დავით ნარმანია დღეს ქუთაისის მერის მოვალეობის შემსრულებელს და საკრებულოს თავმჯდომარეს შეხვდა. შეხვედრაზე ისაუბრეს ქალაქში დასრულებულ და მიმდინარე პროექტებზე. განიხილეს მომავალი წლის ინფრასტრუქტურული პრიორიტეტებიც.
„ცენტრალურ ხელისუფლებაში ყველა დაინტერსებულია, რაც შეიძლება მეტი გაკეთდეს ქუთაისისთვის. პრემიერის პირდაპირი დავალებაა, რომ მეტად მივხედოთ ამ ქალაქს. ყველა ინიციატივა, რაც თქვენგან წამოვა, იქნება განხილული და შესაძლებლობის ფარგლებში დაფინანსებული. ახლა ჩვენი მთავარი ამოცანაა, რაც შეიძლება დროულად დავაფინანსოთ მუნიციპალიტეტები, რათა ადრიან გაზაფხულზე გამოცხადდეს ტენდერები და დროულად დაიწყოს ინფრასტრუქტურული სამუშაოები“,–განაცხადა ნარმანიამ.