2014 წლის 20 იანვარს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი სლოვაკეთში სამუშაო ვიზიტის ფარგლებში რესპუბლიკის თავდაცვის მინისტრ მარტინ გლვაჩსა და სლოვაკეთის რესპუბლიკის ეროვნული საბჭოს საერთაშორისო ურთიერთობების კომიტეტის თავმჯდომარეს ფრანტიშეკ შებეის შეხვდა.
მხარეებმა საქართველოს ნატო-სა და ევროკავშირში ინტეგრაციის საკითხები განიხილეს. სახელმწიფო მინისტრმა ხაზი გაუსვა ევროკავშირთან ასოცირებისა და მისივე შემადგენელი თავისუფალი სავაჭრო სივრცის შესახებ შეთანხმებების ხელმოწერის ვადის გადმოწევასთან დაკავშირებით ევროპელი პარტნიორების მიერ მიღებული გადაწყვეტილების მნიშვნელობას.
სახელმწიფო მინისტრი ვიზიტის ფარგლებში სიტყვით გამოვიდა სლოვაკეთის ატლანტიკურ კომისიაში. შეხვედრას სლოვაკეთში აკრედიტებული დიპლომატიური კორპუსის, საერთაშორისო არასამთავრობო ორგანიზაციებისა და მედიის წარმომადგენლები ესწრებოდნენ.