საქართველოს რეგიონული განვითარებისა და ინფრასტრუქტურის სამინისტრომ საჯარო ინფორმაციის გაცემის ანგარიში გამოაქვეყნა. ანგარიშში წარმოდგენილია საქართველოს რეგიონული განვითარებისა და ინფრასტრუქტურის სამინისტროს აპარატში 2012 წლის 10 დეკემბრიდან 2013 წლის 6 დეკემბრამდე, საქართველოს ზოგადი ადმინისტრაციული კოდექსით განსაზღვრული საჯარო ინფორმაციის მოთხოვნით შემოსული განცხადებებისა და მათზე რეაგირების შესახებ ინფორმაცია.
2012 წლის 10 დეკემბრიდან 2013 წლის 6 დეკემბრის ჩათვლით, საჯარო ინფორმაციის მოთხოვნით, საქართველოს რეგიონული განვითარებისა და ინფრასტრუქტურის სამინისტროს აპარატში სულ 86 განცხადება შემოვიდა.

უწყებამ ყველა მათგანზე მოახდინა რეაგირება და ამის შესახებ საჯარო ინფორმაციის გამომთხოვ პირებს წერილობითი ფორმით აცნობა.


საქართველოს რეგიონული განვითარებისა და ინფრასტრუქტურის სამინისტროს ახალი ვებ-გვერდი - www.mrdi.gov.ge დღეიდან ამოქმედდა.

ვებ-გვერდი სრულად ითვალისწინებს საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ საქართველოს მთავრობის დადგენილებით გათვალისწინებულ მოთხოვნებს. დადგენილების თანახმად, რომლითაც განსაზღვრულია საჯარო ინფორმაციის პროაქტიულად გამოქვეყნების სტანდარტი, საქართველოს რეგიონული განვითარებისა და ინფრასტრუქტურის სამინისტრო მუდმივ რეჟიმში, პროაქტიულად აახლებს საჯარო ინფორმაციის იმ ბაზას, რომელიც ყველა დაინტერესებული პირისთვის ღიაა და ხელმისაწვდომია უწყების ვებ-გვერდზე.