შესაძლებლობები შეუზღუდავია - კოლეჯ „სპექტრში“ ღონისძიება გაიმართა

საქართველოში, 2001 წლიდან ყოველი წლის 14 ივნისს, აღინიშნება შეზღუდული შესაძლებლობის მქონე პირთა უფლებების დაცვის დღე. სწორედ ამ დღეს იქნა მიღებული საქართველოს კანონი „შეზღუდული შესაძლებლობის მქონე პირთა სოციალური დაცვის“ შესახებ. მისი აღნიშვნის მიზანიაშეზღუდული შესაძლებლობის მქონე პირების საზოგადოებაში ინტეგრაციის ხელშეწყობა, მათი შესაძლებლობების წარმოჩენა და საზოგადოებაში დამკვიდრებული სტერეოტიპული წარმოდგენების დაძლევა.
ამასთან დაკავშირებით, პროფესიულ კოლეჯში „სპექტრი“ გაიმართა ღონისძიება „შესაძლებლობები შეუზღუდავია“. ღონისძიებაში მონაწილეობდნენ ანსამბლი „კვირია“, საქართველოს უსინათლოთა კავშირის პოეტები, კვარტეტი „ედელვაისი“ და გოგონათა და ვაჟთა ტრიო, ახალგაზრდა პოეტები, მომღერლები და მხატვრები.