სტარვიზია

„მთავრობა და ბატონი ბიძინა ივანიშვილიც ძალიან დიდი ხანია ჩვენზე ამბობს, რომ ჩვენ ვართ „ნაციონალური მოძრაობის“ სატელიტები, რომ ჩვენ შეკრულები ვართ მათთან და ა.შ. მსგავსი ჩანაწერების გამოწვეყნებით, ისინი ცდილობენ მიგვატმასნონ ნაციონალურ მოძრაობას. ნეიტრალურ ამომრჩეველს, რომელიც რეალურად ეძებს ახალ ძალას, მობეზრდა „ქართული ოცნების“ დროს ქვეყნის სტაგნაციაში ყოფნა და ასევე მობეზრდა „ნაციონალური მოძრაობა“ იმიტომ, რომ დაინახა, მათთვის ადამიანის უფლებები არ არის პრიორიტეტული. შესაბამისად, ამომრჩეველი ეძებს ახალ ძალას. ამის ფონზე „ქართული ოცნებაც“ და „ნაციონალური მოძრაობაც“ ცდილობენ წარმოაჩინონ, თითქოს მხოლოდ ის ორი არის არჩევანი.“ - განაცხადა „ბურჭულაძე - სახელმწიფო ხალხისთვის“ პარტიის წევრმა, გიორგი პაპავამ „სტარვზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი პაპავა პასუხობს.

“მე დავტოვე პარტია იმ მიზეზით, რომ ეს პარტია აღარ ეკუთვნის პაატა ბურჭულაძეს. იგი ვერ აკონტროლებს ამ პარტიას, ეს პარტია აღარ გვეკუთვნის ჩვენ - მის დამფუძნებლებს და რაც მთავარია, პარტია აღარ ემსახურება იმ იდეას, რაც თავიდან იყო ჩაფიქრებული. პარტია დაფუძნდა იმისთვის, რომ ახალი თაობა, ახალი სახეები მოგვეყვანა პოლიტიკაში, იმისთვის, რომ ქვეყანაში სერიოზული ცვლილებები გამოგვეწვია. პარტიის დღევანდელი მდგომარეობით, როგორც იმართება, ის აღარც პაატა ბურჭულაძეს ეკუთვნის, აღარც ჩვენ და აღარც იმ იდეებს ემსახურება, რომლისთვისაც დაფუძნდა. შესაბამისად, ჩემს პარტიაში ყოფნას ნამდვილად აღარ ჰქონდა აზრი.“ - განაცხადა „ბურჭულაძე - სახელმწიფო ხალხისთვის“ ერთ-ერთმა ყოფილმა ლიდერმა, გიორგი რუხაძემ, „სტარვზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი რუხაძე პასუხობს.

ბიძინა ივანიშვილი ხედავს, რომ მის პოლიტიკურ გუნდს, რომელსაც ის რეალურად მხარს უჭერს, სერიოზულ დისკომფორტს სწორედ რესპუბლიკური პარტია უქმნის. რესპუბლიკური პარტიის მიერ კოალიციის დატოვების შემდეგ უკვე აშკარა და ცხადი ხდება, რომ ის იდეალები, რომლისთვისაც შეიქმნა კოალიცია, აღარ არსებობს დღეს. 2012 წელს მოსული კოალიცია ყველაზე მთავარს ჰპირდებოდა საქართველოს მოსახლეობას - ეს იყო მრავალფეროვნება პოლიტიკურ სპექტრში, მრავალპარტიული არჩევნები, საპარლამენტო რესპუბლიკა - ყველა ეს იდეა აღმოჩნდა ყალბი დანაპირები...დღეს მთელი „ქართული ოცნება“ მოქალაქეებს ეუბნება, რომ 100 ადამიანით შევლენ პარლამენტში. ეს უკვე აღარ არის მრავალფეროვნება.“ განაცხადა „რესპუბლიკური პარტიის“ წევრმა, თამარ კორძაიამ, „სტარვზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს თამარ კორძაია პასუხობს.

„ რესპუბლიკელები და ქართული ოცნება - ეს არის ის კლასიკური შემთხვევა, როდესაც ორივე მხარე ლაპარაკობს ცივილიზებულ გაყრაზე, ვერ ახერხებენ ამას და სკანდალით მთავრდება ყველაფერი. ...გამომდონარე იქიდან, რომ უსუფაშვილი ივანიშვილისთვის იყო ძალიან მნიშვნელოვანი ფიგურა, ის უქმნიდა გარკვეულ კომფორტს ივანიშვილს და ის ძალიან მოაკლდა. ამიტომ, მისი აგრესია ვფიქრობ, ნოსტალგიით არის გამოწვეული“ - განაცხადა პოლიტოლოგმა გია ხუხაშვილმა „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს გია ხუხაშვილი პასუხობს.

სახელმწიფოსა და ბიზნესს შორის თანამშრომლობის სრულიად ახლებური მოდელი, რომელიც დაზოგავს დროს და ფინანსურ რესურსებს და მნიშვნელოვნად შეამცირებს კორუფციის რისკებს. ასე შეაფასა საქართველოს პრემიერ-მინისტრმა გიორგი კვირიკაშვილმა მთავრობის ახალი პროექტი „ბიზნესის სახლი“, რომლის პრეზენტაცია და კაფსულის ჩადების ცერემონია ორთაჭალაში გაიმართა. უყურეთ „სტარვიზიის“ ეთერში და უსმინეთ რადიო „სტარეფემზე“, მთავრობის ახალ ინიციატივას„ ბიზნესის სახლის“ შესახებ პრემიერი, ვიცე-პრემიერი და ბიზნესმენები აფასებენ.

"სტოლტენბერგის ვიზიტი განსაკუთრებით მნიშვნელოვანია საქარტველოსთვის ვარშავის სამიტის შემდეგ. ვარშავის სამიტზე ჩვენ მივიღეთ სერიოზული მხარდაჭერა რანდენიმე მიმართულებით, ეს იქნება ორმხრივი თანამშრომლობა ნატოსთან, თანამშრომლობა თავდაცვის სფეროში, საქართველოს ტერიტორიული მთლიანობის მხარდაჭერა და ასევე მოწოდება რუსეთისადმი, რომ უკან წაიღღოს აღიარება აფხაზეთისა და სმხრეთ ოსეთის. ამჯერად უკვე, ვარშავაში გაჟღერებული გზავნილები თბილისში ჩამოიტანა ნატოს გენერალურმა მდივანმა ტოლტენბერგმა."- განაცხადა საქართველოს ყოფილმა ელჩმა საფრანგეთში, „პოლიტიკური ცენტი გირჩის“წევრმა მამუკა კუდავამ „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს მამუკა კუდავა პასუხობს.

„კავკასია 2016“ - რუსული არმიის გეგმიური სამხედრო წვრთნები თუ ძალების მორიგი დემონსტრირება? ვითარება ოკუპირებულ ტერიტორიებზე. პრორუსული პროპაგანდა წინასაარჩევნოდ. ექსკლუზიური ინტერვიუ ყოფილ სამხელმწიფო მინისტრთან შერიგებისა და სამოქალაქო თანასწორობის საკითხებში პაატა ზაქარეიშვილთან. სტუმარს პირდაპირ ეთერში ესაუბრა მედიაჯგუფ „სტარვიზიის“ გენერალური პროდიუსერი, ეგორ კუროპტევი.

„როდესაც ჩვენ მივუერთდით კოალიციას 2012 წელს, ჩვენ ვქონდა „ქართულ ოცნებასთან“ შეთავაზება, რაც შეეხებოდა ახალ გეოპოლიტიკურ რეალობაში ქვეყნის ადგილის ძიებას, მის მნიშვნელობას, მის ფუნქციას, მის სამეზობლო პოლიტიკას. საქართველომ თავის სტრატეგიულ პარტნიორებთან და ქვეყნის კურსთან დაკავშირებით თავისი დასავლური არჩევანი გააკეთა ისტორიულად და ამაში სადაო არაფერი არის. მაგრამ საქართველო მხოლოდ კორიდორი არ არის, ის უნდა იყოს თანამონაწილე იმ პროცესების, რომელიც ახალ პოლიტიკურ რეალობაში იქმნება. სამწუხაროდ ეს მიდგომა კოალიციურმა ერთობამ არ მიიღო, არ ჩათვალა პრიორიტეტად და , ვფიქორბ ეს ითვლება მის ერთ-ერთ უდიდეს სისუსტედ.“ განაცხადა „ ეროვნული ფორუმის „ წევრმა, დეპუტატმა გიორგი ხეჩინაშვილმა „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს დეპუტატი გიორგი ხეჩინაშვილი პასუხობს.

„ეს არის საინფორმაციო ომი საქართველოს წინააღმდეგ, რომლის ერთ-ერთი მეთოდია პროპაგანდა, რბილი ძალა, სოციალური ქსელების გამოყენება და მისი მიზანია, რომ შეფერხდეს ჩვენი ქვეყნის განვითარება, ჩენი ქვეყნის ევროატლანტიკური არჩევანი. ხელისუფლებამ უნდა შეიმუშავოს პოლიტიკა, რომლის საშუალებითაც წინ აღუდგება იმ გზავნილებს, რომლებიც მოდის კრემლიდან. ეს აუცილებელია იმისთვის, რომ ჩვენ არ მივცეთ საშუალება დეზინფორმატორებს, მითებისა და ტყუილების გამავრცელებლებს, მანიპულირება მოახდინონ ჩენი საზოგადოების წარმოდგენებითა და განწყობებით.“ - განაცხადა IDFI-ის გამგეობის თამვჯდომარემ ლევან ავალიშვილმა „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს ლევან ავალიშვილი პასუხობს.

"მე ვისურვებდი, რომ თავითონ პარტიას, „დემოკრატიულ მოძრაობას“ არ უმტყუნოს ნერვებმა და ისე მოვიდნენ არჩევნებამდე. რაც შეეხება ჩვენს ფრაქციას, ჩვენ როგორც ვიყავით წარმოდგენილი საკრებულოში ისევე ვრჩებით. ფრაქცია შეიცვლის სახელს და ისე გააგრძლებეს მუშაობას. ჩვენი ხედვები დედაქალაქში პრობლემებთან და მათ მოგვარებასთან დაკავშირებით უცვლელი რჩება. განაცხადა თბილისის საკრებულოს დეპუტატმა, ნინო ბურჯანაძის ყოფილმა თანაგუნდელმა ზაზა ვეკუამ „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს ზაზა ვეკუა პასუხობს.

„დადგენილება, რომელიც მიიღო ცესკომ, მას შეიძლება ჰქონოდა ისეთი შინაარსი, რომ ის სრულ თანხვედრაში ყოფილიყო საარჩევნო კოდექსთან, თუმცა ამ შეთხვევაში ეს ასე არ მოხდა. დადგენილებაში წერია, რომ პოლიტიკურ ძალებს 8 სექტემბრამდე მათთვის მინიჭებული ნომრების გამოყენების უფლება არა აქვთ, მაგრამ, რომ გამოიყენონ ეს ნომრები, რა მოხდება ასეთ შემთხვევაში, ან როგორ მოხდება მათი დასჯა, ეს დადგენილებაში მითითებული არაა. ამიტომ, ეს ჩანაწერი ბუნდოვანია“ - განაცხადა „საერთაშორისო გამჭვირვალობა- საქართველოს“ იურისტმა გიგი ჩიხლაძემ „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს გიგი ჩიხლაძე პასუხობს.

„რამდენიმე დღეში იწურება ვადა ბლოკების ჩამოყალიბების, 8 სექტემბრამდე არის ბოლო ვადა სიების წერდგენის, კანდიოდატების დასახელების. 8 სექტემბრის შემდეგ გვეცოდინება პოკლიტიკური სუბიექტების საბოლოო შემადგენლობა, ხოლო არჩევნებამდე 10 დღით ადრე გვეცოდინება მაჟორიტარი კანდიდატების საბოლოო ვინაობა და რაოდენობა“ - განაცხადა ცენტრალური საარჩევნო კომისიის თავმჯდომარის მოადგილემ გიორგი შარაბიძემ „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „სტარეფემზე“, „აქტუალური თემის“ შეკითხვებს გიორგი შარაბიძე პასუხობს.

„ქართული ოცცნების კონცეფცია არის სრულიად გაუგებარი. მათ დაიწყეს ერთით და განავიტარეს სრულიად საწინააღმდეგო პროცესი. ჩვენ გვახსოვს ის პომპეზური წარდგენა ილია ჭავჭავაძის სახლ-მუზეუმში, როდესაც ძირითადი აქცენტები გააკეთეს ახალ სახეებზე, ჰარვარდში განათლებამიღებულებზე, სუფთა ბიოგრაფიაზე, პროფესიულ წარსულზე და ა.შ. იქვე იყო ნათქვამი, რომ სპორტსმენები და მსახიობები აღარ იქნებოდნენ აღარსად და უფრო პროფესიული იქნებოდა მომავალი პარლამენტი. ამის შემდეგ დაიწყო უცნაურობები - მაჟორიტარების წარდგენა. ჯერ ვიხილეთ ე.წ. მიგრანტი დეპუტატობის კანდიდატები, რომლებიც პარტიიდან პარტიაში მიგრირებენ მუდმივად, იმის მიხედვით, ვინ არის ხელისუფლებაში. ეს ყველაფერი შეუსაბამო იყო თვითონ ქართული ოცნების განაცხადისგან. რჩება ისეთი შთაბეჭდილება, რომ მარჯვენა ხელმა არ იცის, რას აკეთებს მარცხენა. სპორტსმენები, მსახიობები და ა.ს. რა თქმა უნდა, უნდა იყვნენ რეალიზებულნი, მაგრამ თავის სფეროში. მე არ მესმის, რატომ უნდათ იმ სფეროში ყოფნა, რაც მათი არ არის.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ სტარვიზიაზე და უსმინეთ რადიო star fm-ზე, „აქტუალური თემის“ შეკითხვებს ვლადიმერ ბედუკაძე პასუხობს.

„როგორც კი ჩვენ ამ რეკლამის ეთერში განთავსებასთან დაკავშირებით მივიღეთ ინფორმაცია, გადავწყვიტეთ, რომ ამაზე აუცილებლად სამართლებრივი რეაგირება უნდა მოგვხედინა. თავისთავად, რომ პარტია „ცენტრისტები“, რომელთა არსებობაც არავინ არ იცოდა საერთოდ, ვიღაცამ და რაღაცამ გააცოცხლა. ჩვენც და მოსახლეობამაც ზუსტად იცის, რომ ისინი ამომრჩევლის ხმებს საერთოდ ვერ მიიღებენ, მაგრამ ვიღაცას დასჭირდა ის, რომ ასეთი პარტია დარეგისტრირებულიყო საარჩევნოდ და გაეჟღერებინა მსგავსი ტიპის დაპირებები. საქართველოს მოსახლეობა ვერ მიიღებს ვერცერთ შემთხვევაში, როგორი გაჭირვებაც უნდა არსებობდეს, რუსეთის ბაზებს საქართველოში...არცერთი მოქალაქე არავის არ აპატიებს იმ შეურაცხყოფას, რომ პენსიის საფასურად გაყიდოს ის სამშობლო, რომლისთვისაც სისხლი დაღვარა. არა მხოლოდ რეგისტრაციის გაუქმება, მნიშვნელოვანია, რომ ასეთი პარტია საერთოდ აიკრძალოს, რათა ხვალ და ზეგ კიდევ ვინმემ არ გაბედოს მსგავსი რამ.“ - განაცხადა „რესპუბლიკური პარტიის“ წევრმა თამარ კორძაიამ „სტარვიზიის“ ეთერში. უყურეთ სტარვიზიაზე და უსმინეთ რადიო star fm-ზე, „აქტუალური თემის“ შეკითხვებს თამარ კორძაია პასუხობს.

ეს არჩევნები არის ძალიან მნიშვნელოვანი. შესაბამისად, მასზე არის დამოკიდებული საქართველოს მოსახლეობის ბედი. უნდა დასრულდეს ის სოციალური კრიზისი და გაჭირვება, რომელშიც გვიწევს ცხოვრება. ამ არჩევნებზე მნიშვნელოვანი იქნება კოალიციური და ბლოკის სახით მონაწილეობა. აქ საუბარი არ არის ბარიერის გადალახვაზე. აქ საუბარია იმაზე, რომ ამ გაერთიანებას პრეტენზია აქვს ქვეყნის მართვაზე...პაატა ბურჭულაძეს აქვს მაღალი ნდობა საზოგადოებაში, ისეთი საქმეები აქვს გაკეთებული, რომლებიც დადებიტადაა შეფასებული ხალხის მხრიდან. ასევე მის პარტიაში არიან მოტივირებული ახალგაზრდები, რომლებსაც მართლაც სურთ, რომ ქვეყანა წინ წაიყვანონ, ისევე, როგორც „ახალ საქართველოში“, ისევე, როგორც „გირჩში“ და ისევე, როგორც „ახალ მემარჯვენეებში“. ამ პარტიებში არიან ადამიანები, რომლებიც ერთად ბევრად მეტის შემძლენი არიან, ვიდრე ცალ-ცალკე. ამიტომ ეს ერთობა, ვფიქრობ, რომ ძალიან მნიშვნელოვანი იქნება და არჩევნებზე ისეთი სერიოზული შედეგი გვექნება, რომელიც შესაძლოა, ვერც კი წარმოიდგინონ ჩვენმა კონკურენტმა პარტიებმა.“ - განაცხადა სამოქალაქო პლატფორმა „ახალი საქართველოს“ წევრმა, თეონა ჭალიძემ, „სტარვიზიის“ ეთერში. უყურეთ სტარვიზიაზე და უსმინეთ რადიო star fm-ზე, „აქტუალური თემის“ შეკითხვებს თეონა ჭალიძე პასუხობს.

„პირველი და ყველაზე მნიშვნელოვანი არის ის, რომ ჩვენ გვაქვს საერთო ხედვა ქვეყნის დასავლურ არჩევანთან დაკავშირებით, ეკონომიკის განვითარებასთან დაკავშირებით და მტავარი პრობლემა რაც არის ქვეყანაში -უმუშევრობა, გაჭირვება - როგორ უნდა დავამარცხოთ, ამასთან დაკავშირებით გვაქვს თანხვედრა ხედვებში. რაც მთავარია, გვაქვს საერთო გზავნილი, რომ ბევრი ახალი ადამიანი სჭირდება ქართულ პოლიტიკას და ზოგადად ქვეყნის მართვას იმისთვის, რომ წარმატებას მივაღწიოთ... დღესდღეობით, „ქართული ოცნება“ და „ნაციონალური მოძრაობა“ ცდილობენ, რომ ერთმანეთთან კინკლაობით პოლიტიკურ ველზე არ შემოუშვან სხვა პოლიტიკური ძალები. ჩვენ კი გვინდა, რომ სრულიად ახალი არჩევანი შევთავაზოთ მოქალაქეებს და ამიტომაც ჰქვია ჩვენს ბლოკს „ახალი არჩევანი“. სიახლე სჭირდება დღეს ჩვენს ქვეყანას ისე, როგორც არასდროს.“ - განაცხადა „სამოქალაქო პლატფორმა - ახალი საქართველოს“ ერთერთმა ლიდერმა, გიორგი ვაშაძემ, „სტარვიზიის“ ეთერში. უყურეთ სტარვიზიაზე და უსმინეთ რადიო star fm-ზე, „აქტუალური თემის“ შეკითხვებს გიორგი ვაშაძე პასუხობს.

„იმაზე ყვირილი, რომ თუ კონსტიტუციაში არ ჩაიწერება ეს ცვლილება, ე.ი. რაღაც საშინელება მოხდება ქვეყანაში და ჩვენ ლამის ტოტალურად გავხდებით ერთსქესიანთა ქორწინების მოწმეები - ეს პირველ რიგში, შეურაცხმყოფელია ხალხისთვის. ეს ნიშნავს, რომ შენ გაქვს კომპლექსი, რომ შენთვითონ შეიძლება ორიენტაცია შეიცვალო. სხვანაირად არ მესმის. შენ თუ დარწმუნებული ხარ საკუთარ სიჯანსაღესა და ტრადიციების სიმყარეში, მაშინ რატომ გჭირდება ამის კონსტიტუციით გამაგრება. ე.ი. საკუთარ თავში გეპარება ეჭვი და ამიტომ გინდა, რომ საკუთარი თავი შეზღუდო. შესაბამისად, ამ საკითხის ინიციატორები ჩემთვის არა ტრადიციების დამცველები, არამედ არიან ღრმად დაკომპლექსებული ადამიანები, რომლებსაც თავიანთ ორიენტაციაში ეპარებათ ეჭვი პირველ რიგში“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.

„მე მინდა განვაცხადო ერთი რამ, რომ მორალურად და იურიდიულად პრეზიდენტის განცხადება იყო სრული აფსურდი. მე ძალიან მწყინს, რომ ჩვენი ქვეყნის პრეზიდენტი გახლავთ აბსოლუტური დილეტანტი სახელმწიფოებრივი საკითხების გადაწყვეტისას და აგრეთვე არის უცოდინარი იურიდიულ და სამართლებრივ საკითხებში...პრეზიდენტი ფაქტობრივად ჩადგა გარყვნილების დამცველთა რიგებში და დღეს ის გახლავთ არა საქართველოს მოსახლეობის პრეზიდენტი, არამედ გახლავთ ჰომოსექსუალთა პრეზიდენტი.“ - განაცხადა პარტიის „თამაზ მეჭიაური - ერთიანი საქართველოსთვის“ საინიციატივო ჯგუფის წევრმა, სანდრო ბრეგაძემ, „სტარვიზიის“ ეთერში. უყურეთ სტარვიზიაზე და უსმინეთ რადიო star fm-ზე, „აქტუალური თემის“ შეკითხვებს სანდრო ბრეგაძე პასუხობს.

It has been eight years since the Georgia-Russia crisis of 2008. But in the time that has passed, what has happened to the victims who lost their homes and villages in the conflict? And is the country any closer to reconciliation with the two Russian-backed breakaway regions – Abkhazia and South Ossetia? In this film, our colleagues from the NATO TV CHANNEL visit Tserovani, an Internally Displaced People (IDP) settlement near Tbilisi, to meet some of the residents who lost their homes and villages in the conflict. They also join the EU Monitoring Mission on a patrol to see what the reality is for the people who live on the Administrative Boundary Line (ABL) which separates Georgia and South Ossetia. Film is provided by the NATO Channel.

„ეს ეხება იმ ე.წ. სოციალური საცხოვრისის პროექტს, რომელსაც ახორციელებს ერთიანი ნაციონალური მოძრაობა ბათუმში. ხელშეკრულებიდან, რომელიც ფორმდება პარტიასა და ამომრჩეველს შორის, ვიგებთ, რომ ეს არის პროექტი, რომლის ფარგლებშიც „ერთიანი ნაციონალური მოძრაობა“ აპირებს, რომ სახლები აუშენოს ამ ადამიანებს. ამ ხელშეკრულებაში რეალურად მოცემულია პირობა, რომ მათი არჩევნებში გამარჯვების შემთხვევაში, 4 წლის განმავლობაში მოხდება კონკრეტული ადამიანების ბინებით უზრუნველყოფა. ჩვენ მივიჩნევთ, რომ აქ არის გარკვეული საფუძველი იმისა, რომ ამ შემთხვევით დაინტერესდნენ ცენტრალური საარჩევნო კომისია, აუდიტის სამსახური და თუ საჭირო გახდა, მთავარი პროკურატურაც. ამომრჩეველთან ურთიერთობის ეს ფორმა შეიძლება შეიცავდეს ამომრჩევლის მოსყიდვის ნიშნებს.“ - განაცხადა „საერთაშორისო გამჭვირვალობა - საქართველოს“ საარჩევნო პროგრამების ხელმძღვანელმა ლევან ნატროშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ლევან ნატროშვილი პასუხობს.

„ჯერჯერობით იმის შეფასება, რატომ მოხდა ეს ყველაფერი ან ვინ იდგა ამის უკან, ადრეა გამომდინარე იქიდან, რომ ჯერ გამოძიება არ დასრულებულა. რა თქმა უნდა, თურქეთის ხელისუფლება ადანაშაულებს კონკრეტულ ადამიანს, ფეთულა გიულენს, რომელიც აშშ-ში ცხოვრობს და აცხადებს, რომ ის და მისი მხარდამჭერები დგანან ამ წარუმატებელი გადატრიალების უკან, თუმცა უნდა დაველოდოთ მტკიცებულებებს. მიუხედავად იმისა, რომ თურქეთს აქვს სამხედრო გადატრიალებების მთელი ისტორია, 21-ე საუკუნეში ბუნებრივია დემოკრატიულ სტანდარტებს ვერ უძლებს გადატრიალების იდეა. ამდენად, ჩვენ მიგვაჩნია, რომ ძალადობრივად ხელისუფლების ცვლილება მიუღებელია. საქართველოს ინტერესებშია, რომ თურქეთში იყოს სრული დემოკრატია და მსგავსი ინციდენტები ამ ქვეყანაში აღარ იყოს. რამდენად დემოკრატიულ სტანდარტებთან მიახლოებულად ჩატარდება გამოძიება და რამდენად მოახერხებს თურქეთის დღევანდელი ხელისუფლება იმას, რომ არ გასცდეს კანონის ჩარჩოს, ამაზე იქნება დამოკიდებული დიდწილად წავა თურქეთი თვითიზოლაციისკენ, თუ წავა დემოკრატიული განვითარებისკენ “ - განაცხადა პარტია „სახელმწიფო ხალხისთვის“ ერთ-ერთმა ლიდერმა, გიორგი რუხაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი რუხაძე პასუხობს.

ბატონო ელჩო, მადლობა, რომ გამონახეთ დრო და მონაწილეობთ ჩვენს გადაცემაში. ელჩი - გამარჯობა, მადლობა მობრძანებისთვის, ყოველთვის, როდესაც თქვენ ინტერვიუს გაძლევთ, ცუდ ამბებზე გვიხდება საუბარი, თუმცა ვიმედოვნებ, რომ ერთ დღეს კარგ ამბებზეც მოგვიწევს საუბარი. ჟურნალისტი - დიახ, მეც ვიმედოვნებ, რომ კარგ თემებზეც მოგვიწევს საუბარია, თუმცა ახლა მინდა განვიხილოთ თურქეთში განვითარებული მოვლენები. თქვენ ახლახან დაბრუნდით თურქეთიდან, სადაც რამდენიმე დღის წინ სამხედრო გადატრიალების მცდელობას ჰქონდა ადგილი, რა ვითარებაა ახლა თურქეთში? ელჩი- ვითარება ამ დროისთვის საკმაოდ სტაბილურია. თქვენ იცით, რომ სამხედროთა ნაწილმა, რომლებმაც ინსტრუქციები მიიღეს ფეთჰულაჰ გულენის ტერორისტული ორგანიზაციიდან, სამხედრო გადატრიალება სცადა. მადლობა ღმერთს, რომ ეს მცდელობა წარუმატებელი აღმოჩნდა. მე თურქეთში ვიმყოფებოდი საქართველოს პრემიერ-მინისტრის გიორგი კვირიკაშვილის ვიზიტთან დაკავშირებით. გაიმართა პირველი შეხვედრა მაღალი რანგის სტატეგიული თანამშრომლობის საბჭოში. ვიზიტი ძალიან წარმატებული იყო. ყველა შეხვედრამ მაღალ დონეზე ჩაიარა. ჟურნალისტი - თურქეთის ხელისუფლება ცდილობს მკაცრად დასაჯოს გადატრიალების მცდელობის ორგანიზატორები და მათთან კავშირში მყოფი პირები. ისინი საუბრობენ სიკვდილით დასჯის აღდგენაზე. რამდენად მოდის ეს შესაბამისობაში საერთაშორისო მოთხოვნებთან დემოკრატიისა და ადამიანის უფლებები შესახებ? ელჩი - ის რაც მოხდა თურქეთში ერთი კვირის წინ, ეს წარმოუდგენელია. იმ ადამიანების დასჯა, ვინც დგას ამ გადატრიალების მცდელობის უკან არის არა მხოლოდ თურქეთის ხელისუფების სურვილი, არამედ თავად თურქი ხალხის სურვილი. სამხედრო გადატრიალების ადგილი არ არის 21-ე საუკუნის თურქეთში. ისინი, კი ვინც მსგავსი რამ გადაწყვიტეს და მისი განხორციელება დაგეგმეს აუცილებლად უნდა წარსდგნენ კანონის წინაშე და ისინი კანონის სრული სიმკაცრით უნდა დაისაჯონ. თურქეთი დემოკრატიული ქვეყანაა, ის იმართება კანონის მიხედვით და ჩვენი ხელისუფელბა პასუხისმგებლიანი ხელისუფლება და ვიცავთ საერთაშორისო ნორმებს, ასე, რომ როგორც გინდა მოხდეს ამ ადამიანების დასჯა, ეს მოხდება კანონისა და დემოკრატიის ნორმების სრული დაცვით. არავინ არ უნდ

„ზოგადად თუ შევხედავთ საარჩევნო დაპირებებს, ის ყოველთვის შეიძლება ერთი შეხედვით ამომრჩევლის მოსყიდვად მოგვეჩვენოს. მთავარია დიფერენცირება მოხდეს კანონით გათვალისწინებული აკრძალვებისა და კანონით დაშვებული პირობების. იმ შემთხვევაში, თუკი ბატონი ლევან ვარშალომიძის გუნდი და ზოგადად „ერთიანი ნაციონალური მოძრაობა“ გაიმარჯვებდა არჩევნებში, კანდიდატი დაპირდა ამომრჩეველს, რომ გამარჯვების შემთხვევაში სახელწმიფო ბიუჯეტის სახსრებით უზრუნველყოფდა სოციალური სახლებით, რაც იქნებოდა სახელწმიფო პოლიტიკა... დაპირება ზეპირი ფორმით იქნება გამოხატული თუ წერილობითი ფორმით, მნიშვნელობა არ აქვს. მთავარია, დაპირებაში არ იყოს კანონით აკრძალული ელემენტი. კანონი კრძალავს ამომრჩევლის მოსყიდვას, როდესაც ეს ხორციელდება არჩევნების ჩატარებამდე ვადაში. ლევან ვარშალომიძის მიერ გაფორმებული ხელშეკრულებით გათვალისწინებული პირობის ამოქმედება კი უკავშირდება არჩევნებში გამარჯვებას. მაგრამ თუ გამარჯვება არ მოხდება, ეს პირობა ბათილია.“ - განაცხადა „ნაციონალური მოძრაობის“ იურიდიული სამსახურის უფროსმა ივანე პეტრიაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ივანე პეტრიაშვილი პასუხობს.

„სამწუხაროდ, სასამართლო სისტემა ქართულ საზოგადოებაში დაბალი ნდობით სარგებლობს. სასამართლო მოგეხსენებათ, ეს არის ბოლო ინსტანცია სამართლიანობის ძიების გზაზე და მისი დისკრედიტაცია ფუნდამენტს ურყევს სახეწლმიფოებრივ განვითარებას და ადამიანის ადგილს ამ სახელწმიფოში. რეალობა, შეიძლება ითქვას, საკმაოდ შემაშფოთებელია. ამის მიზეზი გახლავთ ის, რომ მიუხედავად წინა სისტემის დაგმობისა, ვერა და ვერ მოხერხდა ამ ინსტიტუტის სერიოზულად განახლება. მეტიც, პოლიტიკაში ინტეგრირებული სასმაართლო სისტემის მთავარი სიმბოლოები დღეს დაწინაურდნენ, მე კოლექტიური მურუსიძე მყავს მხედველობაში.“ განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.

თბილისის ოპერისა და ბალეტის თეატრის წინ გამოჩენილი ქართველი საოპერო მომღერლის, საქართველოს სახალხო არტისტის, თენგიზ მუშკუდიანის ვარსკვლავის გაიხსნება. ფესტივალმა - ,,არტ-გენი“ სტარტი მე-13 ედ აიღო, ვაჟა-ფშაველას, შთამომავლის გამოწვევა ქართველ ჟურნალისტებს, 14 ივლსს ვაჟა-ფშაველას დაბადები 155 წელი სრულდება. ეს და სხვა საინტერესო თემები, ნახეთ, გადაცემაში - აქტუალური თემა კულტურა!

„ტატამზე აიყვანეს ადამიანები, რომლებმაც ელემენტარული ილეთებიც კი არ იციან, როგორ იბრძოლონ. როდესაც საარჩევნო პროცესი ცხელ ფაზაშია გადასული, ისეთ ადამიანს, რომელსაც არანაირი პოლიტიკური გამოცდილება არ აქვს, ცნობადობა არ აქვს, რომ გადაისვრი აი ამ საკმაოდ რთულ ვითარებაში, რისკი იმისა, რომ ისინი დაუშვებენ გამოუსწორებელ შეცდომებს, არის ძალიან მაღალი. ამ გამოუცდელობისა და ცნობადობის დაბალი ხარისხის გამო როგორც კი ეს 15 კაცი აღმოჩნდება ფრონტის წინა ხაზზე, მოვლენები ორი შესაძლო ვარიანტით განვითარდება: 1)საერთოდ ხმა არ უნდა ამოიღონ, მოერიდონ პოლიტიკურ დებატებს და მწვავე საჯარო გამოსვლებს; 2) ეს სიმწვავე შეიძინონ და ამ შემთხვევაში რისკი იმისა, რომ კოღუაშვილივით რაღაც მორიგ სისულელეს იტყვიან, არის ძალიან მაღალი. შესაბამისად, თუ ქართულ ოცნებას ამ ადამიანების პოლიტიკაში ინტეგრაცია უნდოდა, უნდა მოეხდინა მათი ბრენდირება და ეს დაახლოებით 1 წლის წინ უნდა დაეწყო... როგორც ერთჯერადი პიარის აქტი, ეს შეიძლება მისაღები იყოს, მაგრამ ვინც გადაწყვეტილებას იღებდა, მათ უნდა ეფიქრათ, რა რისკის წინაშე დააყენეს ამით პროცესი.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.

„სულ ამბობენ ხოლმე, რომ ახლა იმატა ქალებზე ძალადობამ, ახლა განჩნდა ეს პრობლემა, თითიდან გამოწოვილია ეს თემა, წაქეზებული არიან ქალები, რის შედეგადაც ის გვაქვს, რაც გვაქვს, თუმცა ჩვენ ამ თემაზე ვმუშაობთ 2003 წლიდან. მუშაობა დავიწყეთ სწორედ იმის გამო, რომ უკვე ვნახეთ, რომ არსებობდა ოჯახში ხალადობის პრობლემა და საჭირო იყო გარკვეული მიმართულებით მუშაობა იმისთვის, რომ მომხდარიყო პრევენცია ამ დანაშაულის და დავხმარებოდით იმ ქალებს, რომლებიც ოჯახში ძალადობის მსხვერპლნი არიან. ქალების უმეტესობა თვლის, რომ რადგან ქალია მას მძიმე ხვედრი აქვს, მან უნდა ზიდოს ეს ტვირთი, ის არის პირველ რიგში დედა, მერეა ცოლი და ბოლოსაა ქალი და ადამიანი. აი ამაშია სწორედ პრობლემა, რომ ეს მძიმე ტვირთი აკიდებული აქვს ქალების უმრავლესობას და ამ ტვირთს საზოგადოება აკისრებს მათ. ხშირ შემთხვევაში ოჯახებიდან მოდის ეს მძიმე ტვირთი იმიტომ, რომ ხედავენ, როგორი ურთიერთობა ჰქონდათ მათ მამებს მათ დედებთან, როგორ ატარებდნენ მათი დედები ამ მძიმე ტვირთს და ცდილობენ, ხშირ შემთხვევაში, მათაც იგივე გაიმეორონ.“ - განაცხადა ძალადობისგან დაცვის ეროვნული ქსელის რეგიონულმა კოორდინატორმა, ელისო ამირეჯიბმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ელისო ამირეჯიბი პასუხობს.

„მიუხედავად იმისა, რომ საქართველოს კონსტიტუციაში და სხვა საკანონმდებლო აქტებში დეკლარირებული გვაქვს მამაკაცისა და ქალის თანასწორობა, მოდი ყველამ ჩავიხედოთ გულში, ან ჩვენს გარშემო მიმოვიხედოთ და დავრწმუნდებით, რომ რეალურად ჩვენს საზოგადოებაში ქალი ყოველთვის აღიქმება დაქვემდებარებულ ფიგურად. ვფიქრობ, სწორედ ამის გამოძახილია ის სისასტიკე, რომელსაც ბოლო პერიოდის განმავლობაში ვხედავთ. ბოლო 2 წლის მანძილზე სახალხო დამცველის მონაცემებით 60-ზე მეტი ქალია მოკლული. მე ვფიქრობ, რომ საზოგადოების ცნობიერებაა შესაცვლელი. ჩვენთვითონ უნდა ვეცადოთ, რომ ამ ძალადობის ტალღა შევაჩეროთ უპირველეს ყოვლისა ძალადობის მიუღებლობით. ყველაზე მნიშვნელოვანია, რომ ეს გააკეთონ ასევე მამაკაცებმა, რომლებიც ძალიან ხშირად ამართლებენ ხოლმე მსგავსი ტიპის ქმედებას.“- განაცხადა ფრაქცია „რესპუბლიკელების“ წევრმა, დეპუტატმა თამარ ხიდაშელმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს თამარ ხიდაშელი პასუხობს.

12 ივლისს ჩვენ ოფიციალურად გამოვაცხადეთ საარჩევნო კამპანიის დაწყება და ვთქვით, რომ ჩვენი საარჩევნო სუბიექტის სახელწოდება იქნება „უსუფასვილი-რესპუბლიკელები“. პარტიაში გადავწყვიტეთ, რომ ჩვენი კამპანიის ლიდერი, კამპანიის სახე და საარჩევნო სიის პირველი ნომერი იყოს დავით უსუფაშვილი და მის ირგვლივ გაერთიანდა საარჩევნო სუბიექტი „უსუფაშვილი-რესპუბლიკელები“... როგორც დავით უსუფაშვილს, ისე მინისტრებს, შეთავაზება ჰქონდათ, რომ პარტიის გარეშე ყოფილიყვნენ კანდიდატები. მინისტრებს პარტიის გარეშე შეეძლოთ მინისტრებად დარჩენა. კონსულტაციების შედეგად, ჩვენ მივიღეთ გადაწყვეტილება, რომ დაგვეტოვებინა მინისტრის პორტფელები. ამას სჭირდება რამდენიმე დღე, რომ საქმეები გადაბარდეს, დასრულდეს და ამის შემდეგ უკვე თავდაცვის მინისტრი და შერიგებისა და სამოქალაქო თანასწორობის საკითხებში სახელწმიფო მინისტრი დატოვებენ პოსტებს. თუმცა ჩვენი მინისტრებიდან ერთ-ერთი, გარემოსა და ბუნებრივი რესურსების დაცვის მინისტრი, გიგლა აგულაშვილი, დარჩა მინისტრთა კაბინეტში. მან მიიღო გადაწყვეტილება, რომ გაემიჯნოს პარტიას და შეინარჩუნოს პოზიცია სამინისტროში...ევროპისკენ გზა არის მრავალპარტიულობა და დემოკრატიული განვითარება. ამას სჭირდება სხვა ტიპის ურთიერთობები პარტიებს შორის. ქართულმა ოცნებამ არაერთხელ განაცხადა, რომ მას ექნება ერთპარტიული მმართველობა, მაგრამ ამას გვიჩვენებს არჩევნები. დღევანდელი ვითარება კი ამის საფუძველს ნამდვილად არ იძლევა.“- განაცხადა „რესპუბლიკური პარტიის“ თავმჯდომარემ, ხათუნა სამნიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ხათუნა სამნიძე პასუხობს.

„გუნდის ახალ წევრებს საგურამოში ჩასვლით ჩემი სოლიდარობა გამოვუცხადე და ვუსურვე მათ წარმატება. ისინი თავიანთი კომპეტენციით, სამუშაო გამოცდილებით საჯარო თუ კერძო სექტორში და ღირებულებებისადმი ერთგულებით საინტერესო ადამიანები არიან. მე მომეწონა, რომ მათ შორის იურისტების სიჭარბეა. ჩვენ იურისტები გვჭირდება უმაღლეს წარმომადგენლობით ორგანოში, რომელიც საკანონმდებლო საქმიანობას ახორციელებს. ასევე მომეწონა ის, რომ რამდენიმე მათგანი არის იმ პროფესიის წარმომადგენელი, რომელიც არასოდეს არ შეუყვანიათ საქართველოს პარლამენტში. მაგალითად, სამთო-მადნო ინდუსტრიის წარმომადგენლები. ამ ინდუსტრიას საქართველოში პატივს არ სცემენ. ამ დროს ეს არის ერთ-ერთი წამყვანი და მაღალშემოსავლიანი დარგი, რითიც შეიძლება საქართველოს სახელწმიფომ ნახოს სარგებელი. აქედან გამომდინარე, მე ვფიქრობ საინტერესო შემადგენლობაა, თუმცა ეს არ არის სრული. ჩვენ კიდევ 70-80 კაცის წარმოდგენას ვგეგმავთ.“ - განაცხადა ფრაქცია „ქართული ოცნების“ წევრმა, დეპუტატმა ზაქარია ქუცნაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ზაქარია ქუცნაშვილი პასუხობს.

„საპარლამენტო ასამბლეა - ეს სარეკომენდაციო ორგანოა, განსახვავებით დიდი ეუთოსდან, სადაც მინისტრთა საბჭო და მუდმივი წარმომადგენლები არიან და სადაც გადაწყვეტილებები კონსენსუსის გზით მიიღება. იქ საკითხის მისაღებად ყველას თანხმობაა საჭირო, ხდება საკითხთა ძალიან სიღრმისეულ დონეზე განხილვა. აქ კი ყველაფერი განცხადებების დონეზე ხდება და ასეთ შემთხვევაში, შეიძლება ასე ვთქვათ, წყლის ტემპერატურის მოსინჯვა. ამასთანავე, ჩვენ გვესმის, რომ ხმების უმრავლესობა აქ აქვთ ევროატლანტიკური ბლოკის ქვეყნებს და როგორც კი წამოიჭრება საკითხი, სადაც იკვეთება ნატოსა, თუ შეერთებული შტატების ინტერესები, აქ პირდაპირ დაუძლეველი კენჭისყრა იმართება. გასაგებია, რომ ამას არსაითკენ არ მოვყავართ...რაც შეეხება საქართველოს საკითხს, რუსეთის დელეგაცია ცდილობდა ეს თემა არ წამოეჭრა. კარგად გვესმის, რომ ახლა ლადგება ურთიერთობები და ნებისმიერ მკვეთრ გამონათქვამს ასანთის ალის ეფექტი შეიძლება ჰქონდეს. ამიტომ ჩვენ არ ვრეაგირებდით საკითხებზე, რასაც შეიძლება გაემწვავებინა ვითარება საქართველოს კონფლიქტებთან დაკავშირებით. მაგრამ, სამწუხაროდ, ცხელი თავები მუდმივად ითხოვენ ძლათა ბალანსის შეცვლას; იმას, რომ საქართველომ, მიიღოს რაც შეიძლება მეტი შეიარაღება და შეასუსტოს იმ ტერიტორიების დაცვა, სადაც ადამიანებს გარვეული ხედვა აქვთ თავიანთ მომავალზე.“- განაცხადა ეუთოს საპარლამენტო ასამბლეის რუსეთის დელეგაციის წევრმა, ილია კოსტუნოვმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ილია კოსტუნოვი პასუხობს.

ვფიქრობ, საპარალამენტო ასამბლეის მუშაობა ძალიან მძალვრი სიგნალია მთელი მსოფილიოსგან, ეუთოში შემავალი ქვეყნებისგან, იმის შესახებ, თუ რა პრიორიტეტები აქვს თანამედროვე სამყაროს. აქ ძალიან გამოკვეთილად ისმოდა უკრაინის თემა, რაც ძალიან მნიშვნელოვანი იყო ჩემთის პირადად. საუბარი შეეხებოდა მიგრაციის პროცესებს, ტერორიზმსა და მის საყოველთაო მიუღებლობას ნებისმიერ ქვეყანაში, მათ შორის ჩვენი ქვეყნების ჩათვლით...ყირიმი იყო და არის უკრაინული მიწა. დღეისათვის რუსული მხარე ყველანაირად ბლოკავს ამ საკითხის განილვას. მიუხედავად ამისა, ეუთოს აპარალამენტო ასამბლეამ უჩვენა ერთიანი მიდგომა. თქვენ თუ შეხედავთ საერთო რეზულიციას, იქ ყოველი მეორე დამატებითი რეზოლუცია შეხება იმას, რომ რუსეთი სისტემატიურად ერევა სხვა სახელმწიფოების საშინაო საქმეებში და ფაქტობრივად ხელს უწყობს იქ სხვა და სხვა სახის პრობლემების გაღვივებას. იგივე ხდება საქართველოში, მოლდოვაში, უკრაინაში, მაღალმთიან ყარაბაღში. ამიტომ, აუცილებელია აღინიშნოს, რომ ერთადერთი ქვეყანა, რომელმაც ღიად და დემონსტრაციულად არ დაუჭირა მხარი თბილისის რეზოლუციას, სწორედ რუსეთი იყო.“ - განაცხადა ეუთოს საპარლამენტო ასამბლეის უკრაინის დელეგაციის წევრმა, ოლგა ბელკოვმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ოლგა ბელკოვი პასუხობს.

„ჯონ კერის ვიზიტი იყო გლობალური პოლიტიკური ტენდენციების გამოხატულება, ანუ რეაგირება იმაზე, თუ რა ხდება დღეს მსოფლიოში. მისი ვიზიტი მიზნად ისახავდა დადასტურებას, რომ ჩვენ ვრჩებით მისი ინტერესის სფეროში. ასევე მოგეხსენებათ, აქედან ის წავიდა უკრაინაში, რითიც მან ერთი მხრივ აჩვენა სად გადის აშშ-ს ფრონტის ხაზი, ინტერესები და სტრატეგია საგარეო პოლიტიკაში, ხოლო მეორე მხრივ ცდილობს, მოახდინოს პროდასავლური ძალების კონსოლიდაცია... ჩვენს შიდა პოლიტიკასთან დაკავშირებით მისი გზავნილები იყო სტანდარტული: დემოკრატიული არჩევნების ჩატარება, მედია პლურალიზმი და ა.შ...ეს ვიზიტი იყო უფრო სიმბოლო ურთიერთობებში, ვიდრე კონკრეტული შედეგების მომტანი. თუმცა გლობალური პოლიტიკის გამოვლინება იყო ხელმოწერილი მემორანდუმი, რომელიც პრაქტიკულად ბევრს არაფერს ნიშნავს, მაგრამ ხაზს უსვამს იმას, რომ ჩვენ ვართ დასავლური სამყაროს ბანაკში, თუნდაც სამხედრო მიმართულებით“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.

თავისუფალი თეატრი 15 წლისაა. რა გზა გაიარა თეატრმა დაარსების დღიდან დღემდე, რატომ ებრძოდა ხელისუფლება პირველ სოციალურ-პოლიტიკურ თეატრს და რა არის რეჟისორის მთავარი გზავნილი მაყურებელთან, გადაცემაში -აქტუალური თემა - კულტურა ჩვენს შეკითხვებს თავისუფალი თეატრის სამხატვრო ხელმძღვანელი - ავთანდილ ვარსიმაშვილი პასუხობს!

დაბადების დღეს გილოცავთ, ამერიკა! ამერიკის შეერთებული შტატების ელჩი საქართველოში, მისი აღმატებულება ბატონი იან კელი და Starvision-ის გუნდი დამოუკიდებლობის დღეს ვულოცავთ ამერიკელ ხალხს. გასული კვირის განმავლობაში „სტარვიზიამ“ და საქართველოში აშშ-ს საელჩომ წარმოგიდგინათ ვიდეორგოლების სერია, რომელიც 4 ივლისის მნიშვნელობას ეძღვნებოდა. ვიმედოვნებთ, ისიამოვნეთ ამ მოკლე ისტორიებით და აღმოაჩინეთ თქვენთვის ახალი და საინტერესო ამ უმნიშვნელოვანეს დღესთან დაკავშირებით. გილოცავთ დამოუკიდებლობის დღეს!

„დამოუკიდებლობის დღე სტარვიზიაზე“ – „სტარვიზიისა“ და საქართველოში ამერიკის შეერთებული შტატების საელჩოს სპეციალური პროექტი.დღე 6. დარიუს სტაბსი და ბაირონ პრაეტორი

„ეს ერთერთი ყველაზე განსაკუთრებული დღეა, არა მარტო ამერიკელებისთვის, არამედ ჩვენი მასპინძელი ქვეყნებისთვისაც. ენერგია, ენთუზიაზმი და აღტაცება, რომლითაც ისინი აღნიშნავენ ჩვენს ეროვნულ დღესასწაულს, გადამდებია და ჩვენ კიდევ უფრო მეტად ვგრძნობთ და ვაფასებთ ამ დღის მნიშვნელობას." „დამოუკიდებლობის დღე სტარვიზიაზე“ – „სტარვიზიისა“ და საქართველოში ამერიკის შეერთებული შტატების საელჩოს სპეციალური პროექტი.

„მიუხედავად იმისა, რომ შეხვედრის ფორმატი სხვა თემებს განიხილავს, როდესაც ასეთი სასტიკი მკვლელობა ხდება, მასზე საუბარს გვერდს ვერ აუვლი. სწორედ ამიტომ, ჩვენი გზავნილი ასეთი იყო, რომ ეს პიროვნება რაც შეიძლება სწრაფად უნდა დააპატიმრონ. ამის თაობაზე მივუთითეთ, პრემიერ-მინისტრის განცხადება, რომ ამ დამნაშავეს შეისაძლოა რაღაც საფრთხე შეექმნას. ეს შეიძლება პროვოკაციად იყოს გამოყენებული და ამან გამოიწვიოს კონფლიქტის ესკალაცია, რაშიც საქართველოს მთავრობა არანაირად დაინტერესებული არ არის. ძალიან რთულ რეგიონში ვცხოვრობთ და ნებისმიერი ინციდენტი შეიძლება სერიოზულ გართულებაში გადაიზარდოს. მათი პასუხი ასეთია: ვგმობთ ჩვენ ამ მკვლელობას. რუსეთის მხარეს არანაირი კავშირი არ აქვს ამათთან. ეს არის კონკრეტული აფხაზი მესაზღვრის დანაშაული და ეს შინაპატიმრობა, რომელიც მას შეუფარდეს, აბსოლუტურად არაადეკვატური სასჯელის ფორმაა.“ - განაცხადა პრემიერის სპეციალურმა წარმომადგენელმა რუსეთთან ურთიერთობის საკითხებში, ზურაბ აბაშიძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ზურაბ აბაშიძე პასუხობს.

„მე ძალიან მიკვირდა, რატომ უნდოდა ანა დოლიძეს მოსამართლეობა იმიტომ, რომ ის არის ძალიან დინამიური, აქტიური ადამიანი, რაც მოსამართლისთვის არ არის მაინც და მაინც შესაფერისი ფსიქოლოგიური პორტრეტი. მიუხედავად იმისა, რომ მე მის კვალიფიკაციაში ნამდვილად ეჭვი არ მეპარება, ახალი სამსახური ბევრად უფრო დინამიური იქნება მისთვის. რაც შეეხება იმას, რომ ის გარკვეულწილად კონფლიქტშია შესული დღევანდელ პარლამენტთან და ეს კონფლიქტი პრეზიდენტის ინსტიტუტის პარლამენტთან ლობირების საშუალებას არ იძლევა, ჩვენ არ უნდა დაგვავიწყდეს, რომ დღევანდელი პარლამენტი უკვე არ არსებობს. ახალი პარლამენტი უკვე გარკვეულწილად ახალი შემადგენლობის იქნება და ანა დოლიძეს სწორედ მათან მოუწევს მუშაობა. დღევანდელი პარლამენტი ფაქტობრივად აღარ არსებობს.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.

“პრეზიდენტის საპარლამენტო მდივნობა ძალიან საპასუხისმგებლო მოვალეობაა. ამ პოზიციის ფუნქციაა, იყოს მოკავშირე პრეზიდენტსა და საქართველოს პარლამენტს შორის, ამ ორი სახელმწიფო ინსტიტუტის ურთიერთობის პროცესში. თუმცა მე იმედი მაქვს, რომ ცოტა უფრო ფართო მნიშვნელობა მიენიჭება ამ პოზიციას ჩემი მანდ ყოფნის დროს. ჩემი საზოგადოებასთან ურთიერთობის გამოცდილებიდან გამომდინარე, შეიძლება მოვიტანო ამ კონკრეტულ პოსტზე ის, რომ გადავაქციო პრეზიდენტის ადმინისტრაცია ეპიცენტრად კანონის უზენაესობაზე სასაუბროდ. იმედი მაქვს, მომავალში ეს სწორედ ის ადგილი იქნება, სადაც დისკუსია, მოძრაობა, ადვოკატირება წარიმართება იმაზე, თუ რა არის კანონის უზენაესობა და როგორ უნდა დამყარდეს ის ქვეყანაში...მე მომწონს ეს შემართება, რომ ჩვენ უნდა განვახორციელოთ სასამართლო ხელისუფლების „დემურუსიზაცია“. აქ არ იგულისხმება მარტო ბატონი მურუსიძის გავლენისგან გათავისუფლება, აქ იგულისხმება ამ სისტემის მემკვიდრეობისგან გათავისუფლება, რომელიც ჩვენ შეგვრჩა ხელთ. აქ იგულისხმება ძალიან აქტიური რეფორმები, რომლებიც გასახორციელებელია სასამართლო სისტემაში და ახალი ხალხის მისვლის ხელშეწყობა“ - განაცხადა პრეზიდენტის საპარლამენტო მდივანმა, ანა დოლიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ანა დოლიძე პასუხობს.

„დღევანდელ პირობებში, როცა მაღალტექნოლოგიური შეარაღებული სისტემებია, რომელსაც სჭირდება კარგი ცოდნა აღნიშნული მიმართულებების, როცა საჭიროა პროფესიული მიდგომა, ამისთვის ერთწლიანი ჯარისკაცის ეფექტიანობა გაცილებით ნაკლებია, ვიდრე ოთხი და მეტწლიანი საბრძოლო მოსამსახურის. ასევე ჩვენ არა გვაქვს უფლება და არც სურვილი, რომ ახალწვეული გავუშვათ საერთაშორისო ოპერაციებში. ის ვერ მიიღებდა ამაში მონაწილეობას. ამის მორალური უფლებაც კი არა გვაქვს რომ სავალდებულო სამსახურის სამხედრო მოსამსახურე გავუშვათ ქვეყნის გარეთ სამხედრო მოქმედებებში. ასევე რა თქმა უნდა, ვითვალისწინებთ იმასაც, რომ არსებულ ბიუჯეტზე უნდა ვიყოთ მორგებული...აქ საუბარია უფრო ეფექტური და თავსებადი შეიარაღებული ძალების შექმნაზე“ - განაცხადა საქართველოს შეიარაღებული ძალების გენერალური შტაბის უფროსმა, ვახტანგ კაპანაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ვახტანგ კაპანაძე პასუხობს.

„დამოუკიდებლობის დღე სტარვიზიაზე“ – „სტარვიზიისა“ და საქართველოში ამერიკის შეერთებული შტატების საელჩოს სპეციალური პროექტი. დღე 3. ალი ნიკოოაზმი, საინფორმაციო პროგრამების ოფიცერი საქართველოში ამერიკის შეერთებული შტატების საელჩოში: „ჩვენ ვზეიმობთ 4 ივლისს, რადგან ეს აღნიშნავს, ამერიკის შეერთებული შტატების, როგორც დამოუკიდებელი ერის დაბადების დღეს."

“ახალი მეზობლები, ძველი მეზობლები, ახალგაზრდა ხალხი და ხანშიშესული ხალხი - იკრიბებიან ერთად, რომ იზეიმონ ჩვენი თავისუფლება”.დამოუკიდებლობის დღე სტარვიზიაზე“ – „სტარვიზიისა“ და საქართველოში ამერიკის შეერთებული შტატების საელჩოს სპეციალური პროექტი.

#ტერაქტი სტამბულის ათათურქის აეროპორტში მომხდარი ტერაქტის შესახებ პირველი კომენტარი გააკეთა საქართველოში თურქეთის ელჩმა. ზაქი ლევენთ გუმრუქჩუს თქმით, რთულ ივითარების მიუხედავად, აეროპორტი მუშაობის ჩვეულ რეჟიმს უბრუნდება. რაც შეეხება უშუალოდ აფეთქებას, ელჩს მიაჩნია, რომ ის „ისლამურმა სახელმწიფომ“ განახორციელა. მისივე ინფორმაციით, დაღუპულებს და დაშავებულებს შორის საქართველოს მოქალაქეები არ არიან. თურქი დიპლომატი, ასევე, აქცენტს აკეთებს საერთაშორისო საზოგადოების მხრდიან მიღებულ მხარდაჭერაზე და ტერორიზმის წინააღმდეგ ბრძოლის მექანიზმების გამკაცრებაზეც საუბრობს.

„სტარვიზია“ და ამერიკის შეერთებული შტატები საქართველოში წარმოგიდგენთ "დამოუკიდებლობის დღეს“ „სტარვიზიაზე“. ჩვენ ვამაყობთ შეერთებული შტატების საელჩოსთან თანამშრომლობით. ვსარგებლობთ შემთხვევით და ამერიკის მოქალაქეებს ვულოცავთ დამდეგ დღესასწაულს. Starvision and the Embassy of the United States in Georgia present special project dedicated to the United States Independence Day produced by our team in cooperation with the U.S. Embassy in Georgia. The short videos dedicated to the celebration of the "4th of July" will be broadcasted throughout the week. Representatives of the U.S. Embassy will tell us interesting facts and stories about this important date. It is an honor for us to implement this interesting project as an expression of our gratitude to the United States of America for its long-term support for Georgia. Congratulations America!

დღეს ჩინეთის სახალხო რესპუბლიკას საელჩოს საქართველოში და მედია-ჯგუფ „სტარვიზიას“ შორის თანამშრომლობის ხელშეკრულებაზე ხელმოწერის ცერემონია გაიმართა. ცერემონიას ჩინეთის სახალხო რესპუბლიკის ელჩი საქართველოში ბატონი ძი იანჩი, „სტარვიზიის“ ხელმძღვანელობა და მისი დამფუძნებელი გია ალიხანაშვილი დაესწრნენ. ღონისძიება შეეხო ერთობლივი პროექტის “გზა ჩინეთისკენ“ განხორციელების ფარგლებში თანამშრომლობის დაწყებას. პროექტი ხორციელდება საქართველოში ჩინეთის საელჩოს მხარდაჭერით. „გზა ჩინეთისკენ“ - ეს არის პირველი მულტიმედია პროექტი საქართველოში, რომელიც ჩინეთის შესახებ მინის-ერიალის გადაღებას გულისხმობს. პროექტი მიზნად ისახავს საქართველო-ჩინეთის ურთიერთობების პოპულარიზაციასა და გაღრმავებას. როგორც ჩინეთის სახალხო რესპუბლიკის ელჩმა საქართველოში, ძი იანჩიმ შეხვედრაზე აღნიშნა, „ორმხრივი ურთიერთობების განვითარების დღევანდელი ტემპის ფონზე, ჩინელ და ქართველ ხალხს შორის კულტურული კავშირის გაძლიერება უაღრესად მნიშვნელოვანია.“

ეს არის ძალიან მნიშვნელოვანი მოვლენა ზოგადად ევროპული პოლიტიკისათვის, რადგან მთლიანობაში იცვლება ძალთა განლაგება ევროპის პოლიტიკურ რუკაზე...ჩვენ ვაკვირდებით ბოლო წლების განმავლობაში ტენდენციას, რომ ბრიტანეთში თანდათან უფრო ძლიერდება ევროსკეპტიკური დამოკიდებულებები და ის, რაც დღეს ხდება ბრიტანეთში, არ არის ახალი. ინგლისური პოლიტიკისთვის ზოგადად დამახასიათებელია დისტანცირება კონტიტნენტური ევროპის პოლიტიკისაგან. იგი ყოველთვის ცდილობდა, რომ ყოფილიყო დამკვირვებლის ან არბიტრის როლში და ნაკლებად ჩარეულიყო კონტინენტური ევროპის საქმეებში; და რაც ძალიან საინტერესოა, იგი თვლიდა, რომ დიდი ჩარევა ამ საქმეებში საფრთხეს უქმნიდა ბრიტანულ სუვერენიტეტს...ჩვენ ვხედავდით, რომ ბრიტანეთი არ იყო ევროკავშირის ტიპური წევრი, იგი არ იყო ევროზონის შემადგენლობაში, იგი არ იყო შენგენის ზონის შემადგენლობაში...ბრიტანეთი ითხოვდა, ალბათ, იმაზე გაცილებით მეტს, ვიდრე ამის მიცემა მისთვის შეეძლო ევროკავშირს. განსაკუთრებით ბოლო პერიოდში გამწვავდა ეს დამოკიდებულება ბრიტანელებისა ევროკავშირის მიმართ მიგრანტების კრიზისის ფონზე. შეიძლება ითქვას, ევროკავშირის უსაფრთხოების პოლიტიკა ამ მიმართულებით არ აღმოჩნდა ეფექტური.“ - განაცხადა ექსპერტმა საერთაშორისო ურთიერთობების საკითხებში, გორგი გობრონიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი გობრონიძე პასუხობს.

„ეს არის სერიოზული გამოწვევა როგორც დიდი ბრიტანეთისთვის, ისე ევროკავშირისთვის. მნიშვნელოვანია ჩვენი გადმოსახედიდან იმის გათვალისწინება, რომ ამ განწყობებს მნიშვნელოვნად შეუწყო ხელი მიგრანტების რაოდენობის ზრდამ დიდ ბრიტანეთში. სწორედ ამ განწყობებზე დაყრდნობით მოხდა ამ თემის აქტუალიზაცია, შემდგომ რეფერენდუმზე დაყენება და საბოლოოდ ვნახეთ, რა შედეგიც მოიტანა. ამიტომ მიგრანტების ფაქტორი იქნება მნიშვნელოვანი შემდგომი განწყობებისთვის. ისედაც, ევროსკეპტიკოსების პოზიციები საკმაოდ ძლიერი იყო და ეს პოზიციები კიდევ უფრო გაძლიერდება. საფრთხის მატარებელია იმ თვალსაზრისით, რომ შესაძლებელია დომინოს პრინციპის ეფექტი იქონიოს. უკვე ვნახეთ, რომ ნიდერლანდებშიც დაიწყეს ამ თემაზე საუბარი. ჩრდილოეთ ევროპის ქვეყნებშიც არის მსგავსი განწყობები: შვედეთი, დანია. ევროსკეპტიკოსების შესაბამისი განწყობები არის ასევე ესპანეთში, საფრანგეთში, უნგრეთში. ამდენად, ძალიან რთული პერიოდი უდგება ევროკავშირს“ - განაცხადა გაერთიანებული დემოკრატების ერთერთმა ლიდერმა, ყოფილმა სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ალექსი პეტრიაშვილი პასუხობს.