ინფექციური საავადმყოფოს გენერალური დირექტორი თენგიზ ცერცვაძე მიიჩნევს, რომ კორონავირუსის გავრცელების მესამე ტალღის თავიდან ასაცილებლად, უნდა გამკაცრდეს რეგულაციები. თებერვლიდან ზოგიერთი შეზღუდვის მოხსნის შემდეგ კი უნდა გამკაცრდეს დარჩენილი რეგულაციების კონტროლი, რაც მისივე შეფასებით, ამ დროისთვის საკმარისად მკაცრი არ არის.
ყატარის დედაქალაქ დოჰაში მიმდინარე მასტერსის ტურნირის ფინალში დღეს სამმა ქართველმა ძიუდოისტმა მედლი მოიპოვა. 100 კგ წონით კატეგორიაში მოასპარეზე ვარლამ ლიპარტელიანმა ფინალში აზერბაიჯანელ ზელიმხან კოცოევს სძლია და ტურნირზე საქართველოს ნაკრებს ოქროს მედალი მოუტანა. მანამდე 90 კგ წონით კატეგორიაში ბექა ღვინიაშვილმა ვერცხლის მედლის მოპოვება შეძლო. ლაშა ბექაურმა კი ბრინჯაოს მედლი მოიპოვა.
CES 2021 წლის ღონისძიებაზე კომპანია Sony-მ მისი ახალი Airpeak დრონი წარადგინა. ის არის არის ყველაზე პატარა დრონი, რომელსაც შეუძლია Alpha კამერის ტარება და განკუთვნილია ვიდეოკონტენტნის შექმნისა და პროფესიონალური ფოტოგრაფიისთვის.აქვს ორი სადესანტო დაგრძელება, რომლებიც ფრენის დროს იწევს უკან, იმისთვის, რომ არ გააფუჭოს თქვენი კადრები.
ესტონეთის პრემიერმინისტრმა იური რატასმა კორუფციისა შესახებ სკანდალის გამო გადადგომის შესახებ განაცხადა. 12 იანვარს ესტონეთის უშიშროების პოლიციამ სისხლის სამართლის დანაშაულის ჩადენის ეჭვები წარუდგინა ცენტრისტული პარტიის გენერალურ მდივან მიხაილ კორბს, ფინანსთა მინისტრის მრჩეველ კერსტი კრახტს, ბიზნესმენ ჰილარი ტედერსა და კიდევ ორ პირს, რომელთა ვინაობას არ ამხელენ. პრემიერის თქმით, მისი გადადგომით შესაძლებელი გახდება გარემოებებისთვის ნათელის მოფენა
თბილისის მერიის მიერ ორგანიზებული საახალწლო კონცერტები, რომლის მთავარი მიზანი არტისტების მხადაჭერა იყო თითქმის 1 მლნ ლარი დაჯდა. ამისთვის დედაქალაქის მერიამ 500 000 ლარი, ეკონომიკის სამინისტრომ კი 400 000 ლარი გამოყო.
მომღერალმა შაკირამ თავის მუსიკაზე უფლებები მილიონობით დოლარად გაყიდა. გარიგება შედგა Hipgnosis Song Fund- თან, რომელმაც ცოტა ხნის წინ ასევე შეიძინა ბობ დილანისა და ნილ იანგის მუსიკა. კომპანიას მომღერალმა უფლებები 145 სიმღერაზე მიჰყიდა, მათ შრისაა Hips Don't Lie, Whenever და She Wolf. კომპანია არ გსახელებს ფინანსურ დეტალების, მაგრამ ის ჩვეულებრივ 15 წლის ჰონორარის ექვივალენტს წინასწარ იხდის ხოლმე. შაკირა ყველა დროის ყველაზე გაყიდვადი ლათინო შემსრულებელი ქალია. მას მსოფლიოში 80 მილიონი ჩანაწერი აქვს გაყიდული.
ცნობილი იაკუტიელი შამანი, ალექსანდრ გაბიშევი, რომელიც გასულ წელს ფეხით დაადგა გზას კრემლისკენ, როგორც თავად ამბობდა, „პუტინის განსადევნად“, - კვლავ აპირებს ლაშქრობას მოსკოვისკენ. „მე აუცილებლად უნდა მოვინახულო ალტაი თქვენთან ერთად. შემდეგ გავივლით მთელ ციმბირს, ჩავალთ ურალის ტერიტორიებამდე, იქიდან კი მოსკოვი ხელის გაწვდენაზეა“, - განაცხადა გაბიშევმა.
საქართველოს ძიუდოისტთა ნაკრების წევრმა ტატო გრიგალაშვილმა დოჰაში მიმდინარე „მსოფლიოს მასტერსის“ სუპერტურნირზე, დილის პროგრამაში ხუთი შეხვედრა ჩაატარა და ხუთივე მოიგო. საღამოს, ფინალში გრიგალაშვილი ნიდერლანდელ ფრენკ დე ვიტს დაუპირისპირდება.
საქართველოს გენერალური პროკურორის პირველმა მოადგილემ ბაკურ აბულაძემ საპროკურორო საბჭოსთვის საქართველოს პროკურატურის საქმიანობის 2020 წლის ანგარიშის წარდგენისას განაცხადა, რომ საქართველოში ამერიკის შეერთებული შტატების საელჩოს მხარდაჭერითა და ხელშეწყობით, საქართველოსპროკურატურაში IBM I2 ანალიზის პროგრამა დაინერგა. ციფრული ანალიტიკური პროგრამა სამართალდამცავ ორგანოებს საშუალებას აძლევს, განახორციელონ დახვეწილი საგამოძიებო ანალიზი, ამოიცნონ საჭიროებები, ხელი შეუწყონ უწყებათა თანამშრომლობას და მართონ დანაშაული.
ჯანდაცვის მინისტრის, ეკატერინე ტიკარაძის ინფორმაციით, საქართველოში უახლოეს მომავალში მოსახლეობის აცრა „ფაიზერის“ ვაქცინით დაიწყება. დიმიტრი ხუნდაძის ინფორმაციით კი ქვეყანას მინუს 70-გრადუსიან პირობებში, დაახლოებით 100 ათასი მოქალაქისთვის საკმარისი კორონავირუსის საწინააღმდეგო ვაქცინის შენახვის საშუალება აქვს
CES-ის ყოველწლიური მასშტაბური ღონისძიება ციფრულ ფორმატში გაიხსნა, რომლის ერთ-ერთი მთავარი გმირი YSL აღმოჩნდა. ბრენდმა ინოვაციური ტუჩსაცხი გაჯეტი წარადგინა. ტექნოლოგიური ტუჩსაცხის მეშვეობით, იმ შეფერილობის ტუჩებს მიიღებთ, რომელიც გსურთ. მოწყობოლობაში ინტეგრირებულია პიგმენტის სამი ძირითადი სახეობა, მათი შეზავებით კი, მრავალფეროვანი შეფერილობების მიღებაა შესაძლებელი. ფერების არჩევის პროცესს მომხმარებელი სმარტფონის მეშვეობით გააკონტროლებს.
მაშველებმა ინდონეზიაში, იავის ზღვაში ჩავარდნილი სამგზავრო თვითმფრინავიდან შავი ყუთი ამოიღეს. ბოინგი, რომლის ბორტზე 62 ადამიანი იმყოფებოდა 9 იანვარს ჯაკარტის ჩრდილოეთით ზღვაში ჩავარდა.
აშშ-ს სამართალდამცავი ორგანოები აძლიერებენ უსაფრთხოების ზომებს არჩეული პრეზიდენტ ჯო ბაიდენის ინაუგურაციისთვის,რომელიც 20 იანვარს გაიმართება. ინაუგურაციის ცერემონიის დასაცავად დედაქალაქში შაბათისთვის უსაფრთხოების, ლოგისტიკისა და კომუნიკაციების უზრუნველსაყოფად დაახლოებით 10,000 ჯარისკაცს ჩამოიყვანს.
რეზო გაბრიაძის ანიმაციური ფილმი „რეზო“ NETFLIX-ზე გამოქვეყნდა 2018 წელს გადაღებული დოკუმენტური სურათი რეჟისორის ცხოვრების შესახებ მოგვითხრობს
დემოკრატებს, ბოლო დღეების განმავლობაში მეორე მცდელობა აქვთ პრეზიდენტ ტრამპს, თანამდებობა ვადის ამოწურვამდე დაატოვებინონ. ჯგუფში, რომელიც იმპიჩმენტის პროცესის დასაწყებად მუშაობს 185 თანაავტორია. რესპუბლიკელი სენტორების უმრავლესობამ ტრამპის მისამართით მკვეთრი კრიტია გამოთქვა, თუმცა მკაფიოდ არ გამოუხატავს, დაუჭერს თუ არა ტრამპის გადაყენებას მხარს. აშშ-ის წარმომადგენელთა პალატის სპიკერმა ნენსი პელოსიმ დემოკრატ კოლეგებს წერილი გაუგზავნა, სადაც აღნიშნულია, რომ ტრამპმა პასუხი უნდა აგოს, თუმცა მისცემს თუ არა პელოსი ხმას იმპიჩმენტს გაუგებარია
ტოკიოს „რიოგოკუ კოკუგიკანში“ 2021 წლის პირველი ბაშო დაიწყო. ქართველმა სეკიტორმა ტოჩინოშინმა უმაღლეს მაკუუჩი დივიზიონში, თხუთმეტდღიანი სუპერტურნირი გამარჯვებით გახსნა. პირველ ტურში დასავლეთის სპორტსმენი მეოთხე მაეგაშირას - ტამავაშის დაეჭიდა და დოჰიოდან გაიყვანა.
ხელისუფლების მშვიდობიანი გადაბარების დაპირებიდან რამდენიმე საათის შემდეგ, აშშ-ს პრეზიდენტმა დონალდ ტრამპმა განაცხადა, რომ 20 იანვარს არ დაესწრება არჩეული დემოკრატი ჯო ბაიდენის ინაუგურაციას. „ფრანს 24“-ი წყაროზე დაყრდნობით წერს, რომ ტრამპი 19 იანვარს ვაშინგტონის დატოვებასა და სავარაუდოდ ფლორიდაში გამგზავრებას აპირებს
ჯანდაცვის მინისტრის ეკატერინე ტიკარაძის თქმით, კორონავირუსის ვაქცინას საქართველოში თებერვალში ელოდებიან და ის მოწყვლად ჯგუფებზე გადანაწილდება. საქართველო ვაქცინას ჯანდაცვის მსოფლიო ორგანიზაციის პლატფორმა „კოვაქსისგან” მიიღებს, რომელსაც ჯერ არ აქვს შეძენილი, ამიტომ უცნობია, თებერვალში რომელი კომპანიის წარმოებული ვაქცინა შემოვა
საქართველოს ფინანსთა მინისტრის, ივანე მაჭავარიანის განცხადებით 2020 წლის პირველი დეკემბრიდან მომდევნო ექვსი თვის განმავლობაში გაგრძელდება, საშემოსავლო გადასახადში დაწესებული შეღავათი, ასევე გაგრძელდება ქონების იჯარის ლიზინგის მომსახურების დღგ-ით დაბეგვრა ე.წ საკასო მეთოდით-ორგანიზაციები ფიზიკურად გადახდილი თანხის მიხედვით დაიბეგრებიან. დახმარება შეეხება ტურისტულ სექტორიში ქონების გადასახადსაც.
პრემიერმინისტრ გიორგი გახარიას განცხადებით, ახალი წლიდან მთავრობა იწყებს მიზნობრივი სოციალური დახმარების გაცემას, რომლის მიხედვითაც: სახელმწიფო 6 თვის განმავლობაში 200 ლარით დაეხმარება მათ, ვინც სამსახური დაკარგა 2020 წლის დეკემბრიდან. ასევე,სოციალურად დაუცველი მოქალაქეები (65 000-დან 100 000 ქულამდე) 6 თვის განმავლობაში მიიღებენ 100 ლარიან დახმარებას. 100 ლარიან დახმარებას მიიღებენ ასევე ის სოციალურად დაუცველები, რომელებსაც ოჯახში ჰყავთ სამი ან მეტი შვილი 16 წლამდე,. 100 ლარიან დახმარებას მიიღებენ 18 წლამდე შშმ და მკვეთრად გამოხატული შშმ პირები სოციალური მხარდაჭერის პორტფელის ბიუჯეტი დაახლოებით 610 მილიონი ლარია.
8 იანვრის ღამეს უკრაინაში ძალაში შევიდა მკაცრი შეზღუდვები, რომლებიც მიზნად ისახავს ახალი კორონავირუსის ინფექციის გავრცელების შემცირებას. ქვეყანაში 24 იანვრამდე საზოგადოებრივი კვების ობიექტების, სავაჭრო და გასართობი ცენტრების მუშაობა აიკრძალა. ამასთან შეჩერებულია მასობრივი ღონისძიებების ჩატარება და არასასურსათო ბაზრების მუშაობა
საფრანგეთის ეროვნულმა ბიბლიოთეკამ პოპულარულ ლიტერატურულ ჟანრს - ფენტეზის - გამოფენა მიუძღვნა, რომელიც ბიბლიოთეკის ონლაინ პლატფორმაზე 15 მარტის ჩათვლით იქნება გახსნილი. ჟანრს მიეძღვნა სპეციალური ვიდეო თამაში, ამასთან ხელმისაწვდომი იქნება დოკუმენტური ფილმები და გაიმართება რამდენიმე კონფერენციაც. მოეწყობა ფანტასტიკის ჟანრის კლასიკად ქცეული ფილმების ჩვენება 1930 წლებიდან და დღემდე. მათშორისაა ფრანკენშტეინი, ლაბირინთი, ჯადოქრები ოზის ქვეყნიდან და ალისა საოცრებათა ქვეყანაში
რაგბის კავშირის ახლადარჩეულ პრეზიდენტს, ირაკლი აბუსერიძეს საჯარო რეესტრში რეგისტრაცია შეუჩერეს, რის გამოც, არჩევნების ჩატარება, შესაძლოა, ხელახლა გახდეს საჭირო. აბუსერიძე ერთი კვირის წინ 30 დეკემბერს იქნა არჩეული, მაგრამ პროცესს არალეგიტიმურად თვლიდა პრეზიდენტობის ერთ-ერთი კანდიტატი ბაჩო ხურციძე, რომელმაც საჯარო რეესტრს მიმართა რათა არჩევნები არ დაკანონებულიყო.
იაპონიის მთავრობამ ტოკიოში და სამ მიმდებარე რაიონში ერთთვიანი საგანგებო ვითარება გამოაცხადა, კორონავირუსის გავრცელების შესაჩერებლად. მთავრობამ ბიზნესს მოუწოდეს, გააძლიერონ დისტანციურად მუშაობა. ტოკიოში ზამთრის ოლიმპიური თამაშების მასპინძლობისთვის ემზადებიან.
ჯანდაცვის მსოფლიო ორგანიზაციის ცნობით, კოვიდ-19-ის ახალი შტამი ევროპის 22 ქვეყანაში დაფიქსირდა. ჰანს კლუგეს განცხადებით ახალი შტამი სწრაფად ვრცელდება, თუმცა დაავადების მიმდინარეობა არ დამძიმებულა. მისივე განცხადებით, ახალი შტამი ყველა ასაკობრივ ჯგუფში დაფიქსირდა და ბავშვები განსაკუთრებულ რისკ ჯგუფს არ წარმოადგენენ.
Sony ეცდება Crystal LED ეკრანებით ფილმებისთვის ვირტუალური ფონი შექმნას. Sony-იმ წარმოადგინა ეკრანების ორი ვარიანტი, C და B სერიები. B სერია შეიქმნა Sony Pictures–ისთვის, სპეციალურად სტუდიის ფონზე გამოსაყენებლად, ანარეკლების ჩვენების გარეშე, ხოლო C- სერია ლობებსა და შოურუმებში დამონტაჟებისთვის გამოიყენება. ამ ეტაფზე მასიური ეკრანის ღირებულება უცნობია
ესპანეთის საკალათბურთო ჩემპიონატის ოფიციალურმა ვებსაიტმა 2020 წლის სტატისტიკა შეაჯამა და ლიგაში მოთამაშეთა შორის, საუკეთესოდ გიორგი შერმადინი დაასახელა. 2020 წლის მეფე,ასე მოიხსენია ABC.COM-მა კლუბ იბეროსტარ ტენერიფეს ქართველი ცენტრი
2021 წლის სეზონი ქართველმა ჩოგბურთელმა ნიკოლოზ ბასილაშვილმა ანტალიის ტურნირით დაიწყო. ნიკოლოზ ბასილაშვილის მეტოქე იტალიელი ანდრეა არნაბოლდი სამ სეტში დაამარცხა. ქართველი ჩოგბურთელი მეორე წრეში თურქ ალთუგ ჩელიქბილექსა და პოლონელ კაცპერ ჟუკს შორის მოგებულს შეხვდება
2020 წელს ნორვეგიაში რეალიზებული ავტომობილების 54% ელექტრომობილებზე მოდის. ქვეყანაში გაყიდვების ლიდერის პოზიცია დაკარგა Tesla-მ და ამჟამად ამ ადგილს Volkswagen-ის წარმოებული ელექტრომობილები იკავებენ. საგადასახადო შეღავათების მეშვეობით ქვეყნის მთავრობა 2025 წლისთვის გეგმავს, რომ გაყიდვებში შიგა წვის ძრავზე მომუშავე ავტომობილები სრულად ელექტრომობილებით ჩაანაცვლოს. ნორვეგიაში უკვე 10,000 საჯარო დატენვის პუნქტი მოქმედებს.
კომპანია NOKA 2021 წლიდან საქართველოში მომხმარებელს მოლარეებისა და რიგებისგან თავისუფალ მაღაზიებ შესთავაზებს..ტექნოლოგია, რომლითაც NOKA-ს სისტემა ფუნქციონირებს, არ იყენებს ვიდეო კამერებს, ის სხვადასხვა სახის სენსორების მეშვეობით მუშაობს. ანგარიშსწორება კი ბარათის ან Apple Pay-ს გამოყენებით იქნება შესაძლებელი.