გამოიწერეთ არხი
მანჩესტერ იუნაიტედმა" უკვე დაასრულა ბილბაოს "ატლეტიკის" ნახევარმცველის ანდერ ერერას ტრანსფერი.
თავად 24 წლის მოთამაშემ სენსაციურად გადაუხადა გამოსასყიდი თანხა ბასკურ გუნდს, რათა დაესრულებინა თავისი ტრანსფერი "მანჩესტერ იუნაიტედში", იტყობინება ბასკური გუნდის ტვიტერის ოფიციალური გვერდი.
ერერა დიდი ხნის მანძილზე გახლდათ "წითელი ეშმაკების" სატრანსფერო მიზანი, ჯერ კიდევ "იუნაიტედის" ყოფილი ბოსი დევიდ მოიესი ცდილობდა მის შეძენას გასულ ზაფხულს, მაგრამ საბოლოოდ ანდერი ბასკურ გუნდში დარჩა. ახლა კი 24 წლის ანდერი ლუი ვან გაალის პირველი შენაძენია "მანჩესტერ იუნაიტედის" მთავარი მწვრთნელის პოსტზე.
ოფიციალურ განცხადებაში ნათქვამია:"ბილბაოს ატლეტიკი მადლობას უხდის ერერას აქ გატარებული 3 წლისთვის და მომავალში ყველაფერ საუკეთესოს უსურვებს მას"
თავად ანდერმა განაცხადა:"მანჩესტერ იუნაიტედში გადასვლა ახდენილი ოცნებაა. მე ნათამაშები მაქვს "ოლდ ტრაფორდზე" ევროპის ლიგის ეგიდით და მინდა გითხრათ, რომ ეს ჩემი კარიერის ერთ-ერთი საუკეთესო მომენტი იყო. მე გადმოვედი აქ, რათა დავეხმარო გუნდს. აქ ოთხშაბათს ჩამოვედი, აღფრთოვანებული ვარ მანჩესტერში ცხოვრებით და მოუთმენლად ველი ჩემს პირველად მატჩს წითელ ფორმაში. ვერასოდეს დავივიწყებ "ატლეტიკში" გატარებულ პერიოდს, მინდა მადლობა ვუთხრა გულშემატკივრებს და შტაბს, რომლებიც მხარს მიჭერდნენ, ჩემს ყოფილ თანაგუნდელებს მომავალში ყველაფერს საუკეთესოს ვუსურვებ"