დაავადებათა კონტროლისა და საზოგადოებრივი ჯანმრთელობის ეროვნული ცენტრი კიბოს კონტროლის სტრატეგიის შემუშავებაზე მუშაობს. ამ საკითხთან დაკავშირებით 19 მარტს სახელმწიფო და არასამთავრობო სექტორის წარმომადგენლებმა დარგის სპეციალისტებთან იმსჯელეს. ამ საკითხებზე უფრო დეტალურად ჩვენი სტუმარი ნანა მებონია გვესაუბრება: დაავადებათა კონტროლისა და საზოგადოებრივი ჯანმრთელობის ეროვნული ცენტრმა შეიმუშავა 5 წლიანი სამოქმედო გეგმა. ეს მუშაობა მიმდინარეობს გასული წლიდან და მასში მონაწილეობდნენ ამ დარგში მომუშავე ექსპერტები. გასული წლის ბოლოსთვის უკვე ჩამოყალიბდა გარკვეული სამუშაო ფორმა–ვერსია, რომელიც გაიგზავნა ჯანმრთელობის მსოფლიო ორგანიზაციაში, ასევე ჯანდაცვის სამინისტროში ექსპერტიზისათვის. საქართველოში ძალიან მაღალია ონკოლოგიური დაავადებებით გამოწვეული როგორც ავადობა ასავე სიკვდილიანობა. მამაკაცებში წამყვანი არის ფილტვის კიბო, თამბაქოს უკავშირდება ეს დაავადება. ხოლო ქალებში ჭარბობს სარძევე ჯირკვლის კიბო, შემდეგ საშვილოსნოს ყელის კიბო. როგორც ექსპერტები აფასებენ, 1მლნ 500 ათასი სიკვდილიანობის შემთხვევა უკავშირდება სწორედ თამბაქოს, ალკოჰოლის ჭარბ მოხმარებას 270 ათასამდე შემთხვევა.