'კარგი გოგო' - ამ უჩვეულო სახელწოდების კვების ობიექტს აშშ-ში, ქალაქ პორტლენდში შეხვდებით. შეფ-მზარეულები ახალგაზრდა წყვილი - შონი და მაკენზი არიან, რომლებიც ქართული კერძებით უმასპინძლდებიან თანამემამულეებს და ქალაქის სტუმრებს.შონი და მაკენზი დაოჯახების შემდეგ, ორი წლის განმავლობაში საქართველოში ცხოვრობდნენ და ერთ-ერთი არასამთავრობო ორგანიზაციის წარმომადგენლობაში მუშაობდნენ. სწორედ აქ, სტუმართმოყვარე ქართულ ოჯახში გატარებულმა ორმა წელმა სრულიად შეცვალა მათი ცხოვრება. საქართველოზე შეყვარებულმა ცოლ-ქმარმა ორ წელიწადში ქართული სტუმართმოყვარეობის, ადგილობრივი სამზარეულოსა და სუფრის წეს-ჩვეულებების შესწავლაც მოასწრო.ხაჭაპური, ლობიანი, ხინკალი - ეს არასრული ჩამონათვალია ქართული სუფრის იმ ცნობილი კერძებისა, რომლებსაც 'კარგი გოგოს' სტუმარი დააგემოვნებს. ხინკალი შონის და მაკენზის საყვარელი კერძია და მათი კვების ობიექტის სტუმრებს შორის ერთ-ერთი ყველაზე პოპულარულიც - დღის მანძილზე მზარეულები 200-მდე წვნიან 'ხორციან ბურთულას' ამზადებენ.