რუსეთმა თავისას ვერ მიღწია. მუქარითა და საქართველოსთვის ტეროტორიის წართმევით და ის ფიქრობდა, რომ საქართველოს რუსეთის ორბიტისკენ მიაბრუნებდა, მაგრამ პირიქით მოხდა. საქართველო სულ უფრო და უფრო მიდის ევროკავშირისკენ და ნატოსკენ. თუ კი ვინმემ წააგო ამით, პირველ რიგში რუსეთმა.“ - განაცხადა შერიგებისა და სამოქალაქო თანასწორობის საკითებში ყოფილმა სახელმწიფო მინისტრმა პაატა ზაქარეიშვილმა „სტარვიზიის“ ეთერში.
შერიგებისა და სამოქალაქო თანასწორობის საკითებში ყოფილმა სახელმწიფო მინისტრმა პაატა ზაქარეიშვილმა „სტარვიზიის“ ეთერში განაცხადა, რომ აფხაზები და ოსები იმედგაცრუებულები არიან რუსეთისგან, რადგან მათ ვერ მიიღეს ის, რასაც მოელოდნენ და რომ რუსეთი მათ რეალურ დამოუკიდებლობას არასოდეს დაუშვებს. „აფხაზებმა და ისებმა ის ვერ მიიღეს, რასაც მოელოდნენ რუსეთისგან და საკუთარი დე-ფაქტო ხელისუფლებისგან. ისინი ხედავენ, რომ კორუფცია ყველაფერს ჭამს და ანადგურებს. ეს ჯერჯერობით რაიმე კონკრეტულ შანსს არ აძლევს საქართველოს, მაგრამ, მათ აქვთ ისეთი განცდა, რომ რუსეთმა ისინი მიატოვა და რომ ისინი რუსეთისთვის მნიშვნელოვანი არ არიან. იქ მცხოვრები ყოველი მეორე მოსახლე ნამყოფია თანამედროვე საქართველოში და ხედავენ როგორ ვითარდება საქართველო, როგორ ვითარდება დემოკრატია. ხედავენ, რომ საქართველო აშკარა ლიდერია პოსტსაბჭოთა სივრცეში.“