მექსიკელი მოკრივე ოსკარ გონსალესისთვის თანამემამულე ხესუს გალისიასთან ჩხუბი საბედისწერო გამოდგა. ნახევრადსაშუალო წონაში კრივის მსოფლიო საბჭოს (WBC) ვერცხლის ქამრისთვის დაპირისპირებაში გონსალესი მეათე რაუნდში ნოკაუტით დამარცხდა. რა თქმა უნდა, ნოკაუტისა თუ ნოკდაუნის გარეშე კრივი წარმოუდგენელია, მაგრამ ისიც ფაქტია, რომ ბოლო წლებში მოკრივეთა შორის სიკვდილიანობის შემთხვევებიც ჩვეულებრივ მოლენად იქცა.
ერთ-ერთი ასეთი სამწუხარო მაგალითია 1 თებერვალს ფორო პოლანკოს (მექსიკა) რინგზე დატრიალებული ტრაგედია.
მექსიკური დაპირისპირებაში გალისიამ გონსალესი მეათე რაუნდში ნოკაუტში გაუშვა. გონსალესი გონზე მოუსვლელად ტვინის სიკვდილის დიაგნოზით უმალ საავადმყოფოში გადაიყვანეს.
მოგვიანებით მექსიკის საინფორმაციო საშუალებები გონსალესის სიკვდილს იუწყებოდნენ, მაგრამ მოკრივის მეუღლემ გავრცელებული ინფორმაცია უარყო. გონსალესის ცოლის თქმით, მოკრივის ტვინის ნაწილი კვლავაც მუშაობდა ამიტომაც აუცილებელი იყო მისი სიცოცხლის ხელოვნური უზრუნველყოფის აპარატზე მიერთება. ექიმების თქმით გონსალესის გადარჩენის შანსები ძალზე ცოტა იყო. ვარაუდი გამართლდა. გუშინ გვიან ღამით ტვინის უმოქმედობის გამო, რასაც თან დაერთო გულის შეტევა, მოკრივე სიცოცხლის ხელოვნური უზრუნველყოფის სისტემიდან გათიშეს.
23 წლის მოკრივეს მშობლირ ტეპიკში კრემაციას ჩაუტარებენ.