დიდი ხნის განმავლობაში საკომუნიკაციო თანამგზავრების ძირითად ამოცანას შეტყობინების რეტრანსლაცია წარმოადგენდა. თანამგზავრები გამოიყენება ყოველთვის, როდესაც საჭიროა სიგნალის შორს, რამოდენიმე ასეულ კილომეტრზე მეტ მანძილზე გადაცემა. სიგნალის გადაცემის ეს მეთოდი უფრო ადვილი და ეკონომიკურად ხელსაყრელია, ვიდრე კაბელის გაყვანა. თანამგზავრი უზრუნველყოფს უფრო მაღალ გამტარიანობას და შეუძლია მეტი მანძილის დაფარვა, ვიდრე ერთ ანტენას. პრაქტიკულად, თანამგზავრი მოქმედებს, როგორც ძალიან მაღალი ანტენა, რომელიც განლაგებულია დედამიწის ზედაპირიდან 36 000 კილომეტრის მანძილზე. პირველი თანამგზავრები რადიო-სიგნალის უზარმაზარ რეფლექტორებს მოგვაგონებდა. მაგალითად, როდესაც ლონდონში მდებარე გადამცემებიდან გამოგზავნილი სიგნალი მოდიოდა, იგი გაივლიდა კოსმოსში და ისე ვრცელდებოდა, როგორც წრეები წყალზე, სუსტდებოდა მანძილის მატებასთან ერთად. 36 000 კილომეტრის სიმაღლიდან უკვე საკმაოდ სუსტი სიგნალი აირეკლებოდა ანტენის მიერ და დედამიწაზე ბრუნდებოდა. აქ მას მიმღები იჭერდა და ხდებოდა მისი გაძლიერებდა, ვიდრე კვლავ გაიგზავნებოდა თანამგზავრისკენ. მალე პასიური თანამგზავრული რეტრანსლატორების ადგილი აქტიურმა რეტრანსლატორებმა - ტრანსპონდერებმა დაიკავა. ყველა თანამედროვე თანამგზავრი აქტიურია, ესე იგი აღჭურვილია სიგნალის მიღების, დამუშავების, გაძლიერებისა და ტრანსლაციის ელექტროაპარატურით. თანამგზავრი იღებს სიგნალს, აძლიერებს მას და აგზავნის ქვევით. სიგნალი მთელ ამ გზას თავიდან ბოლომდე იმდენად სწრაფად გადის, რომ შესაძლებელი ხდება სატელეფონო მომსახურება და მოვლენათა განვითარების ადგილიდან ტრანსლირება მსოფლიოს ნებისმიერი წერტილიდან. რამდენადაც თანამგზავრი სიგნალის გაძლიერებას ახორციელებს, თქვენ შეგიძლიათ მიიღოთ მკვეთრი სიგნალი თანამგზავრული დაფარვის უზარმაზარი ზონის ნებისმიერ წერტილში. ამასთან, ზომა სახლის თანამგზავრულ ანტენებისა, რომლებიც ახდენენ სიგნალის მიღებასა და გაგზავნას, შეიძლება საგრძნობლად იქნას შემცირებული - იმდენად, რომ შესაძლო გახდეს თანამგზავრული ანტენის დამონტაჟება ჩვეულებრივ სახურავზე. სწორედ ეს გახლავთ უშუალო თანამგზავრული მაუწყებლობის სისტემა. www.ses.com