როგორ იქცევით მიწისძვრის დროს? თუ შენობაში ხართ, ცხადია, კისრისტეხით გარბიხართ გარეთ... მაგრამ ყველა ასეთი ' სუსტი' ნერვული სისტემის მქონე კი არ არის - ალბათ, წლებთან ერთად, ადამიანი ხვდება, რომ მიწისძვრის დროს ქუჩაშიც შეიძლება დაგეცეს მოზრდილი აგური, ამიტომ ყველაფერს ის სჯობია, სადაც ხარ, ღმერთის იმედად დარჩე და საფულეს მოუფრთხილდე. სწორედ ასე მოიქცა ერთ ბერძნულ სუპერმარკეტში მოხუცი ქალი - ბიძგები რომ დაიწყო, ხელჯოხიანი მოხუცი მიხვდა, რომ შორს ვერ გაასწრებდა, ამიტომ ხელჯოხი და საფულე ცალ ხელში ჩაბღუჯა, მეორეთი კი პირჯვრის წერა დაიწყო.