23 წლის ქართველი კაპრალი გინესის რეკორდების წიგნში შევიდა. რეკორდი მან ერთერთი უიშვიათესი ფიზიკური ვარჯიშის - “ამპუტირებული აზიდვების” შესრულებით დაამყარა.
თემურ დადიანმა ერთი წუთის განმავლობაში 35 აზიდვა შეასრულა.

სამხედრო მოსამსახურე 2011 წლის 3 აგვისტოს ხელნაკეთ ნაღმზე აფეთქდა და ორივე ქვედა კიდური დაკარგა. ამის მიუხედავად, იგი აქტიურად აგრძელებს ვარჯიშს და სისტემატურად მონაწილეობს სპორტის სხვადასხვა სახეობის ტურნირებში. ამ რეკორდის დასამყარებლად თემურ დადიანი 2 წელი ემზადებოდა.