განსაკუთრებით საშიში ინფექციების გამომწვევ მიზეზებსა და ბიოუსაფრთხოების ზომებზე რეგიონული კონფერენცია თბილისში გაიხსნა. 3 დღის განმავლობაში საზოგადოებრივი ჯანმრთელობის ქართველი და უცხოელი სპეციალისტები დაავადებათა დიაგნოსტიკის უახლეს მეთოდებზე იმსჯელებენ. განიხილება ბიოლოგიური უსაფრთხოების დარგში მსოფლიოს სხვადასხვა ქვეყნებში არსებული კანონმდებლობა. რიგით მეხუთე საერთაშორისო კონფერენციის სტუმრები ქართველ სპეციალისტებს თავიანთ რეკომენდაციებს გააცნობენ.