მოსკოვის ერთ-ერთ ეზოში მომხდარი ჩხუბი თვითმხილველმა სახლის აივნიდან გადაიღო. ორმა მთვრალმა მამაკაცმა გაჩერებული ავტომობილიდან ახალგაზრდა მძღოლი გადმოათრია და ცემა დაუწყო. მსხვერპლმა თავის დაძვრენა და ავტომობილში ჩაკეტვა მოახერხა, მაგრამ მამაკაცებმა აგურით მინა გატეხეს და კვლავ განაგრძეს მისი ცემა. პოლიციამ ორივე მოძალადე დააკავა. როგორც pravda.ru იუწყება, ორივე მათგანი საქართველოს მოქალაქეა. დაკავებულები თავიანთ საქციელს სიმთვრალეს აბრალებენ. აღძრულია სისხლის სამართლის საქმე. ორი ჩხუბისთავის მსხვერპლი კი სერიოზულადაა დაშავებული და საავადმყოფოში წევს.