„განა საქართველოში არ არის სექსი?“ ასე მიმართა კაზანტიპის ფესტივალის განმუხურში ჩატარების მომხრეთა აქციაზე ადგილობრივმა მკვიდრმა ოდიკ ჭაფანჯემ.

ოდიკ ჭაფანძესთან ერთად ანაკლიაში 200-მდე მოქალაქემ გააპროტესტა საქართველოს საპატრიარქოს მიერ 14 აგვისტოს დაგეგმილი, ფესტივალ „კაზანტიპის“ წინააღმდეგ მიმართული საპროტესტო აქცია. ანაკლიელების და მოსაზღვრე სოფლის მოსახლეობის თქმით, ადგილობრივთა უმრავლესობა ფესტივალის გამართვის მომხრეა, რადგან ტურისტების განსაკუთრებით დიდ ნაკადს ელოდებიან.

„სესხი აიღო ხალხა სახლის გასარემონტებლად. ყველაფერი განვაახლეთ ამაში ფული დავხარჯეთ და კაზანტიპი, რო არ ჩატარდეს არ შეიძლება“, - უთხრა ჟურნალისტებს ანაკლიელმა ეკა გვილიამ.

საქართველოს საპატრიარქომ 3 აგვისტოს გაავრცელა განცხადება, რომ 14 აგვისტოს ახალგაზრდულ ფესტივალ „კაზანტიპის“ საწინააღმდეგო აქცია გაიმართება. არქიმანდრიტ ანთიმოზის განცხადებით, აქცია მშვიდობიანი იქნება და ეკლესია და მრევლი უკვე ემზადებიან მის ჩასატარებლად.

☛ ნახეთ ყველა ვიდეო - www.myvideo.ge/GDN

© Georgian Daily News - მედია ვიდეო პორტალი