სექტემბერი 15, 2014
1 126
თბილისის 198-ე საჯარო სკოლაში ახალი სასწავლო წლის დაწყება ბავშვებს ზღაპრის გმირებმა მიულოცეს. ამ სკოლაში სპეციალური საგანმანათლებლო საჭიროების მქონე 169 მოსწავლე სწავლობს. შენობაში უზრუნველყოფილია ადაფტირებული ფიზიკური გარემო. ასევე, ხორციელდება დისტანციური სწავლების მეთოდი, რთული ფიზიოლოგიური მდგომარეობის ბავშვებისათვის, რომლებიც ინტერნეტის საშუალებით ერთვებიან სასწავლო პროცესში. წელს სკოლაში „აბა კლასი“ გაიხსნა აუტისტური სპექტრის მქონე მოზარდებისთვის, სადაც მოსწავლეებთან მუშაობა „აბას მეთოდით“ ხდება. ასევე, სკოლაში გაიხსნა თიხის სახელოსნო მაღალკლასელებისთვის. 198-ე სკოლაში წელს 14 პირველკლასელი მიიღეს.
მაჩვენე მეტი