საქართველოს პრეზიდენტმა გიორგი მარგველაშვილმა ოკუპირებულ ტერიტორიებთან შექმნილ ვითარებაზე რეაგირება საერთაშორისო თანამეგობრობას სთხოვა. დღეს მარგველაშვილი სოფელ ატოცში იმყოფებოდა, რომელიც საოკუპაციო რეჟიმმა მავთულხლართებით ორად გაყო. რუსმა სამხედროებმა სამუშაოები დღეს დილიდან განაახლეს.
პრეზიდენტი რეგიონული განვითარებისა და ინფრასტრუქტურის მინისტრ დავით ნარმანიასთან და უშიშროების საბჭოს მდივან ირინა იმერლიშვილთან ერთად შეხვდა ადგილობრივ მოსახლეობას და ესაუბრა არსებულ პრობლემებზე.
პრეზიდენტის განცხადებით, ქართული მხარის პასუხი იქნება დიპლომატიური და საქართველო შეეცდება რეგიონში განახორციელოს უამრავი ინფრასტრუქტურული პროექტი, რათა მოხდეს შერიგება ეთნიკურ ოსებსა და ქართველებს შორის.