საქართველოს რეგიონული განვითარებისა და ინფრასტრუქტურის მინისტრმა, ელგუჯა ხოკრიშვილმა ქუთაისის შემოვლით გზაზე მიმდინარე სამუშაოები დაათვალიერა. ერთ-ერთი უმნიშვნელოვანესი ინფრასტრუქტურული პროექტი წარმატებით ხორციელდება.
მინისტრი იმყოფებიდა 800-მეტრიანი ხიდის მშენებლობაზე, რომელიც ნახშირღელედან კოპიტნარამდე გზას დააკავშირებს.
„ეს მნიშვნელოვანი პროექტია, ვაშენებთ ხიდს, რომლითაც ბევრი ადამიანი ისარგებლებს", - განაცხადა ელგუჯა ხოკრიშვილმა, - „მიმდინარე სამუშაოების პროგრესიდან გამომდინარე, ვფიქრობ, რომ ივლისის ბოლოს, ან აგვისტოს დასაწყისში ხიდი უკვე ექსპლუატაციაში შევა".
პროექტის მენეჯერის, სოეილ აბასის განცხადებით, სამუშოები დასრულების ფაზაშია, - „ჩვენ უკვე ვასრულებთ ამ სამუშაოებს. როგორც გათვალისწინებული გვაქვს, ხიდის მშენებლობა ივლისის ბოლოს უნდა დასრულდეს. მთავარია, ამინდებმა შეგვიწყოს ხელი".
ელგუჯა ხოკრიშვილი მშენებლობაზე საქართველოს საავტომობილო გზების დეპარტამენტის თავმჯდომარესთან, დავით შავლიაშვილთან ერთად იმყოფებოდა.