სტარვიზია

გადაცემა - აქტუალური თემა კულტურა, კულტუს სიახლეებთან ერთად გადაცემაში გელით საინტერესო ინტერვიუ, რეკორდსმენ მუსიკოსთან - თამუნა ბაბილუასთან.

„საქართველომ, როგორც ნატოს პარტნიორმა და ევროპულმა ქვეყანამ, გამოთქვა სურვილი გახდეს ალიანსის წევრი. და ეს მთლიანად დამოკიდებულია თავად საქართველოზე, როგორც სუვერენული სახელმწიფოს ნებაზე. ალიანსი, თავისი ღია კარის პოლიტიკით, მხარ უჭერს ევროპულის სახლემწიფოების სურვილსა და ინტერესს, გახდნენ ნატოს წევრები.მონტენეგროს ნატოში გაწვერიანება ეს მაგალიათია საქართველოსთვის. ეს იმის დემოსნტირებას ახდენს, რომ ნატოს კარი ახლაც ღიაა. გაფართოვების პროცესი გრძლედება.“ - განაცხადა ნატოს სამეკავშირეო ოფისის ხელმძღვანელმა, უილიამ ლაჰიუმ „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm-ზე“, „აქტუალური თემის“ შეკითხვებს უილიამ ლაჰიუ პასუხობს.

„არჩევნებამდე დარჩენილია 6 თვე და მოსწრებადობის თვალსაზრისით, აბსოლუტურად მოსწრებადია, საკანონმდებლო ცვლილებები განხორციელდეს საარჩევნო გარემოს გაუმჯობესებასთან დაკავშირებით. საკანონმდებლო ცვლილებებში ვგულისხმობ არა მხოლოდ ორგანულ კანონში ცვლილების შეტანას, არამედ კონსტიტუციაშიც. თუ პოლიტიკური ნება იქნა და შეთანხმება მოხდა, რაც 15 აპრილამდე უნდა განხორციელდეს, მაშინ შესაძლებელია, რომ კონკრეტული უკვე ინიცრებული ცვლილებების საფუძველზე, აპრილის თვეში განხორციელდეს ორჯერადი განხილვა საქართველოს პარლამენტში. შემდეგ კი მოქმედი კანონმდებლობის თანახმად, 3 თვეში მესამე კენჭისყრაც მოხდეს და ოფიციალური საარჩევნო კამპანიის დაწყებამდე დამთავრდეს საკონსტიტუციო ცვლილებაც...კოალიციის დაშლამ კიდევ უფრო მეტად გახსნა სივრცე იმიტომ, რომ ცალკეული პარტიები, რომლებიც დამოუკიდებლად უნდა გავიდნენ, ან „ქართული ოცნების გარეშე“ სხვა ბლოკსა და ალიანსში უნდა გავიდნენ მომავალ არჩევნებზე, უფრო მეტად არიან დაინტერესებული, რომ გამოასწორონ ის ცუდი საარჩევნო გარემო. ისინი უკვე არიან, დაახლოებით, ჩვენს მდგომარეობაში. თუ ადრე კოალიციას აძლევდა ხელს ეს ცუდი გარემო, ახლა პარტია „ქართულ ოცნებას“ აძლევს უპირატესობას და ყველა დანარჩენისთვის ეს არის ცუდი. აქედან გამომდინარე, საარჩევნო გარემოს გაუმჯობესებასთან დაკავშირებით თანამოაზრეთა წრე გაიზარდა.“ - განაცხადა „ახალი მემარჯვენეების“ თავმჯდომარემ, მამუკა კაციტაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm-ზე“, „აქტუალური თემის“ შეკითხვებს მამუკა კაციტაძე პასუხობს.

„საარჩევნო რეჟიმის თვალსაზრისით სრულ გაუგებრობაში ვართ. პრეზიდენტის ამ გადაწყვეტილებამ რაღაც კაზუსური შექმნა, თუმცა სერიოზულ ტრაგედიას ამაში მე ვერ ვხედავ. ამით არსებითად არაფერი იცვლება. ოფიციალურად იქნება თუ არა ეს 7 თვე საარჩევნო კამპანიად გამოცხადებული, ამით, შეიძლება, გარკვეული ბარიერები ჰქონოდა თვითონ ხელისუფლებას, მაგრამ ამის გარეშეც მთელი სახელწმიფო ბიუჯეტი მათ ხელშია და ვხედავთ რაშიც ხარჯავენ. ისედაც ჩანს, რომ ეს ყველაფერი ხმარდება იმას, რომ მათ არჩევნები მოიგონ. ისინი არ არიან წელს ფოკუსირებული იმაზე, რომ რაიმე ნაბიჯები გადადგან, იმისათვის, რომ კონკრეტული პრობლემები მოგვარდეს ქვეყანაში. ამიტომ, თარიღის გამო შეზღუდვები ექნებოდათ თუ არა, ამით მნიშვნელოვნად არაფერი იცვლება, ჩემი აზრით. ისედაც, სახელმწიფო ბიუჯეტი, რაც წელს იხარჯება, ხმარდება ქართული ოცნების ერთგვარ პარტიულ მანქანას.“ - განაცხადა „ახალი პოლიტიკური ცენტრი გირჩის“ ლიდერმა, ზურაბ ჯაფარიძემ, სტარვიზიის ეთერში. უყურეთ „სტარვიზიაზე“ და უსმინეთ რადიო „star fm-ზე“, „აქტუალური თემის“ შეკითხვებს ზურაბ ჯაფარიძე პასუხობს.

დასრულდა რაგბი ევროპის ჩემპიონატი 2016. 50 ათასი ქომაგის წინაშე, ბორჯღალოსნებმა რუმინელ მუხებს უმასპინძლეს და პირველად ქართული რაგბის ისტორიაში რუმინეთი ბონუსით, 29 ქულიანი სხვაობით დაამარცხეს. ქართველთა წარმატების შესახებ ბორჯღალოსნების მწვრთნელს, ლევან მაისაშვილს თორნიკე ბუაჩიძე ესაუბრა.

„შეიძლება ითქვას, რომ პროცესები ვითარდება ნორმალური პოლიტიკური ლოგიკით. როდესაც ადამიანებს პრაქტიკულად არაფერი აერთიანებდათ, გარდა ნეგატიური ამოცანისა, მაშინ ეს დასაშვები იყო. რეჟიმი იყო დასამარცხებელი და მაშინ მსოფლხედველობრივ ერთიანობაზე არავინ არ ფიქრობდა, ამოცანა იყო ნეგატიური და ეს ყველაფერი მიმართული იყო რაღაცის წინააღმდეგ. თუმცა როდესაც უკვე ხელისუფლებაში მოდიხარ, რაღაცის წინააღმდეგ კი არ იბრძვი, არამედ რაღაც უნდა ააშენო, პოზიტივი მოიტანო. ეს ეკლექტური გაერთიანებები კი, როგორც წესი, არ არის ეფექტური პოზიტიური ამოცანების შესასრულებლად...მათ შორის წინააღმდეგობები შიგნით იხარშებოდა, წინასაარჩევნოდ სააშკარაოზე გამოვიდა და შემდგომ უკვე ყველაფერი სწორი პოლიტიკური ლოგიკით განვითარდა.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე „აქტუალური თემის“ შეკითხვებს გია ხუხაშვილი პასუხობს.

„ჩვენ, რა თქმა უნდა, გეგმა გვაქვს, რომ მოვიგოთ არჩევნები, რათა ქვეყანას მოვაცილოთ ის პრობლემა, რასაც ქვია ბიძინა ივანიშვილის მატყუარა, უტიფარი, უნიათო და საკმაოდ მავნებლური ხელისუფლება, რომელმაც ქვეყანა მთელი რიგი მიმართულებებით უკან დახია. როგორც ოპოზიციას, ჩვენი ოპონენტების ასეთი სისუსტე და არაკომპეტენტურობა სულ არ მახარებს...ანგელოზი და შეუმცდარო არავინ რომ არ არის ეს გასაგებია, მაგრამ საზოგადოებამ დაინახა, რომ ნაციონალურ მოძრაობასა და ბიძინა ივანიშვილის ფულის გარშემო შემოკრებილ გუნდს შორის ძალიან დიდი სხვაობაა ნაციონალური მოძრაობის სასარგებლოდ. უამრავი გაუკეთებელი საქმეა, რომლსაც ჩვენი ქვეყნის წინ წაწევა შეეძლო, რომ ამდენი უმუშევარი ადამიანი არ გვყოლოდა...როგორც ჩანს, ფული იყო მათი დუღაბი და ამანაც ვეღარ იმუშავა. ამიტომ დარწმუნებული ვარ, რომ ჩვენ გავიმარჯვებთ იმის მიუხედავად, ცალკე იქნება ქართული ოცნება თუ კოალიციის სხვა წევრებთან ერთად.“ - განაცხადა „ნაციონალური მოძრაობის“ ერთ-ერთმა ლიდერმა, ვიცე-სპიკერმა გიორგი ბარამიძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე „აქტუალური თემის“ შეკითხვებს გიორგი ბარამიძე პასუხობს.

„ეს არის ახალი პოლიტიკური რეალობა. უკვე დამთავრდა სპეკულაციები შიდა კოალიციურ ურთიერთობებზე. უამრავი ვერსია გვესმოდა, რაც დამაზარალებებლი იყო კოალიციური ერთობისთვის. ჩვენ ეს სპეკულაციები შევწყვიტეთ. დღეს უკვე ყველამ კარგად იცის და ცხადია, რომ ყველა პარტია, რომელიც შედის კოალიციაში, დამოუკიდებლად იღებს მონაწილეობას 2016 წლის საპარლამენტო არჩევნებში...ჩვენ წინასაარჩევნო კამპანია უნდა დავიწყოთ ცალკე, როგორც „რესპუბლიკურმა პარტიამ“ და ამომრჩეველს შევთავაზოთ, თუ რატომ უნდა მოგვცეს ხმა. ამავდროულად, გვყავდეს წარმომადგენელი ხელისუფლებაში, ვიყოთ უმრავლესობის წევრი როგორც პარლამენტში, ასევე ადგილობრივ საკრებულოებში... ჩვენ ვთქვით, რომ თანამდებობებს დავტოვებთ მხოლოდ მაშინ, როდესაც ამას ან თავად გადავწყვეტთ ან გადაწყვეტს პრემიერ-მინისტრი. ჩვენი მომავალი თანამშრომლობა დამოკიდებული იქნება იმაზე, თუ როგორი იქნება პრემიერ-მინისტრისა და მისი გუნდის სამომავლო ხედვა. მაგრამ თუ დღის წესრიგის ფორმირება გაგრძელდა გაუგებარი საჯარო განცხადებებით, რომელიც არაერთხელ მოგვისმენია თავისუფლად მოქმედი ინდივიდებისგან, ასეთ შემთხვევაში, რა თქმა უნდა, თანამშრომლობა ძნელი იქნება“ - განაცხადა „რესპუბლიკური პარტიის“ თავმჯდომარემ, ხათუნა სამნიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო „star fm“-ზე „აქტუალური თემის“ შეკითხვებს ხათუნა სამნიძე პასუხობს.

ჩამოვლენ თუ არა ცნობილი ვარსკვლავები საქართველოში, როგორი იქნება გაზაფხული-ზაფხულის სეზონი ქართული კულტურისთვის, რა არის სტრატეგიული დოკუმენტის მთავარი არსი და რას მიიჩნევს განვითარების მთავარ პრიორიტეტად კულტურის სამინისტრო - გადაცემაში - აქტუალური თემა კულტურა- ინტერვიუ კულტურისა და ძეგლთა დაცვის მინსტრ - მიხელ გიორგაძესთან.

"თუმცა ბრძოლა გრძელდება. მიხეილ სააკაშვილი ნამდვილად არ აპირებს ფარხმლის დაყრას. მე ვფიქრობ, რომ ჩვენებმა, შესაძლოა მალე თვითონ დატოვონ თანამდებობები, გადავიდნენ ოპოზიციაში, რათა შემდგომ ხელ-ფეხგახსნილები უფრო აქტიური ბრძოლით ჩაერთონ უკრაინულ პოლიტიკურ ცხოვრებაში... მთავარი პოლიტიკური ფიგურა იქ მიხეილ სააკაშვილი იქნება და მის გვერდით, ძირითადად, უკრაინელები იქნებიან. ისინი უკრაინულ პოლიტიკურ სარბიელზე შექმნიან ამინდს."- განაცხადა გიორგი ბარამიძემ ექსკლუზიურ ინტერვიუში სტრავიზიასთან. ინტერვიუს მთილიან ვერსიას უყურეთ სტარვიზიის ეთერში პარასკევს 21:30-ზე, გადაცემაში "აქტუალური თემა".

"რუსეთის პოლიტიკოსების რეაქცის განხილვა ბრიუსელის ტერაქტზე, მე მგონი, ზედმეტია, რადგან ეს არის ავადმყოფური რეაქცია, როცა შენ გიხარია, რომ სხვა ქვეყანაში ხდება ტერორისტული აქტები... ჩვენ არა მარტო არ უნდა შევაჩეროთ, არამედ უნდა გავაძლიეროთ ჩვენი თანამშრომლობა დასავლეთან, ეს იქნება სპეცსამსახურები, სამხედრო, ეკონომიკური თუ პოლიტიკური ურთიერთობა. იმიტომ, რომ ჩვენ ვართ ამ საერთო ბრძოლაში თანამონაწილეები, რადგან ევროპული ცივილიზაცია ჩვენი ცივილიზაციაცაა. ჩვენი საბოლოო მიზანი ევროკავშირსა და ნატოში შესვლის შესახებ არ უნდა იქნეს არავითარ შემთხვევაში გადახედილი“ - განაცხადა საქართველოს შეიარაღებული ძალების გენერალური შტაბის პოლკოვნიკმა ნიკოლოზ ჯანჯღავამ „სტარვიზიის“ ეთერში. უყურეთ სტარვიზიაზე და უსმინეთ „სტარეფემზე“, „ აქტუალური თემის შეკითხვებს ნიკოლოზ ჯანჯღავა პასუხობს.

აბსოლუტური აღმოფხვრა ტერორიზმის მსოფლიო ისტორიაში ჯერ არ ყოფილა, თუმცა მისი ფუნდამენტურად შემცირება შესაძლებელია სწორი სტრატეგიით. რაც ხდება სირიაში, რაც ხდება ერაყში დღეს, მხედველობაში მაქვს ისლამური სახელმწიფო, ეს არის ერთ-ერთი საწყისი სწორედ ამ ბოროტების. საჭიროა კომპლექსრუი ბრძოლა ამ ბოროტების კერებთან, სათავეებთან. დღეს განსაკუთრებული შეშფოთების საფუძველი საქართველოს არა აქვს, თუმცა საჭიროა უაფრთხოების სექტორის რეფორმა, თავდაცვის ინტიტუციური განმტკიცება, მისი ადეკვატური დაფინანსება და ევროატლანტიკური ინტეგრაციის სწრაფვა, ქვეყნის უსაფრთხოებისთვის ეს ძალიან მნიშვნელოვანია“ - განაცხადა ატლანტიკური საბჭოს თავმჯდომარემ დავით სიხარულიძემ „სტარვიზიის“ ეთერში. უყურეთ სტარვიზიაზე და უსმინეთ „star fm"-ზე, „ აქტუალური თემის შეკითხვებს დავით სიხარულიძე პასუხობს.

გადაცემაში აქტუალური თემა - კულტურა -პანტომიმის თეატრმა მიმების საერთაშორისო დღე აღნიშნა, მთავარი მიმი კი 77 წლის არი, გადაცემის დასკვნით ნაწილში ინტერვიუ პანტომიმის თეატრის დამფუძნებელთან - ამირან შალიკაშვილთან.. მოძრაობის თეატრში დაუნის სინდრომის დღესთან დაკავშირებით - სპექტაკლის ,,პატარა უფლისწულის“ ჩვენება გაიმართა, კინოთეატრ ,,ამირანში“ კი მხატვრულ-დოკუმენტური ფილმის -,,თამარი“ პრემიერა შედგა. ეს და სხვა საინტერესო სიახლეები კულტურის სფეროდან, გადაცემაში - აქტუალური თემა- კულტურა.

„Terrorist attack in Brussels was directed not only against Belgium, but against whole Europe and EU. I think that closer cooperation is needed between European countries, which are facing the threat of terrorism. We appreciate the activities of Georgian government and the efforts against global terrorism. There is the European Commission’s appeal to EU Council, EU Parliament and EU member states, Georgia to be entered in EU visa-free regime. This means that Georgia has fully complied with all its obligations - this is the position of the European Commission today,"- Said EU Ambassador Janos Herman in the interview with STARVISION. Watch STARVISION, listen to STAR FM and read on Newsday.ge. Interview with Janos Herman.

„ტერაქტი ბრიუსელში მიმართული იყო არა მხოლოდ ბელგიის წინააღმდეგ, ეს იყო შეტევა მთლიანად ევროკავშირზე...კიდევ უფრო მჭიდრო უნდა გახდეს თანამშრომლობა იმ ქვეყნებს შორის, რომლებიც ტერორიზმის საფრთხის წინაშე დგანან. ჩვენ ვაფასებთ საქართველოს ხელისუფლების საქმიანობას და იმ ძალისხმევას, რომელსაც ეწევა ტერორიზმის გლობალური საფრთხის წინააღმდეგ ბრძოლის მიმართულებით. დღეისათვის არსებობს ევროკომისიის მიმართვა ევროპის საბჭოს, ევროპარლამენტის და ევროკავშირის წევრი სახელწმიფოების მიმართ, რომ საქართველო შეიყვანონ ევროკავშირთან უვიზო რეჟიმის ქვეყნების სიაში. ეს გულისხმობს, რომ საქართველომ სრულად შეასრულა ყველა ვალდებულება - ასეთია დღეს ევროკომისიის პოზიცია.“ - განაცხადა ევროკავშირის ელჩმა იანოშ ჰერმანმა „სტარვიზიასთან“ ინტერვიუში. უყურეთ „სტარვიზიის“ ეთერში და უსმინეთ რადიო „star fm“-ზე, „აქტუალური თემის“ შეკითხვებს ევროკავშირის ელჩი პასუხობს.

ამ ჩანაწერების განხორციელების, წარმომავლობის და გავრცელების საკითხის შესწავლა საგამოძიებო ორგანოების პრეროგატივაა. ინტენსიურად ხორციელდება მუშაობა ერთი მხრივ, ქვეყნის შიგნით უწყებების კოორდინირებით და მეორე მხრივ, ქვეყნის გარეთაც სამართლებრივი დახმარების თვალსაზრისით. გამოძიების მთავარი გამოწვევაა, რომ ყველა კითხვას, რომელიც ამ საქმის გარშემო არსებობს, პასუხი გაეცეს. ეს კითხვები უკავშირდება ვის ხელში იყო ეს ჩანაწერები, როგორ და რა მიზნით მოხდა მათი გავრცელება - ეს ყველაფერი სწორედ საგამოძიებო უწყებებმა უნდა დაადგინონ.“ -განაცხადა პერსონალურ მონაცემთა დაცვის ინსპექტორმა, თამარ ქალდანმა, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს თამარ ქალდანი პასუხობს.

ცალსახად ეს არის მიმართული ყველასკენ და თითოეული ჩვენგანისკენ. ეს მიმართულია ჩვენი სახელმწიფოს იმიჯის, რეპუტაციის, ღირსების შესალახად და თითოეული მოქალაქის დასამცირებლად, დასაცინად და დასაკნინებლად. ისეთ კრიზისულ სიტუაციაში, როგორიც დღეს გვაქვს, წარმოუდგენლად მიმაჩნია, რომ ამ ფარული ჩანაწერების გავრცელება ხელისუფლების ინტერესებში შედიოდეს. ეს, შეიძლება, მხოლოდ ჩვენმა მტერმა გააკეთოს, რომელსაც სხვადასხვა მიზანი შესაძლოა ამოძრავებდეს. საუბარია ასევე რუსეთის ფაქტორზეც. ჩვენ გვყავს მტერი, ოკუპანტი არსებობს.“ - განაცხადა ჟურნალისტმა, თამარ ცაგარეიშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს თამარ ცაგარეიშვილი პასუხობს.

მზადება ოლიმპიადისთვის, მშვილდოსნობა საქართველოში, ინფრასტრუქტურა და სამომავლო გეგმები, - „აქტუალური თემა,- სპორტის“ შეკითხვებს, მშვილდოსნობის ფედერაციის პრეზიდენტი, მშვილდოსანი, რიოს ოლიმპიადის ლიცენზიანტი ხათუნა ნარიმანიძე და ასევე რიოს ოლიმპიადის მონაწილე ქრისტინე ესებუა პასუხობენ.

პარამკლავჭიდელების პროტესტისა და მოთხოვნების შესახებ ტიტულოვანმა პარამკლავჭიდელმა ბესიკ ლეკიაშვილმა გადაცემაში "აქტუალური თემა, - სპორტი" ისაუბრა.

ცვლილებები საფეხბურთო კლუბ საბურთალოში, ესპანელი სპეციალისტები ქართულ ფეხბურთში და სამომავლო გეგმები, - კლუბში მიმდინარე პროცესების შესახებ ჩვენთან "საბურთალოს" აღმასრულებელმა დირექტორმა კახა კაშიამ გადაცემაში "აქტუალური თემა, -სპორტი" ისაუბრა.

„დიდი პოლიტიკური და მცირე იურიდიული საფრთხის დასაძლევად, ევროსკეპტიკოსების საწინააღმდეგოდ, ჩავთვალეთ ძირითადი კანონის ნაწილად გვექცია ქალისა და მამაკაცის შეტანა ოჯახის დეფინიციაში და ამით ყველანაირი საფრთხე მოგვეხსნა. მიდგომა არის ძალიან მარტივი: ჩვენ ვეუბნებით - არას ერთსქესიანთა ქორწინებას, ხოლო დისკრიმინაციის ყველა ფორმის აღმოფხვრის კანონით ჩვენ ვეუბნებით - არას ძალადობას. ვფიქრობ, ამით დამყარდება ის სამართლებრივი ბალანსი, რაც იმ პოლიტიკურ ჯგუფებს, რომლებიც ამაზე სპეკულირებენ, გამოაცლის ნიადაგს.“ - განაცხადა საპარლამენტო უმრავლესობის დეპუტატმა, ზაქარია ქუცნაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს ზაქარია ქუცნაშვილი პასუხობს.

„უმრავლესობა მოგროვდება იმიტომ, რომ, ეს საკითხი აწუხებს ძალიან ბერვს, რაც მთავარია, ეს საკითხი აწუხებს საზოგადოების აბსოლუტურ უმრავლესობას. აქედან გამომდინარე, ბუნებრივია, დეპუტატი იმისთვის არის, რომ საზოგადოების მოთხოვნა დააკმაყოფილოს. მე არამგონია, რომ ახლა ამის დრო არ იყო. პირიქით, მე მიმაჩნია, რომ დავაგვიანეთ ჩვენ. ეს არაფერ შუაშია წინასაარჩევნო კამპანიასთან. თქვენ იცით, მსოფლიოში სხვა ქვეყნის მაგალითები, სადაც მხარს უჭერენ ან არ უჭერენ, სასწრაფოდ ხდება კონსტიტუციაში ამ პოზიციის დაფიქსირება.“ - განაცხადა საპარლამენტო უმრავლესობის დეპუტატმა, ზურაბ ტყემალაძემ, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს ზურაბ ტყემალაძე პასუხობს.

„მნიშვნელოვან გადაწყვეტილებებს „ქართული ოცნება“ და „რესპუბლიკური პარტია“ ერთად განხილვის შემდეგ მიიღებენ. ეს ჩემი აზრით არის ბუნებრივი, გამომდინარე იქიდან, რომ 35 წლის რესპუბლიკური პარტია არის ყველაზე გამოცდილი სუბიექტი ამ კოალიციის, ხოლო 3 წლის ქართული ოცნება - ყველაზე ღონიერი. მათი ტანდემი სიმშვიდის მომგვრელი უნდა იყოს უპირველეს ყოვლისა, სამომავლო პერსპექტივისთვის არა მხოლოდ ამ ორი სუბიექტის, არამედ იმ ძალებისთვისაც, ვისაც სიკეთე მოაქვს ჩვენი ქვეყნის პოლიტიკური სივრცისათვის. უკეთესი იქნება თუ საკუთარ შფოთს ამ ფაქტთან დაკავშირებით ისინი შეინახავენ საკუთარ მეხსიერებაში და შეეცდებიან გააგრძელონ აქტიური თანაბარუფლებიანი საქმიანობა იმ კოალიციის პირობებში, რომელიც ჩემი აზრით, უსათუოდ გადახალისდება - განაცხადა „დამოუკიდებელ ექსპერტთა კლუბის“ პრეზიდენტმა, სოსო ცისკარიშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს სოსო ცისკარიშვილი პასუხობს.

„მე მაქვს ჩემი წარმოდგენა, რა არის აუცილებელი სასამართლო ხელისუფლებისათვის დღესდღეობით და მყისიერად. პირველ რიგში, ეს არის ნდობის აღდგენა საზოგადეობასთან მიმართებაში. ის, რომ სასამართლო სისტემას ჰქონდა პრობლემები წარსულში, აისახება მოსახლეობის უნდობლობაზე სასამართლოს მიმართ. სინამდვილეში კი სასამართლო უნდა იყოს ის ორგანო, რომლის მსჯავრს, იმდენად რამდენადაც იქ არის განსაკუთრებით კომპეტენტური ხალხი, დამოუკიდებელი მიუკერძოებელი ადამიანები იზიარებენ ნებაყოფლობით და აღიარებენ მის უდიდეს ავტორიტეტს. ასეთი სასამართლო რომ ჩამოყალიბდეს, ჩვენ რაღაც ნაბიჯები უნდა გადავდგათ ნდობის აღდგენის მხრივ. ბოლო წლების განმავლობაში ნელ-ნელა სასამართლო სისტემა მაქსიმალურად დაიხურა. ყველაზე მთავარი კი დღეს არის ის, რომ სასამართლო ხელისუფლება მაქსიმალურად გავხსნათ მოსახლეობისთვის. ერთი ადამიანი, ჩემი სახით, ამ ყველაფრის შეცვლას ვერ შეძლებს, მაგრამ იმედი მაქვს, რომ ვიქნები იმ გუნდის ნაწილი, რომელიც შეძლებს ეს ახალი სულისკვეთება შეიტანოს ამ სისტემაში“ - განაცხადა თავდაცვის მინისტრის მოადგილემ, ანა დოლიძემ, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს ანა დოლიძე პასუხობს.

„რაც დღეს ხდება კოალიციაში, ეს არის ერთი შეხედვით ნორმალური მოვლენა, როდესაც პოლიტიკური კულტურის დეფიციტის პირობებში ერთი და იმავე გუნდის პოლიტიკოსები ერთმანეთს სახალხოდ ებრძვიან. ასეთი რამ მდიდარი პოლიტიკური კულტურის მქონე ქვეყნებში არ ხდება. იმის ნაცვლად რომ კულუარულად გაარჩიონ ერთმანეთში პრობლემატური ამბები, ეს ყველაფერი სააშკარაოზე გამოაქვთ. საბოლოო ჯამში, ის, რაც ხდება დღეს კოალიციის შიგნით, არის სამარცხვინო. ერთმა სუბიექტმა კარგად იცოდა, რომ არჩევნები, რბილად რომ ვთქვათ, არ ჯდებოდა მორალის ჩარჩოში, მეორე მხარემ კი ძალიან კარგად იცოდა, რომ პოლიტიკურ მორალს არღვევდა.“ - განაცხადა პოლიტოლოგმა, მამუკა არეშიძემ, „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს მამუკა არეშიძე პასუხობს.

აქტუალური თემა -კულტურა. გაიგეთ სიახლეები კულტურის სფეროდან. გადაცემის დასკვნითი ნაწილის - სტუმარია - ეროვნული კინოცენტრის დირექტორი, კინორეჟისორი - ნანა ჯანელიძე.

თემები: ✅ ''არა ძალადობას'' ✅ შსს აკადემია ✅ როგორ უნდა ვებრძოლოთ ძალადობას და რა ღონისძიებებს ანხორციელებს შინაგან საქმეთა სამინისტრო ძალადობის წინააღმდეგ? ✅ რა სასწავლო პროგრამები აქვს საქართველოს შინაგან საქმეთა სამინისტროს აკადემიას და რა პირობები არის შექმნილი აკადემიაში? სტუმრები: ✅ საქართველოს შინაგან საქმეთა სამინისტროს საერთაშორისო ურთიერთობების დეპარტამენტის პროექტების მართვის სამმართველოს უფროსი - ქალბატონი მაკა ფერაძე. ✅ საქართველოს შინაგან საქმეთა სამინისტროს აკადემიის რექტორი - ბატონი ნუკრი გელაშვილი. ამ და სხვა მნიშვნელოვანი თემებით უყურეთ ტელეკომპანია STARVISION-ზე და უსმინეთ რადიო STAR FM 93.9-ზე - ნოდარ თათვიძის საავტორო გადაცემა ''ახალგაზრდული აქცენტები'' - ეს თქვენი გადაცემაა!.. ✅

„აფსურდულია ის ბრალდებები, რაც ჩემს მიმართ გაჟღერდა. კანონის დარღვევით და ფორსირებულად მოხდა ჩემი გათავისუფლება. სამთვიანი დუმილი საგამოცდო ტესტებთან დაკავშირებით არის დანაშაული. როდესაც ამ საკითხზე მოკვლევას აწარმოებს იუსტიციის საბჭოს მდივანი, რომელიც არის იმავდროულად იმ საგამოცდო კომისიის თავმჯდომარე, სადაც, მოხდა დარღვევები, ეს არის საზოგადოების შეცდომაში შეყვანის მცდელობა,"- განაცხადა თბილისის საქალაქო სასამართლოს ყოფილმა თავმჯდომარემ მამუკა ახვლედიანმა „სტარვიზიის“ ეთერში“. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს მამუკა ახვლედიანი პასუხობს.

"კოალიციაში შემავალი პარტიები ძალაუფლებისთვის იბრძვიან არა ხალხისგან, რაც არის ძალაუფლების წყარო, არამედ იბრძვიან უკანა კარიდან, ვიღაცასთან. კოალიციაში დღეს გაერთიანებულია ხალხი, ვისაც სძულს ერთმანეთი. ამომრჩეველს დარჩება განცდა, რომ ეს ხალხი ერთმანეთს ვერ იტანს და როგორ მივცე ხმა. ისინი შეეცდებიან შექმნა ილუზია ფსევდო ერთიანობის, რაც ძალიან სუსტი სვლა იქნება. კოალიცია უნდა დაიშალოს და ყველა პოლიტიკურმა ძალამ დამოუკიდებლად მოიპოვოს ლეგიტიმაცია ხალხისგან. ვინც გაიმარჯვებს, ის შევა პარლამენტში. ეს იქნება ქვეყნისთვის უკეთესი, თუმცა როგორ განვიტთარდება მოვლენები, ძნელი სათქმელია,“ - განაცხადა პოლიტოლოგმა გია ხუხაშვილმა „სტარვიზიის“ ეთერში“. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს გია ხუხაშვილი პასუხობს.

"იუსტიციის უმაღლესმა საბჭომ დაარღვია კანონი და ამ კანონდარღვევას აქვს მიკერძოებული მართლმსაჯულების ელფერი. საბჭოს შეიძლება ჰქონდეს გარკვეული პრეტენზიები მამუკა ახვლედიანის მიმართ, მაგრამ ამას სჭირდება კანონმდებლობით დადგენილი წესით პროცესის წარმართვა. საბჭო, რომელიც კანონის მოთხოვნებს ასე უხეშად არღვევს, იმ არგუმენტით, რომ ახვლედიანი არასწორ მენეჯმენტს ატარებდა, თავს ვერ გაიმართლებს. არალეგიტიმური პროცესის შედეგად, ლეგიტიმურ შედეგს ვერ მივიღებთ,“ - განაცხადა „ახალგაზრდა იურისტთა თავმჯდომარემ „სტარვიზიის“ ეთერში“. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს ანა ნაცვლიშვილი პასუხობს.

„იუსტიციის უმაღლესი საბჭოს გადაწყვეტილება, ახვლედიანის გადაყენებაზე, იყო აბსოლუტურად კანონიერი. მოსამართლეები ამბობენ, რომ თვეების განმავლობაში არ უნახავთ თავმჯდომარე. ის ან მივლინებაში იყო, ან სამსახურში არ იმყოფებოდა. ეჭვს იწვევდა ის ცვლილებებიც, რომლებიც მამუკა ახვლედიანმა განახორციელა საბჭოს ნების საწინააღმდეგოდ,“ - განაცხადა იუსტიციის უმაღლესი საბჭოს მდივანმა ლევან მურუსიძემ „სტარვიზიის“ ეთერში“. უყურეთ „სტარვიზიაზე“ და უსმინეთ STAR FM-ზე, „აქტუალური თემის“ შეკითხვებს ლევან მურუსიძე პასუხობს.

თოჯინების თეატრი პრემიერისთვის ემზადება, ანსამბლმა ,,შავნაბადა“ ახალ პროექტზე მუშაობა დაიწყო,გადაცემაში აქტუალური თემა - კულტურა ნახეთ, ეს და სხვა საინტერესო სიახლეები კულტურის სფეროდან.. გადაცემა ეთერშია ყოველ ოთხშაბათს 21.30 სთ_ზე..

უკონტაქტო პატრული - გადაჭრის თუ არა შსს-ს მიერ დაგეგმილი საკანონმდებლო ცვლილებები მგზავრობასთან დაკავშირებულ პრობლემებს?- ამის შესახებ შინაგან საქმეთა მინისტრის მოადგილემ შალვა ხუციშვილმა "სტარვიზიის" ეთერში, გადაცემაში „აქტუალური თემა,“ ისაუბრა:

„უკონტაქტო პატრულის შემთხვევაში 100 შემთხვევიდან ნახევარი შეიძლება სადაო გახდეს. ვფიქრობ უნდა შევქმნათ ისეთი სისტემა, რომელიც გვეცოდინება, რომ ნამდვილად იმუშავებს. გამოცდებისა და მოდი ვსინჯოთ რა გამოვას დრო აღარ არის. რაც შეეხება ისეთ ადგილებს, სადაც ხშირად ხდება საგზაო შემთხვევები, ამის მიზეზი უმეტესად შუქნიშნების და საგზაო ნიშნების არასწორი დაგეგმარება და გზების მდგომარეობაა. ხშირ შემთხვევაში ადამიანი დაუცველია დანგრეული და გაფუჭებული გზის გამო. ეს ყველაფერი კომპლექსურად არის გადასაჭერელი,“ - განაცხადა „სენა ავტო ჯგუფის“ დამფუძნებელმა გია ალიხანაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ STAR FM-ზე, „აქტუალრუი თემის“ შეკითხვებს გია ალიხანაშვილი პასუხობს.

უკონტაქტო პატრული - გადაჭრის თუ არა შსს-ს მიერ დაგეგმილი საკანონმდებლო ცვლილებები მგზავრობასთან დაკავშირებულ პრობლემებს; ქმნის თუ არა ეს ცვლილება პირად ცხოვრებაში უკანონო ჩარევის საფრთხეს, - ამის შესახებ, „სტარვიზიის" ეთერში გადაცემაში „აქტუალური თემა,“ „საერთაშორისო გამჭვირვალობა-საქართველოს“ წევრმა თამარ ტატანაშვილმა ისაუბრა:

გადაჭრის თუ არა შსს-ს მიერ დაგეგმილი საკანონმდებლო ცვლილებები მგზავრობასთან დაკავშირებულ პრობლემებს;- „აქტუალური თემის“ კითხვებს საკრებულოს ფრაქცია გაერთიანებული დემოკრატების წევრმა, საქართველოს საავტომობილო ფედერაციის პრეზიდენტმა შალვა ოგბაიძემ უპასუხა:

აქტუალური თემა სტარვიზიაზე

როგორ ემზადება მსოფლიოსა და ევროპის 3 გზის ჩემპიონი რიოს ოლიმპიადისთვის, - ავთანდილ ჭრიკიშვილმა ოლიმპიური სამზადისისა და საკუთარი კარიერის შესახებ, "სტარვიზიის" ეთერში გადაცემაში "აქტუალური თემა, - სპორტი" ისაუბრა.

მზადება წლის ყველაზე მნიშვნელოვანი სპორტული მოვლენისთვის, რიოს ოლიმპიური თამაშების სამზადისის შესახებ, მძლეოსნებთან ბაჩანა ხორავასთან და დავით ხარაზიშვილთან ვისაუბრებთ, მძლეოსნობის განვითარება საქართველოში, სპორტის ამ სახეობის წარმატება და სამომავლო გეგმები,- ამ თემებზე მძლეოსნობის ფედერაციის პრეზიდენტი ალექსი ახვლედიანი გვესაუბრება. რამდენან ხელმისაწვდომაი ჩოგბურთი საქართველოში, ინფრასტრუქტურა და საერთაშორისო ტურნირები, - "აქტუალური თემა, - სპორტის" შეკითხვებს ჩოგბურთის ფედერაციის პრე

ძიუდოს ფედერაციის პრეზიდენტი, ზურაბ ზვიადაურისა და სპორტსმენების ბრალდებებს უარყობს, შექმნილ სიტუაციას პირად ინტერესებს უკავშირებს და ძიუდოისტებს ერთიანობისკენ მოუწოდებს. დავით ქევხიშვილის თქმით მას არ მიეცა საშუალება სპორტის კომიტეტში ძიუდოში არსებული პრობლემების შესახებ ესაუბრა. აღნიშნულ თემებთან დაკავშირებით, დავით ქევხიშვილმა „სტარვიზიის“ ეთერში გადაცემაში „აქტუალური თემა, - სპორტი“ ისაუბრა

მწვრთნელის როლი ფეხბურთში და კვალიფიციური კადრები საქართველოში, ამის შესახებ საქართველოში მწვრთნელთა განათლების კურსების ხელმძღვანელმა გაიოზ დარსაძემ "სტარვიზიის" ეთერში, გადაცემაში "აქტუალური თემა, - სპორტი" ისაუბრა.

ამ დროისთვის მოპოვებული ლიცენზიების შესაბამისად, რიოს ოლიმპიადაზე მძლეოსნობაში საქართველოს 2 სპორტსმენი წარადგენს, მარათონში დავით ხარაზიშვილი ჩაერთვება, სიგრძეზე ხტომაში გამარჯვებას კი ბაჩანა ხორავა შეეცდება. მძლეოსნებმა ოლიმპიური სამზადისის შესახებ, "სტარვიზიის" ეთერში, გადაცემაში "აქტუალური თემა, - სპორტი" ისაუბრეს.

„ყველას გვრჩება იმის შთაბეჭდილება და ტრადიციაც ამას აჩვენებს, რომ მედიაში მიმდინარე პროცესები უკავშირდება წინასაარჩევნო პერიოდს. ბუნებრივია, წინასაარჩევნოდ ამგვარი ტიპის მანევრები ყოველთვის აჩენს ეჭვს, რომ ეს არის დაკავშირებული ხელისუფლებასთან და განაცხადი იმის შესახებ, რომ საქართველოს სურს არჩვენები ჩაატაროს მშვიდობიან ვითარებაში, შეუძლებელი იქნება, თუ კი მედია არ იქნება თავისუფალი, თუ კი მედიას არ ექნება შესაძლებლობა მშვიდ ვითარებაში და თუნდაც, საკუთარი სარედაქციო პოლიტიკის მიზანშეწონილობიდან გამომდინარე იმუშაოს,“ - განაცხადა საქართველოს განვითარების ფონდის წევრმა დავით ჯანდიერმა „სტარვიზიის“ ეთერში, გადაცემაში "აქტუალური თემა". უყურეთ „სტარვიზიის“ ეთერში და უსმინეთ რადიო STAR FM-ზე, ყოველ პაასკევს 21 საათსა და 30 წუთზე.

როგორია ქვეყანაში წინასაარჩევნოდ პოლიტიკური და მედიაგარემო? ზღუდავს თუ არა ხელისუფლება ამა თუ იმ მედიის დამოუკიდებლობას? არჩევნების მოახლოებასთან ერთად, ცდილობს თუ არა ხელისუფლება მედიაზე საკუთარი გავლენის გაზრდას? - „აქტუალური თემის“ შეკითხვებს გადაცემა "20/30-ის" მთავარი პროდიუსერი ვასილ მაღლაფერიძე პასუხობს. "აქტუალური თემა" - უყურეთ „სტარვიზიის“ ეთერში და უსმინეთ რადიო STAR FM-ზე, ყოველ პარასკევს 21 საათსა და 30 წუთზე.

„უკანასეკნელი კვლევები გვაჩვენებს, რომ მარგველაშვილი არის ყველაზე რეიტინგული პოლიტკური ფიგურა და ეს არის „ქართული ოცნების“ დამსახურება. ეს არ არის გარკვეულწილად პრეზიდენტის დამსახურება, „ქართულმა ოცნებამ“ შექმნა რეიტინგული მარგველაშვილი,“ - განაცხადა „თავისუფალი დემოკრატების“ წევრმა დეპუტატმა გია ცაგარეიშილმა სტარვიზიის" ეთერში, გადაცემაში "აქტუალუღი თემა".

მედია ჯგუფ "სტარვიზიის" გენერალური პროდიუსერი ჩვენი მიღწევების შესახებ წინა წლის განმავლობაში და მომავალი წლის გეგმებზე, ყოველდღიურ ტოქ-შოუ "აქტუალურ თემაში". გვიყურეთ სტარვიზიის ეთერში და გვისმინეთ რადიო Star fm-ზე და წაიკითხეთ პორტალზე newday,ge.