„მე მივემგზავრები რამდენიმე დღეში ბრიუსელში, სადაც მექნება ნატო-ს წევრი ქვეყნების ელჩებთან შეხვედრა, რათა უელსის სამიტზე საქართველომ მიიღოს მაქსიმალური პროგრესი. იქ იქნება ნატო-ს გენერალური მდივნის წარმომადგენლებთანაც, ნატო-ს შტაბ-ბინაში, ნატო-ს წევრი ქვეყნების ელჩებთან შეხვედრები. ამავე დროს, დაგეგმილია ძალიან მნიშვნელოვანი კომუნიკაციები უმაღლეს დონეზე საქართველოს პრემიერ-მინისტრის მხრიდან, ისევე როგორც, საქართველოს თავდაცვის სამინისტროსა და სხვა უწყებათა წარმომადგენლები მიიღებენ მონაწილეობას კონკრეტულ კონსულტაციებში, რათა საქართველომ მიიღოს მაქსიმალური შედეგი უელსის სამიტიდან.“ -განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა ტელეკომპანია „იმედის“ საინფორმაციო გამოშვება „ქრონიკის“ პირდაპირ ეთერში.