ჩვენ ისინი ვართ, რომელსაც რუსეთის მონობა არ გვინდა.
ჩვენ ისინი ვართ, რომელთაც საკუთარი სახლ-კარი, საკუთარი მიწა-წყალი დაგვატოვებინეს…
ჩვენ ისინი ვართ, რომლებიც ვეთაყვანებით გიორგი ანწუხელიძის გმირობას.
ჩვენ ისინი ვართ, რომლებსაც საქართველოს სიყვარული გვაერთიანებს.
და ამიტომ!
ჩვენ ყოველთვის იქ ვიქნებით, სადაც საჭიროა.
ჩვენ ყოველთვის დავიცავთ ქართულ ტრადიციებს და არასდროს დავივიწყებთ თუ ვისი გორისა ვართ.
ჩვენ არასდროს არ მივცემთ უფლებას რუსეთს რომ დაგვიმონოს.
და ამიტომ!
ჩვენ სიცოცხლეს დავთმობთ საქართველოს ერთიანობისთვის.
ჩვენ ვიბრძვით შიშველი ხელებით და ანთებული გულით. იმიტომ, რომ..
ჩვენი ბრძოლა სამართლიანია.
ჩვენ ბრძოლას ვიწყებთ.
და ჩვენი “მახვილი” ამ ბრძოლაში ჩვენს მიერ გაკეთებული დროშა იქნება, რომელსაც…
“თავისუფალი ზონა” ჰქვია.