საქართველოს ფეხბურთის ფედერაციის პრეზიდენტი ლევან კობიაშვილი აცხადებს, რომ 2021 წლის ბიუჯეტიდან ფედერაციისთვის გამოყოფილია 6 მილიონ ლარზე მეტი, რის მიღებაზეც ფედერაცია უარს ამბობს და თანხის შემცირებას კერძო სპონსორებისგან მოზიდული სახსრებით დააბალანსებს.
ნორვეგიის ისტორიაში პირველად მღვდელმსახურები გაიფიცნენ. გაფიცვის მიზეზი საეკლესიო საბჭოსა და ლუთერანულ ეკლესიას შორის სახელფასო დანამატების შესახებ დავაა. საეკლესიო საბჭომ ახალი მღვდელმსახურებისთვის დანამატის გადახდაზე უარი განაცხადა. გადაწყვეტილებას არ ეთანხმებიან კლესიის მსახურთა პროფკავშირები. შედეგად ნორვეგიაში შობის დღესასწაულზე მღვდელმსახურების დეფიციტი შეინიშნებოდა.
ჯანდაცვის მინისტრის მოადგილის თამარ გაბუნიას განცხადებით, შეზღუდვების მოხსნა დამოკიდებული იქნება მომდევნო ორი კვირის განმავლობაში არსებულ ეპიდსიტუაციაზე. მისი განმარტებით, შეზღუდვების საფუძველზე შემთხვევების რაოდენობა განახევრდა, თუმცა ვირუსის გავრცელების მაჩვენებელი მაინც მაღალია. გაბუნიას თქმით, არსებობს მოლოდინი, რომ საახალწლო დღეებში შეზღუდვების შემსუბუქება გაზარდის ინფიცირებულთა მაჩვენებელს. შესაბამისი დასკვნა 15 იანვრისთვის გაკეთდება.
შობის დღესასწაულთან დაკავშირებით, დღეს, 21:00 საათიდან 05:00 საათამდე გადაადგილების შეზღუდვა როგორც ქვეითად, ისე ავტომობილით ერთი დღით მოიხსნება.
„ბარსელონას“ პრეზიდენტობის კანდიდატი, აგუსტი ბენედიტო აცხადებს, რომ მას იმედი აქვს რომ არგენტინელი ლიონელ მესი გუნდთან ახალ კონტრაქტს გააფორმებს, თუმცა ამ საკითხის მიმართ ოპტიმისტურად განწყობილი არაა და მიაჩნია რომ ფეხბურთელმა კლუბის დატოვებასთან დაკავშირებული გადაწყვეტილება უკვე მიიღო.
ქვეყნის მინისტრთა კაბინეტის გადაწყვეტილებით, იტალია შეზღუდვების ძველ, მესამე დონეს უბრუნდება და დასვენების დღეებში საყოველთაო კარანტინი დღესასწაულების შემდეგ შენარჩუნდება. ქვეყნის მასშტაბით ყველა ბარი და რესტორანი კვირის ბოლომდე, დასვენების დღეებშიც დახურული დარჩება. ქალაქებს შორის გადაადგილება კი, მინიმუმამდე შემცირდება.
საგანგებო სიტუაციების მართვის სამსახურიავრცელებს განცხადებას ავრცელებს, სადაც ნათქვამია, რომ 105 აქტიური კერიდან, 100-ის სრულად ლიკვიდაცია უკვე მოხერხდა, ხოლო 5 კერაზე აქტიურად გაგრძელდა სალოკალიზაიო სამუშაოები.
საქართველოს საპატრიარქოს ინფორმაციით, პანდემიის გამო, 7 იანვარს ტრადიციული საზეიმო ალილოს მსვლელობა არ მოეწყობა,მაგრამ სამღვდელოება მოსახლეობას და ბავშვებს მანქანებიდან კმევით, გალობით და ნაკურთხი წყლის სხურებით მიულოცავს შობას. მათივე ცნობით, ხვალ საშობაო მსახურებას საქართველოს კათოლიკოს პატრიარქი ილია II აღასრულებს.
ჟურნალმა Forbes-მა 2020 წლის 100 ყველაზე გავლენიანი ქალი დაასახელა. უკვე მეათე წელია რეიტინგში პირველი ადგილს გერმანიის კანცლერი ანგელა მერკელი იკავებს. როგორც გამოცემა უწოდებს, მერკელი ევროპის დე ფაქტო ლიდერია. ეიტინგში მეორე ადგილზეა ევროპის ცენტრალური ბანკის თავმჯდომარე კრისტინ ლაგარდი. მესამეზე კი, აშშ-ის არჩეული ვიცე პრეზიდენტი კამალა ჰარისი აღმოჩნდა. ის ამ რეიტინგში პირველად მოხვდა. რეიტინგში 17 ახალი მონაწილეა, რაც ფორბსის განმარტებით, „იმის ილუსტრაციაა, რომ ქალები საზოგადოების ცხოვრების ყველა სფეროს ხელმძღვანელობენ“.
„გარდიანმა“ საქართველო 2021 წლის საუკეთესო სამოგზაურო მიმართულებებს შორის დაასახელა. 2021 წელს მოგზაურობისთვის საუკეეთესო ადგილების ჩამონათალში ყაზბეგის მუნიციპალიტეტი მოხვდა. ასევე დასახელდა ყირგიზეთის დედაქალაქი ბიშკეკი, შოტლანდიის დასავლეთ სანაპირო, გლაზგო, ბრიტანეთის კუნძული ლანდი ბრისტოლის ყურეში, ბრიტანეთის ქალაქი იორკი, უკრაინა და სხვები
დაავადებათა კონტროლის ეროვნული ცენტრის ინფორმაციით, საქართველოში კორონავირუსის ახალი შტამის პირველი შემთხვევა დაფიქსირდა. პაციენტი 50 წელს გადაცილებული კაცია, რომელიც საქართველოში სხვა ქვეყნიდან შემოვიდა, თუმცა ბრიტანეთში მოგზაურობის ისტორია არ აქვს. მისი მდგომარეობა დამაკმაყოფილებელია. ინფიცირებული პირის ყველა კონტაქტი მოძიებულია და ისინი თვითიზოლაციაში იმყოფებიან. კორონავირუსის ახალი სახეობა, მსოფლიოს სულ მცირე 37 ქვეყანაშია დადასტურებული
The Athletics-ის ინფორმაციით,ჩელსის მენეჯმენტი განიხილავს ფრენკ ლამპარდის მთავარი მწვრთნელის პოსტზე დარჩენისა და მისი შესაძლო შემცვლის საკითხს. რადგანაც, ლამპარდის გუნდი ბოლო თამაშებში ცუდად გამოიყურება - ბოლო 6 მატჩიდან 4-ში დამარცხდა.
საქსტატის მონაცემებით, ბოლო ერთი წლის განმავლობაში ზეთი 27%-ით, რძის ნაწარმი 11%-ით, პური და პურპროდუქტები 7%-ით, თევზეული კი 8.8%-ით გაძვირდა. საქსტატის მიხედვით, 2020 წლის დეკემბერში წლიური ინფლაციის დონემ 2.4 % შეადგინა
კანონპროექტზე მუშაობა დღეიდან განახლდება
სავაჭრო ცენტრები თბილისში 1 და 2 იანვარსაც იმუშავებენ, შემდეგ კი ფუნქციონირებას დროებით ისევ შეაჩერებენ. • „თბილისი მოლის“ ცნობით, სავაჭრო ცენტრი ღია იქნება 12:00-დან 19:00 საათამდე; • „სითი მოლი“ 1-2 იანვარს 11:00-დან 19:00 საათამდე იმუშავებს; • „გალერია თბილისი“ - 09:30-დან 19:00 საათამდე იმუშავებს • „ისთ ფოინტში“ 1 იანვარს მაღაზიები ღია იქნება 13:00-დან 19:00 საათამდე, ხოლო 2 იანვარს - 08:00-დან 19:00 საათამდე.
კომუნიკაციების კომისიის გადაწყვეტილებით, მოსწავლეებისა და მასწავლებლებისთვის, 2020 - 2021 სასწავლო წლებში, ინტერნეტი დაბალი ტარიფით იქნება ხელმისაწვდომი. კომისიამ გადაწყვეტილება "მაგთის", "ჯეოსელისა" ("სილქნეტი") და "ბილაინის" ("ვიონი საქართველო") წერილების საფუძველზე მიიღეს
კომუნიკაციების კომისიამ ტელეკომპანია "ფორმულა" სერიალ "ჩემი ცოლის დაქალებში" გამოყენებული "ბილწსიტყვაობისა" და "შეურაცხმყოფელი" ტერმინოლოგიის გამო დააჯარიმა. კომისიის თავმჯდომარის, კახა ბექაურის განცზადებით, რომ რადგან პირველი შემთხვევაა, პატარა ჯარიმას გამოიყენებენ, თუმცა თანხა არ დაუკონკრეტებია. კომისიის წარმომადგენელმა განმარტა, რომ სერიალი გადიოდა დღის საათებში, რა დროსაც მსგავსი ტერმინოლოგიის გამოყენება აკრძალულია საქართველოს კანონმდებლობით
ამერიკული კომპანიის Boston Dynamics-ის რობოტებმა სპეციალურად ახალი წლისთვის 1960-იანი წლების ჰიტზე „Do You Love Me“ ერთად იცეკვეს. თავიდან ცეკვას იწყებს ორი ადამიანისმაგვარი რობოტი Atlas, შემდეგ მათ უერთდება რობოტი-ძაღლი Spot-ი, და სულ ბოლოს რობოტი ბორბლებზე - Handle. „Do You Love Me“ ჯგუფ The Contours-ის 1962 წლის კომპოზიციაა
რაგბის კავშირის პრეზიდენტად საქართველოს ნაკრების ყოფილი მორაგბე ირაკლი აბუსერიძე აირჩიეს.
საქართველოს აეროპორტების გაერთიანების ინფორმაციით, 2021 წლის პირველი იანვრიდან, შენგენის რეგულაციით გათვალისწინებული დოკუმენტაცია დამატებით საქართველოს სასაზღვრო გამტარ პუნქტზეც შემოწმდება.
საუკეთესო ფეხბურთელის ჯილდო კი ხვიჩა კვარაცხელიამ დაიმსახურა
ბიტკოინის ფასმა რეკორდულ 27 ათას დოლარს მიაღწია. ბიტკოინის კაპიტალიზაციამ პირველად ისტორიაში გაუსწრო Visa-ს საგადასახადო სისტემის კაპიტალიზაციას.
ფინეთში ბრიტანეთში გამოვლენილი კორონავირუსის ახალი ვარიანტის ორი შემთხვევა დაფიქსირდა. ფინეთმა ბრიტანეთიდან ჩამოსული მგზავრებისთვის შეზღუდვები დეკემბრის დასაწყისში გაამკაცრა. კორონავირუსის ახალი შტამი დღეს სამხრეთ კორეაშიც გამოვლინდა.
ევროპის 8 ქვეყანაში Pfizer/BioNTech-ის მიერ წარმოებული ვაქცინის მიწოდება შეყოვნდა. მიზეზი შენახვის ტემპერატურასთან დაკავშირებული ლოჯისტიკური პრობლემა გახდა, რადგან ვაქცინა -70 გრადუს ცელსიუსზე ინახება
2020 წლის 31 დეკემბრის შემდეგ, Adobe ოფიციალურად შეწყვეტს Flash-ის მხარდაჭერას. მიუხედავად იმისა, რომ 2021 წლის 12 იანვარს Flash-ის კიდევ ერთი განახლება იგეგმება. Adobe Flash player-ის ინფორმაციით, ყველა Flash Plugin აღარ იქნება ხანგრძლივი დროით ხელმისაწვდომი. Microsoft–მა უკვე დაგეგმა უფრო მკაცრი ღონისძიება, რომლის მიხედვითაც ავტომატურად წაიშლება Flash ყველა კომპიუტერიდან.