმა სპორტსმენმა გაიაროს ვაქცინაცია ტოკიოში გამგზავრების წინ.
ალექსეი ნავალნის 30-დღიანი პატიმრობა მიუსაჯეს, - ამის შესახებ ნავალნის პრესსპიკერი კირა იარმიში სოციალურ ქსელ „ტვიტერში“ წერს. დაკავების ოფიციალურ მიზეზად ე.წ. ივ როშეს საქმეზე თაღლითობის ბრალდებით შეფარდებული პირობითი მსჯავრით განსაზღვრული ვალდებულებების დარღვევა სახელდება. მოსკოვს ნავალნის გათავისუფლებისკენ მოუწოდეს აშშ-მა და ევროკავშირმა.
„სიენენის“ ინფორმაციით, აშშ-ის პრეზიდენტი დონალდ ტრამპი უფლებამოსილების ამოწურვამდე ერთი დღით ადრე 100-მდე ადამიანის შეწყალებას აპირებს.
ინგლისის ჩემპიონატის მე-19 ტურის ცენტრალურ მატჩში ლივერპულმა მანჩესტერ იუნაიტედს უმასპინძლა და ნულოვანი ფრე ითამაშა. მანჩესტერთან გამართული შეხვედრა პრემიერლიგაში მეოთხე მატჩი იყო, როდესაც მერსისაიდელებმა გამარჯვებას ვერ მიაღწიეს. ინგლისის ჩემპიონებისთვის მსგავსი შემთხვევა 2017 წლის შემდეგ არ მომხდარა.
ნიცაში, პრესტიჟულ საერთაშორისო ტურნირზე - ანრი დელანის სახელობის გრან პრიზე, ბერძნულ-რომაული სტილის ჭიდაობაში, საქართველოს ნაკრები ხუთი სპორტსმენით ჩავიდა. მათგან სამმა მედალი მოიპოვა. 97 კილოგრამ წონით კატეგორიაში მოჭიდავე გიორგი მელიამ შეჯიბრება წაუგებლად ჩაამთავრა და ჩემპიონი გახდა. გურამ ხეცურიანმა (87 კგ) და სულხან ბუიძემ (130 კგ) კი მესამე საპრიზო ადგილები დაიკავეს.
გამოცემა reuters-ის ინფორმაციით, შვეიცარიაში კორონავირუსის ახალი შტამის გამოვლინდა. ქვეყანაში, სათხილამურო კურორტ სან-მორიცის ორ სასტუმროში კარანტინი გამოცხადდა და სათხილამურო სკოლები დაიხურა. ამასთან, გრაუბიუნდენის კანტონში, სადაც ამ დრომდე კოვიდინფიცირების დაბალი დონე იყო, 19 იანვარს მოსახლეობის საყოველთაო ტესტირებას დაიწყებენ.
დღეიდან, საქართველოს საჯარო სკოლებში სწავლების მეორე სემესტრი დაიწყო. ერთი რეგიონის და ათი ქალაქის გარდა, სწავლა საკლასო ოთახებში განახლდა. კორონავირუსის პრევენციის მიზნით, სასწავლო პროცესი ისევ დისტანციურად გრძელდება თბილისის, ქუთაისის, რუსთავის, თელავის, ზუგდიდის, ზესტაფონის, გორის, ფოთის, მარნეულის და გარდაბნის და აჭარის ავტონომიური რესპუბლიკის სკოლებში.
ალექსეი ნავალნი შინაგან საქმეთა სამინისტროს პოლიციის ხიმკის განყოფილებაში ჰყავთ მოთავსებული. ამის შესახებ ცნობა 18 იანვრის დილით გაავრცელა ნავალნის ორმა თანამებრძოლმა - "კორუფციასთან ბრძოლის ფონდის" დირექტორმა, ივან ჟდანოვმა და ნავალნის პრესმდივნმა, კირა იარმიშმა. პოლიციის ხელმძღვანელობა უარს ამბობს ნავალნისთან მისი ადვოკატის შეშვებაზე.
ისრაელის თავდაცვის ძალების ინფორმაციით, სამხედრო ავიაციამ ღაზის სექტორში რადიკალური მოძრაობა „ჰამასის“ ობიექტები დაბომბა. ისრაელის სამხედრო თვითმფრინავებმა და უპილოტო საფრენმა აპარატებმა ოპერაცია ქალაქების, რაფას და ხან იუნისის მახლობლად ჩაატარეს. თავდაცვის სამინისტროში აცხადებენ, რომ ეს იყო საპასუხო რეაქცია არაბული ანკლავიდან განხორციელებულ სარაკეტო იერიშზე.