გიორგი კერვალიშვილი,ბესო (ბესარიონ)მიქავა,დავით ამაშუკელი.ახლოვდება საქართველოს რესპუბლიკის უახლოესი ისტორიისათვის ერთერთი შავბნელი დღე -- 22 დეკემბერი. 1991 წლის 22 დეკემბერს, ქართველი ერის დაუძინებელმა ინტერვენტმა მტრებმა, ქართველი მოღალატეების ხელშეწყობით, დაიწყო საყოველთაო, ანტიქართული, ანტისახელმწიფოებრივი ბრძოლა -- შეთქმულება დამოუკიდებელი საქართველოს ეროვნული ხელისუფლების, პრეზიდენტ ზვიად გამსახურდიას ლეგიტიმური ხელისუფლების წინააღმდეგ. ყველასათვის ცნობილია, თუ რა კატასტროფით დამთავრდა ჩვენი სახელმწიფოსა და ქართველი ერისათვის გეგმაზომიერი სამხედრო პუტჩი და შეთქმულება. მას შმდეგ, 22 წელია, რაც მიმდინარეობს შეგნებული გენოციდი ჩვენი მოსახლეობის წინააღმდეგ. შეთქმულების მოთავენი და მონაწილენი არათუ დასჯილან, არამედ გრძელდება უსამართლობის, უზნეობის ზეობა.
საქართველოს რესპუბლიკის პრეზიდენტის ზვიად გამსახურდიას ლეგიტიმური, კანონიერი, კონსტიტუციური ხელისუფლების -- უზენაესი საბჭოს აღდგენის ეროვნული კომიტეტი 2013 წლის 22 დეკემბერს, 13 საათზე, უზენაესი საბჭოს შენობის წინ, რუსთაველის გამზირზე გამართავს საპროტესტო აქციას, მოგიწოდებთ შემოგვიერთდეთ ყველას, ვისთვისაც ძვირფასია ეროვნული იდეალები და ჩვენი სამშობლოს მომავალი, რათა კიდევ ერთხელ ხმამაღლა ვამხილოთ ანტიქართული შეთქმულების მოთავენი და მონაწილენი. ეროვნული კომიტეტის პრეს--სამსახური