სამინისტროებში საკადრო ცვლილებები ჯერ არ დასრულებულა, უახლოეს პერიოდში მინისტრებმა მათი მოადგილეების კანდიდატურები პრემიერ-მინისტრს უნდა წარუდგინონ. მოადგილეების ნაწილი თანამდებობებს ინარჩუნებს, ნაწილის ჩანაცვლება იგეგმება.

დავით ნარმანია: ,,მინისტრის პირველი მოადგილის თენგიზ შერგელაშვილის კანდიდატურა კვლავ წარვადგინე პრემიერ-მინისტრთან დასამტკიცებლად და ის უკვე დამტკიცებულია და დაინიშნა მინისტრის პირველ მოადგილედ, ხოლო მინისტრის მოადგილე შოთა მურღულია გახდა ქუთაისის მერის მოვალეობის შემსრულებელი, შესაბამისად მისი უფლებამონაცვლე მოადგილე ჯერჯერობით შერჩეული არ არის, მიმდინარეობს კონსულტაციები და უახლოესი დღეების განმავლობაში გავაკეთებთ შესაბამის წარდგინებას''.