„ჟენევის 36-ე რაუნდზე ჩვენ ყველა ის პრინციპული საკითხი დავაყენეთ, რაც აქტუალურია ქართული მხარისთვის. ამ რაუნდზე განსაკუთრებული ყურადღება დაეთმო გიგა ოთხოზორიას მკვლელობის საკითხს. ეს არის თავისთავად შემზარავი ფაქტი და უდიდესი ტრაგედია. რა თქმა უნდა, ჩვენთვის პრიორიტეტულია ის, რომ დამნაშავე იქნას დაკავებული და შესაბამისად დასჯილი...ეს იყო ჩვენი ერთსულოვანი პოზიცია ჟენევის დისკუსიების განმავლობაში. გარდა იმისა, რომ განზრახ მკვლელობაზე უნდა დადგეს კონკრეტული პირის პასუხისმგებლობის საკითხი, ეს არის ძალიან მნიშვნელოვანი ნაბიჯი იმისთვისაც, რომ თავიდან იქნეს აცილებული რაიმე პროვოკაცია, რომელიც ამას შეიძლება მოჰყვეს. რა თქმა უნდა, ასეთი რისკები არსებობს, ისეთ ვითარებაში, როდესაც ტერიტორია ოკუპირებულია...ამ ფაქტმა კიდევ ერთხელ დაადასტურა, რამდენად მნიშვნელოვანია აფხაზეთსა და ცხინვალის რეგიონში საერთაშორისო უსაფრთხოების მექანიზმების ამოქმედება. სხვაგვარად ძალიან რთული იქნება ადამიანის ისეთი საბაზისო უფლების დაცვა, როგორიც სიცოცხლეა. იქ, ადგილზე, ასეთი მექანიზმი არ არსებობს იმიტომ, რომ ამას ეწინააღმდეგება რუსული და დე-ფაქტო მხარეები...საქართველოს ხელისუფლებისთვის და საზოგადოებისთვის ეს საკითხი დღის წესრიგში იქნება, ვიდრე გარკვეული შედეგი არ იქნება მიღწეული.“ - განაცხადა სახელმწიფო მონისიტრის მოადგილემ შერიგებისა და სახლმწიფო თანასწორობის საკითხებში, ქეთევან ციხელაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ქეთევან ციხელაშვილი პასუხობს.
„ვფიქრობ, რომ ჩვენი დიპლომატიის სტრატეგიული შეცდომა იყო, რომ ჩვენი დღის წესრიგი არ ან ვერ შევქმენით და არ მოხდა ჩვენი დისტანცირება თურქეთისა და უკრაინის დღის წესრიგისგან. გარდა ამისა, მიზეზებია ის პრობლემები, რაც ევროპაშია ზოგადად, რისკები, რაც გლობალურ პოლიტიკაში მიმდინარეობს. ევროპა საკმაოდ დაბნეულია, იზოლაციონისტური განწყობების საკმაოდ გაძლიერდა. ევროპა იძულებულია, რომ გაითვალისწინოს ეს ნეგატიური განწყობები ზოგადად მიგრაციასთან დაკავშირებით. ჩვენ კი ახლა ვართ ცუდ დროს, ცუდ ადგილზე და ცუდ კამპანიაში. აი, ასეთ ვითარებაში აღმოვჩნდით...“- განაცხადა პოლიტოლოგმა გია ხუხაშვილმა „სტარვიზიის“ ეთერში“. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„ჩვენი სამინისტრო, ცალკეული სააგენტოები, ასევე ქალაქის მერია და ინფრასტრუქტურის სამინისტრო მთელი წლის განმავლობაში ინტენსიურად ვმუშაობთ. უშუალოდ ჩვენი სამინისტროს მიერ რამდენიმე ძალიან მნიშვნელოვანი საქმე გაკეთდა. უცხოელ კოლეგებთან ერთად შევისწავლეთ ვერეს ხეობა და ასევე სხვა ადგილებიც იმიტომ, რომ თბილისში დაახლოებით ათი ანალოგიური მაღალი რისკის ზონა არსებობს. ყველაზე მნიშვნელოვანი იყო ის, რომ განვსაზღვრეთ დატბორვის არეალი და ამის საფუძველზე შემდგომ უკვე ქალაქის მერიამ განსახლების გეგმა გააკეთა, ასევე განისაზღვრა მომავალში მდინარის კალაპოტში რა შეიძლება მოხდეს. გარდა ამისა, იქ დავაყენეთ ნალექის მზომი და წლის დონის მზომი აპარატურა, რომელიც საჭიროების შემთხვევაში სერვერზე გვაწვდის სიგნალს, ჩვენ კი ამ ინფორმაციას ვატყობინებთ ჩესაბამის სამსახურებს... იმ ტრაგიკულ ღამეს დაემთხვა ბევრი ფაქტორი ერთად: ეს იყო ჭარბი ნალექი, მეწყრული უბნების გააქტიურება. ყველაზე მნიშვნელოვანი მაინც ის არის, რომ ის ფერდობი, რომელიც მეწყრულად ჩამოწვა, იყო ხეებით დაფარული და ეს მყარი ნატანი ჩამოვიდა მდინარეში, შემდეგ უკვე ქალაქში ჩახერგა მდინარის გასასვლელები. ამის გარეშე, მხოლოდ ნალექი ბუნებრივია, ასეთ ტრაგიკულ შედეგებს არ გამოიწვევდა...არავის არ შეუძლია განსაზღვროს ერთობლიობა იმ პროცესებისა, როგორც მაშინ განვითარდა. იქ რომც მოეწყოს ძვირადღირებული სენსორული სისტემები, ისინი ინფორმაციას მოგვაწვდის ჩვენ მაშინ, როცა ქანი დაიძვრება. შესაბამისად, რეაგირება ვერ იქნება იმდენად ოპერატიული.“ - განაცხადა გარემოსა და ბუნებრივი რესურსების დაცვის მინისტრმა, გიგლა აგულაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიგლა აგულაშვილი პასუხობს.
„რეალურად, გადაწყვეტილება, რომელიც არის გამოტანილი, არ ეხება ბატონი მერაბიშვილის ბრალეულობის საკითხს. ეს კონკრეტული გადაწყვეტილება უკავშირდება წინასწარი პატიმრობის საკითხს მანამ, სანამ იქნებოდა გამოტანილი განაჩენი მის მიმართ. სტრასბურგის სასამართლომ აღნიშნა, რომ წინასწარი პატიმრობის 8 თვიანი პერიოდი, რომელიც მას ჰქონდა შეფარდებული, იყო შესაბამისობაში ევროპულ კონვენციასთან და დადგენილ სტანდარტებთან. სტრასბურგის სასამართლომ ასევე იმსჯელა აღკვეთი ღონისძიების სახით პატიმრობის შეფარდების თაობაზე და აღნიშნა, რომ სასამართლოს 22-25 მაისის განჩინებები, რითაც მას შეეფარდა პატიმრობა, მანამ სანამ განაჩენი იქნებოდა გამოტანილი, ასევე შესაბამისობაშია კონვენციით დადგენილ სტანდარტებთან, მე-5 მუხლთან, რომელიც იცავს პიროვნების თავისუფლებისა და ხელშეუხებლობის უფლებას. თუმცა არის სხვა ეპიზოდი, რომელიც უკავშირდება ბატონი მერაბიშვილის წინასწარ პატიმრობას, რომელთა მიმართებაშიც ევროპულმა სასამართლომ აღნიშნა კონვენციასთან შეუსაბამობა. კერძოდ, ეს ეხება სექტემბრის შუამდგომლობას, როდესაც ის ითხოვდა წინასწარი პატიმრობიდან გათავისუფლებას. ამ შუამდგომლობის თაობაზე თბილისის საქალაქო სასამართლო შემოიფარგლა მხოლოდ ერთი წინადადებით და არ დაასაბუთა, რის გამო ეუბნებოდა უარს. ამიტომ სტრასბურგის სასამართლომ დაადგინა თავისუფლებისა და ხელშეუხებლობის უფლების დარღვევა მერაბიშვილთან მიმართებაში ამ ეპიზოდში. ანუ მე-5 მუხლის პირველი ნაწილი კონვენციასთან შესაბამისად იქნა მიჩნეული, ხოლო მე-3 ნაწილი იყო კონვენციასთან შეუსაბამო.“ - განაცხადა პოლიტიკური გაერთიანება „სახელმწიფო ხალხისთვის“ ერთ-ერთმა ლიდერმა დავით ჯანდიერმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს დავით ჯანდიერი პასუხობს.
„მე მესმის, რომ ჩვენ აღფრთოვანებული არ უნდა ვიყოთ რომ სტრასბურგის სასამართლოსგან ასეთი საყვედური მივიღეთ. განჩინების დასაბუთებულობის უფრო მაღალი სტანდარტი არ იქნება ზოგადად ცუდი არც კონკრეტულად წინასწარ პატიმრობაში მიმართებით არ იქნება ცუდი. რაც შეეხება იმას, რომ ეს უნდა განხილულიყო პოლიტიკურ ჭრილში, ესეც იყო გარკვეული მინიშნება. ზოგადად, სტრასბურგის სასამართლომ თქვა, რომ წინასწარი პატიმრობა მერაბიშვილთან დაკავშირებით იყო კანონიერი, მაგრამ კონკრეტულ საკითხებთან დაკავშირებით მაინც იყო შენიშვნები. ალბათ, ჩვენ მოგვიწევს ფიქრი იმაზე, რომ სრულფასოვანი გამოძიება ჩატარდეს ვანო მერაბიშვილის განცხადების თაობაზე. მე კი მიმაჩნია, რომ ეს არის პოლიტიკური ინსიუანციები, რომელსაც ვანო მერაბიშვილი საკუთარი თავის დასაცავად იყენებს. დღესაც მისთვის ეს არის გარკვეული შირმა იმისთვის, რომ გადაფაროს სხვა თემები. კერძოდ კი ის თემები, რომ არსებობს მრავალი ათასი ადამიანი, რომელთა უფლებებიც დაირღვა სწორედ ვანო მერაბიშვილის უკანონო ქმედებებით.“ - განაცხადა პარლამენტის ადამიანის უფლებათა დაცვის კომიტეტის თავმჯდომარის მოადგილემ, გედევან ფოფხაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გედევან ფოფხაძე პასუხობს.
„პოლიტიკურ კონტექსტში განიხილავს სტრასბურგის სასამართლო ამ საქმეს, ვინაიდან იგი ეხება „ერთიანი ნაციონალური მოძრაობის“ გენერალური მდივნისა და საქართველოს ყოფილი პრემიერ-მინისტრის პატიმრობას. ბუნებრივია, ასეთ შემთხვევაში პოლიტიკურ კონტექსტს ვერ გაექცევა სასამართლო. ამავე დროს, საზოგადოებამ იცის, რომ „ერთიანი ნაციონალური მოძრაობის“ ლიდერების დევნაზე საკმაოდ მკაცრი რეაგირება მოახდინა დასავლეთმა - როგორც ჩვენი პარტნიორი ქვეყნების ლიდერებმა, ასევე საერთაშორისო ორგანიზაციებმა. ანუ ეს პოლიტიკური კონტექსტი დასავლეთის შეშფოთებამაც კიდევ უფრო დაამძიმა... სასამართლო ადგენს ევროკომისიის იმ მუხლის დარღვევას (მე18), რომელიც მიუთითებს, რომ არ შეიძლება კონვენციით გათვალისწინებული უფლების შეზღუდვა სამართლებრივი მიზნების გარდა სხვა მიზნებით...პირველ ეტაპზე, როდესაც მერაბიშვილს პატიმრობა შეეფარდა, ამ ეტაპზე ეს მეტ-ნაკლებად უფრო გამართლებული იყო. იმიტომ, რომ სახელწმიფოს მერე აქვს ვალდებულება, რომ მტკიცებულებები შეაგროვოს და შეიძლება იმ პირველი წარდგენის დროს, 48 საათში ვერ მოიპოვოს მტკიცებულებების დამაჯერებელი ერთობლიობა. მაგრამ მერე უკვე სტრასბურგის სასამართლომ, დეკემბრის ინციდენტის შემდგომ, დაასკვნა, რომ მერაბიშვილის პატიმრობას თურმე აღმოაჩნდა სხვა მიზნები. ამის გამო დაადგინა იმ მუხლის დარღვევა, რომელიც პირველადი პატიმრობის შეფარდებას ითვალისწინებს.“- განაცხადა ვანო მერაბიშვილის ერთ-ერთმა ადვოკატმა, ოთარ კახიძემ „სტარვიზიის“ ეთერში“. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ოთარ კახიძე პასუხობს.
აქტუალური თემა კულტურა! გვიყურეთ ყოველ ოთხშაბათს სტარვიზიაზე და გვისმინეთ რადიო STARFM 93.9-ზე
„მთავარი პრობლემა ამ ხელისუფლების და ალბათ, ივანიშვილისაც არის ის, რომ მათ კარგად არ აქვთ გააზრებული, რა არის ეკონომიკა. „ქართული ოცნების“ ხელისუფლებაში ყოფნის დროს ეკონომიკა არ წასულა რეცესიაში, ბოლო წლებში არ მომხდარა ეკონომიკის შემცირება. გვაქვს ზრდა, მაგრამ ეს ზრდა არის მინიმალური. თუ გავითვალისწინებთ იმას, რომ საქართველო არის განვითარებადი ეკონომიკის მქონე ქვეყანა, ჩვენ არ ვართ მაღალგანვითარებული ქვეყანა, რომელსაც შესაძლოა, აკმაყოფილებდეს 2-3%-იანი ზრდა, მაშინ ეს არის კატასტროფული მაჩვენებელი. ეს ზუსტად აჩვენებს სად ვიქნებით 5, 10, 20, 50 წელიწადში. ამიტომ მთავარი არჩევანი, რაც ჩვენი ქვეყნის მოქალაქეებს აქვთ გასაკეთებელი, არის - რა გვინდა ჩვენ, რამდენ ხანში გვინდა მივაღწიოთ, იმას რომ ვიყოთ ნორმალური განვითარებული ქვეყანა. რაც არ ესმის „ქართულ ოცნებას“ არის ის, რომ მათ გადადგეს უამრავი არასწორი ნაბიჯი ეკონომიკური პოლიტიკის თვალსაზრისით...რაც შეეხება ივანიშვილის პოლიტიკაში დაბრუნებას, მან ერთხელ თქვა უკვე რომ წავიდა და აღარ არის პრემიერ-მინისტრი, თუმცა რეალურად არც არასდროს წასულა და ის არის ქვეყნის დე-ფაქტო მმართველი. არც ახლა გააქტიურდება განსაკუთრებულად, უბრალოდ ახლა საჯაროდ გამოჩნდება.“ - განაცხადა „ახალი პოლიტიკური ცენტრი - გირჩის“ თავმჯდომარემ, ზურაბ ჯაფარიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის შეკითხვებს“ ზურაბ ჯაფარიძე პასუხობს.
პოლიტიკური ველი მონოპოლიზებული აქვს „ქართულ ოცნებას“ და „ნაციონალურ მოძრაობას“. „ქართული ოცნება“ თავის სტრატეგიას „ნაციონალური მოძრაობის“ ნეგატივზე აგებს, ვერც „ნაციონალურმა მოძრაობამ“ ვერ შეიცვალა, სამწუხაროდ, სტრატეგია. ამიტომაც დავტოვე. საბოლოო ჯამში ეს ქმნის იმ პრობლემებს, რაც ქვეყანაში არის. რატომ არ შემოდის ქვეყანაში ინვესტიცია? იმიტომ, რომ ამ პოლიტიკურ თავპირისმტვრევას როცა უყურებს ინვესტორი, როგორ შეიძლება ინვესტიცია ჩადოს მან ქვეყანაში. არ არის სტაბილურობის განცდა, რაც ინვესტორს სჭირდება. მერე ვამბობთ, რომ სამუშაო ადგილები აქ იქმნება. ვინ უნდა შექმნას სამუშაო ადგილი? კახა კალაძემ, რომელიც სპორტსმენებს ატრენინგებს იმისთვის, რომ თავი გაუხეთქოს „ნაციონალური მოძრაობის“ ლიდერებს?..ამის საპირწონედ, ჩვენ შევქმენით აბსოლუტურად პოზიტიური მუხტი.“ - განაცხადა „ახალი საქართველოს“ თავმჯდომარებ გიორგი ვაშაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის შეკითხვებს“ გიორგი ვაშაძე პასუხობს.
„ივანიშვილი აღიარებულია, როგორც „ქართული ოცნების“ ძალის ცენტრი და ფაქტობრივად, ერთადერთი შემკვრელი ლიდერი. როგორც პოლიტ-ტექნოლოგიურად, ასევე სტრატეგიის თვალსაზრისით სხვა ფიგურა, რომელიც იმ ეკლექტიკას თავს მოუყრის, რაც ქართულ ოცნებაშია, არ არსებობს. აქედან გამომდინარე, ბიძინა ივანიშვილის ფაქტორი გადამწყვეტი იქნება არჩევნების პროცესში იმისდა მიუხედავად, რამდენად ინტენსიურად იქნება ის ამ ყველაფერში ჩართული. აღიარება, როგორც ძალის ცენტრს, ბიძინა ივანიშვილს ნამდვილად აქვს, მაგრამ ის პოზიტივი, რაც იყო, გადანაწილდა ნეგატივზე. შესაბამისად, მას ან არ ესმის სად არის დღეს, ან ჯიუტად აგრძელებს იმ ხაზს, რაც ეჭირა მანამდე. ვფიქრობ, რომ მისი კამპანია პრობლემატური იქნება. ეს არ იქნება ისეთი კამპანია, როგორიც იყო 2012 წელს, როდესაც მას იმედის თვალით შეჰყურებდნენ და მისგან ელოდებოდნენ როგორც კეთილდღეობას, ასევე სამართლიანობას. დღეს როგორც ერთი, ასევე მეორე მიმართულებით მის მიმართ ექნებათ კითხვები. მას დახვდება იგივე ხალხი, მაგრამ მათი დამოკიდებულება იქნება სხვა.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის შეკითხვებს“ გია ხუხაშვილი პასუხობს.
ბატონი ბიძინას წერილი, რომელიც მან გამოაქვეყნა, იყო ერთ-ერთი ყველაზე იმედისმომცემი და ჩემი აზრით, ობიექტური შეფასება მიმდინარე მოვლენების, წარსულის, აწმყოსა და მომავლის. პირველ არხზე გასულ არც თუ ისე სახარბიელო ინტერვიუში რესპონდენტის აზრს ვერ გაიგებდი, იყო დებატების რეჟიმი. თუმცა უკვე მომდევნო იტნერვიუ უფრო მრავლისმომცველი იყო და შესაძლებელი იყო იმ ადამიანის პოზიციის გაგება, რომელიც არის ერთ-ერთი ყველაზე მოტივირებული და დამსახურებული მხარდამჭერი „ქართული ოცნების“, ასევე დამფუძნებელი ამ პარტიის. მე ვფიქრობ, რომ მას ყველანაირი უფლება აქვს იყოს ადამიანი, რომელიც რეგიონებშიც ჩავა, ოჯახშიც კარს შეაღებს და თავის აზრს იტყვის. მისი ამბიციაც, რომ ადამიანებს მისი სჯეროდეთ არის ძალიან ჯანსაღი იმიტომ, რომ მან თავისუფლება მოუტანა ჩვენს ქვეყანას...თავისუფლებაზე როდესაც ვსაუბრობ, აქ იგულისხმება არა მხოლოდ სიტყვის თავისუფლება, არამედ ბიზნესის, სასამართლოს.“ - განაცხადა „ქართული ოცნების“ პოლიტსაბჭოს წევრმა, მამუკა მდინარაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის შეკითხვებს“ მამუკა მდინარაძე პასუხობს.
„რა თქმა უნდა ცუდია, როდესაც არჩევნები ასეთ ფონზე ტარდება. ამაში უპირველესად მაინც მეტ პასუხისმგებლობას ხელისუფლებას ვაკისრებ, რამეთუ არ იყო აუცილებელი ასეთი ტემპერატურის აწევა. სოფლის არჩევნების გამო, დეპუტატის 1 წლით არჩევისთვის ასეთი სერიოზული მობილიზება არ უნდა მომხდარიყო, ჩემი აზრით. ჯობდა მიეცათ საშუალება, რაიონში თითონ გადაეწყვიტათ ვინ აერჩიათ. თუმცა თავისთავად ცხადია, „ნაციონალური მოძრაობა“ გაცილებით გამოცდილია ამ საარჩევნო მანიპულაციებში, მათ დიდოსტატურად გამოიყენეს იმ ტერიტორიაზე არსებული ხალხის თავმოყრა, მოახდინეს პროვოცირება, რასაც მოჰყვა ასეთი ექსცესები. რაც უფრო მოახლოვდება საპარლამენტო არჩევნები, მას გაცილებით მეტი დაძაბულობა მოჰყვება და საკმარისია აი ასეთი რამდენიმე პროვოკაცია და შესაძლებელია, სამოქალაქო ომის პროვოცირებაც კი მოხდეს.“- განაცხადა პარლამენტის საფინანსო-საბიუჯეტი კომიტეტის თავმჯდომარემ, თამაზ მეჭიაურმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს თამაზ მეჭიაურმა პასუხობს.
"როგორც ჩანს, ხელისუფლება არ არის წინააღმდეგი, გამოიყენოს ყველა ის ნეგატიური ინსტრუმენტი, რაც წინა რეჟიმს ეპყრა ხელთ და გამოიყენოს ზუსტად იმავე მეთოდებით. აქედან გამომდინარე „მოძველბიჭო“ შეიძლება ეს არის ერთი-ერთი ინტერპრეტაცია პრეზიდენტისა, შეიძლება მას სხვა სიტყვა ეხმარა. ამას რა მნიშვნელობა აქვს. ფაქტია, რომ ის რაც ხდებოდა იმ დღეს კორცხელში, ეს იყო კანონის ზღვარზე და ხელისუფლებას არ ეკადრება ასეთ ელემენტებზე დაყრდნობა, ასეთი ელემენტების მეშვეობით შედეგზე გავლენის მოხდენის მცდელობა. გარდა იმისა, რომ ეს ძალიან საეჭვო ქმედებებია, ხელისუფლების უუნარობის შეგრძნებას კიდევ უფრო აძლიერებს... ვფიქრობ, რომ პრეზიდენტმა იგულისხმა სწორედ ეს - „მოძველბიჭო“ ნიშნავს კანონის მიღმა ძალისმიერ ქმედებებს. მას მთელ ხელისუფლებაზე ეს არ უთქვამს, მაგრამ მან იგულისხმა ხელისუფლებაში მყოფი გარკვეული ჯგუფი, რომელიც მზად არის ასეთი მეთოდებით მიიღოს პოლიტიკური შედეგი.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„ძალიან რთულია ამ ფონზე ჟურნალისტების მუშაობა. პრაქტიკულად, ჩვენ უკვე 1 წელია ამ სტრესულ რეჟიმში ვმუშაობთ. მუდმივი სასამართლო პროცესები, მუდმივი მუქარა, რომ თქვენ ახალი მფლობელი უნდა გყავდეთ, მუდმივი მუქარა, რომ ყველაფერი შეიცვლება მაგ ტელევიზიაში - ეს ბუნებრივია მორალურად მოქმედებს ჟურნალისტთა კორპუსზე. ძალიან რთულია ასეთ სტრესულ რეჟიმში მუშაობა, თუმცა მე მაინც ამაყი ვარ ჩემი გუნდით. მიუხედავად ყველაფრისა, ისინი მაინც პროფესიონალურად ართმევენ თავიანთ მოვალეობას თავს. ეს იმიტომ რომ, მათ სჯერათ, რომ სწორ საქმეს აკეთებენ და სწორი მიმართულებით მუშაობენ. ჩვენი სარედაქციო პოლიტიკა, რომელიც ასე ღიად არის დეკლარირებული, არის ყველა ჟურნალისტისთვის ამოსავალი წერტილი და სწორედ ამიტომ არის, რომ დღემდე ვერანაირი ძვრა ვერ უქნა ხელისუფლებამ.“ - განაცხადა ტელეკომპანია „რუსთავი2“ ის გენერალური დირექტორის მოადგილემ, ზაალ უდუმაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ზაალ უდუმაშვილი პასუხობს.
ის, რომ „რუსთავი2“-ის საქმე არის პოლიტიკური პროცესი და არა სამართლებრივი პროცესი, ამას მხოლოდ „რუსთავი2“-ის ადვოკატები არ აცხადებენ. ამას აცხადებს პრაქტიკულად ყველა, ივანიშვილისა და „ქართული ოცნების“ გარდა. არც არასამთავრობო სექტორს, არც საერთაშორისო საზოგადოებას, არც დიპლომატიურ მისიებს და არც ჩვენი საზოგადოების დიდ ნაწილს არ გააჩნია არანაირი ეჭვი ამასთან დაკავშირებით. ამ პროცესში იმდენი კითხვა და ფაქტია ურთიერთშეუსაბამო. ასევე იმდენი განცხადებაა, რომელსაც თავად ფორმალური მოსარჩელე აკეთებს, რომელიც მხოლოდ ღიმილს იწვევს, რომ არა ის ტრაგიკულობა, რაც ამ ყველაფერს ახლავს თან...ქიბარ ხალვაშს ტელეკომპანია „მაესტროს“ ეთერში აქვს ნათქვამი, რომ მას „რუსთავი 2“ არ აინტერესებს, როგორც ქონება. მას აინტერესებს ის, რომ „რუსთავი 2“ გამოგლიჯოს ხელს სიცრუეს და დააბრუნოს ჭეშმარიტების სამსახურში. ანუ მიზანი იმთავითვე გაცხადებულია საჯაროდ და დაუფარავად და ამის შემდეგ საუბარი, რომ ეს შეიძლება იყოს ქონებრივი დავა, არის ძალით თავის დაბრმავება.“ - განაცხადა „რუსთავი 2“-ის ადვოკატმა, ზაზა ბიბილაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ზაზა ბიბილაშვილი პასუხობს.
ევროკავშირის წევრი ქვეყნების მუდმივი წარმომადგენლების საბჭომ ორჯერ უკვე ვერ მიიღო გადაწყვეტილება საქართველოს ვიზალიბერალიზაციის თემაზე...მინისტრების საბჭო ჩანიშნულია 9 ივნისს. რეალურად, გადაწყვეტილება უნდა მიიღონ 9 ივნისს. მანამდე ელჩები ვერ შეთანხმდნენ. ეს არის სიგნალი, რომ მინისტრები ერთმნიშვნელოვნად დადებით გადაწყვეტილებას მარტივად ვერ მიიღებენ. ახლა მთავარია, მუშაობა გაგრძელდეს. საქართველოს ხელისუფლებას არ აქვს მოდუნების უფლება. თუმცა რეალურად ხელისუფლება მოდუნდა. მან იმის ნაცვლად, რომ მთელი თავისი ენერგია მიემართა ქვეყნისთვის აი ამ ძალიან მნიშვნელოვან გადაწყვეტაზე და ლობირება ინტენსიურად გაეგრძელებინა გნებავთ ელჩების, გნებავთ მინისტრების დონეზე, რეალურად ხელისუფლების ყურადღება გამახვილებულია იმაზე, რომ ოპოზიციას ებრძოლოს, ჩაახშოს კრიტიკული აზრი.“ - განაცხადა მოძრაობა „სახელწმიფო ხალხისთვის“ ერთ-ერთმა ლიდერმა, გიორგი რუხაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი რუხაძე პასუხობს.
„ეს არის ჩვეულებრივი კრიმინალი, რომელიც გაზავებულია გარკვეულწილად პოლიტიკით და ეს აჩვენებს, რა განწყობა აქვთ აფხაზებს და ქართველებს ერთმანეთის მიმართ, რამხელა აგრესიაა დაგროვილი. ვფიქრობ, გადაჭარბებულია ოპოზიციის მხრიდან ხელისუფლების მძაფრი კრიტიკა და აქცენტირება მის უუნარობაზე. არის ერთი გამონაკლისიც: მე ვფიქრობ, ხელისუფლებას პირველივე წუთებიდან უნდა დაეწყო კონსულტაციები აფხაზურ მხარესთან დამნაშავის დასჯაზე. ვფიქრობ, ეს მიღწევადი იყო, რადგან არ მგონია, რომ მეორე მხარის გაგებითაც ეს კრიმინალი არ ყოფილიყო. აქედან გამომდინარე, ხელისუფლებამ და პოლიტიკურმა ელიტამ ზედმეტი აქცენტები გააკეთა პოლიტიკაზე და არ მოახდინა თემის ლოკალიზაცია კონკრეტულ სისხლის სამართლის დანაშაულზე. ამ საკითხს თავიდანვე რომ ჩამოშორებოდა ასეთი პოლიტიზირება, შესაძლებელია, რომ ქართულ მხარეს უზრუნველყო დამნაშავის დასჯის ორგანიზება...დიდი ალბათობით, დამნაშავე არ იქნება დასჯილი ან იქნება ფორმალურად დასჯილი. ამას საფუძველი შეუქმნა თემის ზედმეტმა პოლიტიზირებამ“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, „აქტუალური თემის“ შეკითხვებს გია ხუხაშვილი პასუხობს.
„კალაძე, რომელიც ჩვენი ინფორმაციით არის ამ ძალადობის ავტორი, ცდილობს ახლა სიტუაციიდან გამოძვრეს. ვიცი, რომ „ქართული ოცნების“ შიგნითაც დაპირისპირებაა, თვითონ პრემიერ-მინისტრი კვირიკაშვილიც საკმაოდ მტკივნეულად აღიქვამს ამ ფაქტს, მაგრამ კახი კალაძე, ბიძინა ივანიშვილის მხარდაჭერით, არწმუნებს მათ, რომ თუ ახლა ეს მოძალადეები დაისჯებიან, 8 ოქტომბრის არჩევნებზე არცერთი ასეთი მოძალადე მათ გვერდით აღარ დაუდგებათ. საარჩევნო კამპანიის ბოლო დღეს ჩვენ პოლიტიკური ლიდერები მივავლინეთ რაიონებში, რომ იქ სიტუაცია ყოფილიყო სტაბილური. კორცხელში დაგეგმილი იყო პროვოკაცია. 9 მანქანით ჩავიდნენ მოძალადეები იქ. ჩვენ გვაქვს 100%-იანი ინფორმაცია, რომ ვინც ამ ჯგუფს ტელეფონით ხელმძღვანელობდა, იყო კალაძესთან და ის იღებდა გადაწყვეტილებას. ეს ადამიანი „ქართულ ოცნებაში“ ამკვიდრებს კრიმინალურ სიტუაციას.“ - განაცხადა პარლამენტარმა, „ნაციონალური მოძრაობის“ წევრმა, მიხეილ მაჭავარიანმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, „აქტუალური თემის“ შეკითხვებს მიხეილ მაჭავარიანი პასუხობს.
„აფხაზურ მხარეს ეს ყველაფერი არ აწყობდა იმიტომ, რომ აფხაზური მხარე ცდილობს მოახდინოს თავისი პოლიტიკის დივერსიფიკაცია როგორმე და არ იყოს მხოლოდ რუსეთზე დამოკიდებული, მოაჩვენოს დასავლეთს, რომ ეს არის ცივილიზებული სახელმწიფო წარმონაქმნი. ამ ფონზე ხურჩაში მომხდარი მკვლელობა ნამდვილად არ უწყობს ხელს აფხაზეთის, როგორც რეალური სახელმწიფო წარმონაქმნის, პრეზენტაბელურობას... რაც შეეხება რუსეთს, ეს არც მას აწყობდა. რომ გადავხედოთ გლობალურ პოლიტიკას, დღეს რუსების მდგომარეობა საკმაოდ არამყარია, განსაკუთრებით კერისა და პუტინის ბოლო შეხვედრის შემდეგ. ამ შეხვედრაზე განხილული იყო უკრაინის თემა და პირველი შემთხვევა იყო, რომ კერი პუტინს სახალხოდ დაემუქრა. ამ მუქარას კი მოჰყვა სავჩენკოს ელვისებური გათავისუფლება. ამ ფონზე კიდევ რამე ექსცესი იმ ტერიტორიაზე, რომელსაც რუსეთი აკონტროლებს, ნამდვილად არ აწყობდა მას. ამიტომ მე მგონია, რომ ხურჩაში მკვლელობა იყო პირადი ინიციატივა იმ კონკრეტული ჯგუფის, რომელიც იქ იყო და დაუსჯელობის სინდრომი რომ მუშაობს, ეს ფაქტია...თუ აფხაზურ მხარეს ეცოდინებოდა, რომ იქ გამშვებ პუნქტთთან ახლოს დგას ქართული ბლოგპოსტი, მაშინ მეტი შიში და რიდი ექნებოდათ...საქართველოს ხელისუფლებამ უნდა გამოიყენოს ეს შემთხვევა იმისთვის, რომ დიპლომატიურ ურთიერთობებში სიტუაცია დაძაბოს“ - განაცხადა ესქპერტმა კავკასიის საკითხებში, მამუკა არეშიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, „აქტუალური თემის“ შეკითხვებს მამუკა არეშიძე პასუხობს.
მუსიკალურ-ქორეოგრაფიული დრამა ოპერისა და ბალეტის თეატრში! მუსიკოსი ზაზა მარჯანიშვილი მაყურებელს გურამ დოჩანაშვილის „სამოსელი პირველის“ მისეულ ვერსიას სთავაზობს.საიდან გაჩნდა იდეა თანამედროვე ბიბლიური ნაწარმოების მუსიკალური ვერსიად დაბადებისა და როგორი იქნება ექსპერიმენტული წარმოდგენა, რომლის შემოქმედებით პროცესშიც 200-ზე მეტი ადამიანია ჩართული, გადაცემაში - აქტუალური თემა - კულტურა, კულტურის სფეროში არსებულ საინტერესო სიახლეებთან ერთად, გელით ინტერვიუ კომპოზიტორ ზაზა მარჯანიშვილთან.
„ბოტანიკური ბაღის ნაწილის გასხვისებისა და მიმდებარე ტერიტორიაზე გზის მშენებლობის საკითხებს დედაქალაქის მერის მოხსენებაში დაეთმო დაახლოებით, მისი გამოსვლის 1/3. დანარჩენი 2/3 მან ილაპარაკა, რა ცუდია ნაციონალური მოძრაობა, რა ცუდად მართავდნენ ქალაქს და რამდენი კარგი რამ კეთდება ამჟამინდელი ხელისუფლების დროს. ეს სრულიად არ იყო ის თემა, რის გამოც ჩვენ გვაინტერესებდა ბატონი მერის მოსმენა. თავიდანვე მან აიღო უკიდურესად აგრესიული ტონი და ამაში მას აყვა საკრებულოს რამდენიმე დეპუტატიც. მე დამრჩა შთაბეჭდილება, რომ ეს იყო წინასწარ მომზადებული, რომ ყოფილიყვნენ შემტევი და მთელი ეს ბოტანიკური ბაღის საკითხი გადაეყვანათ ნაციონალურ მოძრაობასთან დაპირისპირების კონტექსტში. თითქოს ბიძინა ივანიშვილი და ხელისუფლება აკეთებენ რაღაც სასიკეთო საქმეს და ცუდი ნაციონალური მოძრაობა მათ ხელს უშლის. ეს კონტექსტი არასწორია. განაცხადა თბილისის საკრებულოს ფრაქცია „რესპუბლიკელების“ წევრმა, დავით ზურაბიშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm”-ზე, „აქტუალური თემის“ შეკითხვებს დავით ზურაბიშვილი პასუხობს.
“ქართული ოცნების პოლიტსაბჭოს განახლება, რომლის ამოცანაც იყო კვირიკაშვილისთვის საყრდენის შექმნა პარტიის მართვის თვალსაზრისით, არაფერზე არ მეტყველებს. საიდან მოვიდა ეს სია გაუგებარია. რჩება შთაბეჭდილება, რომ კვირიკაშვილმა თავისი ნაცნობები შეაგროვა და მექანიკურად ჩაყარა პოლიტსაბჭოში, მიუხედავად მათი გამოცდილებისა და უნარებისა. შექიმნა შთაბეჭდილება, რომ ის ძალიან ზედაპირულად და არასერიოზულად მიუდგა ამ საქმეს. ჩემი აზრით, კვირიკაშვილის აი ამ მსუბუქმა და არასერიოზულმა ქმედებამ შიდაპარტიული დაძაბულობა გაზარდა... რაც შეეხება ნაციონალურ მოძრაობას, მას აქვს განვითარების ძალიან შეზღუდული რესურსი იმიტომ, რომ ის, შეიძლება ითქვას, დაზიანებულია, ვადაგასულია... თუმცა არსებობს გარკვეული დიაპაზონი და პოლიტტექნოლოგიურად იქცევიან ძალიან სწორად. ყველაფერს აკეთებენ ცივი გონებით და პირადი ამბიციები გადადეს უკან. მათ გააცნობიერეს ის, რომ თვითონ არიან ნეგატივში, ჩაიჩოჩეს ქვემოთ და პირველი ათეული წარმოადგინეს ისეთი, რომლებთანაც პირადი პრეტენზიების მიმართვა რთულია. შესაბამისად, დებატებში ეს ადამიანები უფრო წელგამართულები არიან, ქართული ოცნებისგან განსხვავებით. მაგალითად, ეკა ბესელია ჯიუტად პოლიტსაბჭოში ზის. არ უნდა, რომ ცოტახნით მაინც ჩრდილში შევიდეს და დაიმალოს. ამ კუთხით ქართული ოცნება ირაციონალურად და არაპროფესიონალურად იქცევა “ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm”-ზე, „აქტუალური თემის“ შეკითხვებს გია ხუხაშვილი პასუხობს.
„სიის ფორმირების დროს ჩვენ გავითვალისწინეთ წინა თვითმმართველობის არჩევნების შედეგები, ამის მიხედვით მოხდა კვოტების განაწილება და სიის შედგენა. რაც შეეხება ახალ სახეებს, აქ მნიშვნელოვანია ორი გარემოება. პირველი - ნაციონალურმა მოძრაობამ შექმნა წარმატებული სახელმწიფოს მშენებლობის და რეფორმების განვითარების პრეცედენტი. ეს წარმატებული იყო იმიტომ, რომ ათასობით ადამიანი იღებდა მონაწილეობას ამ რეფორმების პროცესში. გარდა ამისა, როგორც კი ჩვენ ვთქვით, რომ იქნება განახლება, ძალიან ბევრმა ჩვენმა ლიდერმა განაცხადა, რომ მოწინავე ადგილებს დაუთმობდა ახალ ფიგურებს. მათ სერიოზული წვლილი უნდა შეიტანონ როგორც ბიძინა ივანიშვილის ხელისუფლებიდან ჩამოშორებასა და სახლში გაშვებაში, ასევე გამარჯვების შემდეგ რეფორმების განხორციელებაში. ჩვენ არ ვგეგმავთ 20, 30 ან 40 ადგილის დაკავებას პარლამენტში. ჩვენ ვიბრძოლებთ გამარჯვებისთვის და როდესაც მოქმედმა ლიდერებმა დათმეს წინა ადგილები, ეს გზავნილი იყო სწორედ იმისა, რომ ჩვენ ვიბრძოლებთ მხოლოდ გამარჯვებისთვის. გამარჯვების გარეშე შეუძლებელია პროცესების შეცვლა და ქვეყნის კრიზისიდან გამოყვანა. ამ ქვეყანაში ერთადერთი ალტერნატივა, რომელიც დაამარცხებს ოცნებასა და ბიძინა ივანიშვილის მმართველობას, არის მხოლოდ ნაციონალური მოძრაობა.“ - განაცხადა პარლამენტარმა „ნაციონალური მოძრაობის“ აღმასრულებელმა მდივანმა, სერგო რატიანმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm”-ზე, „აქტუალური თემის“ შეკითხვებს სერგო რატიანი პასუხობს.
„ბატონი მერი საკრებულოს სხდომაზე წარდგა ძალიან საინტერესოდ, მთელი დიაგრამებით და სურათებით, სადაც ნაჩვენები იყო, რომელი კონტურის ცვლილება სად მოხდა, როგორი კორექტირება განხორციელდა იმ ე.წ. 4 ჰექტარში, რა გაიცვალა, რა ხრიოკი ფერდობი იყო და ა.შ. მთავარი არის ის, რომ გზა, რომელიც შუაში კვეთდა ამ 29 ჰექტარს, უკვე აღარ კვეთს, ის მიდის სადღაც ფერდობის ნაპირას და ზუსტად ისე უნდა გაკეთებულიყო, როგორც ახლაა კორექტირებული... ჩვენ არ უნდა ვიყოთ უმადურები. პირიქით, მადლიერები უნდა ვიყოთ, რადგან ამ პროექტის განხორციელება სჭირდება ჩვენს დედაქალაქს.“ - განაცხადა თბილისის საკრებულოს თავმჯდომარემ, გიორგი ალიბეგაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm”-ზე, „აქტუალური თემის“ შეკითხვებს გიორგი ალიბეგაშვილი პასუხობს.
„თბილისის მერმა ვერ შეძლო საზოგადოების თუნდაც ჟურნალისტების წინაშე წარმდგარიყო და გაეცა შეკითხვებზე პასუხი ისეთ კრიმინალურ საკითხზე, როგორიც არის ბოტანიკური ბაღის და მიმდებარედ 29 ჰექტარი ტერიტორიის ერთი მილიარდერის მიერ მისაკუთრება. ერთი თვის განმავლობაში ჩვენ მუდმივად ვისმენდით, რომ არ არსებობს ეს პრობლემა, რომ თბილისელები ბედნიერები უნდა იყვნენ იმით, რომ აშენდება ქალაქში ივანიშვილის მორიგი რეზიდენცია და ამის გამო კრწანისი-შინდისის მშენებარე გზა მილიონობით ლარით გაძვირდება. თბილისელებმა საკუთარი ბიუჯეტიდან კიდევ თანხები უნდა ხარჯონ იმისათვის, რომ ივანიშვილმა თავი უფრო კომფორტულად იგრძნოს. ერთი თვის განმავლობაში მხოლოდ ამას ვისმენდით და ბოლოს გადაწყვიტეს დაედგათ გენერალური სპექტაკლი, სადაც ნარმანია შეძლებდა ჩამოერეცხა მთელი ის ტალახი, რომელშიც ბატონი ივანიშვილი აღმოჩნდა. რაც შეეხება საკრებულოს სხდომას და იქ მომხდარ დაპირისპირებას, დავით ნარმანია ერთი თვის გასვლის შემდეგაც შეეცადა, საზოგადოების ყურადღება გადაეტანა ბოტანიკური ბაღის ფარულად გასხვისების საკითხთან საერთოდ კავშირში არ მყოფ თემებზე“ - განაცხადა თბილისის საკრებულოს ფრაქცია „ნაციონალური მოძრაობის“ წევრმა, ირაკლი აბესაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm”-ზე, „აქტუალური თემის“ შეკითხვებს ირაკლი აბესაძე პასუხობს.
განსაკუთრებული თვალსაზრისი გია ხუხაშვილთან ერთად
ახმეტელის თეატრი თანამედროვე ხელოვნების გამოწვევის წინაშე, როგორია თეატრის რეპერტუარი და რას ანიჭებს უპირატესობას სპექტაკლის დადგმისას თეატრის სამხატვრო ხელმძღვანელი? გადაცემაში - აქტუალური თემა კულტურა- საინტერესო ინტერვიუ -ახმეტელის თეატრის სამხატვრო ხელმძღვანელთან -რეჟისორ ირაკლი გოგიასთან. გადაცემა სტარვიზიისა და რადიო STAR FM 93.9-ის ეთერშია, ყოველ ოთხშაბათს 21.30 სთ-ზე..
„ მე მაინტერესებს ტელევიზია ობიექტივი, მაგალითდ, რატომ არის ასეთი პრორუსული. იქიდან მოდის ნიაღვარი ანტიდასავლური პროპაგანდის, რომელიც სიტყვა-სიტყვით, ასო-ასო იმეორებს იმას, რაც გვესმის რუსეთის არხებიდან. მტრად არავინ არ აცხადებს პრორუსულ ძალებს, თუ კი ეს მათი ბუნებრივი განწყობაა. ჩვენ გვაინტერესებს ობიექტივი რითი არსებობს, არის თუ არა შესწავლილი ეს წყაროები. ის რომ ლაპარაკოსბ ასე, ეს მისი გულწრფელი პოზიციაა, თუ მაინც მასალები მოსდის საიდანღაც, იმიტომ, რომ შთაბეჭდილება ისეთი მრჩება, რომ დაღაც კრემლში იწერება ის, მერე ოთარგმნება და იმას ლაპარაკობენ. მე ასეთი აღვირახსნილი პროპაგანდა საბჭოთ დროში არ მახსოვს, რასაც გვაღვრის თავზე ობიექტივი. .. ადამიანის მოკლვა რომ შეეძლოს მედიას, ის რასაც აკეთებს ასავალ-სადავალი, ტელევიზია ობიექტივი და სხვა, ჩვენ , მეჭიაურის თქმის არ იყოს, ცოცხლები აღარც უნდა ვიყოით... ვიცი, რომ თენგიზ კიტოვანმა დააფინანასა ერთ-ერთი პარტია საქართველოში. ჯერ ვერ ვიტყვი ვინ არის. ეს უნდა დადასტურდეს, თუმცა ინფორმაცია გვაქვს ამის შესახებ. ...მარგველაშვილი პოლიტიკაში იყო არავინ და ერთ დღეში გახდა პრეზიდენტი. შეცდომა იყო, რა თქმა უნდა, როგორ არაპოლიტიკოსის დასახლებეა და წინ წამოწევა. ჩემთვის რომ ეკითხათ, მაშინვე ვეტყოდი. შეცდომა არის არარაობიდან რაღაცის შექმნის სურვილი.“ განაცხადა რესპუბლიკელების ერთ-ერთმა ლიდერმა ლევან ბერძენილშვილმა „აქტუალური თემის“ ეთერში. უყურეთ „სტარვიზიაზე“ და უსმინეთ რადიო „სტრეფემზე“, „აქტუალური თემის შეკითხვებს რესპუბლიკელი დეპუტატი ლევან ბერძენიშვილი პასუხობს.
„საარჩევნო სია მოკლდება, კონკურენცია იზრდება, ეს იწვევს შიდა დაძაბულობას და ამ დროს ახსენდებათ იდეოლოგიაც და ყველაფერიც ადამიანებს. ვინმე თუ რაღაცით უკმაყოფილოა და უწევს კარის გაჯახუნებ, იმას ვერასოდეს იტყვის, რომ უკმაყოფილოა თავისი პოზიციით პარტიაში. ვგულისხმობ არა მხოლოდ მეჭიაურს, არმედ ყველას, მათ შოირის რესპუბლიკლებესაც და სხვებსაც, ვინც ასეთ დემარშებს აწყობს. იგივე პარალელი შეიძება გავავლოთ სხვა პარტიებთან. თუ მართლა ასეთი შეუთავსებლობა იყო იდეოლოგიური, არჩევნებს არ უნდა დალოდებოდნენ ეს ადამიანები. იქ ახლა იწყება შიდა ბრძოლა ადგილების მოსაპოვებლად. ამის კლასიკური მაგალითია არმაზ ახვლედიანი. ის ყველას დიდი ხნის წასული გვეგონა და და რამდენიმე დღის წინ დაიძახა მივდივარო. ეს არის წმინდა პოლიტტექნოლოგიური თემა, რომელსაც ადამიანები იყენებენ იმისთვის, რომ ისეთი დასასრული აჩვენონ ერთ ადგილზე, რითც კარგ სტარტს აიღებენ მეორე ადგილზე. იგივეს აკეთებდნენ რესპუბლიკელები. ისინი ცდილბოდნენ სიტუაციის მაქსიმალურად დეტონირებას და დაძაბვას მეჭიაურის განცხადებებთნ დაკავშირებით. მათაც სჭირდებათ კარის გაჯახუნების ინიცირება საგარეო ვექტორთან დაკავშირებით. ამიტომ, ვფიქრობ, მეჭიაურის განცხადებების ზედმეტად დრამატიზება მოხდა .“ - განაცხადა გია ხუხაშვილმა სტარვიზიის ეთერში. უყურეთ „სტარვიზიაზე“ და უსმინეთ რადიო სტრეფემზე, კვირის მთავარი მოვლენების ანალიზი გადაცემაში „აქტუალური თემა“ - „განსაკუთრებული თვალსაზრისი გია ხუხაშვილთნ ერთად.
ვინ უჭერს მხარს და ვინ არა მმართველ გუნდში ქვეყნის პროდასავლურ არჩევანს; გაიყარა თუ არა მეჭიაურისა და „ოცნების“ გზები; ვინ ცდილობდა პრეზიდენტის ინსტიტუტის დისკრიმინაციას და რატომ დაადანაშაულა მარგველაშვილმა ქართული ოცნება და რესპუბლიკელები. პაატა ბურჭულაძე - ახალი პოლტიკური მოთამაშე წინაასაარჩევნო მარათონში, როგორ აფასებენ მას კონკურენტები - „აქტუალური თემის“ შეკითხ
საქართველოს ეროვნულ მუზეუმში mercedes Benz-ის მოდის კვირეული ფრანგი დიზაინერის ჰერვე ლეჟეს გამოფენით გაიხსნა. მოგვიანებით კი კლუბ ანდერვილში ავთანდილ ცქვიტინიძის ახალი კოლექციის ჩვენება მოეწყო. კვირეულის ფარგლებში თბილისში ჩამოვიდნენ ცნობილი დიზაინერები, მოდელები, ჟურნალიტები და ბაიერები მთელი მსოფლიოდან. მერსედეს ბენცის მოდის კვირეული 5 დან 9 მაისის ჩათვლით იმართება და 4 დღის განმავლობაში 20-ზე მეტი ქართველი და უცხოელი დიზაინერი აჩვენებს საკუთარ კოლექციებს.
გიორგი ვაშაძესთან სრულ ინტერვიუს ნახვას შეძლებთ „სტარვიზიაზე"და რადიო "სტარ ფმ"ზე გადაცემაში „აქტუალური თემა" 6 მაისსს. 21 საათსა და 30 წუთზე. გიორგი ვაშაძემ „ნაციონალური მოძრაობა“ დატოვა. ვაშაძემ პარტიიდან წასვლის მიზეზებზე ჩვენთან ინტერვიუში ისაუბრა, ვაშაძემ განმარტა, რომ „ნაციონალური მოძრაობა“ შორს არის იმ იდეალებისგან, რაც მას საწყის ეტაპზე ჰქონდა. ვაშაძის ინფორმაციით, ის ახალ მოძრაობას ახალგაზრდა ადამიანებთან ერთად შექმნის.
საქართველო ოპერა ევროპას წევრია! ფესტივალი აღდგომიდან ამაღლებამდე დაიწყო, ეს და სხვა საინტერესო სიახლეები კულტურის სფეროდან, ნახეთ გადაცემაში - აქტუალური თემა კულტურა, გადაცემის სტუმარია - ოპერისა და ბალეტის თეატრის სამხატვრო ხელმძღვანელი - დავით კინწურაშვილი.. აქტუალური თემა კულტურა, სტარვიზიისა და რადიო STAR FM 93.9-ის ეთერშია - ყოველ ოთხშაბათს 21.30 სთ-ზე.
6 ოლიმპიური ლიცენზია 6 დღეში - ასეთია ქართველი სპორტსმენების შედეგი, წარმატებული ასპარეზობის შესახებ, გადაცემაში „აქტუალური თემა, სპორტი“ მოფარიკავის სანდრო ბაზაძის მწვრთნელთან მერაბ ბაზაძესთან, მოჭიდავე იაკობ მაქარაშვილთან და მის მწვრთნელთან ემზარ ბედინეიშვილთან ვისაუბრებთ. ევროპის ჩემპიონატზე საქართველოს ჭაბუკ და ახალგაზრდა სამბისტთა ნაკრებებმა წარმატებით იასპარეზეს, ქართული სამბოს შესახებ სამბოს ფედერაციის პრეზიდენტი ავთანდილ ცინცაძე გვესაუბრება.
კულტურის სიახლეებთან ერთად, გადაცემაში გელით საინტერესო ინტერვიუ - ფოტოგრაფ გურამ წიბახაშვილთან - აქტუალური თემა კულტურა - სტარვიზიისა STAR FM 93.9 და ეთერშია ყოველ ოთხშაბათს 21.30 სთ-ზე
“არანაირ თავისუფალ არჩევნებზე, არანაირ ერთიან პოზიციაზე, არანაირ თანაფარდობასა და ბრძოლაზე არ არის ლაპარაკი. აქედან გამომდინარე, ჩვენ გადავწყვიტეთ, რომ გადავიდეთ რადიკალურ ზომებზე. ცამეტი პარტიიდან ათმა ჩამოაყალიბა საკოორდინაციო საბჭო, რომელიც ქმედით ღონისძიებებზე გადავა. ჩვენ ჩამოვყალიბდით იმაზე, რომ გადავიდეთ აქტიურ ქმედებებზე, გადავიდეთ აქციების რეჟიმში, გადავიდეთ საერთაშორისო ორგანიზაციებთან კონსულტაციების რეჟიმში და ყველას ვანახოთ, რომ ხელისუფლება აპირებს ძალაუფლების მითვისებას არჩევნების გზით და მიდის ამის გაყალბებისკენ.“ - განაცხადა „საქართველოს ევროპელი დემკორატების“ თავმჯდომარემ, პაატა დავითაიამ „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, აქტუალური თემის შეკითხვებს პაატა დავითაია პასუხობს.
რამდენიმე დღეა რაც, ახალი პოლიტიკური ცენტრი „გირჩი“ არსებობს, როგორც პოლიტიკური პარტია და ბუნებრივია, ჩვენი მიზანი არის არჩევნებში მონაწილეობა და რაც შეიძლება მეტი დეპუტატის გაყვანა საქართველოს პარლამენტში. რა თქმა უნდა, ეს არის სერიოზული განაცხადი და ამაზე მეტყველებს თუნდაც ის, რაც ფილარმონიაში ხდებოდა...“გირჩი“ ძალიან ბევრ სწორ განაცხადს აკეთებს იმისათვის, რომ ლოგიკურად და ღირსეულად დაიკავოს თავისი ადგილი საქართველოს პარლამენტში. ერთერთი უმთავრესი განაცხადი, რაც ყველასგან გამოგვარჩევს, არის ის, რომ „გირჩი“ ახალი ენერგიაა, ახალი ადამიანებით დაკომპლექტებული პოლიტიკური გუნდი და თუ ვინმე მასში წარმოადგენს ძველ პოლიტიკურ სახეს, მაგალითად მე, პალიკო კუბლაშვილი, გიორგი მელაძე - თავიდანვე ღიად ვთქვით, რომ ჩვენ არ მივიღებთ არჩევნებში მონაწილეობას. ამით ხაზი გავუსვით ზუსტად იმას, რასაც ხშირად ვიმეორებ ხოლმე - ქართული პოლიტიკა არის გასანიავებელი“ - განაცხადა პარტია „გირჩის“ ერთ-ერთმა დამფუძნებელმა, გოგა ხაჩიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, აქტუალური თემის შეკითხვებს გოგა ხაჩიძე პასუხობს.
„ხელისუფლება ცდილობს, ნულოვანი შედეგი გაასაღოს, როგორც მათი მხრიდან გადმოგმული პოზიტიური ნაბიჯი და აცხადებენ, რომ 80%-ზე შეთანხმება მოხდა ინტერპარტიულ ჯგუფსა და ხელისუფლებას შორის, რომ საარჩევნო გარემო გააუმჯობესეს. ქვეყნისა და საზოგადოების თითოეული წევრისათვის სამწუხაროდ, ეს ასე არ არის და ხელისუფლება მხოლოდ იტყუება. რეალურად რომ ვთქვათ, ინტერპარტიულ ჯგუფს ხელისუფლებისათვის გადაცემული ჰქონდა 5 პუნქტიანი დოკუმენტი. პირველი და ძირეული პუნტქი - ეს იყო საარჩევნო სისტემის ცვლილება. სწორედ ამ ცვლილებაზე გადის საარჩევნო გარემოს გაუმჯობესება. მეორე - ეს იყო საარჩევნო ადმინისტრაციის დაკომპლექტების ცვლილება, მესამე - ბარიერის ჩამოწევა, მეოთხე - პოლიტიკური ორგანიზაციებისათვის კონკურენტული გარემოს უზრუნველყოფა და მეხუთე - ადმინისტრაციული რესურსის გამოყენებაზე სასჯელის გამკაცრება. ხელისუფლებისგან მივიღეთ პასუხი, რომ სისტემას არ ეხებიან...ამდენი მნიშვნელოვანი შეთავაზების შემდეგ, ხელისუფლების მხრიდან მივიღეთ მხოლოდ ერთადერთი შედეგი, რომ ისინი მზად არიან პატარ-პატარა პარტიებს გაუწიონ პატარ-პატარა შეღავათები.“ - განაცხადა „გაერთიანებული დემოკრატების“ ერთ-ერთმა ლიდერმა, გიორგი ახვლედიანმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, აქტუალური თემის შეკითხვებს გიორგი ახვლედიანი პასუხობს.
„ევროსაბჭოს საპარლამენტო ასამბლეა არის ძალიან მნიშვნელოვანი ტრიბუნა, ევროკავშირის (და არამხოლოდ) მასშტაბით პარლამენტის წევრები იქ არიან იმისათვის, რომ მოისმინონ ქვეყნის ლიდერის მთავარი გზავნილები. მიმაჩნია, რომ პრემიერ-მინისტრმა ეფექტურად ვერ გამოიყენა ეს დრო და გზავნილები, რომლებიც მან გააგზავნა არ იყო ისეთი ძლიერი, რომ დარჩენილიყო. ეს არ იყო ცუდი გამოსვლა, თუ შევადარებთ ყოფილ პრემიერ-მინისტრებს, მაგრამ ეს იყო სუსტი გამოსვლა. მისი გამოსვლა არ იყო ცუდი იქიდან გამომდინარე, რომ საკითხები, რომლებსაც პრემიერი შეეხო, მნიშვნელოვანია, თუმცა მისი გზავნილები არ იყო ისეთი ძლიერი, რომ დამაჯერებელი ყოფილიყო. მას ძთავადაც აკლდა დამაჯერებლობა და როდესაც რეფორმებზე საუბრობდა, ევროპელმა კანონმდებლებმა ვერ დაიჯერეს მისი. როდესაც დამთავრდა სიტყვით გამოსვლა, კითხვა-პასუხის რეჟიმში დასმული კრიტიკული კითხვები ეხებოდა მისი გამოსვლის სწორედ იმ ნაწილს, რომელშიც მან ამ ხელისუფლების როგორც წარმატებაზე ისე ისაუბრა.“ - განაცხადა „საქართველოს განვითარების ფონდის“ ერთ-ერთმა ლიდერმა, გიორგი რუხაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო “star fm”-ზე, აქტუალური თემის შეკითხვებს გიორგი რუხაძე პასუხობს.
"დღეს საქართველო ევროკავშირთან ასოცირებული ქვეყანაა, თუმცა ევროინტეგრაციის გზაზე მდგარი სახელმწიფოს მოქალაქეების დიდმა ნაწილმა ჯერ კიდევ არ იცის, ან არასრული წარმოდგენაა აქვს ევროკავშირზე და ევროპულ ღირებულებებზე, ინფორმაციის ნაკლებობა კი არასწორი შეხედულებებისა და სტერეოტიპების დამკვიდრებას უწყობს ხელს. ქართული არასამთავრობო ორგანიზაცია “კივიტას გეორგიკას” პროექტი ევროკავშირის შესახებ ცნობიერების ამაღლებასა და საქართველოს მოქალაქეების, უფრო კონკრეტულად კი ეთნიკური აზერბაიჯანელი და სომეხი მოსახლეობისთვის ევროკავშირის შესახებ ინფორმაციის ორიგინალური გზით მიწოდებას ისახავს მიზანს." - განაცხადა საერთაშორისო ასოციაცია "კივიტას გეორგიას" პრეზიდენტმა, გიორგი მესხიძემ, "სტარვიზიის" ეთერში. უყურეთ "სტარვიზიაზე" და უსმინეთ რადიო "star fm"-ზე, "აქტუალური თემის შეკითხვებს" გიორგი მესხიძე პასუხობს.
„2012 წელს შეიქმნა უდიდესი განცა, რომ მოხდებოდა რადიკალური ცვლილებები. ეს დაკავშირებული იყო ივანიშვილის მიერ გაცემულ დაპირებებთნ და მის გარშემო შექმნილ ლეგენდასთან. ხალხი დღეს თავს მოტყუებულად და გადაგდებულად გრძნობს. ყველაზე კარგი საზომი ინდიკატორი სიტუაციისა არის თავად საზოგადოება, რომელიც საკუთარ ჯიბეზე, საკუთარ მაცივარზე, საკუთარ სახლზე და მდგომარეობაზე კარგად გრძნობს, თუ რა სიტუაციაშია აღმოჩენილი. ხელისუფლებამ ხომ უნდა შეძლოს თუნდაც 3 საუკეთესო რამის დასახელება, რაც გააკეთა ამ დროის განმავლობაში, მაგრამ ის ვერ ასახელებს. მითუმეტეს, მეოთხე უნდა ყოფილიყო საუკეთესო წელი. საუკეთესო ის შეიძლება იყოს იმ ტიტასათვის, რომელმაც ზღვაზე გაცურა, თუმცა საუკეთესო ის საზოგადეობსითვის ნამდვილად არ აღმოჩნდა. თუ გავითვალისწინებთ იმას, რომ ხელისუფლბამ ვერანაირი დაპირება ვერ შეასრულა, ეს იმის წინაპირობაა, რომ საზოგადოება მათ ნდობას უკვე აღარ გამოუცხადებს“ - განაცხადა ლეიბორისტული პარტიის პოლიტიკურმა მდივანმა, გიორგი გუგავამ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე, აქტუალური თემის შეკითხვებს გიორგი გუგავა პასუხობს.
„ყველაზე მნიშვნელოვანი, რაც ამ NDI-ის კვლევის შედეგებმა აჩვენა, არის ის, რომ ხალხი უკმაყოფილოა ქვეყნაში არსებული ეკონომიკური ვითარებით. ისინი მიიჩვევენ, რომ მათ მდგომარეობაზე გავლენა იქონია ისეთმა ფატორებმა, როგორიცაა ლარის დევალვაცია, უმუშევრობა. ისინი მიიჩნევენ, რომ ვითარება არ უმჯობესდება. ეს კი მიუთითებს იმაზე, რომ ხალხი უკმაყოფილოა არჩეული ლიდერებით და ხელისუფლების მუშაობით...არჩეულ ხელისუფლებას და მოქალაქეებს, ძირიათადად, არა აქვთ მჭიდრო ურთოერთობა . საქართველოს მოქალაქეები ფირქრობენ, რომ ხელისუფლების მათ მიერ არჩეული წარმომადგენლები მიუწვდომლები არიან ხალხისთვის. რთულია მათთან კომინიკაცია... უმრავლესობამ არ იცის, ვის მისცემს ხმას. მათ არ განუსაზღვრავთ პოლიტიკური ძალების რეიტინგი ჯერ. და როდესაც ამომრჩევლის უმრავლეობას გადაწყვეტილება ჯერ არ აქვს მიღებული, ეს ნიშნავს, რომ პოლიტიკური ძალებისადმი მხარდაჭერა ძალიან დაბალია. ამ ფონზე საკმაოდ ძნელია რეალური შეფასება გააკეთო...საზოგადოება ელოდება ეკონომიკური პრობლემების გადაჭრის გონივრულ პოლიტიკას, მათ ურჩევნიათ კამათი იყოს ამ თემებზე და არა დაპირიპირება პირად, პერსონალურ, ან წარსულის საკითხებზე“ - განაცხადა NDI-ის საქართველოს ოფისის დირექტორმა, ლორა თორნტონმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე, აქტუალური თემის შეკითხვებს ლორა თორნტონი პასუხობს.
„NDI-ის კვლევის შედეგები საზოგადოების მიმდინარე განწყობას ასახავს და რამდენიც უნდა იძახონ სხვადასხვა პოლიტიკურმა მოთამაშეებმა, რომ ისინი არ ენდობიან ამ კვლევებს, მე დარწმუნებული ვარ, რომ მათი ნაწილი მაინც ამას ყურად იღებს. ვფიქრობ, რომ ერთი მხრივ, ხელისუფლებაც გააქტიურდება და შეეცდება, რომ რაღაც შესთავაზოს ამომრჩეველს, იმისათვის, რომ მისი რეიტინგი გაიზარდოს და მეორე მხრივ, სხვა პოლიტიკური პარტიებიც იმუშავებენ, რომ რაღაც ახალი შესთავაზონ ამომრჩეველს, ისაუბრონ ახალ პოლიტიკურ დღისწესრიგზე, რომელიც განასხვავებს მათ ხელისუფლებისგან... ფაქტია, რომ ხელისუფლების ცვლილების შემდეგ უფრო დიდი იყო მოლოდინი იმისა, რომ გაუმჯობესდებოდა მოსახლეობის სოციალურ-ეკონომიკური მდგომარეობა, კარდინალურად გაუმჯობესდებოდა ვითარება დემოკრატიულობისა და ადამიანის უფლებების კუთხით. მიუხედავად იმისა, რომ სამოქალაქო სექტორი ვცდილობთ, პოზიტივზეც გავაკეთოთ აქცენტი და ნეგატივზეც, ფაქტია, რომ ძალიან ბევრი პასუხგაუცემელი კითხვა დარჩა დღევანდელი ხელისუფლების პირობებში“ - განაცხადა სამოქალაქო განვითარების სააგენტოს ხელმძღვანელმა, ზვიად დევდარიანმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე, აქტუალური თემის შეკითხვებს ზვიად დევდარიანი პასუხობს.