საფეხბურთო კლუბი საჩხერის "ჩიხურა" ევროპის ლიგის მომდევნო ეტაპზე ითამაშებს. ქართულმა გუნდმა მეორე რაუნდში თურქეთის "ბურსასპორი" დაამარცხა.

მიხეილ მესხის სახელობის სტადიონზე შეხვედრა, პირველი მატჩის მსგავსად, 0:0 დასრულდა. დამატებითი ტაიმების შემდეგ დანიშნული პენალტების სერია კი სოსო ფრუიძის გუნდმა 4:1 მოიგო და "ჩიხურამ" წყვილის ფავორიტი ევროტურნირის მიღმა დატოვა.

მესამე ეტაპზე საჩხერის "ჩიხურას" მეტოქე ბაქოს "ნეფთჩი" იქნება. პირველი მატჩი აზერბაიჯანის დედაქლაქში 31 ივლისს გაიმართება. განმეორებითი შეხვედრა კი თბილისში 7 აგვისტოს ჩატარდება.