ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა უკრაინის დედაქალაქში გამართულ მსოფლიო ეკონომიკური ფორუმის-„სტრატეგიული დიალოგი უკრაინის მომავალზე" მუშაობაში მიიღო მონაწილეობა. ღონისძიების სტუმრებს სიტყვით მიმართა უკრაინის პრეზიდენტმა ვიქტორ იანუკოვიჩმა. ალექსი პეტრიაშვილი სიტყვით გამოვიდა ფორუმის სამუშაო სესიაზე.
სახელმწიფო მინისტრმა ფორუმის ფარგლებში შეხვედრა გამართა უკრაინის საგარეო საქმეთა მინისტრ ლეონიდ კოჟარასთან და ასევე, კიევ-მოგილევსკის აკადემიის ეროვნული უნივერსიტეტის სტუდენტებსაც შეხვდა.